Category جرم وانصاف

نوجوان ٹک ٹاکر ز کو اسلحہ کیساتھ ویڈیو ز بنانا مہنگا پڑگیا اور پولیس نے اسلحے کی نمائش کرنے والے تین ملزمان کو گرفتار کر لیا۔
پولیس کے مطابق ملزمان کے قبضے سے جدید اسلحہ اورگولیاں بھی برآمد کی گئیں ہیں، گرفتار کیے جانے والے ملزمان کے خلاف مقدمہ درج کر کے حوالات میں بند کردیا گیا ہے۔
واضح رہے کہ ٹک ٹاک پر اسلحہ کی نمائش اور ویڈیو بنانے کے لیے نوجوانوں کی ہلاکت کے واقعات بھی عام ہوگئے ہیں۔

شہر قائد کے علاقے بوٹ بیسن میں نوجوان لڑکے اور لڑکی کے قتل کی تحقیقات میں سنسنی خیز انکشاف ہوا ہے اور اب تک کی تحقیقات میں دہرے قتل کی وجہ سامنے آگئی ، دہرا قتل طے شدہ منصوبہ نہیں تھا بلکہ یہ اچانک ہونے والی لڑائی کے بعد کیا گیا اور قاتل گاڑی میں ہی موجود تھا۔
تحقیقاتی حکام نے بتایاکہ مقتول لڑکی رفع حاجت کرنے کیلئے ایک سنسان جگہ پر رکی، وہیں وہ فور وہیل گاڑی بھی کھڑی تھی جس میں ملزم اسلحے سمیت بیٹھا تھا لیکن اندھیرے کے باعث لڑکی کو نظر نہیں آیا، وہ جب فارغ ہوئی تو پتہ چلا کہ گاڑی میں کوئی موجود ہے جس پر لڑکی نے شور مچایا تو لڑکے اور گاڑی میں بیٹھے ملزم کے درمیان پہلے تلخ کلامی اور پھر لڑائی ہوگئی۔جھگڑے کے بعد گاڑی میں بیٹھے ملزم نے دونوں کو فائرنگ کرکے قتل کیااور پھر مائی کولاچی کی جانب فرار ہو گیا۔
افسوس ہے پیپلزپارٹی اورمسلم لیگ ن اپنے ہی معاہدے سے پھرگئے ،میثاق جمہوریت کی دستاویز اب بھی موجودہے،سپریم کورٹ کے صدارتی ریفرنس پر ریمارکس
تحقیقاتی حکام کا کہنا ہے کہ ایک عینی شاہد نے پولیس کو جھگڑے اور پورے قصے کی تصدیق کردی ہے تاہم تاحال نہ ہی ملزم کی شناخت ہوپائی ہے نہ ہی اس کو گرفتار کیا جاسکا ہے۔خیال رہے کہ یکم فروری کو کراچی کے علاقے بوٹ بیسن میں فائرنگ سے موٹرسائیکل پر سوار خاتون اور مرد جاں بحق ہو گئے تھے جن کی شناخت عدنان اور عینی کے ناموں سے ہوئی تھی۔

فیصل آباد میں ملزم ہتھکڑیوں اور زنجیروں سمیت ہسپتال سے فرار ہو گیا۔
تفصیلات کے مطابق منشیات کیس میں گرفتار ملزم اخلاق کو حالت غیر ہونے پر سول ہسپتال تھانہ سرگودھا روڈ لایا گیا جہاں سے وہ ہتھکڑیوں اور زنجیروں سمیت فرار ہو گیا ۔ ڈیوٹی پر موجود اہلکاروں سے تفتیش شروع کر دی گئی ۔

رائیونڈ روڈ پر رائیاں پنڈ کے قریب کھیتوں سے میاں بیوی کی لاشیں ملی ہیں۔
تفصیلات کے مطابق پولیس کا کہنا ہے کہ مقتولین نے کچھ عرصہ قبل پسند کی شادی کی تھی جنہیں فائرنگ کرکے قتل کیا گیا ہے۔پولیس کا کہنا ہے کہ لاشوں کو قبضے میں لے کر کارروائی کا آغاز کردیا گیا ہے۔

سیدو شریف کے علاقے میں پولیس کی جانب سے چوری کے الزام میں گرفتار 3 خواتین کو تشدد کا نشانہ بنانے کی ویڈیو سوشل میڈیا پر وائرل ہو گئی ہے ، ویڈیو وسامنے آنے کے بعد ایس ایچ او اور دیگر اہلکاروں کو معطل کر دیا گیاہے ۔
تفصیلات کے مطابق پولیس کے مطابق گرفتار خواتین کا تعلق بنوں سے ہے اور وہ سوات میں مبینہ طور پر چوری کی وارداتوں میں مطلوب تھیں، گرفتار خواتین سے 19 تولہ سونا اور ایک لاکھ روپے بھی برآمد کیے گئے۔خواتین کو مقدمے کے اندراج کے بعد جوڈیشل ریمانڈ پر جیل بھیج دیا گیا ہے۔تاہم گرفتاری کے وقت پولیس کی خواتین پر تشدد کرنے اور ان کو گالیاں دینے کی ویڈیو منظر عام پر آئی ہے۔
ویڈیو میں دیکھا جاسکتا ہے کہ سادہ اور وردی میں ملبوس پولیس اہلکار گرفتار خواتین کو تشدد کا نشانہ بناتے ہیں اور انہیں تھپڑاور لاتیں بھی مارتے ہیں۔ واقعہ کی ویڈیو سامنے آنے کے بعد ڈی پی او دلاور خان بنگش نے ایس ایچ او سیدو شریف پولیس سٹیشن رفیع اللہ ، ایڈیشنل ایس ایچ او کوکرائی پولیس سٹیشن سب انسپکٹر ایاز ، کانسٹیبل فضل خالق ، محمد عالم ، اسحاق کو معطل کرتے ہوئے فوری طور پر انہیں گرفتار کر نے کا حکم جاری کر دیا ۔تمام اہلکاروں کے خلاف دفعہ 63 کے تحت مقدمہ درج کر لیا گیاہے اور ایس پی انوسیٹی گیشن نظیر خان کو انکوائری کی ذمہ داری سونپ دی گئی ہے ، ایس پی سے چوبیس گھنٹوں میں رپورٹ بھی طلب کر لی گئی ہے ۔

خواجہ آصف کے پروڈکشن آرڈر جاری کرنے کی درخواست پر چیف جسٹس اطہر من اللہ نے ریمارکس دیتے ہوئے کہاکہ منتخب نمائندوں نے 70سال میں پارلیمنٹ کی عزت نہیں کی ، منتخب نمائندے پارلیمنٹ کی عزت کرتے تو عوام کے مسائل حل ہوتے،سیاسی معاملات کیلئے عدالت غیرضروری طور پر استعمال نہیں کریں۔اسلام آبادہائیکورٹ میں خواجہ آصف کے پروڈکشن آرڈرز جاری کیلئے دائر درخواست پر سماعت ہوئی،درخواست میں سیکرٹری قومی اسمبلی سمیت دیگرکو فریق بنایا گیاہے،چیف جسٹس اطہر من اللہ نے درخواست پر سماعت کی،وکیل بیرسٹر محسن شاہ نواز رانجھا عدالت کے سامنے پیش ہوئے۔بیرسٹر محسن شاہ نواز رانجھا نے کہاکہ خواجہ آصف کاپروڈکشن آرڈرز جاری کرنے کالکھا،ابھی تک جاری نہیں کیاگیا ۔
چیف جسٹس اطہر من اللہ نے کہاکہ جمہوریت میں کہاں ہوتا ہے کہ سیاسی نوعیت کے معاملات عدالتوں میں آئیں ،وکیل درخواست گزار نے کہاکہ یہ سیاسی ایشو نہیں ہے،چیف جسٹس ہائیکورٹ نے کہاکہ اپنے فیصلوں میں لکھا ہے کہ عدالت ایسے سیاسی معاملات میں مداخلت نہیں کرتی ۔

چیف جسٹس نے وکیل سے مکالمہ کرتے ہوئے کہاکہ درخواست کو سپیکر کے پاس پیش کردیں ،خواجہ آصف کے پروڈکشن آرڈر جاری ہوچکے ہیں ،اگرپروڈکشن آرڈر جاری ہو چکے ہیں توسپیکر کے پاس جائیں ،وکیل درخواست گزار نے کہاکہ چار بار پروڈکشن آرڈر جاری کئے مگر سیکرٹری قومی اسمبلی عمل نہیں کررہے ،چیف جسٹس اطہر من اللہ نے کہاکہ پارلیمنٹ کی عزت کو ملحوظ خاطر رکھیں ،وکیل نے کہاکہ قومی اسمبلی قوانین کے تحت پروڈکشن جاری کرنا سپیکر کااستحقاق ہے،وکیل درخواست گزار نے کہاکہ سپیکر قومی اسمبلی قابل ضمانت جرم میں میں پروڈکشن آررڈجاری کرسکتا ہے،عدالت سپیکر کو خواجہ آصف کے پروڈکشن آرڈر جاری کرنے کاحکم دے ۔
چیف جسٹس ہائیکورٹ نے کہاکہ درخواست کوالتوامیں رکھ لیتے ہیں،درخواست گزار ایک بار پھر سپیکر قومی اسمبلی کے پاس مدعا لے کر جائے، منتخب نمائندوں نے 70سال میں پارلیمنٹ کی عزت نہیں کی ،محسن شاہ نواز رانجھا نے کہاکہ ہم پارلیمنٹ کی عزت کرتے ہیں۔

چیف جسٹس اطہر من اللہ نے کہاکہ منتخب نمائندے پارلیمنٹ کی عزت کرتے تو عوام کے مسائل حل ہوتے،سیاسی معاملات کیلئے عدالت غیرضروری طور پر استعمال نہیں کریں،عدالت نے پروڈکشن آرڈر جاری کرنے کی درخواست پر سماعت23 فروری تک ملتوی کردی۔

براڈشیٹ کمیشن کادفترشرعی عدالت میں قائم کرنے کافیصلہ کیاگیاہے،گریڈ 20 کے آفیسر طارق محمودبطور رجسٹررخدمات سرانجام دیں گے ۔
نجی ٹی وی کے مطابق ذرائع کاکہناہے کہ کمیشن کے سربراہ جسٹس(ر)عظمت سعیدکو پولیس سکیورٹی فراہم کرے گی ، وزارت قانون وانصاف نے مختلف اداروںسے افسران کی خدمات مانگ لیں،اسٹییبلشمنٹ ڈویژن ،ایف آئی اے اوراٹارنی جنرل سے افسران کے نام طلب کرلئے گئے،ایف آئی اے سے مالی چھان بین کے ماہر افسران کے نام طلب کئے گئے ہیں ۔
ذرائع کاکہناہے کہ وزارت صحت سے آفتاب حسین کی خدمات کمیشن کے سپرد کرنے کی درخواست کی گئی ہے، اٹارنی جنرل آفس سے بھی دو اچھی ساکھ کے افسران کے نام طلب کئے گئے ہیں۔

انکل سریا ہسپتال کے سامنے نامعلوم افراد کی کارپرفائرنگ سے 4 معروف ٹک ٹاکرجاں بحق ہوگئے ہیں ۔نجی ٹی وی کے مطابق کراچی کے علاقے انکل سریا اسپتال کے سامنے نامعلوم افراد نے ہنڈا سٹی کار (نمبر AEN-548) پرفائرنگ کرکے لڑکی سمیت 4 معروف ٹک ٹاکرکو قتل کردیا۔مقتولہ خاتون کی شناخت معروف ٹک ٹاکر32 سالہ مسکان شیخ کے نام سے کی گئی۔ مقتولہ لانڈھی کی رہائشی تھی۔ زخمیوں کی شناخت ان کے پاس سے ملنے والے شناختی کارڈ سے 29 سالہ صدام حسین ولد عبد اللہ جان غمگین ، 24 سالہ سید ریحان شاہ ولد سید نصیر حسین شاہ اور 25 سالہ عامر خان ولد آصف خان کے نام سے کی گئی۔ زخمی ہونے والے دیگر3 افراد صدام حسین، عامرخان اورسید ریحان شاہ بھی وقفے وقفے سے سول ہسپتال میں دوران علاج زخموں کی تاب نہ لاتے ہوئے دم توڑگئے۔ مقتول صدام حسین مکان نمبر KE-9516 بلاک ڈی محلہ گلشن غازی بلدیہ ٹاون کا رہائشی اور مشہور ٹک ٹاکرز تھا۔
مقتول عامرخان مکان نمبر 45-1 محلہ بوری بنگلہ پٹیل پاڑہ کا رہائشی تھا جبکہ مقتول سید ریحان شاہ محلہ توحید نگر گلشن غازی کالونی بلدیہ ٹاو?ن کا رہائشی تھا۔ مقتول صدام اور ریحان پولیس قومی رضا کار تھے۔عینی شاہدین کے مطابق مزکورہ چاروں افراد کار میں جا رہے تھے کہ تعاقب میں آنے والے رکشے میں سوار افراد نے انکل سریا ہسپتال کے قریب ہنڈا سٹی کارپرعقب سے فائرنگ کی جس کے نتیجے میں خاتون کو گولی لگی اور کار کے ہسپتال کے گیٹ کے سامنے رکتے ہی مسلحہ ملزمان نے رکشا سے اترکرکارکو گھیرے میں لے کر اس میں سوار افراد کو نیچے اتار کر گولیاں مار دیں اوررکشا سمیت فرارہونے میں کامیاب ہوگئے۔ پولیس نے جائے وقوعہ سے نائن ایم ایم پستول کے 9 خول حاصل کرکے فارنزک لیبارٹری بھیج دیے، پولیس واقعے کی تحقیقات کر رہی ہے۔

بھارت اپنی روایتی ہٹ دھرمی کو برقرار رکھتے ہوئے پاکستان میں شر انگیزیوں کی سازشیں کرتا رہتا ہے جس کے ثبوت سامنے آنے پر بھارت کو عالمی سطح پر بھی سبکی کا سامنا کرنا پڑتا ہے ۔ بھارت پاکستان کے خلاف دشمنی میں کسی بھی حد تک جا سکتا ہے پھر چاہے وہ الزام تراشی ہو یا بھارت میں پاکستان کی دہشتگردی کے بھونڈے دعوے۔ اس حوالے سے حال ہی میں گلگت کے نوجوان نے بھارت کی پراکسیز کے لیے استعمال ہونے کا اعتراف کر لیا ہے۔ نجی ٹی وی کی رپورٹ کے مطابق سید حیدر شاہ رضوی (مرحوم) کے بیٹے مہدی شاہ رضوی نے اعتراف کیا کہ مافیاز نے ان کے والد کو گمراہ کر کے پاکستان مخالف بیانیے پر مجبور کیا، پیسے کمائے اور پھر وہی کہانی اِن کے ساتھ بھی دہرائی گئی۔اسکاٹ لینڈ میں مقیم ڈاکٹر امجد ایوب مرزا، برطانیہ میں مقیم سجاد راجہ اور شوکت کشمیری بھی گلگت بلتستان کے لوگوں کو پاکستان مخالف بیانیے کے لیے استعمال کر رہے تھے۔
سید حیدر شاہ رضوی کی موت کو ایجنسیوں پر ڈال کر ان کے بیٹے مہدی شاہ کو ورغلایا گیا۔ مہدی شاہ نے پاکستان مخالف بیانیہ اپنا کر فرانس میں سیاسی پناہ کی درخواست دی۔ مہدی شاہ نے بتایا کہ مجھے پاکستان، ریاست، فوج اور اداروں کے خلاف اکسایا گیا، اٹلی سے امجد مرزا نے رابطہ کر کے پاکستان مخالف مظاہروں کے لیے اکسایا جبکہ امجد ایوب مرزا نے پیسے دیئے اور انڈیا کے ساتھ کھڑے ہونے کا یقین دلایا، پاکستان کے خلاف اٹلی میں پاکستانی سفارتخانے کے باہر احتجاج کا لالچ دیا۔
مہدی شاہ کا کہنا ہے کہ میری ویڈیوز میں فوج اور اداروں کے خلاف تمام اسکرپٹ لکھ کر دیا گیا، اس کے بعد فوج مخالف میری ویڈیوز سوشل میڈیا پر وائرل کی گئیں، اقوامِ متحدہ میں نمائندگی کا لالچ اور مودی سے ملاقات کا وعدہ بھی کیا گیا۔ مہدی شاہ نے کہا کہ پاکستان کے خلاف آن لائن کانفرنسوں میں بھی شریک کروایا گیا، مجھے اور دیگر نوجوانوں کو پاکستان اور فوج کے خلاف اکسایا جاتا ہے۔
انہوں نے کہا کہ اقوامِ متحدہ میں ہیومن رائٹس سیشن کے دوران پاک فوج کے خلاف بولنے کا سکرپٹ دیا گیا، فوج اور پاکستان مخالف مظاہروں کے لیے بھرپور مالی معاونت کا یقین دلایا گیا اور کہا گیا کہ فرانس میں کال دو اور پاکستانی سفارتخانے کے باہر پاکستان جھنڈا اور پاسپورٹ کو جلا دو۔ را کے لیے کام کرنے والے شوکت کشمیری، سنگِ سیرنگ حسن اور وجاہت حسن خان سے بھی رابطہ ہوا۔

سپریم کورٹ میں ڈینیئل پرل قتل کے ملزمان کی رہائی سے متعلق کیس میں سپریم کورٹ نے احمد عمر شیخ کو ڈیتھ سیل سے فوری نکالنے کا حکم جاری کر دیاہے ، عدالت کا کہناتھا کہ احمدعمرشیخ کوسیکیورٹی کےساتھ سرکاری ریسٹ ہاوس میں رکھاجائے،احمدعمراوردیگرزیرحراست افرادفون،انٹرنیٹ استعمال نہیں کرسکیں گے،ریسٹ ہاوس میں اہلخانہ صبح 8 سے شام 5بجے تک ساتھ رہ سکیں گے. نجی ٹی وی کے مطابق سپریم کورٹ میں ڈینیئل پرل قتل کے ملزمان کی رہائی سے متعلق کیس کی سماعت ہوئی، ایڈووکیٹ جنرل سندھ نے کہاکہ سندھ ہائیکورٹ نے اٹارنی جنرل کو نوٹس جاری نہیں کیا تھا،اٹارنی جنرل نے کہاکہ ڈینیئل پرل کے ملزمان نے پورے پاکستان کو دہشت زدہ کیا،وفاق اور سندھ حکومت کو ایسے دہشت گردوں کی رہائی پر تشویش ہے،قوم سال میں دہشتگردی سے بری طرح متاثر ہوئی،سانحہ مچھ جیسے واقعات دنیا میں کہیں نہیں ہوئے، احمد عمر شیخ پاکستان کی عوام کیلئے خطرہ ہیں۔ جسٹس عمر عطابندیال نے کہاکہ احمد عمر شیخ کا دہشت گردوں کیساتھ تعلق ثابت کریں، جن کارروائیوں کا ذکر کیا ان سے احمد عمر شیخ کا تعلق کیسے جڑتا ہے؟۔
جسٹس سجاد علی شاہ نے کہاکہ احمد عمر شیخ 18 سال سے جیل میں ہے، دہشت گردی کے الزام پر کیا کارروائی ہوئی؟ ۔اٹارنی جنرل نے کہاکہ ریاست سمجھتی تھی احمد عمر کیخلاف ڈینئل پرل قتل مضبوط کیس ہے، احمد عمر لندن سکول آف اکنامکس میں زیر تعلیم رہا، جسٹس منیب اختر نے کہاکہ کل تک آپکا اعتراض تھا کہ ہائیکورٹ نے وفاق کو نہیں سنا۔
اٹارنی جنرل نے کہاکہ میرا اصل اعتراض نوٹس والا ہی ہے، ایڈووکیٹ جنرل سندھ نے کہاکہ سندھ ہائیکورٹ میں وفاقی حکومت کی نمائندگی نہیں تھی، جسٹس منیب اختر نے کہاکہ کیا سندھ حکومت نے ہائی کورٹ میں وفاق کو نوٹس نہ ہونے پر اعتراض کیا تھا؟،ایڈووکیٹ جنرل سندھ نے کہاکہ ہائی کورٹ میں وفاق کی نمائندگی نہ ہونے کا اعتراض نہیں اٹھایا۔ جسٹس منیب اختر نے کہاکہ ملزمان کی حراست بظاہر صوبائی معاملہ لگتا ہے،وفاقی نے اپنا اختیار صوبوں کو تفویض کر دیا،بظاہر تو صرف ایڈووکیٹ جنرل سندھ کو نوٹس دینا بنتا ہے،درخواست گزار نے قانون کو چیلنج نہیں کیا کہ اٹارنی جنرل کو نوٹس کیا جاتا،بظاہر اٹارنی جنرل کا اعتراض نہیں بنتا کہ انہیں کیوں نوٹس جاری نہیں ہوا۔
سپریم کورٹ نے احمد عمر شیخ کو ڈیتھ سیل سے فوری نکالنے کا حکم جاری کر دیاہے ، عدالت کا کہناتھا کہ احمدعمرشیخ کوسیکیورٹی کےساتھ سرکاری ریسٹ ہاوس میں رکھاجائے،احمدعمراوردیگرزیرحراست افرادفون،انٹرنیٹ استعمال نہیں کرسکیں گے،ریسٹ ہاوس میں اہلخانہ صبح 8 سے شام 5بجے تک ساتھ رہ سکیں گے،موبائل فون اورانٹرنیٹ کی سہولتیں نہ دی جائیں،احمدعمرکے خاندان کوسرکاری خرچ پررہائش،ٹرانسپورٹ فراہم کی جائے،کیس کاتحریری حکم نامہ آج جاری کیاجائےگا۔عدالت نے ریمارکس دیتے ہوئے کہا کہ ا2 ہفتے بعدبنچ دستیاب ہوگا،ریسٹ ہاوس کابندوبست کرکے سیکیورٹی اقدامات کیے جائیں، وفاقی حکومت سندھ ہائیکورٹ کافیصلہ چیلنج کرناچاہتی ہے. عدالت نے اٹارنی جنرل کی فیصلہ چیلنج کرنے کیلئے مہلت دینے کی درخواست منظور کر لی ہے ،اٹارنی جنرل نے کہا کہ چندروزپہلے افواج کے جوان دہشتگردوں سے لڑتے شہیدہوئے،جسٹس منیب اختر نے کہا کہ افواج کی قربانیوں سے انکارنہیں لیکن ہم آئین کے پابند ہیں ،جسٹس عمر عطا بندیال نے ریمارکس دیتے ہوئے کہا کہ احمدعمراوردیگرزیرحراست افرادکوملزم نہیں کہاجاسکتا،اٹارنی جنرل نے دلائل دیئے کہ احمدعمرشیخ اوردیگرکورہاکیاتوغائب ہوجائیں گے،زمینی حقائق تقاضاکرتے ہیں رہائی کے احکامات معطل کیے جائیں۔