Category کھیل

ویلنگٹن (ویب ڈیسک) نیوزی لینڈ کرکٹ بورڈ کی جانب سے اچانک سیکیورٹی کا بہانہ بناکرسیریز منسوخ کر دی.جس کےبعد پاکستان کرکٹ بورڈ سمیت شائقین نے مایوسی کا اظہار کیا ہے.تازہ ترین تفصیلات کے مطابق نیوزی لینڈ کرکٹ بورڈ کی جانب سے پاکستان کو ایک پیشکش کی گئی جس میں کہا گیا کہ جلد ازجلد میچز کھیلنے کو تیارہیں تاہم فی الحال پاکستان نہیں آسکتے.ان کا کہنا ہے کہ نیوٹرل وینیوپر میچز کھیل لیں۔ ذرائع کے مطابق نیوزی لینڈ کرکٹ بورڈ نے پاکستان کرکٹ بورڈ کو خط لکھا ہے ، جس میں پیشکش کی ہے کہ پاکستان سے جلدازجلد میچز کھیلنے کو تیار ہیں ،فی الحال پاکستان نہیں آسکتے۔پی سی بی چیئرمین رمیزراجہ نے بھی سخت ردعمل کے بعد نیوزی لینڈبورڈ کو خط کا جواب لکھ دیا ہے ۔

ڈیلاس(ویب ڈیسک) پاکستانی نژاد برطانوی باکسر عامر خان کو امریکی ائیرلائن نے دوران پرواز جہاز سے نیچے اتاردیا۔
غیر ملکی خبر رساں ادارے کے مطابق برطانوی باکسر عامر خان کو اس وقت مشکل حالات کا سامنا کرنا پڑا جب دوران پرواز امریکی ائیرلائن نے ماسک صحیح طریقے سے نہ پہننے پر انہیں جہاز سے نیچے اتاردیا، امریکی ائیرلائن کے مطابق پرواز نیو آرک سے ڈیلاس جارہی تھی کہ اس دوران 2 مسافروں نے ماسک صحیح انداز سے نہیں پہنا ہوا تھا جس پر عملے نے درخواست کی لیکن مسافروں کے انکار پر پرواز واپس لوٹ آئی اور مسافروں کو نیچے اتاردیا گیا۔
دوسری جانب باکسر عامر خان نے ٹوئٹر پر کہا کہ امریکی ائیرلائن کی جانب سے سفر پر پابندی انتہائی نامناسب حرکت ہے، میں نے کچھ غلط نہیں کیا تھا تاہم مجھے اور میرے دوست کو پھر بھی جہاز سے پولیس نے نیچے اتارا، اگر میں نے کچھ غلط کیا ہے تو ثبوت کے طور پر ویڈیو دکھائی جائ

نیوزی لینڈ(ویب ڈیسک) نیوزی لینڈ کے میڈیا نے دعویٰ کیا ہےکہ انٹیلی جنس اتحاد کی جانب سے خطرے سے آگاہ کرنے پر نیوزی لینڈ نے پاکستان کا دورہ منسوخ کرنے کا فیصلہ کیا۔
نیوزی لینڈ میڈیا کی رپورٹ میں کہا گیا ہےکہ پانچ ملکی انٹیلی جنس اتحاد نے نیوزی لینڈ ٹیم کو دورہ پاکستان ختم کرنے کا کہا، نیوزی لینڈ،آسٹریلیا،کینیڈا،امریکا اور برطانیہ کے انٹیلی جنس اتحاد نے خطرے سے آگاہ کیا۔

نیوزی لینڈ میڈیا کا کہنا ہے کہ پانچ ملکی انٹیلی جنس اتحاد کا بتایا گیا سکیورٹی خطرہ قابل اعتماد سمجھا گیا اور نیوزی لینڈ کی حکومت نے کرکٹ حکام کے فیصلے کی حمایت کی۔میڈیا رپورٹ کے مطابق نیوزی لینڈ، پاکستان کی حکومتوں اورکرکٹ بورڈزکے درمیان 12 گھنٹے گفتگو ہوئی، حکومتوں اور بورڈز کی اس طویل گفتگو کے بعد دورہ ختم کیا گیا۔
واضح رہےکہ گزشتہ روز پاکستان اور نیوزی لینڈ کے میچ سے کچھ دیر پہلے نیوزی لینڈ نے سکیورٹی وجوہات کو بنیاد بناکر پاکستان کا دورہ منسوخ کردیا جس کے بعد دونوں ممالک کے درمیان سیریز بھی ملتوی ہوگئی۔

راولپنڈی (ویب ڈیسک) نیوزی لینڈکرکٹ بورڈ کی جانب سے پاکستان میں ہونے والی سیریز سیکیورٹی کی بنا پرمنسوخ کر دی گئی ہے جس کے بعد نیوزی لینڈ کی ٹیم واپس وطن جا رہی ہے .تفصیلات کے مطابق نیوزی لینڈ کرکٹ ٹیم کی طرف سے اچانک سیریز منسوخ کرکے واپس وطن جانے کے لیے تیاریاں جاری ہیں۔ نیو اسلام آباد انٹرنیشنل ائیرپورٹ پر ٹیم کی واپسی کی موومنٹ کے دوران انتظامات اسپیشل برانچ نے سنبھال لیے۔سیکیورٹی نقطہ نگاہ سے نیوزی لینڈ ٹیم کی واپسی کا حتمی وقت خفیہ رکھا گیا ہے۔ تاہم ٹیم کی واپسی شام 4 بجے سے 6 بجے کے درمیان تک متوقع ہے۔

راولپنڈی (ویب ڈیسک) پاکستان اور نیوزی لینڈ کے درمیان ہونے والے پہلے ون ڈے میچ کومنسوخ کردیا گیا ہے ۔تفصیلات کے مطابق پاکستان اور نیوزی لینڈ کے درمیان تین ایک روزہ میچوں کی سیریز کا آج پہلا میچراولپنڈی اسٹیڈیم میں دوپہر ڈھائی بجے شروع ہونا تھا مگر اسے منسوخ کر دیا گیا. مہمان ٹیم نیوزی لینڈ کے کھلاڑیوں میں کووڈ کیس سامنے آنے کی وجہ سے یہ میچ منسوخ کیاگیا ہے۔
ابھی تک پی سی بی کی طرف سے میچ منسوخ کرنے کا باقاعدہ اعلان نہیں کیا گیا تاہم ذرائع کا کہنا ہے کہ مہمان ٹیم کے تین کھلاڑی کورونا وائرس کا شکار ہو گئے ہیں۔
شائقین کو اسٹیڈیم میں داخل ہونے کی اجازت نہیں دی گئی جبکہ پاکستان اور نیوزی لینڈ دونوں ٹیموں کے کھلاڑی بھی ہوٹل میں ہی موجود ہیں۔

لاہور (ویب ڈسیک)قومی کرکٹ ٹیم کے لیے بڑی خوشخبری سامنے آئی ہے.تفصیلات کے مطابق قومی کرکٹ سکواڈ کو چھٹیاں دینے کا فیصلہ کیا گیا ہے .
نیوزی لینڈ کے خلاف سیریز کھیلنے کے بعد قومی کرکٹ اسکواڈ کوآرام دینے اور اگلی سیریز کے لیے تازہ دم رہنے کے لیے چھٹیاں دینے کا فیصلہ کیا گیا ہے۔
ذرائع کے مطابق آئی سی سی ٹی ٹوئنٹی ورلڈ کپ سے قبل کھلاڑیوں‌کو مسلسل بائیو سکیور ببل میں نہیں رکھا جائے گا بلکہ ان کو چھٹیاں دی جائیں گی تاکہ کرکٹرز جسمانی اور دماغی طور پر تازہ دم رہیں۔
انگلینڈ کے خلاف ٹی ٹوئنٹی سیریز کھیل کر قومی کرکٹرز متحدہ عرب امارات جائیں گے جہاں آئی سی سی ٹی ٹوئنٹی ورلڈ کپ کا آغاز 17 اکتوبر سے ہو گا۔

کراچی (ویب ڈیسک)پاکستان کرکٹ ٹیم کے سابق بولنگ کوچ وقار یونس نے بالاخر اپنا استعفیٰ دینے کی وجہ بتا دی .ان کا کہنا تھا کہ میرے استعفے کی وجہ مصباح کااستعفیٰ دینا بھی ہے.اس کے استعفے کے بعد میرا عہدہ رکھنے کاجواز نہیں بنتا تھا .اس کے علاوہ کووڈ 19 بھی استعفیٰ دینے کی ایک وجہ ہے. وقار یونس کا مزید کہنا تھا کہ مجھے اور مصباح کو اندازہ تھا کہ ہمیں نکالا جائے گا اس لیے ہم نے خود ہی استعفیٰ دے دیا۔رمیز راجا کے چئیرمین بننے کے حوالے سے بات کرتے ہوئے ان کا کہنا تھا کہ ان سے بہتر کرکٹ کوئی نہیں سمجھے گا.اس حوالے سے باقیوں کے ردعمل کا جواب دیتے ہوئے وقار یونس کا کہنا تھا کہ کوچنگ کے بارے میں عاقب جاوید کو تو بولنا ہی نہیں چاہیے جبکہ وسیم اکرم بطور کو چ کامیاب رہے لہذٰا انہیں پاکستان کرکٹ بورڈ میں بھی آناچاہیے۔
قومی ٹیم کی سلیکشن پر بات کرتے ہوئے ان کا کہنا تھا کہ اس معاملے میں میرا کوئی کردار نہیں رہا اور نہ ہی سرفرازکوکپتانی سےہٹانےکےفیصلےسےمیراکوئی لینا دینا تھا۔
ایمرا

لاہور(ویب ڈیسک)مختلف لوگوں کے مختلف مشاغل ہوتے ہیں اور انہیں وہ کام کرکے سکون ملتاہے اور مزہ اتاہے،،کرکٹر بھی اسی طرح ہی ہیں کہ انہیں کچھ کاموں سے سکون متاہے،،معین خان کا حالیہ بیان بھی کچھ ایساہی ہے کہ جسے دلچسپ نظروں سے دیکھاجارہاہے..قومی کرکٹ ٹیم کے سابق کپتان معین خان کا کہنا ہےکہ رمیز راجہ کے قول و فعل میں کوئی تضاد نظر نہیں آیا، رمیز راجا اپنی پالیسیوں میں واضح ہیں، اب پاکستان کرکٹ میں فرق نظر آئےگا۔

لاہور میں میڈیا سے گفتگو کرتے ہوئے معین خان کا کہنا تھا کہ اعظم خان پر تنقید ہونے پر مجھے بہت مزہ آتا ہے، یہی تنقید اعظم کو بڑا کھلاڑی بنائےگی، تنقید کھلاڑی کے لیے اچھی ہوتی ہے ۔

معین خان کا کہنا تھا کہ اعظم خان میں صلاحیتیں ہیں، اس کو نظر انداز نہیں کرنا چاہیے ،میں نےکوئی سفارش نہیں کی، میری تو کوئٹہ گلیڈی ایٹرز میں بھی اعظم کے لیے سفارش نہیں چلتی۔اس موقع پر سابق فاسٹ بولر عاقب جاوید کا کہنا تھا کہ عرصہ دراز کے بعد ایسا چیئرمین دیکھا ہے جس میں اتنی انرجی ہے، رمیز راجہ کی عمر بھی کم ہے وہ کام کرسکتے ہیں، وہ کرکٹ کا وسیع تجربہ رکھتے ہیں۔

لاہو(ویب ڈیسک )قومی کرکٹ ٹیم کے سابق کپتان رمیز راجا پی سی بی کے نئے چئیرمین منتخب ہوگئے ہیں۔

پاکستان کرکٹ ٹیم کے سابق کپتان اور معروف کمنٹیٹر رمیز راجا بلامقابلہ پی سی بی کے 36 ویں چئیرمین منتخب ہوگئے، عبدالحفیظ کاردار، جاوید برکی اور اعجاز بٹ کے بعد وہ چوتھے کرکٹرز اور تیسرے سابق کپتان ہیں، جنہوں نے بطور سربراہ کرکٹ بورڈ کا چارج سنبھالا ہے۔

نیشنل ہائی پرفارمنس سینٹر میں چیف الیکشن کمشنر جسٹس ریٹائرڈ عظمت شیخ کی جانب سے گورننگ بورڈ کے خصوصی اجلاس میں رمیز راجا کے مقابلے میں کوئی امیدوار سامنے نہیں آیا جس کے بعد چیف الیکشن کمشنر نے رمیز راجا کے کرکٹ بورڈ کے نئے سربراہ بننے کا باقاعدہ اعلان کردیا۔
گورننگ بورڈ کے اس اجلاس میں اسد علی خان، جواد قریشی، عاصم واجد جواد،عارف سعید اوعالیہ ظفر نے شرکت کی۔ پی سی بی کے چیف ایگزیکٹو وسیم خان بھی اس اہم اجلاس کا حصہ تھے۔ اجلاس کے شرکا نے رمیز راجا پر بھرپور اعتماد کا اظہار کیا جس کے بعد انہوں نے چئیرمین کی کرسی پر بیٹھ کرچیف الیکشن کمشنر اور بورڈ ممبران کا شکریہ اداکیا۔ رمیزراجا نے کرکٹ کی بہتری کے لیے مستقبل کے پلانز پر روشنی ڈال

لاہور(ویب ڈیسک) پاکستان کرکٹ بورڈ کے نئے چیئرمین کے انتخاب کے لیے پی سی بی کے بورڈ آف گورنرز کا خصوصی اجلاس پیر کوہوگا۔

36 ویں چیئرمین پی سی بی کے انتخاب کے لیے پاکستان کرکٹ بورڈ کے بورڈ آف گورنرز کا خصوصی اجلاس صبح 11 بجے نیشنل ہائی پرفارمنس سینٹر لاہور میں منعقد ہوگا جہاں پی سی بی کے الیکشن کمشنر جسٹس ریٹائرڈشیخ عظمت سعید خصوصی اجلاس کی صدارت کریں گے۔گورننگ بورڈ کے دیگر ممبران عاصم واجد جواد ، عالیہ ظفر، اسد علی خان ، عارف سعید، جاوید قریشی، رمیز راجہ اور وسیم خان اس خصوصی اجلاس میں شرکت کریں گے۔اجلاس کے بعد پی سی بی کے نو منتخب چیئرمین دوپہر 2 بجے کے بعد نیشنل ہائی پرفارمنس سینٹر لاہور میں واقع باب وولمر انڈور اسکول میں پریس کانفرنس کریں گے۔

تمام افراد کی صحت اور حفاظت کے پیش نظر پی سی بی کے کووڈ 19 پروٹوکولز کے تحت صرف رپورٹرزکو کانفرنس میں شرکت کی اجازت ہوگی جب کہ ان افراد کو اپنا کووڈ ویکسی نیشن سرٹیفکیٹ بھی ہمراہ لانا ہوگا۔واضح رہےکہ پاکستان کرکٹ بورڈ کے پیٹرن ان چیف کی حیثیت سے وزیراعظم عمران خان نے سابق کرکٹر رمیز راجہ کے بطور چیئرمین بورڈ تقرری کی منظوری دی ہے۔