Tag international news

ایران(ایمرا نیوزآن لائن) میں پیٹرول کی قیمتوں میں اضافے کے خلاف گذشتہ 6 روز سے جاری مظاہروں میں اب تک 106 افراد کی ہلاکت کی اطلاعات ہیں۔

‏ انسانی حقوق کی تنظیم ایمنسٹی انٹرنیشنل کے دعوے کے مطابق ایران میں6 روز سے جاری مظاہروں میں 106 افراد مارے جاچکے ہیں جب کہ اموات کی اصل تعداد میں مزید اضافے کا خدشہ ہے۔ ایمنسٹی انٹرنیشنل کے بیان کے بعد اقوام متحدہ نے ایران میں ہلاکتوں پر تشویش کا اظہار کیا ہے اور طاقت کے استعمال کے خلاف ایرانی حکومت کو متنبہ کیا ہے۔

دوسری جانب ایران نے سرکاری طور پر 3 سیکیورٹی اہلکاروں سمیت صرف 5 افراد کی ہلاکتوں کی تصدیق کی ہے۔ واضح رہے کہ ایران میں پٹرول کی قیمتیں بڑھائے جانے پر متعد شہروں میں حکومت مخالف پرتشدد مظاہرے کیے جارہے ہیں۔

احتجاج کے دوران مظاہرین نے متعدد پیٹرول پمپس ،بسوں، بینکوں اور دکانوں کو آگ لگادی ، مختلف علاقوں میں ٹریفک کوبلاک کردیا گیا جب کہ کچھ نے ایندھن کے اسٹوریج ہاؤس پر بھی حملےکی کوشش کی۔ سیکیورٹی فورسز کی جانب سے طاقت کے استعمال کے نتیجے میں 100 سے زائدافراد جان کی بازی ہار چکے ہیں جب کہ ایک ہزار سے زائد افراد کو گرفتار بھی کیا گیا ہے اور ملک کے اکثر شہروں میں انٹرنیٹ کی سہولت بھی معطل ہے۔

واضح رہے کہ ایرانی حکومت کی جانب سے گذشتہ دنوں پیٹرول کی قیمتوں میں 50 فیصد اضافہ کردیا گیا تھا جب کہ پیٹرول کی خریداری کے لیے کوٹے کا نفاذ بھی کیا گیا ہے۔ حکام نے پیٹرول کی قیمتوں میں دی جانے والی رعایت کو کم کیا ہے جس کا مقصد امریکا کی طرف سے لگائی گئی اقتصادی اور تجارتی پابندیوں کے اثرات کو کم کرنا ہے۔

پیٹرول کی قیمت 10 ہزار ریال فی لیٹر (47 روپے پاکستانی) سے بڑھا کر اب 15 ہزار ریال فی لیٹر (70 روپے پاکستانی روپے ) کر دی گئی ہے جب کہ 60 لیٹر سے زائد پیٹرول لینےوالے کو 30 ہزار ریال فی لیٹر (140 روپے پاکستانی) کی قیمت میں یہ خریدنا پڑے گا۔ حکام کے مطابق اضافی آمدنی سے ضرورت مند خاندانوں کی مدد کی جائے گی، دو روز قبل ایرانی صدر حسن روحانی کی جانب سے ضرورت مند خاندانوں کی مالی امداد کا سلسلہ شروع کرنے کے اعلان کے باجود مظاہروں کی شدت میں کمی نہیں آئی ہے۔

احتجاج، ہلاکتیں 40 ہوگئیں: ایران کے سپریم لیڈر آیت اللہ خامنہ ای نے حکومت کی جانب سے پیٹرول کی قیمت میں 50 فیصد اضافے کی حمایت کی ہے۔ اپنے ایک بیان میں مظاہروں کے حوالے سےآیت اللہ خامنہ ای کا کہنا تھا کہ ایران کے دشمن ہمیں تباہ کرنا چاہتے ہیں، جو لوگ احتجاج کے دوران ریاست اور شہریوں کی املاک کو نقصان پہنچا رہے ہیں وہ دراصل ایران مخالف دشمن قوتوں کے ایجنٹ ہیں۔

(ایمرا نیوزآن لائن) افغان طالبان کی قید میں موجود دو غیر ملکیوں کو رہا کردیا گیا، امریکی یونیورسٹی کے پروفیسرز کو امریکی ہیلی کاپٹر کے ذریعے زابل سے روانہ کیا گیا۔

امریکی پروفیسرز کی رہائی کے بدلے طالبان کے 3 رہنماؤں کو رہا کیا گیا ہے۔ افغان طالبان کا کہنا ہے کہ انہوں نے یرغمال بنائے گئے دو غیر ملکیوں کو رہا کردیا ہے، ان دونوں غیر ملکیوں کو 2016 میں کابل میں اغواء کیا گیا تھا۔ مقامی پولیس ذرائع کے مطابق آج صبح دس بجے امریکی یونیورسٹی کے دونوں پروفیسرز کو صوبے زابل سے رہا کیا گیا جو امریکی ہیلی کاپٹروں میں زابل سے روانہ ہوئے۔

رہائی پانے والوں میں امریکا کے کیون کنگ اور آسٹریلیا کے ٹیموتھی ویکس شامل ہیں۔ امریکی سفارت خانے کی جانب سے رہائی پر ابھی کوئی ردعمل نہیں آیا۔ دوسری جانب گزشتہ شام افغانستان کی بگرام جیل سے رہا کیے گئے طالبان کے تین رہنما انس حقانی، حاجی مالی خان اور حافظ راشد بھی قطر پہنچ گئے ہیں۔

افغان صدر اشرف غنی کا اس حوالے سے کہنا ہے کہ یہ ایک مشکل لیکن اہم فیصلہ تھا اور اسے حکومت کی طرف سے انسانی ہمدردی کی بنیاد پر اٹھایا گیا اقدام سمجھا جائے۔ افغان حکام پرامید ہیں کہ اس اقدام کے بعد طالبان کے ساتھ امن مذاکرات دوبارہ شروع ہوسکیں گے جبکہ کابل میں انس حقانی و دیگر طالبان رہنماؤں کی رہائی کیخلاف احتجاج بھی کیا گیا۔

(ایمرا نیوز آن لائن )مصر کو روس سے لڑاکا جیٹ کی خریداری پر امریکا کی پابندیوں کے خطرے کا سامنا ہوسکتا ہے اور وہ مستقبل میں امریکا سے فوجی آلات بھی نہیں خرید کرسکے گا۔غیرملکی خبررساں ادارے کے مطابق یہ بات امریکی محکمہ خارجہ کے اسسٹنٹ سیکریٹری برائے سیاسی اور عسکری امور آر کلارک کوپر نے دبئی میں منعقدہ ائیرشو کے موقع صحافیوں سے گفتگو کرتے ہوئے کہی ،انھوں نے کہا کہ مصر (امریکا کی ممکنہ پابندیوں کے) ان خطرات سے آگاہ ہے۔

(ایمرا نیوزآن لائن) دنیا میں بہت سے لوگوں کو چاکلیٹ کھانا بے حد پسند ہوتا ہے جب کہ چاکلیٹ اسپریڈ ’نیوٹیلا‘ جو کہ کسی بھی چیز کے ساتھ لگا کر کھایا جاسکتا ہے اور چاکلیٹ کے شوقین افراد کی پسندیہ ترین چیز ہوتی ہے۔

آج ہم آپ کو ایک ایسے ہوٹل کے بارے میں بتائیں گے جو کہ خاص طور پر ’نیوٹیلا‘ پسند کرنے والے لوگوں کے لیے تیار کیا گیا ہے۔ امریکی ریاست کیلی فورنیا میں چاکلیٹ کے دیوانوں کے لیے جلد ہی ایک ایسے ہوٹل کا افتتاح کیا جائے گا جہاں ہر شے نیوٹیلا کی طرح بنائی گئی ہے۔

اس ہوٹل کا نام ’ہوٹیلا نیوٹیلا‘ رکھا گیا ہے جسے کیلی فورنیا کی ناپا ویلی میں بنایا گیا ہے، یہ خاص طور پر ان لوگوں کے لیے بنایا گیا ہے جو کہ نیوٹیلا اسپریڈ کو بے حد پسند کرتے ہیں۔ اس ہوٹل میں ہر چیز نیوٹیلا پر مبنی ہوگی جس میں فرنیچر، گھڑی اور ہوٹل کی تمام تر چیزیں نیوٹیلا کے جار جیسی دکھائی دیں گی۔

اس ہوٹل میں صارفین کو ایسا کھانا پیش کیا جائے گا جو کہ نیوٹیلا کا استعمال کرکے بنایا گیا ہوگا اور اسی وجہ سے اس ہوٹل کو نیوٹیلا کی خوابوں کی دنیا بھی کہا جارہا ہے یہ ہوٹل 2020 میں صارفین کے لیے کھولا جائے گا جو نیوٹیلا برانڈ کی جانب سے کیا جانے والا ایک تجربہ ہے۔

(میڈٰیا92نیوزآن لائن) آئی سی سی کے ججز نے گزشتہ روز میانمار میں 2017 میں مسلمانوں کے خلاف بڑے پیمانے پر ہونے والے فوجی کریک ڈاؤن کی تحقیقات کی منظوری دی۔

عالمی عدالت کا فیصلہ ارجنٹائن کی جانب سے میانمار کی رہنما آنگ سان سوکی کے خلاف روہنگیا مسلمانوں پر مظالم کی کارروائی کے آغاز کے ایک روز بعد سامنے آیا ہے۔ روہنگیا مسلمانوں پر مظالم، میانمارکے آرمی چیف کا امریکا میں داخلہ بند

اس کے علاوہ اقوام متحدہ کی اعلیٰ عدالت میں بھی میانمار میں روہنگیا مسلمانوں کی نسل کشی کا مقدمہ چل رہا ہے۔ خیال رہے کہ ساڑھے 7 لاکھ کے قریب روہنگیا مسلمان میانمار افواج کی جانب سے نسل کشی کے خوف کے باعث بنگلا دیش کے مہاجر کیمپوں میں مقیم ہیں۔

2002 میں قائم ہونے والی عالمی جرائم کی عدالت کے پاس دنیا میں ہونے والے بدترین جرائم کی تحقیقات کا اختیار ہے اور انہی اختیارات کے تحت آئی سی سی میانمار میں ہونے والے جرائم کی تحقیقات کرے گی جس میں منظم تشدد، بڑے پیمانے پر انسانوں کی بے دخلی اور عقائد کی بناء پر روہنگیا لوگوں کو ستائے جانے کی تحقیقات شامل ہیں۔

(میڈیا 92نیوزآن لائن) پاکستان کو عالمی ماحولیاتی فنڈ کی سربراہی مل گئی ہے جب کہ پاکستان کو روایتی ہتھیاروں کے کنوینشن کے رکن ممالک کے سالانہ اجلاس کی سربراہی بھی مل گئی ہے جس کے چیئرمین اقوام متحدہ میں پاکستان کے مستقل مندوب طاہر خلیل ہوں گے۔

اس کے علاوہ یونیسکو کے ایجوکیشن کمیشن کے صدر کی حیثیت سے بھی پاکستان کا انتخاب ہوا ہے۔ مشیر ماحولیات امین اسلم کا کہنا ہے کہ گرین کلائمیٹ فنڈ کی سربراہی ملنا بڑا اعزاز ہے، پاکستان ماحولیات کے سب سے بڑے عالمی فنڈ کو چیئر کرے گا۔

امین اسلم نے کہا کہ پاکستان کو فنڈز کے حصول میں آسانی ملے گی، ماحولیات کے لیے عالمی ممالک 100 ارب ڈالر کا فنڈ مختص کریں گے جب کہ پاکستان اب تک 140 ملین ڈالرز کا فنڈز لے چکا ہے۔ مشیر ماحولیات نے کہا کہ سربراہی ملنے سے مزید فنڈز کا حصول آسان ہو جائے گا، پاکستان 10 ارب درخت اگانے کے لیے بھی معاونت حاصل کر سکے گا۔

(ایمرا نیوزآن لائن) ہمیں اکثر کسی بھی جگہ وقت سے پہلے یا وقت پر پہنچنے کا کہا جاتا ہے اور ہم اکثر ایسا ہی کرتے ہیں لیکن ایک تحقیق سے ایسی بات سامنے آئی ہے جو کہ تاخیر سے اور وقت پر پہنچنے والے دونوں طرح کے لوگوں کو حیران کرسکتی ہے۔

آکسفورڈ یونیورسٹی کی حالیہ تحقیق سے اس بات کا انکشاف ہوا ہے کہ وہ لوگ جو ہر جگہ ہمیشہ تاخیر سے پہنچتے ہیں وہ لمبی زندگی جینےکے ساتھ ساتھ خوش مزاج بھی ہوتے ہیں۔ماہرین کا کہنا ہے کہ وہ لوگ جو کہیں بھی دیر سے پہنچنے کے عادی ہوتے ہیں ان کا بلڈ پریشر بھی معتدل ہوتا ہے جب کہ ان میں امراض قلب کے امکانات بھی بے حد کم پائے جاتے ہیں۔

ماہرین کا کہنا ہےکہ بنیادی طور پر یہ لوگ وقت پر پہنچنے والے لوگوں کے مقابلے میں زیادہ آرام دہ اور پرسکون ہوتے ہیں اور یہی وجہ ہے کہ ان لوگوں کی دل کی صحت اچھی ہوتی ہے جب کہ ان میں فالج کا خطرہ کم ہوتا ہے اور ایسے لوگوں میں ڈپریشن کے امکانات بھی بے حد کم ہوتے ہیں۔تحقیق کے مطابق زندگی میں پُر امید ہونا انسان کی صحت کو بہتر کرتا ہے جبکہ اس کا تعلق بہتر کار کردگی اور کامیابی سے بھی ہے۔

ایران(ایمرا نیوزآن لائن) نے اقوام متحدہ کے جوہری انسپکٹر کا اجازت نامہ منسوخ کر دیا۔

ایران کے جوہری ادارے کی جانب سے جاری بیان میں عالمی ادارے کے جوہری انسپکٹر کا اجازت نامہ منسوخ کرنے کی تصدیق کی گئی ہے۔

ایرانی جوہری ادارے کے مطابق نطنز جوہری پلانٹ میں یو این انسپکٹر کے داخل ہوتے وقت الارم بج اٹھا، تشویش ہے کہ یو این انسپکٹر ممکنہ طور پر مشتبہ چیز لا سکتے ہیں۔

ایرانی جوہری ادارے کا یہ بھی کہنا ہے کہ ایران نے آج سے فردا جوہری پلانٹ پر یورینیئم افزودگی شروع کر دی ہے۔ غیر ملکی خبر ایجنسی کے مطابق جوہری معاہدے کی شقوں کی پاسداری سے دستبرداری کا ایران کا یہ چوتھا اقدام ہے۔

فیس بک (ایمرا نیوزآنلائن) نے اپنی متنازع پالیسی کو برطانیہ تک پھیلاتے ہوئے وہاں سیاستدانوں کو الیکشن کے دوران جھوٹے اشتہارات چلانے کی اجازت دے دی ہے۔

امریکی نشریاتی ادارے سی این این کے مطابق اس متنازع پالیسی کا دفاع برطانیہ کے سابق ڈپٹی وزیراعظم اور فیس بک کے ملازم نک کلیگ بھی کر رہے ہیں جو 2016 کے بریگزٹ ریفرنڈم کے دوران سوشل میڈیا پر جھوٹ پھیلائے جانے کی شکایت کرنے میں پیش پیش تھے۔

برطانیہ میں دار العوام یعنی ہاؤس آف کامنز کے تاریخی انتخابات اگلے ماہ یعنی دسمبر میں ہوں گے اور اب فیس بک اپنی اس پالیسی کے تحت برطانیہ میں انتخابی امیدواروں کی جانب سے چلائے جانے والے اشتہارات کو فیکٹ چیکنگ یعنی جھوٹ اور سچ کی تفریق کے عمل سے نہیں گزارے گا۔

جب کہ اس کے برعکس فیس بک بریگزٹ کے حامی “لیو ای یو ” سمیت دیگر سیاسی گروپس پر پابندی کی پالیسی کو برقرار رکھے گا۔ فیس بک ایسی ہی پالیسی امریکا کے انتخابات میں بھی وہاں نافذ کر چکا ہے اور اس کی مخالفت صدارتی امیدوار وں، کانگریس اور حتیٰ کہ فیس بک کے کچھ ملازمین نے بھی کی ہے۔

اسی وجہ سے فیس بک کی حریف کمپنی ٹوئٹر نے اعلان کیا ہے کہ وہ آئندہ ماہ ہونے والے الیکشن کے دوران سیاسی مواد پر مشتمل اشتہارات بالکل قبول نہیں کرے گی جب کہ گوگل ابھی اس حوالے سے خاموش ہے۔

اسکیموں کا جائزہ جاری ہے ‘ریاض دنیا بھر میں پٹرول اور گیس کے ذخائر تلاش کرے گا
سعودی وزیر پیٹرولیم و توانائی خالد الفالح
ریاض(ایمرا نیوز آن لائن) سعودی فرماں روا شاہ سلمان بن عبدالعزیز کی کابینہ نے آئل ریفائنری سمیت پاکستان میں معاہدوں کا کلی اختیار وزراءکو تفویض کردیا۔شاہ سلمان بن عبدالعزیز کی زیرصدارت کابینہ کے اجلاس کے دوران کئی اہم فیصلے کیے گئے۔سعودی خبر رساں ایجنسی کے مطابق وزیر پیٹرولیم خالد الفالح پاکستان کےساتھ مفاہمتی یادداشتوں پر دستخط کریں گے جبکہ عجائب گھر اور آثار قدیمہ کے شعبوں میں پاکستان کےساتھ تعاون کی مفاہمتی یادداشت کا اختیار سیاحت و قومی ورثے کے سربراہ کو دیا گیا ہے۔بدھ کے روز اس ضمن میں سعودی وزیر پیٹرولیم و توانائی خالد الفالح نے کہا کہ سعودی عرب دنیا بھر میں پٹرول اور گیس کے ذخائر تلاش کرے گا ،جس کے لیے اسکیموں کا جائزہ لے رہے ہیں۔ان کا مزید کہنا تھا کہ مستقبل میں آرامکو بیرونی دنیا میں بھی اپنا کام پھیلائے گی۔واضح رہے کہ سعودی ولی عہد شہزادہ محمد بن سلمان 16 فروری کو وفد کے ہمراہ پاکستان پہنچ رہے ہیں، اس موقع پر پاکستان اور سعودی عرب کے درمیان آئل ریفائنری سمیت 20 ارب ڈالر کے معاہدے متوقع ہیں۔