Tag pakistan

کراچی(ایمرا نیوزآن لائن رپورٹ اظہر محمود سے) کراچی کے علاقے شیرشاہ کی کباڑی مارکیٹ میں واقع کپڑے کے ایک گودام میں آگ لگ گئی، جسے کافی جدوجہد کے بعد بجھا دیا گیا ہے۔فائر بریگیڈ حکام کے مطابق آگ بجھانے کے بعد کپڑے کے گودام میں کولنگ کا عمل جاری ہے۔فائر بریگیڈ حکام نے یہ بھی بتایا ہے کہ 6فائر ٹینڈرز نے آگ بجھانے کے عمل میں حصہ لیا جبکہ آگ لگنے کی وجہ معلوم نہیں ہو سکی۔

لاہور(ایمرا نیوزآن لائن رپورٹ عمر خالد سے) لاہور شہر کو بیمار جانوروں کا ناقص اور مضر صحت گوشت کھلانے کی بڑی کوشش ناکام بنا دی گئی۔پنجاب فوڈ اتھارٹی نے لاہور کی بکرمنڈی میں کارروائیاں کرتے ہوئے بیمار جانوروں کا 4 ہزار 3 سو کلوگوشت برآمد کر لیا جبکہ 8 ہزار کلو باقیات تلف کر دی گئیں۔اولڈ سلاٹر ہاؤس ایریا میں غیر قانونی تین مذبحہ سیل کردیے گئے، مضر صحت گوشت فروخت کرنے کے مرتکب ملزمان فرار ہو گئے۔یہ کارروائیاں ڈی جی پنجاب فوڈ اتھارٹی کی سربراہی میں کی گئیں جبکہ بیمار جانوروں کی باقیات پیمکو سینٹر میں تلف کی گئی۔پنجاب فوڈ اتھارٹی کی جانب سے بکر منڈی اولڈ سلاٹر ہاؤس ایریا میں 3 غیر قانونی مذبحہ، میٹ چلر اور فیٹ رینڈرنگ یونٹ سیل کیے گئے۔ڈی جی پنجاب فوڈ اتھارٹیکیپٹن (ر) محمد عثمان کے مطابق سیل کیے گئے سلاٹر ہاؤس پہلے بھی سیل کیے جا چکے ہیں، جنہیں غیر قانونی طور پر دوبارہ کھول کر کام کیا جا رہا تھا۔انہوں نے بتایا کہ غیر قانونی مذبحہ میں بیمار جانوروں کا گوشت تیار کر کے اس پر جعلی مہریں لگائی جاتی تھیں،غیر قانونی مذبحہ سے جعلی مہریں بھی برآمد کی گئی ہیں، جبکہ ملزمان موقع سے فرار ہو گئے۔کیپٹن (ر) محمد عثمان کا کہنا ہے کہ شہریوں تک صحت بخش گوشت کی فراہمی پنجاب فوڈ اتھارٹی کی اولین ترجیح ہے، بیمار جانوروں کے ناقص گوشت سے متعدد موذی بیماریاں پھیلتی ہیں، ویجیلنس ٹیمیں گلی محلوں میں چھپے ذبح خانوں کا سراغ بھی لگا رہی ہیں۔ڈی جی فوڈ اتھارٹی نے شہریوں سے اپیل کی کہ کہیں بھی مضر صحت گوشت دیکھیں تو بذریعہ ٹیلی فون ہیلپ لائن پر، موبائل اپلیکیشن کے ذریعے یا ویب سائٹ پر اطلاع دیں۔

اوہ کی کیندی تیری برجھائی ……..
اوہ کیندی آئی لو یو

گلبرگ کے 300 کاروباری افراد کی ٹیکس سکروٹنی شروع
لاہور(ایمرا نیوز) گلبرگ کے تاجروں کیلئے ایف بی آر کا شکنجہ تیار، ایف بی آر نے گلبرگ کے اہم کاروباری مراکز میں کاروبار کرنے والے 300 کاروباری افراد کے کوائف اکھٹے کرکے ٹیکس سکروٹنی شروع کردی۔ ذرائع کے مطابق ایف بی آر نے ایم ایم عالم روڈپر پلازوں میں کاروبار کرنے والوں کے کوائف اکھٹے کرکے کاروائی کا آغاز کیا۔ ریجنل ٹیکس آفس ٹو کی ٹیم نے ایم ایم عالم روڈ پر احد ہائٹس ، سورنٹو ٹاور، علی پلازہ، الحفیظ ٹاور، احد سنٹر، بلیومال، لائم لائٹ، ایمپائر سنٹر سمیت دیگر پلازوں میں کاروباری افراد کی تفصیلات اکھٹی کی تھیں۔ ذرائع کے مطابق مختلف پلازوں کی ملکیتی دستاویزات کے ساتھ مالکان اور کرایہ داروں کے معاہدوں کی تفصیلات بھی اکھٹی کی گئی تھیں ۔ سکرونٹی کے بعد ٹیکس قوانین کے مطابق کاروائی کی جائے گی۔

لاہور(ایمرا نیوزآن لائن) سندر: سکول سے نکالنے پر خاتون ٹیچر قتل آشنا سے ملکر شوہر، کردار پر شبہ کرکے بیوی کو مار دیا
سندر میں ٹیچر کی شکایات پر سکول سے نکالے جانے والے طالب علم نے چھریوں کے وار کرکے 34سالہ ٹیچر کو قتل اور اسکی بہن کو زخمی کر دیا ، زخمی خاتون کو جناح ہسپتال منتقل کر دیا گیا ۔

پولیس نے طالب علم کوگرفتار کر لیا، میٹرک طالب علم رضوان کی ٹیچر سے دوستی ہو گئی اس بات کا سکول کی سینئر ٹیچر شگفتہ کو پتہ چل گیا ، جس پر شگفتہ نے دونوں کو سکول سے نکال دیا اور رضوان کی حرکت سے متعلق اسکے گھر والوں کو بھی بتا دیا ، جس پر رضوان نے موقع پاکر شگفتہ کے گھر داخل ہو کر خاتون ٹیچر شگفتہ کے گلے پر تیز دار چھری سے وار کر دئیے جس سے وہ شدید زخمی ہو گئی ، بہن فرخندہ بچانے آئی تو ہتھوڑی کے وار کرکے اسکو بھی شدید زخمی کر دیا ، دونوں زخمی خواتین کو ہسپتال منتقل کر دیا گیا جہاں شگفتہ دم توڑ گئی ۔ شاہدرہ میں 4 بچوں کی ماں نے مبینہ طور پر آشنا سے ملکر شوہر کو قتل کردیا، ملزمہ اور اس کے آشنا کو گرفتار کرلیا گیا، معراج پارک کے 45سالہ مقبول احمد کی شادی 15 سال قبل شبانہ سے ہوئی تھی، شبانہ بی بی نے فون کرکے دیور کو اطلاع دی کہ مقبول احمد سیڑھیوں سے گر کر جاں بحق ہو گیا ، ورثا نے گھر پہنچنے پر معاملہ مشکوک جانتے ہوئے پولیس کو اطلاع کی ، پولیس نے مشکوک معاملہ پر شبانہ کو حراست میں لے لیا، پولیس کے مطابق مقتول کے لواحقین نے الزام عائد کیا کہ شبانہ کے اس کے بھانجے نوید کے ساتھ ناجائز تعلقات ہیں ، شبہ ہے شبانہ نے شوہر کے سر میں آہنی راڈ کے وار کر کے اسے موت کے گھاٹ اتارا ۔

پرانی انارکلی میں 40 سالہ نامعلوم شخص کی لاش برآمد ہوگئی، بابری مسجد چوک کے قریب سڑک پر 40 سالہ نامعلوم شخص کی لاش پڑی تھی راہگیروں نے دیکھ کرپولیس کو اطلاع کردی، پولیس کے مطابق متوفی کے جسم سے خون بہہ رہا تھا شبہ ہے کہ نامعلوم گاڑی کی ٹکر لگنے سے دم توڑ گیا۔ مانگا منڈی میں شوہر نے ناجائز تعلقات کے شبہ پر تیز دھار آلے سے بیوی کو شہ رگ کاٹ کر قتل کردیا، ملزم کو آلہ قتل سمیت گرفتار کر لیا گیا، پولیس کے مطابق تالاب سرائے کے بشیر کو 35 سالہ یاسمین کے کردار پر شبہ تھا ، دونوں کے درمیان اس بات کو لے کر جھگڑا ہو گیا جس پر بشیر نے طیش میں آکر بیوی یاسمین موت کے گھاٹ اتار دیا۔

نجم سیٹھی نے پی ایس ایل فائنل دیکھنے سے معذرت کرلی
لاہور(ایمرا نیوز آن لائن ) پاکستان کرکٹ بورڈ کے سابق چیئرمین نجم سیٹھی نے پی ایس ایل کا فائنل دیکھنے کیلیے آنے سے معذرت کرلی۔سماجی رابطوں کی ویب سائٹ پر اپنے پیغام میں نجم سیٹھی نے کہاکہ میں وزیراعلی سندھ مراد علی شاہ کا مشکور ہوں جنھوں نے مجھے پاکستان سپر لیگ کے ٹائٹل مقابلے میں مدعوکیا تاہم مجھے بڑا افسوس ہے کہ بیرون ملک ہونے کی وجہ سے نہیں آسکوں گا۔یاد رہے کہ فائنل 17 مارچ کو نیشنل اسٹیڈیم کراچی میں شیڈول ہے۔

لاہور(ایمرا نیوز)

لاہور(ایمرا نیوز آن لائن)پنجاب میں رواں سال کتے کاٹے کے کیسز میں ہوشربا اضافے ہو رہا ہے ۔تقریباً اڑھائی ماہ کے دوران چار ہزار کتے کاٹنے کے کیسز رپورٹ ہو چکے ہیں ۔ سرکاری ہسپتالوں میں ویکسین کی عدم دستیابی کی وجہ سے مریض دوائی بازار سے خریدنے پر مجبور ہیں ۔ محکمہ سپیشلائزڈ ہیلتھ کئیر اینڈ میڈیکل ایجوکیشن کا تمام ٹیچنگ ہسپتالوں کو کتے اور سانپ کاٹنے پر مریضوں کے لیے ویکسین خریدنے او ر سٹاک کرنے کے احکامات جاری کر دیئے ہیں ۔ذرائع کے مطابق پنجاب انفارمشین ٹیکنالوجی بورڈ کی جانب سے ایک الرٹ جاری کیا گیا ہے ۔الرٹ کے مطابق علامہ اقبال میموریل ہسپتال سیالکوٹ میں 1556، عزیز بھٹی ہسپتال گجرات 922،بے نطیر بھٹو ہسپتال روالپنڈی242، چلڈرن ہسپتال لاہورمیں 130، سول ہسپتال بہاولپور 90، ڈی ایچ کیو ہسپتال روالپنڈی 61، ڈی ایچ کیو ہسپتال میاں منشی لاہور 57، ڈی ایچ کیوہسپتال فیصل آباد 34، حاجی عبدالقیوم ٹیچنگ ہسپتال ساہیوال 25،سردار بیگم ہسپتال سیالکوٹ 15، گورنمنٹ ٹیچنگ ہسپتال شاہدرہ 9اور سید مٹھا ہسپتال میں 5کیسز رپورٹ ہو چکے ہیں ۔

لاہور(ایمرا نیوز)
یہ دنیائے طلسمات ہے یہاں مادی فارمولے اور طبیعات کے قاعدے قانون نہیں چلتے اور نہ ہی یہاں دلائل وبراہین کام آتے ہیں۔ یہاں پھونک، دم اور دھاگے سے دنیا کے مشکل ترین کام چٹکی بجانے میں ہوجاتے ہیں۔ یہاں ہر کوئی راجہ اور رانی سے ٹوٹ کر محبت کرتا ہے۔ راجہ کے حسن ا ور وجاہت پر خواتین تو خواتین پریاں تک فدا ہیں اور رانی کے روحانی کمالات پر دنیا انگشت بدنداں ہے۔بنی نالہ کے اردگرد پھرنے والے پرندے دراصل وہ نیک روحیں ہیں جو روپ بدل کر اس روحانی ہالے میں پناہ گزین ہیں، یہی وجہ ہے کہ اس علاقے کے کوے کائیں کائیں نہیں کرتے موسیقیت بھرے گانے گاتے ہیں ، کبوتر سبحان اللہ کے نعرے لگاتے ہوئے اڑتے ہیں ا ور چڑیا چوں چوں کی بجائے ہو ہو کرتی ہیں۔ سبز طوطے میاں مٹھو نہیں بلکہ عمی عمی کہہ کر چوری کھاتے ہیں۔

اسی جنت نشان دنیا میں صرف انسان نہیں جن بھی رہتے ہیں۔ آسان زبان میں انہیں موکل کہا جاتا ہے، طلسماتی دنیا کی خبر آہستہ آہستہ چار سو پھیل رہی ہے اور اس کی خوشبو کوچے کوچے میں جارہی ہے۔ جادو نگری کے فضائل سیال نگر بھی پہنچے تو ڈاکٹر جنت کو بھی خواہش ہوئی کہ وہ بھی اس طلسماتی دنیا میں داخلہ کا ٹکٹ حاصل کرے۔ اسے بتایا گیا کہ اس روحانی اور جادوئی ہالے میں شامل ہونے کے لئے عمل اور عامل دونوں کی ضرورت ہوگی، چنانچہ سابقہ وزیر ڈاکٹر جنت نے عامل کا دروازہ جا کھٹکھٹایا، عامل بھی طاقتور اور زور آور تھا اس نے خاتون ڈاکٹر کو تگڑا عمل بتایا۔ خاتون دس بارہ افراد کا قافلہ لے کر بنی نالہ پہنچی اور عمل شروع کردیا ۔ کہتے ہیں عمل سے ا س قدر طاقتور لہریں پیدا ہوئیں کہ اس علاقے میں ارتعاش پیدا ہوگیا۔ علاقے کی رانی کوئی بےخبر تھوڑی بیٹھی تھی، طیور نے بھاگ بھاگ کر خبر دی کہ ڈاکٹر جنت آف سیال نگر لائو لشکر کے ساتھ اس طلسماتی دنیا کو فتح کرنا چاہتی ہے، تب رانی کے خون نے جوش مارا اور موکلوں کی فوج نے ڈاکٹر جنت کو پکڑ کر وہ گھمایا کہ کئی دن تک اسے مارے خوف کے کپکپیاں آتی رہیں۔ وہ وہاں سے بھاگی اور سیال نگر آکر دم لیا۔ ڈاکٹر جنت کی جان میں جان اس وقت آئی جب رانی نے اسے معاف کردیا، مگر اس شرط پر کر وہ بتائے اسے یہ عمل کس نے سکھایا تھا۔ ان دنوں بنی نالہ میں راوی چین لکھ رہا ہے، ڈاکٹر جنت وہاں جگہ تو نہیں بنا سکی مگر اسے جادو کی طاقت کا اندازہ ہوچکا ہے اور وہ اس طلسماتی دنیا کی پہلے سے بھی زیادہ مطیع ہو چکی ہے۔

کوئی مانے نہ مانے اس بار جم کر بارشیں ہوئی ہیں، گندم کا دانہ موٹا ہوچکا ہے، ہر طرف اناج کی لہریں بہریں ہونگی، خوشحالی کے ڈھول پر ڈنکا پڑنے والاہے۔ کثیر المنزلہ عمارتیں بننے لگی ہیں، بس چھومنتر ہوگا اور آپ دیکھیں گے کہ پلک جھپکتے غریبوں کی بستیاں اور جھونپڑیاں ختم ہوجائیں گے ا ور یہ سب غریب عوام صاف ستھرے فلیٹس میں منتقل ہوجائیں گے۔ دعا کریں کہ جادو نگری کے راجہ اور رانی کی نظر صرف اسی طرف متوجہ رہے اگر ان کی نظر بھٹک گئی تو پھر قوم بھی کئی سال تک بھٹکے گی۔ جادونگری کے راجہ بہت ہی سادہ ہیں انہیں جو کہانی سب سے پہلے سنائے وہ اس پر یقین کرلیتے ہیں، دوسرا اگر آکر کوئی اور کہانی سنائے تو وہ اس پر بھی یقین کرلیتے ہیں، سو جو زیادہ قریب رہتا ہے وہ زیادہ فائدے میں رہتا ہے۔ راجہ کے کانوں پر اس کے قریبی ساتھیوں کا قبضہ ہے ا بھی چند ہفتے پہلے طے ہوگیا کہ ایم این اے بریگیڈئر اعجاز شاہ کو نیشنل سیکورٹی ایڈوائزر بنادیا جائے مگر پھر علم نہیں کیا ہوا کہ ایک سیکورٹی ادارے نے مخالفت کردی اور کہا انہیں صرف اندرونی سیکورٹی کا انچارج بنادیا جائے مگر راجہ نے فی الحال تقرری ہی روک دی۔ اب بریگیڈئر اعجاز شاہ کو سمجھ نہیں آرہی کہ وہ کدھر جا کر فریاد کریں۔

دنیائے طلسمات کا ہر رنگ نرالا ہے، فیاض الحسن چوہان کو فارغ کردیا گیا مگر باقی درجنوں معاملات رکے پڑے ہیں۔ فواد جہلمی اپنے تحفظات کا برملا اظہار کرچکے مگر اس معاملے پر ابھی تک میٹنگ نہیں ہوسکی۔ وزیر اعظم آفس کی ڈولی کے چار کہاروں نے سینٹر فیصل جاوید کو وزیر مملکت برائے اطلاعات بنانے کی تجویز دی مگر یہ ہونہ سکا پھر نظریں ڈاکٹر بابر اعوان کی طرف ا ٹھیں وہ ابھی کمر کس رہے تھے کہ عدلیہ نے اگلے چھ ماہ کے لئے ان کے مقصد کو ان سے دور کردیا۔ اب دیکھیں قرعہ فال کس کے نام نکلتا ہے۔ فواد جہلمی کے لئے وزارت سائنس و ٹیکنالوجی یا انفارمیشن ٹیکنالوجی میں سے ایک میں نیا دفتر سجایا جارہا ہے دیکھیں وہ کس دفتر میں بھیجے جاتے ہیں یا پھر وہ صرف ایوانوں میں ہی تقاریر پر محدود رہیں گے؟بنی نالہ کا طلسماتی ہالہ نہ صرف اندرون ملک اثر ڈال رہا ہے بلکہ اس کے اثرات بیرونی ممالک پر بھی پڑرہے ہیں، بنگال کا جادو سر چڑھ کر بولتا ہے ، کہا جارہا ہے کہ طلسمات کی مقامی دنیا اور بنگال کے ساحروں کے رابطے بہت مضبوط ہیں، دونوں ملکوں کے ساحر اپنے اپنے تجربات کو شیئر کرکے معاملات کو بہتر سے بہتر طور پر چلا رہے ہیں۔ ان مشترکہ تجربات کے بعد سے سیاست اور معیشت پر راجہ اور رانی کی گرفت اور بھی مضبوط ہونے لگی ہے۔ اور تو اور حالات یہ ہوگئے ہیں جو کوئی بھی بنی نالہ جاتا ہے اس پر وہ سحر آزمایا جاتا ہے کہ وہ ہمیشہ کے لئے راجہ رانی کا مطیع ہوجاتا ہے۔ ہوسکتا ہے کہ اس جادو کا توڑ کرنے کے لئے بھی کوئی خصوصی سیل بنایا جائے جو اس جدید دنیا میں جادو جیسے پرانے اور پراسرار عمل کا کوئی توڑ پیش کرسکے۔

پڑوسی ملک کا راجہ بھی نجومیوں، ساحروں اور زائچہ نویسوں کے نرغے میں ہے، طلسماتی دنیا کے راجہ کافی الحال سو مناتی دنیا کے راجہ سے زائچہ کافی بہتر جارہا ہے مودی کی اصل کمزوری اس کی رانی نہ ہونا ہے۔ ادھر دو ساحر ہیں یعنی راجہ اور رانی، اسی لئے اکیلے مودی کی ایک نہیں چل رہی اس کے جہاز بھی گررہے ہیں اور آپریشن کا مذاق بھی بن رہا ہے۔ مقامی جادو جیت رہا ہے بھارت کا سحر ہار رہا ہے۔ جادو نگری کرداروں سے بھری پڑی ہے یہاں تو یہ افواہ بھی گرم ہے کہ وہ جو جیل میں ہے اور وہ جو بے نامی اکائونٹس میں پریشان ہے دونوں ہی سحر کی نظر کا شکار ہوئے ہیں۔ خادم اعلیٰ نے البتہ اس جادو کا توڑ کرلیا ہے اسی لئے وہ ضمانت پر باہر آگئے ہیں، اسی دنیا سے یہ خبر بھی آئی ہے کہ ان دنوں ایک انڈسٹری زوروں پر ہے اور وہ انڈسٹری آٹے کے پتلے بنانے کی ہے۔ آٹے کے یہ پتلے جادو کے لئے استعمال ہوتے ہیں، آٹے کے پتلے پر اگر تیر مارا جائے تو وہ اس شکل سے ملتے جلتے شخص پر اثر انداز ہوتا ہے۔ پتلے کے ماتھے پر تیر لگے تو درد ہم شکل شخص کو ہوتاہے، جیل والا لیڈر اور بےنامی اکائونٹس والا لیڈر ،دونوں کو اب چاہئے کہ کوئی ایسا جادو گر ڈھونڈیں جو جادو کے توڑ کا ماہر ہو، ان لیڈروں کا درد تبھی دور ہوگا وگرنہ راجہ اسی طرح جادو نگری سے حکومت کرتا رہے گا۔
بشکریہ جنگ نیوز

لاہور(ایمرا نیوز)
یہ تو وقت ہی بتائے گا کہ پابند سلاسل سابق وزیراعظم میاں نوازشریف سے کوٹ لکھپت جیل میں پیپلزپارٹی کے نوجوان چیئرمین بلاول بھٹو کی ملاقات باسی کڑی میں ابال ہو گی یا تاریخ ساز! پیپلزپارٹی کے مطابق بلاول بھٹو میاں نوازشریف کی مزاج پرسی کے لیے گئے تھے ، اس کے سیاسی محرکات نہیں تھے لیکن پاکستان کی دو بڑی سیاسی جماعتوں کے بزرجمہروں کے درمیان ملاقات ہی ایک سیاسی قدم ہے۔ بلاول بھٹو نے کوٹ لکھپت جیل کے باہر جہاں جیالوں نے نہ جانے کیوں جشن کا سماں باندھا ہوا تھا،گھوڑوں کا ناچ ہو رہا تھا ، غبارے اڑائے جا رہے تھے انکشاف کیا کہ ملاقات میں میثاق جمہوریت کا دائرہ کار بڑھانے پر اتفاق ہوا ہے ۔خیال تو بڑا نیک ہے لیکن ایسی باتیں ہماری سیاسی جماعتوں کو صرف اپوزیشن میں بیٹھ کر ہی کیوں یاد آتی ہیں ۔پہلا میثاق جمہوریت مئی 2006ء میں لندن میں میاں نوازشریف اور بے نظیر بھٹو کے درمیان اس وقت ہوا تھا جب دونوں رہنما پرویزمشرف کی عائد کردہ جلاوطنی کی سزا کاٹ رہے تھے ۔بے نظیر بھٹو کی شہادت کے بعد 2008ء کے عام انتخابات میں پیپلزپارٹی کی برسر اقتدار آئی اور میثاق جمہوریت پرعمل کرنے کی مقدور بھر کوشش کی۔18ویں ترمیم کے تحت صوبوں کو مالی طور پر مضبوط کیا گیا اور 1973ء کے آئین میں دی گئی صوبائی خود مختاری کو تقویت دی گئی۔ ملک میں پہلی مرتبہ میڈیا پر کوئی قدغن نہیں تھی اور نہ ہی پکڑ دھکڑ کا سلسلہ شروع کیا بلکہ یہ کہنا بے جا نہ ہو گا کہ اس دور میں کوئی سیاسی قیدی نہیں تھا۔قومی اسمبلی میں بطور وزیراعظم یوسف رضا گیلانی کی قیادت میں پیپلزپارٹی اور اپوزیشن میں اچھا تال میل تھا لیکن میاں برادران سے زیادہ صبر نہ ہوسکا اور وہی پرانے ہتھکنڈے آزمائے جانے لگے۔ کہا جاتا ہے کہ دونوں جماعتوں میں اختلافات کا آغاز 2009 ء میں سپریم کورٹ کے ہاتھوں وزیراعلیٰ پنجاب شہبازشریف کی نااہلی کے بعد صدر آصف زرداری کی جانب سے پنجاب میں گورنر راج کے نفاذ اور اختیارات گورنر سلمان تاثیر کو دینے سے ہوا تھا ۔بعدازاں میاں نوازشریف مقتدر قوتوں کی خوشنودی کے لیے کالا کوٹ پہن کر پاکستان کے امریکہ میں سفیر حسین حقانی کے خلاف میمو گیٹ کیس میں جس کا اصل ہدف آصف زرداری اور ان کی حکومت تھی سپریم کورٹ پہنچ گئے۔اس دور میں برادر خورد شہبازشریف کو حبیب جالب یاد آنا شروع ہو گئے اوراکثر اپنے جلسوں اور اجلاسوں میں ترنم کے ساتھ جالب کے شعر گنگنانے لگے ۔ ایسے دستورکو صبح بے نور کو میں نہیں مانتا میں نہیں جانتا اس پر مستزادیہ کہ جوش خطابت میں شہبازشریف یہ کہتے ہوئے کہ زربابا اور چالیس چوروں کو نہیں چھوڑوں گا مائیک تک توڑ دیتے تھے ۔جب میاں نواز شریف نے انتخابات جیتے تو آصف زرداری نے انتخابی نتائج تسلیم کرتے ہوئے انھیں خوشدلی سے ’جی آیاں نوں‘ کہا۔ میاں صاحب کی نیت صاف نہیں تھی اس کے باوجود 2014ء میں عمران خان کے دھرنے کے موقع پر آصف زرداری نے ان کی حکومت کو بچایا لیکن جب آصف زرداری کی اس وقت کی فوجی قیادت سے ٹھنی تو میاں صاحب صاف طرہ دے گئے اور ان کے اعزاز میں طے شدہ ظہرانہ بھی منسوخ کر دیا۔ بعدازاں لند ن میں جب میاں نوازشریف کا بائی پاس ہوا تو آصف زرداری نے ان کی مزاج پرسی نہیں کی تھی اور صحت یاب ہونے کے بعد میاں صاحب پیپلزپارٹی کے شریک چیئرمین سے ملاقات کرنے کے لیے لندن کی خاک چھانتے رہے لیکن زرداری صاحب ان کے ہاتھ نہ آئے۔ پیپلزپارٹی اور مسلم لیگ (ن) کی سب سے بڑی لغزش میثاق جمہوریت کی روح کے مطابق 1973ء کے آئین میں باقیات ضیاء ترامیم کو ختم نہ کرنا تھا۔ خاص طور پر آرٹیکل 62اور 63جن کے تحت کسی بھی سیاستدان کو صادق اور امین نہ ہونے کی بنا پر زندگی بھر کے لیے نااہل قرار دیا جا سکتا تھا۔ اسی طرح نیب کی جگہ منصفانہ ،بے لاگ اور شفاف احتساب کے نظام کے لیے پارلیمنٹ میں کوئی سعی نہیں کی گئی۔اب جیل میں ملاقات کے دوران مبینہ طور پر نوازشریف نے یہ بات تسلیم کی کہ آرٹیکل 62اور 63کو ختم کر دینا چاہیے تھا لیکن جب میاں صاحب پراقتدار کا بھوت سوار تھا ان کی سوچ صرف اس حد تک تھی کہ کل کو ایسی شقیں ان کے خلاف نہیں بلکہ ان کے مخالفین کے خلاف استعمال ہونگی ،نیب کے بارے میں بھی یہی طرز عمل تھا لیکن یہ کہ دونوں جماعتوں کی لیڈر شپ کو بعداز خرابی بسیار یہ احساس ہے کہ ’لو اپنے دام میں صیاد آ گیا‘ ۔اب تو یہی کہا جا سکتا ہے کہ سب کچھ لٹا کر ہوش میں آئے تو کیا کیا۔ اس وقت لاڈلے وزیراعظم عمران خان کا طوطی بول رہا ہے اور تمام اپوزیشن کو نیب اور ایف آئی اے کے ذریعے دیوار سے لگا دیا گیا ہے ۔ اس صورتحال میں پیپلزپارٹی اور مسلم لیگ(ن)کا ایک دوسرے کو جپھی ڈالنا فطری ہے۔دونوں جماعتوں کا دوبارہ مل کے کریں آہ وزاریاں‘کرنا فطری امر ہے ۔دونوں جماعتیں اس وقت کے انتظار میں ہیں کہ کب عمران خان کمزور ہوں اور یہ شب خون ماریں ۔ پیپلزپارٹی کے شریک چیئرمین آصف زرداری کا تجزیہ ہے کہ یہ گاڑی زیادہ عرصہ نہیں چلے گی لیکن فی الحال عمران خان کی حکومت کی اقتصادی اور گورننس کے محاذ پر کمزوریوں بلکہ کوتاہیوں کے باوجود موجودہ سیاسی اور فوجی قیادت کے درمیان مثالی تال میل ہے ۔جس کی روشنی میں پارلیمنٹ کی حد تک تو محاذ آرائی جاری رکھی جا سکتی ہے لیکن عوام کو سٹرکوں پر لانے کا وقت ابھی نہیں آیا کیونکہ ایسی کوششیں ایک مخصوص ماحول میں ہی باور آور ہوتی ہیں ۔ بلاول بھٹو نے کہا کہ میاں نوازشریف واقعی شدید علیل ہیں اور دل کے مریض کا علاج تناؤ میںنہیں ہو سکتا۔ انھیں بہتر علاج کی سہولتیں فراہم کرنا حکومت کی ذمہ داری ہے ۔درحقیقت جو ڈاکٹرز میاں نوازشریف کے میڈیکل کیس سے بخوبی آگاہ ہیں ان کی مسلمہ رائے ہے کہ انھیں دل کے عارضے کے علاج کی فوری ضرورت ہے اور یہ معاملہ اس لیے بھی پیچیدہ ہے کہ اگرکوئی پروسیجر کرنا پڑا جس میں سٹنٹنگ یا انجیو گرافی شامل ہیں تو پاکستان کاکوئی بھی ڈاکٹر انھیں ہاتھ لگانے سے ہچکچائے گا ۔لندن میں جب ان کا دوسری بار دل کا پروسیجر کیا گیا تو ان کی ایک آرٹری پنکچر ہو گئی تھی اور خوش قسمتی سے ہی ان کی جان بچی تھی ۔ حکومت کو بھی اپنے زیراہتمام کروائے گئے متعدد میڈیکل بورڈزسے اس حقیقت کا کسی حد تک ادراک ہو گا ۔ اسی لیے کہا جا رہا ہے کہ میاں صاحب پاکستان کے جس ہسپتال سے علاج کروانا چاہیں کروا سکتے ہیں لیکن شاید انھیںعلاج کے لیے اپنے معالج کے پاس لندن بھیجنے کا کڑوا گھونٹ پینا ہی پڑے گا ، خواہ یہ فیصلہ سپریم کورٹ کے ذریعے ہو یا حکومت خود کرے۔ کیونکہ حکومت بھی نہیںچاہے گی جیسا کہ خورشید شاہ نے کہا کہ نوازشریف کو کچھ ہواتو ذمہ دار حکومت ہو گی ۔ جہاں تک بلاول بھٹو کی اس بات کا تعلق ہے کہ کوئی این آر او نہیں ہو رہا ان کا تجزیہ درست ہو گا لیکن جی ٹی روڈ والے نوازشریف اور منہ سے آگ برسانے والی محترمہ مریم نواز کی خاموشی معنی خیز ضرورہے ۔
بشکریہ 92نیوز