Tag pakistan actors

ماہرہ خان(میڈٰیا92نیوزآن لائن) نے آئی فون 11 پرو میکس کے ’سلوفی‘ فیچر سے بنائی گئی ایک مختصر ویڈیو اپنے انسٹاگرام اکاؤنٹ پر شیئر کی جو سوشل میڈیا پر وائرل ہوگئی۔

اداکارہ نے ویڈیو کے کیپشن میں لکھا’ امید ہے کہ میں اس میں بہتری لا سکوں گی لیکن ابھی کے لیے یہ میری پہلی کوشش ہے۔‘ ماہرہ کے مداحوں نے ان کی اس ویڈیو کو بے حد پسند کیا اور اس ویڈیو میں ان کی خوبصورتی کی تعریفیں بھی کیں۔ واضح رہے کہ معروف امریکی ٹیکنالوجی کمپنی آئی فون نے چند روز قبل نئے آئی فون 11، الیون پرو اور الیون پرو میکس پاکستان میں لانچ کیے تھے۔

آئی فون کی 11 کی نئی سیریز میں ایک نیا فیچر بھی شامل کیا گیا جس کا نام ’سلو فی‘ ہے جس کے ذریعے صارف سلو موشن سیلفی ریکارڈ کر سکتےہیں۔ یہ ’سلو فی‘ ایپل فون کے فرنٹ کیمرے سے ایک سیکنڈ میں 120 فریم پر ریکارڈ ہوتی ہے جو کہ سیلفی میں سلو موشن کا اثر دیتی ہے اور یہی وجہ ہے کہ اس فیچر کا نام سلوفی رکھا گیا ہے۔

حمزہ علی عباسی(ایمرا نیوزآن لائن) نے گزشتہ ماہ اپنے ٹوئٹر پیغام میں مداحوں کو اس حوالے سے اشارہ بھی دیا تھا۔

حمزہ علی عباسی نے اپنے پیغام میں کہا تھا کہ’ایک دہائی سے زائد کا سفر اب اپنے اختتام کو پہنچا، میں اس ماہ کے اختتام پر ایک ضروری اعلان بھی کروں گا، امید ہے کہ میری آواز بہت سے لوگوں تک پہنچے گی۔‘ حمزہ علی عباسی نے اپنی ویڈیو میں وضاحت کرتے ہوئے بتایا کہ میں نے یہ اعلان اکتوبر کے آخر میں کرنے کا وعدہ کیا تھا مگر کچھ مصروفیات کی بناء پر یہ اعلان کرنے میں تاخیر ہوگئی جس کے لیے میں معذرت خواہ ہوں۔

انہوں نے بتایا کہ یہ فیصلہ میری زندگی کا سب سے بڑا فیصلہ ہےجو کہ خدا کے بارے میں ہے۔ اداکار نے ویڈیو پیغام میں اس فیصلے کا پس منظر بتاتے ہوئے کہا کہ ’میں اپنی نو عمری میں ہی لادین (ملحد) ہوگیا تھا۔‘ حمزہ نے بتایا کہ لادین ہونے کے بعد میں نے تمام مذہب کو غیر جانبداری کے ساتھ دیکھا اور پرکھا تو مجھے اسلام ہی اصل مذہب لگا۔

ان کا کہنا تھا یہ حقیقت 10 سے 12سال کے طویل درد ناک سفر کے بعد میرے سامنے واضح ہوئی۔ حمزہ نے طویل ویڈیو پیغام میں بتایا کہ جب میں نے موت کی حقیقت کو سمجھا تو مجھے زندگی کی تمام چیزیں موت کی طرح ختم ہوتے ہوئے نظر آتی گئیں۔

انہوں نے کہا کہ میں اب اپنی ساری زندگی اللہ اور اس کے بتائے ہوئے اصولوں کے مطابق اور انسانیت کی خدمت میں گزاروں گا، اب میں ٹی وی اور سوشل میڈیا کا پلیٹ فارم خدا کا پیغام آگے بڑھانے کے لیے استعمال کروں گا۔ حمزہ نے کہا کہ مجھے اللہ نے جتنی شہرت اور عزت دی ہے اب میں اس کو صرف دین، اسلام اور اللہ کے بتائے ہوئے اصولوں کو لوگوں تک پہنچانے کے لیے استعمال کروں گا۔

انہوں نے اپنے آخری ڈرامہ سیریل ’الف‘ کی بات کرتے ہوئے بتایا کہ اس ڈرامے کو کرنے کا مقصد صرف یہی تھا کہ اس میں اللہ کا پیغام چھپا ہوا تھا ورنہ فلم ’دی مولا جٹ‘ ہی میرا آخری پروجیکٹ ہوتا۔ حمزہ نے ویڈیو میں پیغام میں کہا کہ میں ڈرامہ اور فلمیں بناؤں گا لیکن ایسی جن میں کسی قسم کا غیر اخلاقی اور بدکاری کا مواد شامل نہیں ہوگا، ڈرامہ اور فلم کے میڈیم کو ملک کی سلامتی اور مذہب کا پیغام دینے کے لیے استعمال کروں گا۔

ویڈیو کے آخر میں شوبز چھوڑنے والے اداکار حمزہ علی عباسی نے کہا کہ میں اب دین کا ادنیٰ طالب علم بن کر زندگی گزاروں گا۔ واضح رہے کہ اداکار حمزہ علی عباسی نے 2006میں شوبز انڈسٹری کی دنیا میں قدم رکھا تھا جس کے بعد انہوں نے ’پیارے افضل‘ اور ’من مائل‘ جیسے ڈرامہ سیریل سے شہرت حاصل کی۔

حمزہ علی عباسی نے فلم ’وار‘ ، ’میں ہوں شاہد آفریدی‘ ، اور ’جوانی پھر نہیں آنی‘ میں بھی بہترین اداکاری کی۔ حمزہ علی عباسی حال ہی میں جیو ٹی وی کے ڈرامہ سیریک ’الف‘ میں اہم کردار نبھاتے ہوئے بھی نظر آرہے ہیں۔ اداکار حمزہ علی عباسی نے رواں سال25 اگست کو نیمل خاور سے شادی کرلی تھی۔ حمزہ علی عباسی کی اہلیہ نیمل خاور نے بھی ڈرامہ سیریل انٰا کے بعد شوبز چھوڑنے کا اعلان کردیا تھا۔

(ایمرا نیوزآن لائن) رابی پیرزادہ کی ویڈیو میں انہوں نے اپنی وائرل ہونے والی ویڈیوز کا تذکرہ کیا جب کہ اس دوران بات کرتے ہوئے وہ اشک بار بھی ہوئیں۔

رابی پیرزادہ نے قرآنی آیات کا حوالہ بھی دیا اور اپنے ساتھ ہونے والے واقعے کی تفصیلات بتاتے ہوئے نئے سفر سے بھی آگاہ کیا۔ رابی پیر زادہ کی ویڈیو ملاحظہ کریں

(میڈیا 92نیوزآن لائن) شوبز انڈسٹری کی معروف اداکارہ عائشہ عمر فلم ’ڈھائی چال‘ میں شمعون عباسی کے ساتھ نظر آئیں گی۔

فلم ڈھائی چال کی کہانی پاکستان کے صوبہ بلوچستان کی ہے جس میں اداکارہ ایک صحافی کا کردار کرتی دکھائی دیں گی جو بلوچستان کے خطے کی اصل تصویر پیش کرنے کے لیے کوشاں رہتی ہے۔ حال ہی میں ریلیز ہونے والی پاکستانی فلم درج کے اداکار شمعون عباسی فلم ڈھائی چال میں ایک بھارتی ایجنٹ کا کردار نبھائیں گے۔

فلم کی کہانی کے حوالے اداکار شمعون عباسی نے ایک انٹرویو میں بتایا کہ یہ کہانی بلوچستان کے حوالے سے ہے کہ کس طرح بلوچستان کے عوام نے خطے میں امن بحال کرنے کے لیے بے شمار قربانیاں دی ہیں اور ساتھ ہی بہت مشکل وقت بھی دیکھا ہے، فلم کی کہانی صحافت کے طلبہ پر مبنی ہے۔ فلم کے ہدایت کار تیمور شیرازی ہیں اور اس کا اسکرپٹ فائزہ چوہدری نے لکھا ہے جب کہ دیگر کاسٹ میں عدنان شاہ ٹیپو، رشید ناز، سلیم معراج، ہمایوں اشرف، پاکیزہ خان اور بلوچستان کے متعدد تھیٹر آرٹسٹ بھی شامل ہوں گے۔ فلم ڈھائی چال اگلے سال فروری میں ریلیز کی جانے کہ توقع کی جارہی ہے۔

(وقت نیوزآن لائن) تمغہ امتیاز کا اعزاز حاصل کرنے والی پاکستانی نامور اداکارہ مہوش حیات نے کرتارپور راہداری کے افتتاح پر مسرت کا اظہار کیا۔

اداکارہ مہوش حیات نے ایک ٹوئٹ کے ذریعے کرتارپور راہداری کے افتتاح کو سراہا۔ مہوش حیات ٹوئٹ میں لکھتی ہیں کہ ’امن کے لیے بابا گرونانک کے 550 ویں جنم دن پر کرتارپور راہداری کا افتتاح کرنا ایک حقیقی سنگ میل ہے، یہ سچی مذہبی ہم آہنگی اور پاکستانیوں کی کشادہ دلی ہونے کی نشانی ہے‘۔

کرتارپور راہداری افتتاح کے موقع پر اداکارہ نے مزید لکھا کہ اکثر افراد لوگوں کے درمیان نفرتوں کو ختم کرنے کے لیے پل کے بجائے دیواریں کھڑی کردیتے ہیں۔ آخر میں اداکارہ نے کرتارپور 2 خالصتان 2020 کو ہیش ٹیگ میں واضح بھی کیا۔

پاکستانی فلم (ایمرا نیوزآن لائن) اور شوبز انڈسٹری کی معروف اداکارہ نیلم منیر نے سوشل میڈیا پرایک پوسٹ شیئر کی جس میں انہوں نے بتایا کہ وہ خیبر پختونخوا کے نئے تعلیمی نظام سے بے حد متاثر ہوئی ہیں۔

اداکارہ نے اپنے انسٹاگرام اکاؤنٹ پر اپنے آبائی صوبے خیبر پختونخوا میں ایک تصویر اور ویڈیو شیئر کی جس میں دیکھا جا سکتا ہے کہ نیلم منیر روایتی لباس میں ملبوس ہیں اور انہوں نے سفید رنگ کی چادر بھی اوڑھ رکھی ہے۔ نیلم منیر نے اس تصویر اور ویڈیو کے ساتھ ایک کیپشن بھی لکھا جس میں انہوں نے خیبرپختونخواہ کے تعلیمی نظام کی تعریف کی۔

اداکارہ نے کیپشن میں لکھا کہ ’پشاور میں مجھے گھر جیسا محسوس ہوتا ہے، میں خیبر پختونخوا کے نئے تعلیمی نطام سے بے حد متاثر ہوئی ہوں‘۔ انہوں نے مزید لکھا کہ ’یہ دیکھ کر مجھے بہت اچھا محسوس ہورہا ہے کہ یہاں کہ بچے مفت میں بہترین تعلیم حاصل کر رہے ہیں جب کہ ان اسکول کے اساتذہ بھی خیبر پختونخوا کو بہتر طور پر تبدیل کرنے کے لیے پُرعزم ہیں‘۔

(ایمرا نیوزآن لائن) پاکستانی ٹیلی وژن کی معروف اداکارہ فضا علی نے تصدیق کی ہے کہ پاکستان تحریک انصاف (پی ٹی آئی) کے رکن قومی اسمبلی عامر لیاقت حسین نے انھیں شادی کی پیشکش کی تھی۔ اداکارہ فضا علی نے یہ دعویٰ اپنے حالیہ انٹرویو میں کیا۔ پروگرام کی میزبان نے جب ایک شو کا حوالہ دیتے ہوئے پوچھا کہ اس میں عامر لیاقت حسین نے انھیں شادی کی پیشکش کی تھی۔ اس کا جواب دیتے ہوئے اداکارہ کا کہنا تھا کہ اس سے قبل وہ حقیقت میں مجھے شادی کی پیشکش کر چکے ہیں۔

فضا علی نے کہا کہ عامر لیاقت حسین بہت صاف دل، ہنس مکھ اور بڑے چنچل انسان ہیں۔ ان کے دل میں کچھ نہیں، اس کی سوچ میں جو کچھ آتا ہے، اسے کہہ دیتے ہیں۔ تاہم وہ ہر ایک لڑکی کیلئے ایسا نہیں سوچتے ہیں۔ اداکارہ فضا علی نے کہا کہ عامر لیاقت حسین نے جب انھیں پرپوز کیا، اس وقت ان کی اہلیہ بھی ان کیساتھ تھیں۔ میں کراچی گئی ہوئی تھی تو انہوں نے اس موقع پر براہ راست مجھ سے بات کی۔ ان کا کہنا تھا کہ جب عامر لیاقت کو پتا چلا کہ میری طلاق ہو چکی ہے تو انہوں نے میرے ساتھ بہت اچھے طریقے سے شادی کی بات کی اور کہا کہ وہ دنیا کے سامنے مجھ سے شادی کرنا چاہتے ہیں۔

تاہم میں اس وقت پریشان تھی ، اس لیے ہر چیز کو نظر انداز کر رہی تھی۔ خیال رہے کہ عامر لیاقت اور طوبیٰ عامر حال ہی میں فضا علی کے شو میں شریک ہوئے، جہاں انہوں اپنی اہلیہ کے سامنے اداکارہ کو شادی کی پیشکش کی تھی۔ پروگرام میں شرکت کے دوران فضا علی نے عامر لیاقت کی اہلیہ طوبیٰ سے کہا کہ وہ اپنے شوہر کے ساتھ کھڑی ہو جائیں تو اس پر انہوں نے مذاق میں کہا کہ وہ تو آپ نے دیر کر دی، ورنہ آپ کا ہی اعلان ہو رہا ہوتا۔ اس پر فضا علی نے کہا کہ وہ ایک بار پھر مذاق کرنے لگے جس پر عامر لیاقت نے کہا کہ ابھی بھی شادی کے لیے تاخیر نہیں، طوبیٰ کو اس سے کوئی مسئلہ نہیں ہے۔

اقوام متحدہ(ایمرا نیوزآن لائن) کے ادارہ برائے مہاجرین (یو این ایچ سی آر) نے اداکارہ ماہرہ خان کو پاکستان میں اپنا خیرسگالی سفیر مقرر کر دیا۔

یو این ایچ سی آر نے ٹوئٹر پر ماہرہ خان کی ایک ویڈیو شیئر کی جس میں وہ اقوام متحدہ کا ٹوپی پہنے مہاجر بچوں کے ساتھ وقت گزار رہی ہیں۔ مذکورہ ویڈیو کے ساتھ یو این ایچ سی آر نے ماہر خان کو خیرسگالی سفیر مقرر کرنے پر مسرت کا اظہار کیا۔

مذکورہ ویڈیو کو ماہرہ خان نے اپنے ٹوئٹر اکاؤنٹ پر شیئر کیا اور لکھا کہ ’مہاجرین کی خیرسگالی سفیر بننا میرے لیے ایک بڑے اعزاز کی بات ہے، مجھے اپنے ملک جس نے 40 برسوں سے مہاجرین کے لیے اپنی باہیں پھیلائی ہوئی ہیں، میں پید ہونے پر فخر ہے‘۔ اسلام آباد میں اقوام متحدہ کے ہائی کمیشن برائے مہاجرین کی جانب سے ملک کی خیر سگالی سفیر ماہرہ خان کے اعزاز میں تقریب کا انعقاد بھی کیا گیا۔

تقریب سے خطاب کرتے ہوئے ماہرہ خان نے کہا کہ “میں خوش قسمت ہوں کہ اس نیک مقصد کے لیے مجھے منتخب کیا گیا۔” انہوں نے کہا کہ میں اقوام متحدہ کے ادارہ برائے مہاجرین (یو این ایچ سی آر) کی شکر گزار ہوں کہ جنہوں نے مجھ پر اعتماد کیا، اللّہ نے مجھے اس مقصد کے لیے چنا جس پر میں پوری اترنے کی کوشش کروں گی۔

ماہرہ خان کا کہنا تھا کہ پاکستانی عوام نے افغان مہاجرین کو کھلے دل سے خوش آمدید کہا، یہی وجہ ہے کہ پاکستان 4 دہائیوں سے 40 لاکھ افغان مہاجرین کی مدد کر رہا ہے۔ انہوں نے مزید کہا کہ ماضی میں مہاجرین کے مسائل کو اتنی اہمیت نہیں دی گئی لیکن یہ بات بھی اہم ہے کہ مہاجرین کا مسئلہ کسی ایک ملک کا نہیں بلکہ پوری دنیا کا ہے۔

یاد رہے کہ گزشتہ برس ماہرہ خان نے پشاور میں یو این سی ایچ آر کے کیمپ کا دورہ کیا تھا جہاں تقریب سے خطاب کرتے ہوئے ان کا کہنا تھا کہ ہمیں بے گھر بچوں کے مستقبل کے لیے مل کر کام کرنا ہوگا کیوں کہ بچے مستقبل کے معمار ہیں۔

شوبز(ایمرا نیوزآنلائن) انڈسٹری کی معروف اداکارہ عروہ حسین ڈرامہ سیریل اُڈاری کے بعد اب دوبارہ چھوٹی اسکرین پر انٹری دینے کے لیے تیار ہیں۔

اداکارہ عروہ حسین کو ٹیلی ویژن اسکرین پر آخری مرتبہ ڈرامہ سیریل اُڈاری میں دیکھا گیا تھا جس کے بعد انہیں ایک سال تک کسی ڈرامے میں کام کرتے ہوئے نہیں دیکھا گیا۔ اب اداکارہ نے اپنے مداحواں کو خوشخبری سنائی ہے کہ وہ ایک سال بعد دوبارہ ڈرامہ انڈسٹری میں اداکاری کے جوہر دکھائیں گی۔

عروہ حسین ڈرامہ سیریل ’رانجھا رانجھا کردی‘ کے مقبول ترین بھولے کا کردار نبھانے والے اداکار عمران اشرف کے ساتھ ڈرامہ سیریل میں نظر آئیں گی۔ عمران اشرف اور عروہ حسین کے آنے والے ڈرامے کا اسکرپٹ اداکار عمران اشرف نے ہی لکھا ہے جب کہ اس ڈرامے کی ہدایت کاری معروف ڈرامہ سیریل ’سنو چندہ‘ کے ڈائریکٹر احسن تالش کریں گے۔

عروہ حسین نے اس حوالے سے گفتگو کرتے ہوئے بتایا کہ اس ڈرامے کا اسکرپٹ اس طرح کا نہیں ہے کہ میں چند لفظوں میں اس کا خلاصہ کردوں، یہ اسکرپٹ بے حد شاندار ہے اور آپ کو اس سے بے شمار نئی چیزیں سیکھنے کو ملیں گی۔ عروہ حسین کا اپنے کردار کے بارے میں کہنا تھا کہ میں اپنا کردار ادا کرنے سے لطف اندوز ہورہی ہوں اور اس حیرت انگیز ٹیم کا حصہ بننے پر مجھے بہت خوشی ہے ۔

اداکارہ کا مزید کہنا تھا کہ ہر فرد کے ساتھ کام کرنا میرے لیے بے حد خاص ہے کیونکہ مجھے ہر ایک سے بہت کچھ سیکھنے کو مل رہا ہے اور میں مزید چیزیں سیکھنے کی منتظر ہوں۔ انہوں نے کہا کہ یہ میرا اُڈاری کے بعد ٹیلی ویژن کے لیے پہلا پروجیکٹ ہوگا، اُڈاری کے بعد میں نے تین فلموں میں کام کیا جن میں نامعلوم افراد ٹو، رنگریزا اور میں پنجاب نہیں جاؤں گی شامل ہیں۔

اداکارہ کا کہنا تھا کہ اس سال میں اپنی آنے والی فلم ’ٹچ بٹن‘ کی تیاری پر توجہ دے رہی تھی ، اب میری فلم تکمیل کے آخری مراحل میں ہے اور یہ ممکنہ طور پر اگلے سال ریلیز کی جائے گی۔

پاکستان(ایمرا نیوزآن لائن) فلم انڈسٹری کی صف اوّل کی اداکارہ ماہرہ خان نے اپنی قریبی دوست ناریسا دھرانی کی کہانی سناتے ہوئے ان کی تعریف کی۔

اداکارہ نے اپنے انسٹاگرام اکاؤنٹ پر اپنی قریبی دوست ناریسا کے ہمراہ سات تصویریں اپلوڈ کرتے ہوئے تفصیلی کیپشن میں لکھا کہ ’میں آج آپ کو دنیا کی سب سے بڑے دل کی مالک لڑکی سے متعارف کروانا چاہتی ہوں جس سے میری ملاقات کئی سال پہلے کالج کے زمانے میں ہوئی تھی۔‘

ماہرہ نےلکھا کہ جب وہ نارو کو اپنے خوابوں اور مستقبل کے بارے میں بتاتی تھیں تو وہ بہت تسلی سے سنتی تھیں، نارو اُس وقت بھی ماہرہ کے ساتھ کھڑی تھیں جب کسی نے بھی اُن کا ساتھ نہیں دیا تھا۔

ماہرہ نے باہمت نارو کی کہانی بیان کرتے ہوئے لکھا کہ نارو نے والد کی وفات کے بعد 23 سال کی عمر میں اپنے والد کی چھوٹی سی کمپنی کو سنبھالا اور اس کے لیے دن رات محنت کی۔ انہوں نے لکھا کہ نارو کے والد جب دنیا سے رخصت ہوئے تو نارو نے ہمت کا مظاہرہ کیا اور کبھی اپنی والدہ کے سامنے نہیں روئیں بلکہ وہ ماہرہ کے سامنے کالج میں روتی تھیں۔

ماہرہ نے کہا کہ مجھے جب بھی نارو کی ضرورت پیش آتی ہے وہ حاضر ہوتی ہیں۔ اداکارہ نے یہ بھی بتایا کہ نارو پاکستان کی آٹو موٹیو انڈسٹری کی واحد خاتون سی ای او ہیں۔ ماہرہ نے لکھا کہ نارو نے انہیں بتایا کہ ایک کانفرنس میں اُن کے استقبال کے لیے شام بخیر لیڈی اینڈ جنٹلمین کے الفاظ استعمال ہوئے۔

ماہرہ نے آخر میں لکھا کہ انہیں اس بات کا پختہ یقین ہے کہ کامیابی ہمیشہ اچھی نیت اورسخت محنت کے بعد ہی حاصل ہوتی ہے لیکن خواب ہمیشہ کسی کی دعا یا پھر آپ کی کسی رحم دلی کی وجہ سے ہی پورے ہوتے ہیں۔ ماہرہ نے لکھا کہ انہوں نے نارو کے لیے بہت دعائیں کی ہیں۔

انہوں نے لکھا کہ مجھے یقین ہے کہ نارو کی کامیابی اُن کی دعاؤں کا نتیجہ ہے۔انہوں نے نارو کے لیے اپنی محبت کا اظہار کرتے ہوئے لکھا کہ انہیں نارو پر فخر ہے۔ واضح رہے کہ 34 سالہ ماہرہ خان پاکستان فلم انڈسٹری کا روشن نام ہیں۔ انہوں نے بن روئے، سپر اسٹار، سات دن محبت اِن، ہو من جہاں جیسی مشہور فلموں میں اپنی اداکاری کے جوہر دکھائے۔