Tag JAAGNEWS

لاہور(ایمرا نیوزآن لائن) پاکستانی نژادبرطانوی باکسرعامرخان اپنی شاندار باکسنگ کی وجہ سے پوری دنیا میں مشہور ہیں، اور انہوں نے پاکستان کا نام پوری دنیا میں روشن کیا ہے. باکسرعامرخان پاکستان میں باکسنگ کے فروغ کے لیے بھی کوشاں ہیں، اس کے لیے وہ پاکستان میں باکسنگ اکیڈمیاں بھی کھول رہے ہیں.
باکسرعامرخان اب ایک اور فائٹ کے لیے تیاریاں کررہے ہیں، اور اس کے لیے وہ سخت ٹریننگ بھی کررہے ہیں.باکسر عامر خان20 اپریل کو امریکا میں میزبان ملک کے باکسر ٹیرینس کرافورڈ کے ساتھ مقابلہ کریں گے.باکسرعامرخان نے سوشل میڈیا پر ایک ویڈیو شیئر کی ہے جس میں اس میچ کے لیے سخت ٹریننگ کررہے ہیں.

Finishing off a hard run session with few exercises. Nice having @Jrockboxing in camp. pic.twitter.com/lLH9t1vMiD

— Amir Khan (@amirkingkhan) February 8, 2019

ممبئی (ایمرا نیوز آن لائن)بولی وڈ دیسی گرل پریانکا چوپڑا نے گزشتہ سال دسمبر میں امریکی گلوکار نک جونس کے ساتھ شادی کی، جس کے بعد اب ان کا نام بھی اپنے نام کے ساتھ جوڑ کر مداحوں کو حیران کردیا۔جہاں آج کل خواتین شادی کے بعد اپنا نام تبدیل کرنے پر یقین نہیں رکھتی وہیں پریانکا چوپڑا کا کہنا تھا کہ وہ اس معاملے میں کافی روایتی ہیں۔اداکار نے اپنا نام پریانکا چوپڑا سے تبدیل کرتے ہوئے پریانکا چوپڑا جونس رکھ لیا۔پریانکا چوپڑا جونس نے حال ہی میں امریکی شو ٹونائٹ شو ود جمی فیلن میں شرکت کی، اس دوران اداکارہ نے اپنے نام کو تبدیل کرنے، اپنی شادی اور بھارت میں شادی کرنے کی وجہ پر بات کی۔شو پر میزبان جمی فیلن نے اداکار کا پریانکا چوپڑا جونس کہہ کر استقبال کیا، جس پر پریانکا نے کہا کہ جب بھی کوئی انہیں اس نام سے بلاتا ہے وہ یہی سوچتی ہیں کہ یہ سب کتنا جلدی اور اس طرح ہوگیا۔
اس حوالے سے اداکار کا کہنا تھا کہ یہ کافی بڑی بات ہے، مجھے چند ماہ قبل اس بات کا اندازہ نہیں تھا کہ یہ اتنی بڑی بات ہوگی۔پریانکا کا مزید کہنا تھا کہ میں ہمیشہ سے ہی نک کا نام اپنے نام کے ساتھ جوڑنا چاہتی تھی، کیوں کہ ہم ایک فیملی ہیں، میں اس معاملے میں کافی روایتی ہوں۔

بولی وڈ کی ایک ایک شخصیت کو بے نقاب کرکے ان کی اصلیت سامنے لاﺅں گی ، اداکارہ
ممبئی (ایمرا نیوز آن لائن)بولی وڈ اداکارہ کنگنا رناوٹ نے ایک مرتبہ پھر اپنی حال ہی میں ریلیز ہوئی فلم منی کارنیکا: دی کوئین آف جھانسی کو بولی وڈ شخصیات کی جانب سے پروموٹ نہ کرنے پر اپنے غصے کا اظہار کردیا۔اداکارہ نے ایک ایونٹ کے دوران بھارتی میڈیا سے بات کرتے ہوئے کہا کہ وہ بولی وڈ کی ایک ایک شخصیت کو بے نقاب کرکے ان کی اصلیت سامنے لائیں گی۔کنگنا رناوٹ کا کہنا تھا کہ میری فلم کی تشہیر سے مجھے کیا فائدہ ملے گا، میں 31 سالہ فلم ساز ہوں جسے 3 نیشنل ایوارڈز مل چکے ہیں، یہ لوگ مجھے کیا پروموٹ کریں گے، یہ لوگ خود کو پروموٹ کرلیں بڑی بات ہے، لیکن جو رانی آف جھانسی ہیں وہ کیا میری چاچی ہیں؟ وہ آپ کی بھی اتنی ہی ہیں جتنی میری ہیں۔اداکارہ نے مزید کہا کہ میرے خلاف گینگ بنائی ہوئی ہے کہ میں نے اقرباپروری کے خلاف کیوں آواز اٹھائی، ان لوگوں کو شرم نہیں آتی، میرے پیچھے پڑے ہیں، مجھے تو ان لوگوں کے ساتھ کام ہی نہیں کرنا اور یہ بات میں ان کے منہ پر کہہ چکی ہوں۔

معاملہ انتہائی دشوار ہوگیا،امریکی قانون کمرے میں صرف ایک سرکاری پادری کی موجودگی کی اجازت دیتا ہے،رپورٹ
لندن (ایمرا نیوز آن لائن) امریکا میں امام کی عدم موجودگی کے باعث مسلمان شہری کو موت کی نیند سلانے سے روک دیا گیا اس سے قبل سزائے موت کے لیے تمام انتظامات مکمل تھے،میڈیارپورٹس کے مطابق ڈومینک رے کو 20 برس قبل موت کی سزا سنائی گئی تھی۔ ڈومینک پر الزام تھا کہ اس نے 29 جولائی 1995 کو الاباما ریاست کے شہر سیلما میں 15 سالہ لڑکی کو زیادتی کا نشانہ بنا کر قتل کر دیا تھا۔سزائے موت کے فیصلے سے چند ماہ قبل ڈومینک کو سیلما شہر میں ہی 1994 میں 18 سالہ نوجوان اور اس کے 15 سالہ بھائی کے قتل کے الزام میں عمر قید کی سزا دی گئی تھی۔سزائے موت پر عمل درامد کا وقت قریب آنے پر حکیم نے جیل حکام سے درخواست کی کہ موت کے کمرے تک جانے کے لیے ایک مسلمان مذہبی شخصیت کو اس کے ہمراہ کر دیا جائے۔تاہم حکیم کی درخواست پر عمل میں قانونی پیچیدگیاں رکاوٹ بن گئیں۔گزشتہ جمعے کے روز فیڈرل جج نے حکیم کی درخواست کو اس بنیاد پر مسترد کر دیا البتہ پیر کے روز حکیم مارسیل رے کی دفاعی ٹیم نے اپیل دائر کرتے ہوئے موقف اختیار کیا کہ اگر اس معاملے پر پیش رفت نہ ہوئی تو حکیم کو موت کے وقت روحانی مرشد کی موجودگی کی راحت پہنچائے بغیر اس دنیا سے رخصت ہونا پڑے گا جب کہ الاباما میں اب تک موت کی سزا پانے والے تمام مسیحی افراد کو اس چیز کی اجازت دی گئی۔حکیم کی ٹیم نے اس موقف کو امریکی آئین کی پہلی ترمیم کی خلاف ورزی قرار دیا جس کے مطابق ایسے کسی قانون کا جواز نہیں جو مذہبی رسوم کی انجام دہی کی آزادی پر روک لگائے۔ لہذا اپیل کورٹ نے حکم دیا کہ کسی بھی حل تک پہنچنے تک حکیم کی موت کی سزا پر عمل درامد نہ کیا جائے۔ تاہم حل انتہائی دشوار ہو گا کیوں کہ حکیم کا اصرار ہے کہ موت کے کمرے میں ایک امام موجود ہو جب کہ قانون صرف ایک سرکاری پادری کی موجودگی کی اجازت دیتا ہے۔

مراکش نے ریاض میں تعینات میں سفیر واپس بلالیا،سعودی عرب کی قیادت میں یمن میں لڑی جانے والے متنازعہ جنگ میں بھی شمولیت ترک کردی
رباط/ریاض (ایمرا نیوز آن لائن) مراکش اور سعودی عرب کے درمیان کشیدگی میں مزید اضافہ ہوگیا، مراکش نے ریاض میں تعینات میں سفیر واپس بلالیا۔تفصیلات کے مطابق سعودی عرب کی جانب سے یمن جنگ سمیت عالمی سطح اٹھائے گئے اقدامات پر اعتراف کرنے والی مراکشی حکومت اور سعودیہ کے درمیان سفارتی تعلقات میں تناؤ پیدا ہوگیا۔غیر ملکی خبر رساں ادارے کا کہنا ہے کہ مراکشی حکومت نے سعودی عرب کی قیادت میں یمن میں لڑی جانے والے متنازعہ جنگ میں بھی شمولیت ترک کردی۔مراکشی حکومت کے سرکاری ذرائع کا کہنا ہے کہ سعودی عرب سے سفارتی تعلقات میں کشیدگی کے باعث مراکش نے سعودی عرب کی قیادت میں ہونےوالی فوجی مداخلتوں اور وزراء اجلاسوں میں شرکت بھی ترک کردی ہے۔حکومتی ذرائع کا کہنا تھا کہ مراکش اور سعودی عرب کے مابینجاری کشیدگی کے تناظر میں ریاض حکومت کے ساتھ تعاون پر نظر ثانی کی جارہی ہے۔غیر ملکی خبر رساں ادارے کا کہنا ہے کہ مراکشی حکومت نے سعودی عرب کی قیادت میں لڑی جانے والی متنازعہ یمن جنگ میں اپنی افواج کی شرکت سے متعلق تفصیلات ظاہر نہیں کیں۔خیال رہے کہ جزیرہ نما عرب خطے پر واقع ملک یمن میں سنہ 2015 سے ایرانی حمایت یافتہ حوثی جنگجوئوں کے خلاف جنگ جاری ہے جس میں اب تک ہزاروں افراد جاں بحق جبکہ 30 لاکھ سے زائد افراد بے گھر ہوچکے ہیں۔

مقبوضہ بیت المقدس (ایمرا نیوز آن لائن) یہودی آباد کاروں کی جانب سے قبلہ اول کی بے حرمتی کرنے کے واقعات میں روز بروز اضافہ ہونے لگا۔میڈیا رپورٹ کے مطابق گزشتہ روز اسرائیلی پولیس کی فول پروف سیکیورٹی میں 43 یہودی آباد کار قبلہ اول کے مراکشی دروازے سے داخل ہوئے اور مسجد کی گیلروں میں گھومتے رہے۔یہودی آباد کار مسلسل ساڑھے تین گھنٹے تک قبلہ اول میں گھومتے اور عبادت کی آڑ میں مقدس مقام کی بے حرمتی کرتے رہے۔خیال رہے کہ صہیونی فوج اور پولیس کی فول پروف سیکیورٹی میں جمعہ کے علاوہ ہفتے کے باقی ایام میں یہودی آباد کار قبلہ اول میں داخل ہو کرمقدس مقام کی بے حرمتی کرتے ہیں۔

فرح خان کی ہدایت کاری میں بننے والی اس فلم میں دپیکا پڈوکون کو مرکزی کردار کے لیے کاسٹ کرنے کا فیصلہ
ممبئی (ایمرا نیوز آن لائن) بھارتی کوریو گرافر فرح خان کی ہدایت کاری میں بننے والی اس فلم میں دپیکا پڈوکون کو مرکزی کردار کے لیے کاسٹ کرنے کا فیصلہ رپورٹ کے مطابق فلم کی ٹیم نے دپیکا پڈوکون کو کردار کی پیش کش بھی کی ہے اور ابتدائی طور پر وہ کام کرنے کے لیے بھی تیار ہوگئی ہیں، تاہم تاحال دونوں فریقین کسی نتیجے پر نہیں پہنچے۔رپورٹ میں بتایا گیا ہے کہ آئندہ کچھ ہفتوں میں دپیکا پڈوکون اور فلم کی ٹیم معاہدہ کرنے میں کامیاب ہوجائیں گے، جس کے بعد باقاعدہ اعلان بھی کیا جائے گا۔اطلاعات ہیں کہ کامیڈی ایکشن فلم میں مرکزی کردار بھی ایک خاتون کا ہوگا جس کے کردار کے لیے دپیکا پڈوکون کو راضی کرنے کی کوششیں جاری ہیں۔خیال ظاہر کیا جا رہا ہے کہ یہ فلم بھی ’گول مال‘ اور ’سمبا‘ کی طرح ایکشن کامیڈی فلم ہوگی اور ممکنہ طور پر اس پڈوکون ایک لیڈی پولیس انسپکٹر کا کردار ادا کرتی دکھائی دیں گی۔خیال رہے کہ دپیکا پڈوکون نے اداکاری کی شروعات فلم ساز فرح خان کی میوزیکل رومانٹک فلم اوم شانتی اوم سے 2007 میں کی تھی.اس فلم میں دپیکا پڈوکون کے ساتھ شاہ رخ خان نظر آئے تھے، اس فلم کے بعد فرح خان اور دپیکا پڈوکون نے 2014 کی کرائم ڈرامہ فلم ہیپی نیو ایئر میں بھی ایک ساتھ کام کیا تھا، اس فلم میں بھی شاہ رخ خان ان کے ساتھ رومانس کرتے دکھائی دیے.۔

ممبئی (ایمرا نیوز آن لائن) بالی ووڈ اداکارہ عالیہ بھٹ کا کہنا تھا کہ وہ تنگ نظر گرل فرینڈ نہیں ہیں اور نہ ہی وہ اپنے بوائے فرینڈ پر حکم چلانے کی عادی ہیں۔’گلی بوائے‘ کی تشہیر کے دوران پوچھے گئے سوال کے جواب میں عالیہ بھٹ نے وضاحت کی کہ وہ حقیقی زندگی میں فلم میں دکھائی گئی گرل فرینڈ سے محتلف ہیں۔اداکارہ کا کہنا تھا کہ اگرچہ ’گلی بوائے‘ میں وہ رنویر سنگھ کی تنگ نظر گرل فرینڈ دکھائی دیں گی، تاہم حقیقی زندگی میں وہ ایسی نہیں۔عالیہ بھٹ نے کسی کا نام لیے بغیر کہا کہ وہ حقیقی زندگی میں محبت میں بڑے دل اور خیالات کا مظاہرہ کرتی ہیں اور اپنے بوائے فرینڈ کو یکساں حقوق اور مواقع دینے پر یقین رکھتی ہیں۔عالیہ بھٹ کا کہنا تھا کہ ان کے خیال میں سب انسان یکساں ہوتے ہیں اور وہ اسی لیے محبت میں بھی اپنے بوائے فرینڈ کو ایک جتنے حق دینے پر یقین رکھتی ہیں۔

*سید خورشید شاہ کا علیم خان کرپشن کیس میں وزیراعظم کو شامل تفتیش کرنے کا مطالبہ
علیم خان عمران خان کے خرچے اٹھاتا رہا، انہیں شامل کئے بنا احتساب دکھاوا ہوگا، خورشید شاہ
فیض آباد دھرنے کیس فیصلے پر عمل ہونا چاہئے، معاملا پارلیمنٹ میں اٹھائیں گے، خورشید شاہ
*
لاہور( پریس ریلیز) قومی اسمبلی کے سابق قائد حزب اختلاف پیپلز پارٹی کے مرکزی رہنما سید خورشید شاہ نے علیم خان کے کیس میں وزیراعظم عمران خان کو بھی شامل تفتیش کرنے کا مطالبہ کردیا اور کہا ہے کہ اگر بلاول بھٹو کی لانڈری کے بل کی تحقیقات ہو سکتی ہے تو پھر عمران خان کے انتخابات کا خرچہ اٹھانے والے شخص پر کرپشن کا الزام ہونے کے بعد تحقیقات کو عمران خان تک بھی جانا چاہئے، ورنہ احتساب دکھاوا ہی سمجھا جائے گا۔ سید خورشید شاہ لاہور میں پیپلز پارٹی پنجاب کے پارلیمانی لیڈر سید حسن مرتضیٰ کی جانب سے دئے گئے ناشتے پر صحافیوں سے گفتگو کر رہے تھے، اس موقع پر پیپلز پارٹی کے رہنما نوید چودھری، علامہ یوسف اعوان بھی موجود تھے۔ سید حسن مرتضیٰ نے اپنی رہائش گاہ پر آمد پر سید خورشید شاہ کو خیرمقدم کیا۔ سید حسن مرتضیٰ اور نوید چودھری کے ہمراہ صحافیوں سے گفتگو کرتے ہوئے سید خورشید شاہ نے کہا کہ علیم خان کی گرفتاری پر تو بظاہر یہ تاثر بنا ہے کہ ان کی گرفتاری دکھاوا اور اپوزیشن رہنمائوں کے خلاف جاری کارروایوں میں توازن پیدا کرنے کیلئے کی گئی ہے۔ انہوں نے کہا کہ اگر یہ تاثر درست نہیں تو پھر تحقیقات اور کارروائی علیم خان تک نہیں رکنی چاہئے، اور لوگوں کے نام بھی آ رہے ہیں، خاص طور پر وہ جن کے اخراجات علیم خان اٹھاتے رہے ہیں، جن کے جہازوں، الیکشن اور عمرے کا خرچہ تک علیم خان ادا کرتے رہے ، علیم خان جن کے اے ٹی ایم مشہور ہیں ان کے خلاف بھی کارروائی ہونی چاہئے۔ جب ان سے سوال کیا گیا کہ کیا آپ چاہتے ہیں کہ علیم خان کے خلاف تحقیقات میں وزیراعظم عمران خان کو بھی شامل تفتیش کیا جائے کیوں کہ علیم خان کو عمران خان کا ہی اے ٹی ایم کہا جاتا تھا ؟، اس کے جواب میں خورشید شاہ نے کہا کہ بلکل عمران خان تک تحقیقات کو جانا چاہئے اگر بلاول بھٹو کی لانڈری کے بل کی بنیاد پر جے آئی ٹیز بن جاتی ہیں تو پھر یہاں پر تحقیقات ہونی چاہیئں، کیوں کہ علیم خان کے ساتھ ان کے نام بھی جڑے ہیں، جب تک علیم خان کے ساتھ جڑے ناموں تک تحقیقات نہیں جائے گی اس احتساب دکھاوا ہی سمجھا جائے گا۔ نیب قوانین کے متعلق سوال کے جواب میں خورشید شاہ نے کہا کہ نیب کے قوانین میں ترمیم ہونی چاہئے، یہ ہمارا دیرینہ مطالبہ تھا اب اگر تمام جماعتیں اصلاحات کیلئے آمادہ ہیں تو اس پر آگے بڑھا جا سکتا ہے۔ ایک سوال کے جواب میں انہوں نے کہا کہ این آر او کسی نے نہیں مانگا، حکمران اگر این آر او کی باتیں کر رہے ہیں تو بتائیں کہ این آر او کس نے مانگا ہے اور کون دے رہا ہے، انہوں نے کہا اپوزیشن نے این آر او نہیں مانگا، حکومت نام لے کر بتائے کہ کس نے این آر او مانگا ہے۔ فیض آباد دھرنے سے متعلق سپریم کورٹ کے فیصلے پر سوال کے جواب میں سابق قائد حزب اختلاف خورشید شاہ نے کہا کہ سپریم کورٹ کے فیصلے پر عمل ہونا چاہئے اور ہم یہ معاملا پارلیمنٹ میں اٹھائیں گے۔ خورشید شاہ نے کہا کہ یہ حکومت ملک کو چلانے میں سنجیدہ نہیں ہے، بجٹ سے قبل ٹیکس نافذ کرنے سمیت اہم فیصلے چند گھنٹے قبل تک بھی میڈیا کو نہیں بتائے جاتے مگر اس حکومت نے منی بجٹ سے ڈیڑھ ماہ قبل خبریں دے دی تھیں کہ کتنا ٹیکس لگایا جا رہا ہے اور کیا کیا اقدامات کئے جا رہے ہیں، جس سے کئی لوگوں کو اربوں کا نقصان اور کئی کو فائدہ ہوا ہے۔ اس سے بھی غیرسنجیدہ بات یہ ہوئی کہ منی بجٹ پیش کر کے بحث کروائے بنا اجلاس ملتوی کیا گیا، ایسا کبھی نہیں ہوتا۔ انہوں نے کہا کہ ہم پارلیمنٹ میں یہ معاملہ اٹھائیں گے کہ ایوان کے ساتھ یہ مزاق کیوں کیا گیا ہے۔ خورشید شاہ نے افغانستان کا مسئلہ پرامن مذاکرات کے ذریعے حل کرنے پر زور دیا اور کہا کہ پرامن افغانستان پاکستان کے مفاد میں ہے اسی سے خطے میں دیرپا امن قائم ہوگا۔ خورشید شاہ نے کہا کہ حکومت پختون تحفظ موومنٹ کے بات سن کر جائز مطالبات ماننے اور مسائل حل کرنے چاہئیں۔

اس دن کے منائے جانے کا مقصد جدید دور میں خبروں اور معلومات کے حصول کیلئے ریڈیو کی اہمیت کو اجاگر کرنا ہے
جہانیاں(ایمرا نیوز آن لائن) پاکستان سمیت دنیا بھر میں ریڈیو کا عالمی دن 13فروری کو منایا جائے گااس دن کے منائے جانے کا مقصد ٹیکنالوجی کے اس جدید دور میں خبروں اور معلومات کے حصول کیلئے ریڈیو کی اہمیت کو اجاگر کرنا ہے اس دن کے حوالے سے پاکستان بھر کے تمام ریڈیو اسٹیشنز سے مختلف پروگرام نشر کیے جائیں گے جس میں ترقی کے اس جدید دور میں بھی ریڈیو کی اہمیت کو اجاگر کیا جائے گا ۔پاکستان بھر میں اس وقت اسلام آباد،لاہور،کراچی،فیصل آباد،پشاور،راولپنڈی،گجرانوالہ،کوئٹہ،سرگودھا،حیدر آباد،بہاولپور اور ملتان سمیت دیگر شہروں میں پاکستان ریڈیو اور ایف ایم کے علاقائی اسٹیشن قائم ہیں جہاں سے مختلف علاقائی،معلوماتی،کرنٹ افیئرز اور دیگر پروگرام نشر کیے جاتے ہیں جو کہ ریڈیو کی وساطت سے سامعین تک پہنچتے ہیں۔ترقی کے اس جدید دور میں جبکہ ریڈیو کی جگہ موبائل فون نے لے لی ہے لیکن آج بھی ریڈیو کی اہمیت میں کوئی کمی واقع نہ ہوئی ہے شہروں سے دور دراز واقع علاقوں میں آج بھی خبروں اور معلومات کے حصول کیلئے ریڈیو ہی عوام میں بے پناہ مقبول ہے۔