Tag media92.tv

لاہور: پی سی بی کے لیول 2 کوچنگ کورس میں شریک قومی کرکٹرز نے نیشنل کرکٹ اکیڈمی میں ہونے والے 4 روزہ کوچنگ کورس کو بہت مفید قرار دیا ہے۔

پی سی بی کے لیول 2 کوچنگ کورس میں سابق کپتان مصباح الحق، سعید اجمل، باسط علی،عمر گل، سلمان بٹ، احمد شہزاد، عبدالرحمان، اعزاز چیمہ، ہمایوں فرحت، بلال آصف، احسان عادل، قیصر عباس، عمید آصف، ذوالفقار بابر اور عدنان اکمل نے شرکت کی۔

سابق کپتان مصباح الحق کا کہنا ہے کہ اس طرح کے کورسز سے ہمیں دوسروں کو سکھانے کے لیے بہت سی نئی باتوں کا علم ہواہے، کھیلنا اور کوچنگ دونوں الگ الگ چیزیں ہیں،انسان خود تو سمجھ سکتاہے کہ کیا غلط ہورہا ہے لیکن سب سے اہم ٹاسک یہ ہوتا ہے کہ دوسروں کو اس چیز کو کیسے سمجھایا جائے۔ کوشش ہوگی کہ اس کورس سے جو کچھ سیکھا اس کو بروے کار لاکر کوچنگ میں بھی کچھ کرسکوں۔
سلمان بٹ نے کہا کہ ایک بہت ہی اچھا تجربہ ہے، اب احساس ہواہے کہ کوچزہمیں سکھانے کے لیے کتنی محنت کرتےہیں، کوچنگ آسان جاب نہیں، خود تو کرکٹ کھیل لی، اب دوسرے کو سکھانا ہے کہ کرکٹ کیسے بہتر طریقے سے کھیلی جاتی ہے۔

باسط علی کا موقف تھا کہ کوچنگ کورسز کی بہت اہمیت ہے، کورسز میں شرکت سے بہت سی نئی باتوں کا پتہ چلتا ہے۔سیکھنے او رسیکھانے کا عمل زندگی کے ساتھ چلتا رہتا ہے۔

سعید اجمل نے اعتراف کیا کہ کوچنگ کی جو تکنیک یہاں سکھائی جارہی ہیں، ان کا پہلے سے بالکل علم نہیں تھا، یہ ایک نئی فیلڈ ہے جس میں آگے چل کر بہت کچھ سیکھنا پڑے گا۔

احمد شہزاد کی رائے میں انگلینڈ اور آسٹریلیا میں ایسے کورسز عام ہیں، پاکستان میں ایسے کورسز کی تعداد کو بڑھانے کی ضرورت ہے اور کرکٹرز کو یہ آگاہی دینا بھی ہوگی کہ ان کورسز کا حصہ بننا کیوں مفید ہے۔

عمر گل نے کہا کہ اب ہم کچھ حد تک اس قابل ہوگئے ہیں کہ دوسرے کھلاڑیوں کویہ سکھا سکتے ہیں کہ ان کے کھیل میں کیا خامی ہے اور اسے کیسے دور کیا جاسکتا ہے۔

عدنان اکمل کےمطابق کرکٹ کیرئر کے ساتھ کوچنگ کورس کا تجربہ بہت زبردست رہا۔ ایسے کوچنگ کورس سے کھلاڑیوں کو اپنی مشکلات پر قابو پانے میں مدد ملتی ہے۔

کسی بھی شے کی عادت آسانی سے ہوتی ہے لیکن یہ عادت چھوڑنی ہو تو مشکل میں شروع ہو جاتی ہے مگر اس مسئلے کا حل یہ نکلا کہ اینٹی ٹیمٹیشن نامی ایک ڈبہ تیار کیا گیا۔

مسئلاً موبائل کی عادت اگر چھوڑنی ہے تو اس ڈبے کو استعمال کرلیں۔اصل میں یہ ڈبہ کھانے پینے کی پسندیدہ چیزوں سے دور رہنے کے لیے دستیاب تھا لیکن لوگوں نے اس کا استعمال موبائل سے وقتی طور پر جان چھڑوانے کے لیے بھی کرنا شروع کردیا ہے۔

اس ڈبے کے اوپر ایک ٹائمر لگا ہوا ہے جس کی مدد سے اس میں رکھی گئی اشیاء مخصوص دورانیے کے لیے بند کی جا سکتی ہیں۔ٹائمر پر سیٹ کیے گئے ٹائم سے پہلے یہ ڈبہ نہیں کھولا جا سکتا۔

حال میں ہی میں ٹویٹر پر ایک صارف نے ڈبے میں بند اپنے موبائل کی تصاویر جاری کی ہیں۔ اس کا کہنا ہے کہ موبائل کو کچھ دیر اپنے آپ سے دور کر دینے سے وہ اپنے کاموں پر دھیان دے سکتی ہیں۔

اسی لیے کہتے ہیں کہ ضرورت ایجاد کی ماں ہوتی ہے۔

انگلینڈ میں پاؤں کے انگوٹھے لڑانے کا دلچسپ مقابلہ ہوا ۔

انگلینڈ میں پا ؤ ں کے پنجے لڑانے کی دلچسپ سالانہ چیمپئن شپ منعقد کی گئی جس میں درجنوں مردو خواتین نے حصہ لیا۔

اس انوکھے مقابلے کے دوران کھلاڑیوں نے شائقین کے سامنے اپنے پا ؤ ں کے انگوٹھو ں سے زور آ زما ئی کی ۔

بعد میں خواتین نے بھی کھیل میں اپنی قسمت آزمائی ،چیمپئن شپ دیکھنے آئے لوگوں نےمقابلے میں حصہ لینے والوں کا خوب حوصلہ بڑھایا۔

رواں برس بھی یہ مقابلہ برطانوی باڈی بلڈر ایلن ناش نے جیت کر ٹورنامنٹ میں 16مرتبہ جیتنے کا اعزاز حاصل کرلیا۔

کوالا لمپور: ملائیشیا کے ایک دور افتادہ علاقے میں ایک اژدہا خاتون پر حملہ کرکے اس کے جسم کے گرد چھلے کی طرح لپٹ گیا جس سے خاتون کی موت یقینی ہوگئی تھی تاہم پڑوسیوں نے بروقت مدد کرکے اس کی جان بچالی۔

25 مئی کو بالنگ کے ایک علاقے میں 47 سالہ خاتون گھر کے باہر کچرا پھینکنے گئی تو وہاں ایک 6 میٹر طویل اژدہا کنڈلی مارے بیٹھا تھا جس نے پھرتی سے خاتون پر حملہ کردیا اور خاتون کے گرد لپیٹ کر اسے بھینچنے لگا۔ اس پر خاتون نے چیخ و پکار کی تو اس کے دو چھوٹے بیٹے مدد کو آئے لیکن بہت کوشش کے باوجود وہ سانپ کے چنگل سے اپنی ماں کو آزاد نہ کراسکے اور مدد کے لیے پڑوسیوں کو بلایا۔

اس کے بعد پڑوسیوں نے بڑی مشکل سے سانپ کو مار ڈالا اور حلیفہ کی جانب بچائی اور خاتون کو قریبی کیولِم ہسپتال لے جایا گیا۔ خاتون کے پیر اور سر پر زخم آئے تھے اور انہیں فوری طبی امداد دی گئی جس کے بعد اب خاتون کی حالت بہت بہتر ہے۔

خاتون کے 16 سالہ بیٹے محمد عبداللہ نے پڑوسیوں کا شکریہ ادا کیا اور بعد میں مردہ سانپ کو ایک گڑھے میں دفنادیا تھا۔ جسے ہی مددگار افراد خاتون کے قریب آئے تو انہوں نے دیکھا کہ خاتون کی گردن اور پیر سے خون بہہ رہا تھا ۔ اس دوران کسی نے شہری دفاعی ادارے کو بھی فون کردیا تھا اور اس کے 40 منٹ بعد اس کا عملہ مدد کے لیے آپہنچا تھا لیکن اس سے قبل ہی پڑوسی سانپ کو مار چکے تھے۔

یہ علاقہ ایک گاؤں میں واقع ہے جہاں دلدلی جگہیں پائی جاتی ہیں اور ان میں سانپ اور اژدہے بکثرت پائے جاتے ہیں۔

بری سینٹ ایڈمونز، سافک، برطانیہ کے ایک بائیک شو روم میں کام کرنے والے دو ملازمین نے بوریت دور کرنے کے لیے چوہے کی لاش کی باقیات کو آگ میں جلایا لیکن اپنا شوروم جلا بیٹھے۔ یہ واقعہ اس وقت پیش آیا جب ایک جمعے کو رش کم ہونے کے بعد ملازمین فارغ بیٹھے ہوئے تھے۔
اس شوروم کے ملازمین کو چوہے کی باقیات ملی تھیں ۔ ملازمین نے انہیں آگ میں جلانے کا فیصلہ کیا لیکن آگ نے شو روم کو لپیٹ میں لے لیا ، جس سے 1.6 ملین پاؤنڈ کا نقصان ہوا۔

آگ نے شوروم کو مکمل طور پر تباہ کر دیا۔

اس کے بعد آگ قریبی پب اور ریسٹورنٹ تک پھیل گئی۔

ڈیزنی سیبونز اور ایشلے فنلے نے اپنی بوریت دور کرنے کے لیے ایک چوہے کی باقیات کو جلایا ۔ اپسوئچ کراؤن کورٹ کے جج ڈیوڈ پگ نے ان دونوں کی حماقت کو آگ لگنے کی وجہ قرار دیا۔

یہ آگ اتنی شدید تھی کہ اسے بجھانے کے لیے ایک درجن فائر انجن اور 60 سے زیادہ فائر فائٹر نے کام کیا۔ آگ بجھانے کی پہلی گاڑی شام 5 بجے آئی لیکن آگ کو مکمل طور پر آدھی رات کو ہی بجھایا جا سکا۔

یہ حادثہ ستمبر 2017 کے آخر میں پیش آیا تھا۔ اکتوبر کے آخر میں ہی کمپنی نے دوسری عارضی جگہ پر دوبارہ کاروبار شروع کیا۔
اس مقدمے کی اگلی پیشی 24 جون کو ہوگی۔

جمہوریہ چیک میں ماؤنٹین بائیکنگ کے مقابلے کا انعقادکیا گیا۔

مقابلے میں کئی ممالک سے ماہر سائیکل سواروں نے شریک ہوکر دشوار گزا ر اور ناہموار راستوں پر ٹریل بائیکس ریس میں حصہ لیا۔

رائیڈرز نے سینکڑو ں فٹ اونچے ان دشوار گزار راستوں اور مصنوعی ریمپ پر پور ی رفتار سے سائیکل دوڑاتے دِکھائی دئیے جن میں امریکی رائیڈر نےسب کو پیچھے چھوڑ دیا۔

لاہور: وفاقی وزیر شیخ رشید کا کہنا ہے کہ مودی پاکستان کواندر سے توڑنا چاہتا ہیں لہذا مودی کے دوبارہ وزیراعظم بننے پر پاکستان کو ذمہ داری کا مظاہرہ کرنا پڑے گا۔

لاہور میں پریس کانفرنس کرتے ہوئے وزیرریلوے شیخ رشید کا کہنا تھا کہ ماس ٹرانزٹ کیلیے ریلوے کا کوئی رول نہیں ہے، ہم نے دونوں طرف سے ٹریک کو کلئیر کرکے دینا ہے، ایک ہفتے میں دو تین مرتبہ کراچی گیا ہوں، 43 میں سے 34 کلو میٹر کلئیر کر دیا گیا ہے، 30 مئی تک جی کمپنی لوکوموٹو ٹھیک کرنے کی ڈیڈ لائن دے دی ہے جب کہ 7 ہزار بھرتیاں قرعہ اندازی سے کی جائے گی۔

وزیرریلوے نے کہا کہ عید کیلیے 3 اسپیشل ٹرینیں چلے گی اور فوج کے ساتھ معاہدہ ہوگیا تو 6 ٹرینیں چلے گی، عید کے روز سفر کرنے والے کو 50 فیصد ڈسکاونٹ دیا جائے گا۔ انہوں نے کہا کہ سندھ حکومت مجھے نشانہ بنا رہی ہے، دنیا میں ایڈز ختم ہورہی ہے سندھ میں ایڈز پھیل رہی ہے، شہباز شریف کو این آر او کے بھیک مانتے دیکھا ہے، (ن) لیگ چاہتی ہے ان کے کیس ختم ہوجائے، ان کی چیخیں نکل رہی ہیں، زرداری اور نواز دونوں ملے ہوئے ہیں، الیکشن ملک کی بنیادیں ہلا دیتے ہیں اگر یہ زیادہ چیخیں تو شاید انہیں ضمانتں بھی نہ ملیں۔
شیخ رشید نے کہا کہ مودی ایک ہندو دت کا نیا فلسفہ ہے اس نے ایک مسلمان کو سیٹ نہیں دی، اس نے سیکولر ویژن کو ختم کردیا ہے جب کہ انڈیا امریکہ کی گود میں چلا گیا ہے، مودی پاکستان کو اندر سے توڑنے کی کوشش کرے گا لیکن اگر جنگ ہوئی تو یوپی سی پی کا مسلمان باہر نکلے گا، کشمیری نے جینا مرنا ہے آج کشمیری اپنے جزبے کی طرف دیکھ رہا ہے۔

کراچی: پی ایس ایل 4 کی بعض مشکوک ادائیگوں پر سوال اٹھ گئے، پی سی بی نے مارکیٹنگ ڈپارٹمنٹ کے سابق آفیشلز کیخلاف تحقیقات شروع کر دی ہیں جب کہ اختتامی تقریب میں گانوں کے استعمال پر زوہیب حسن کو بورڈ کی جانب سے 30 لاکھ روپے ادائیگی پر بھی سخت اعتراض کیا گیا ہے۔

پی ایس ایل 4 کی بعض مالی ادائیگیوں پر سوالات اٹھائے گئے ہیں، پی سی بی نے مارکیٹنگ ڈپارٹمنٹ کے سابق اعلیٰ آفیشلز کے خلاف تحقیقات کا آغاز کر دیا۔ اس حوالے سے ایک کمیٹی بھی تشکیل دی گئی ہے۔

ذرائع نے بتایا کہ رواں برس دبئی میں لیگ کی افتتاحی تقریب کے دوران مرحومہ گلوکارہ نازیہ حسن کا گانا ’’ ڈسکو دیوانے‘‘ آئمہ بیگ اور شجاع حیدر نے گایا، اس پر ان کے بھائی زوہیب حسن نے احتجاج کرتے ہوئے کہا کہ پی سی بی نے بغیر اجازت گانے کا استعمال کیا اور وہ اس کیخلاف قانونی چارہ جوئی کریں گے، مگر پھر یہ معاملہ عدالت سے باہر ہی طے ہوگیا۔
زوہیب حسن نے کراچی میں اختتامی تقریب میں نازیہ کے گانے ’’دوستی‘‘ اور’’ڈسکو دیوانے‘‘ استعمال کرنے کی اجازت دے دی۔ اس بار بھی آئمہ اور شجاع نے ہی پرفارم کیا، یوں بظاہر یہ تنازع خوش اسلوبی سے طے ہوگیا۔ مگر اب ذرائع نے بتایا ہے کہ اس کیلیے پی سی بی نے زوہیب حسن کو30 لاکھ روپے ادا کیے تھے۔

دلچسپ بات یہ ہے کہ اختتامی تقریب کے انعقاد کا ذمہ ایک کمپنی کے سپرد کیا گیا تھا مگر اس نے یہ رقم بورڈ سے چارج کی، اب اس حوالے سے سابق سینئر جی ایم مارکیٹنگ صہیب شیخ اور ان کے بعض قریبی ساتھیوں کے خلاف تحقیقات شروع کر دی گئی ہیں کہ یہ چیک بورڈ کے اکاؤنٹ سے کیوں جاری کیا گیا، پی سی بی نے ایک خصوصی کمیٹی تشکیل دے دی ،اس معاملے کے علاوہ بعض دیگر مشکوک ادائیگیوں کی بھی انکوائری ہو رہی ہے۔

لاہور: ورلڈکپ میچز کے دوران ڈرونز کی مداخلت سے نمٹنے کیلیے پلان تیار کیا جارہا ہے۔

جیل میک کریکن کی سربراہی میں کام کرنے والی سیکیورٹی ٹیم ڈرون بنانے والی کمپنی، سول ایوی ایشن اور پولیس کی معاونت سے انتظامات کیلیے کوشاں ہے۔

اسٹیڈیمز کی قریبی عمارات، فٹبال اور دیگر کھیلوں کے ان میدانوں کا ڈیٹا بھی اکٹھا کیا جا رہا ہے جہاں سے دانستہ یا غلطی سے ڈرون اڑایا جاسکتا ہو، اس بات کو یقینی بنایا جائے گا کہ صرف نشریاتی اداروں کے ڈورن ہی ہوا میں معلق نظر آئیں کسی اور کو مہم جوئی کا حوصلہ نہ ہو۔

لاہور: چیف سلیکٹر انضمام الحق نے آل ٹائم ورلڈکپ ٹیم میں اپنے مسترد کردہ کامران اکمل کو بھی شامل کرلیا جب کہ اسپاٹ فکسنگ میں سزا یافتہ شرجیل خان کا نام بھی شامل ہے۔

پاکستان کرکٹ کی سب سے بڑی ویب سائٹ ’’www.cricketpakistan.com.pk‘‘ کیلیے چیف سلیکٹر انضمام الحق نے آل ٹائم ورلڈکپ ٹیم کا انتخاب کیا، انھوں نے 13 نام تجویز کرتے ہوئے عمران خان کو کپتان منتخب کیا، اوپنرز میں ماجدخان اورسعید انور کے ساتھ اسپاٹ فکسنگ میں سزایافتہ شرجیل خان کو بھی شامل کیا۔

انضمام الحق نے مڈل آرڈر میں ظہیر عباس، جاوید میانداد اور محمدیوسف کو جگہ دی،فاسٹ بولرز میں عمران خان، وسیم اکرم اور وقاریونس کے ساتھ شعیب اختر ان کی ٹیم کا حصہ ہیں، انھوں نے کہا کہ اسپن بولنگ میں ثقلین مشتاق اور شاہد آفریدی کی جگہ بنتی ہے، میں وکٹ کیپنگ میں کامران اکمل کو منتخب کروں گا۔