Tag ایمرا نیوز

سری نگر(ویب ڈیسک) مقبوضہ کشمیر میں عوام اس وقت شدید صدمے کا شکار ہیں.پورے ملک میں سوگ کے بادل چھائے ہوئےہیں‌.بابائے حریت رہنما سید علی گیلانی 92 برس کی عمر میں انتقال کر گئے ہیں اوران کوحیدرپورہ جامع مسجد کے احاطے میں سپرد خاک کردیا گیا ہے جب کہ بھارت نے اس موقع پر بھی اپنی ہٹ دھرمی اپناتے ہوئے غیر اعلانیہ کرفیو نافذ کر دیا ہے.تفصیلات کے مطابق سید علی گیلانی کے 2 بیٹوں ڈاکٹر سید نعیم گیلانی اور سید نسیم گیلانی نے انہیں لحد میں اتارجبکہ بہت قریبی ساتھیوں کو جنازے میں شرکت کی اجازت دی گئی تھی ۔ سید علی گیلانی کی وفات کی‌خبر آنے کے بعد کشمیر میں موبائل فون اور براڈ بینڈ انٹرنیٹ کی سہولت بند کر دی گئیں ۔ سید عی گیلانی کے گھر کے اطراف سڑکوں کوبھی سیل کیا گیا ہے ۔

اسلام آباد (ویب ڈیسک)ملک بھر میں کورونا کی چوتھی لہر اپنی تباہی مچا رہی ہے.اس عالمی وبا کے باعث اموات میں اضافہ ہوتا جا رہا ہے.حکومت کی جانب سے سخت اقدامات اٹھائے جا رہے ہیں‌.اس حوالے سے نیشنل کمانڈ ایںڈ آپریشن سینٹر کے سربراہ اسد عمر نے عوام کو خبر دار کیا ہے کہ پاکستان میں بھارتی ڈیلٹاویرینٹ کا تیزی سے پھیلائو جاری ہے اورمریضوں کی تعداد کوویڈ کے آغاز سے بھی زیادہ ہے۔
تفصیلات کے مطابق اسد عمر نے ٹوئٹر پر بتایا ہے کہ بھارتی ڈیلٹاویرینٹ پاکستان میں بھی تیزی سے پھیل رہا ہے.انہوں نے عوام کو خبردار کیا ہے کہ اگر احتیاط نہ کی تو ہسپتالوں میں مریضوں کےداخل ہونے کےامکانات مزید بڑھ جائیں گے.انہوں نے عوام سے اپیل کی ہے برائے مہربانی ایس او پیز پر عمل کریں اور ویکسین ضرورلگائیں۔

اسلام آباد (ویب ڈیسک)14 اگست کو مینار پاکستان پر ٹک ٹاکر عائشہ اکرم کے ساتھ بدسلوکی کا واقعہ ہونے کے بعد پارکوں میں خواتین کی انٹری کے اوقات کار متعین کر دیے گئے ہیں.اس حوالے سے وفاقی وزیر برائے انسانی حقوق شیریں مزاری نے پنجاب حکومت پر شدید تنقید کی ہے.تفصیلات کے مطابق سینیٹر ولید اقبال
کی زیر صدارت سینیٹ کی انسانی حقوق کمیٹی کا اجلاس ہوا. جس میں اس واقعے کی پیش رفت کا جائزہ لیا گیا۔
اجلاس کے دوران وزارت انسانی حقوق نے اس واقعے کے حوالے سے رپورٹ پیش کی . وزیر انسانی حقوق شیریں مزاری نے معاملے کا نوٹس لیتے ہوئے ایف آئی آر کے درج کرنے کے بعد ملوث افراد کو گرفتار بھی کرایا.رپورٹ میں مزید بتایا کہ ٹک ٹاکر نے 6 افراد کی شناخت کی جنھیں گرفتار کر لیا گیا ہے اورتحقیقات کے لیے 4 خصوصی کمیٹیاں قائم بنائی گئی ہیں.اجلاس کے دوران شیریں مزاری نے پنجاب کے پارکوں میں عورتوں کی انٹری کے اوقات کار کومتعین کرنے کے حوالے سے اپنا موقف بیان کیا کہ عورتوں پر نہیں بلکہ سنگل افراد کے داخلے پر پابندی لگائی جائے۔ پارکوں میں عورتوں کے لیے ماحول کوبہتر بنایا جائے.

مبئی(ویب ڈیسک)بالی وڈ کی دنیا سے ایک افسوسناک خبر سامنے آئی ہے .مشہور و معروف شوبز ستارہ اچانک انتقال کر گیا جس کے بعد بالی وڈ انڈسٹری میں سوگ کا سماں ہے.تفصیلات کے مطابق بھارتی ٹی وی کے معروف اداکارسدھارتھ شُکلا اچانک دل کا دورہ پڑنے سے انتقال کر گئے. ان کی عمراس وقت صرف 40 برس تھی۔بھارتی میڈیا کے مطابق کوپر ہسپتال کی انتظامیہ کا کہنا ہے کہ سدھارتھ شکلا نے سونے سے قبل کچھ دوائیں کھائی تھیں جس کے بعد وہ دوبارہ اٹھ نہ سکے ۔ بعد ازاں ہسپتال انتظامیہ نے موت کی وجہ ہارٹ اٹیک بتائی۔ اداکار کی لاش کا پوسٹ مارٹم کرنے کے بعد انہیں گھر والوں کے حوالے کر دیا گیا.
سدھارتھ شکلا کے مداح اور چاہنے والوں سمیت بھارتی فلم انڈسٹری کے فنکار بھی اس وقت صدمے میں ہیں۔
سدھارتھ شکلا کو بگ باس 13 جیتنے کے بعد بے حد مقبولیت ملی تھی .اس کے علاوہ انہوں نے مقبول ترین ڈرامے ’’بالیکا ودھو‘‘، ’’دل سے دل تک‘‘ کیے.

گجرات(ویب ڈیسک)وزیراعظم عمران خان نے ایک اور منصوبے کا وعدہ پورا کر دیا ہے.پاکستان میں بڑھتے ٹریفک مسائل کے حل کے لیے وزیراعظم نے نئی موٹروے بنانے کا فیصلہ کیا.تفصیلات کے مطابق وزیراعظم عمران خا ن نے آج سیالکوٹ کھاریاں موٹروے بنانے کے لیے سنگ بنیادرکھ دیا ہے .اس موٹروے سے سیالکوٹ اور کھاریاں کے مسافروں کی آمدروفت میں آسانی ہو گی علاوہ ازیں سیالکوٹ کی صنعتوں میں تیارمصنوعات کی نقل و حرکت کو بھی آسان بنایا جائے گا.
وزیراعظم عمران خان نےسیلاکوٹ کھاریاں موٹروے منصوبے کی تقریب میں خطاب کیا.دورا ن خطاب ان کا کہنا تھا کہ گزشتہ ادوار میں بنائی گئی موٹرویز سے ملک کو زیادہ فائدہ نہیں ہوا۔ ان کا مزید کہنا تھا کہ یہ اہم منصو بہ ہے اور موٹروے اسی روٹ پر بننا چاہیے تھا، ریونیو حاصل کرنے کے لیے ہمیں یہ سوچنا ہے کہ اس موٹروے کو کیسے استعمال میں لایا جائے . وزیراعظم کا کہنا تھا کہ عید کے دنوں میں سوات موٹرے کے ذریعے 27 لاکھ گاڑیاں گئیں لہذٰا سیاحت کے شعبے کو فروغ دینے کے لیے موٹروے بہت ضروری ہے.
عمران خان نے کہا کہ ملک میں ترقی کی رفتار بڑھانے کے لیے صنعتوں کی ضرورت ہے ، ہم نے ہر قسم کی صنعتوں کے لیے جو چھوٹی ہوں یا بڑی آسانیاں پیدا کرنی ہیں.
علاوہ ازیں سکولوں ،سڑکوں اور دیگر ترقیاتی کاموں کے لیے فنڈز کا استعمال کی جاتا ہے،جب تک ملک کی آمدنی میں اضافہ نہیں ہوگا ہمارے قرضے اترنا مشکل ہیں .

رینگر (ویب ڈیسک)مقبوضہ کشمیر کے بابائے حریت سید علی گیلانی 92 سال کی عمر میں انتقال کر گئے. حریت رہنما سید علی گیلانی کو حیدرپورہ میں سپرد خاک کر دیا گیا۔تفصیلات کے مطابق سیدعلی گیلانی کی تدفین کا عمل صبح ساڑھے 4 بجے کیا گیا.کشمیر میڈیا سروس کا کہنا ہے کہ بھارتی فورسز نے سید علی گیلانی کی تدفین انتہائی سخت سیکیورٹی میں نا معلوم مقام پر تدفین کر دی جبکہ اہل خانہ مزار شہدا میں کرنا چاہتے تھے۔علاوہ ازیں صرف قریبی رشتے داروں کو ہی جنازے میں شرکت کی اجازت دی گئی۔ سید علی گیلانی29 ستمبر 1929 کو مقبوضہ کشمیر کے ضلع بارہ مولا میں پیدا ہوئے اور تعلیم حاصل کرنے کے لیے لاہور آئے اور مولانا مودودی کے حلقہ احباب میں شامل ہوئے. وہاں انہوں نے اردو اور فارسی تعلیم کے ساتھ ساتھ بطور رپورٹر کام بھی کیا۔
سیاست کے لیے سید علی گیلانی نے سرینگر کا رخ کیا ۔ پہلی بار کشمیر کا ایشو اٹھانے پر 13 ماہ قید رہے۔ سید علی گیلانی 3 بار مقبوضہ کشمیر کی ریاستی اسمبلی کے رکن بھی رہے۔1987 میں انہوں نے سیاست چھوڑی اورحریت کا راستہ اپنایا۔ 1992 میں آل پارٹیز حریت کانفرنس کی بنیاد رکھی ۔انہوں نےحریت پسند سرگرمیوں کی وجہ سے 12 سال سے زائد عرصہ قید و بند کی تکلیفیں برداشت کی.اس کے علاوہ سید علی گیلانی 30 کتابوں کے مصنف تھے جن میں ان کی سوانح حیات بھی شامل ہے.۔

اسلام آباد(ویب ڈیسک)مہنگائی سے تنگ آئی عوام کو حکومت ایک اور دھچکا دینے کو تیار .بے قابو ہوتی مہنگائی میں ایک بار پھر بجلی کی قیمتوں کے حوالے سے اہم خبر سامنے آئی ہے.تفصیلات کے مطابق نیشنل الیکٹرک پاور ریگولیٹری اتھارٹی (نیپرا) کی جانب سے بجلی کی قیمت میں ایک روپے 37 پیسے فی یونٹ کے اضافے کی سفارش کی گئی ہے۔
نیپرا ہیڈ کوارٹرز میں چیئرمین نیشنل الیکٹرک پاور ریگولیٹری اتھارٹی توصیف ایچ فاروقی کی زیر صدارت میں بجلی کی قیمت ایک روپے 46 پیسےفی یونٹ بڑھانے کی درخواست پر سماعت ہوئی۔سماعت میں چیئرمین نیپرا نے تمام پاور پلانٹس کو ہدایات جاری کی ہیں کہ جولائی اور اگست میں پاور یونٹس کو شیڈولڈ کو بند نہیں کیا جائے گا اس کے علاوہ نیو کلیئر پاور پلانٹس کے حکام نے بھی اس حوالے سے اپنی یقین دہانی کرا دی ہے لیکن بس باتیں ہوتی ہیں کوئی خاص کام نہیں ہو رہااور نا ہی ہمارے تحفظات دور کرنے کیلئے کوئی ٹھوس اقدامات اٹھائے جا رہے ہیں‌، بند پاور پلانٹس کے لئے بھی ایڈجسٹمنٹ مانگی گئی ہے، بند پاور پلانٹس کی ایڈجسٹمنٹ کو بھی تسلیم نہیں کیا جائے گا، ہمیں مطمئن کریں . دوران سماعت نیپرا حکام کا کہنا تھا کہ ایل این جی کی عالمی قیمت بڑھنے سے 9.6 ارب روپے کا اضافی بوجھ پڑا.
بجلی کی قیمتوں میں اضافے سےمتعلق نیپرا نے فیصلہ محفوظ کرتے ہوئے کہا کہ قیمتوں کو بڑھانے سے متعلق حتمی فیصلہ نیپرا اتھارٹی ہی کرے گی۔

واشنگٹن (ویب ڈیسک) افغانستان اور امریکا میں 20 سال سے جاری طویل جنگ کا بالآخرخاتمہ ہو گیا .طالبان کی جانب سے انخلاکی دی گئی ڈیڈ لائین سے پہلے ہی تمام امریکی فوجی افغانستان سے نکل لیے گئے ہیں .اس حوالے سےامریکی صدر جو بائیڈن نے افغانستان کے ساتھ جنگ کے خاتمے کا باضابطہ اعلان کردیا ہے۔
انہوں نے اس حوالے سے میڈیا کو بریفنگ دی جس میں ان کا کہنا تھا کہ افغانستان میں جن ارادوں سے داخل ہوئے تھے اس میں تو ایک دہائی قبل ہی کامیابی حاصل ہو گئی تھی لیکن پھر ایک اور عشرے تک ہم نے وہاں رکنے کا فیصلہ کیا. افغانستان میں رہتے ہوئے روز تقریباً 30 کروڑ ڈالر کا خرچ آتا تھا جس کے بعد وہاں سے نکلنے کا فیصلہ کیا . میں نے عوام سے افغان جنگ کے خاتمے کا وعدہ کیا تھا جو پورا کر دیا.
ان کا مزید کہنا تھا کہ اشرف غنی کےافغانستان سے بھاگ جانے کا امریکا کو بالکل اندازہ نہیں تھا ، افغانستان سے انخلا تاریخ کا سب سے بڑا انخلا تھا۔ دنیا کا کوئی بھی ملک اب تک ایسا آپریشن نہیں کر سکا۔ ایک لاکھ بیس ہزار سے بھی زیادہ افراد کو محفوظ طریقے سے نکالنے کا خطرناک مشن امریکی فوجی اور اہلکاروں نے بہترین طریقے سے انجام دیا ، نئی امریکی نسل کوجنگ میں نہیں جھونک سکتا،ہمیں مستقبل کی طرف دیکھنےکی ضرورت ہے، جس میں امریکا کا مفاد نہ ہو میں اس جنگ کو جاری رکھنے کا حامی نہیں . ہمیں اپنی غلطیوں سے سیکھ کر ایسے اہداف بنانیں ہوں گے جن کا حصول ممکن ہو.
جو بائیڈن کا مزید کہنا تھا کہ ہم طالبان کی باتوں پر نہیں عمل پر یقین کریں گے، اب امریکا اب بھی انسانی حقوق، خواتین وبچوں کے حقوق کے لیے ان کی مدد کی کوشش کرتا رہے گا.
امریکی صدر نے داعش کے حوالے سے کہا کہ داعش کےخلاف ہماری جنگ ختم نہیں ہوئی، کبھی انہیں معاف نہیں کریں گے اوردنیا کے ہر کونے میں ڈھونڈیں گے.

ممبئی (ویب ڈیسک)شوبز انڈسٹری میں آنے والی اداکارائیں ہر ممکن کوشش کرتی ہیں کہ جلد از جلد وہ مشہور ہو جائیں.اس کے لیے اداکارائیں کسی بھی حد تک جاتی ہیں .کئی شوبز ستاروں کو رات و رات مشہوری مل جاتی ہے جبکہ کچھ انتظار اور کوشش میں ہی رہتی ہیں .ایسی ہی ایک بالی وڈ اداکارہ راکھی ساونت ہے جو اپنی عجیب و غریب بیانات اور حرکات کی وجہ سے جانی جاتی ہیں.اسی حوالے سے راکھی ساونت کی ایک ویڈیو سامنے آئی ہے جس میں انہیں حجاب پہنے دیکھا جا سکتا ہے.
وہ حجاب پہن کر جم میں آئیں اور ان کی ویڈیو وائرل ہو گئی .راکھی ساونت جب حجاب پہن کر جم پہنچیں تو وہاں موجود میڈیا سے گفتگو کی اوراپنے حجاب پہننے کی وجہ بتائی.ان کا اس بارے میں کہنا تھا کہ یہ حجاب ان کی دوست نے تحفے میں دیا ہے جسے پہن کر وہ جم آئی ہوں۔ انہوں نے مزید کہا کہ جم کے کپڑوں کے اوپرعبایا پہن کر گھر سے نکلی ہوں۔یاد رہے کہ پچھلے روزبھی راکھی ساونت کی ممبئی میں حجاب اورعبایا پہن کر گھومنے کی ویڈیو سامنے آئی تھی .

کراچی (ویب ڈیسک)گرمی سےستائی عوام کے لیے محکمہ موسمیات کی جانب سے بڑی خوشخبری سامنے آئی ہے.ملک بھر میں مون سون کا آغاز ہو چکا ہے جس کے بعد مختلف علاقوں میں وقفے وقفے سے بارشوں کاسلسلہ جاری ہے.محکمہ موسمیات کی جانب سے تازہ ترین صورتحال کے مطابق 1 سے 3 ستمبر کے دوران کراچی سمیت پورے سندھ میں بارشوں کے سلسلہ متوقع ہے،ان دنوں کے دوران ہوائیں تیز رفتاری سے چلیں گی.تفصیلات کے مطابق محکمہ موسمیات نے 3 دنوں کے دوران بارشوں کی پیش گوئی کر دی ہے.سندھ بھر میں کل سے بارشیوں کا امکان ظاہر کیا گیا ہے.۔علاوہ ازیں مون سون ہوائیں 45 تا 50 کلو میٹر کی رفتار سے سندھ میں داخل ہوں گی ۔
کراچی کے حوالے سےمحکمہ موسمیات کے مطابق یکم تا 3 ستمبر کے دوران ہلکی اور درمیانے درجے کی بارش کا امکان ہے۔ اس دوران تھر پارکر، عمر کوٹ اور سانگھڑ سمیت دیگر اضلاع میں بھی بارش متوقع ہے.