Tag pakistan actors

لاہور (ایمرا نیوز آن لائن) گزشتہ روز بھارتی پنجاب کے معروف گلوکار ” گِپی گریوال “ پاکستان پہنچے جہاں انہوں نے ننکانہ صاحب گرودوارہ میں حاضری دی اور اپنی مذہبی رسومات ادا کیں تاہم اب ان کا ایک انٹرویو بھی یوٹیوب پر وائرل ہو گیاہے جس میں انہوں نے پاکستانی اداکارہ مہوش حیات کے ساتھ کام کرنے کی خواہش کا اظہار کر دیاہے ۔
تفصیلات کے مطابق میزبان نوجوان نے گِپی گریوال سے سوال کیا کہ اگر آپ کو کسی پاکستانی اداکارہ کے ساتھ کام کرنے کا موقع ملے تو وہ کونسی ہوں گی ؟ جس پر جواب دیتے ہوئے گلوکار و اداکارنے کہاکہ میں نے حال ہی میں ایک پاکستان کی فلم دیکھی ہے ” پنجاب نہیں جاﺅں گی ‘ ‘ اس میں مہوش حیات نے بہت اچھی اداکاری کی ہے ، مجھے ان کا کام بہت پسند آیا اورا س لیے میں چاہوں گا کہ میں ان کے ساتھ ہی کام کروں۔
انٹرویو میں پاکستان سے متعلق دنیا کو پیغام دینے کا سوال کیاگیا تو گلوکار کا کہنا تھا کہ جب آپ باہر بیٹھ کے چیزیں سنتے ہیں تو وہ کچھ اور ہوتی ہیں جب میں یہاں خود آیا اور چیزیں دیکھیں تو بات کوئی اور تھی۔انہوں نے کہا کہ میں تمام لوگوں کو یہی کہوں گا کہ مجھے یہاں سے اتنا پیار ملا اور اب میں یہاں ایک دو مہینے کے اندر اندر اپنے بچوں اور فیملی کو بھی لاو¿ں گا، میرا یہاں بہترین استقبال ہوا۔گلوکار کا کہنا تھا کہ میں اپنی زندگی میں پوری دنیا گھوما ہوں، میں کہیں بھی جانے کے لیے اتنا پ±رجوش نہیں ہوا جتنا پاکستان آنے کے لیے ہوا ہوں۔

(ایمرا نیوزآن لائن) پاکستان فلم اور ڈرامہ انڈسٹری کی نامور اداکارہ مہوش حیات سابق صدر پرویز مشرف کے حق میں بول پڑیں۔

اداکارہ مہوش حیات نے مائیکرو بلاگنگ سائٹ ٹوئٹر سابق صدر پرویز مشرف کی اسپتال کی ایک ویڈیو شیئر کی۔ مہوش حیات نے ویڈیو کے کیپشن میں صدر پرویز مشرف کی حمایت کرتے ہوئے لکھا کہ ’آئیے ایک لمحے کے لئے سیاست کو ایک طرف رکھ دیتے ہیں، یہ شخص ہمارے ملک کاصدر رہ چکا ہے اور ہر مشکل وقت میں انہوں نے ہماری رہنمائی کی‘۔

تمغہ امتیاز حاصل کرنے والی اداکارہ نے اپنے پیغام میں مزید لکھا کہ ’آپ انہیں پسند کرتے ہوں یا ان سے نفرت کرتے ہوں، وہ سُنے جانے کے مستحق ہیں‘۔ واضح رہے کہ پاکستان کے سابق صدر جنرل (ر) پرویز مشرف کے خلاف آرٹیکل 6 کی خلاف ورزی کرنے پر سنگین غداری کا مقدمہ چل رہا ہے۔ اداکارہ مہوش حیات کے اس ٹوئٹ پر مداحوں نے بھی ان کی حمایت کرتے ہوئے اپنے ردِعمل کا اظہار کیا۔

ٹوئٹر پر ایک صارف نے اداکارہ مہوش حیات کے کیپشن سے اتفاق کرتے ہوئے سابق صدر پرویز مشرف کی حمایت کی۔ سعد ملک نامی صارف نے جذباتی انداز اپناتے ہوئے لکھا کہ ’یہ دل کے بہت صاف ہیں سب پر بھروسہ بھی کرتے ہیں‘۔ حسان احمد نامی صارف نے کہا کہ ’مشرف نے دوسرے سیاست دانوں سے زیادہ بہتر ملک چلایا تھا‘۔

(ایمرا نیوزآن لائن) پاکستان شوبز انڈسٹری کے معروف اداکار احد رضا میر نے خوبرو اداکارہ سجل علی کے ساتھ ترکی میں شادی کرنے کی خبروں کی تردید کر دی۔

ڈرامہ سیریل ’یقین کے سفر‘ سے مقبول ہونے والی جوڑی سجل اور احد کی شادی سے متعلق خبریں سوشل میڈیا پر گردش کر رہی ہیں اور کہا جا رہا ہے کہ دونوں آئندہ برس یعنی 2020 میں شادی کے بندھن میں بندھ جائیں گے۔

سوشل میڈیا پر گردش ہونے والی ان خبروں مطابق دونوں ممکنہ طور پر ترکی میں شادی کریں گے جس میں قریبی رشتے دار اور چند دوست شامل ہوں گے۔

لیکن اداکار نے حال ہی میں ایک ویب شو ’سَمتھنگ ہاٹ‘ میں دیے جانے والے انٹرویو کے دوران ایک سوال کے جواب میں بتایا کہ “میری طرف سے کوئی بھی ایسا بیان نہیں آیا ہے جس میں، میں نے یہ کہا ہو کہ میں اور سجل علی تُرکی میں شادی کریں گے۔”

اُنہوں نے کہا کہ “لوگ سوشل میڈیا پر ہماری شادی کے متعلق جھوٹی خبریں پھیلا رہے ہیں۔” اُنہوں نے کہا کہ “شادی ضرور ہوگی لیکن ترکی میں ہوگی، یہ جھوٹ ہے۔”

احد نے بتایا کہ انہوں نے سوشل میڈیا پر یہ دیکھ کر حیران رہ گئے کہ وہ اور سجل اگلے سال ترکی میں شادی کر رہے ہیں۔ واضح رہے کہ سجل اور احد نے رواں برس 6 جون کو سوشل میڈیا پر اپنے مداحوں کو اپنی منگنی کی خوشخبری دی تھی۔

(ایمرا نیوزآن لائن) پاکستان ڈرامہ انڈسٹری کے معروف اداکار نعمان اعجاز اور اداکارہ زارا ترین کی یوٹیوب پر جاری کی جانے والی ویب سیریز ’سات ملاقاتیں‘ بہت تیزی سے مقبول ہو رہی ہے۔

موجودہ دور میں ویب سیریز کا رجحان بڑھتا جا رہا ہے اور لوگ ویب سیریز دیکھنا پسند بھی کر رہے ہیں۔ ’سات ملاقاتیں‘ ناشپاتی پرائم کی جانب سے یوٹیوب پر نشر کی جانے والی ایک ویب سیریز ہے جس کی کہانی ایک ایسے جوڑے کے گِرد گھومتی ہے جو 15 سال ساتھ رہنے کے بعد طلاق لے لیتے ہیں۔

’سات ملاقاتیں‘ ویب سیریز میں مرکزی کردار زارا ترین اور اداکار نعمان اعجاز نے ادا کیا ہے۔ ویب سیریز کی اداکارہ زارا ترین نے ایک انٹرویو میں بتایا کہ اس ویب سیریز کی کہانی ایک ایسے جوڑے کے بارے میں ہے جو کہ شادی کے 15 سال بعد اپنی شادی کی سالگرہ کے موقع پر ہی الگ ہونے کا فیصلہ کرتے ہیں۔

اس ویب سیریز ’سات ملاقاتیں‘ کی کہانی جوڑے کے الگ ہونے کہ وجوہات اور ان کی زندگی کے مسائل کے گرد گھومتی ہے۔ زارا ترین نے بتایا کہ بنیادی طور پر یہ عداوت، عدم اعتماد، دھوکہ دہی اور جذبات کے مجروح ہونے کے احساس کے بارے میں ہے جنہیں ہم بہت بڑا سمجھتے ہیں حالانکہ ایسا نہیں ہوتا۔

’سات ملاقاتیں‘ ویب سیرز کو یوٹیوب پر ریلیز کیے جانے کے بعد بے حد مقبولیت حاصل ہو رہی ہے اور اسے مداحوں کی جانب سے پسند بھی کیا جا رہا ہے۔ ویب سیریز ’سات ملاقاتیں‘ قیصر علی نے پروڈیوس کی ہے جب کہ اس کا اسکرپٹ و ہدایت کاری کاشف نثار نے کی ہے۔

(ایمرا نیوزآن لائن) پاکستان کی نامور اداکارہ سجل علی اور اداکار احد رضا میر نے رواں برس مداحوں کو اپنی منگنی کی نوید دی تھی جس کے بعد دونوں کی شادی کا بے صبری سے انتظار کیا جارہا ہے۔

ڈرامہ سیریل ’یقین کے سفر‘ سے مقبول ہونے والی جوڑی سجل اور احد کی شادی سے متعلق خبریں گردش کر رہی ہیں کہ دونوں آئندہ برس 2020 میں شادی کے بندھن میں بندھ جائیں گے۔ مقامی میڈیا کے مطابق دونوں ممکنہ طور پر ترکی میں شادی کریں گے جس میں قریبی رشتے دار اور چند دوست شامل ہوں گے۔

احد رضا میر اور سجل: شوبز انڈسٹری کے دو درخشاں ستاروں کا ایک ہونے کا فیصلہ سجل اور احد شادی کی ایک استقبالیہ تقریب پاکستان میں بھی کریں گے جس میں وہ شوبز شخصیات سمیت دیگر اہم مہمانوں کو مدعو کریں گے۔ یاد رہے کہ سجل اور احد نے رواں برس 6 جون کو سوشل میڈیا پر اپنی منگنی کی خوشخبری دی تھی۔

(ایمرا نیوزآن لائن) گلوکارہ مومنہ مستحسن کے رومانوی پنجابی گانے ’باری‘ نے مداحوں کی توجہ سمیٹ لی۔

حال ہی میں گلوکارہ مومنہ مستحسن کا نیا پنجابی گانا ’باری‘ ریلیز ہوا جس میں انہوں نے گلوکار بلال سعید کے ساتھ اپنی سُریلی آواز کا جادو جگایا۔ اس گانے میں بلال سعید نے اپنی آواز کا جادو تو جگایا ہی لیکن اس کے ساتھ ساتھ انہوں نے اس کی شاعری، کمپوزیشن اور ہدایت کاری کے فرائض بھی خود ہی انجام دیے ہیں۔

’باری‘ میں دونوں گلوکاروں نے ساتھ پرفارمنس بھی دی ہے اور مداحوں نے دونوں کی جوڑی پر پسندیدگی کا اظہار کیا ہے۔ گلوکارہ نے رومانوی گانے کی وضاحت دیتے ہوئے کہا کہ ’باری‘ ایک پنجابی لفظ ہے جس کے معنی ’کھڑکی‘ کے ہیں۔

انہوں نے لکھا کہ یہ گانا بتاتا ہے کہ چاہے محبت آپ کی دسترس سے باہر ہی کیوں نہ ہو تب بھی دل مطمئن رہتا ہے لیکن کبھی کبھی، خاص طور پر جب ہم کم توقع کرتے ہیں تو ہمیں ایک ایسی محبت مل جاتی ہے جو سب بدل دیتی ہے، آپ بکھرنے کے بجائے اپنے آپ کو پیار میں سنوار لیتے ہیں۔

خیال رہے کہ مومنہ مستحسن کو کوک اسٹوڈیو میں راحت فتح علی خان کے ساتھ گائے ہوئے گانے ’آفرین آفرین‘ سے شہرت ملی تھی اور وہ بالی وڈ فلم ‘اِک ولن’ کا گانا ‘آواری’ بھی گاچکی ہیں۔ گلوکارہ پاکستان کے نامور گلوکاروں کے ساتھ اپنی آواز کا جادو جگانے کے ساتھ بھارتی گلوکار ارجن کننگو کے ساتھ بھی ’آیا نہ تو‘ گانے میں اپنی آواز کا جادو جگا چکی ہیں۔

(ایمرا نیوزآن لائن) حال ہی میں فلم ’باجی‘ میں جلوہ گر ہونے والی اداکارہ میرا نے انسٹاگرام پر ایک پوسٹ شیئر کی جس میں انہوں نے بتایا کہ وہ اپنا موبائل فون ٹوٹنے کے باعث اپنے ٹوئٹراکاؤنٹ کی تمام تر تفصیلات سے محروم ہونے پر بے حد اداس ہیں۔

اداکارہ نے اپنی اداسی کی وجہ بتاتے ہوئے لکھا کہ ’میں شدید اُداس ہوں کیوں کہ میرا موبائل فون ٹوٹ گیا جس کی وجہ سے میں نے اپنے ٹوئٹر اکاؤنٹ کی تمام تر تفصیلات بھی کھو دیں۔‘ میرا کی جیکولین فرنینڈس کے ساتھ ڈانس کی ویڈیو وائر دبئی میں پاکستانی فلم اسٹار میرا کا کامیاب آپری

میرا نے اپنی پوسٹ میں مزید لکھا کہ ’میں کسی آئی ٹی پروفیشنل کے تعاون کے لیے بہت شکر گزار ہوں گی جو میری تمام تر تفصیلات کو واپس حاصل کرنے میں میری مدد کرسکے یا اس حوالے سے کوئی مشورہ دے سکے‘۔

میرا نے درخواست کی کہ ’کوئی بھی اس حوالے سے میری مدد کرنا چاہتا ہے تو میری پوسٹ پر کمنٹ کرے‘۔ میرا جی کی اس پوسٹ کو صارفین نے بھی سنجیدگی سے لیا اور انہیں اس حوالے سے مشورے بھی دیے۔

(وقت نی2زآن لائن) مہوش حیات نے معروف فوٹو شیئرنگ ایپ انسٹاگرام پر ایک تصویر شیئر کی جس پر انہوں نے ایک دلچسپ کیپشن لکھا۔

اداکارہ نے لکھا کہ ’کسی کو بھی اس بات کی اجازت نہ دیں کہ وہ آپ کے ساتھ اُبلے ہوئے چاولوں کی طرح سلوک کرے‘ مہوش حیات نے اپنے کیپشن میں مزید لکھا کہ ’آپ بریانی ہیں بے بی گرل‘۔ اس کیپشن میں اداکارہ نے آخر میں ہیش ٹیگ کا استعمال کرتے ہوئے اپنے پہلے پیار کے بارے میں بتایا۔

اداکارہ نے ہیش ٹیگ میں لکھا کہ ‘بریانی ہمیشہ سے ہی میرا پہلا پیار ہے‘۔ مہوش حیات کا دلچسپ کیپشن پڑھنے کے بعد ان کے مداح بھی پیچھے نہ رہے اور ان کی تصویر اور کیپشن کی داد دینے لگے۔

اداکارہ مہوش حیات سوشل میڈیا پر بہت زیادہ متحرک رہتی ہیں اور صارفین کو اپنی تمام تر سرگرمیوں کے حوالے سے آگاہ رکھتی ہیں جب کہ اپنی سرگرمیوں کی وجہ سے اداکارہ کئی بار تنقید کا سامنا بھی کر چکی ہیں۔

پاکستان(ایمرا نیوزآن لائن) شوبز انڈسٹری کی معروف اداکارہ فریال محمود نے انکشاف کیا ہےکہ ان کے سوتیلے باپ نے چار سال تک انہیں ہراساں کیا۔

ادکارہ نے حال ہی میں ایک ویب شو کے دوران انٹرویو میں انکشاف کیا جب میں امریکا میں رہتی تھی تو چار سال تک سوتیلے باپ نے ہراساں کیا اور اس وقت میں صرف 8 برس کی تھی۔

اداکارہ نے بتایا کہ میں امریکا میں اپنی والدہ کے ساتھ رہتی تھی، جب 8 سال کی تھی تو سوتیلے باپ مجھے ہراساں کرتے تھے اور 11 سال کی عمر تک انہوں نے مجھے ہراساں کیا۔ انٹرویو میں گفتگو کے دوران اداکارہ نے بتایا کہ جب میں 7 سال کی تھی تو والدین کی طلاق ہوگئی جس کے بعد وہ اپنی والدہ کے ساتھ امریکا چلی گئ جہاں والدہ نے تین شادیاں کیں۔

فریال محمود کا کہنا تھا کہ میری والدہ کے دوسرے اور تیسرے شوہر مجھے ناپسند کرتے تھے۔ اداکارہ نے مزید بتایا کہ میں نے کچھ وجوہات کی بناء پر آج تک یہ بات کسی کو نہیں بتائی کہ مجھے میرے سوتیلے باپ ہراساں کرتے تھے۔ فریال نے بتایا کہ میں یہ بات نہ ہی اپنے والد کو بتا سکتی تھی اور نہ ہی اپنے کسی بھائی کو ، جب بھی میں اپنے والدین کو آپس میں لڑتے ہوئے دیکھتی تھی تو میں نے متعدد مرتبہ خود کشی کرنے کی کوشش بھی کی۔

اداکارہ نے انٹرویو میں بتایا کے میں بہت جذباتی تھی اور اپنی زندگی سے خوش نہیں تھی جس کے بعد میں نے پاکستان آنے کا فیصلہ کیا۔ فریال محمود نے کہا کہ شوبز انڈسٹری میں قدم رکھنے کے بعد مجھے میرے رنگ اور وزن کی وجہ سے بے حد مشکلات کا سامنا کرنا پڑا جس کے بعد ورزش اور خوب محنت کرنے کے بعد میں نے اپنا وزن کم کیا اور اس انڈسٹری میں اپنی جگہ بنائی، شوبز انڈسٹری میں مجھے بہت مشکل خاتون سمجھا جاتا ہے۔

اداکارہ نے وضاحت کرتے ہوئے کہا کہ میں ایسی نہیں ہوں جیسا مجھے سمجھا جاتا ہے، میں ایماندار اور وقت کی پابند ہوں اور یہ بات بہت سے لوگ نہیں سمجھ پاتے۔واضح رہے کہ اداکارہ فریال محمود معروف گلوکارہ اور اداکارہ “روحانی بانو” کی بیٹی ہیں، انہوں نے ڈرامہ تم سے ہی تعلق ہے، محبت تم سے نفرت ہے ، لال عشق ، آپ کے لیے ، میرا یار ملادے اور تیری چاہ جیسے ڈراموں میں اداکاری کی ہے۔ حال ہی میں اداکارہ ڈرامہ سیریل داسی میں بھی اداکاری کرتی دکھائی دے رہی ہیں۔