Tag media92.tv

33 سالہ گلوکارپر اس وقت فائرنگ کی گئی جب وہ اپنے کپڑوں کے اسٹور کے سامنے موجود، ہماری ہمدردی تمام متاثرین کے ساتھ ہیں، میری ٹیم غم کے ان لمحات میں متاثرہ خاندانوں کی مدد کررہی ہے، میئر لاس اینجلس
لاس اینجلس( آن لائن ) امریکی ریاست لاس اینجلس میں نامعلوم شخص کی فائرنگ سے گلوکار نیپسی ہسل ہلاک اور 2 افراد زخمی ہوگئے ہیں۔مقامی میڈیا کے مطابق 33 سالہ گلوکارپر اس وقت فائرنگ کی گئی جب وہ اپنے کپڑوں کے اسٹور کے سامنے موجود تھے۔ نیپسی ہسل کو ایک سے زائد گولیاں لگیں اور فائرنگ سے دیگر دو افراد بھی زخمی ہوئے ہیں۔امریکی گلوکار کو مقامی وقت کے مطابق شام 3 بج کر20 منٹ پر نشانہ بنایا گیا۔ گولیوں کی زد میں آکر تین لوگ زخمی ہوئے تھے جنہیں فوری طور پر اسپتال منتقل کیا گیا لیکن نیپسی ہسل جاں بر نہ ہو سکے۔لاس اینجلس کے میئر نے اپنے ٹویٹ میں اظہار افسوس کرتے ہوئے کہا کہ ہماری ہمدردی تمام متاثرین کے ساتھ ہیں، میری ٹیم غم کے ان لمحات میں متاثرہ خاندانوں کی مدد کررہی ہے۔پولیس حکام کا کہنا ہے ملزم کا تاحال پتا نہیں چل سکا تاہم تلاش جاری ہے۔نپسی ہسل نے واقعے سے چند گھنٹے قبل ہی ٹویٹ کیا تھا کہ طاقت ور دشمن بھی ایک اعزاز ہے۔

موبائل فون آپریٹرز نے لائسنس فیس بڑھانے کی مخالفت کردیخ وزارت آئی ٹی نے لائسنس کی تجدید کی سمری بین الوزارتی کمیٹی کو بھیج دی
اسلام آباد( آن لائن ) تھری جی اورفور جی لائسنس کی تجدید کے معاملے پرموبائل فون آپریٹرز اور حکومت کے درمیان لائسنس فیس پر ڈیڈ لاک پیدا ہوگیا ہے۔ وزارت آئی ٹی نے لائسنس کی تجدید کی سمری بین الوزارتی کمیٹی کو بھیج دی ہے ۔ذرائع کے مطابق پی ٹی اے کی سمری میں لائسنس فیس بڑھانے کی سفارش کی گئی ہے جبکہ موبائل فون آپریٹرز نے لائسنس فیس بڑھانے کی مخالفت کردی ہے۔ موبائل فون آپریٹرز کے بین الوزارتی کمیٹی کے ساتھ مذاکرات جاری ہیں۔تین موبائل فون آپریٹرز کمپنیوں کے لائسنس کی معیاد رواں سال مئی میں ختم ہورہی ہے۔ آپریٹرز نے 2014 میں ایک کمپنی کو دیے گئے لائسنس کے برابر فیس وصول کرنے کا مطالبہ کیاہے ۔پی ٹی اے ذرائع کے مطابق 2015 میں نئی ٹیلی کام پالیسی کے آنے کے بعد پرانی فیس کا حصول ممکن نہیں ہے ۔نئے لائسنس سے حکومت کو 1 اعشاریہ 3 ارب ڈالر کی آمدن متوقع ہے۔ لائسنس فیس میں اضافے کا حتمی فیصلہ بین الوزارتی کمیٹی کرے گی ۔کمیٹی کی منظوری کے بعد لائسنس کی سمری وفاقی کابینہ میں پیش کی جائے گی۔#/s#

جہاز بغیر پرمٹ کے بنایا گیا، نوجوان نے جہاز پر خطرناک کرتب بھی دکھائے، پولیس پہنچی تو جہاز لینڈ کررہا تھا، اے ایس آئی پاکپتن
پاکپتن( آن لائن ) جنوبی پنجاب کے ضلع پاکپتن میں پولیس نے ایک نوجوان کو گرفتار کرلیا ہے جس نے اپنی مدد آپ کے تحت تیار کیا گیا منی جہاز اڑایا تھا۔مقامی پولیس نے محمدفیاض نامی شخص کو گرفتار کر کے منی جہاز سمیت تھانے منتقل کردیا ہے۔اے ایس آئی پاکپتن کی مدعیت میں درج مقدمہ کا متن ہے کہ جہاز بغیر پرمٹ کے بنایا گیا، نوجوان نے جہاز پر خطرناک کرتب بھی دکھائے، پولیس پہنچی تو جہاز لینڈ کررہا تھا۔پولیس کے مطابق ملزم نے 500 سے 600 لوگوں کے مجمعے میں سنگین انداز میں کرتب دکھائے تاہم کو حادثہ پیش نہیں آیا، پولیس نے محمد فیاض سے جہاز اڑانے کا پرمٹ طلب کیا لیکن کو پولیس کو حکومت پاکستان کا اجازت نامہ فراہم نہیں کر سکا۔ایف آئی آر کے مطابق نوجوان کو منی جہاز اور دیگر سامان سمیت تھانے منتقل کردیا ہے اور قانون کے مطابق کارروائی عمل میں لائی جائے گی۔ملزم کے خلاف دائر مقدمے میں 285، 286 اور 287 کی دفعات شامل کی گئی ہیں

عارضہ جگر میں مبتلا 10 سالہ بچے عبدالرحمان کو بہن نے جگر کا عطیہ دیا،ڈاکٹرز نے 13 گھنٹے کے طویل آپریشن کے پاکستان۔میں پہلی بار ہیپٹک کومہ کی اسٹیج پر جگر کی پیوندکاری کو کامیابی سے سرانجام دے دےا
کراچی(آن لائن)گمبٹ انسٹیٹیوٹ آف میڈیکل اینڈ ہیلتھ سائنسز میں جگر ٹرانسپلانٹ کا آپریشن کامیاب، عارضہ جگر میں مبتلا ہیپٹک کومہ کے مریض 10 سالہ بچے عبدالرحمان کو بہن نے جگر کا عطیہ دیا۔ڈاکٹرز نے 13 گھنٹے کے طویل آپریشن کے پاکستان۔میں پہلی بار ہیپٹک کومہ کی اسٹیج پر جگر کی پیوندکاری کو کامیابی سے سرانجام دے دیا۔تفصیلات کے مطابق گمس ہسپتال میں زیرعلاج سجاول سے تعلق رکھنے والے دس سالہ بچے عبدالرحمان کا جگر ٹرانسپلانٹ کا آپریشن کامیاب ہوگیا عبدالرحمان 6 بہنوں کا اکلوتا بھائی اور عارضہ جگر میں مبتلا ہیپٹک کومہ کی اسٹیج میں زندگی کی جنگ لڑرہا تھا۔ہیپٹک کومہ کی حالت میں جگرکی پیوندکاری کا مرحلہ انتہائی مشکل ہوتا ہے تاہم گمس اسپتال کے ڈاکٹرز نے اس مشکل کو کام کو بھی کامیابی سے سرانجام دے دیا۔عبدالرحمٰن کو اسکی بڑی بہن کیجانب سے جگرعطیہ کیاگیا اور13گھنٹے تک جاری رہنے والے اس آپریشن میں پاکستان کی تاریخ میں پہلی مرتبہ جگرکی پیوندکاری انتہائی نامساعد حالات میں مکمل کرلی گئی۔جبکہ گمس اسپتال اس سے قبل بھی 60سے زائد جگروگردوں کی کامیاب پیوندکاریاں کرچکاہے۔#/s#
٭٭٭٭٭

ایریز کراسنگ کو عام عوام جبکہ کرم ابو سالم کو اشیا کی نقل و حمل کے لیے دوبارہ کھول دیا گیا، ترجمان
یروشلم( آن لائن ) اسرائیل نے فلسطینی علاقے سے راکٹ حملے کے بعد غزہ کی محصور پٹی کے ساتھ ایک ہفتے تک بند رہنے والی اپنی کراسنگ کھول دی۔ اس بارے میں وزارت دفاع کے شعبہ سی او جی اے ٹی، جو کراسنگ کے معاملات سنبھالتا ہے، کی ترجمان کا کہنا تھا کہ ایریز کراسنگ کو عام عوام جبکہ کرم ابو سالم کو اشیا کی نقل و حمل کے لیے دوبارہ کھول دیا گیا۔خیال رہے کہ ان دونوں راستوں کو فلسطین سے فائر ہونے والے راکٹ کے بعد پیر کے روز بند کردیا گیا تھا جس میں 7 اسرائیلی شہری زخمی ہوگئے تھے اور جواب میں اسرائیل کی جانب سے بھی فضائی حملہ کیا گیا تھا۔دونوں اطراف سے فضائی حملے کے تبادلے کے بعد حماس نے جنگ بندی کا اعلان کردیا تھا جس کے لیے مصر نے ثالثی کی کوششیں کی تھیں۔اس اعلان سے قبل ہفتے کے روز ہزاروں فلسطینیون نے غزہ اور اسرائیل کی سرحدی پٹی پر احتجاجی سلسلوں کا ایک سال مکمل ہونے پر مظاہرہ کیا۔اس کے نتیجے میں 4 افراد جاں بحق ہوئے تاہم مصر کی ثالثی ک سبب کشیدہ صورتحال میں کمی آگئی جس سے بڑے پیمانے پر خونزیری کا خطرہ ٹل گیا۔دوسری جانب اسرائیلی وزیراعظم بینجمن نیتن یاہو نے برازیلین صدر جائر بولسونارو کا 3 روزہ دورے پر استقبال کرتے ہوئے ایک بار پھر کہا کہ اگر ضرورت پڑی کو اسرائیل غزہ کی پٹی میں بڑے پیمانے پر آپریشن کے لیے تیار ہے۔برازیلین صدر کو مخاطب کرتے ہوئے بینجمن نیتن یاہو نے کہا کہ آپ اسرائیل میں کشیدہ صورتحال کے درمیان آئیں ہیں اس لیے میں نے فوج کو غزہ کی سرحد کے ساتھ بھرپور تعیناتی کا حکم دیا ہے۔اسرائیلی وزیراعظم کا کہنا تھا کہ فوجی تعیناتیوں میں ٹینکس، گولہ بارود، زمینی افواج اور فضائیہ شامل ہے، ہم ہر صورتحال کے لیے تیار ہیں اور اگر ضرورت پڑی تو بڑی کارروائی کے لیے بھی۔خیال رہے کہ فلسطین میں ایک سال ان فلسطینیوں کو اپنی سرزمین پر واپس جانے کی اجازت کے لیے احتجاج کا سلسلہ جاری ہے جنہیں 1948 کی عرب اسرائیل جنگ میں یہودی ریاست کے قیام کے لیے ان کے علاقوں سے بے دخل کردیا گیا تھا۔اس حوالے سے اسرائیل کا کہنا ہے کہ اس طرح بڑے پیمانے پر واپسی سے یہودی ریاست کا خاتمہ ہوجائے گا اسلیے اسرائیل کو اپنی سرحد کے دفاع کے لیے اور حملوں کو روکنے کے لیے کارروائی کرنا ضروری ہے۔

دستاویزی فلم کی تمام تر ریکارڈنگ مقبوضہ کشمیر میں ہی کی گئی، بھارتی فوج کے مظالم کو انتہائی قریب سے فلمایا گیا اور دنیا کے سامنے بھارتی فوج کی حقیقت لانے کی کوشش کی گئی
#/h#
پیرس( آن لائن ) مقبوضہ کشمیر میں بھارتی مظالم پر غیر ملکی صحافی کی دستاویزی فلم فرانسیسی چینل پر نشر کر دی گئی۔ فلم میں بھارتی مظالم کو دکھایا گیا ہے۔غیر ملکی خبر رساں ایجنسی کے مطابق غیر ملکی صحافی کی جانب سے بنائی گئی دستاویزی فلم وارآن وارآف ورلڈ صبح 4 بجے نشر کی گئی۔ جسے فرانسیسی صحافی پاول کامیٹی نے 18 ماہ میں مکمل کیا۔دستاویزی فلم کی تمام تر ریکارڈنگ مقبوضہ کشمیر میں ہی کی گئی، جس میں بھارتی فوج کے مظالم کو انتہائی قریب سے فلمایا گیا اور دنیا کے سامنے بھارتی فوج کی حقیقت لانے کی کوشش کی گئی ہے۔فلم میں کشمیریوں پر پیلٹ گن اور دیگر انسانیت سوز حربوں کو دکھایا گیا ہے۔اس دوران فرانسیسی صحافی اور ان کی ٹیم نے پاکستان کے زیرانتظام آزاد کشمیر کا بھی دورہ کیا اور وہاں کی روز مرہ زندگی کو بھی ڈاکیو منٹری کا حصہ بنایا جہاں کی پرسکون زندگی دیکھ کر فرانسیسی صحافی خود بھی حیرت زدہ رہ گیا۔فرانسیسی صحافی کے مطابق مقبوضہ کشمیر پر بنائی گئی دستاویزی فلم کا مقصد وہاں کی موجودہ صورتحال کو دنیا کے سامنے پیش کرنا اور مظلوم کشمیریوں کی آواز دنیا تک پہنچانا تھا۔بھارتی فوج نے فلم سازی کے دوران فرانسیسی صحافی کو حراست میں بھی لیا اور پاول کامیٹی اپنی ٹیم سمیت 3 ہفتے تک بھارتی فورسز کی قید میں رہے۔ گرفتاری کے بعد فرانسیسی صحافی کو 5 روزہ ریمارنڈ پر پولیس کے حوالے کیا گیا تھا۔فرانسیسی صحافی اور ان کی 8 رکنی ٹیم کو بھارت میں بلیک لسٹ کر دیا گیا جب کہ بھارتی حکام نے فرانسیسی صحافی کی ڈاکیو منٹری کی درخواست کو بھی مسترد کیا۔بھارتی فوج کی جانب سے پر امن مظاہرین پر فائرنگ اور شیلنگ کی گئی جس کی وجہ سے 251 کشمیری زخمی ہوئے جب کہ گھروں میں چھاپوں اور کریک ڈاون کے دوران 148 افراد کو گرفتار کیا گیا۔قابض بھارتی فوج نے مقبوضہ کشمیر میں 51 رہائشی مکانات کو جلا دیا جب کہ 2 موٹر سائیکل سواروں کو بھارتی فوج نے گولیوں کا نشانہ بنایا۔#/s#
٭٭٭٭٭

تین لاکھ سے زائد طلبا وطالبات سائنس اور جنرل گروپ کے امتحانات میں حصہ لے رہے ہیں،حیدرآباد تعلیمی بورڈ کے تحت نویں اور دسویں جماعت کے امتحانات بھی شروع، دس اضلاع میں 216 امتحانی مراکز قائم
#/h#
کراچی( آن لائن ) سندھ بھر میں نہم اور دہم جماعت کے امتحانات شروع ہو گئے ہیں ۔ کراچی میں تین لاکھ سے زائد طلبا وطالبات سائنس اور جنرل گروپ کے امتحانات میں حصہ لے رہے ہیں۔نویں کلاس سائنس گروپ کے امتحانات میں ایک لاکھ اٹھاون ہزار اور دسویں کلاس کے امتحانات میں ایک لاتریسٹھ ہزار سے زائد امیدوار شرکت کر رہے ہیں۔ جنرل گروپ کے امتحان میں پینتالیس ہزار سے زائد امیدوار شریک ہیں۔کراچی میں سائنس اور جنرل گروپ کے طلبا کے لیے تین سو سرسٹھ امتحانی مراکز بنائے گئے ہیں۔ امتحانی مراکز پر دفعہ 144 نافذ ہے۔ بلدیہ، اورنگی، لانڈھی اور کورنگی کے ساٹھ مراکز کو حساس قرار دیا گیا ہے۔حیدرآباد کے دس اضلاع میں 216 امتحانی مراکز قائم کیے گئے ہیں۔ نویں اور دسویں کلاس کے امتحانات میں ایک لاکھ انتالیس ہزار آٹھ سو انسٹھ امیدوار حصہ لے رہے ہیں۔ضلع سکھر میں مجموعی طور پر چالیس امتحانی مراکز قائم ہیں۔ گھوٹکی، خیرپوراور نوشہرو فیروزمیں بھی میٹرک کے امتحانات ہو رہے ہیں۔سکھر تعلیمی بورڈ کے زیر انتظام گھوٹکی میں ہونے والے نویں جماعت کا انگلش کا پرچہ آٹ ہونے کی اطلاعات ہیں۔ پرچہ واٹس ایپ گروپ کی مدد سے آٹ کیا گیا۔ گھوٹکی 34 امتحانی مراکز قائم کردیے گئے ہیں۔ گھوٹکی سے 21 ہزار طلبا اور طالبات امتحان میں حصہ لے رہے ہیں۔ امتحانوں میں نقل کو روکنے کے لیے چھاپہ مار ٹیمیں تشکیل دی گئی ہیں۔ضلع سکھر میں مجموعی طور پر 40 امتحانی مراکز قائم کیے گئے ہیں۔ خیرپور ضلع میں مجموعی طور پر 80 امتحانی مراکز بنائے گئے ہیں جن میں 38917 طلبا و طالبات امتحان دیں گے۔ ضلع نوشہرو فیروز میں 52 مراکز قائم کیے گئے ہیں اور 25923 طلبا و طالبات امتحان میں حصہ لیں گے۔حیدرآباد تعلیمی بورڈ کے تحت نویں اور دسویں جماعت کے امتحانات بھی شروع ہو گئے ہیں۔ دس اضلاع میں 216 امتحانی مراکز قائم کیے گئے ہیں۔ حیدرآباد، مٹیاری، ٹنڈوالیار، ٹنڈو محمد خان، بدین، سجاول، ٹھٹہ، جامشورو، دادو اور نوابشاہ میں امتحانات ہو رہے ہیں۔ 63 امتحانی سینٹرز کو حساس قرار دے دیا گیا۔حیدر آباد بورڈ انتظامیہ کے مطابق نویں اور دسویں میں ایک لاکھ 39 ہزار 859 امیدوار امتحان دیں گے۔ امتحانات کی مانیٹرنگ کے لئے بورڈ کی جانب سے 23 ویجلنس کمیٹیاں قائم کی گئی ہیں اور حیدرآباد بورڈ میں مانیٹرنگ سیل قائم کردیا گیا ہے۔#/s#
٭٭٭٭٭