All posts by Dua Tariq

نائیجیر :نائیجیریا کی شمال مغربی ریاست زمفارا میں مسلح افراد کے ایک گروہ کے حملے میں 7فوجیوں سمیت 34 افراد ہلاک ہو گئے۔برطانوی اخبار کے مطابق ریاست کے علاقے مارو کے دور دراز دان گلبی نامی ضلع میں مسلح افراد کے گروہ نے حملہ کیا جس میں 27 دیہاتی ہلاک ہو گئے جبکہ کمیونٹی کی مدد کے لیے جاتے ہوئے 7 فوجی اہلکاروں کو موت کے گھاٹ اتار دیا۔

سڈنی: آسٹریلیا کے جنوب مغربی ساحلی علاقے چینیز میں 51وہیل پھنس کر ہلاک ہوگئی ہیں۔چینی خبررساں ادارے کے مطابق آسٹریلیا کے محکمہ حیاتیاتی تنوع ڈی بی سی اے کے ترجمان نے بتایا کہ جنوب مغربی ساحل پر پھنسی 51وہیل ہلاک ہوگئی ہیں۔انہوں نے بتایا کہ گزشتہ روز اطلاع موصول ہوئی تھی کہ پائلٹ وہیلز کا ایک جھنڈ چینیزکے ساحل سے تقریبا 150میٹر کے فاصلے پر پھنسا ہوا ہے جس کے فور ی بعد پرتھ چڑیا گھر کے جانوروں کے ڈاکٹر اور سمندری حیوانات کے ماہرین کے ساتھ ساتھ خصوصی سازوسامان سے لیس ڈی بی سی اے کے تجربہ کار عملے کو تعنیات کیا گیا جنہوں نے بتایا کہ 51وہیل راتوں رات ہلاک ہوچکی ہیں تاہم 46زندہ وہیل ساحل کے قریب موجود ہیں۔انہوں نے مزید بتایا کہ پارکس اور وائلڈ لائف سروس کے اہلکار رجسٹرڈ رضاکار اور دیگر تنظیموں کے نمائندے باقی 46 وہیلز کو گہرے پانی میں واپس دھکیلنے کی کوشش کر رہے ہیں۔انہوں نے مزید بتایا کہ ممکنہ مردہ اور زخمی وہیلزشارک کو ساحل کے قریب آنے پر راغب کرسکتی ہیں اس لیے سیاح اور مقامی افراد ساحل سمندر سے دور رہیں۔

ہرارے:ڈربن قلندرز نے ہرارے اسپورٹس کلب میں زیم افرو ٹی 10 کے افتتاحی ایڈیشن کے ایک اور میچ میں جوبرگ بفیلوز کو 2 رنز سے شکست دیکر پوائنٹس ٹیبل پر اپنی پوزیشن مزید مستحکم کرلی۔ ان کی جیت میں نمایاں کردار پاکستانی کھلاڑی آصف علی کا رہا جنہوں نے 10 گیندوں پر ناقابل شسکت 31 رنز بنائے جس میں چھکوں کی ہیٹ ٹرک بھی شامل تھی۔ پہلے بیٹنگ کرتے ہوئے ڈربن قلندرز نے اچھا آغاز کیا اور ٹم سیفرٹ نے جوبرگ بفیلوز بالرز کی بھرپور پٹائی کی۔ سیفرٹ نے قلندرز کو 50 رنز کا ہندسہ عبور کرنے میں مدد کی وہ 20 گیندوں پر 46 رنز بنا کر پویلین لوٹے ۔ آندرے فلیچر نے بھی برتری حاصل کرنے کی کوشش کی لیکن وہ 9 رنز بنا کر آوٹ ہو گئے جس کے بعد کریگ اروین (30*) اور آصف علی کی جوڑی نے ذمہ داری سنبھالی۔اس جوڑی نے ٹیم کو 63 رنز کی مضبوط شراکت فراہم کی جس قلندرز کو اننگز کے آخری مرحلے میں بڑا حوصلہ ملا۔ آصف علی نے چھکوں کی ہیٹ ٹرک سے اننگز کا اختتام کیا جس کی بدولت قلندرز نے مقررہ 10 اوورز میں 3 وکٹوں کے نقصان پر 121 رنز بنائے۔ آصف نے 10 گیندوں پر ناقابل شکست 31 رنز بنائے جس میں 4 چھکے بھی شامل تھے۔ جواب میں بفیلوز ا آغاز سست رہا اور انہوں نے اپنے اوپنرز کو جلد ہی کھو دیا۔ ملٹن شمبا کو محمد عامر نے 9 اور ول سمیڈ کو 7 رنز پر ٹینڈائی چتارا نے آوٹ کیا۔ اس کے بعد محمد حفیظ اور یوسف پٹھان کی جوڑی کھیلنے آئی ر تجربہ کار بلے بازوں نے ٹیم کو اننگز کو مضبوط کیا۔ انہوں نے 34 رنز کی شراکت قائم کی جس کے سبب بفیلوز نے 50 رنز کا ہندسہ عبور کیا یوں لگ رہا تھا کہ وہ یہ میچ آسانی سے جیت لیں گے تاہم 13 گیندوں پر 30 رنز بنانے والے کپتان حفیظ چھٹے اوور میں آوٹ ہونے والے اگلے کھلاڑی تھے۔بفیلوز کو آخری اوور میں جیت کے لئے 21 رنز کی ضرورت تھی۔ رحیم نے آخری اوور میں 4 چوکے لگائے تاہم بفیلوز 2 رنز سے شکست کھاگئی۔

ہرار:زیم ایفرو ٹی 10 میں ہرارے ہریکینز نے کیپ ٹاون سمپ آرمی کے خلاف میچ سخت مقابلے کے بعد سپر اوور میں جیت لیا ۔ آخری اوور میں ہریکینز کیایس سری سانتھ نے میچ کو سپراوور میں پہچادیا تھا۔ پہلے بیٹنگ کرتے ہوئے ہرارے ہریکینز نے اچھا آغاز نہیں کیا رابن اتھپا (0) اور ریجس چکابا (0) پہلے ہی اوور میں آوٹ ہوئے جبکہ ایون لیوس (3) تیسرے اوور میں شیلڈن کوٹریل کے ہاتھوں آوٹ ہوئے۔فیریرا نے جلد ہی اپنی نصف سنچری مکمل کی اور انہیں اننگز کے دوسرے ہاف میں لیوک جونگوے کا ساتھ ملا۔ دونوں نے ساتویں وکٹ کے لیے 57 رنز کی شراکت قائم کی جس میں فریرا نے زیادہ تر بیٹنگ کی انہوں نے 87 رنز کی ناقابل شکست اننگز کھیلی اور 33 گیندوں پر 8 چھکے اور 6 چوکے لگائے جس کے سبب ان کی ٹیم اسکور 6 وکٹوں کے نقصان پر 115 تک لے جانے میں کامیاب رہی۔ جواب میں اسمپ آرمی کے بلے بازوں رحمان اللہ گرباز اور تاڈیواناشے مارومانی نے اچھا آغاز کیا انہوں نے 32 رنز کی شاندار اوپننگ پارٹنرشپ قائم کی۔ دونوں بلے باز ٹورنامنٹ میں اچھی فارم میں رہے ہیں مارومانی 10 رنز بناکر آوٹ ہوئے جس کے بعد گرباز اور بھانوکا راجا پاکسے نے ذمہ داری سنبھالی۔آخری اوور میں شان ولیمز شاندار فیلڈنگ کی بدولت رن آوٹ ہوگئے ۔ سری سانتھ نے کھیل جاری رکھا تاہم وہ میچ کو سپر اوور تک لے گئے کیونکہ آخری بال کے بعد اسکور برابر ہوگیا تھا۔ ٹورنامنٹ میں سری سانتھ کا یہ پہلا میچ تھا۔سپر اوور اسمپ آرمی نے ہریکینز کو جیت کے لئے 8 رنز کا ہدف دیا۔ ڈونووان فریرا اور محمد نبی نے ہریکینز کی جانب سے یہ چلینج قبول کرتے ہوئے بغیر کسی نقصان مطلوبہ ہدف حاصل کرلیا۔

ہرارے :ہرارے اسپورٹس کلب میں جوبرگ بفیلوز نے شاندار کارکردگی کا مظاہرہ کرتے ہوئے بولاوایو بریوز کو 14 رنز سے شکست دیکر پوائنٹس ٹیبل پر چوتھے نمبر پر پہنچ گئے۔پہلے بیٹنگ کرتے ہوئے جوبرگ بفیلوز کا آغاز سست تھا اور اس نے اپنے اوپنر ملٹن شومبا (0) کو بہت جلد کھو دیا۔ اس کے فورا بعد ہی ٹام بینٹن، جو حال ہی میں اچھی فارم میں ہیں، 8 رنز بنا کر رن آوٹ ہو گئے اور اسکور 40/2 تھا۔اس موقع پر محمد حفیظ خطرناک دکھائی دے رہے تھے اور ان کے ساتھ یوسف پٹھان بھی تھے۔ یہ دونوں تجربہ کار بلے بازوں نے عمدہ کھیل پیش کرتے ہوئے بفیلوز کی جیت میں اہم کردار ادا کیا۔ محمد حفیظ 11 گیندوں پر 31 رنز بنا کر آوٹ ہوئے انہوں نے 2 چھکے اور 4 چوکے لگائے۔بفیلوز نے مقررہ 10 اوورز میں 4 وکٹوں کے نقصان پر 97 رنز بنائے۔ یوسف 36 رنز بناکر ناٹ آوٹ رہے جبکہ رحیم نے 13 رنز کا اضافہ کیا۔جواب میں بولاوایو بریوز نے کوبے ہرفٹ (1)، بین میکڈرموٹ (10) اور بیو ویبسٹر (0) کی ابتدائی تین وکٹیں گنوا دیں۔ تاہم ان کے کپتان اور بیٹنگ آرڈر کی ریڑھ کی ہڈی سکندر رضا آئے اور ٹیم کو سنبھالا دیا ۔ ٹورنامنٹ میں اب تک دو نصف سنچریاں بنانے والے رضا زیادہ دیر نہ ٹیک سکے اس کے بعد برل کی وکٹ محمد حفیظ نے حاصل کی اس وقت اسکور 5 اوورز میں4 وکٹوں کے نقصان پر 42 رنز اور بریوز کو جیت کے لیے مزید 56 رنز درکار تھے۔آخری اوور میں بریوز کو مزید 16 رنز درکار تھے لیکن جونیئر ڈالا نے شاندار بولنگ کرتے ہوئے صرف ایک رن دیا اور جیک پرسٹویج (0) اور پیٹرک ڈولی (0) کی وکٹیں حاصل کرکے اپنی ٹیم کی جیت کو یقینی بنادیا۔

کراچی : اداکار اور ماڈل عمران عباس نے کہا ہے کہ وائرل ہونے کے لیے ٹاک شوز میں اداکاروں کی تذلیل کی جاتی ہے۔اداکار عمران عباس نے ٹاک شوز اور پوڈ کاسٹ سے متعلق سوشل میڈیا پوسٹ میں کہا کہ ٹاک شوز کے میزبان کے پروگرام میں شریک مہمان کو ساتھی اداکار کے بارے میں منفی یا متنازع بات کہنے پر کیوں اصرار کرتے ہیں۔ ان کے لیے کیوں اہم ہے کہ مہمان دوسرے اداکار کی بے عزتی کریں۔ کیا پروگرام کو وائرل کرنے کا یہی ایک طریقہ ہے ۔ ا نہوں نے کہاکہ وہ ایسے پروگرامز میں شرکت نہیں کرتے جس میں میزبان شہرت کے لیے کچھ بھی کرنے کو تیار ہوجاتے ہیں۔ ایسے لوگوں کو کوئی جانتا نہیں اور انہوں نے زندگی میں کوئی بڑا کام نہیں کیا ہوتا وہ نامور شخصیات کی ذاتی زندگی حتی کہ مذہب اور عقائد کے بارے میں بھی کھلے عام بات کرتے ہیں۔ عمران عباس نے صورتحال پر افسوس کا اظہار کرتے ہوئے کہا کہ صرف ویوز حاصل کرنے کے لیے کسی کو نیچا دکھانے کی شدید مذمت کرتا ہوں۔ ساتھی اداکاروں سے درخواست ہے کہ وہ ان مضحکہ خیز ٹاک شوز کا حصہ بننا چھوڑ دیں اور زبان پر قابو رکھیں۔

ممبئی: بھارت نے ہالی ووڈ فلم اوپن ہائیمر کے ایک منظر میں مقدس کتاب گیتاکی توہین آمیز مناظر کو حذف کرنے کا مطالبہ کیا ہے ۔ سوشل میڈیا پر کئی ہندو بھارتی صارفین نے فلم کے ایک نازیبا منظر کے دوران اپنی مقدس کتاب گیتا کو پڑھنے پر شدید غم و غصے کا اظہار کیا ہے۔اس حوالے سے کلچر سیو انڈیا فاؤنڈیشن کے رہنما ادے پرکاش نے اپنے ردعمل کا اظہار کرتے ہوئے کہا کہ سینسر بورڈ کی طرف سے اس متنازع منظر کی منظوری دیے جانے پر تفتیش ہونی چاہیئے۔ بھارتی حکومت کے سینٹرل انفارمیشن کمیشن کے ایک سینئرآفیسر ادے مہورکر نے بھی فلم کے ڈائریکٹر کرسٹوفر نولان کو ایک خط لکھا ہے۔اْنہوں نے خط میں لکھا کہ فلم میں ایک ارب روادار ہندوؤں کے مذہبی عقائد پر براہ راست حملہ کیا گیا ہے۔ اْنہوں نے لکھا کہ یہ ہندو برادری کے خلاف جنگ چھیڑنے کے مترادف ہے۔ادے مہورکر مہورکر نے اس خط میں فلم کے ڈائریکٹر پر زور دیا کہ وہ اس منظر کو حذف کردیں۔

ممبئی : بھارت کے مشہور پنجابی گلوکار سریندر شندا 64 سال کی عمر میں چل بسے۔بھارتی میڈیا کے مطابق گلوکار بیماری کے باعث لدھیانہ کے پرائیوٹ اسپتال میں زیرِ علاج تھے جہاں ان کی موت ہوگئی۔ رپورٹس کے مطابق اپنے کیریئر کے دوران انہوں نے کئی مشہور گانے گائے اور متعدد فلموں میں بھی کام کیا۔بھارتی میڈیا کے مطابق گلوکار کی موت پر انڈسٹری کے کئی لوگوں اور سیاستدانوں نے دکھ کا اظہار کیا ہے۔

کراچی:میزبان متھیرا نے نادر علی کو آڑے ہاتھوں لیتے ہوے کہا ہے کہ یو ٹیوبر نادر علی اپنی ریٹنگ بڑھانے کے لئے شوز کے دوران خواتین کو نیچا دکھانے کی کوشش کرتا ہے ۔ ۔ نجی چینل کے پروگرام میں گفتگو کرتے ہوے متھیرا نے کہا کہا کہ ٹھیک ہے، مجھے لگتا ہے کہ نادر علی اخلاقیات کے بارے میں جانتا ہے، وہ جانتا ہے کہ وہ غلط ہے لیکن پھر بھی وہ ویوز اور ریٹنگ کی خاطر متنازع مواد کو جانے دیتا ہے۔متھیرا نے بتایا کہ اس حوالے سے انہوں نے خود تجربہ کیا ہے، انہوں نے نادر علی کے پروگرام میں بطور مہمان شرکت کی تھی، جس کا تجربہ اچھا نہیں رہا، غیر مناسب سوالات کی وجہ سے بار بار ری ٹیک لینے پڑے۔ان کے مطابق نادر علی کو عموماً خواتین پر اعتراض ہوتا ہے، وہ خواتین کے حوالے سے غلط سوالات کرکے انہیں نیچا دیکھانے کی کوشش کرتا ہے۔

اسلام آباد:بنیادی ٹیرف میں اضافے کے بعد ایک اورجھٹکا ، نیپرا نے ایک ماہ کیلئے بجلی کی قیمت میں ایک روپے 81 فی یونٹ اضافے کی منظوری دے دی ۔صارفین پر24 ارب روپے کا اضافی بوجھ پڑے گا،چیئرمین نیپرا نے کہاکہ سستی بجلی ہونے کے باوجود مہنگی کیوں خریدی ، تمام ذرائع ہونے کے باوجود قوم کا پیسہ ضائع کیا جارہا ہے،جتنے ٹاورتباہ ہوئے اس کا ذمہ دار کون ہے ۔ ایچ فاروقی کی سربراہی میں نیپرا میں سرکاری ڈسکوزکی ایک ماہ کیلئے بجلی کی قیمت میں1روپے 88 پیسے فی یونٹ اضافے کی درخواست پرسماعت کی۔ حکام نے بتایاہ ٹرانسمیشن لائنزمیں خرابی کے باعث متبادل اورمہنگے پلانٹس چلائے گئے، چئیرمین نیپرانے پوچھاکہ بجلی چارسے سات روپے میں مل رہی تومہنگی کیوں لی؟این ٹی ڈی سی حکام بولے ہائیڈل کے ٹو اور دیگرسے بجلی لینا پہلی ترجیح ہوتی ہے، ممبر نیپرابولے کہ 2016 سے 2023 تک این ٹی ڈی سی سسٹم پر133 ٹاورتباہ ہوئے،ایسی صورتحال دنیا میں کسی اورملک ہے توبتائیں ؟ این ڈی ڈی سی نے تمام ملبہ موسمیاتی تبدیلی پر ڈال دیا