Tag pakistan

لاہور (ایمرا نیوزآن لائن)لاہورمیں محکمہ ایکسائز نے ایک ہی شخص کے نام 34 ہزار 770 گاڑیاں رجسٹرڈ کردیں۔ مقامی رہائشی مجاہد شبیر نے لاہور ہائیکورٹ میں پٹیشن دائر کی کہ پولیس آئے روز گھر پر چھاپے مار کر ہراساں کررہی ہے ۔ماجد شبیر نے عدالت کو بتایا کہ میں صرف ایک گاڑی کا مالک ہوں تاہم پولیس یہ الزام لگا کر روز گھر پر چھاپے ماررہی کہ میرے نام پوری 34 ہزار 770 گاڑیاں رجسٹرڈ ہیں۔انہوں نے مزید بتایا کہ ’چوری شدہ گاڑیاں بھی ان کے نام پررجسٹرڈ کردی گئی۔محکمہ ایکسائزاینڈ ٹیکسیشن نے عدالت کو بتایا کہ تکنیکی خرابی سے گاڑیاں ایک ہی شخص کے نام درج ہوگئیں۔ڈائریکٹر ایکسائز اینڈ ٹیکسیشن کا کہنا تھا کہ ڈیٹا اپ ڈیٹ کردیا گیا اب درخواست گزار کو شکایت نہیں ہوگی۔لاہورہائیکورٹ کے جسٹس امیربھٹی نے پولیس کو حکم دیا کہ پولیس اب شہری مجاہد شبیر کو ہراساں کرنے سے باز رہے ۔

لاہور(ایمرا نیوزآن لائن)سی سی پی او لاہورنے موبائل فونز کی چوری روکنے اور چوری شدہ موبائل ریکور کرنے میں معاون ایپلی کیشن تیار کر لی ہے ۔ پنجاب انفارمیشن ٹیکنالوجی بورڈ کے تعاون سے تیار ہونے والی آسان اور زبردست خصوصیات کی حامل E-GADGET مانیٹرنگ سسٹم ایپ کو اینڈرائیڈ اور آئی اوایس سٹور سے ڈاؤن لوڈ کیا جا سکے گا۔ پائلٹ موبائل ایپ کے حوالے تعارفی تقریب ڈی آئی جی انویسٹی گیشن لاہور کے دفتر میں ہوئی جس کے مہمان خصوصی سی سی پی ا و بی اے ناصر تھے ۔ ڈی آئی جی انویسٹی گیشن ڈاکٹر انعام وحید، ڈی آئی جی آپریشنز وقاص نذیر سمیت اعلیٰ پولیس افسران، تاجر رہنما اور میڈیا کے نمائندے بھی موجود تھے ۔ ای گیجٹ ایپ کے تحت موبائل فون کے کاروبار سے منسلک افراد خود کو ایپ کے لئے با آسانی رجسٹر کرا سکیں گے ۔ دکاندار ہر شخص کے موبائل فون کا IMEI نمبراس ایپلی کیشن میں لازمی محفوظ کریں گے ۔ اس طرح چوری ہونے والے موبائل کا ڈیٹا بیس پولیس کے پاس دستیاب ہوگا، چوری ہونے والے موبائل فون کا IMEI نمبر کسی صورت تبدیل نہیں کرایا جا سکے گا اور چور موبائل فون کو کہیں فروخت یا استعمال نہیں کر سکے گا۔ بی اے ناصر نے موبائل ایپ کی تیاری کو ایک انقلاب قرار دیتے ہوئے کہا کہ اس ایپ کے ذریعے موبائل فونز کی خرید وفروخت کے کاروبار کو تحفظ ملے گا۔

اسلام آباد (ایمرا نیوزآن لائن) سپریم کورٹ نے بحریہ ٹائون کراچی کے منصوبے کو غیر قانونی قرار دینے کے فیصلے پر عمل درآمد کیس کی سماعت کرتے ہوئے بحریہ ٹائون کی نئی پیشکش پر فیصلہ محفوظ کر لیا اور قرار دیا ہے کہ نئی پیشکش کا جائزہ لے کر 21 مارچ کو اس کا فیصلہ کرلیا جائے گا،دوران سماعت جسٹس شیخ عظمت سعید نے وضاحت کی کہ یہ تاثر نہ لیا جائے کہ عدالت پیشکش قبول کرلے گی ،پیشکش کا فیصلہ جائزہ لینے کے بعد کیا جائے گا،جسٹس شیخ عظمت سعید کی سربراہی میں تین رکنی بینچ نے کیس کی سماعت کی تووکیل علی ظفر نے کہا کہ نئی پیشکش کے بارے میں ایک متفرق درخواست جمع کرائی گئی،متفرق درخواست میں منصوبے کو قانونی بنا نے اور مقدمات کو ختم کر نے کے لیے بحریہ ٹاؤن کراچی کیلئے آفر 440 سے بڑھا کر 450 ارب کر دی جبکہ بحریہ ٹائون نے آفر بڑھا تے ہوئے نیب کیسز ختم کرنے اور زمین منتقلی کی فیس ، ٹیکس استثنیٰ کی بھی استدعا کردی ، بحریہ ٹاؤن کے وکیل نے استدعا کی کہ پانچ سال 2.25 ارب روپے ماہانہ ادا کرینگے ، بقیہ رقم تین سال میں ادا کی جائیگی جبکہ اسکے علا وہ بیس ارب روپے کی ڈاؤن پے منٹ اور اقساط کی30 فیصد رقم بھی جمع کراتے رہیں گے اسکے بدلے ہم چڑیا گھر، پارکس اور سینما بطور گارنٹی پیش کریں گے ،جسٹس شیخ عظمت سعید نے کہا کہ زمین کی منتقلی کے قانون کو معطل نہیں کر سکتے ، جو ٹیکس اور سرکاری فیس بنتی ہے وہ دینا ہوگی،وکیل ملیر ڈیولپمنٹ اتھارٹی نے عدالت سے استدعا کی کہ بحریہ ٹاؤن سے سندھ کی حکومتی شخصیات اور افسروں پر بھی مقدمات ختم کیے جائیں جس پر جسٹس شیخ عظمت سعید نے کہا کہ ڈیل بحریہ ٹاؤن سے ہو رہی ہے سندھ حکومت سے نہیں۔این آئی سی ایل کرپشن کیس میں پیش نہ ہونے پر سپریم کورٹ نے مرکزی ملزم محسن حبیب وڑائچ کو گرفتار کرنے کا حکم دیدیا،جسٹس گلزار احمد کی سربراہی میں تین رکنی بینچ نے این آئی سی ایل کرپشن کیس کی سماعت کرتے ہوئے محسن حبیب کے وکیل کی التوا کی درخواست مسترد کردی جبکہ نیب کو دو ہفتے کے اندر اندر محسن وڑائچ گرفتار کرنے اور عدالتی حکم پر عملدرآمد کی رپورٹ پیش کرنے کی ہدایت کی ، جسٹس گلزار احمد نے محسن حبیب وڑائچ کی عدم گرفتاری پر اظہار برہمی کرتے ہوئے کہاکہ محسن حبیب نیب میں پیش بھی ہو چکا لیکن نیب نے ملزم کو چائے پلائی بسکٹ کھلائے اور بھیج دیا،کیس کی مزید سماعت دو ہفتے کیلئے ملتوی کردی گئی ، سپریم کورٹ نے وفاقی محکموں کے ڈیلی ویجزکنٹریکٹ ملازمین کی مستقلی سے متعلق ہائیکورٹ کا فیصلہ برقراررکھتے ہوئے وفاقی حکومت کی اپیلیں مسترد کردیں ، عدالت نے قراردیا کہ ملازمین کی مستقلی سے متعلقہ دیگر کیسز پر مزید سماعت آج ہوگی۔سپریم کورٹ نے فٹبال فیڈریشن کے انتخابات سے متعلق فیصلے کیخلاف نظرثانی درخواستیں مسترد کرتے ہوئے آبزرویشن دی ہے کہ فریقین کو جو اعتراضات ہیں متعلقہ فورم پر اٹھائیں،جسٹس گلزاراحمد کی سربراہی میں تین رکنی بینچ نے درخواستوں کی سماعت کاآغاز کیا تو جسٹس گلزار احمد نے کہاکہ فریقین کو الیکشن سے کوئی مسئلہ ہے تو اسے چیلنج کریں، جسٹس اعجاز الاحسن کا کہنا تھا کہ اصل مسئلہ فیصل صالح حیات کا ہے ، وہ عہدے سے الگ نہیں ہونا چاہتے ۔ ڈیفنس آف ہیومن رائٹس کی چیئر پرسن آمنہ مسعود جنجوعہ نے لاپتہ افراد کیس کی جلد سماعت کے لئے سپریم کورٹ میں درخواست دائر کر دی ۔ سپریم کورٹ نے پاکستان بار کونسل کی کمیٹیوں کی تشکیل سے متعلق کیس کی سماعت وائس چیئر مین کی عدم موجودگی کے باعث 16اپریل تک ملتوی کردی ۔

لاہور (ایمرا نیوزآن لائن) اعتزاز احسن نے پیپلزپارٹی کو نوازشریف سے محتاط رہنے کا مشورہ دے دیا، انہوں نے کہا کہ ن لیگ والے جب مشکل میں ہوں تو پاؤں پڑتے ہیں، کھڑے ہوں تو گلے کو پکڑتے ہیں،نواز شریف کو حکومت نے مرضی کے علاج کی پیشکش کی لیکن وہ خود ہی تیارنہیں۔انہوں نے کہا کہ آصف زرداری حراست میں تھے تو انہیں اذیتیں پہنچائی گئیں، پارٹی کارکن تذبذب میں ہیں۔اعتزاز احسن نے مزید کہا کہ یہ بلاول کا ظرف ہے کہ نوازشریف سے جیل میں ملاقات کی۔اختلافات ہوتے ہیں ،لیکن میرا پیپلزپارٹی چھوڑنے کا کوئی ارادہ نہیں،انہوں نے کہا کہ پیپلزپارٹی ایک خاندان ہے اور میں اس کا فرد ہوں ، کچھ اختلافات ہوتے ہیں مگر ہم انہیں پارٹی کے اندر ہی نپٹاتے ہیں ، باہر نہیں آنے دیتے ۔

اسلام آباد،لاہور(ایمرا نیوزآن لائن) آئی ایس پی آر نے 23مارچ کیلئے پرو مو جاری کر دیا، یوم پاکستان بھرپور انداز میں منایا جائے گا، پریڈ کا سلوگن ‘ پاکستان زندہ باد’ ہوگا، ملائشیا کے وزیراعظم مہاتیر محمد تقریب کے مہمان خصوصی ہونگے ۔سماجی رابطے کی ویب سائٹ پر ٹوئٹ کرتے ہوئے ڈی جی آئی ایس پی آر میجر جنرل آصف غفور نے 23 مارچ پریڈ کی تفصیلات جاری کر دیں جس کے مطابق ملائیشیا کے وزیراعظم ڈاکٹر مہاتیر محمد 23 مارچ کو پریڈ کے مہمان خصوصی ہوں گے جب کہ آذربائیجان کے وزیردفاع، بحرین کے آرمی چیف، عمان کے سرکاری حکام بھی شریک ہوں گے ۔ترجمان پاک فوج نے کہا کہ آذربائیجان، بحرین، چین، سعودی عرب، ترکی اور سری لنکا پریڈ کا حصہ ہوں گے ، پریڈ میں آذر بائیجان، سعودی عرب کے فوجی دستے شریک ہوں گے اور آذر بائیجان، بحرین، سعودی عرب، سری لنکا کے پیرا ٹروپرز شریک ہوں گے جب کہ ترکی کے ایف ا6 اور چین کے جے 10لڑاکا طیارے فضائی کرتب کا مظاہرہ کرینگے ۔دریں اثنا یوم پاکستان کا خصوصی ملی نغمہ پاکستان زندہ باد کا پرومو ٹوئٹر پر بھی شیئر کر دیا گیا۔

لاہور (ایمرا نیوزآن لائن) لاہور ائرپورٹ کے قریب بننے والے نئے ہوٹل سے شراب کی فرو خت آئندہ ماہ شروع ہو جائے گی ۔محکمہ ایکسائز اینڈ ٹیکسیشن پنجاب نے جنوری میں ہوٹل ایک ہوٹل کو لائسنس جاری کیا تھا ۔ ذرائع نے بتایا کہ لاہور میں کسی بھی ہوٹل کو 22 سال بعد شراب فروخت کرنے کا لائسنس کیا گیا ہے ۔ آخری بار ایسا لائسنس 1997 میں ایک ہوٹل کو جاری کیا گیا تھا۔ اب لاہور میں شراب فروخت کرنے والے ہوٹلوں کی تعداد پانچ ہو جائیگی۔اس نئے ہوٹل سے بھی صرف غیر مسلموں کو پرمٹ پر شراب فروخت کی جائے گی۔ محکمہ ایکسائز اینڈ ٹیکسیشن پنجاب کے ذرائع نے بتا یاکہ متعددہوٹلز اور کلبز نے شراب کی فروخت کا لائسنس جاری کرنے کی درخواستیں دی تھیں لیکن کسی حکومت نے منظوری نہیں دی تھی۔ذرائع نے بتایا کہ جس ہوٹل کو اب لائسنس دیا گیا ہے، وہ پیر بگھے شاہ کی ملکیت ہے۔ صوبائی حکومت سے منظوری لینے کے بعد ڈائریکٹر جنرل ایکسائز اینڈ ٹیکسیشن اکرم اشرف گوندل نے لائسنس کے اجرأ کے احکامات جاری کئے ۔ پیر بگھے شاہ کی کمپنی کے ملک کے متعدد ایئر پورٹس پر پارکنگ اسٹینڈ سے لیکر دکانوں کے ٹھیکے بھی ہیں۔

پاکستان میں سیکیورٹی صورتحال بہت بہتر ہوئی ہیں اور کینیڈا و یورپی ممالک کی متعلقہ ایوی ایشنز اور سیکیورٹی ایجنسیز نے اس پیشرفت پر اپنے مکمل اعتماد کا اظہار کیا ہے،پی آئی اے سربراہ
کراچی(ایمرا نیوز آن لائن )کراچی میں امریکی قونصل جنرل جوآن ویگنر نے پی آئی اے کو امریکی سرزمین تک براہ راست رسائی دلانے میں مدد کی یقین دہانی کروادی۔جوآن ویگنر نے یہ یقین دہانی پی آئی اے کے سربراہ سے ملاقات کے دوران کرائی، جس میں ایئر مارشل ارشد ملک نے ان سے درخواست کی کہ وہ نیویارک، ہاسٹن اور شکاگو سمیت دیگر امریکی شہروں میں پی آئی اے کی براہ راست فلائٹس کی بحالی کے لیے اپنا کردار ادا کریں۔سیکیورٹی خدشات کے سبب پاکستان سے اڑنے والی کسی بھی براہ راست فلائٹ کو امریکا اپنی فضائی حدود میں داخلے کی اجازت نہیں دیتا، اکتوبر 2017 میں پی آئی اے نے بڑھتے ہوئے آپریشنل اخراجات اور اخراجات میں کمی کے لیے امریکا جانے والی اپنی فلائٹس کو معطل کردیا تھا۔پی آئی اے کی جانب سے جاری بیان میں کہا گیا کہ ایئرمارشل ملک نے جوآن ویگنر اور ان کی ٹیم کو مسائل سے آگاہ کرتے ہوئے کہا کہ ٹرانزٹ روٹ سے امریکا اڑان بھرنا معاشی لحاظ سے ناقابل عمل ہے جبکہ انہوں نے نئے طیاروں کو اپنے بیڑے میں شامل کرنے کے پی آئی اے کے منصوبے کے حوالے سے بھی امریکی وفد کو آگاہ کیا۔پی آئی اے کے سربراہ نے کہا کہ پاکستان میں سیکیورٹی صورتحال بہت بہتر ہوئی ہیں اور کینیڈا و یورپی ممالک کی متعلقہ ایوی ایشنز اور سیکیورٹی ایجنسیز نے اس پیشرفت پر اپنے مکمل اعتماد کا اظہار کیا ہے۔انہوں نے امریکی وفد کو سرٹیفکیٹ کے حصول اور آئی اے ٹی اے آپریشنل سیفٹی آڈٹ اور دیگر ایجنسیوں کی منظوری سے بھی آگاہ کیا۔ویگنر نے پی آئی اے کو تعاون کی یقین دہانی کراتے ہوئے کہا کہ وہ اس مسئلے کے حل اور پاکستانی طیاروں کی امریکا میں براہ راست فلائٹ کے سلسلے میں متعلقہ امریکی محکمے سے بات کریں گی۔

لاہور(ایمرا نیوز)

لاہور(ایمرا نیوز)

لاہور(ایمرا نیوز)