Category بزنس

اسلام آباد(ایمرا نیوز آن لائن) چین کی زیرصدارت ایف اے ٹی ایف کا دو روزہ اجلاس فرانس کے دارالحکومت پیرس میں شروع ہوگیا۔پاکستانی وفد وفاقی وزیر برائے اقتصادی امور حماد اظہر کی قیادت میں ایف اے ٹی ایف کے دفتر پہنچ گیا۔اجلاس میں پاکستان کی طرف سے کیے گئے اپریل دو ہزار انیس تک کے اقدامات کی رپورٹ پر بحث اورپاکستان کو گرے لسٹ سے نکالنے یا نہ نکالنےکا فیصلہ ہوگا۔یہ چین کی سربراہی میں ایف اے ٹی ایف کا پہلا اجلاس ہے،اجلاس میں سعودی عرب رکن کی حیثیت سے شریک ہے۔

یورپی کمیشن کا کہنا ہے کہ پاکستان کی کارکردگی کو تیکنیکی بنیادوں پر دیکھا جائے گا۔ذرائع کے مطابق حالیہ اجلاس میں پاکستانی اقدامات کے باعث پاکستان کو بلیک لسٹ کرنے کے کوئی امکان نہیں اور اور نہ ہی کرے لسٹ سے نام ہٹانے گا ذرائع کے مطابق آئندہ اجلاس تک صورتحال جوں کی توں رہے گی۔پاکستانی وفد اب تک پاکستان کی طرف 27 اعتراضات کے متعلق پاکستانی حکومتی اقدامات عملدرآمد کے متعلق تفصیلی رپورٹ اتوار کے روز انفارمل اجلاس میں جمع کر چکا ہے جس کا شق وار جائزہ آج یا کل متوقع ہے ۔

ذرائع کے مطابق پاکستان نے بہت سے اقدامات اٹھائے ہیں منی لانڈرنگ روکنے کےلئے قانون سازی اور ان کے تحت مقدمات کا اندارج بھی مگر سزا جزا تک معاملہ التوا میں رہے گا تاہم 17 اکتوبر تک پاکستان کو صورت حال واضع ہو جائے گی۔

اسلام آباد(ایمرا نیوز آن لائن)ایشیائی ترقیاتی بینک نے پاکستان کیلئے 20 کروڑ ڈالر کا قرض منظور کر لیا۔20 کروڑ ڈالر بے نظیر انکم سپورٹ پروگرام کے لیے منظور کیا گیا ہے۔ ایشیائی ترقیاتی بینک (اے ڈی بی) نے پاکستان کے لیے 20 کروڑ ڈالر کا قرضہ منظور کر لیا۔

اے ڈی بی کی جانب سے پاکستان کے لیے منظور کردہ 20 کروڑ ڈالر کا قرضہ بے نظیر انکم سپورٹ پروگرام کے لیے استعمال ہو گا۔بے نظیر انکم سپورٹ پروگرام کے تحت 50 لاکھ خاندانوں کی مدد کی جاتی ہے۔

ایشیائی ترقیاتی بینک سے ملنے والے قرضے سے 8 لاکھ55 ہزارخواتین کو فائدہ ہو گا جو بی آئی ایس پی پروگرام سے متسفید افراد کا 15 فیصد ہے۔

کراچی(ایمرا نیوز آن لائن) منی لانڈرنگ کیس: خانانی اینڈ کالیا گروپ کے تمام ملزمان بری سندھ ہائیکورٹ نے منی لانڈرنگ کیس میں بینکنگ کورٹ کے فیصلے کے خلاف ایف آئی اے کی اپیل مسترد کرتے ہوئے خانانی اینڈ کالیا گروپ کے تمام ملزمان کو بری کردیا ہے۔سندھ ہائیکورٹ کے جسٹس محمد سلیم پر مشتمل سنگل بینچ نے بینکنگ کورٹ کے فیصلے کے خلاف ایف آئی اے کی اپیل پر سماعت کی۔

وفاقی تحقیقاتی ادارے (ایف آئی اے) کی جانب سے چوہدری وسیم ایڈووکیٹ پیش ہوئے، مجموعی طور پر 100 گواہان میں سے 42 نے ایف آئی اے کے خلاف گواہی دی جبکہ ایف اے کی طرف سے 58 گواہوں نے پیش ہونے سے انکار کر دیا۔خانانی اینڈ کالیا اور ایگزیکٹ کیس کی مزید تفتیش کیلئے ایف آئی ے کی ٹیم کراچی پہنچ گئی عدلت نے بینکنگ کورٹ کے تمام ملزمان کی بریت کا فیصلہ برقرار رکھا اور منی لانڈرنگ کیس میں نامزد خانانی اینڈ کالیا گروپ کے تمام ملزمان کو بری کردیا۔

بری ہونے والوں میں عبدالعزیز پولانی، الطاف خانانی، ذکیرہ جاوید قاسم، حنیف کالیا، مناف کالیا، جاوید خانانی اور عاطف پولانی شامل ہیں۔ان افراد پر 55 کروڑ روپے جعلی اکاؤنٹس کے ذریعے بیرون ملک منتقل کرنے کا الزام تھا۔واضح رہےکہ خانانی اینڈ کالیا منی ایکسچینج کے خلاف مقدمہ پیپلز پارٹی کے دور میں بنایا گیا تھا جبکہ مقدمے میں بری ہونے والے خانانی گروپ کے ایک ممبر جاوید خانانی 2016 میں عمارت سے گرکر جاں بحق ہوگئے۔

چین (ایمرا نیوز آن لائن نیوز) چین میں چاول کا ایک پیالہ 1405 ڈالر کی خطیر رقم میں نیلام کیا گیا۔شمالی چین میں واقع ایک گاؤں میں چاول کی پہلی فصل کی کٹائی کے بعد نئی فصل سے حاصل کیے جانے والے چاول کا پہلا پیالہ نیلام کیا جاتا ہے۔گریٹ ناردرن وائلڈرنس نامی یہ فارم جو شمالی چین کا زرعی اعتبار سے ایک اہم خطہ ہے اور اپنی زرخیز زمین کی وجہ سے یہ ’کالی مٹی‘ کے نام سے مشہور ہے۔

فارم میں چاول کی نئی فصل کی کٹائی کے بعد حاصل کیے جانے والے چاول میں سے ایک پیالہ چاول نکال کر پکائےگئے جسے پکانے کے بعد نیلامی کے لیے پیش کیا گیا۔نیلامی کے موقع پر بہت سے لوگوں نے شرکت کی اور نئی فصل کے چاول کے پہلے پیالے کے لیے خوب بولیاں لگائیں گئی مگر اسی دوران ایک خاتون نے سب سے زیادہ بولی لگا کر 1405 ڈالرز میں نئی فصل کے چاول کا پہلا پیالہ حاصل کرلیا۔

خاتون نے جب چاول کی نیلامی کی رقم ادا کردی تو ان کا کہنا تھا کہ اب وہ یہ چاول کھائیں گی اور انہیں بے حد خوشی ہوگی۔اس نیلامی کے حوالے سے بہت سے شہریوں کا کہنا تھا کہ یہ پروگرام کسی بھی شخص کو دولت مند ثابت کرنے کا نہایت ہی کربناک طریقہ تھا۔

اسلام آباد(وقت نیو آن لائن) فیڈرل بورڈ آف ریونیو (ایف بی آر) نے چینی، کھاد، تمباکو، سیمنٹ، بیوریجز کی ٹیکس چوری روکنے کے لیے نیٹ ورک قائم کرلیا۔رپورٹ کے مطابق ایف بی آر نے پانچ شعبوں کی مصنوعات جس میں تمباکو ، چینی، کھاد ، سیمنٹ اور بیوریجز شامل ہیں ان کی نگرانی، جانچ پڑتال اور مانیٹرنگ کے لیے ڈی جی انٹیلیجنس و انویسٹی گیشن آئی آر کی سربراہی میں مشترکہ کمیٹی تشکیل دے دی ہے۔

ایف بی آر نے ان پانچوں شعبوں کی مصنوعات کی غیر قانونی تجارت اور ٹیکس چوری کے خلاف مؤثر کارروائی کے لیے ان لینڈ ریونیو انفورسمنٹ نیٹ ورک بھی قائم کر دیا ہے۔ ایف بی آر کے ذرائع کے مطابق کمیٹی مذکورہ پانچ اشیاء کی ٹیکس چوری ا ور غیر قانونی تجارت روکنے کے لیے روڈ میپ تیار کرے گی اور ان لینڈ ریونیو انفورسمنٹ نیٹ ورک کےذریے ٹیکس چوری روکنے کے لیے اقدامات کرے گی۔

ذرائع کے مطابق کمیٹی کے ذریعے غیر قانونی سگریٹ کی تجارت کی مؤثر مانیٹرنگ کی جائے گی اور چینی، کھاد، سیمنٹ اور بیوریجز کی بھی نگرانی کرے گی۔ذرائع کے مطابق لینڈ ریونیو انفورسمنٹ نیٹ ورک متعلقہ فیلڈ فارمیشنز کے ساتھ مل کر کارروائی کرے گا جب کہ پانچوں شعبوں کی مصنوعات کی نقل وحرکت والے روٹس پر انفورسمنٹ اسکواڈ پیٹرولنگ کر ے گا۔تاہم یہ پیٹرولنگ اسکواڈ مصنوعات کی سٹوریج والی جگہوں پر چیکنگ کرے گا اور اشیا ء پر ٹیکس مہر نہ ہونے کی صورت میں قانونی کارروائی عمل میں لائی جائے گی۔

لاہور میڈیا 92 (آن لائن)
اسلام آباد: وزیر مملکت برائے ریونیو حماد اظہر نے کہا ہےکہ آئی ایم ایف نے ملکی معیشت کو حوصلہ افزا قرار دیاہے۔

گزشتہ روز آئی ایم ایف کے وفد نے دورے کے دوران وزیراعظم عمران خان اور مشیر خزانہ حفیظ شیخ سے ملاقاتیں کیں جس میں پاکستان کی معاشی صورتحال کا جائزہ لیا گیا۔

’وزیراعظم نے آئی ایم ایف پروگرام کے اہداف کے حصول کی یقین دہانی کرائی ہے‘

اس حوالے سے وزیر ریونیو حماد اظہر نے ٹوئٹر پر جاری بیان میں کہا کہ آئی ایم ایف ٹیم نے پاکستانی معیشت کے ابتدائی نتائج کو بہت حوصلہ افزا قرار دیا ہے۔

حماد اظہر نے بتایا کہ آئی ایم ایف ٹیم نے کہا کہ مالی اور بیرونی شعبے کی نمو اچھی ہے، آمدنی میں اضافے کو متاثر کن قرار دیا گیا ہے۔

گزشتہ روز آئی ایم ایف کے وفد سے ملاقات کے دوران وزیراعظم کی معاونت کے لیے مشیر خزانہ، گورنراسٹیٹ بینک اور سیکریٹری خزانہ موجودتھے جب کہ آئی ایم ایف وفد کی قیادت ڈائریکٹر مڈل ایسٹ وسٹرل ایشیاء جیہاد آزور کررہے تھے۔

وزیراعظم عمران خان سے آئی ایم ایف کے وفد کی ملاقات

ریجنل ڈائریکٹر آئی ایم ایف کے مطابق آئی ایم ایف پروگرام سے متعلق پاکستانی معیشت کے 3 ماہ کے نتائج حوصلہ افزا ہیں، ریونیو کی شرح نمو میں 30 فیصد اضافہ ہوا ہے۔

انہوں نے کہا کہ یہ پروگرام آئی ایم ایف کا نہیں بلکہ حکومت پاکستان کا ہے جس کے تحت آئی ایم ایف 6 ارب ڈالر جب کہ عالمی بینک اور دوسرے مالیاتی ادارے 30 ارب ڈالر سے زیادہ فراہم کریں گے۔

ان کا کہنا تھا کہ اہداف کے ازسر نو تعین کی ضرورت نہیں، وزیراعظم عمران خان نے اہداف کے حصول کی یقین دہانی کرائی ہے، اہداف کے حصول خاص طور پر توانائی کے شعبے پر توجہ مرکوز رکھنے کی ضرورت ہے، پروگرام کا بنیادی مقصد ادارہ جاتی اصلاحات ہیں اور اگلے 2 ماہ میں صورتحال مزید واضح ہوجائے گی۔

لاہور (ایمرا نیوز آن لائن) آئی ایم ایف نے پاکستانی معیشت بہت حوصلہ افزا قراردیا ہے، وزیر مملکت برائے ریونیو حماد اظہر کا کہنا ہے کہ آئی ایم ایف ٹیم نے پاکستانی معیشت کے ابتدائی نتائج کو بہت حوصلہ افزا قراردیا ہے۔

وزیر مملکت برائے ریونیو حماد اظہر نے سماجی رابطے کی ویب سائٹ ٹوئٹر پر ایک بیان جاری کرتے ہوئے کہا ے کہ آئی ایم ایف نے اپنے دورے کے دوران پاکستانی معیشت کے ابتدائی نتائج کو بہت حوصلہ افزا قرارد یا ہے اور کہا ہے کہ پاکستان کے مالی اوربیرونی شعبےکی نمو اچھی ہے۔حماد اظہر کا کہنا ہے کہ آئی ایم ایف ٹیم کی جانب سے پاکستان کے آمدنی میں اضافے کو بھی متاثرکن قراردیا گیا ہے۔

آئی ایم ایف کو نجکاری کا عمل تیز کرنے کی یقین دہانی،معاشی ترقی کا ہدف حاصل کرلیں گے،واضح رہے کہ جیہاد ازور کی سربراہی میں آئی ایم ایف وفد نے گزشتہ روز عمران خان سے ملاقات کی تھی جس میں معاشی صورتحال و قرض پروگرام پر تبادلہ خیال کیا گیا۔

مشیر خزانہ حفیظ شیخ نے آئی ایم ایف وفد سے گزشتہ روز ملاقات کی جس میں پاکستان کی معاشی صورتحال اور قرضہ پروگرام پر پیشرفت جائزہ لیا گیا، مشیر خزانہ نے آئی ایم ایف وفد کو معاشی استحکام کے حوالے سے اقدامات پر بریفنگ دی۔
اس پر آئی ایم ایف کے ڈائریکٹر وسطی ایشیا جیہاد آزور نے کہا ہے کہ پاکستان کے ریونیو کی شرح نمو کو بہت حوصلہ افزا قرار دیا۔

اس موقع پر انہوں نے کہا کہ شرح نمو میں 30 فیصد اضافہ ہوا ہے، پروگرام درست سمت میں بڑھ رہا ہے، پروگرام کے اہداف پر غور کیا ہے، فنڈ مشن اکتوبر یا نومبر میں آئے گا، پاکستان کی حمایت کیلئے پاکستان کا دورہ کیا ہے، عمومی طور پر اصلاحات پروگرام پر عملدرآمد مشکل ہوتا ہے، میں دورے میں کراچی بھی جاؤں گا جہاں اسٹیٹ بینک حکام اور کاروباری لوگوں سے ملاقات ہو گی۔

جیہاد ازور نے کہا کہ آئی ایم ایف چاہتا ہے کہ پاکستان میں روزگار کے مواقع بڑھیں، آئی ایم ایف پاکستان میں سماجی شعبے کی بہتری چاہتا ہے، خطے میں گزشتہ چند دنوں میں کئی انوکھے واقعات ہوئے ہیں، ہم تیل کی قیمت میں اضافہ کے اثرات پر غور کر رہے ہیں۔

آئی ایم ایف کیا ہے؟

پروگرام کے اہداف میں فی الحال کوئی تبدیلی نہیں کی جارہی، عدم توازن کو کم کرنے کیلئے اقدامات لئے گئے ہیں، وزیر اعظم نے پروگرام پر عملدرآمد پر یقین دہانی کروائی ہے، پروگرام پر عملدرآمد سے معاشی استحکام آئے گا۔

اسلام آباد(ایمرا نیوز آن لائن)عالمی منڈی میں تیل کی قیمتیں بڑھنے سے پاکستان پر اثرات، پٹرولیم مصنوعات کی قیمتوں میں 10 سے 12 روپے اضافے کا خدشہ ہے۔پاکستان کے امپورٹ بل میں 80 کروڑ ڈالر کا اضافہ ہو جائے گا، تیل کی قیمتوں میں اضافے سے مہنگائی میں بھی اضافہ ہوگا۔

یاد رہے سعودی تنصیبات پر حملے کے بعد عالمی منڈی میں تیل کی قیمتیں 4 ماہ کی بلند ترین سطح پر جاپہنچی، امریکی خام تیل کی قیمت میں 10.68 فیصد اضافہ ہوا ہے۔ عالمی منڈی میں ٹریڈنگ کے آغاز پر ہی خام تیل کی فی بیرل کی قیمت میں 19 فیصد اضافہ ہوا اور وہ 71.95 ڈالر فی بیرل تک جا پہنچی۔

اس کے علاوہ تیل کی قیمت کا دوسرا اہم پیمانہ ویسٹ ٹیکساس انٹرمیڈیٹ کی قیمت میں 15 فیصد اضافہ ہوا اور وہ 63.34 ڈالر تک پہنچ گئی۔ حملوں کی وجہ سے تیل کی عالمی رسد میں فوری طور پر 5 فیصد کمی آگئی تاہم بعد میں صدر ٹرمپ کی جانب سے امریکی ذخائر ریلیز کرنے پر قیمت میں تھوڑی کمی آئی۔ حکام کے مطابق سعودی تنصیبات کے مکمل طور پر واپس آپریشنل ہونے میں کئی ہفتے لگ سکتے ہیں۔

اسلام آباد (ایمرا نیوز آن لائن) سونے کی نرخ ایک سال میں آسمان سے باتیں کرنے لگیں، عوام مصنوعی زیورات خریدنے پر مجبور ہوگئی۔رپورٹ کے مطابق گزشتہ برس اگست میں سونے کی قیمت تقریباً 55 ہزار روپے فی تولہ تھی جب کہ اب تقریباً 88 ہزار روپے تولہ ہے۔

صراف کہتے ہیں ایک سال میں ان کا کاروبار تباہ و برباد ہو کے رہ گیا ہے، جیولرز کا برا حال ہے کیونکہ سونا اتنا مہنگا ہو چکا ہے کہ کوئی خریدار ہی نہیں آتا۔خیریداروں کا کہنا ہے کہ شادی بیاہ کے لیے سونا خریدنا تقریباً ناممکن ہو چکا ہے لہذا مصنوعی زیورات سے گزارا کرنا سیکھ رہے ہیں۔

چین (ایمرا نیوز آن لائن)جیک ما عہدے سے فارغ ہونے کے بعد بھی ہمیشہ کے لیے علی بابا پارٹنرشپ میں ساتھ رہیں گے دنیا کی مقبول ای کامرس کمپنی علی بابا کے چیئرمین جیک ما عہدے سے سبکدوش ہو گئے۔گزشتہ روز جیک ما نے علی بابا کے سی ای او ڈینیئل ژانگ کو اپنا استعفیٰ جمع کرایا اور بطور چیئرمین تمام خدمات کو خیرباد کہا۔

جیک ما کی سبکدوشی سے متعلق گزشتہ برس ہی اعلان کر دیا گیا تھا تاہم وہ آئندہ برس ہونے والی سالانہ جنرل شیئر ہولڈرز میٹنگ میں علی بابا کے بورڈ کے لیے اپنی خدمات جاری رکھیں گے۔اس کے علاوہ جیک ما ہمیشہ کے لیے علی بابا پارٹنرشپ میں ساتھ رہیں گے جس کا فیصلہ علی بابا گروپ کی سینیئر انتظامیہ کی جانب سے کیا گیا ہے۔

ٹیکنالوجی ویب سائٹ کی رپورٹ کے مطابق جیک ما نے گزشتہ برس کہا تھا کہ وہ آہستہ آہستہ علی بابا گروپ کو خیرباد کرنے کا فیصلہ کر رہے ہیں۔جیک ما کا کہنا تھا کہ ایک وعدہ جو میں کر سکتا ہوں وہ یہ ہے کہ علی بابا جیک ما سے نہیں تھا لیکن جیک ما ہمیشہ علی بابا سے منسلک رہے گا۔

واضح رہے کہ جیک ما نے علی بابا کمپنی میں سی ای او کے عہدے کو 2013 میں خیرباد کہا تھا جس کے بعد وہ چیئرمین کے عہدے پر فائز ہوئے تھے۔

بطور چیئرمین جیک ما نے کمپنی کو ای کامرس کے گرتے کاروبار سے باہر نکالا اور اسے ترقی کی راہ پر گامزن کیا۔دلچسپ بات یہ ہے کہ جیک ما چین میں ماضی کے انگریزی ٹیچر تھے اور انہوں نے عالمی یوم اساتذہ کے موقع پر ہی علی بابا کے چیئرمین کے عہدے کو الوداع کہا۔جیک ما نے اپنی باقی ماندہ زندگی تعلیمی خدمات میں صرف کرنے کا فیصلہ کیا ہے۔