Tag pakistan actors

لاہور(ایمرا نیوزآن لائن) علی ظفر کی جانب سے میشا شفیع کے خلاف ہتک عزت کے کیس میں اداکارہ عفت عمر نے بھی بیان قلم بند کرادیا۔

لاہور کی سیشن کورٹ میں ایڈیشنل سیشن جج امجد علی شاہ نے میشا کے خلاف علی ظفر کے ہتک عزت کے کیس کی سماعت کی جس میں عدالت نے دیگر گواہان کا ریکارڈ قلم بند کیا۔

میشا شفیع کے وکیل ثاقب جیلانی اور علی ظفر کے وکیل حشام احمد خان اور بیرسٹر عنبرین بھی کمرہ عدالت میں موجود تھے۔
دورانِ سماعت اداکارہ عفت عمر نے اپنا بیان ریکارڈ کراتے ہوئے کہا کہ میں پروفیشنل ایکٹر ہوں، ٹی وی پروگرام کی ڈائریکٹر بھی ہوں اور میں اس شعبے میں پچھلے 30 سال سے ہوں۔

انہوں نے کہا کہ میں علی ظفر اور میشا شفیع دونوں کو جانتی ہوں جب کہ علی کے والد میرے استاد بھی تھے، میشا اور ان کی والدہ کی اس پیشے میں بہت زیادہ عزت ہے۔ اداکارہ نے عدالت کو بتایا کہ علی نے ماڈلنگ شروع کرتے ہوئے مجھ سے رابطہ کیا اور میرے ساتھ ہی مل کر ٹی وی پر پہلا پلے کیا۔ عدالت نے اداکارہ کا بیان قلم بند کرنے کے بعد کیس کی مزید سماعت 9 نومبر تک ملتوی کردی۔

یاد رہے کہ دو روز قبل لاہور کی سیشن کورٹ میں گلوکارہ میشا شفیع کے خلاف 100 کروڑ روپے کے ہتک عزت کیس کی سماعت ہوئی تھی جس میں ان کی والدہ صبا حمید کا بیان ریکارڈ کیا گیا تھا۔ صبا حمید کا کہنا تھا کہ عام طور پر خواتین ایسے واقعات کا نہیں بتاتیں، البتہ میں نے اس کے مثبت اور منفی نتائج کے بارے میں بتایا تھا۔

گزشتہ سال میشا شفیع نے گلوکار علی ظفر پر جنسی ہراساں کرنے کا الزام عائد کیا تھا۔ میشا شفیع کا کہنا تھا کہ جنسی ہراسانی پر بات کرنا آسان نہیں لیکن اس پر خاموش رہنا بھی بہت مشکل ہے، میں خاموش رہنے کے کلچر کو توڑوں گی جو معاشرے میں سرائیت کرچکا ہے۔

گلوکار و اداکار علی ظفر نے میشا شفیع کی جانب سے ہراساں کرنے کے الزامات کی تردید کر تے ہوئےکہا تھا کہ میں الزام کا جواب الزام سے نہیں دوں گا بلکہ میشا شفیع کے خلاف عدالت جاؤں گا اور مجھے پورا یقین ہے کہ سچ ہمیشہ غالب ہوتا ہے۔

علی ظفر کی جانب سے ہراسانی کا الزام لگانے پر میشا شفیع پر 100 کروڑ روپے ہرجانے کا مقدمہ دائر کیا گیا ہے۔

پاکستانی وقت نیوزآن لائن) شوبز انڈسٹری کی معروف اداکارہ نیلم منیر نے مولانا فضل الرحمان کے وزیراعظم عمران خان سے متعلق بیان پر ناراضگی کا اظہار کیا ہے۔

نیلم منیر نے اپنے انسٹاگرام اکاؤنٹ پر سبز جھنڈے کو تھامے ہوئے ایک تصویر شیئر کی جس کے کیپشن میں انہوں نے مولانا فضل الرحمان کے بیان سے ناراضگی کا اظہار کیا۔

نیلم منیر نے لکھا کہ’میں تمام مذہبی اسکالرز کی دل کی گہرائی سے عزت کرتی ہوں، اور میں ان کے خطاب اور لیکچرزکو سن کر اپنی زندگی کے روز مرّہ کے مسائل کا حل تلاش کرتی ہوں، آج مولانا صاحب کی وزیراعظم عمران خان کو ان کے گھر سے گرفتار کرنے کی دھمکی نے میرا دل توڑ دیا ہے۔‘

اداکارہ نے مزید لکھا کہ ’ہمارا ملک آمرانہ نظام اور سول نافرمانی برداشت نہیں کرسکتا، ہم نوجوانوں کو اپنی منزل سنبھالنے کی ضرورت ہے اور اس کا واحد راستہ یہی ہے کہ جو کوئی پاکستان میں انتشار پھیلا رہا ہے اس کی بات کوئی نہ سنے۔‘

نیلم منیر نے مزید کہا کہ ‘ہم نوجوانوں کو ان تمام کے خلاف متحد ہونا پڑے گا، چاہے وہ کوئی بھی ہوں جو ہمارے پیارے ملک کو نقصان پہنچانے کی کوشش کر رہے ہیں‘۔

(ایمرا نیوزآن لائن) فلم ’کاف کنگنا‘ میں اداکارہ نیلم منیر کے آئٹم گانے اور گلوکارہ حمیرہ ارشد کے شو سے متعلق ڈی جی آئی ایس پی آر میجر جنرل آصف غفور نے وضاحت پیش کر دی۔

حال ہی میں نیلم منیر نے انسٹاگرام پر فلم ’کاف کنگنا‘ میں آئٹم گانے پر پرفارم کرنے کی ویڈیو شیئر کی تھی جس میں انہوں نے بتایا تھا کہ یہ ان کا پہلا اور آخری آئٹم گانا ہوگا۔ علاوہ ازیں انہوں نے بتایا تھا کہ اس گانے پر پرفارم انہوں نے اس لیے کیا کیونکہ یہ آئی ایس پی آر کا پروجیکٹ ہے اور ملک کے لیے ان کی جان ہمیشہ حاضر ہے۔

اداکارہ کا آئٹم نمبر دیکھنے کے بعد متعدد مداحوں کی جانب سے ملے جلے ردعمل کا اظہار کیا گیا، کچھ نے اس پر پسندیدگی ظاہر کی جب کہ کچھ نے کڑی تنقید کرتے ہوئے سوال کیا تھا کہ آئی ایس پی آر کی فلم میں آئٹم گانا کیوں ہے؟

نیلم منیر کے آئٹم گانے کے علاوہ سوشل میڈیا پر آئی ایس پی آر کے جنرل ہیڈ کوارٹر (جی ایچ کیو) میں گلوکارہ حمیرہ ارشد کے شو کے بھی چرچے جاری تھے جس پر ایک کشمیری صارف نے میجر جنرل آصف غفور سے پوچھا کہ ’اگر یہ سچ ہے تو دل خون کے آنسو روتا ہے، یہ ستم ظریفی دیکھ کر‘۔

ایسے میں پاک فوج کے ترجمان میجر جنرل آصف غفور نے ان کا جواب دیتے ہوئے فلم میں آئٹم گانے اور گلوکارہ کے شو کی وضاحت سب سے شیئر کر دیں۔ ترجمان پاک فوج نے لکھا کہ فلم میں کردار کے مطابق آئٹم گانا بھارتی لڑکی کی جانب سے کیا گیا ہے جس کو سمجھنے کے لیے فلم دیکھنا ہو گی۔

ایونٹ کے حوالے سے ڈی جی آئی ایس پی آر کا کہنا تھا کہ یہ جنرل ہیڈ کوراٹرز (جی ایچ کیو) راولپنڈی میں نہیں ہوا (جی ایچ کیو راولپنڈی میں ہے اسلام آباد میں نہیں) اور نا ہی یہ اس ایونٹ کا اہتمام آئی ایس پی آر کی جانب سے کیا گیا۔

پاکستان (ایمرا نیوزآن لائن) شوبز انڈسٹری کی نامور جوڑی محب مرزا اور آمنہ شیخ کی علیحدگی ہوگئی۔

نجی چینل کے ایک شو میں محب مرزا بطور مہمان شریک ہوئے۔ وہاں انہوں نے اس بات کی تصدیق کی کہ وہ اور آمنہ اب ساتھ نہیں ہیں۔ میزبان نے سوال کیا کہ ہمیں یہ افواہیں سننے کو ملی تھیں کہ آپ دونوں میں علیحدگی ہوچکی ہے۔

اس کے جواب میں محب مرزا نے اپنے چاہنے والوں کے ساتھ یہ خبر شیئر کی۔ واضح رہے کہ محب مرزا اور آمنہ شیخ 2005 میں رشتہ ازدواج میں منسلک ہوئے تھے۔اگست 2015 میں ان کے گھر ننھی پری میسا مرزا کی پیدائش ہوئی۔

کیا محب اور آمنہ کی علیحدگی ہوگئی؟ محب مرزا اور آمنہ شیخ نے ایک ساتھ کئی پراجیکٹس کیے، جن میں ڈرامہ ’ہم تم‘ اور ’میرا سائیں‘شامل ہیں جبکہ دونوں کوان کی فلم ’لمحہ‘ کی وجہ سے بھی یاد کیاجاتا ہے۔

گلوکارہ (ایمرا نیوزآن لائن) میشا شفیع کی وکیل نگہت داد نے کہا ہے کہ وہ گلوکار و اداکار علی ظفر کے خلاف کیس میں نئے گواہ پیش کریں گی۔

نگہت داد نے جیو نیوز کے مارننگ شو ’جیو پاکستان‘ میں ٹیلی فونک گفتگو کرتے ہوئے ہتک عزت کے کیس سے متعلق سماعت کی تفصیلات بتائیں۔

گلوکارہ کی وکیل نے بتایا کہ میشا کی والدہ و اداکارہ صبا حمید سےعلی ظفر کے وکیل نے کوئی سوال نہیں پوچھے تھے بلکہ کمرہ عدالت میں موجود میشا شفیع کے وکیل نے ہی سوال کیے تھے۔ نگہت داد نے کہا کہ صبا حمید نے صرف اپنا بیان ریکارڈ کرایا تھا، انہیں اس لیے اس کیس میں گواہ بنایا ہے کیونکہ میشا نے اپنے ساتھ ہونے والے واقعے متعلق انہیں بتایا تھا اور وہ تفصیلات سے آگاہ تھیں۔

انہوں نے بتایا کہ کراس ایگزامینیشن صبا حمید کے بیان کی روشنی میں کیا جائے گا۔ علی ظفر پر عائد جنسی ہراسانی کے الزام سے متعلق وکیل نگہت داد کا مزید کہنا تھا کہ ضروری نہیں کہ واقعے کے وقت گواہ بھی موجود ہو، بعض دفعہ متاثرہ شخص اپنے بھروسے کے شخص کو معاملہ بتاتا ہے۔

انہوں نے بتایا کہ ہتک عزت کیس میشا شفیع کی جانب سے بھی علی ظفر کے خلاف دائر ہے جس میں گلوکار نے جوابی دعویٰ ابھی تک دائر نہیں کیا۔ نگہت داد کا کہنا تھا کہ ہم کیس میں کچھ نئے گواہ بھی شامل کریں گے۔

یاد رہے کہ گزشتہ روز لاہور کی سیشن کورٹ میں گلوکارہ میشا شفیع کے خلاف 100 کروڑ روپے کے ہتک عزت کیس کی سماعت ہوئی تھی جس میں ان کی والدہ صبا حمید کا بیان ریکارڈ کیا گیا تھا۔ صبا حمید کا کہنا تھا کہ عام طور پر خواتین ایسے واقعات کا نہیں بتاتیں، البتہ میں نے اس کے مثبت اور منفی نتائج کے بارے میں بتایا تھا۔

گزشتہ سال میشا شفیع نے گلوکار علی ظفر پر جنسی ہراساں کرنے کا الزام عائد کیا تھا۔ میشا شفیع کا کہنا تھا کہ جنسی ہراسانی پر بات کرنا آسان نہیں لیکن اس پر خاموش رہنا بھی بہت مشکل ہے، میں خاموش رہنے کے کلچر کو توڑوں گی جو معاشرے میں سرائیت کرچکا ہے۔

گلوکار و اداکار علی ظفر نے میشا شفیع کی جانب سے ہراساں کرنے کے الزامات کی تردید کر تے ہوئےکہا تھا کہ میں الزام کا جواب الزام سے نہیں دوں گا بلکہ میشا شفیع کے خلاف عدالت جاؤں گا اور مجھے پورا یقین ہے کہ سچ ہمیشہ غالب ہوتا ہے۔ علی ظفر کی جانب سے ہراسانی کا الزام لگانے پر میشا شفیع پر 100 کروڑ روپے ہرجانے کا مقدمہ دائر کیا گیا ہے۔

(ایمرا نیوزآن لائن) بھوتوں اور چڑیلوں کے سالانہ تہوار ہیلووین کے لیے اداکار عثمان مختار انوکھا انداز اپناتے ہوئے ’جٹ اسپیرو‘ بن گئے اور اب آپ سوچ رہے ہوں گے کہ کیپٹن جیک اسپیرو کو تو دیکھا ہے یہ جٹ اسپیرو کیوں بنے ؟

فلم اور ڈراموں میں اداکاری کے جوہر دکھانے والے عثمان مختار نے انسٹاگرام پر ایک تصویر شیئر کی جس میں انہوں نے ہالی وڈ فکشن فلم ’پائیریٹ آف دی کیربین‘ کے مشہور کردار کیپٹن جیک اسپیرو کا روپ دھارا ہوا ہے۔

اداکار نے اس روپ کو دیسی بناتے ہوئے جیک اسپیرو کو ’جٹ اسپیرو‘ کہا اور پیغام دیا کہ ’کسی کی ماں بہن کو سڑکوں پر تنگ کرنے سے پہلے، اتنی سی، بس اتنی سی شرم کر لیا کرو‘۔

بعدازاں انہوں نے اپنے جٹ اسپیرو روپ کو ہیلووین سیزن کا روپ قرار دیا جس پر مداحوں نے ملے جلے ردعمل کا اظہار کیا۔ کچھ مداحوں نے اداکار کو کیپٹن جیک اسپیرو سے ہی تشبیہ دی جب کہ کچھ نے ناپسندیدگی کا اظہار کرتے ہوئے لکھا کہ یہ کیا کرلیا۔

رِڈز بیکر نامی مداح نے عثمان مختار کو ہیلووین کے روپ پر ’غریبوں کا پائیریٹ‘ قرار دیا جب کہ عریبہ مسکان نامی مداح نے انہیں جیک اسپیرو کا ’پاکستانی ورژن‘ کہہ ڈالا۔ فرحین نامی مداح نے اداکار کو تجویز پیش کی کہ آپ اچھے ہیں اس طرح کی حرکتیں نہ کریں۔

خیال رہے کہ ہیلووین کی مناسبت سے پاکستانی شوبز کے ستارے دلچسپ اور خوفناک حلیہ اپناتے ہوئے کافی انوکھے انداز میں نظر آتے ہیں اور وہ اپنے نت نئے انداز کے باعث مداحوں کی جانب سے تنقید کا شکار بھی بنتے ہیں۔

(میڈیا 92 نیوزآن لائن) پاکستانی فلم اور ڈرامہ انڈسٹری کے معروف اداکار شہریار منور صدیقی نے حال ہی میں ایک انٹرویو میں اپنی منگنی ٹوٹنے کے بارے میں آگاہ کیا۔

’دی کرنٹ پی کے‘ میں انٹرویو کے دوران میزبان نے جب شہریار منور سے سوال کیا کہ آپ نے آج تک سب سے زیادہ دلیری کا کیا کام کیا ہے؟ اداکار شہریار منور نے جواب دیا کہ ’میں نے اپنی والدہ کو بتایا کہ ایک بار آپ کے کہنے پر کوشش کی تھی اور آپ نے ہی اسے ختم کیا مگر اب میں شادی کے لیے لڑکی کا انتخاب خود کروں گا۔‘

اس جواب کے بعد میزبان نے کہا کہ یہ تو آپ نے ہمیں بہت بڑا راز بتا دیا ہے جس پر اداکار نے فوراً موضوع تبدیل کرتے ہوئے کہا اس کو ادھر ہی چھوڑ دیتے ہیں کیونکہ عقلمند کے لیے اشارہ ہی کافی ہوتا ہے۔ یاد رہے کہ رواں برس اداکار شہریار منور کی ہالہ سومروکے ساتھ منگنی ہوئی تھی اور اب اداکار نے خود اس منگنی کے ٹوٹنے کی تصدیق کردی ہے۔

شہریار منور کے انٹرویو کے بعد سوشل میڈیا پر دونوں کے مداحوں کی جانب سے رد عمل سامنے آیا ہے اور مداحوں نے شہریار منور صدیقی کی منگنی ٹوٹنے پر اداکارہ مایا علی کو سوشل میڈیا پر شدید تنقید کا نشانہ بناتے ہوئے سوال اٹھایا ہے کیا ان کی منگنی مایا علی کی وجہ سے ٹوٹی ہے؟
ایک صارف نے پیشگوئی کرتے ہوئے لکھا کہ ’ بس اب کچھ ماہ بعد ہی مایا علی سے منگنی کی خبر آجائے گی‘