Category کرکٹ

ویب ڈیسک : افغان کرکٹ بورڈ کی جانب سےوضاحت کی گئی ہےکہ خواتین کی کرکٹ پر پابندی نہیں لگائی۔ افغان کرکٹ بورڈ کا اپنے بیان میں کہنا ہے کہ کہ ٹی20کرکٹ میں حصہ لینےکےخواہاں ہیں جس کیلئے اسکواڈکاجلد اعلان کیا جائیگا.

افغان کرکٹ بورڈ کا کہنا ہے کہ عبوری حکومت اس حوالے سےجلدلائحہ عمل دے گی۔ افغان کرکٹرزہیرو ہیں. انہوں نےدنیامیں ملک کانام روشن کیاہےاورآئندہ بھی ملک کانام روشن کرینگے
افغان کرکٹ بورڈ کہنا ہےکہ آسٹریلیاسمیت تمام ممالک سے کرکٹ کی بحالی کیلئےرابطے کریں گے جبکہ ایک روزہ، ٹی20 اورڈومیسٹک کرکٹ کوہرسطح پر ترقی دیں گے۔
چند روز قبل طالبان رہنما احمد اللہ وقاص کا کہنا تھا کہ افغانستان میں خواتین کے ہر قسم کے کھیل پر پابندی ہو گی جس پر آئی سی سی نے تشویش کا اظہار کیا تھا۔ آئی سی سی کا کہنا تھا کہ خواتین کو کرکٹ کھیلنے کی اجازت ملنی چاہیے، افغانستان کی صورتحال پر مسلسل نظر رکھے ہوئے ہیں۔خواتین کو اجازت نہ دینے کا معاملہ آئندہ اجلاس میں زیر بحث آئے گا۔

ویب ڈیسک : نیوزی لینڈکی کرکٹ ٹیم خصوصی طیارے کےذریعے ڈھاکہ سے اسلام آباد ایئرپورٹ پر پہنچی جہاں سے کھلاڑیوں کو سخت سکیورٹی میں نجی ہوٹل منتقل کیا گیا۔ نیوزی لینڈ کی کرکٹ ٹیم پاکستان کے ساتھ ایک روزہ اور ٹی 20 میچز کی سیریز کھیلے گی۔ نیوزی لینڈ کرکٹ ٹیم ایک روز روم آئیسولیشن میں گزارے گی، ہوٹل میں قیام کے دوران کیوی کھلاڑیوں اور آفیشلز کا کورونا ٹیسٹ کیاجا ئیگا اوررپورٹس منفی آنےکی صورت میں انہیں پریکٹس کرنےکی اجازت دی جائےگی.
دونوں ٹیموں کے مابین ون ڈے انٹرنیشنل سیریز میں شامل تینوں میچز 17، 19 اور 21 ستمبر کو پنڈی کرکٹ اسٹیڈیم میں کھیلے جائیں گے جبکہ ٹی ٹوئنٹی سیریز قذافی اسٹیڈیم لاہور میں کھیلی جائے گی۔اس سے قبل نیوزی لینڈ نے 2003 میں آخری مرتبہ پاکستان کا دورہ کیا تھا۔

لاہور(ویب ڈیسک)پاکستان کرکٹ ٹیم کی کوچنگ کیلئے پاکستان کرکٹ بورڈ (پی سی بی) نے غیر ملکی کوچز لانے کا ارادہ کرلیا ، بورڈ کے نئے متوقع چیئرمین رمیز راجہ کئی غیر ملکی کوچز سے رابطے میں ہیں ۔

مصباح الحق اور وقار یونس کی پاکستان ٹیم کی کوچنگ سے دستبرداری کے بعد پاکستان کرکٹ بورڈ کا امتحان مزید چیلنجنگ ہوگیا ہے۔
پی سی بی نے قومی ٹیم کیلئے غیر ملکی ہیڈ کوچ لانے کا منصوبہ بنالیاورلڈ کپ پاکستان ٹیم کا ایک اہم ترین اسائنمنٹ ہے جس کے لیے بورڈ کے متوقع چئیرمین رمیز راجہ کافی سنجیدہ نظر آرہے ہیں اور یہ بات اب یقینی ہے کہ پاکستانی کرکٹ ٹیم کا اگلا کوچ اور معاون اسٹاف غیر ملکی ہوگا۔
رمیز راجہ کئی غیر ملکی کوچز سے رابطے میں ہیں اور اطلاعات کے مطابق پی سی بی حکام پیٹر مورز سمیت کئی کوچز سے بات چیت کررہے ہیں۔ ذرائع کے مطابق رمیز راجہ پروفیشنل ازم کو ترجیح دیتے ہوئے ایسی کوچنگ ٹیم لانا چاہتے ہیں جو پاکستان ٹیم کو مکمل تبدیل کرے۔ذرائع کا کہنا ہے کہ نئے ہیڈ کوچ اور ان کے ساتھیوں کی تقرری میں کم از کم ایک ماہ درکار ہے اس لیے ٹی ٹوئنٹی ورلڈ کپ سے قبل نئے کوچز کی تقرری مشکل ہے۔

میز راجہ کی بطور پی سی بی چیئرمین نامزدگی دونوں کی دستبرداری کی وجہ بنی ہے،رمیز راجہ دونوں کوچزکواپنےفیوچر پلان سےآگاہ کرچکےتھے اورٹیم مینجمنٹ میں بڑی تبدیلی کا عندیہ بھی دے دیا تھا۔

ہیڈکوچ قومی کرکٹ ٹیم مصباح الحق خوداپنےعہدے سےمستعفی ہوئے جبکہ وقار یونس نےمصباح الحق سےمشاورت کےبعد استعفیٰ دیا۔ مصباح الحق کو ورلڈکپ اسکواڈ میں شامل کھلاڑیوں کےناموں پربھی اعتراض تھا، وہ اعظم خان کوٹیم میں شامل کرنے کے خلاف تھے،اعظم خان کو کپتان بابر اعظم اور چیف سلیکٹر محمد وسیم کی پسند پر قومی اسکواڈ میں شامل کیا گیا۔
رمیز راجہ نےقومی اسکواڈ کی حتمی فہرست میں اپنی رائےبھی دی تھی،رمیز راجہ مختلف پلیٹ فارمز پرقومی ٹیم اورٹیم
مینجمنٹ کو تنقید کا نشانہ بناتے رہے ہیں۔
پاکستان کرکٹ بورڈ نے اس معاملے پرتصدیق یا تردیدکرنےسے انکارکیا ہے جبکہ وقار یونس اورمصباح الحق سےموقف لینےکی کوشش کی جارہی ہے۔

ادھر مصباح الحق اور وقار یونس کے دستبردار ہوتے ہی سابق فاسٹ بولر شعیب اختر نے کہا تھا کہ دونوں کوچز میدان چھوڑ کر بھاگے ہیں، قومی کرکٹ ٹیم کے ہیڈ کوچ اور باولنگ کوچ کو اندازہ تھا کہ وہ رمیز راجہ کی موجودگی میں نہیں چل سکتے، اس لیے وہ عہدوں سے دستبردار ہو گئے۔
واضح رہے پاکستان کرکٹ ٹیم کے ہیڈ کوچ مصباح الحق اور باولنگ کوچ وقار یونس اپنے عہدوں سے دستبردارہو گئے ہیں، ثقلین مشتاق اور عبدالرزاق نیوزی لینڈ سیریز میں بحیثیت عبوری کوچز ذمہ داری نبھائیں گے۔

کراچی: یکم جنوری 2019 سے ٹوئنٹی 20 انٹرنیشنل کرکٹ میں زیادہ رنز بنانے والوں میں پال اسٹرلنگ پاکستانی کپتان بابراعظم سے آگے نکل گئے۔

آئرش بیٹسمین پال اسٹرلنگ نے گزشتہ دنوں زمبابوے کیخلاف سنچری بھی بنائی تھی، سردست وہ33 اننگز میں 1201 رنز کے ساتھ سرفہرست ہیں جب کہ بابر اعظم اب 30 اننگز میں 1173 رنز بناکر دوسرے نمبر پر براجمان ہیں۔
کیون اوبرائن 36 اننگز میں 1040 رنز اسکور کر چکے ہیں، بھارتی کپتان ویراٹ کوہلی محددو فارمیٹ کے میچز کی 24 اننگز میں 992 رنز بناکر چوتھے نمبر پر ہیں جب کہ پاکستانی وکٹ کیپر بیٹسمین محمد رضوان اب تک 25 اننگز میں 959 رنز جوڑ کر ٹاپ 5 میں شامل ہیں۔

دبئی(ویب ڈیسک) آئی سی سی ٹی ٹوئنٹی ورلڈ کپ 2021 کی ٹرافی کی رونمائی کردی گئی ہے۔دبئی میں منعقدہ تقریب رونمائی کے مہمان خصوصی یواے ای کے شیخ نیہان مبارک النیہان تھے۔ ان کے ساتھ خالد زارونی اور آئی سی سی آفیشلز بھی موجود تھے۔

بھارت کی میزبانی میں 17 اکتوبر سے شروع ہونے والے کرکٹ کے عالمی میلے کے تمام تر انتظامات ایمریٹس کرکٹ بورڈ کررہا ہے، میچز دبئی، ابوظہبی اور عمان میں شیڈول ہیں، 17 اکتوبر سے ایونٹ کا سپرکوالیفائر راؤنڈ شروع ہوگا، ٹی ٹوئنٹی ورلڈ کپ میں پاکستان اور بھارت کا ٹاکرا چوبیس اکتوبر کو ہوگا۔

نیوزی لینڈ کے خلاف ون ڈے انٹرنیشنل سیریز کے لیے قومی ٹیم کا اعلان کر دیا گیا۔ 20 رکنی اسکواڈ کی قیادت بابراعظم کریں گے جب کہ افتخار احمد اور خوشدل شاہ کی قومی ون ڈے اسکواڈ میں واپسی ہوئی ہے۔ حارث سہیل، سلمان آغا، سرفراز احمد، صہیب مقصود نیوزی لینڈ کے خلاف سیریز میں جگہ نہیں بنا سکے۔
دیگر کھلاڑیوں میں شاداب خان،عبداللہ شفیق، امام الحق، حارث رؤف، حسن علی، فخر زمان، فہیم اشرف ، خوشدل شاہ، افتخار احمد اور محمد رضوان شامل ہیں۔ ان کے علاوہ محمد حارث، محمد حسنین، محمد نواز،محمد وسیم جونیئر، سعود شکیل، شاہین شاہ آفریدی، شاہنواز دھانی ، عثمان قادر اور زاہد محمود بھی اسکواڈ کا حصہ ہیں۔
پاکستان کرکٹ بورڈ ( پی سی بی) کی جانب سے جاری کیے گئے اعلامیے کے مطابق مڈل آرڈر بیٹسمین افتخار احمد اور خوشدل شاہ کی قومی ون ڈے سکواڈ میں واپسی ہوئی ہے۔زاہد محمود، شاہنواز دھانی، محمد وسیم جونیئر اور محمد حارث بھی قومی ون ڈے انٹرنیشنل سکواڈ کا حصہ بن گئے جبکہ حارث سہیل، سلمان علی آغا، سرفراز احمد اور صہیب مقصود نیوزی لینڈ کے خلاف ہوم سیریز میں جگہ نہیں بنا سکے۔ اعلان کردہ سکواڈ میں بابر اعظم (کپتان)، شاداب خان (نائب کپتان)، عبداللہ شفیق، امام الحق، حارث رؤف، حسن علی، فخر زمان، فہیم اشرف، خوشدل شاہ، افتخار احمد اور محمد رضوان (وکٹ کیپر)، محمد حارث (وکٹ کیپر)، محمد حسنین، محمد نواز، محمد وسیم جونیئر، سعود شکیل، شاہین شاہ آفریدی، شاہنواز دھانی، عثمان قادر اور زاہد محمود شامل ہیں۔
دونوں ممالک کے مابین تین ون ڈے انٹرنیشنل میچز پر مشتمل سیریز پنڈی کرکٹ سٹیڈیم راولپنڈی میں کھیلی جائے گی۔سیریز کے تینوں میچز آئی سی سی کرکٹ ورلڈکپ سپر لیگ کا حصہ ہیں۔ یہ میچز 17، 19 اور 21 ستمبر کو کھیلے جائیں گے۔

بھارت ویسے تو اپنے متعصبانہ رویہ کی وجہ سے پوری دنیا میں‌ہی مشہورہے اور ان کا میڈیا بھی انہیں کی زبان بولتاہے،جہاں‌پاکستان کی بات ہوتو خوب نمک مرچ لگانااس کاپسندیدہ کام ہے.
قومی ٹیم کے سابق کپتان اور سوئنگ کے سلطان وسیم اکرم نے خود سے متعلق جھوٹی خبر چلانے پر بھارتی میڈیا پر برہمی کا اظہار کیا ہے۔وزیراعظم عمران خان نے چند روز قبل ہی پاکستان کرکٹ بورڈ کے چیئرمین کے لیے قومی ٹیم کے سابق کپتان رمیز راجہ کے نام کی منظوری دی تھی جس پر وسیم اکرم سمیت قومی ٹیم کے دیگر کھلاڑیوں نے انہیں مبارکباد دی اور نیک خواہشات کا اظہار کیا۔لیکن بھارتی میڈیا جو پاکستان کے ہر معاملے میں پروپیگنڈا کرتا ہے اس معاملے پر بھی جھوٹی اور من گھڑت خبریں چلانے سے باز نہ آیا۔
بھارت کے ایک بڑے میڈیا گروپ نے گزشتہ روز یہ خبر شائع کی کہ وسیم اکرم بھی پاکستان کرکٹ بورڈ کے چیئرمین بننے کے خواہشمند تھے لیکن ان کے نام پر غور نہیں کیا گیا۔وسیم اکرم نے سوشل میڈیا پر اس خبر کا حوالہ دیتے ہوئے بھارتی میڈیا کو جواب دیا کہ برائے مہربانی اس طرح کی جھوٹی خبروں کو پھیلانا بند کر دیں اور اپنے ذرائع ٹھیک کر لیں۔
پاکستان کرکٹ ٹیم کے سابق کپتان کا کہنا تھا کہ ٹائمز آف انڈیا کا شمار بھارت کے بڑے اور معتبر اخبارات میں ہوتا ہے لیکن اس طرح کی بے بنیاد خبروں سے اس کی ساکھ کو نقصان پہنچے گا۔ان کا یہ بھی کہنا تھا کہ چیئرمین پاکستان کرکٹ بورڈ کا عہدہ ایک اسپیشلائزڈ ملازمت ہے اور میں نے کبھی بھی اس عہدے میں دلچسپی ظاہر نہیں کی۔سابق کپتان قومی ٹیم کا کہنا تھا کہ اللہ کا شکر ہے کہ میں آج زندگی میں جس مقام پر ہوں وہاں مطمئن ہوں۔

ویب ڈیسک:سابق پی سی بی چئیرمین احسان مانی کے حوالے سے وزیراعظم عمران‌ خان کا کہنا ہے کہ میں ان کی کرکٹ کی میدان میں دی گئی خدمات کا مشکور ہوں انہوں نے پاکستان میں ڈومیسٹک کرکٹ کا سٹرکچر بنایا.تفصیلات کے مطابق ٹویٹر پر جاری ایک بیان میں ان کا کہنا تھا کہ سکول کرکٹ کی باقاعدہ بحالی کے لیے 870 سکول اور 231 کالجز گراؤنڈز کھیلوں کے لئے بنائے گئے ہیں،وزیراعظم عمران خان نے تمام صوبوں کی اس طرف توجہ دلائی ہے کہ کھیلوں کو دوبارہ بحال کرنےاور نوجوانوں کو سہولیات کی فراہم کریں . احسان مانی کی خدمات کے حوالے سے وزیراعظم عمران خان کا مزید کہنا تھا کہ عالمی کرکٹ ٹیموں کو پاکستان لانے میں احسان مانی نے خاص کردار ادا کیا ہے.۔یاد رہے کہ وزیر اعظم عمران خان نے ڈومیسٹک کرکٹ کے بارے میں اجلاس کی صدارت کی تھی اور سی پی سی اے نے جو ماڈل تیار کیا تھا اس کی تعریف کی اور ڈومیسٹک کرکٹ کے فریم ورک کے حوالے سےمنظوری بھی دی تھی.

پاکستان اور ویسٹ انڈیز کے درمیان سیریز کا دوسرا اور آخری ٹیسٹ میچ آج سے جمیکا میں شروع ہو گا، نائب کپتان محمد رضوان نے جیت کر حساب برابر کرنے کی امیددلا دی، کہتے ہیں کہ فیلڈنگ سمیت تمام خامیاں بھلا کر اِن ایکشن ہوں گے۔

کیربینز کے دیس ٹیسٹ کرکٹ امتحان، پاکستان اور ویسٹ انڈیز کے درمیان سیریز کے دوسرے اور آخری مقابلے کیلئے دونوں ٹیمیں کنگسٹن جمیکا میں رات آٹھ بجے مدمقابل ہوں گی۔ سیریز میں ایک صفر کا خسارہ لئے قومی کھلاڑیوں کی تیاریاں مکمل ہیں، گذشتہ روز بھی جم کر پریکٹس کی۔ نیٹ سیشن میں بیٹنگ، بولنگ اور خاص طور پر فیلڈنگ کی ٹریننگ کی، خوب پسینہ بہایا۔

کھلاڑی تو پرجوش ہیں ہی، ٹیم کے بڑوں نے بھی سر جوڑ لیے۔ فائنل الیون کے لیے جوڑ توڑ، ایک تبدیلی کا امکان ہے۔

ٹیسٹ ٹیم کے نائب کپتان محمدرضوان نے جیت پر نظریں جما لیں، کہا کہ فیلڈنگ سمیت خامیوں پر قابو پا کر کامیابی سمیٹیں گے۔ ٹی 20 کے بعد ٹیسٹ سیریز سمیت ٹور کا اختتام جیت پر ہو، کھلاڑی ہی نہیں کرکٹ دیوانے بھی پرجوش ہیں۔