Tag ڈالر

لاہور (ویب ڈیسک)اسٹیٹ بینک آف پاکستان کی جانب سے درآمدی ڈالر ادائیگیوں کی نگرانی پر سختی بڑھا دی گئی ہے.مرکزی بینک کی طرف سے کمرشل بینکوں کو احکامات جاری ہوئےہیں کہ جس میں 5 لاکھ ڈالر سے زائد درآمدی ادائیگی کی تفصیلات اسٹیٹ بینک کو جمع کروانی ہوں گی۔اس سے قبل کمرشل بینک 10 لاکھ ڈالر یا اس سے زائد مالیت کی درآمدی ادائیگی کی تفصیلات مرکزی بینک کو جمع کروانا ضروری تھا۔اس کے علاوہ مرکزی بینک نے بینکوں کو 5 روز میں کی جانے والی درآمدی ادائیگیوں کی تفصیلات جمع کروانے کے بھی احکامات جاری کئے ہیں ۔

لاہور (ویب ڈیسک)اسٹیٹ بینک آف پاکستان کی جانب سے آئندہ 2 ماہ کے لیے مانیٹری پالیسی کا اعلان کردیا گیا ہے۔تفصیلات کے مطابق اسٹیٹ بینک نے شرح سود میں اضافہ کرتے ہوئے شرح سود 25 بیسز پوائنٹس بڑھا کر اگلے دو ماہ کے لیے 7.25 فیصد کردی ہے۔اسٹیٹ بینک نے تفصیلات کی وضاحت کرتے ہوئے کہا ہے کہ مانیٹری پالیسی کمیٹی نےنوٹ کیا کہ معاشی بحالی کی رفتار توقع سے زیادہ بڑھی ہے اور اجناس کی عالمی قیمتیں اور درآمدات بڑھنے سے کرنٹ اکاؤنٹ خسارہ بڑھ رہا ہے۔
اس کے علاوہ جون سے سال در سال مہنگائی کم ہوئی ہے،کرنٹ اکاؤنٹ خسارے میں ردوبدل کا بوجھ روپے کی قدر پر پڑا ہے،رواں مالی سال نمو 4 تا 5 فیصد پیش گوئی کی بالائی حد میں رہنے کا امکان ہے۔

کراچی(ویب ڈیسک)امریکی ڈالرکی اونچے اڑان کو ایک زور دار جھٹکا لگ گیا.انٹربینک مارکیٹ میں پاکستانی روپے کے مقابلے ڈالرمیں ایک روپے 41 پیسے کی کمی آئی ہے۔ امریکی ڈالر1.41 روپے کی کمی کے بعد انٹربینک میں ڈالر 167روپے70 پیسے پر فروخت ہوا. سنگل سیشن میں ڈالر 0.8 فیصد گراوٹ کا شکار رہا ہے۔ دوسری طرف اوپن مارکیٹ میں ڈالر ڈیڑھ روپے سستا ہو کر 169 روپے پر ٹریڈ ہوا۔خیال رہے کہ گذشتہ روز ڈالر کی قیمت میں مسلسل اضافہ دیکھنے میں آیا تھا اور 18 پیسے کی بڑھوتری کے بعد 168 روپے 94 پیسے سے بڑھ کر ڈالر 169 روپے 12 پیسے پررکا تھا۔

اسلام آباد (ویب ڈیسک)روپے کے مقابلے میں ڈالر کی قدر میں اضافے کا سلسلہ جاری ہے.تفصیلات کے مطابق انٹر بینک مارکیٹ میں ڈالر 169 روپے 60 پیسے کی ریکارڈ سطح پر پہنچ گیاہے۔ کرنسی ڈیلرز نے اس حوالے سے خدشہ ظاہر کیا ہےکہ اگراسٹیٹ بینک آف پاکستان نے اقدامات نہ اٹھائے تو ڈالر مزید مہنگا ہوجائےگا۔
ڈالر کی قیمت میں اضافے کی اصل وجہ یہ ہے کہ امپورٹرز نے بھی ڈالر کی پیشگی بکنگ کرانا شروع کردی ہے جس کے بعد انٹر بینک مارکیٹ میں ڈالر کی طلب میں اضافہ ہو گیا ہے.گزشتہ روز انٹر بینک میں روپے کے مقابلے میں ڈالر کی قدر 168 روپے 90 پیسے کی بلند ترین سطح پر پہنچ گیا تھا.
ایکس چینج کمپنیز ایسوسی ایشن کے جنرل سیکریٹری ظفر پراچہ کا اس حوالے سے کہنا ہے کہ درآمد کنندگان کی جانب سے ڈالر کی خریداری بڑھنے اور افغانستان میں ڈالر کی سمگلنگ کی وجہ سے مقامی سطح پر ڈالر کی قیمت میں اضافہ ہو رہا ہے.

کابل(ویب ڈیسک)افغان طالبان کا کہنا ہے کہ افغانستان میں تمام تجارتی لین دین صرف افغان کرنسی میں ہو گا۔ گزشتہ دنوں میڈیا کے ذریعے اس قسم کی اطلاعات سامنے آئی تھیں کہ پاکستان اور افغانستان کے درمیان تجارتی لین دین پاکستانی کرنسی میں ہو گا لیکن اب اس حوالے سے طالبان سے وضاحت کر دی ہے۔
پاک افغان تجارت پاکستانی روپے میں کرنے کا فیصلہ
طالبان کے سوشل میڈیا اکاؤنٹ پر جاری بیان میں کہا گیا ہے کہ تمام تجارتی لین دین افغان کرنسی میں ہو گا۔ افغان طالبان کا کہنا ہے ملک کی شناخت بہت اہم ہے، ایسا کوئی فیصلہ نہیں کیا جائے گا جو وطن کے مادی اور روحانی مفادات کے خلاف ہو۔سوشل میڈیا اکاؤنٹ پر جاری بیان میں طالبان کا کہنا ہے کہ افغانستان میں بڑے چھوٹے تمام تجارتی لین دین افغان کرنسی میں ہوں گے۔

اسلام آباد(M92)سوئس بینکوں میں بے نام اکائونٹس میں پڑے پاکستانیوں کے 200ارب ڈالر واپس لانے کا فیصلہ، مقتدر حلقوں نے تیاری مکمل کرلی، چند ہفتوں میں رقم واپس لانے کا کام شروع کر دیا جائے گا۔ میڈیا رپورٹس کے مطابق منی لانڈرنگ، کالا دھن اور دیگر ناجائز ذرائع سے کمائی گئی پاکستانیوں کی دولت جو سوئس بینکوں کے بے نامی اکائونٹس میں پڑی ہے اسے واپس لانے کیلئے تیاریاں مکمل ہو گئی ہیں اور مقتدر حلقے 200ارب ڈالر کی یہ خطیر رقم واپس لانے کیلئے چند ہی ہفتوں میں کام شروع کر دیں گے۔ واضح رہے کہ یہ رقومات 2008-2009میں 70سے 40ارب ڈالر تھی جو بڑھتی بڑھتی 200ارب ڈا لر تک جا چکی ہے ۔ واضح رہے کہ سوئس بینک کے اے جی کے ایک ڈائریکٹر نے آن ریکارڈ کہا ہے کہ صرف ان کے بینک میں پاکستانیوں کے 97ارب ڈالر پڑے ہوئے ہیں جبکہ وزیر خارجہ سوئٹزلینڈکہہ چکے ہیں کہ پاکستانیوں کی 200ارب ڈالر کی رقومات پڑی ہوئی ہیں ۔ اس کالے خزانے سے متعلق بین الااقوامی تنظیموں نے کئی بار رپورٹ کیا کہ ان رقومات کا تعلق پاکستان سے ہے ۔

واشنگٹن(M92) امریکی گانگریس نے افغانستان میں امریکی آپریشن کی حمایت جاری رکھنے پر پاکستان کو کولیشن سپورٹ فنڈ (سی ایس ایف) کے تحت 70 کروڑ ڈالر دینے کی منظوری دیدی۔یہ اجازت کانگریس کی جانب سے جاری کردہ نیشنل ڈیفنس اتھارائیزیشن ایکٹ (این ڈی اے اے) 2018 کے تحت دی گئی ۔واضح رہے کہ امریکا کے سیکریٹری دفاع کی جانب سے جاری کردہ سرٹیفکیٹ جس میں پاکستان کاحقانی نیٹ ورک کے خلاف مناسب اقدامات کرنے کے حوالے سے بتایا گیا ہے کے بعد مذکورہ ایکٹ میں نظر ثانی شدہ متن کے مطابق 70 کروڑ ڈالر میں سے 35 کروڑ ڈالر سی ایس ایف کے تحت دینے کی منظوری دی گئی۔اس حوالے سے این ڈی اے اے نے ڈیفنس ڈیپارٹمنٹ پر زور دیا کہ پاکستان پر نظر رکھی جائے کہ وہ اس امداد سے دہشت گرد گروپوں کی مدد نہ کرے۔ایکٹ کے مطابق امریکی انتظامیہ 35 کروڑ ڈالر کی محدود رقم اس وقت جاری کرے گی جب دفاعی سیکرٹری کانگریس کمیٹی کو تصدیق کریں کہ پاکستان دہشت گردوں کی محفوظ پناہ گاہوں، حقانی نیٹ ورک اور لشکرطیبہ کے خلاف مناسب کارروائیاں جاری رکھے ہوئے ہے اور حقانی نیٹ ورک، لشکر طیبہ کے پاکستان میں موجود محفوظ پناہ گاہوں کو ختم کرنے کیلئے بھی فوجی آپریشن میں مصروف ہے۔سیکرٹری دفاع کی جانب سے موصول ہونے والے سرٹیفکیٹ میں اس بات کا بھی اقرار کیا جائے گا کہ پاکستان اپنی مغربی سرحد پر عسکریت پسندوں کی کارروائیوں کو محدود کرنے کیلئے افغانستان کے ساتھ رابطے برقرار رکھے ہوئے ہے اور ساتھ ہی پاکستان کو حقانی نیٹ ورک اور لشکر طیبہ کے سینئر رہنماؤں اور کارکنان کو گرفتار کرنے اور سزائیں دینے کے لیے اپنی کوششیں دکھانی ہوں گی۔