Tag pakistan

لاہور(ایمرا نیوز)

کراچی(ایمرا نیوزآن لائن رپورٹ عمر خالد سے) کراچی کی بینکنگ کورٹ میں میگا منی لانڈرنگ کیس کی سماعت ہوئی جس کے دوران عدالت نے مقدمہ کراچی سے اسلام آباد منتقل کر دیا۔بینکنگ کورٹ کراچی میں میگا منی لانڈرنگ کیس کی سماعت کے دوران گرفتار ملزمان حسین لوائی اور عبدالغنی مجید عدالت میں پیش ہوئے۔اس سے قبل گزشتہ سماعت پر کراچی کی بینکنگ کورٹ نے میگا منی لانڈرنگ کیس کراچی سے اسلام آباد منتقل کرنے کی درخواست پر فیصلہ محفوظ کیا تھا۔عدالت نے محفوظ فیصلہ آج سنا تے ہوئے کیس کراچی سے اسلام آباد منتقل کرنے کا حکم دے دیا۔

ایل ڈی اے سٹی سکیم کا سائٹ آفس کا ہنہ میں قائم
لاہور(ایمرا نیوزآن لائن)ڈائریکٹر جنرل ایل ڈی اے کی ہدایت پر ایل ڈی اے سٹی سکیم کا سائٹ آفس موضع کا ہنہ میں پہلے سے دستیاب ایک عمارت میں قائم کردیاگیا ہے، جسے جلد ہی آپریشنل کرکے سکیم کے ضروری معاملات موقع پر ہی انجام دیئے جائیں گے. ایڈیشنل ڈائریکٹر جنرل اربن پلاننگ رانا نکا خان نے ایل ڈی اے کنٹرولڈ ایریا میں مٹی چوری کی روک تھام کے لئے علاقہ میں نافذ دفعہ 144 کے اطلاق میں مزید دو ماہ توسیع کی سفارش کی ہے اور اس مقصد کے لئے سیکرٹری ہاؤسنگ کو مراسلہ ارسال کردیا ہے.دریں اثنائڈ ویپلمنٹ پارٹنرز کے ساتھ ساتھ مالکان نے خود بھی ایل ڈی اے سٹی کے لیے زمین پیش کرنا شروع کردی ہے.ایل ڈی اے سٹی کے چاروں ڈویپلمنٹ پارنٹرز کو بھی سپریم کورٹ کی مقرر کردہ ٹائم لائن کے اندر اندر اس منصوبے کو مکمل کرنے کے لئے ترجیحی بنیادوں پر تمام وسائل بروے کار لانے کی ہدایت کی گئی ہے اور ماہ رواں کے دوران پونے چارسوکنال رقبہ ایل ڈی اے کو پیش کردیاگیا ہے. سپریم کورٹ کے احکامات کی روشنی میں سکیم کے 9ہزار فائل ہولڈرز کو پلاٹ دینے کے لئے آٹھ ماہ کا وقت مقرر کیا گیا ہے ڈیپلمنٹ پارٹنرز کو ہدایت کی گئی ہےکہ اس مدت میں زیادہ سے زیادہ اراضی مہیا کریں بعدازاں ایل ڈی اے قانونی طور پر باقی ماندہ اراضی مالکان سے ایکوائر کرنے کا مجاز ہے.

لاہور(ایمرا نیوز)

لاہور(ایمرا نیوز)

عالمی سطح پر ہر چوتھی انسانی موت کی وجہ ماحولیاتی تباہی، اقوام متحدہ
عالمی سطح پر ان25فیصد اموات کا سبب انسانوں ہی کی پیدا کردہ آلودگی اور ماحولیاتی نقصانات بنتے ہیں،رپورٹ
نیویارک(ایمرا نیوز آن لائن)اقوام متحدہ کی ایک نئی رپورٹ کے مطابق دنیا بھر میں قبل از وقت انسانی اموات میں سے ایک چوتھائی ہلاکتوں کی وجہ ماحولیاتی تباہی کا عمل بنتا ہے۔ بدھ کے روز جاری کی گئی کرہ ارض کی تشویشناک صورت حال سے متعلق اس رپورٹ میں کہا گیا ہے کہ عالمی سطح پر ان پچیس فیصد اموات کا سبب انسانوں ہی کی پیدا کردہ آلودگی اور ماحولیاتی نقصانات بنتے ہیں۔ اس رپورٹ کو ’گلوبل اینوائرمنٹ آؤٹ لک‘ یا جی ای او کا نام دیا گیا ہے، جو ستر سے زیادہ ممالک کے ڈھائی سو سے زائد سائنسدانوں نے چھ سالہ تحقیق کے بعد تیار کی ہے۔ اس رپورٹ میں امیر اور غریب ممالک کے مابین بڑھتی ہوئی خلیج، ماحولیاتی آلودگی، بھوک کے مسئلے، غربت اور بیماریوں سمیت بہت سے امور کا احاطہ کیا گیا ہے۔

افغان کرکٹ ٹیم پاکستان آنے پر رضامند ہوگئی
پاکستان کرکٹ بورڈ نے ایشین کرکٹ کونسل کے اجلاس میں سیریز کی دعوت دی:عزیز اللہ فضلی
لاہور(ایمرا نیوز آن لائن)پاکستان کرکٹ بورڈ (پی سی بی )کی دعوت پر افغانستان کی ٹیم نے ورلڈکپ کے بعد دورہ پاکستان کا گرین سگنل دے دیا، پاکستان کرکٹ بورڈ نے افغان حکام کو پاکستان آکر کھیلنے کی دعوت گزشتہ دنوں دی تھی جس پر بڑی پیشرفت سامنے آئی۔ذرائع کے مطابق پی سی بی نے افغانستان کے کرکٹ بورڈ کو پاکستان آکر کھیلنے کی دعوت دی تھی جس پر انہوں نے رضامندی ظاہر کردی۔چیئرمین افغان کرکٹ بورڈ عزیز اللہ فضلی کا کہنا تھا کہ پاکستان کرکٹ بورڈ نے ایشین کرکٹ کونسل کے اجلاس میں سیریز کی دعوت دی تاہم ہم ورلڈکپ 2019 ئ کے بعد سیریز کھیلنے کا فیصلہ کریں گے۔یاد رہے کہ پاکستان کرکٹ بورڈ اور حکومتی اقدامات کیوجہ بین الاقوامی کرکٹ کی بہاریں پاکستان میں لوٹنے لگیں یہی وجہ ہے کہ پاکستان سپر لیگ سیزن فور کھیلنے والے تقریباً تمام ہی غیر ملکی کھلاڑی بلا خوف و خطر پاکستان آئے۔قبل ازیں دو غیر ملکی ٹیموں نے بھی دورہ پاکستان کی تاریخوں کا اعلان کیا ہے۔ انٹرنیشنل کرکٹ کونسل ایسوسی ایٹ کی ممبر مالدیپ کی کرکٹ ٹیم 10 روزہ دورے پر 19 مارچ کو پاکستان پہنچے گی،سابق پاکستانی کرکٹر آصف خان اور مالدیپ کی ٹیم کے کوچ نے پی سی بی کی دعوت پر گرین سگنل دیا تھا۔مالدیپ کی ٹیم اکیڈمی اور جونیئر ٹیموں کےخلاف میچزکھیلے گی جن میں سے چار کراچی میں ہوں گے۔ سویڈن کی کرکٹ ٹیم نے بھی اپریل میں دورہ پاکستان کی حامی بھری۔

کراچی(ایمرا نیوز آن لائن) انٹر بینک مارکیٹ میں ڈالر 16 پیسے مہنگا ہو گیا ،جس کے بعد ڈالر کا 139 روپے پر لین دین ہوتا رہا۔تفصیلات کے مطابق جمعرات کو مارکیٹ میں کاروبار کے آغاز پر ڈالر کے ریٹ میں مزید اضافہ ہو گیا ،16 پیسے اضافے کےساتھ ڈالر انٹر بینک مارکیٹ میں 139 روپے پر ٹریڈ ہوتا رہا۔تجزیہ کاروں کا کہنا تھا کہ ڈالر کے ریٹ میں اضافہ عالمی مالیاتی فنڈ(آئی ایم ایف )کےساتھ متوقع ڈیل کا نتیجہ ہو سکتا ہے حالانکہ ایک روز قبل پاکستان کو ایک دوست ملک کی جانب سے 1 ارب ڈالر کی قسط موصول ہوئی ہے ،جو ملکی زرمبادلہ مبادلہ ذخائر میں قابل ذکر اضافہ ہے۔

بریگزٹ ملتوی کرنے کےلئے نیا بل پیش کیا جائےگا‘وزیراعظم تھریسامے
لندن(ایمرا نیوز آن لائن) برطانوی پارلیمنٹ نے بغیر کسی ڈیل کے یورپی یونین سے نکلنے کی مخالفت کردی۔ وزیراعظم کہتی ہیں ایوان کو اپنے فیصلوں کے نتائج کا سامنا کرنا پڑیگا۔ برطانوی پارلیمنٹ اب یورپی یونین سے نکلنے کیلئے 30 جون تک توسیع کیلئے ووٹنگ کریگی۔برطانوی تاریخ کے اہم دن بریگزٹ معاملے پر پارلیمنٹ میں ایک اور رائے شماری ہوئی جس میں ایوان نے بغیر کسی ڈیل کے یورپی یونین سے نکلنے کی مخالفت کر دی، ترمیمی بل کے حق میں 321 اور مخالفت میں 278 ووٹ پڑے۔ایوان میں اظہار خیال کرتے ہوئے وزیراعظم تھریسامے نے اعلان کیا کہ بریگزٹ کو ملتوی کرنے کے لئے پارلیمنٹ میں نیا بل پیش کیا جائے گا، وزیراعظم نے خبردار کیا کہ ہاو¿س آف کامن کو اپنے فیصلوں کے نتائج کا سامنا کرنا پڑیگا جبکہ 24 گھنٹے کے دوران وزیراعظم کو دوسری بار سبکی کا سامنا کرنا پڑا۔حکمران جماعت کے کئی وزرا نے بھی علم بغاوت بلند کر دیا، تھریسامے کے 29 ساتھیوں نے پارٹی پالیسی کی خلاف ورزی کرتے ہوئے ووٹنگ میں حصہ نہ لیا جبکہ 17 ساتھیوں نے ان کی قرار داد کے خلاف ووٹ دیا۔بات یہیں نہیں رکی، نوبت اب وزرا کے استعفوں تک پہنچ گئی ہے، وزیر سارہ نیوٹن نے بریگزٹ کے معاملے پر استعفی دے دیا جبکہ اگلے چوبیس گھنٹے کے دوران مزید استعفوں کا امکان ہے۔

ہم مثبت پیغام لے کر بھارت جا رہے ہیں اور امید کرتے ہیں کہ بھارت بھی قدم بڑھائے گا،ترجمان دفتر خارجہ کی روانگی سے قبل واہگہ بارڈر پر گفتگو
ہماری سوچ ہے ایک شجر ایسا لگایا جائے جس سے ہمسائے کے گھر بھی اس کا سایہ جائے،پاکستان اقلیتوں کے حقوق کو بہت اہمیت دیتا ہے، ڈاکٹر فیصل
لاہور، نئی دہلی(ایمرا نیوز آن لائن) ترجمان دفتر خارجہ کی سربراہی میں پاکستانی وفد کرتار پور راہداری منصوبے کے سلسلے میں مذکرات کے لیے بھارت پہنچ گیا۔ترجمان دفتر خارجہ ڈاکٹر فیصل نے بھارت روانہ ہونے سے قبل واہگہ بارڈر پر میڈیا سے گفتگو میں کہا کہ ہم مثبت پیغام لے کر بھارت جا رہے ہیں اور امید کرتے ہیں کہ بھارت بھی قدم بڑھائے گا۔انہوں نے کہا کہ پاک بھارت کشیدگی میں کمی کے لیے پاکستان نے اہم کردار ادا کیا جب کہ کرتار پور راہداری سے متعلق مذاکرات کے لیے بھارت جا رہے ہیں۔ترجمان دفتر خارجہ نے کہا کہ کرتار پور راہداری کھولنے سے سکھ برادری کو سہولت اور دونوں ملکوں کے درمیان امن بھی قائم ہو گا۔ڈاکٹر فیصل نے کہا کہ ہماری سوچ ہے ایک شجر ایسا لگایا جائے جس سے ہمسائے کے گھر بھی اس کا سایہ جائے۔ پاکستان اقلیتوں کے حقوق کو بہت اہمیت دیتا ہے۔انہوں نے کہا کہ کرتار پور راہداری منصوبے کا سنگ بنیاد 20 نومبر 2018 کو رکھا گیا تھا اور منصوبہ نومبر 2019 میں پایہ تکمیل تک پہنچ جائے گا۔وزارت خارجہ کی سطح پر پاک بھارت مذاکرات آج سرحدی علاقے اٹاری میں ہو رہے ہیں۔پاکستان کی جانب وفد کی سربراہی ترجمان دفتر خارجہ ڈاکٹرمحمد فیصل کر رہے ہیں۔ پلوامہ حملے کے بعد سے ہونے والی پاک بھارت کشیدگی سے قبل یہ مذاکرات بھارت کے دارالحکومت نئی دہلی میں ہونا تھے تاہم بھارتی حکومت نے بعد میں مذاکرات کا مقام تبدیل کردیا۔انتہا پسند بھارتی حکومت نے کرتارپور راہداری کے سلسلے میں دونوں ممالک کے وفود کی ملاقات کی کوریج کے لیے پاکستانی صحافیوں کو ویزے جاری کرنے سے انکار کر دیا تھا جب کہ گزشتہ سال پاکستان میں 30 سے زائد بھارتی صحافیوں نے کرتارپور منصوبے کی کوریج کی تھی۔