Tag media92.tv

(میڈیا 92نیوز آن لائن)
ریسلنگ کی اگر تاریخ لکھی جائے تو اس میں ہلک ہوگن کا نام نہ لکھنا بہت بڑی زیادتی ہوگی۔اس پہلوان نے 11اگست 1953میں امریکی ریاست جارجیا میں آنکھ کھولی۔ہوگن تیرہ بار ورلڈ چیمپیئن ، چھ بار WWF ورلڈ ہیوی ویٹ چیمپیئن اور چھ بار WCW ورلڈ ہیوی ویٹ چیمپیئن بھی رہے۔

ہوگن کا شمار ڈبلیو ڈبلیو ای کے مشہور ریسلرز میں ہوتا ہے تاہم ہوگن کو سکینڈل کے دوران افریقی امریکیوں کیخلاف متعصبانہ رویہ اختیار کرنے اور نفرت انگیز زبان استعمال کرنے کے بعد ڈبلیو ڈبلیو ای نے ان سے اپنا کنٹریکٹ ختم کردیا تھا۔

ویڈیو دیکھیں:

ڈبلیو ڈبلیو ای نے بھی بتدریج اپنے پروگراموں میں ہوگن کے نام کو دہرانا شروع کردیا ہے جبکہ سکینڈل کے بعد ان کا نام قطعی دہرانا بند کردیا گیا تھا۔پہلے ہوگن معروف ٹی وی پروڈیوسر ایرک بسچوف کی ڈیجیٹل ویڈیو میں بھی جلوہ گر ہوئے ہیں جس میں ہوگن کا کہنا تھا کہ وہ اب بھی ڈبلیو ڈبلیو ای میں اچھے انداز سے واپسی کیلئے پر امید ہیں۔

واشنگٹن(ایمرا نیوز آن لائن ): امریکی صدر ڈونلڈ ٹرمپ نے مواخذے کی تحقیقات کرنے والی کمیٹی کے سامنے پیش ہونے کا عندیہ دیا ہے، کمیٹی کے سامنے دو مزید گواہان نے اپنے بیانات ریکارڈ کروا دیئے ہیں۔

صدر ٹرمپ نے کہا ہے کہ یوکرین کے حوالے سے ان پر لگنے والے الزامات کے سلسلے میں وہ خود پیش ہو سکتے ہیں۔ کمیٹی کے سامنے مشیر قومی سلامتی اور خارجہ پالیسی نے اپنے بیانات ریکارڈ کرا دیے ہیں جس میں انہوں نے کہا ہے کہ امریکی صدر کے لیے یہ نامناسب ہے کہ وہ کسی امریکی شہری اور اپنے سیاسی مخالف کے لیے تحقیقات کا مطالبہ کریں۔

صدر ٹرمپ کے خلاف مواخذے کا معاملہ اس وقت سامنے آیا جب امریکی صدر نے مبینہ طور پر یوکرائن میں اپنے ہم منصب کو بائیڈن خاندان کے خلاف کرپشن تحقیقات کرنے کیلئے دباو ڈٓالا۔
واضح رہے کہ امریکی صدر کے خلاف مواخذے کی کارروائی ایوان نمائنڈگان سے شروع ہوتی ہے اور اس کی منظوری کیلئے سادہ اکثریت درکار ہوتی ہے تاہم مقدمہ سینیٹ میں چلتا ہے۔

ناٹنگھم: ورلڈ کپ میں انگلینڈ کے خلاف پاکستان کی جیت کے مرکزی کردار اور مین آف دی میچ محمد حفیظ کا کہنا ہے کہ ابتدائی شکست کے بعد کھلاڑیوں نے بیٹھ کر ایک دوسرے سے بات کی اور حوصلے بلند کرنے کے لیے ماضی کی اچھی اننگز کو یاد کیا جس سے ٹیم کو اعتماد ملا۔

انگلینڈ کیخلاف میچ میں 62 گیندوں پر 84 رنز کی اننگز کھیلنے والے محمد حفیظ نے کہا کہ جب کھلاڑی گراؤنڈ آئے تو یہ جذبہ لے کر آئے کہ کچھ کر دکھانا ہے۔

محمد حفیظ کا کہنا تھا کہ جیت کو بہت مس کررہے تھے اور اب کامیابی ملی ہے تو ٹیم کا ہر فرد خوش ہے اور اچھا محسوس کررہا ہے۔

قومی ٹیم کے سینئر آل راؤنڈر نے کہا کہ وہ اگرچہ مین آف دی میچ بنے ہیں لیکن کامیابی میں کردار سب ہی نے ادا کیا، بہتری کی گنجائش ہمیشہ رہتی ہے، یقینی طور پر فیلڈنگ میں کوتاہیاں ہوئیں جن کو اگلے میچز میں ٹھیک کرلیا جائے گا۔

ایک سوال پر محمد حفیظ نے کہا کہ ٹارگٹ تھا کہ 340 تک اسکور بنائیں کیوں کہ ٹیم کو یہ اعتماد تھا کہ اتنے اسکور کا دفاع کرلیا جائے گا۔

انہوں نے مزید کہا کہ ہار پر سب کو تکلیف ہوتی ہے، وہ تنقید پر زیادہ دھیان نہیں دیتے، کوشش ہوتی ہے کہ جب بھی میدان میں آئیں پاکستان کے لیے زیادہ سے زیادہ اسکور لگائیں۔

کارڈف: انگلینڈ میں جاری ورلڈکپ مقابلوں میں آج سری لنکا اور افغانستان کی ٹیمیں مدمقابل ہوں گی۔

ایونٹ میں اب تک 6 میچز کھیلے جاچکے ہیں اور آج بھی ایک میچ کھیلا جائے گا جس میں افغانستان اور سری لنکا کی ٹیمیں کارڈف کے ویلز اسٹیڈیم میں آمنے سامنے ہوں گی۔

پاکستانی وقت کے مطابق میچ سہ پہر ڈھائی بجے شروع ہوگا، دونوں ٹیمیں ایونٹ میں اب تک ایک ایک میچ کھیل چکی ہیں جس میں دونوں کو ناکامی کا منہ ہی دیکھنا پڑا۔

دونوں ٹیمیں میں ایک سے دو تبدیلیاں متوقع ہیں، افغان ٹیم میں مجیب الرحمان کی جگہ ایکسٹرا سیمر آفتاب عالم کو کھلایا جاسکتا ہے جب کہ اصغر افغان انجری کے باعث آسٹریلیا کے خلاف پہلے میچ میں شامل نہیں ہوسکے تھے اس لیے ان کی شمولیت مشکوک ہے۔

پچ کنڈیشن کو دیکھتے ہوئے سری لنکن ٹیم میں نوان پردیپ کو شامل کیا جاسکتا ہے جس کے لے اسورو اودانا کو جگہ خالی کرنا ہوگی جب کہ لیستھ ملنگا کا بھی کہنا ہے کہ وہ مکمل طور پر فٹ ہیں۔

پاکستان اور انگلینڈ کے درمیان ٹرینٹ برج ناٹنگھم میں ہونے والے ورلڈکپ کے میچ میں امپائرز نے گیند کی کنڈیشن پر نظر رکھی اور دونوں ٹیموں کو کسی قسم کی گڑبڑ نہ کرنے کی تنبیہ دیتے رہے۔

پاکستان اور انگلینڈ کے درمیان ورلڈکپ میچ میں دونوں ٹیموں کی جانب سے گیند کو کیپر یا بولر کی جانب دوبارہ تھرو کرتے وقت غیر ضروری طور پر زیادہ باؤنس دیا جارہا تھا جس پر امپائرز نے دونوں ٹیموں کو باری باری وارن کیا۔

ورلڈکپ: پاکستان نے مشکل حریف انگلینڈ کو ہراکر مسلسل 11 شکستوں کا جمود توڑ دیا

پہلے پاکستان کی بیٹنگ کے دوران انگلینڈ کے کپتان کو وارن کیا گیا اور بعد میں پاکستانی ٹیم کو بھی وارننگ دی گئی جب کہ ایک موقع پر محمد حفیظ گیند کو لے کر امپائرز کے پاس پہنچ گئے اور ان کو مطمئن کیا۔

محمد حفیظ نے بتایا کہ ایک دو مرتبہ ایسا ہوا کہ گیند دو، تین باؤنس میں واپس تھرو ہوئی جس کے بعد ایک موقع پر امپائر نے کہہ دیا تھا کہ اگر دوبارہ ایسا ہوا تو پینالٹی لگادی جائے گی۔

انگلش کپتان آئن مورگن کا بھی کہنا تھا کہ دونوں اننگز میں امپائرز نے کھلاڑیوں کو غیر ضروری طور پر گراؤنڈ پر باونس کرنے سے خبردار کیا۔

دوسری جانب یہ بھی دیکھا گیا کہ جوز بٹلر نے اپنی وکٹ کے بعد گیند کی کنڈیشن جانچنے کی کوشش کی لیکن ان کے ہاتھ کچھ نہیں آیا

اسلام آباد(ایمرا نیوز) ڈی جی آئی ایس پی آر میجر جنرل آصف غفور نے قومی کرکٹ ٹیم کو انگلینڈ کے خلاف شاندار فتح اور عید الفطر کی مبارک باد دیتے ہوئے کہا ہے کہ پاکستانی ٹیم بہت اچھا کھیلی ۔

پیر کے روز ٹویٹر پر جاری پیغام میں میجر جنرل آصف غفور نے قومی کرکٹ ٹیم کو ورلڈ کپ کے میچ میں فتح پر مبارک باد دیتے ہوئے کہا ہے کہ پاکستانی ٹیم نے بہت اچھا کھیل پیش کیا انہوں نے آئندہ میچز میں قومی کرکٹ ٹیم کے لئے نیک خواہشات کا اظہار کیا اور پاکستان کرکٹ ٹیم کوعید الفطر کی بھی مبارکباد دی ۔

کولمبو: سری لنکن ٹیسٹ ٹیم کا دورئہ پاکستان ممکن نظر آنے لگا جب کہ اس حوالے سے امید کی کرن روشن ہو گئی ہے۔

پاکستان کو اپنے ملک میں ٹیسٹ سیریز کیلیے کسی ٹیم کی میزبانی کیے ہوئے 10 برس بیت چکے ہیں، آخری مرتبہ سری لنکن ٹیم نے ہی 2009 میں ٹیسٹ سیریز کیلیے پاکستان کا رخ کیا مگر اسی ٹور میں دہشتگردوں نے اس پر حملہ کرکے پاکستان کو انٹرنیشنل کرکٹ کیلیے نوگو ایریا بنا دیا تھا۔

اگرچہ گذشتہ کچھ عرصے میں وہاں کچھ انٹرنیشنل کرکٹ ہوئی مگر وہ صرف ٹوئنٹی 20 کرکٹ کی حد تک محدود رہی، زمبابوے نے 2015 میں ایک روزہ میچز بھی کھیلے تھے تاہم ابھی تک کسی بھی ٹیم نے ٹیسٹ سیریز کیلیے پاکستان کا دورہ نہیں کیا۔

پی سی بی کی جانب سے سری لنکا کو ہی2 ٹیسٹ میچز کیلیے ٹور پر راضی کیا جا رہا ہے، یہ میچز رواں سال آئی سی سی ٹیسٹ چیمپئن شپ کے تحت کھیلے جانے ہیں، پی سی بی ان کا انعقاد کراچی اور لاہور میں کرنا چاہتا ہے۔
سری لنکن کرکٹ بورڈ کے سیکریٹری موہن ڈی سلوا نے کہاکہ ہم پاکستان کی دعوت پر سنجیدگی سے غور کررہے ہیں، خاص طور پر ایسے وقت میں جب ہمارے ملک میں حالیہ دہشتگردی کے بعد کچھ ممالک نے اپنی ٹیمیں سری لنکا بھیجنے سے متعلق تحفظات کا اظہار کیا ہے،البتہ کوئی بھی فیصلہ پاکستان کی سیکیورٹی صورتحال کا مکمل جائزہ لینے کے بعد کیا جائے گا۔

واضح رہے کہ ایس ایل سی کی جانب سے سیکیورٹی ماہرین کی ٹیم صورتحال کا جائزہ لینے کیلیے پاکستان بھیجی جائے گی تاہم اس کی کوئی تاریخ ابھی مقرر نہیں ہوئی۔

لاہور: سابق کپتان ظہیرعباس نے کہا ہے کہ بابراعظم اگر پرفارم کرتے رہے تو ہمارے لیے ڈان بریڈمین سے بھی بڑے بیٹسمین ہیں۔

پاکستان کرکٹ کی سب سے بڑی ویب سائٹ www.cricketpakistan.com.pk کے پروگرام ’’کرکٹ کارنر ود سلیم خالق‘‘ میں گفتگو کرتے ہوئے سابق کپتان ظہیر عباس نے کہا کہ کسی کھلاڑی کے کیریئر کے آغاز پر اس طرح کی باتیں نہیں کی جانا چاہئیں لیکن اس میں کوئی شک نہیں کہ بابر اعظم ایک بہترین بیٹسمین ہیں، ان کی کارکردگی میں تسلسل ہمارے لیے باعث فخر ہے، ویرات کوہلی ہمارے لیے اہم نہیں بلکہ ہماری نظروں میں بابر اعظم کی اہمیت ہے، نوجوان بیٹسمین پاکستان کیلیے پرفارم کرتے رہیں تو ڈان بریڈمین سے بھی بڑے ہیں۔

ایک سوال پر ظہیر عباس نے کہا کہ ورلڈ کپ میں پاکستان ٹیم سے بڑی توقعات وابستہ ہیں، گذشتہ چند میچز میں کارکردگی اچھی نہیں رہی لیکن ہم سب جانتے ہیں کہ گرین شرٹس بازی پلٹ دینے کی صلاحیت رکھتے ہیں، میرے خیال میں پاکستان کو سیمی فائنل تک رسائی حاصل کرنا چاہیے، بھارت، انگلینڈ،آسٹریلیا اور نیوزی لینڈ بھی مضبوط امیدواروں میں شامل ہیں۔

انھوں نے کہا کہ کپتان اور مینجمنٹ دباؤمیں ہیں، اس کی وجہ بھی وہ خود ہی بنے ہیں، ورلڈ کپ بہت قریب ہونے کے باوجود سینئرز کو آسٹریلیا کے خلاف سیریز میں آرام دینا ایک بڑی غلطی تھی۔

ظہیر عباس نے ایشین بریڈ مین قراردیے جانے کے راز سے پردہ اٹھا دیا

ظہیر عباس نے ایشین بریڈ مین قرار دیے جانے کے راز سے پردہ اٹھا دیا، سابق کپتان کا کہنا ہے کہ مجھے یہ خطاب کیریئر کے اختتام پر نہیں ملا بلکہ پہلے ہی میچ کے بعد ایشین بریڈ مین قرار دیا جانے لگا تھا،1971 کے دورئہ انگلینڈ میں سنچری بنائی تو ایک اخبار نے اپنی شہ سرخی میں مجھے نام کے بجائے ایشین بریڈ مین لکھا جو بعد میں میری پہچان بن گیا۔

اسلام آباد: پاکستان کے چیف سلیکٹر انضمام الحق نے کہا کہ ہمارے سارے لڑکے بہت ٹیلنٹڈ ہیں تاہم انھیں اعتماد دلانے کی ضرورت ہے۔

ایکسپریس نیوز کے پروگرام’’ تکرار‘‘ میں میزبان عمران خان سے گفتگوکرتے ہوئے انضمام الحق نے کہا کہ 2 فارمیٹ کے ساتھ ون ڈے کھیلاجاتا ہے کچھ لوگوں کاخیال ہوتا ہے کہ 5 باؤلرز اور5 بیٹسمینوں کے ساتھ کھیلیں جبکہ کچھ لوگ4.6 کے ساتھ کھیلتے ہیں اس سے توازن بہت اچھابنتا ہے، یہ ٹیم ٹوٹیم اورکنڈیشن ٹوکنڈیشن کھیلا جانا چاہئے،پاکستان کو زیادہ ترفتوحات4.6 کے ساتھ ہی ملی ہیں، ہمارے سارے لڑکے بہت ٹیلنٹڈ ہیں، انھیں اعتماد دلانے کی ضرورت ہے۔

مرزا اقبال بیگ نے کہا کہ اس ٹیم میں تجربے کی کمی ضرور لیکن بیشتر نوجوان کھلاڑی ہیں، محمدحفیظ اور شعیب ملک سینئر پلیئر ہیں انھیں اپنارول اداکرنا ہو گا، اوپننگ میں امام اور فخر ہونے چاہئیں، ون ڈاؤن میں بابر اعظم اورحفیظ کو چوتھے نمبرپرکھلانا چاہیے۔ شعیب ملک کو 20 سال ہوجائیں گے جبکہ حفیظ کو 16 سال ہوجائیںگے، یہ مکس ٹیم ہے جس میں تجربہ بھی ہے اورنوجوان کھلاڑی بھی ہیںجن میںکچھ کر دکھانے کوجوش بھی ہے۔

سابق کرکٹر مشتاق احمدنے کہا کہ ٹیم میں 5 بہترین باؤلر ہونے چاہییں، 2 کو اچھا چلنا چاہیے، اگر 20 اوورز میں 2 باؤلرز نے 2، 2 وکٹیںلے لیں توباقی 3 باؤلر رہ جائیں گے وہ ایک ایک وکٹ لے کر ٹیم کوجتوانے میں اہم کردار اداکریں گے ، وہی ٹیمیںجیتیں گی جو اسپیشلسٹ باؤلرز اور اسپیشلسٹ بیٹس مینوں کے ساتھ کھیلیں گی، میرا ویسٹ انڈیز کے ساتھ تعلق ہے، میری ایماندارانہ رائے ہوگی کہ بہترین 5 باؤلرزکے ساتھ کھیلیں ،امام اورفخردونوں کو اسکور کرنے کا طریقہ آتا ہے، اس سے پاکستان کوفائدہ ہوگا۔

کراچی: آسٹریلیا کے سابق اسپنر بریڈ ہوگ نے فاسٹ بولر محمد عامر کی پاکستانی ورلڈ کپ اسکواڈ میں شمولیت کو تنقید کا نشانہ بنایا ہے۔

’’کرکٹ پاکستان‘‘ ویب سائٹ کی رپورٹ کے مطابق ہوگ نے کہا کہ ایک آئوٹ آف فارم بولر کو شامل کرنے سے صاف دکھائی دیتا ہے کہ پاکستانی ٹیم گھبراہٹ کا شکار ہوچکی ہے۔ اگر وہ پہلے والے اٹیک پر ہی اعتماد برقرار رکھتی تو میں اسے ورلڈ کپ کی ٹاپ 4 سائیڈز میں شامل کرتا۔

ہوگ نے وہاب ریاض کو میگا ایونٹ کے لیے ٹیم میں شامل کیے جانے کی حمایت کرتے ہوئے کہا کہ وہ اپنی پیس اور یارکر سے حریف ٹیموں کے لیے مشکلات پیداکرسکتے ہیں۔