Tag cricket

لاہور(ایمرا نیوزآن لائن) پی سی بی کے نئے مجوزہ ڈومیسٹک کرکٹ اسٹرکچرسے قومی کرکٹرز بھی ناخوش ہیں، ٹیسٹ کرکٹرز کامران اکمل اور وہاب ریاض کہتے ہیں کہ 22 کروڑ کے پاکستان میں دو کروڑ کے آسٹریلیا کا نظام نہیں چل سکتا۔ٹیسٹ کرکٹرز کامران اکمل اور وہاب ریاض نے بھی پی سی بی کے پیٹرن، وزیر اعظم عمران خان کے مجوزہ ڈومیسٹک کرکٹ اسٹرکچر کی مخالفت کر دی۔کامران اکمل کا کہنا ہے کہ ہر سال پی سی بی ڈومیسٹک اسٹرکچر بدلتا ہے، اب پھر بدل کر کیا ملے گا، 20 سال سےڈیپارٹمنٹل کرکٹ ہمارے خاندانوں کو چلا رہی۔

انہوں نے مزید کہا کہ ڈپارٹمنٹل کرکٹ بند ہونے سے کھیل کا معیاربہت گر جائے گا، ریجنز اور ڈیپارٹمنٹل کرکٹ دونوں ساتھ چلانی چاہئیں۔وہاب ریاض کا اس حوالے سے کہنا ہے کہ ڈیپارٹمنٹل کرکٹ میں مقابلے کی فضا بہت زیادہ ہے، اسے بند کرنے کی ضرورت نہیں ہے۔انہوں نے یہ بھی کہا کہ ڈپارٹمنٹل کرکٹ نے کھلاڑیوں کو تنخواہوں پر رکھا ہوا ہے،اس میں مقابلے کی فضا بہت زیادہ ہے۔

بی سی بی کا آئی سی سی سے رابطہ ‘جرسی میں لال رنگ کے اضافہ کیلئے اپیل
ڈھاکہ(ایمرا نیوز آن لائن)بنگلادیش کرکٹ بورڈ نے شائقین کی بھرپور تنقید اور دباؤ کے بعد کرکٹ ولڈکپ کے لیے ٹیم کی منتخب کردہ جرسی تبدیل کردی ہے ۔خبر رساں ادارے کے مطابق انٹرنیشنل کرکٹ کونسل (آئی سی سی )ورلڈکپ 2019 کے لیے بنگلادیش کرکٹ ٹیم کے کھلاڑیوں کی ایک تصویر ورلڈکپ میں پہنی جانے والی جرسی میں منظر عام پر آئی ،جس پر بنگلدیشی فینز نے شدید تنقید کی۔شرٹ تبدیلی کیلئے اٹھنے والی تحریک کے زور پکڑنے پر بنگلادیش کرکٹ بورڈ نے شائقین کی بھرپور تنقید اور دباؤ کے بعد کرکٹ ولڈکپ کے لیے ٹیم کی منتخب کردہ جرسی تبدیل کردی ،بنگلادیش کے قومی جھنڈے میں سبز رنگ کےساتھ لال رنگ کا دائرہ بھی ہے اس لیے قومی ٹیم کی جرسی میں بھی سبز کےساتھ لال رنگ ہونا چاہیے تھا۔

عوام کے شدید دباؤ کے بعد بنگلادیشی کرکٹ بورڈ نے انٹرنیشنل کرکٹ کونسل سے رابطہ کیا اور اپیل کی کہ جرسی میں لال رنگ کا اضافہ کیا جائے۔بنگلادیش کرکٹ ٹیم کی نئی وردی میں لال رنگ کا اضافہ کردیا گیا ہے، اور ٹی شرٹ میں سینے پر لال رنگ کے درمیان بنگلادیش لکھا گیا ہے۔بنگلادیش میں کھیلوں کی مشہور ویب سائٹ ‘کرک انفو’ کے نمائندے محمد اسلام نے بنگال ٹائیگرز کی نئی جرسی کی تصویر شیئر کی جو بنگلادیشی شائقین کرکٹ کو بے حد پسند آرہی ہے جبکہ بعض کا کہنا ہے کہ پہلے منتخب کردہ جرسی میں بھی کوئی خامی نہیں تھی۔

یہ بچے ملک کا مستقبل ہیں، ان کی زہنی اور جسماتی صحت بہت اہم ہے، یہ مستقبل میں شاہد آفریدی، شعیب اختر، جہانگیر خان، شہباز سئینر اور اعصام الحق بنیں گے،سابق فاسٹ باﺅلر
اسلام آباد (ایمرا نیوز آن لائن ) سابق اسپیڈ اسٹار اور راولپنڈی ایکسپریس شعیب اختر نے تین بچوں کو ایک موٹرسائیکل پر بیٹھا دیکھ کر ان کے تحفظ سے متعلق پریشانی کا اظہارکردیا۔سابق فاسٹ باولر شعیب اخترنے سماجی رابطے کی ویب سائٹ پر اپنی گاڑی سے لی گئی تصویر شئیر کی اورلکھا کہ ان لوگوں کا درد سمجھ سکتا ہوں جو گاڑی خریدنے یا کرائے پر لینے کی طاقت نہیں رکھتے، اس کے باوجود یقین رکھتا ہوں بچوں کی زندگیوں کو خطرے میں نہیں ڈالنا چاہیے۔موٹرسائیکل پر پانچ لوگوں کا سفر کرنا آپ یا آپ کے بچوں کے لیے محفوظ نہیں ہے، اللہ سب کو امان میں رکھیں۔شعیب اخترنے کہا کہ یہ بچے ملک کا مستقبل ہیں، ان کی زہنی اور جسماتی صحت بہت اہم ہے، یہ مستقبل میں شاہد آفریدی، شعیب اختر، جہانگیر خان، شہباز سئینر اور اعصام الحق بنیں گے۔یاد رہے سابق اسپیڈ اسٹار کو بھی ٹیم میں سخت محنت اورکافی کوششوں کے بعد جگہ ملی تھی جس کے بعد انہوں نے تیز ترین گیندیں کراو کردنیا کے بہترین بلے بازوں کو مشکل میں ڈال دیا تھا۔سوشل میڈیا صارفین نے شعیب اختر کے اس جذبے کی تعریف کی ہے اور کہا ہے کہ شکر ہے آپ نے گاڑی میں بیٹھ کر بھی دوسروں کا احساس کیا۔ ایک صارف نے تو یہ مشورہ بھی دیا کہ اللہ نے آپ کو بہت دیا ہے،یہ گاڑی انہیں دے دیں، آپ ایک اور لے لیجیے گا۔ اسی طرح ایک اور صارف نے لکھا کہ آپ نے یہ اچھے نقطے کی نشاندہی کی ہے کہ بچت ضروری ہے لیکن زندگی سے زیادہ اہم نہیں۔

ہیپاٹائٹس سی کی ادویات استعمال کرکے صحتیابی کی صورت میں بھی مریض شدید کمزوری اور نقاہت کا شکار رہتا ہے
لاہور(ایمرا نیوز آن لائن) قومی کرکٹ ٹیم کے لیگ سپنر شاداب خان کی ورلڈ کپ سکواڈ میں شمولیت پر بدستور سوالیہ نشان موجود ہے۔اگرچہ وہ لندن میں علاج کے بعد پیر کے روز واطن واپس پہنچ جائیں گے تاہم پی سی بی ذرائع کا کہنا ہے کہ شاداب خان کی ورلڈ کپ کیلئے دستیابی کا فیصلہ ان کے ٹیسٹ کی رپورٹس دیکھ کر ہی کیا جا سکے گا۔ذرائع کے مطابق لندن میں ڈاکٹر پیٹرک کینیڈی نے لیگ سپنر کا تفصیلی معائنہ کرنے کے بعد ان کے لیے ادویات تجویز کردی ہیں جن کا استعمال کرتے ہوئے انہیں مزید دو ہفتے تک مکمل آرام کرنا ہوگا۔ہیپاٹائٹس سی میں مبتلا شاداب خان کے دو ہفتے بعد مزید ٹیسٹ کروائے جائیں گے جس سے ان کے مرض کی نوعیت کا اندازہ ہو سکے گا تاہم وائرس کی موجودگی ان کی عالمی کپ میں شرکت کو خطرے میں ڈال سکتی ہے کیوں کہ گہرے اثرات کی حامل ادویات کے استعمال کے بعد صحت یابی کی صورت میں بھی مریض شدید کمزوری اور نقاہت کا شکار رہتا ہے۔یاد رہے کہ ورلڈ کپ سکواڈ میں شمولیت کے بعد شاداب خان کے خون میں ہیپاٹائٹس سی وائرس کی موجودگی پائی گئی تھی جس کے سبب انگلینڈ کیخلاف سیریز کیلئے یاسر شاہ کو سکواڈ میں جگہ مل گئی تھی تاہم کینٹ کے خلاف ان کی پرفارمنس نے ٹیم مینجمنٹ کی مشکلات میں اضافہ کردیا ہے.

لاہور(ایمرا نیوزآن لائن) دورہ انگلینڈ میں پاکستانی کرکٹ ٹیم دوسرا ایک روزہ پریکٹس میچ آج نارتھمپٹن شائر کے خلاف کھیلے گی۔یاد رہے کہ پہلےیکٹس میچ میں پاکستانی ٹیم نے شاندار کارکردگی پیش کرتے ہوئے کینٹ ٹیم کو 100 رنز کے بڑے مارجن سےشکست دی تھی، عماد وسیم نے برق رفتار 78 گیندوں پر 117 رنز بنائے اور ناٹ آؤٹ رہے۔

کینٹ کے خلاف پاکستان نے مقررہ اوورز میں سات وکٹوں پر 358 رنزبنائےجبکہ کینٹ کی ٹیم 358 رنز کے ایک بڑے ہدف کے تعاقب میں پوری ٹیم 258 رنز بنا کر آؤٹ ہوگئی۔پاکستانی ٹیم تیسرا ٹور میچ یکم مئی کو لیسٹر میں کھیلے گی۔

انگلینڈ(ایمرا نیوزآن لائن) پاکستان کرکٹ ٹیم آج دورہ انگلینڈ میں پہلا ٹور میچ کینٹ کے خلاف کھیلے گی۔انگلینڈ کے خلاف اہم ترین سیریز اور مشن ورلڈ کپ کے لئے قومی کرکٹ آج سے اپنی مہم کا آغاز کینٹ کائونٹی کے خلاف پریکٹس میچ سے کرے گی،کینٹ میں کئی روز سے پریکٹس میں مصروف قومی کھلاڑی پہلے ایک روزہ پریکٹس میچ کے لئے تازہ دم ہیں۔

کینٹ کائونٹی کے خلاف میچ پاکستانی وقت کے مطابق سہ پہر 3 بجے شروع ہوگا۔ہیڈ کوچ مکی آرتھر کا کہنا ہے کہ انگلینڈ کے خلاف تیاری کا بھرپور موقع مل رہا ہے، پہلے ٹور میچ میں بہترین کمبی نیشن میدان میں اتاریں گے ۔

مساجد میں نمازوں کے ادائیگی کیلئے انگلش کرکٹ بورڈ کے سکیورٹی حکام کو آگاہ کیا جائےگا
لندن(ایمرا نیوز آن لائن ) نیوزی لینڈ کے شہر کرائسٹ چرچ میں مساجد پر ہونے والے حملوں کے بعد پاکستان کرکٹ بورڈ (پی سی بی) کی درخواست پر انگلش کرکٹ بورڈ نے پاکستانی کھلاڑیوں کیلئے نیا سکیورٹی پلان جاری کیا ہے، خاص طور پر مساجد میں نمازوں کے ادائیگی کیلئے میزبان بورڈ کے سکیورٹی حکام کو آگاہ کیا جائے گا۔

ذرائع کا کہنا ہے کہ کرائسٹ چرچ سانحے کے بعد پاکستان کرکٹ بورڈ کے ایم ڈی وسیم خان اور ڈائریکٹر انٹرنیشنل کرکٹ ذاکر خان نے آئی سی سی اور ای سی بی کو خط تحریر کیے تھے کہ پاکستانی کھلاڑی بھی مساجد میں جاتے ہیں اور خاص طور نماز جمعہ کی ادائیگی مسجد میں کرتے ہیں، چوںکہ نیوزی لینڈ میں بنگلہ دیش کی ٹیم دو مساجد پر دہشتگرد حملے میں بال بال بچ گئی تھی اس لیے انگلینڈ میں پاکستانی ٹیم کیلئے سکیورٹی کے خاص انتظامات کئے جائیں،اس کے بعد انگلش کرکٹ بورڈ (ای سی بی) نے پاکستان ٹیم کیلئے نیا سکیورٹی پلان بھیجا تھا،جمعے کو مسجد میں سکیورٹی حصار میں پاکستانی کرکٹرز نماز ادا کریں گے۔

انگلش بورڈ کی طرح انٹرنیشنل کرکٹ کونسل (آئی سی سی) بھی اسی طرح کا سکیورٹی پلان لائے گی۔ذرائع کا کہنا ہے کہ کرائسٹ چرچ میں دہشت گردی کے واقعے کے بعد انٹرنیشنل کرکٹ کونسل نے انگلش کرکٹ بورڈ کی مدد سے ٹیموں کیلئے خصوصی انتظامات کیے ہیں۔ذرائع کا کہنا ہے کہ پاکستانی ٹیم کے سکیورٹی آفیسر میجر(ر) اظہر کے ساتھ انگلش بورڈ کے ونز نامی سکیورٹی آفیسر ہیں، ونز ماضی میں انٹیلی جنس افسر رہ چکے ہیں۔

لندن (ایمرا نیوزآن لائن) عالمی کپ کے دوران مقابلہ سخت ہوگا، جدید طرز کی کرکٹ کھیلنے کی حکمت عملی تیار کی ہے. بلے باز حارث سہیل بلے باز حارث سہیل کا کہنا ہے کہ ورلڈکپ میں پاکستانی بلے باز جارحانہ بلے بازی کا مظاہرہ کریں گے، عالمی کپ کے دوران مقابلہ سخت ہوگا، جدید طرز کی کرکٹ کھیلنے کی حکمت عملی تیار کی ہے۔ تفصیلات کے مطابق قومی کرکٹ ٹیم پر تنقید کی جاتی ہے کہ جہاں دنیا کی دوسری ٹیمیں جدید طرز اور جارحانہ کرکٹ کھیلتی ہیں ، وہیں پاکستانی ٹیم آج بھی 90 کی دہائی کی سست طرز کی کرکٹ کھیل رہی ہے۔

ایسے میں پاکستانی کرکٹ ٹیم کے مڈل آرڈر بلے باز حارث سہیل کی جانب سے ردعمل دیا گیا ہے۔ بلے باز حارث سہیل کا کہنا ہے کہ ورلڈکپ کے دوران قومی کرکٹ ٹیم ایک نئے روپ میں سامنے آئے گی۔ حارث سہیل کا کہنا ہے کہ پاکستانی ٹیم، خاص کر بلے باز جدید طرز اور جارحانہ بلے بازی کا مظاہرہ کریں گے۔ کوشش ہو گی کہ مخالف ٹیم کو جارحانہ کرکٹ سے زیر کیا جائے۔ واضح رہے کہ قومی کرکٹ ٹیم 2019 ورلڈکپ اور انگلینڈ کیخلاف سیریز میں شرکت کیلئے انگلینڈ پہنچ چکی ہے۔ پاکستان عالمی کپ میں اپنی مہم کا آغاز 31 مئی کو ویسٹ انڈیز کیخلاف میچ سے کرے گا۔

کراچی:(ایمرا نیوزآن لائن) پی سی بی نے انگلینڈ میں کھلاڑیوں کو محتاط رہنے کی ہدایت دی ہے۔ماضی میں پیش آنے والے ناخوشگوار واقعات کی وجہ سے پی سی بی نے انگلینڈ میں کھلاڑیوں کو محتاط رہنے کا کہا ہے، ان پر واضح کیا گیاکہ کسی صورت اجنبی شخص سے ملاقات نہ کریں، تحفہ لینے کا تو کوئی سوال ہی پیدا نہیں ہوتا، اگر ہوٹل سے باہر جانا ہو تو پہلے ٹیم منیجر سے اجازت لیں اور سیکیورٹی آفیسر کو آگاہ کریں،گروپس کی صورت میں جانے کو ترجیح دیں، میڈیا منیجر کی اجازت کے بغیر کسی صحافی سے بات نہ کریں۔

واضح رہے کہ برطانوی میڈیا ہمیشہ سے پاکستانی ٹیم کے بارے میں منفی خبروں کی تلاش میں رہتا ہے،ماضی میں بال ٹیمپرنگ، اسپاٹ فکسنگ سمیت مختلف تنازعات سامنے آ چکے ہیں، ورلڈکپ کپ کے دوران بھارت سمیت دنیا بھر کے صحافی بھی انگلینڈ آئے ہوئے ہوں گے، اس لیے زیادہ محتاط رہنے کا کہا گیا ہے، گذشتہ برس لارڈز ٹیسٹ کے دوران ’’اسمارٹ واچز‘‘ کا تنازع سامنے آیا تھا۔بطور سیکیورٹی آفیسر میجر (ر) اظہر ٹیم کے ساتھ سائے کی طرح موجود رہیں گے، پی سی بی نے کھلاڑیوں کو سوشل میڈیا کے بھی کم استعمال کا کہا ہے، وہ صرف اچھی کارکردگی پر ایک دوسرے کو سراہنے جیسے پیغامات ہی جاری کر سکیں گے۔

ذرائع نے مزید بتایا کہ انگلینڈ روانگی سے قبل چیئرمین پی سی بی احسان مانی نے بھی ٹیم مینجمنٹ کو سختی سے ہدایت کی کہ ڈسپلن کی خلاف ورزی کو کسی صورت برداشت نہ کیا جائے۔ اس سے قبل یو اے ای میں آسٹریلیا سے سیریز کے دوران عمر اکمل رات تین بجے ہوٹل واپس آئے تھے، جس پر انھیں جرمانے کا سامنا کرنا پڑا تھا، اسی واقعے کے تناظر میں بورڈ چیف نے آئندہ سخت ایکشن کی ہدایت دی۔اس سے قبل جب قومی ٹیم نے اسلام آباد میں وزیر اعظم عمران خان سے ملاقات کی تھی تو انھوں نے بھی سب سے یہی کہا تھاکہ وہ ملک کے سفیر ہیں لہذا کوئی ایسی حرکت نہ کریں جس سے بدنامی کا سامنا کرنا پڑے۔

لاہور:(ایمرا نیوزآن لائن) دورہ انگلینڈ اور ورلڈ کپ کے لیے قومی کرکٹ ٹیم کے کپتان سرفراز احمد اور ہیڈ کوچ مکی آرتھر ٹیم کی بہتر پرفارمنس کے لیے پراعتماد ہیں۔کپتان سرفراز اور کوچ مکی آرتھر نے مشترکہ پریس کانفرنس کے دوران اس عزم کا اظہار کیا کہ دورہ انگلینڈ اور ورلڈ کپ کے دوران کھلاڑی بہتر پرفارم کریں گے۔سرفراز احمد کا کہنا تھا کہ اپنی صلاحیتوں سے زیادہ پرفارم کرنے کی کوشش کریں گے، ان شاء اللہ دورہ انگلینڈ میں بہترین پرفارمنس دیں گے، سارےکھلاڑی پوری طرح تیار ہیں اور انہوں نے بہت محنت کی ہے، ہماری ٹیم بہت زبردست ہے۔

انہوں نے کہا کہ آسٹریلیا کے خلاف سیریز میں اہم کھلاڑی شامل نہیں تھے تاہم اب ہمیں آگے دیکھنا چاہیے اور اچھا کھیلنے کی پوری کوشش کریں گے۔قومی ٹیم کے کپتان نے کہا کہ ورلڈ کپ میں تمام کھلاڑی ٹرمپ کارڈ ہوں گے، ٹیم کے انتخاب میں میری رائے ہمیشہ شامل رہی ہے، میں اوپر کے نمبر پر بیٹنگ کروں گا جبکہ شعیب ملک چھٹے نمبر کھیلیں کریں گے۔سرفراز احمد نے کہا کہ عماد وسیم کو ٹیم میں ضرورت کے پیش نظر شامل کیا گیا ہے، انہیں انجری کا سامنا تھا لیکن پھر بھی انہوں نے تمام ٹیسٹ پاس کیے جب کہ فہیم اشرف کی بولنگ بہتر ہوئی ہے اور ان کی بیٹنگ میں بہتری آسکتی ہے۔

وزیراعظم اور قومی ٹیم کے سابق کپتان عمران خان سے ملاقات سے متعلق سرفراز احمد نے کہا کہ عمران خان کے بلانے پر مشکور ہیں، انہوں نے تمام کھلاڑیوں کو بہت متحرک کیا اور حوصلہ افزائی کی۔ہیڈ کوچ مکی آرتھر کا اس موقع پر کہنا تھا کہ دورہ انگلینڈ کے لیے ہماری تیاریاں مکمل ہیں اور مجھے اپنے کھلاڑیوں پر بہت اعتماد ہے سب بہت باصلاحیت ہیں، ورلڈکپ میں بہت اچھی ٹیمیں مدمقابل ہوں گی تاہم پاکستان کا اسکواڈ بھی متوازن ہے۔ہیڈ کوچ نے کہا کہ پہلےہمارا فوکس سیمی فائنل تک رسائی ہے، ہمیں بہت اچھا کھیلنا ہوگا، ورلڈکپ میں کسی ایک کھلاڑی پر انحصار نہیں، 15 کھلاڑیوں کا اسکواڈ ہے۔

مکی آرتھر نے کہا کہ ورلڈکپ میں بولرز کے لیے کنڈیشنز اچھی ہوئی تو اچھی کارکردگی دیں گے، شاداب خان کا ٹیم میں آل راؤنڈر کا کردار ہے، یاسر شاہ نے تیز ترین 200 وکٹیں حاصل کی ہوئی ہیں یہ نہیں بھولنا چاہیے۔ان کا تھا کہ شعیب ملک اور محمد حفیظ پر بہت یقین ہے اور بابر اعظم کا ٹیم میں خاص کردار ہے، وہ بہت با صلاحیت ہے، اگر سنچری بناتا ہے تو پاکستان کو فائدہ ہوگا۔ہیڈ کوچ نے کہا کہ عثمان شنواری کی پرفارمنس اچھی رہی ہے، شاہین شاہ آفریدی میں بھی بہت ٹیلنٹ ہے، فہیم اشرف میں بہت بہتری آ رہی ہے اور عماد وسیم بھی بہت محنت کر رہا ہے، ہم نے فٹنس پر سمجھوتہ نہیں کیا۔