Tag media92tv

لاہور(نیٹ نیوز/ایمرا نیوز) پنجاب کے وزیر اعلیٰ سردار عثمان بردار کا کہنا ہے کہ سکھ مذہب کے بانی بابا گورونانک کے 500ویں جنم دن کے موقع پر کرتارپور راہداری کاسنگِ بنیادرکھنےکے تاریخی اقدام سے امن کوششوں کو تقویت ملے گی۔لاہور سے جاری کیے گئے بیان میں وزیر اعلیٰ پنجاب نے مزید کہا کہ کرتارپور راہداری کا قیام ایک تاریخی اقدام ہے، یہ منصوبہ پاکستان اور بھارت کےتعلقات کےحوالےسے خوش آئند ہے۔ان کا کہنا ہے کہ وزیراعظم عمران خان امن کے داعی ہیں، وہ ہمسایہ ممالک سے پُرامن تعلقات کے حامی ہیں، کرتارپور راہداری کے قیام کا کریڈٹ تحریک ِانصاف کی حکومت کو جاتا ہے۔وزیر اعلیٰ پنجاب عثمان بزدار نے یہ بھی کہا کہ پنجاب حکومت نے سکھ برادری کو ہمیشہ ہرممکن سہولتیں فراہم کی ہیں۔

(نیٹ نیوز/ایمرا نیوز)
ایک چینی سائنس دان کا دعویٰ ہے کہ انہوں نے جڑواں بچیوں کے ڈی این اے میں تبدیلی کی ہے۔غیر ملکی میڈیا رپورٹس کے مطابق پروفیسر ہے جیانکوئی کا کہنا ہے کہ چند ہفتے پہلے پیدا ہونے والی جڑواں بچیوں کے ڈی این اے میں ایسی تبدیلیاں کی گئی تھیں کہ انہیں ایچ آئی وی کا انفیکشن لاحق نہ ہو سکے۔ان کا کہنا تھا کہ ‘مجھے پتہ ہے کہ میرا کام متنازع ہو گالیکن میرا خیال ہے کہ لوگوں کو اس کی ضرورت ہے اور میں اس کے لیے تنقید برداشت کرنے کے لیے تیار ہوں‘۔سائنسداںنے جن تنظیموں اور ایک ہسپتال میں یہ کام کیا تھا انھوں نے تردید کی ہے کہ انھوں نے اس تحقیق میں حصہ لیا تھا۔دوسری جانب ماہرین نے اس تحقیق کی اخلاقیات پر سوال اٹھایا ہے، اگر واقعی یہ کام ہوا ہے۔

انسانوں کے ڈی این اے میں اس قسم کا ردوبدل بیشتر ملکوں میں غیر قانونی ہے کیوں کہ وہاں سمجھا جاتا ہے کہ انسانی ڈی این اے سے چھیڑچھاڑ غیر اخلاقی ہے۔جینز میں ردوبدل سے ممکنہ طور پر موروثی بیماریوں سے اسی وقت چھٹکارا حاصل کیا جا سکتا ہے جب بچہ ابھی ماں کے پیٹ ہی میں ہو۔ماہرین کے مطابق اگر کسی جنین کے ڈی این اے میں کاٹ پیٹ کی جائے تو اس کا اثر نا صرف اس بچے پر پڑے گا بلکہ یہی تبدیلیاں اگلی نسلوں میں بھی منتقل ہو کر مضر ثابت ہو سکتی ہیں۔یہی وجہ ہے کہ برطانیہ سمیت بہت سے ملکوں میں جنین کے ڈی این اے میں کسی قسم کا ردوبدل ممنوع ہے۔ماہرین کا کہنا ہے کہ ایچ آئی وی ویسے بھی قابلِ علاج مرض ہے اور اس کے لیے والدین کو اپنے بچوں کے ڈی این اے میں تبدیلیاں کروانے کی ضرورت نہیں ہے۔

مقبوضہ کشمیر(نیٹ نیوز/ایمرا نیوز) مقبوضہ کشمیرمیں بھارتی ریاستی دہشت گردی جاری ہے جس کے دوران مزید 4کشمیری شہید ہو گئے، جمعے سے اب تک شہادتوں کی تعداد 22 ہو چکی ہے۔

کشمیریوں کی شہادت پر مظاہرے کیے گئے جن پربھارتی فورسز نے پیلٹ گن فائرنگ اور آنسو گیس کی شیلنگ کی جس کے نتیجے میں متعدد مظاہرین زخمی ہوگئے۔ کشمیر میڈیاسروس کےمطابق قابض فوج نے محاصرے اور گھر گھر تلاشی کی آڑ میں کلگام میں 3 جبکہ پلوامہ میں ایک کشمیری کو شہید کر دیا۔کلگام میں کشمیریوں کی شہادت پرلوگ سڑکوں پر نکل آئے، بھارتی فورسز نے مظاہرین پر پیلٹ گنوں سے فائرنگ اور آنسو گیس کی شیلنگ کی جس سے متعدد کشمیری زخمی ہو گئے۔قابض انتظامیہ نے کلگام میں موبائل فون اور انٹرنیٹ سروس بند جبکہ ٹرین سروس معطل کر دی ہے۔

لندن(نیٹ نیوز/ایمرا نیوز) برطانوی شاہی خاندان کے چھوٹے شہزادے ہیری اور ان کی اہلیہ میگھن مارکل نے کنگسٹن پیلس کو خیرباد کہنے کا اعلان کر دیا ہے۔برطانوی میڈیا کا کہنا ہے کہ ہیری اورمیگھن کے ولیم اورکیٹ سے اختلافات شدت اختیارکرگئے ہیں اور مجبوراً انہوں نے علیحدہ گھرمیں منتقل ہونے کا فیصلہ کرلیا ہے۔پچھلے کچھ عرصے سے یہ افواہیں کافی گردش کر رہی تھیں کہ کیٹ میڈلٹن اور میگھن مارکل کے درمیان بڑھتی کشیدگی کے باعث دونوں بھائیوں شہزادہ ہیری اور ولیم کےدرمیان بھی اختلافات ہوتے دکھائی دے رہے ہیں لیکن چونکہ ان خبروں میں کوئی صداقت نہیں تھی تو اس لیے کچھ بھی کہنا درست نہیں تھا۔لیکن اب شہزادہ ولیم اور ہیری کے قریبی دوست نے تصدیق کرتے ہوئے بتایا ہے کہ ہیری اور میگھن نے کنگسٹن پیلس کو چھوڑ کر ونڈسر اسٹیٹ کاٹیج منتقل ہونے کا فیصلہ کرلیا ہے، اور اس کی وجہ دونوں جوڑوں کے درمیان پیدا ہونے والی دڑار ہے۔

ممبئی(نیٹ نیوز/ایمرا نیوز) ممبئی میں ہونے والے سلسلہ وار بم دھماکوں کے دس برس مکمل ہونے پر امریکی صدر ڈونلڈ ٹرمپ نے بھارت کے نام پیغام جاری کیا ہے۔26 نومبر 2008 کو بھارتی شہر ممبئی میں ہونے والے حملوں کے نتیجے میں 166 افراد ہلاک جبکہ 100 سے زائد شہری زخمی ہوئے تھے۔ دہشت گردی کے اس افسوسناک واقعے میں ہلاک ہونے والے افراد میں ممبئی پولیس کے ایک درجن سے زائد اہلکار بھی شامل تھے۔اس حوالے سے امریکی صدر ڈونلڈ ٹرمپ کی جانب سے ٹوئٹ کیا گیا ہے جس میں انہوں نےکہا کہ ’ممبئی دہشت گردحملے کے دس برس مکمل ہونے پر امریکابھارت کے عوام کے ساتھ کھڑا ہے اور انصاف کا خواہاں ہے۔ ‘ٹرمپ نے مزید لکھا کہ ’اس حملے میں 166 بے گناہ معصوم افراد ہلاک ہوئےتھے جن میں 6 امریکی بھی شامل تھے۔ ہم کبھی بھی دہشت گردوں کو جیتنے نہیں دیں گے اور نہ ہی وہ کبھی جیتنے کے قریب آئیں گے۔ گزشتہ روز ممبئی حملوں کے 10 سال مکمل ہونے پر امریکی وزیر خارجہ مائیک پومپیو نے ایک بیان میں کہا تھا کہ حملوں میں ملوث عناصر کو اب تک سزا نہیں ملی جو ممبئی حملوں میں ہلاک ہونے والوں کے ورثا کی توہین ہے۔انہوں نے مزید کہا تھا کہ وہ تمام ممالک بالخصوص پاکستان پر زور دیتے ہیں کہ لشکر طیبہ سمیت ممبئی حملوں میں ملوث عناصر کے خلاف سلامتی کونسل کی پابندیوں پر عمل درآمد کرے۔

اسلام آباد (نیٹ نیوز/ایمرا نیوز) انسداد دہشت گردی کی خصوصی عدالت میں فیصل رضا عابدی اور دیگر ملزمان کیخلاف اعلیٰ عدلیہ کیخلاف نازیبا الفاظ استعمال کرنے کے کیس میں ویب ٹی وی کے وکیل وزیر اعظم عمران خان کے بھانجے حسان نیازی نے اپنی جگہ دوسرے وکیل کو عدالت میں پیش کرنے پر سخت برہمی کا اظہار کرتے ہوئے احاطہ عدالت میں تلخ کلامی کے بعد ایف آئی اے کے نائب کورٹ ممتاز علی کو تھپڑ مار دیا جس پر نائب کورٹ نے مقدمہ اندراج کیلئے تھانہ رمنا پولیس کو درخواست دیدی ۔ جبکہ حسان نیازی کا موقف ہے عدالتی اہلکاروں کی جانب سے رشوت مانگنے پر وہ غصے میں آگئے تھے۔تفصیلات کے مطابق پیر کو ہنس مسرور کی جانب سے حسان نیازی کی جگہ دوسرا وکیل عدالت میں پیش کیا گیا تو حسان نیازی نے سخت برہمی کا اظہار کیا اور نائب کورٹ کو تھپڑ مارا جس پر وہاں موجود افراد نے بیچ بچاؤ کرایا، ہنس مسرور کے بھائی نے کہا کہ حسان نیازی کسی بھی سماعت پر عدالت میں پیش نہیں ہوئے اور اس پر گزشتہ پیشی کے دوران عدالت کے جج نے بھی سخت برہمی کا اظہار کیا ، حسان نیازی کی کیس میں عدم دلچسپی کے باعث ہی نیا وکیل مقرر کیا تو وہ طیش میں آ گئے۔

کراچی(نیٹ نیوز/ایمرا نیوز) دفاعی مصنوعات کی نمائش آئیڈیاز کے سلسلے کی دسویں نمائش آئیڈیاز 2018ء آج سے کراچی ایکسپو سینٹر میں شروع ہو گی، نمائش کی تیاریاں مکمل کر لی گئی ہیں،نمائش 27 سے 30 نومبر تک جاری رہے گی۔صدر مملکت ڈاکٹر عارف علوی آج نمائش کا افتتاح کریں گے، اس مرتبہ شریک ملکوں اور غیرملکی مندوبین کی تعداد ماضی کے مقابلے میں کہیں زیادہ ہے۔آرمی چیف جنرل قمر جاوید باجوہ، پاک فضائیہ کے سربراہ ایئرمارشل مجاہد انور خان اورپاک نیوی کے سربراہ ایڈمرل ظفر محمود عباسی دفاعی نمائش کے مختلف سیشنز میں شریک ہوں گے جبکہ چیئرمین جواِئنٹ چیفس آف اسٹاف کمیٹی جنرل زبیر محمود حیات سیمینار کی صدارت کریں گے۔دفاعی نمائش میں50 سے زائد ممالک کے 262 وفود شرکت کر رہے ہیں، اس بار دفاعی نمائش میں اسٹالز لگانے والوں کی تعداد ماضی کی آئیڈیاز سے زیادہ ہے۔دفاعی نمائش میں522سے زائد ملکی و غیر ملکی کمپنیاں اپنی مصنوعات پیش کر رہی ہیں، اسلحہ ساز کمپنیوں کا تعلق دنیا کے 52ملکوں سے ہے، 321غیر ملکی کمپنیاں اور201پاکستانی کمپنیاں شامل ہیں۔

دفاعی نمائش میں شرکت کرنے والے نمایاں ممالک میں چین، برطانیہ، ترکی، امریکا ، اٹلی، جرمنی، اردن، پولینڈ، روس، جنوبی کوریا، یوکرائن، متحدہ عرب امارات اور دیگر شامل ہیں۔آئیڈیاز 2018 ءمیں اس مرتبہ پاکستان ایروناٹیکل کمپلیکس کا اسٹال خصوصی اہمیت کا حامل ہوگا، جہاں طیارہ سازی کی صنعت میں پاکستان کی تیزرفتار ترقی اور مہارت کی بھرپور عکاسی کی گئی ہے۔ڈپٹی چیف آف ایئر اسٹاف ٹریننگ ایئر مارشل شاہد علوی نے میڈیا کو آئیڈیاز 2018ء سے متعلق بریفنگ میں بتایا کہ 6ممالک کے ایئرچیف بھی دفاعی نمائش میں شرکت کر رہے ہیں۔ان کا مزید کہنا تھا کہ پاکستان کے ڈرون اور جنگی سامان دنیا بھر میں مقبول ہو رہا ہے، دفاعی نمائش میں اسلحہ سازی کی صنعت میں نمایاں مقام رکھنے والے تقریباً تمام ممالک شریک ہیں۔امریکا، برطانیہ، جرمنی اور فرانس کی کئی بڑی کمپنیوں کے اسٹال نمایاں ہوں گے، اس مرتبہ روسی اسٹال بھی خاص توجہ کا مرکز ہوگا، جہاں بکتر شکن میزائل، اسنائپر گنز اور کمانڈوز کےلیے مخصوص اسلحہ موجود ہے۔ترکی اور چین کی شرکت بھی بہت بھر پور ہے، دونوں ملکوں کی کمپنیوں کےلیے الگ الگ ہال مختص کیے گئے ہیں۔29 نومبر کو عوام کے لیے سی ویو نشان پاکستان پر آئیڈیاز کراچی کے ایئر شو کا انعقاد ہوگا۔نمائش کیلئے ٹریفک پلانآج سے جمعے تک اسٹیڈیم فلائی اوور سے حسن اسکوائر روڈ صبح 7بجے سے عام ٹریفک کے لیے بند رہے گا، جسے شام 6بجے کھول دیا جائے گا۔کارساز سے نیشنل اسٹیڈیم آنے والا روڈ بھی عام ٹریفک کے لے بند ہو گا، ہیوی ٹریفک کو لیاقت آباد 10نمبر، نیپا چورنگی، میلینیئم اور کارساز سے متبادل راستہ دیا جائے گا، شہری کسی بھی پریشانی سے بچنے کے لیے متبادل راستہ اختیار کریں۔دفاعی نمائش کے چار دن اسٹیڈیم فلائی اوور سے حسن اسکوائر روڈ کو صبح 7بجے سے عام ٹریفک کے لیے بند کر دیا جائے گا، جبکہ شام 6بجے کھول دیا جائے گا۔رہائشی اپنا شناختی کارڈ دکھا کر اپنے گھر یا ایریا میں جاسکیں گے، کارساز سے نیشتل اسٹیڈیم آنے والا روڈ بھی عام ٹریفک کےلئے بند ہوگا۔شہید ملت روڈ سے آنے والی ٹریفک جیل فلائی اوور اور یونیورسٹی روڈ سے غریب آباد جا سکے گی، براؤن رنگ اور زرد رنگ کی پٹی والے بیریئر عام پبلک کے لیے بند ہوں گے جبکہ آسمانی رنگ اور میرون پٹی والے بیریئر سے ہیوی ٹریفک کو متبادل روٹ بھیجا جائے گا۔پلان کے مطابق کسی بھی قسم کے ہیوی ٹریفک کو نیشنل اسٹیڈیم کی طرف جانے کی اجازت نہیں ہوگی۔ہیوی ٹریفک کو لیاقت آباد 10نمبر، نیپا چورنگی، میلینیئم اور کارساز سے متبادل راستہ دیا جائے گا۔لیاقت آباد، غریب آباد سے کارساز آنے والی عام ٹریفک کو صہبا اختر روڈ کی طرف موڑا جائے گا، صہبا اختر سے ٹریفک کو یونیورسٹی روڈ یو ٹرن سے کے ڈی اے سوسائٹی کی طرف بھیجا جائے گا، نیو ٹاؤن سے آنے والے ٹریفک کو لیاقت آباد جانے دیا جائے گا۔صرف مخصوص اسٹیکر لگی ہوئی گاڑیاں اسٹیڈیم روڈ سے کراچی ایکسپو سینٹر کی طرف جائیں گی، جہاں وہ مخصوص پارکنگ میں کھڑی کی جائیں گی اور عام ٹریفک کواسٹیڈیم پل سے اسٹیڈیم روڈ کی طرف موڑ دیا جائے گا، تمام روٹس اور راستے پر پارکنگ کی اجازت نہیں ہوگی۔

لندن(نیٹ نیوز/ایمرا نیوز)چیف جسٹس پاکستان میاں ثاقب نثار نے کہا ہےکہ احتساب سب کا، بلاامتیاز اور منصفانہ ہونا چاہیے، اس کے بغیر کوئی راستہ نہیں۔چیف جسٹس نے لندن میںصحافیوں سے خصوصی گفتگوکرتے ہوئے کہا کہ پاکستان سے باہر بھیجا گیا پیسہ واپس لانے کے لیے گورنر اسٹیٹ بینک کی سر براہی میں ٹیم بنا دی ہے۔انہوں نے مزید کہا کہ اس سے متعلق گورنر اسٹیٹ بینک آئندہ ماہ رپورٹ جمع کرائیں گے کہ پیسہ باہر کیوں، کیسے چلا گیا، کوتاہی کس کی ہے، جواب وہی دے سکتے ہیں۔جسٹس ثاقب نثار نے کہا کہ نیب کے قوانین میں بہتری کی گنجائش موجود ہے، اس کے لیے مقننہ کو اقدامات اٹھانے ہوں گے، کوئی شکایت ملتی ہے تو چیئر مین نیب کو بتاتےہیں کہ یہ چیزیں شفاف تحقیقات سے ہٹ کر ہیں۔انہوں نے کہا کہ سپریم کورٹ میں یہ نظرنہیں آتاکہ کون کس کی طرف ہے، صرف قانون نظر آتا ہے۔چیف جسٹس نے کہا کہ ڈیم فنڈ کے پیسے کے استعمال اور خرچ پر نظر رکھنے کے لیے بنچ بنانے کا بھی سوچ رہے ہیں تاکہ یہ پیسے کسی اور مد میں بھی خرچ نہ کیے جا سکیں۔انہوں نے کہا کہ برطانیہ کے ساتھ جو پروٹوکول سائن ہوا ہے اس کے تحت پاکستانیوں کی جائیدادوں سے متعلق بے انتہا معلومات ملی ہیں۔لندن میں ورلڈ کانگریس آف اوورسیز پاکستانیز کی فنڈریزنگ کی تقریب سے خطاب میںچیف جسٹس پاکستان نے کہا کہ پانی کا بحران شدید ہے،یک نہیں کئی ڈیمز بنانے پڑیں گے۔انہوں نے کہا کہ ڈیمز کے لیے اتنی بڑی رقم شاید ہم چندے سے جمع نہ کر پائیں، دیگر طریقے بھی ڈھونڈنے ہوں گے۔جسٹس میاں ثاقب نثار نے کہا کہ ڈیمز پر جو اخراجات اٹھنے ہیں اس کی منصوبہ بندی کر نا ہو گی،کمپنیز اور بونڈ کا میکنزم سمجھنے والے ماہر ہماری مدد کریں۔انہوں نے اپیل کی کہ ماہرین تجاویز دیں کہ چندے سے ہٹ کر ڈیمز کس طرح بنائے جا سکتے ہیں؟ چندے کے علاوہ کن طریقوں سے رقم جمع کی جاسکتی ہے؟

پاکپتن(نیٹ نیوز/ایمرا نیوز) پاکپتن کے پولیس انسپکٹر کی خاتون کے ساتھ رقصکرتے ہوئے ویڈیو سوشل میڈیا پر وائرل ہوگئی۔ ویڈیومنظر عام پر آئی تو اعلیٰ حکام نے نوٹس لے لیا۔

پاکپتن کے ارشد نامی پولیس انسپکٹر کی خاتون کے ساتھ رقص کرنے کی ویڈیو سوشل میڈیا پر وائرل ہوئی تو اعلیٰ حکام نے نوٹس لیتے ہوئے انسپکٹر کو معطل کردیااور محکمانہ انکوائری شروع کر دی گئی ہے۔پنجاب پولیس کے انسپکٹر ارشدایس ایچ او کلیانہ، ضلع پاکپتن تعینات تھےجن کی دو ویڈیو ز سوشل میڈیا پر وائرل ہوئیں ہیں، پہلی ویڈیو میں وہ ہندی فلموں کے ولن بنے ہیں اوراجے دیوگن کے اسٹائل میں کہہ رہے ہیں کہ ’دو وقت کی روٹی کماتا ہوں، نماز پڑھتا ہوں، اس سے زیادہ میری ضرورت نہیں اور مجھے خریدنے کی تمہاری اوقات نہیں۔‘دوسری ویڈیو میں انسپکٹر ارشدایک خاتون کےساتھ انڈین گانے پر کسی منجھے ہوئے ڈانسٹر کی طرح رقص کرتے دکھائی دے رہے ہیں۔یہ معاملہ ڈی پی او پاکپتن ماریہ محمود کے نوٹس میں آیا تو انہوں نے فوری پولیس انسپکٹر ارشد کو معطلکردیا جبکہ ان کے خلاف محکمانہ انکوائری بھی شروع کردی گئی ہے۔ پولیس انسپکٹر ارشد نے جیو نیوز سے خصوصی گفتگو کرتے ہوئے بتایا کہ یہ دونوں ویڈیو ز ان کے موبائل میں موجود تھیں جسے ان کے بھتیجے نے سوشل میڈیا پر اپ لوڈ کر دیا ۔انہوں نے مزید کہا کہ ڈی پی او پاکپتن ماریہ محمود بڑی سخت خاتون ہیں، اللہ خیر کرے گا۔

ممبئی(شوبز ڈیسک/ایمرا نیوز) بولی وڈ کے رومانٹک جوڑے دپیکا پڈوکون اور رنویر سنگھ نے یوں تو رواں ماہ 14 اور15نومبر کو یورپی ملک اٹلی کے معروف سیاحتی مقام لیک کومو میں شادی کی تھی۔

دونوں لیک کومو میں کونکنی اور سندھی روایات کے مطابق شادی کرنے کے بعد 18 نومبر کو بھارت پہنچے تھے.جس کے بعد انہوں نے بولی وڈ شخصیات، صحافیوں، سیاستدانوں اور انتہائی قریبی دوستوں کے لیے الگ الگ پارٹیاں منعقد کرنے کا سلسلہ شروع کیا۔اب تک شادی کے بعد دونوں 2 پارٹیاں دے چکے ہیں اور دونوں مزید 2 پارٹیاں دینے کی تیاریوں میں ہے۔انڈین ایکسپریس کے مطابق 24 اور 25 نومبر کی درمیان شب نو بیاہتے جوڑے نے رنویر سنگھ کی بہن رتیکا بھوانی کی جانب سے دی گئی پارٹی میں شرکت کی.جس میں دونوں خاندان کے انتہائی قریبی افراد نے بھی شرکت کی۔تقریب کی سامنے آنے والی ویڈیوز اور تصاویر نے انٹرنیٹ پر دھوم مچادی، ویڈیوز میں رنویر اور دپیکا کو معروف بولی وڈ گانوں پر رقص کرتے ہوئے دیکھا جاسکتا ہے۔

ویڈیوز اور تصاویر میں دونوں کے اپنے کونکنی اور سندھی روایات کے مطابق لباس پہنے ہوئے اور رقص کرتے ہوئے دیکھا جا سکتا ہے۔انڈین ایکسپر نے بتایا کہ پارٹی میں رنویر سنگھ نے دپیکا پڈوکون سے متعلق اپنے جذبات کا پہلی بار کھل کا اظہار کیا اور کہا کہ انہوں نے دنیا کی حسین ترین لڑکی سے شادی کی۔تقریب کی سامنے آنے والی ایک ویڈیو میں دیکھا جاسکتا ہے کہ رنویر سنگھ پارٹی میں شرکت کرنے والے تمام افراد کو متوجہ کرتے ہوئے کہتے ہیں کہ ’انہوں نے دنیا کی خوبصورت ترین لڑکی سے شادی کی‘۔ویڈیو میں رنویر سنگھ مزید کہتے سنائی دیتے ہیں کہ آج اس پارٹی میں تمام قریبی افراد موجود ہیں اور انہیں بہت اچھا لگ رہا ہے۔ویڈیو میں رنویر سنگھ کو مزید کہتے ہوئے سنا جا سکتا ہے کہ وہ آج اپنوں کے ساتھ اس رات کو یادگار بنانے کے خواہاں ہیں اور انہیں یقین ہے کہ اپنے تمام پیاروں کی موجودگی میں یہ رات یادگار بن جائے گی۔تقریب کی سامنے آنے والی ویڈیوز میں دپیکا اور رنویر کو رقص کرتے ہوئے دیکھا جاسکتا ہے۔جوڑا اپنی شادی کی مزید 2 تقریبات 28 نومبر اور یکم دسمبر کو دینا کا ارادہ رکھتا ہے۔شادی کی تقریبات ختم ہوتے ہی دونوں اداکار جلد اپنی اپنی آنے والی فلمز کی شوٹنگ میں مصروف ہوجائیں گے۔