Tag m92tv

(میڈیا 92نیوز آن لائن)
ریسلنگ کی اگر تاریخ لکھی جائے تو اس میں ہلک ہوگن کا نام نہ لکھنا بہت بڑی زیادتی ہوگی۔اس پہلوان نے 11اگست 1953میں امریکی ریاست جارجیا میں آنکھ کھولی۔ہوگن تیرہ بار ورلڈ چیمپیئن ، چھ بار WWF ورلڈ ہیوی ویٹ چیمپیئن اور چھ بار WCW ورلڈ ہیوی ویٹ چیمپیئن بھی رہے۔

ہوگن کا شمار ڈبلیو ڈبلیو ای کے مشہور ریسلرز میں ہوتا ہے تاہم ہوگن کو سکینڈل کے دوران افریقی امریکیوں کیخلاف متعصبانہ رویہ اختیار کرنے اور نفرت انگیز زبان استعمال کرنے کے بعد ڈبلیو ڈبلیو ای نے ان سے اپنا کنٹریکٹ ختم کردیا تھا۔

ویڈیو دیکھیں:

ڈبلیو ڈبلیو ای نے بھی بتدریج اپنے پروگراموں میں ہوگن کے نام کو دہرانا شروع کردیا ہے جبکہ سکینڈل کے بعد ان کا نام قطعی دہرانا بند کردیا گیا تھا۔پہلے ہوگن معروف ٹی وی پروڈیوسر ایرک بسچوف کی ڈیجیٹل ویڈیو میں بھی جلوہ گر ہوئے ہیں جس میں ہوگن کا کہنا تھا کہ وہ اب بھی ڈبلیو ڈبلیو ای میں اچھے انداز سے واپسی کیلئے پر امید ہیں۔

قائداعظم ڈے اور کرسمس کے موقع پر شہر کے پارکوں کی سیکورٹی اور دیگر انتظامات کےحوالے سے پی ایچ اے ہیڈکواٹر میں اجلاس

(ایمرا نیوز/سبط اعوان سے)
اجلاس میں ڈی جی پی ایچ اے لاہور مظفر خان ، ڈائریکٹر ہیڈ کواٹر مدثر اعجاز،  تمام ڈائریکٹرز ہارٹیکلچر پی ایچ اے ، تمام پروجیکٹ ڈائریکٹرز  نے شرکت کی۔

ڈی جی پی ایچ اے مظفر خان کا کہنا تھا کہ کرسمس تہوار پر شہریان لاہور کو تمام سہولیات سے آراستہ پارکوں کی فراہمی کو یقینی بنایا جائے. پارکوں میں شہریوں کیلئے سیکورٹی کے بہترین انتظامات کیے جائیں۔

ان کا مزید کہنا تھا کہ پارکوں میں سی سی ٹی وی کیمروں سے تمام معاملات کو مکمل مانیٹر کیا جائے گا۔ پارکوں میں سیکورٹی کے حوالے سے پولیس انتظامیہ کے ساتھ مسلسل کوارڈی نیشن میں ہیں۔

ڈی جی پی ایچ اے نے مزید کہا کہ 25 دسمبر کو شہر کے پارکوں میں غیر متعلقہ افراد ریڑھی بان ، چھابڑی فروش و غیرہ کا داخلہ بند ہے. ‎قائداعظم ڈے اور کرسمس کے موقع پر پارکوں میں سیکورٹی کے بعد صفائی ستھرائی کے بہترین انتظامات کو یقینی بنایا جائے گا۔

کوآرڈینیشن ڈائریکٹرشہر کے تمام پارکوں میں کینٹینز پر پرائس کنٹرول اور معیاری اشیاء کی فراہمی کو یقینی بنائیں۔ پارکوں میں لگے تمام جھولوں کی فزیکل چیکنگ کی جائے تاکہ کسی ناخوش گوار واقع سے بچا جا سکے۔ پارکوں میں تعینات سکیورٹی عملے کا سابقہ ریکارڈ چیک کیا جائے گا۔ ‎پارکوں کے داخلی اور خارجی راستوں پر سخت چیکنگ کیلئے واک تھروگیٹ پر سیکورٹی مرد وخواتین اہلکار میٹل ڈیٹیکٹر سے متحرک رہیں۔

کالا باغ روڈ روکھڑی کے قریب بس اور ٹرالر میں تصادم

میانوالی (میڈیا 92 نیوز/رپورٹ سبط اعوان سے)

ریسکیو ذرائع کا بتانا ہے کہ تصادم میں 12افراد ذخمی ھوئے. مسافر بس سیالکوٹ سے بنوں جا رہی تھی کہ حادثہ کا شکارھو گئی.

ریسکیو حکام کا مزید کہنا تھا کہ حادثہ شدید دھند کے باعث پیش آیا.زخمیوں کو ڈسٹرکٹ ہسپتال میانوالی منتقل کیا جا رہا ھے

لاہور(میڈیا 92نیوز آن لائن)

سیکرٹری  ہاؤسنگ ندیم محبوب کی زیر صدارت پی ایچ اے کے سابقہ اور جاری پروجیکٹس کے حوالے سے خصوصی اجلاس کا انعقاد کیا گیا. اجلاس میں  ڈی جی پی ایچ اے لاہور مظفر خان نے کام کے حوالے سے ندیم محبوب کو  تفصیلات سے آگاہ کیا۔ اجلاس میں ڈائریکٹر ہیڈکواٹر پی ایچ اے مدثر اعجاز ، ڈائریکٹر فنانس پی ایچ اے  عثمان غنی ڈائریکٹر ایڈمن پی ایچ اے عامر ابراہیم ، ڈائریکٹر ہارٹیکلچر اظہر سلہریا ،سمیت دیگر افسران نے شرکت کی ۔

سیکرٹری  ہاؤسنگ ندیم محبوب کا کہنا تھا کہ پی ایچ اے لاہور وزیر اعظم پاکستان عمران خان کے ویژن کے مطابق  گرین اینڈ کلین مہم کے تحت باغوں کے شہر کو سرسبز اور شاداب بنائے۔
ان کا مزید کہنا تھا کہ شہر میں پارکوں کی جگہ پر بننے والی تجاوزات اور غیر قانونی فنگشنز پر کارروائی احسن اقدام ہے۔

اس موقع پر ڈی جی پی ایچ اے لاہور مظفر خان نے کہا کہ پی ایچ اے شہر میں تمام پارکوں کو سہولیات سے آراستہ کرنے کیلئے تمام اقدامات کر رہا ہے۔ شجرکاری مہم میں پونے دو لاکھ سے زائد لگائے گئے پودوں اور درختوں کی نگداشت کا کام جاری ہے

انہوں نے مزید کہا کہ سرسبز اور شاداب شہر  پی ایچ اے لاہور کا ٹارگیٹ ہے.

پنجاب فوڈ اتھارٹی کے سیکورٹی گارڈ پر دن دھاڑے فائرنگ، گولی لگنے سے شدید زخمی

(میڈیا 92نیوز آن لائن)

سیکورٹی گارڈ پر فائرنگ وحدت روڈ پر پنجاب فوڈ اتھارٹی دفتر کے قریب کی گئی. دو موٹر سائیکل سواروں نے ڈیوٹی کے لیے دفتر جاتے ہوئے طاہر نامی سیکورٹی گارڈ پر گولی چلائی.

ترجمان فوڈ اتھارٹی کا کہنا ہے کہ طاہر سیکورٹی گارڈ کو زخمی حالت میں شیخ زید ہسپتال پہنچا دیا گیا۔. ابتدائی تحقیقات مکمل ہونے کے بعد فائرنگ کی وجوہات کا تعین کیا جا سکے گا۔

تھانہ سرائے مغل پولیس کی کاروائی دو مغوی بچے بازیاب ملزم کو گرفتار کرلیا مزید تحقیقات شروع کردی.

پتوکی (ایمرا نیوزر/پورٹ سفیان ورک سے)
تھانہ سرائے مغل میں مقدمہ درج کر لیا گیا تفصیلات کے مطابق پتوکی  کے نواح  تھانہ سرائے مغل پولیس نے بر وقت  کارروائی کرتے ہوئے دو مغوی بچے بازیاب کر لیے اور ملزم کو موقع پر گرفتار کر لیا

ملزم قاری مجاہد کے خلاف دو بچوں انیل اور عاطف کے اغوا کا مقدمہ درج تھا.تھانہ سرائے مغل پولیس نے شیخوپورہ کے علاقہ بھکی سے دونوں بچوں کو بازیاب کروا لیا اور ملزم سے مزید تحقیقات شروع کردی

جبکہ تھانہ سراےمغل پولیس نےتھانہ سٹی پتوکی پولیس کو ملنے والے ایک لاپتہ بچے کے والدین کو ڈھونڈ کر حوالے کیااور تھانہ سرائے مغل پولیس نے کم سن علی شان کے والدین کو جڑانوالہ سے ڈھونڈ کر ان کے حوالے کیا

اس موقع پر بچوں کے والدین نے تھانہ سرائے مغل پولیس کا شکریہ بھی ادا کیا اور پولیس افسران اور اہل کاروں کو دعائیں دی 

ملتان (ایمرا نیوز/ رپورٹ‌سرفرازاحمدسے)
پاکستان کیمسٹ ایسوسی ملتان ڈویژن کے صدر محمد اختر بٹ نے کہا کہ انسانی زندگی بچانے والی ادویات کی قیمتوں میں کمی کا اعلان کرنے کے بعد قیمتوں میں مزید اضافہ غریب اور متوسط طبقے سے ظلم اور بدعہدی کی بھرمار مزمت کرتے ہیں.

موجودہ دور میں ہاسپٹل میں ادویات کی قلت ٹیسٹوں کی فیس اور پرچی فیس. میں اضافے کی مستقبل میں مثال نہیں ملتی مہنگائی بے روزگاری سے جرائم میں اضافے نے عوام کا جینا حرام کر دیا انسانی زندگی بچانے والی بیشتر ادویات کی شدید قلت کی وجہ سے بلیک مارکیٹنگ ایک مستقل درد سر مریض دھکے کھاتے ہیں اور مایوسی ھو کر بدعاییں دیتے ہیں.

انسانی زندگیوں سے کھیلنا کسی بھی مہزب معاشرے کو زیب نہیں دیتا بار ھا دفعہ متعلقہ زمے داران کو اپیل کرتے ہیں لیکن کوئی شنوائی نہیں ھوتی افسوس سے کہنا پڑتا ھے کے ملٹی نیشنل کمپنیوں نے ناجائز منافع خوری کی وجہ سے یہ وطیرہ بنا لیا ھے جن کے خلاف محکمانہ کاروائی اشد ضروری ہے ھم حکمرانوں سے اپیل کرتے ہیں کہ ادویات کی قیمتوں میں کمی کا اور قلت کا فلفور نوٹس لیں تاکہ عوام سکھ کا سانس لے سکیں

امریکا اور برطانیہ سمیت دنیا کے کئی ممالک میں بھارتی اقدامات کے خلاف اور کشمیریوں کے حق میں ریلیاں نکالی گئیں۔

لاہور (ایمرا نیوز آن لائن)
امریکا میں پاکستانی اور کشمیری کمیونٹی نے وائٹ ہاؤس کے سامنے احتجاج کیا اور صدر ڈونلڈ ٹرمپ سے مطالبہ کیا کہ بھارتی وزیراعظم نریندر مودی کو مقبوضہ کشمیر میں لیے گئے حالیہ اقدامات واپس لینے پر مجبور کریں۔ امریکی ریاست کیلی فورنیا میں بھی مسلم کمیونٹی نے کشمیریوں سے اظہار یکجہتی کے لیے ریلی نکالی جس میں خواتین اور بچوں کی بڑی تعداد نے بھی شرکت کی۔

برطانیہ میں بھارتی ہائی کمیشن اور قونصل خانوں کے باہر احتجاجی مظاہرے کیے گئے۔ آسٹریلیا کے شہر میلبرن میں بھی مودی سرکار کے اقدامات کے خلاف احتجاج کیا گیا اور دھرنا دیا گیا جس میں سکھ برادری کے نمائندوں نے بھی شرکت کی۔

جرمنی کے شہر برلن کے تاریخی برانڈنبرگ گیٹ کے سامنے کشمیری برادری نے جرمن، بھارتی اور پاکستانی شہریوں کے ساتھ مل کر ہندو قوم پرست مودی حکومت کے خلاف مظاہرہ کیا۔ بیلجیئم کے دارالحکومت برسلز میں بھی عوام کی بڑی تعداد نے کشمیریوں کے حق میں مظاہرہ کیا۔

کینیڈا اور آئرلینڈ میں بھی کشمیریوں کے اظہار یکجہتی کے لیے ریلیاں نکالی گئیں جس میں عوام کی بڑی تعداد نے شرکت کی۔ بھارت کے دارالحکومت نئی دلی میں بھی بائیں بازو کی جماعتوں اور پروگریسو فرنٹ نے کشمیریوں سے اظہار یکجہتی کے لیے ریلی نکالی اور بی جے پی کی حکومت سے آرٹیکل 370 کے خاتمے کا فیصلہ واپس لینے کا مطالبہ کیا۔

مونٹریال: ’’اگر آپ چاہتے ہیں کہ آپ کے بچے تمیز دار اور باادب بنیں تو ان کے ساتھ شفقت سے پیش آئیے، اور محبت سے بات کیجیے۔‘‘ صدیوں پرانی یہ نصیحت ایک بار پھر سے ایک نئے روپ میں ہمارے سامنے آئی ہے۔

(ایمرا نیوز آن لائن)
امریکا اور کینیڈا کے نفسیاتی ماہرین نے ایک مشترکہ تحقیق میں 13 سے 15 سال عمر کے 1,400 سے زائد بچوں کا جائزہ لے کر یہ نتیجہ اخذ کیا ہے کہ جن بچوں کے والدین اور بڑے ان کے ساتھ اکثر توہین آمیز رویہ رکھتے ہیں، انہیں طنز کا نشانہ بناتے ہیں اور ان کی تذلیل کرتے رہتے ہیں، وہ بچے گھر سے باہر کی دنیا میں انتہائی جھگڑالو بن جاتے ہیں اور بدتمیزی، بدکلامی، گالم گلوچ اور مار پیٹ تک ان کے روزمرہ معمولات کا حصہ بن جاتی ہیں۔

اس وجہ سے ایک طرف تو وہ دوسروں کے ساتھ مار پیٹ کرتے ہیں تو خود بھی دوسروں سے مار کھاتے ہیں۔ یہی چیز آگے چل کر ان کی شخصیت میں عدم اعتدال کو جنم دیتی ہے اور بڑے ہونے پر وہ تشدد پسند اور مجرمانہ ذہنیت کے حامل بھی بن سکتے ہیں۔

13 سے 19 سال کی عمر کو ’’نو بلوغت‘‘ بھی کہا جاتا ہے کیونکہ اس دوران ایک بچہ اپنے بچپن کو خیرباد کہہ کر جوانی میں قدم رکھ رہا ہوتا ہے۔ ذہنی و جسمانی نشوونما کے اعتبار سے یہ عمر کسی بچے کےلیے خاص طور پر اہم ترین ہوتی ہے کیونکہ اس عمر میں جو اثرات بھی شخصیت پر مرتب ہوتے ہیں، وہ بالعموم مرتے دم تک کسی نہ کسی صورت برقرار رہتے ہیں۔

یہ مطالعہ فلوریڈا اٹلانٹک یونیورسٹی کے ڈاکٹر بریٹ لارسن اور کونکورڈیا یونیورسٹی مونٹریال کے ڈاکٹر ڈینیئل ڈکسن کی سربراہی میں انجام دیا گیا، جس سے معلوم ہوا کہ بچوں پر سختی کرکے انہیں نظم و ضبط کا پابند بنانے اور سختی کے نام پر بچوں کے ساتھ توہین آمیز سلوک کرنے کے اثرات میں بہت فرق ہے۔

اگر بچوں کو ڈسپلن سکھانے کےلیے ان پر اس طرح سے سختی کی جائے کہ انہیں اپنے بڑوں سے کوئی خوف نہ ہو اور نہ ہی وہ اپنی توہین محسوس کریں، تو اس عمل کے اثرات مثبت نکلتے ہیں۔ اس کے برعکس، اگر بچوں کو گالیاں دے کر، ان پر طنز کرکے، ان کی توہین کرکے یا انہیں طعنے دے کر ’’تمیز‘‘ سکھائی جائے تو اس کے اثرات الٹ نکلتے ہیں جو بچے کے اندر غصہ پیدا کرتے ہیں جس کا اظہار وہ اپنے گھر کے بڑوں کے سامنے نہیں کرسکتا۔ اسی لیے گھر میں تذلیل و توہین کا نشانہ بننے والے بچے اپنی ساری بھڑاس باہر نکالتے ہیں جو اکثر اوقات اپنے ہم عمر دوستوں کے ساتھ گالم گلوچ اور مار پیٹ کی صورت میں ہوتی ہے۔ یہی چیز آگے چل کر انہیں جرائم پیشہ اور تشدد پسند مزاج کا حامل بنا دیتی ہیں۔

اس تحقیق کی روشنی میں ماہرین کا مشورہ بھی بہت آسان اور قابلِ فہم ہے: بچے کی تربیت کیجیے لیکن اس کی عزتِ نفس مجروح نہ کیجیے، ورنہ آپ بچے کی شخصیت بنانے کے بجائے اسے تباہ کردیں گے۔

مذکورہ بالا تحقیق کے نتائج تحقیقی مجلے ’’جرنل آف یوتھ اینڈ ایڈولیسینس‘‘ کے تازہ شمارے میں شائع ہوئے ہیں۔

(ایمرا نیوز آن لائن)
اوسلو: ’’بلیاں گھاس کیوں کھاتی ہیں؟‘‘ عام طور پر اس سوال کا جواب یہ دیا جاتا ہے کہ بلیاں جب بیمار ہوتی ہیں تو گھاس کھاتی ہیں تاکہ وہ صحت یاب ہوجائیں لیکن ماہرینِ حیوانیات کی تازہ تحقیق کچھ اور ہی بتاتی ہے۔

برجن، ناروے میں ’’انٹرنیشنل سوسائٹی فار اپلائیڈ ایتھولوجی‘‘ کے سالانہ اجلاس میں یونیورسٹی آف کیلیفورنیا کے حیوانیات داں ڈاکٹر بنجمن ہارٹ اور ان کے ساتھیوں نے اپنی تازہ تحقیق کے نتائج پیش کرتے ہوئے بتایا ہے کہ اگرچہ بلیاں کبھی کبھار گھاس ضرور کھاتی ہیں لیکن اس کی وجہ بیماری نہیں بلکہ شاید یہ ایک ایسی عادت ہے جو ارتقائی عمل کے نتیجے میں ان کے اندر پیدا ہوئی ہے۔

انہوں نے ایک ہزار سے زائد ایسے افراد کا آن لائن سروے کیا جنہوں نے نہ صرف بلیاں پالی ہوئی تھیں بلکہ وہ اپنی بلیوں کی عادتوں اور حرکات و سکنات کا روزانہ کم از کم تین گھنٹے تک مشاہدہ بھی کیا کرتے تھے۔ سروے سے پتا چلا کہ پالتو بلیوں کی غالب اکثریت نے اپنی پوری زندگی میں کم سے کم چھ مرتبہ گھاس ضرور کھائی تھی۔ زندگی میں ایک بار بھی گھاس نہ کھانے والی بلیوں کی تعداد بہت کم تھی۔

سروے کے شرکاء نے انکشاف کیا گھاس کھانے والی بلیاں بظاہر بالکل تندرست تھیں لیکن ان میں سے بیشتر نے گھاس کھانے کے بعد الٹیاں کی تھیں، جس سے ظاہر ہوتا ہے کہ گھاس کھانے سے ان پر برے اثرات مرتب ہوئے تھے۔

تو پھر بلیاں گھاس کیوں کھاتی ہیں؟ اس سوال کا جواب دیتے ہوئے ڈاکٹر ہارٹ کا کہنا ہے کہ موجودہ بلیوں کے ارتقائی اجداد آج سے تقریباً پچاس لاکھ سال پہلے جنگلوں میں رہا کرتے تھے، جہاں انہیں دوسرے جنگلی جانوروں کی طرح پیٹ کے طفیلیوں (پیٹ کے کیڑوں) کا سامنا رہتا۔ یہ اوّلین بلیاں اگرچہ گوشت خور ہی تھیں لیکن پیٹ کے کیڑوں سے چھٹکارا پانے کےلیے کبھی کبھار گھاس کھا لیا کرتی تھیں جس سے ان کے معدے کے عضلات بہتر کام کرنے لگتے تھے اور فضلے (پاخانے) کے ساتھ ساتھ پیٹ کے طفیلیے بھی بہ آسانی خارج ہوجایا کرتے تھے۔

جہاں تک بلیاں پالنے کا تعلق ہے تو اس عمل کی تاریخ لگ بھگ 8000 سال پرانی ہے جبکہ ارتقاء کے نتیجے میں پیدا ہوجانے والی فطری عادت (جبلت) میں تبدیلی کےلیے یہ عرصہ بے حد مختصر ہے۔ پالتو بلیوں کو بالعموم پیٹ کے کیڑوں کا مسئلہ درپیش نہیں ہوتا لیکن پھر بھی وہ اپنی اسی ارتقائی جبلت کی وجہ سے کبھی کبھار گھاس کی طرف لپکتی ہیں، چاہے اسے کھانے کے بعد انہیں الٹی ہی کیوں نہ ہوجائے۔

یعنی یہ کہا جاسکتا ہے کہ بلیاں اس لیے گھاس نہیں کھاتی کہ وہ بیمار ہوتی ہیں، بلکہ وہ اس لیے گھاس کھاتی ہیں کیونکہ وہ بیمار پڑنے سے محفوظ رہنا چاہتی ہیں۔