Tag international news

مقبوضہ بیت المقدس (ایمرا نیوز آن لائن) یہودی آباد کاروں کی جانب سے قبلہ اول کی بے حرمتی کرنے کے واقعات میں روز بروز اضافہ ہونے لگا۔میڈیا رپورٹ کے مطابق گزشتہ روز اسرائیلی پولیس کی فول پروف سیکیورٹی میں 43 یہودی آباد کار قبلہ اول کے مراکشی دروازے سے داخل ہوئے اور مسجد کی گیلروں میں گھومتے رہے۔یہودی آباد کار مسلسل ساڑھے تین گھنٹے تک قبلہ اول میں گھومتے اور عبادت کی آڑ میں مقدس مقام کی بے حرمتی کرتے رہے۔خیال رہے کہ صہیونی فوج اور پولیس کی فول پروف سیکیورٹی میں جمعہ کے علاوہ ہفتے کے باقی ایام میں یہودی آباد کار قبلہ اول میں داخل ہو کرمقدس مقام کی بے حرمتی کرتے ہیں۔

پاکستان ایک اہم ملک ہے اور ہم پاکستان کے ساتھ بہتر تعلقات چاہتے ہیں ،
امرےکی نمائندہ خصوصی برائے افغانستان
واشنگٹن(ایمرا نیوز آن لائن)امریکی نمائندہ خصوصی برائے افغانستان زلمے خلیل زاد نے کہا ہے کہ افغان امن مذاکرات کو تیز کرنے میں مدد کرنے کےلیے پاکستان نے افغان لیڈر ملا برادر کو ان کی درخواست پر رہا کیا تھا۔خیال رہے کہ اس سے قبل امریکی محکمہ خارجہ نے کہا تھا کہ طالبان کے بانی رہنماو¿ں میں شامل ملا عبدالغنی برادر کی رہائی کابل کی جانب سے طویل عرصے سے کیے جانے والے مطالبے کی تکمیل ہے۔ غےر ملکی خبر رساں ادارے کے مطابق جنوبی ایشیا اور مشرق وسطیٰ کے لیے تقریباً ایک ماہ کے طویل امن مشن سے رواں ہفتے واپس آنے والے زلمے خلیل زاد کا کہنا تھا کہ انہوں نے طالبان کے ساتھ افغانستان سے امریکی فورسز کی واپسی کے لیے شرائط پر تبادلہ خیال کیا لیکن اس معاملے پر ابھی کوئی معاہدہ نہیں ہوا۔واشنگٹن میں امن کے امریکی ادارے میں خطاب کرتے ہوئے انہوں نے اس بات کو تسلیم کیا کہ گزشتہ ماہ دوحہ میں امریکا اور طالبان ایک فریم ورک معاہدے پر پہنچ گئے تھے لیکن حتمی نتائج تک پہنچنے کے لیے مزید بات چیت کی ضرورت ہے۔ امریکا-طالبان مذاکرات کو آسان بنانے میں پاکستان کے کردار سے متعلق ایک سوال کے جواب میں زلمے خلیل زاد کا کہنا تھا کہ اسلام آباد نے ایک تعمیری کردار ادا کیا اور ’ان کی درخواست‘ پر ملا برادر کو رہا کیا۔امریکی نمائندہ خصوصی کا کہنا تھا کہ انہوں نے ملا برادر کی رہائی کی درخواست کی تھی کیونکہ ان کا ماننا تھا کہ افغان امن کے آغاز میں سینئر طالبان رہنما بھی تعمیری کردار ادا کرسکتے ہیں۔امن مذاکرات کے فروغ میں اسلام آباد کے کردار کو سراہتےہوئے زلمے خلیل زاد کا کہنا تھا کہ ’پاکستان ایک اہم ملک ہے اور ہم پاکستان کے ساتھ بہتر تعلقات چاہتے ہیں‘۔اپنے خطاب کے دوران انہوں نے اپنے اس انتباہ کو دہرایا کہ افغانستان میں 40 سال پرانی جنگ کے خاتمے کے لیے ایک سے زائد ملاقات ہوں گی۔ زلمے خلیل زاد کا کہنا تھا کہ افغانستان میں سابق حکومتیں، آیا وہ طالبان کی تھی یا کسی اور کی، وہ اس لیے ناکام ہوئیں کیونکہ انہوں نے اپنے نظریات نافذ کرنے کی کوشش کی۔انہوں نے کہا کہ دوحہ میں انہوں نے اس فرق کا مشاہدہ کیا کہ یہ احساس ہے کہ یہ نقطہ نظر کام نہیں کرے گا، ساتھ ہی انہوں نے کہا کہ طالبان سمیت تمام فریقن اب ایک دوسرے کو جگہ دینے کو تیار ہیں۔خیال رہے کہ پاکستان کی جانب سے بھی یہ کہا گیا تھا کہ امریکا اور طالبان کے درمیان گزشتہ ماہ ہونے والے مذاکرت تمام فریقین کے لیے ایک ’بڑی سفارتی فتح‘ ہے۔

ترکی ادلب شہر میں موجود شدت پسندوں کو وہاں سے نکالنے کے لیے مزید اقدامات کرے،ترجمان روسی وزارت خارجہ
ماسکو (ایمرا نیوز آن لائن)روس نے ترکی پر زور دیا ہے کہ وہ شام کے شہر ادلب میں موجود عسکریت پسندوں کو وہاں سے نکالنے کے لیے مزید اقدامات کرے۔غیرملکی خبررساں ادارے کے مطابق روسی وزارت خارجہ کی ترجمان ماریا زاخاروفانے ایک بیان میں کہا کہ ماسکو یہ چاہتا ہے کہ ترکی ادلب شہر میں موجود شدت پسندوں کو وہاں سے نکالنے کے لیے مزید اقدامات کرے۔ان کا کہنا تھا کہ ترکی نے روس کے ساتھ گذشتہ برس ادلب سے شدت پسندوں کو نکال باہر کرنے کا وعدہ کیا تھا مگر اس پر عمل درآمد نہیں ہوسکا۔ادھر روسی صدر ولادی میر پوتین آئندہ ہفتے ترکی اور روس کے صدور سے ملاقات کرنے والے ہیں۔ یہ ملاقات روس کے جنوبی شہر سوچی میں متوقع ہے۔ اس میں شام کا معاملہ سر فہرست ہوگا۔ترکی کے ایک سینئر عسکری وفد نے ماسکو میں روسی فوجی حکام کے ساتھ ملاقات کی ہے۔اس ملاقات میں شام کے شمال مغربی علاقے ادلب کے حوالے سے بات چیت کی گئی۔ امکان ہے کہ ترکی اور روس مل کر ادلب میں النصرہ فرنٹ کے خلاف آپریشن شروع کریں گے۔ماسکو انقرہ کے ساتھ مل کر ادلب میں وسیع فوجی آپریشن کی تیاری کر رہا ہے۔ دونوں ملک ادلب میں فوجی کارروائی کی تفصیلات اور اس کے تکنیکی پر غور کر رہے ہیں۔

جنگ سے زیادہ مشکل چیز امن ہے،طالبان جنگ بندی پر اس وقت تک رضامند نہیں ہوں گے جب تک کہ تمام بیرونی افواج افغانستان سے نہیں چلی جاتیں،شیر محمد عباس ستنکزئی
ماسکو (ایمرا نیوز آن لائن )امریکہ کے ساتھ امن مذاکرات میں طالبان کی ٹیم کی سربراہی کرنے والے رہنما شیر محمد عباس ستنکزئی نے کہا ہے کہ طالبان افغانستان پر بزورِ طاقت قبضہ کرنے کی خواہش نہیں رکھتے۔ماسکو میں بی بی سی کو انٹرویو دیتے ہوئے ان کا کہنا تھا کہ ’ہم پورے ملک پر پر قبضہ کرنا نہیں چاہتے۔ اس سے افغانستان میں امن نہیں آئے گا‘۔تاہم شیر محمد عباس ستنکزئی کا یہ بھی کہنا تھا کہ طالبان جنگ بندی پر اس وقت تک رضامند نہیں ہوں گے جب تک کہ تمام بیرونی افواج افغانستان سے نہیں چلی جاتیں۔عباس ستانکزئی جو کچھ عرصہ قبل تک قطر میں طالبان کے سیاسی دفتر کے سربراہ تھے، گروپ کے نمایاں رہنما ہیں۔ انھوں نے افغان حزب اختلاف کے متعدد سینیئر رہنماو¿ں کے ساتھ ماسکو میں ہونے والی ملاقات میں شرکت کے دوران بی بی سی سے بات کی۔انھوں نے کہا کہ 1990 کی دہائی میں جب طالبان اقتدار میں تھے اور انھیں مخالف افغان گروہوں کی جانب سے مسلح مخالفت کا سامنا ہوا تو ان کے گروپ کو یہ بات سمجھ میں آ گئی تھی کہ مسائل کے حل کا بہتر طریقہ ‘بات چیت ہے۔’عباس ستانکزئی نے کسی معاہدے تک پہنچنے میں آنے والی پریشانیوں کی جانب اشارہ کرتے ہوئے کہا کہ ‘جنگ سے زیادہ مشکل چیز امن ہے۔’ تاہم انھوں نے امید ظاہر کی افغان تنازعہ ختم کیا جا سکتا ہے۔عباس ستانکزئی نے افغانستان میں مفاہمتی عمل کے لیے امریکی حکومت کے نمائندے زلمے خلیل زاد سے حالیہ مہینوں کے دوران سلسلہ وار ملاقاتوں کی قیادت کی ہے۔عباس ستانکزئی کا بھی کہنا تھا کہ ان کا یہ خیال ہے کہ ٹرمپ انتظامیہ ‘افغانستان میں امن لانا چاہتی ہے‘۔خیال رہے کہ ماسکو میں ہونے والے مذاکرات امریکہ اور طالبان کے درمیان ہونے والے امن مذاکرت سے علیحدہ ہیں۔ ان میں طالبان کے مندوبین کے علاوہ سابق افغان صدر حامد کرزئی اور حزب اختلاف کے دوسرے سرکردہ رہنماو¿ں نے بھی شرکت کی۔ان مذاکرات میں اگر طالبان مرکزی دھارے کی سیاسی طاقت بن جاتے ہیں تو ملک کو مستقبل میں کیسے چلایا جائے، جیسے موضوعات پر گفتگو ہوئی۔عباس ستانکزئی نے ماسکو کے ایک ہوٹل میں اجلاس سے خطاب کرتے ہوئے کہا کہ طالبان اقتدار پر اپنی اجارہ داری نہیں چاہتے لیکن ‘افغانستان کا آئین جو کہ مغرب سے درآمدہ ہے وہی امن کی راہ میں رخنہ ہے‘۔تاہم عباس ستانکزئی نے کہا کہ طالبان کے بڑھتے اثرات سے ‘خواتین کو خوفزدہ نہیں ہونا چاہیے’ کیونکہ وہ خواتین کو شریعت اور افغان ثقافت کے تحت ان کے سارے حقوق دینے کی کوشش کریں گے۔انھوں نے مزید کہا: ‘وہ سکول جا سکتی ہیں، وہ یونیورسٹی جا سکتی ہیں، وہ ملازمت کر سکتی ہیں۔’ماسکو کے مذاکرات میں موجود دو خواتین میں سے ایک فوزیہ کوفی جو کہ افغانستان میں رکن پارلیمان بھی ہیں نے بی بی سی کو بتایا: ‘یہ ایک مثبت قدم ہے کہ وہ طالبان جو اب تک افغانستان کے عوام اور بطور خاص خواتین کے خلاف گولیوں کا استعمال کر رہے تھے وہ اب مائیکروفون کا استعمال کر رہے ہیں اور خواتین کی آواز سن رہے ہیں۔انھوں نے کہا کہ طالبان کے ایک رکن نے انھیں بتایا کہ خواتین صدر نہیں ہو سکتیں لیکن سیاسی دفتر میں خدمات انجام دے سکتی ہیں۔ فوزیہ کوفی نے مزید کہا کہ ‘ہمیں اس بات کی یقین دہانی کرنی ہے کہ جو وہ کہہ رہے ہیں ان کی واقعی وہی نیت بھی ہے۔

روس(نیٹ نیوز/ایمرا نیوز) روس سےملحقہ کرائمیا کے قریب بحر اسود میں گیس کے 2 ٹینکرز میں آگ لگ گئی، اس حادثے میں 14 افراد ہلاک جبکہ 5 لاپتہ ہو گئے۔

دونوں جہازوں میں سوار 12 افراد کو بچالیا گیا ہے، جہازوں کے عملے کا تعلق ترکی اور بھارت سے ہے۔روسی حکام کے مطابق حادثے کا شکار ہونے والے کارگو جہاز تنزانیہ کے تھے، جن میں اس وقت آگ لگی جب ایک جہاز سے دوسرے جہاز میں ایندھن کو منتقل کیا جا رہا تھا۔آگ لگتے ہی عملے نے سمندر میں چھلانگ لگا دی، ریسکیو حکام کو 11 افراد کی لاشیں مل گئی ہیں جبکہ تین افراد سمندر میں ڈوب گئے ہیں۔جہازوں میں سوار عملے کا تعلق ترکی اور بھارت سے بتایا گیا ہے۔

انقرہ:(نیٹ نیوز/ایمرا نیوز) ترک صدر طیب اردگان نے شام سے امریکی فوجیوں کے انخلاء کے صدر ٹرمپ کے فیصلے کو سراہتے ہوئے انخلاء کے عمل میں اتحادیوں کو شامل کرنے کی تجویز دی ہے۔ترک صدر طیب اردگان نے امریکی اخبار نیویارک ٹائمز میں اپنے ایک کالم میں شام سے امریکی فوجیوں کے انخلاء سے متعلق ترکی کے ردعمل کے کھل کی وضاحت کی ہے۔ترک صدر نے اپنے کالم میں امریکی صدر کو تجویز دی کہ امریکا کو شام سے اپنی فوجوں کے انخلاء کے عمل کو بہت محتاط انداز سے اور ’سچے اتحادیوں‘ کو اعتماد میں لیکر مکمل کرنا چاہیئے۔صدر اردگان نے مزید لکھا کہ انخلاء کے بعد امن کے استحکام کے لیے کردوں کے زیر تسلط علاقوں میں صرف ترکی ہی بہترین قیادت فراہم کرسکتی ہے اور داعش سمیت دیگر چھوٹے شدت پسند گروپوں کو کچلنے کی صلاحیت رکھتا ہے۔شام میں کرد جنگجوؤں امریکی فوج کے اتحادی ہیں اور کردوں کے زیر تسلط علاقوں میں کردوں کو حکومتی فورسز اور دیگر شدت پسند گروہوں کے خلاف امریکا کی حمایت حاصل تھی جب کہ کردوں کو ترکی میں باغی تصور کیا جاتا ہے۔واضح رہے کہ امریکی صدر ٹرمپ نے شام سے امریکی فوجیوں کو واپس بلانے کی ہدایت کی تھی جس کے لیے امریکی مشیر قومی سلامتی جان بولٹن چار روزہ دورے پر اسرائیل کے بعد ترکی پہنچ رہے ہیں۔

برلن(نیٹ نیوز/ایمرا نیوز) برطانوی وزیراعظم تھریسامے کو خفت کا سامنا کرنا پڑ گیا، وہ بریگزٹ ڈیل پر بات کرنے برلن پہنچیں تو کار کا دروازہ لاک ہو گیا۔

گاڑی رکنے پر برطانوی وزیر اعظم گاڑی سے باہر نہ نکل سکیں، جرمن چانسلر انتظار کرتی رہیں۔ڈرائیور نے مینوئل طریقے سے گاڑی کا پچھلا دروازہ کھولا تو تھریسامے باہر نکلیں، جنہوں نے اس لمحے چہرے پر مسکراہٹ سجالی۔تاہم کار میں لاک ہونا وزیر اعظم تھریسامے کے لیے برا شگون نکلا، کیوں کہ وہ چانسلر انجیلا مرکل کو نئی ڈیل پر آمادہ نہ کر سکیں اور عدم اعتماد سے بچنے کے لیے انہیں وطن واپس لوٹنا پڑا۔

ممبئی(نیٹ نیوز/ایمرا نیوز) بھارتی وزیر اعظم نریندر مودی نے پانچ ریاستوں میں ہونے والے انتخابات میں اپنی شکست تسلیم کر لی۔بھارت کی 5 ریاستوں میں ہونے والے انتخابات میں وزیراعظم نریندر مودی کی جماعت بھارتیہ جنتا پارٹی (بی جے پی) کو ایک بڑے اپ سیٹ کا سامنا ہے، 3 ریاستوں میں کانگریس جبکہ دیگر 2 میں مقامی جماعتیں آگے ہیں۔مودی نے سوشل میڈیا پر پیغام میں اپنی شکست قبول کرتے ہوئے کہا کہ ’ عوام کے فیصلے کو عاجزی کے ساتھ قبول کرتے ہیں۔‘انہوں نے مزید کہا کہ’ میں چھتیس گڑھ، مدھیا پردیش اور راجھستان کے لوگوں کا ہمیں ایک بار موقع دینے پر شکریہ ادا کرتا ہوں ، بی جے پی حکومت نے ان ریاستوں کے عوام کی فلاح کے لئے انتھک محنت کی تھی۔‘ایک اور ٹوئٹ میں انہوں نے کہا کہ بی جے پی فیملی نے ریاست کے انتخابات کیلئے دن رات کام کیا، ہار جیت زندگی کا لازمی حصہ ہے۔

ریاض:(نیٹ نیوز/ایمرا نیوز) سعودی فرمانروا شاہ سلمان نے قطر کے امیر کو خلیجی ممالک کی تنظیم کے اہم اجلاس میں شرکت کی دعوت دے دی۔بین الاقوامی خبر رساں ادارے کے مطابق سعودی فرماں روا شاہ سلمان بن عبدالعزیز نے خلیجی ممالک کی تنظیم GCC کے 9 دسمبر کو ہونے والے اجلاس میں شرکت کے لیے قطر کے امیر کو دعوت نامہ بھیجا ہے، تاہم قطر نے اجلاس میں شرکت کے حوالے سے تاحال کوئی فیصلہ نہیں کیا ہے۔قطر نے دو روز قبل ہی پٹرول برآمد کرنے والی تنظیم ’اوپیک‘ سے اپنی 60 سالہ رفاقت کو ختم کر کے رکنیت سے دستبرداری کا اعلان کیا تھا، سعودی عرب کی جانب سے جی سی سی کے اجلاس میں شرکت کے لیے قطر کو مدعو کرنے کو بھی اسی تناظر میں دیکھا جارہا ہے۔واضح رہے کہ سعودی عرب، متحدہ عرب امارات اور بحرین سمیت 7 عرب ممالک نے گزشتہ برس دہشت گردی میں معاونت کے الزام میں قطر سے سفارتی تعلقات منقطع کرکے معاشی پابندیاں عائد کردی تھیں۔ اس فیصلے کے بعد سے یہ پہلا موقع ہوگا جب قطر اور خلیجی عرب ممالک کی ملاقات ممکن ہوسکے گی۔

ممبئی(نیٹ نیوز/ایمرا نیوز) ممبئی میں ہونے والے سلسلہ وار بم دھماکوں کے دس برس مکمل ہونے پر امریکی صدر ڈونلڈ ٹرمپ نے بھارت کے نام پیغام جاری کیا ہے۔26 نومبر 2008 کو بھارتی شہر ممبئی میں ہونے والے حملوں کے نتیجے میں 166 افراد ہلاک جبکہ 100 سے زائد شہری زخمی ہوئے تھے۔ دہشت گردی کے اس افسوسناک واقعے میں ہلاک ہونے والے افراد میں ممبئی پولیس کے ایک درجن سے زائد اہلکار بھی شامل تھے۔اس حوالے سے امریکی صدر ڈونلڈ ٹرمپ کی جانب سے ٹوئٹ کیا گیا ہے جس میں انہوں نےکہا کہ ’ممبئی دہشت گردحملے کے دس برس مکمل ہونے پر امریکابھارت کے عوام کے ساتھ کھڑا ہے اور انصاف کا خواہاں ہے۔ ‘ٹرمپ نے مزید لکھا کہ ’اس حملے میں 166 بے گناہ معصوم افراد ہلاک ہوئےتھے جن میں 6 امریکی بھی شامل تھے۔ ہم کبھی بھی دہشت گردوں کو جیتنے نہیں دیں گے اور نہ ہی وہ کبھی جیتنے کے قریب آئیں گے۔ گزشتہ روز ممبئی حملوں کے 10 سال مکمل ہونے پر امریکی وزیر خارجہ مائیک پومپیو نے ایک بیان میں کہا تھا کہ حملوں میں ملوث عناصر کو اب تک سزا نہیں ملی جو ممبئی حملوں میں ہلاک ہونے والوں کے ورثا کی توہین ہے۔انہوں نے مزید کہا تھا کہ وہ تمام ممالک بالخصوص پاکستان پر زور دیتے ہیں کہ لشکر طیبہ سمیت ممبئی حملوں میں ملوث عناصر کے خلاف سلامتی کونسل کی پابندیوں پر عمل درآمد کرے۔