Tag انڈیا

پرتھ(سپورٹس ڈیسک/ایمرا نیوز) پرتھ ٹیسٹ میں آسٹریلیا نے دوسرا ٹیست جیت کرچار میچز کی سیریز ایک ایک سے برابر کردی ۔ بھارت نے 112 رنز سےسے دن کا آغاز کیا مگرپوری ٹیم صرف 140 رنز پر ڈھیر ہوگئی۔پرتھ ٹیسٹ کے دوسرے دن کا پہلا ہی سیشن بھارتی ٹیم کے لئے نائیٹ مئیر بن گیا،بھارت کو جیت کےلئے مزید 175 رنز بنانے تھے جبکہ آسٹریلیا کو پانچ وکٹیں درکار تھیں۔آسٹریلوی بولرز نے بھارتی کھلاڑیوں ڈرایا ، دھمکایا اور پویلین پہنچایا ،287 رنز کے تعاقب میں بھارت نے 112 رنز پانچ کھلاڑی آؤٹ سے اننگز بڑھائی َ پہلا نقصان صرف سات رنز کےاضافے پر ہی اٹھانا پڑا۔ صرف 140 رنز پرپوری ٹیم پویلین پہنچ گئی ۔اسٹارک اور لائن نے تین تین وکٹیں حاصلکیں اور یوں کینگروز نے میچ 146 رنز سے جیت لیا۔اس طرح چار ٹیسٹ کی سیریز ایک ایک سے برابر ہوگئی،تیسرا ٹیسٹ 26 دسمبر سے میلبرن میں ہو گا ۔

نئی دلی:(سپورٹس ڈیسک/ایمرا نیوز) بھارتی کرکٹ بورڈ نے ایشیا کپ 2020 کی پاکستان کو ملنے والی میزبانی پر اعتراض اٹھا دیا ہے۔گزشتہ روز ایشین کرکٹ کونسل کے اجلاس میں ایشیا کپ 2020 کی میزبانی پاکستان کو دینے کا فیصلہ کیا گیا تھا تاہم بھارتی خبر رساں ادارے کے مطابق اجلاس میں بی سی سی آئی حکام نے مطالبہ کیا کہ سکیورٹی مسائل کی وجہ سے پاکستان کو مقابلے کسی نیوٹرل وینیو پر کروانا چاہیے۔دوسری جانب پی سی بی کا موقف ہے کہ سیکورٹی معاملات میں کافی بہتری آچکی، 2020 میں ایشیا کپ کے انعقاد تک حالات مزید بہتر ہونے کی امید ہے، اس لیے ایونٹ پاکستان میں ہی ہونا چاہیے۔یاد رہے کہ بھارت نے رواں سال پاکستان ٹیم کی وجہ سے ایشیا کپ کی میزبانی سے انکار کر دیا تھا، بعدازاں مقابلے یو اے ای میں کروانے کا فیصلہ کیا گیا، اب بی سی سی آئی حکام کا بھی مطالبہ ہے کہ پی سی بی ایشیا کپ کے مقابلے پاکستان کے بجائے کسی نیوٹرل وینیو پر کروائے۔

This year, the Internet gave us some hilarity, some glorious memes and a lot of controversy from across Pakistan

We just can not stop talking about those viral moments in 2018.

This year, the Internet gave us some hilarity, some glorious memes and a lot of controversy from across Pakistan. Here is a look back at the buzziest moments which shaped 2018, for better or for worse:
About a girl

During the Asia Cup 2018, the pictures of a young fan of the Pakistan cricket team became a social media sensation, both in India and Pakistan. Everyone wanted to know who the girl in green was? She finally spoke up in an interview to News18 about the madness of it all. “It is an amazing feeling and I never expected in my wildest dreams.” Adding that she was “just an ordinary girl.” Well, not to the Internet.

بھارت(نیٹ نیوز/ایمرا نیوز) بھارت کے امیر ترین بزنس مین مکیش امبانی نےاپنی بیٹی کی شادی کے موقع پر5 ہزار سے زائد معذور اور محروم بچوں کو تقریب میں مہمان خصوصی بناکر مثال قائم کردی۔بھارتی خبر رساں ادارے کے مطابق بھارت کے امیر ترین بزنس مین مکیش امبانی کی بیٹی ایشا امبانی کی شادی سے قبل تقریبات کا آغاز بھارت کے شہر اُدے پور میں ہوگیا ہے۔گزشتہ روز ایشا امبانی کی ’انا سیوا‘ نامی تقریب کا انعقاد کیا گیا جس میں مکیش امبانی نے شہر کے 5 ہزار 1 سو معذور اور محروم بچوں کو بطور مہمان خصوصی مدعو کیا اور انہیں کھانا کھلایا۔ مکیش امبانی نے اہلیہ، بیٹی اور ہونے والے داماد کے ہمراہ خیراتی ادارےکا دورہ کیااور وہاں تمام لوگوں کے ساتھ وقت گزارا، خصوصاً بچوں کے ساتھ وہ کافی گھل مل گئے اور اُن کی احوال پرسی اور حوصلہ افزائی کی اور صرف یہی نہیں بلکہ اپنے ہاتھوں سے اُنہیں کھانا بھی پیش کیا۔ یہ بھی امبانی خاندان کا خوشی منانے کا ایک انداز ہے۔ اس کے علاوہ مکیش امبانی نےایشا امبانی کی شادی سے قبل تقریب میں5 ہزار1 سو معذور اور محروم بچوں کو تقریب میں بطور مہمان خصوصی بلا کر ایک اور نئی مثال قائم کردی۔ واضح رہے 27 سالہ ایشا امبانی اور ارب پتی صنعتکار کے بیٹے آنند پیرامل کی شادی منگل کے روز ممبئی میں ہوگی جبکہ ان کی’پری ویڈنگ‘ یعنی شادی سے قبل تقریبات کا آغاز ہوگیا ہے۔

اسلام آباد(ایم نائن ٹو) وفاقی وزیر بین الصوبائی رابطہ ریاض حسین پیرزادہ نے کہا ہے کہ بھارتی کر کٹ ٹیم دنیا کی بڑی بیٹنگ لائن ہوگی لیکن ہمارے سامنے ٹھس ہے،بھارت ہم پر بم مارتا ہے اس کے باوجود ہم انکے ساتھ کھیلنا چاہتے ہیں،بھارت ویٹو پاور کی خواہش رکھتا ہے لیکن ہم سے کر کٹ کھیلنے میں ڈرتاہے، پاکستان سپورٹس بورڈ کی ایگزیکٹو کمیٹی نے اج پاکستان کی پہلی سپو رٹس یونیورسٹی کے قیام کیلئے منظوری دیدی ہے،سپورٹس یونیورسٹی کے قیام کیلئے چین کے اسکالر سے بات چیت جاری ہے۔وہ جمعرات کو پاکستان سپورٹس بورڈ کی ایگزیکٹو کمیٹی کے اجلاس کے بعد میڈیا سے گفتگو کر رہے تھے۔وفاقی وزیر بین الصوبائی رابطہ ریاض حسین پیرزادہ نے کہا کہ پاکستان سپورٹس بورڈ کے حالات اب پہلے جیسے نہیں رہے،ہم ایک ایک پائی کا حساب پارلیمنٹ سمیت سب اداروں کو دینے کیلئیتیار ہیں، پی ایس بی ملازمین کے بچوں کو روزگار پاکستان سپورٹس بورڈ میں دینگے ۔انہوں نے کہا کہ قائد اعظم گیمز کی تیاریوں میں دن رات مصروف ہیں، پاکستان سپورٹس بورڈ کی ایگزیکٹو کمیٹی نے اج پاکستان کی پہلی سپو رٹس یونیورسٹی کے قیام کیلئے منظوری دیدی ہے ،سپورٹس یونیورسٹی کے قیام کیلئے چین کے اسکالر سے بات چیت جاری ہے ،کرکٹ میں کوچ مکی آرتھر نے کام کیا اور کرکٹ ٹیم کو کہاں سے کہاں لیں گے ،انہوں نے کہا کہ انٹرنیشنل ٹورنامنٹس میں میڈلز جیتنے والے کھلاڑیوں کے کیش انعامات میں اضافہ کر دیا ہے ۔پاک بھارت کر کٹ سیریز کے حوالے سے وفاقی وزیر نے کہا کہ بھارت پاکستان پر بم مار رہا ہے اس کے باوجود ہم ان سے کھیلنے کو تیار ہیں، بھارت پاکستان سے کھیلنے میں پتا نہیں کیوں گھبراتا ہے۔انہوں نے کہا کہ بھارت پاکستان کے ساتھ کرکٹ کھیلنے میں شرماتا کیوں ہے،بھارت ہم پر بم مارتا ہے ہم پھر بھی ہم کھیلنا چاہتے ہیں، بھارت ویٹو پاور کی خواہش رکھتا ہے لیکن ہم سے کر کٹ کھیلنے میں ڈرتاہے،بھارتی کر کٹ ٹیم دنیا کی بڑی بیٹنگ لائن ہوگی لیکن ہمارے سامنے ٹھس ہے۔

ممبئی (ایم نائن ٹو) بولی وڈ اداکارہ تبو ویسے تو پہلے بھی ایکشن ہیرو اجے دیوگن کے ساتھ اپنے تعلقات سے متعلق کھل کا بات کر چکی ہیں، وہ مان چکی ہیں کہ وہ ان کے ساتھ مساوی بنیادوں پر کام کرتی ہیں۔تبو نے پہلی انکشاف کیا تھا کہ وہ اور اجے دیوگن بچپن کے دوست ہیں، اور ان کے درمیان کسی حد تک محبت بھی رہی ہے۔تبو یہ انکشاف بھی کر چکی ہیں کہ اگر آج تک وہ غیر شادی شدہ ہیں تو اس کی وجہ بھی اجے دیوگن ہی ہیں۔تاہم ایک بار پھر انہوں نے ساتھی اداکار اجے دیوگن اور اپنے تعلق سے متعلق کھل کر بات کی، اور کہا کہ وہ دونوں ایک ساتھ پلے اور بڑے ہوئے ہیں۔ہندوستان ٹائمز کے مطابق تبو کا کہنا تھا کہ اجے دیوگن اور وہ ایک دوسرے کو 13 سے 14 سال کی عمر سے جانتے ہیں، اور دونوں ممبئی کے نواحی دیہی علاقے ’جوہو‘ میں ایک ساتھ پلے اور بڑے ہوئے۔تبو نے ماضی کو یاد کرتے ہوئے شرارتی انداز میں بتایا کہ اجے دیوگن ہمیشہ لڑکوں کے ایک گروپ کے ساتھ ہوتا تھا، جو ان کی لڑکیوں کے گروپ کو پھنسانے کے چکر میں ہوتا تھا۔تبو کا کہنا تھا کہ اجے دیوگن ان کے بھائی کا بچپن کا دوست ہے، اور یہ دونوں بھی ایک دوسرے کو بچپن کے زمانے سے جانتے ہیں۔تبو کے مطابق انہوں نے اجے دیوگن کے ساتھ 2015 میں فلم ’درشیام‘ میں 18 سال کے وقفے کے بعد فلموں میں کام کیا، یہ اتفاق کی بات ہے کہ وہ دونوں بچپن کے دوست ہونے، ایک ہی انڈسٹری میں کام کرنے کے باوجود اتنے عرصے تک انہوں نے ایک دوسرے کے ساتھ کام نہیں کیا۔انہوں نے اجے دیوگن کے ساتھ کی گئی فلموں کے کام کو خاندان کا حصہ قرار دیا۔

خیال رہے کہ تبو اور اجے دیوگن نے لگ بھگ 5 فلموں میں کام کیا، رواں برس اکتوبر میں ان کی کامیڈین ایکشن فلم ’گول مال اگین‘ ریلیز ہوئی، جس نے باکس آفس پر ریکارڈ بزنس کیا۔اس سے قبل 2015 میں وہ ’درشیام‘ میں ایک ساتھ نظر آئے، اس سے قبل 199 میں ’تھکشک‘ 1995 میں ’حقیقت‘ اور 1994 میں ’وجے پتھ‘ میں بھی ایک ساتھ نظر آئے۔

نئی دہلی (ایم نائن ٹو) بھارت کی اپوزیشن جماعت بھارتی نیشنل کانگریس کی رہنما سونیا گاندھی نے پارٹی صدارت کا عہدہ اپنے بیٹے راہول گاندھی کے سپرد کردیا۔راہول گاندھی کے صدر منتخب ہونے کے بعد 71 سالہ سونیا گاندھی نے کہا کہ ‘میں اب ریٹائر ہونا چاہتی ہوں۔واضح رہے کہ سونیا گاندھی 15 سال سے پارٹی صدر کے عہدے پر فائز تھیں۔نئے صدر کے حوالے سے کہا جار ہا ہے کہ حالیہ انتخابات میں ناکامیوں کے بعد 130 سالہ پرانی کانگریس جماعت اندورنی معاملات کا جائزہ لینے جاری ہے۔کانگریس کے رہنما رندیپ کا کہنا تھا کہ سونیا گاندھی سیاست سے نہیں پارٹی کی صدارت سے ریٹائر ہورہی ہیں۔44 سالہ راہول گاندھی نے بطور پارٹی صدر پہلی مرتبہ خطاب میں وزیراعظم نریندر مودی پر الزام عائد کیا کہ وہ بھارت کو پتھر کے دور میں لے کر جانا چاہتے ہیں۔دوسری جانب سونیا گاندھی نے اپنی تقریر میں کہا کہ ‘وزیراعظم نریندر مودی بھارت میں (مذہبی )خوف اور دہشت پھیلا رہے ہیں’۔خیال رہے نہرو-گاندھی خاندان کی چوتھی نسل سے تعلق رکھنے والے راہول کو 2013 میں جے پور میں کانگریس کا نائب صدر بنایا گیا تھا لیکن یہ عہدہ سنبھالنے کے بعد ان کی کارکردگی مایوس کن رہی۔ان کی سربراہی میں گزشتہ الیکشن میں کانگریس کو ملکی تاریخ میں سب سے شرم ناک شکست ہوئی تھی۔کہا جارہا ہے کہ بطور صدر راہول گاندھی کے لیے بڑا چیلنج براہِ راست مذہبی انتہاپسندی کا مقابلہ کرنا ہوگا۔خیال رہے سونیا گاندھی نے 1991 میں اپنے شوہر راجیو گاندھی کے قتل کے بعد بھارتی سیاست میں قدم رکھا تھا۔سونیا گاندھی نے اپنے انٹرویو میں کہا تھا کہ ‘اگر آپ کا خاندان سیاست میں سرگرم ہے تو پارٹی کا صدر بننا مشکل نہیں لیکن بھارت ایک جمہوری ملک ہے جہاں ابتداء ہی سے اپنی حیثیت کو منوانے کے لیے جدوجہد کرنا پڑتی ہے’۔ بھارت میں سونیا گاندھی کو فرقہ پرستی کی وجہ سے 1998 کے انتخابات میں شکست کا سامنا ہوا تھا جس کے سدباب کے لیے انہوں نے سیکولر نظام کی حمایت کی اور مسلسل 10 برس اپنے مقصد کی تکمیل کے لیے لگا دیئے۔سونیا گاندھی نے 2004 میں بھارتی انتخابات میں واجپائی کے مقابلے میں کامیابی حاصل کی لیکن دائیں بازو کے ہندوتوا نے ان کے خلاف ‘غیر ملکی’ ہونے کا شور مچایا۔جس پر سونیا گاندھی نے خاموشی سے وزارت عظمیٰ کا عہدہ چھوڑ ساری توجہ عوامی فلاح و بہبود پر لگا دی۔بھارتی ذرائع ابلاغ نے سونیا گاندھی کے اس عمل پر ان کو ‘سینٹا سونیا’ کا لقب دیا تھا۔سیاسی تجزیہ کاروں کا کہنا ہے کہ سونیا گاندھی نے شاہی خاندان کی مشعل تھامے رکھی ہے ایک ایسی سیاسی جماعت جس نے 1947 میں برطانیہ سے آزادی کے بعد تین بڑے وزیراعظم جواہر لال نہرو، ان کی بیٹی اندرا گاندھی اور ان کے بیٹے راجیو گاندھی دیئے۔

اسلام آباد(ایم نائن ٹو) بھارت نے ایشین نیٹ بال چیمپین شپ کے فائنل میں پاکستان کو سنسنی خیز مقابلے کے بعد ایک گول سے شکست دے کر چیمپیئن شپ جیتنے کا اعزاز حاصل کر لیا۔ملائیشیا میں جاری ٹورنامنٹ میں پاکستان نے ہفتے کو کھیلے گئے ایونٹ کے سیمی فائنل میں سنگاپور کی مضبوط ٹیم کو شکست دے کر فائنل میں جگہ بنائی تھی جبکہ روایتی حریف بھارت نے میزبان ملائیشیا کو مات دے کر فائنل کیلئے کوالیفائی کیا۔اتوار کو ایونٹ کے فائنل میں سنسنی خیز مقابلے کے بعد پاکستان کو بھارت سے ایک گول سے شکست کا سامنا پڑا اور پاکستان نیٹ بال ٹیم کو چاندی کے تمغے رپ ہی اکتفا کرنا پڑا۔پاکستان نے مجموعی طور پر میچ میں شاندار کھیل پیش کیا اور کھیل کے تین کوارٹرز میں برتری حاصل کیے رکھی لیکن آخری کوارٹر میں روایتی حریف کے عمدہ کھیل نے پاکستان نے جیتی بازی چھین لی۔پاکستان ٹیم کا پہلے کوارٹر میں اسکور13-11 (دو گول کی برتری)، دوسرے کوارٹر میں 25-23(دو گول سے برتری)، تیسرے کوارٹر میں 40-36 (چار گول سے برتری) تھی۔تاہم آخری کوارٹر میں بھارت نے 15 گوال اسکور کر کے فیصلہ کن برتری حاصل کرنے کے ساتھ ساتھ میچ میں 51-50 سے کامیابی اپنے نام کرتے ہوئے چیمپیئن بننے کا اعزاز حاصل کر لیا۔یاد رہے کہ پاکستان نے ایونٹ میں ناقابل شکست رہتے ہوئے لگاتار پانچ میچ جیت کر فائنل کیلئے کوالیفائی کیا تھا۔تیسری پوزیشن کا میچ سنگاپور اور ملائیشیا کے مابین کھیلا گیا جسے سنگاپور نے 48کے مقابلے 50 گولوں سے جیت کر تیسری پوزیشن حاصل کر لی۔

ممبئی(میڈیا نائن ٹو ڈاٹ ٹی وی) بالی ووڈ میں عامر خان کو ’مسٹر پرفیکشنسٹ‘ کہا جاتا ہے کیونکہ جب تک وہ اپنی فلم کے کسی سین سے مطمئن نہ ہوں اس وقت تک وہ چین سے نہیں بیٹھتے لیکن اب رنبیر کپور بھی اپنی فلم کے ہدایت کار سے ایسے ہی مطالبے کرنے لگے ہیں۔
رنبیر کپور بھارتی فلم انڈسٹری کے معروف اداکار سنجے دت کی زندگی پر بننے والی فلم کے باعث کافی عرصے سے خبروں میں ہیں۔ فلم میں رنبیر سنجے دت کا مرکزی کردار نبھارہے ہیں جس کے لیے انہوں نے اپنی ظاہری شخصیت میں تبدیلیاں کرکےوزن میں بھی اضافہ کیا ہے۔ فلم انڈسٹری سے تعلق رکھنے والے افراد اس فلم کو رنبیر کپور کے کیرئیر کا اہم ترین موڑ قرار دے رہے ہیں۔
بھارتی میڈیا کے مطابق فلم کے ہدایت کار راجکمار ہیرانی سمیت پوری ٹیم نے فلم کے کچھ سینز ڈسٹری بیوٹرز کو دکھانے کا فیصلہ کیا تھا۔ فلم کے چند سینز دیکھنے کے بعد ڈسٹری بیوٹرز کا کہنا تھا کہ یہ فلم رنبیر کپور کا پورا کیرئیر تبدیل کرنے میں اہم کردار اداکرے گی۔ ہم نے فلم کے چند سینز اور ایک گانا دیکھا ہے اور یہ غیر یقینی طور پر بہت عمدہ ہے۔ اس فلم سے رنبیر کپور کا کیرئیر ایک نئی سمت کی جانب رواں دواں ہوجائے گا۔ ڈسٹری بیوٹرز کے تبصروں سے رنبیر کپور کافی خوش نظرآرہے ہیں کیونکہ انہیں یقین ہے کہ یہ فلم باکس آفس پر کھڑکی توڑ بزنس کرے گی۔ اسی لیے انہوں نے فلم کے کچھ مناظر کو دوبارہ فلمانے کا فیصلہ کیا ہے کیونکہ وہ چاہتے ہیں کہ فلم مکمل طور پر پرفیکٹ ہو اور لوگوں کو پسند آئے۔
واضح رہے کہ رنبیر کپور اپنے کیرئیر کے انتہائی مشکل دور سے گزر رہے ہیں کیونکہ 3 برسوں کے دوران ان کی کوئی بھی فلم اچھا بزنس نہیں کرسکی۔

ممبئی(میڈیا نائن ٹو ڈاٹ ٹی وی) بالی ووڈ ڈمپل گرل دپیکا پڈوکون کے انسٹا گرام پر مداحوں کی تعداد 2 کروڑ سے زائد ہوگئی جس کے بعد اداکارہ ایشیا کی پہلی خاتون بن گئی ہیں جن کے انسٹا گرام پر سب سے زیادہ فالوورز ہیں۔دور حاضر میں جہاں ٹیکنالوجی کے بہت سے فوائد ہیں وہاں سب سے زیادہ فائدہ مداحوں کے لیے یہ ہے کہ وہ با آسانی اپنے پسندیدہ اداکاروں کی معلومات حاصل کرسکتے ہیں یہی وجہ ہے کہ اداکار بھی اپنے مداحوں سے قریب سے قریب تر رہنے کے لیے سوشل میڈیا کا استعمال کرتے ہیں تاکہ مداحوں کو باخبر رکھ سکیں۔
بھارتی میڈیا کے مطابق بالی ووڈ کی صف اول کی اداکارہ دپیکا پڈوکون کی سماجی رابطے کی سائٹ انسٹا گرام پر مداحوں کی تعداد دو کروڑ سے تجاوز کرگئی ہے جس میں بتدریج اضافہ ہورہا ہے ، دپیکا پہلی اداکارہ ہیں جن کے انسٹاگرام پر اتنے فالوورز ہیں۔
ڈمپل گرل نے سماجی رابطے کی سائٹ انسٹا گرام کی جانب سے دی گئی شیلڈ کی تصویر بھی جاری کی اور خوشی کا اظہار کرتے ہوئے انسٹا گرام کا شکریہ ادا کیا، اداکارہ کا کہنا تھا کہ میں آج یہ ایوارڈ وصول کرنے پر خاصی جذباتی ہوں اور یہ سنگ میل میرے لیے ہمیشہ خاص رہے گا۔
واضح رہے کہ فلم ’’پدماوتی‘‘ میں رانی پدماوتی کا کردار ادا کرنے کی وجہ سے دپیکا ان دنوں مشکلات کا شکار ہیں، ایک جانب انتہا پسند ہندوؤں نے ان کو ناک کاٹنے کی دھمکی دے رکھی ہے تو دوسری جانب ان کے سر کی قیمت بھی مقرر کردی گئی ہے۔