Tag پیپلز پارٹی

اسلام آباد (ویب ڈیسک) پاکستان تحریک انصاف نے مسلم لیگ (ن) اور پیپلز پارٹی کے پارٹی فنڈنگ تک رسائی کیلئے الیکشن کمیشن کو درخواست دی تھی جسے منظور کر لیا گیا ہے.تفصیلات کے مطابق الیکشن کمیشن نے پاکستان تحریک انصاف کو مسلم لیگ (ن) اور پیپلز پارٹی کے پارٹی فنڈنگ ریکارڈ تک رسائی دے دی۔مسلم لیگ (ن) اور پیپلزپارٹی فارن فنڈنگ کیس پرالیکشن کمیشن میں سماعت ہوئی.جس کے بعد الیکشن کمیشن نے وزیر مملکت فرخ حبیب کی درخواست منظور کرتے ہوئے مسلم لیگ (ن) اور پیپلزپارٹی کے پارٹی فنڈنگ ریکارڈ تک رسائی دے دی۔
سماعت کے بعد فرخ حبیب کا کہنا تھا کہ آج الیکشن کمیشن میں (ن) لیگ اور پیپلز پارٹی کو شکست ہوئی ہے، (ن) لیگ کے 7 اور پیپلزپارٹی کے 12 ایسے اکاؤنٹس نکل آئے ہیں جو الیکشن کمیشن سے چھپائے گئے تھے.
انہوں نے مزید کہا کہ بلاول بھٹو زرداری اور مریم نواز کے جعلی اکاؤنٹس سامنے لائیں گے، یہ وہ لوگ ہیں جو التوا کے پیچھے چھپ جاتے تھے لیکن ہم انہیں اب بھاگنے نہیں دیں گے، مسلم لیگ (ن) اور پیپلز پارٹی کے ریکارڈ کا جائزہ لے کر الیکشن کمیشن کی اسکروٹنی کمیٹی کے سامنے رکھیں گے۔

کراچی(ایمرا نیوز آن لائن) منی لانڈرنگ کیس: خانانی اینڈ کالیا گروپ کے تمام ملزمان بری سندھ ہائیکورٹ نے منی لانڈرنگ کیس میں بینکنگ کورٹ کے فیصلے کے خلاف ایف آئی اے کی اپیل مسترد کرتے ہوئے خانانی اینڈ کالیا گروپ کے تمام ملزمان کو بری کردیا ہے۔سندھ ہائیکورٹ کے جسٹس محمد سلیم پر مشتمل سنگل بینچ نے بینکنگ کورٹ کے فیصلے کے خلاف ایف آئی اے کی اپیل پر سماعت کی۔

وفاقی تحقیقاتی ادارے (ایف آئی اے) کی جانب سے چوہدری وسیم ایڈووکیٹ پیش ہوئے، مجموعی طور پر 100 گواہان میں سے 42 نے ایف آئی اے کے خلاف گواہی دی جبکہ ایف اے کی طرف سے 58 گواہوں نے پیش ہونے سے انکار کر دیا۔خانانی اینڈ کالیا اور ایگزیکٹ کیس کی مزید تفتیش کیلئے ایف آئی ے کی ٹیم کراچی پہنچ گئی عدلت نے بینکنگ کورٹ کے تمام ملزمان کی بریت کا فیصلہ برقرار رکھا اور منی لانڈرنگ کیس میں نامزد خانانی اینڈ کالیا گروپ کے تمام ملزمان کو بری کردیا۔

بری ہونے والوں میں عبدالعزیز پولانی، الطاف خانانی، ذکیرہ جاوید قاسم، حنیف کالیا، مناف کالیا، جاوید خانانی اور عاطف پولانی شامل ہیں۔ان افراد پر 55 کروڑ روپے جعلی اکاؤنٹس کے ذریعے بیرون ملک منتقل کرنے کا الزام تھا۔واضح رہےکہ خانانی اینڈ کالیا منی ایکسچینج کے خلاف مقدمہ پیپلز پارٹی کے دور میں بنایا گیا تھا جبکہ مقدمے میں بری ہونے والے خانانی گروپ کے ایک ممبر جاوید خانانی 2016 میں عمارت سے گرکر جاں بحق ہوگئے۔

کراچی (ایمرا نیوز آن لائن) نقیب اللہ محسود قتل کیس کے مرکزی ملزم سابق ایس ایس پی راؤ انوار کا کہنا ہے کہ جان کو خطرہ ہے اس لیے کیس میں حاضری سے استثنیٰ دیا جائے۔راؤ انوار کی جانب سے دائر حاضری سے استثنیٰ کی درخواست پر سماعت سندھ ہائی کورٹ میں ہوئی۔دوران سماعت راؤ انوار نے مؤقف اختیار کیا کہ میری جان کو خطرہ ہے لہذا حاضری سے استثنی دیا جائے۔
نقیب قتل کیس: معطل ایس ایس پی راؤ انوار کو کراچی پہنچا دیا گیا عدالت نے کہا کہ راؤ انوار سے متعلق دیگر کیسز بھی زیر سماعت ہیں، تمام درخواستوں کو ایک ساتھ سنا جائے گا۔
عدالت نے آئندہ سماعت پر تمام فریقین کو حاضری یقینی بنانے کی ہدایت کرتے ہوئے سماعت 15 اکتوبر تک ملتوی کر دی۔

نقیب اللہ قتل کیس 13 جنوری کو ملیر کے علاقے شاہ لطیف ٹاؤن میں سابق ایس ایس پی ملیر راؤ انوار نے نوجوان نقیب اللہ محسود کو دیگر 3 افراد کے ہمراہ دہشت گرد قرار دے کر مقابلے میں مار دیا تھا۔بعدازاں 27 سالہ نوجوان نقیب محسود کے سوشل میڈیا اکاؤنٹ پر اس کی تصاویر اور فنکارانہ مصروفیات کے باعث سوشل میڈیا پر خوب لے دے ہوئی اور پاکستانی میڈیا نے بھی اسے ہاتھوں ہاتھ لیا۔

پیپلز پارٹی کے چیئرمین بلاول بھٹو زرداری نے اس معاملے پر آواز اٹھائی اور وزیر داخلہ سندھ کو انکوائری کا حکم دیا۔نقیب اللہ کے والد خان محمد نے واقعے کا مقدمہ درج کرایا تھا جس میں راؤ انوار کو نامزد کیا گیا تھا۔ پولیس کے اعلیٰ افسران پر مشتمل کمیٹی نے معاملے کی تحقیقات کرکے راؤ انوار کے پولیس مقابلے کو جعلی قرار دیاتھااور نقیب اللہ کو بے گناہ قرار دے کر پولیس افسر کی گرفتاری کی سفارش کی تھی۔

تحقیقاتی کمیٹی کی جانب سے ابتدائی رپورٹ میں راؤ انوار کو معطل کرنے کی سفارش کے بعد انہیں عہدے سے ہٹا کر نام ای سی ایل میں شامل کردیا گیا، جبکہ چیف جسٹس آف پاکستان کی جانب سے اس معاملے پر از خود نوٹس لیا گیا تھا۔ملزم راؤ انوار کچھ عرصے تک روپوش رہے تاہم 21 مارچ کو وہ اچانک سپریم کورٹ میں پیش ہوگئے جہاں عدالت نے انہیں گرفتار کرنے کا حکم دے دیا۔

اسلام آباد (میڈیا 92 نیوز آن لائن ) پاکستان پیپلزپارٹی کے چیئرمین بلاول بھٹو زرداری نے وزیراعظم کے واشنگٹن میں پاکستانی کمیونٹی سے خطاب کو آڑے ہاتھوں لے لیا۔

بلاول بھٹو زرداری نے اپنے رد عمل میں کہا کہ افسوس، وزیراعظم بیرون ملک میں پاکستان کی نمائندگی کرتے ہوئےکنٹینر سے نہیں اترے، عمران خان لیڈر نہیں ایک حکمران ہیں۔

انہوں نے کہا کہ پاکستان کو ایسے لیڈر کی ضرورت ہے جوصرف اپنی نہیں، تمام پاکستانیوں کی بات کرے، اگر حکومت اپوزیشن کا کردار ادا کرے گی اور اپوزیشن بھی اپوزیشن کا کردار ادا کرے گی تو ملک کون چلائے گا۔

کراچی (ایمرا نیوز آن لائن)بلاول بھٹو زرداری نے کہاہے کہ کٹھ پتلیوں کو سیاست سے فارغ کرنا ہے اور اب سلیکشن نہیں صاف ستھرے الیکشن کرانا ہوں گے،کٹھ پتلی وزیراعلی پنجاب صوبے کیلئے نہیں لڑیں گے تو ہم پنجاب کے حقوق چھین کررہیں گے،

پانی کی کمی ہے توسب کو ملکر برداشت کرنا پڑے گا۔صادق آباد میں ورکرز کنونشن سے خطاب کرتے ہوئے پیپلزپارٹی کے چیئرمین بلاول بھٹو زرداری کا کہنا تھا کہ کٹھ پتلیوں کو سیاست سے فارغ کرنا ہے کیوں کہ نہ صرف نوجوانوں کا معاشی قتل ہورہا ہے بلکہ صوبوں کا بھی معاشی قتل ہورہا ہے، سندھ میں بھی ڈاکا ڈالا گیا۔

بلاول بھٹو زرداری نے کہا کہ سب سے زیادہ نقصان پنجاب کا ہوا ہے اور سندھ کے ساتھ ناانصافی ہوتی ہے تو وزیراعلی حقوق کے لیے لڑتے ہیں لیکن پنجاب میں ایسا نہیں ہوتا کٹھ پتلی وزیراعلی پنجاب صوبے کے لیے نہیں لڑیں گے تو ہم پنجاب کے حقوق چھین کررہیں گے اور پانی کی کمی ہے توسب کو مل کر برداشت کرنا پڑے گا۔

چیئرمین پیپلزپارٹی نے کہا کہ ہم نے اپنی حکومت میں بدترین حالات میں بھی عام آدمی کے معاشی مسائل کاخیال رکھا لیکن اس حکومت کے عوام دشمن بجٹ میں غریب کے لیے تکلیف اور امیر کے لئے ریلیف ہے، آئی ایم ایف کے بجٹ میں امیروں کیلئے این آر او ہے،

عمران خان نے ایک کڑور نوکریوں کا وعدہ کیا اور ایک بھی نہیں دی، اب سلیکشن نہیں صاف ستھرے الیکشن کرانا ہوں گے۔

متحدہ اپوزیشن نے نیشنل پارٹی بلوچستان کےمرکزی نائب صدر سیینیٹر میر حاصل خان بزنجو کو چیئرمین سینیٹ کے عہدے کے لیے مشترکہ امیدوار نامزد کردیاہے۔ میر حاصل خان بزنجو کو پاکستانی سیاست میں اہم مقام حاصل ہے ۔ وہ کئی دہائیوں سے سیاسی میدان میں سرگرم عمل ہیں ۔

میر حاصل بزنجو نے انیس سو اٹھاون میں ضلع خضدار کی تحصیل نال میں بلوچستان کے سابق گورنر اور نامور قوم پرست سیاستدان میرغوث بخش خان بزنجو کے گھر میں آنکھ کھولی ۔1977ءمیں میٹرک کرنے کے بعد 1979ءمیں گورنمنٹ کالج کوئٹہ سے انٹر کیا ۔

80 ءکی دہائی میں کراچی چلے گئے جہاں جامعہ کراچی سے آنرز کرنے کے بعد فلسفے میں ماسٹرز کی سند حاصل کی۔ ستر کی دہائی میں بلوچ اسٹوڈنٹس آرگنائزیشن کے پلیٹ فارم سے سیاست کا آغاز کیا۔

میر حاصل خان بزنجو نے 1988ءمیں نیشنل پارٹی میں شمولیت اختیار کی اور نال سے انتخابات میں حصہ لیا ۔انیس سو نوے میں خضدار کے حلقے این اے دو سو پانچ سے ضمنی انتخاب میں رکن قومی اسمبلی منتخب ہوئے ۔

انیس سو ستانوے میں اسی حلقے سے عوام نے میر حاصل خان بزنجو کو دوبارہ قومی اسمبلی پہنچایا۔میر حاصل بزنجو دو ہزار نو میں نیشنل پارٹی کے ٹکٹ پر سینیٹر منتخب ہوئے ۔2013 میں بلوچستان میں نیشنل پارٹی اقتدار میں آئی اور حاصل بزنجو 2014 میں اس کے صدر بنے ۔

میر حاصل خان بزنجو دو ہزار پندرہ میں دوبارہ سینیٹر بنے،اسی لیے انہوں نے دو ہزار اٹھارہ کے انتخابات میں حصہ نہیں لیا ۔

میر حاصل بزنجو سینیٹ کی بزنس ایڈوائزی کمیٹی، قانون اور انصاف، آبی ذرائع، خزانہ، مجوزہ قانون سازی اور ایوی ایشن کی کمیٹیوں کے رکن بھی ہیں ۔

پرویز مشرف کے دور میں حکومت کے خلاف تقریر کرنے کی پاداش میں انہیں کچھ عرصہ قید بھی کاٹنا پڑی ۔

لاہور (میڈیا 92 نیوز آن لائن) گیلپ پاکستان کی جانب سے کرائے جانے والے حالیہ سروے میں اگرچہ اکثر پاکستانیوں نے حکومت کی کارکردگی پر عدم اطمینان کا اظہار کیا ہے لیکن پھر بھی اکثر لوگ تحریک انصاف کو ہی ووٹ دینا چاہتے ہیں۔

گیلپ کی جانب سے جون کے مہینے میں کرائے جانے والے سروے میں لوگوں سے یہ سوال پوچھا گیا کہ ’آئندہ جب کبھی انتخابات ہوں تو آپ کس پارٹی کے نمائندے کو ووٹ دیں گے۔‘ اس سوال کے جواب میں حکمران جماعت تحریک انصاف سب سے بڑی جماعت بن کر سامنے آئی اور اس کیلئے 31 فیصد لوگوں نے پسندیدگی کا اظہار کیا۔

یہاں یہ وضاحت بھی ضروری ہے کہ گیلپ کے عام انتخابات 2018 سے قبل کرائے گئے سروے میں 32 فیصد لوگوں نے پی ٹی آئی کیلئے پسندیدگی کا اظہار کیا تھا۔

سروے میں دوسرے نمبر پر مسلم لیگ ن رہی جسے 28 فیصد لوگوں نے ووٹ دینے کے عزم کا اظہار کیا۔ ن لیگ کیلئے عوام کی پسندیدگی میں اضافہ ہوا ہے کیونکہ الیکشن 2018 سے قبل صرف 24 فیصد لوگ ہی اسے ووٹ کرنا چاہتے تھے لیکن اب اس کے ووٹ بینک میں 4 فیصد اضافہ ہوگیا ہے۔

گیلپ سروے میں پیپلز پارٹی کو 15 فیصد ، آزاد امیدواروں کو 6 فیصد ، متحدہ مجلس عمل کو 5 فیصد اور دیگر سیاسی جماعتوں کو 15 فیصد لوگوں نے ووٹ دینے کا کہا۔

اسلام آباد (میڈیا 92 نیوز آن لائن ) جمعیت علمائے اسلام (ف) کے سربراہ مولانا فضل الرحمان کا کہنا ہے کہ مسلم لیگ اور پیپلز پارٹی کو قومی احتساب بیورو (نیب) کو ختم کرنے کا کہا تھا لیکن انہوں نے ایسا نہیں کیا اور آج دونوں جماعتیں بھگت رہی ہیں۔

جیو نیوز کے پروگرام ’کیپیٹل ٹاک‘ میں گفتگو کرتے ہوئے مولانا فضل الرحمان کا کہنا تھا کہ نیب ڈمی ادارہ ہے جو مشرف کے وقت سے استعمال ہو رہا ہے، مسلم لیگ (ن) اور پیپلز پارٹی کو کہا تھا کہ نیب کو ختم کرو لیکن انہوں نے ایسا نہیں کیا اور آج دونوں جماعتیں بھگت رہی ہیں۔

انہوں نے کہا کہ آل پارٹیز کانفرنس میں تمام جماعتوں کا ایک پلیٹ فارم پر جمع ہونا قوم کے لیے بڑی خبر ہے جس میں تمام فیصلے متفقہ ہوئے۔

ان کا کہنا ہے کہ اے پی سی میں چیئرمین سینیٹ کی تبدیلی پر سب کا اتفاق تھا، یقین ہے کہ ن لیگ اور پیپلز پارٹی کی نظر ہو گی کہ چیئرمین سینیٹ کو کیسے تبدیل کیا جائے، عدم اعتماد کی تحریک کے لیے ارکان کو منظم کرنا ہو گا۔

اپوزیشن کی رہبر کمیٹی کے حوالے سے مولانا فضل الرحمان کا کہنا تھا کہ کمیٹی کے ارکان مکمل ہو گئے ہیں، ن لیگ کی رائے ہے کہ اے پی سی کی سربراہی کرنے والا ہی رہبر کمیٹی کی سربراہی کرے لیکن اگر یوسف رضا گیلانی سربراہی کریں تو مجھے اعتراض نہیں ہے۔

ایک سوال کے جواب میں سربراہ جے یو آئی (ف) کا کہنا تھا کہ 25 جولائی 2018 کے بعد ایک ہفتے میں اپوزیشن نے اتفاق کیا کہ الیکشن میں بد ترین دھاندلی ہوئی ہے۔

انہوں نے کہا کہ حکومت نے آئی ایم ایف کا آدمی اسٹیٹ بینک میں بٹھا دیا، حکومت نے باہر کا آدمی ایف بی آر میں بٹھا دیا، ملک کے حالات ایسے ہیں کہ نواز شریف جیسے آدمی کے لیے بھی ملک کی معیشت کو ٹھیک کرنا مشکل ہو گا۔

رانا ثناء اللہ کی گرفتاری سے متعلق ان کا کہنا ہے کہ گرفتاریوں سے تحریکیں ختم نہیں ہوتیں بلکہ انہیں جلا ملتی ہے، رانا ثناء اللہ کو گرفتار کر کے ڈراما رچایا گیا ہے، جسے علم ہو کہ اسے گرفتار کیا جانا ہے تو کیا وہ اس طرح کرے گا؟

مولانا فضل الرحمان کے مطابق الزامات سے کوئی ڈاکو چور نہیں بنتا بلکہ چور ڈاکو عدالت سے ثابت ہوتا ہے۔

مولانا فضل الرحمان کی چیئرمین نیب سے ملاقات کی تصدیق
مولانا فضل الرحمان نے چیئرمین نیب سے ملاقات کی تصدیق کرتے ہوئے کہا کہ وہ میرے پاس آئے اور کہا میرا بہت احترام کرتے ہیں۔

انہوں نے بتایا کہ چیئرمین نیب مجھے ملنے آئے تو میں نے انہیں نہیں پہچانا، میں نے انہیں وہی احترام دیا جو ملنے آئے شخص کو دیا جاتا ہے لیکن بعد میں مجھے بتایا گیا کہ جو آپ سے ملنے آئے وہ چیئرمین نیب تھے جس پر میں نے ان لوگوں سے کہا مجھے بتانا تو چاہیے تھا کہ یہ چیئرمین نیب تھے۔

اسلام آباد: وزیراعظم عمران خان نے کہا ہےکہ منی لانڈرنگ اور کرپشن میں ملوث ارکان اسمبلی کے پروڈکشن آرڈر جاری نہیں ہونے چاہیے۔

وزیراعظم عمران خان کی زیرصدارت وفاقی کابینہ کا اجلاس ہوا جس میں وزیراعظم نے اراکین پارلیمنٹ کے پروڈکشن آرڈر سے متعلق قوانین میں ترمیم کی ہدایت کردی۔

ذرائع کے مطابق کابینہ اجلاس میں وزیراعظم نے کہا کہ منی لانڈرنگ اور کرپشن میں ملوث ارکان کے پروڈکشن آرڈرجاری نہیں ہونے چاہیے، اس طرح کے قیدیوں کو جیل میں سیاسی قیدی کا درجہ نہیں ملنا چاہیے۔

وزیراعظم نے اراکین پارلیمنٹ کے پروڈکشن آرڈر کا معاملہ وزارت قانون کے سپرد کردیا۔

واضح رہے کہ پیپلزپارٹی کے صدر آصف علی زرداری کی جعلی اکاؤنٹس کیس میں گرفتاری کے بعد پیپلزپارٹی نے اسپیکر قومی اسمبلی سے ان کے پروڈکشن آرڈر جاری کرنے کا مطالبہ کیا تاہم حکومتی ارکان کی جانب سے پروڈکشن آرڈر کے اجرا پر تحفظات کا اظہار کیا گیا۔

وزیراعظم عمران خان نے بھی بجٹ سیشن میں اظہار خیال کے دوران کہا کہ منی لانڈرنگ اور کرپشن کے الزام میں گرفتار افراد کے پروڈکشن آرڈر جاری نہیں ہونی چاہئیں اور انہیں پارلیمنٹ میں آکر بات کرنے کا بھی موقع نہیں ملنا چاہیے۔