Category کرکٹ

پاکستانی کرکٹ ٹیم کے سابق فاسٹ باولر عاقب جاوید کہتے ہیں کہ مجھے کھل کر کھیلنے کا موقع دیا جائیگا تو ضرور پاکستان ٹیم کا کوچ بنوں گا،
عاقب جاوید کا کہنا ہے کہ میں نے کبھی کسی سے نوکری نہیں مانگی، رمیز راجہ نے آتے ساتھ ایک دو کام بہت اچھے کئے، تین چار لوگ قومی سیٹ اپ سے ناجاتے تو ٹیم کی حالت ٹھیک نہ ہوتی، مجھے مصباح سے کوئی مسلہ نہیں،
عاقب جاوید نے کہا عمران خان کا ویژن بالکل ٹھیک ہے کہ کمیونٹی بیس کرکٹ ہونی چاہیے۔

قومی ٹیم کے کپتان بابر اعظم پاکستان سپر لیگ کے ساتویں ایڈیشن میں کراچی کنگز کی کپتانی کریں گے۔
ٹوئٹر پر کراچی کنگز کے تصدیق شدہ اکاؤنٹ پر بابراعظم کا پیغام شیئر کرتے ہوئے مداحوں کو اس خبر سے آگاہ کیا گیا۔ ٹوئٹ میں بتایا گیا کہ اس بار کراچی کنگز کے کپتان کی ذمہ داری قومی ٹیم کے اسکپر بابر اعظم نبھائیں گے۔
اپنے پیغام میں بابر اعظم کا کہنا تھا کہ کراچی کنگز میرے لیے فیملی کی طرح ہے ، پچھلے 5 سال سے وہیں سے کھیل رہا ہوں اور اس بار ٹیم اور انتظامیہ نے مجھ پر بھروسہ کرتے ہوئے مجھے کپتانی کی ذمہ داری سونپی ہے۔
انہوں نے کہا کہ میری کوشش ہوگی کہ بطور کپتان 100فیصد کردار نبھاؤں، مجھے جب بھی کوئی ذمہ داری دی جاتی ہے تو اسے انجوائے کرتا ہوں اور اس کے لیے بہتر سے بہتر پرفارم کرنے کی کوشش کرتا ہوں ۔
بابراعظم کا کہنا تھاکہ جس طرح عماد وسیم نے بطور کپتان ٹیم کو لیڈ کیا تو کوشش ہوگی کہ اسی کو جاری رکھیں کوشش اور اس بار بھی اچھا کھیل پیش کریں۔

جنوبی افریقہ میں کرونا وائرس کے نئے ویرینٹ’اومی کرون وائرس‘کے سامنے آنے کے باعث پاک ویسٹ انڈیز سیریز کے براڈ کاسٹرز کو دشواری کا سامنا کرنا پڑ رہا ہے،
اومی کرون وائرس سے بچاؤ کے پیش نظر جنوبی افریقی باشندوں کی پاکستان آمد پر پابندی عائد کردی گئی، ہوم سیریز کیلئےبراڈ کاسٹرزعملے کے دیگر آپشنز پر غور کیا جارہا ہے جبکہ جنوبی افریقی براڈ کاسٹر عملے کو طویل آئسولیشن کروانے کا آپشن بھی زیرغور ہے،جنوبی افریقی براڈ کاسٹرز کو دیگر ممالک سے سفر کرکے پاکستان لانے کے آپشن پر بھی غور کیا جارہا ہے۔

پاکستان کرکٹ بورڈ کے چیئرمین رمیز راجہ نے پاکستان کی جیت پر خوشی کا اظہار کیا اور قومی ٹیم کو مبارکباد پیش کی۔
اپنی ٹوئٹ میں رمیزراجہ کا کہنا تھا ٹرننگ پِچ پر 200 رنز کا تعاقب ایک طرح کا امتحان تھا، ٹیم نے رنز کا تعاقب بہترین طریقے سے کیا، گھر سے دور فتح حاصل کرنا ہمیشہ بہت خاص ہوتا ہے۔

پاکستان کرکٹ ٹیم کے سابق فاسٹ بولر شعیب اختر کی ایک خواہش پاکستان کی بنگلادیش کیخلاف فتح کے باوجود ادھوری رہ گئی۔
شعیب اختر نے اپنے ٹویٹ میں کھلاڑیوں کی تعریف کرتے ہوئے ان کی کارکردگی کر سراہا اور کہا کہ ٹیسٹ فتوحات ہمیشہ دلکش ہوتی ہیں۔ شعیب اختر نے اپنی خواہش سے متعلق بتایا کہ خواہش تھی کہ عابد علی ٹیسٹ میں دوسری سنچری بھی بناتے۔

پاکستان کرکٹ ٹیم کے سابق کپتان جاوید میانداد نے ٹی ٹوئنٹی ورلڈکپ میں پاک بھارت میچ کیلئے قومی ٹیم کو مشورہ دیا ہے، جاوید میانداد کا کہنا ہے کہ بھارت کے خلاف ہر کھلاڑی کو اپنی ذمہ داری کا احساس کرنا ہوگا اور ضروری نہیں پرفارمنس دینے والا ہی اچھا کھیلے۔ ان کا کہنا تھاکہ بھارت کے خلاف جیت کیلئے مستقل مزاجی ضروری ہے۔ جاوید میانداد کا کہنا تھاکہ رمیز راجہ جیت اور کرکٹ پر توجہ دیں۔
واضح رہے کہ ٹی ٹوئنٹی ورلڈکپ میں پاکستان اور بھارت کے درمیان میچ 24 اکتوبر کو کھیلا جائے گا۔

مڈل آرڈر بیٹر شعیب ملک کو صہیب مقصود کی جگہ آئی سی سی مینز ٹی ٹوینٹی ورلڈ کپ کیلئے قومی سکواڈ کا حصہ بنا لیا گیاہے ۔

تفصیلات کے مطابق پاکستان کرکٹ بورڈ کی جانب سے جاری کر دہ بیان میں بتایا گیا ہے کہ صہیب مقصود کمر کی تکلیف کے باعث قومی ٹی ٹوینٹی سکواڈ سے باہر ہو گئے ہیں ، ان کا ایم آر آئی سکین چھ اکتوبر کو کروایا جائے گا ۔چیف سلیکٹر محمد وسیم کا کہناتھا کہ صہیب مقصود کا آئی سی سی مینز ٹی ٹوینٹی ورلڈ کپ سے باہر ہونا افسوسناک ہے ، انہوں نے اس ایونٹ کیلئے قومی سکواڈ کا حصہ بننے کیلئے بہت محنت کی تھی، ہمیں ان کا احساس ہے مگر انجریز کھیل کا حصہ ہوتی ہیں ۔ انہیں یقین ہے کہ صہیب مقصود اپنا ری ہیب پروگرام مکمل کرنے کے بعد جلد ہی دوبارہ قومی ٹیم کو دستیاب ہوں گے ، ٹیم مشاورت کے بعد ہم نے ان کی جگہ شعیب ملک کو سکواڈ میں شامل کر لیاہے ، شعیب ملک کا تجربہ قومی سکواڈ کیلئے بہت کارگر ثابت ہو گا ۔

شعیب ملک نے 2007 سے میں کھیلے گئے پہلے ٹی ٹو20ورلڈ کپ میں پاکستان کی قیادت کی تھی، وہ 2009 ورلڈ کپ کی فاتح قومی کرکٹ ٹیم کے سکواڈ کا بھی حصہ تھے ، انہوں نے 2012، 2014 اور 2016 کے ٹی ٹوینٹی ورلڈ کپ میں بھی پاکستان کی نمائندگی کی تھی ۔

آئی سی سی مینز ٹی20ورلڈ کپ میں شرکت کیلئے قومی سکواڈ 15 اکتوبر کو متحدہ عرب امارات روانہ ہو گا، میگا ایونٹ 17 اکتوبر سے 14 نومبر تک متحدہ عرب امارات میں کھیلا جائے گا ۔ ایونٹ میں پاکستان اپنا پہلا میچ 24 اکتوبر کو بھارت کے خلاف کھیلے گا، اس سے قبل پاکستان 18 اور 20 اکتوبر کو بالترتیب ویسٹ انڈیز اور جنوبی افریقہ کے خلاف دو وارم اپ میچز کھیلے گا۔

نیوزی لینڈ(ویب ڈیسک) نیوزی لینڈ کے میڈیا نے دعویٰ کیا ہےکہ انٹیلی جنس اتحاد کی جانب سے خطرے سے آگاہ کرنے پر نیوزی لینڈ نے پاکستان کا دورہ منسوخ کرنے کا فیصلہ کیا۔
نیوزی لینڈ میڈیا کی رپورٹ میں کہا گیا ہےکہ پانچ ملکی انٹیلی جنس اتحاد نے نیوزی لینڈ ٹیم کو دورہ پاکستان ختم کرنے کا کہا، نیوزی لینڈ،آسٹریلیا،کینیڈا،امریکا اور برطانیہ کے انٹیلی جنس اتحاد نے خطرے سے آگاہ کیا۔

نیوزی لینڈ میڈیا کا کہنا ہے کہ پانچ ملکی انٹیلی جنس اتحاد کا بتایا گیا سکیورٹی خطرہ قابل اعتماد سمجھا گیا اور نیوزی لینڈ کی حکومت نے کرکٹ حکام کے فیصلے کی حمایت کی۔میڈیا رپورٹ کے مطابق نیوزی لینڈ، پاکستان کی حکومتوں اورکرکٹ بورڈزکے درمیان 12 گھنٹے گفتگو ہوئی، حکومتوں اور بورڈز کی اس طویل گفتگو کے بعد دورہ ختم کیا گیا۔
واضح رہےکہ گزشتہ روز پاکستان اور نیوزی لینڈ کے میچ سے کچھ دیر پہلے نیوزی لینڈ نے سکیورٹی وجوہات کو بنیاد بناکر پاکستان کا دورہ منسوخ کردیا جس کے بعد دونوں ممالک کے درمیان سیریز بھی ملتوی ہوگئی۔

لاہور(ویب ڈیسک)مختلف لوگوں کے مختلف مشاغل ہوتے ہیں اور انہیں وہ کام کرکے سکون ملتاہے اور مزہ اتاہے،،کرکٹر بھی اسی طرح ہی ہیں کہ انہیں کچھ کاموں سے سکون متاہے،،معین خان کا حالیہ بیان بھی کچھ ایساہی ہے کہ جسے دلچسپ نظروں سے دیکھاجارہاہے..قومی کرکٹ ٹیم کے سابق کپتان معین خان کا کہنا ہےکہ رمیز راجہ کے قول و فعل میں کوئی تضاد نظر نہیں آیا، رمیز راجا اپنی پالیسیوں میں واضح ہیں، اب پاکستان کرکٹ میں فرق نظر آئےگا۔

لاہور میں میڈیا سے گفتگو کرتے ہوئے معین خان کا کہنا تھا کہ اعظم خان پر تنقید ہونے پر مجھے بہت مزہ آتا ہے، یہی تنقید اعظم کو بڑا کھلاڑی بنائےگی، تنقید کھلاڑی کے لیے اچھی ہوتی ہے ۔

معین خان کا کہنا تھا کہ اعظم خان میں صلاحیتیں ہیں، اس کو نظر انداز نہیں کرنا چاہیے ،میں نےکوئی سفارش نہیں کی، میری تو کوئٹہ گلیڈی ایٹرز میں بھی اعظم کے لیے سفارش نہیں چلتی۔اس موقع پر سابق فاسٹ بولر عاقب جاوید کا کہنا تھا کہ عرصہ دراز کے بعد ایسا چیئرمین دیکھا ہے جس میں اتنی انرجی ہے، رمیز راجہ کی عمر بھی کم ہے وہ کام کرسکتے ہیں، وہ کرکٹ کا وسیع تجربہ رکھتے ہیں۔

لاہو(ویب ڈیسک )قومی کرکٹ ٹیم کے سابق کپتان رمیز راجا پی سی بی کے نئے چئیرمین منتخب ہوگئے ہیں۔

پاکستان کرکٹ ٹیم کے سابق کپتان اور معروف کمنٹیٹر رمیز راجا بلامقابلہ پی سی بی کے 36 ویں چئیرمین منتخب ہوگئے، عبدالحفیظ کاردار، جاوید برکی اور اعجاز بٹ کے بعد وہ چوتھے کرکٹرز اور تیسرے سابق کپتان ہیں، جنہوں نے بطور سربراہ کرکٹ بورڈ کا چارج سنبھالا ہے۔

نیشنل ہائی پرفارمنس سینٹر میں چیف الیکشن کمشنر جسٹس ریٹائرڈ عظمت شیخ کی جانب سے گورننگ بورڈ کے خصوصی اجلاس میں رمیز راجا کے مقابلے میں کوئی امیدوار سامنے نہیں آیا جس کے بعد چیف الیکشن کمشنر نے رمیز راجا کے کرکٹ بورڈ کے نئے سربراہ بننے کا باقاعدہ اعلان کردیا۔
گورننگ بورڈ کے اس اجلاس میں اسد علی خان، جواد قریشی، عاصم واجد جواد،عارف سعید اوعالیہ ظفر نے شرکت کی۔ پی سی بی کے چیف ایگزیکٹو وسیم خان بھی اس اہم اجلاس کا حصہ تھے۔ اجلاس کے شرکا نے رمیز راجا پر بھرپور اعتماد کا اظہار کیا جس کے بعد انہوں نے چئیرمین کی کرسی پر بیٹھ کرچیف الیکشن کمشنر اور بورڈ ممبران کا شکریہ اداکیا۔ رمیزراجا نے کرکٹ کی بہتری کے لیے مستقبل کے پلانز پر روشنی ڈال