Category بزنس

اسلام آباد: (ایمرا نیوزآن لائن) پاکستان آئی ایم ایف کے درمیان قرضے پروگرام کا مسودہ آخری مراحل میں داخل ہو گیا۔ ذرائع کا کہنا ہے یکم جولائی سے بجلی مرحلہ وار مہنگی جبکہ 700 ارب روپے کے ٹیکس لگیں گے۔ذرائع کے مطابق آئی ایم ایف سے قرض کے حوالے سے مسودہ آخری مرحلہ میں داخل ہو گیا ہے، پاکستان آئی ایم ایف سے 7 سے 8 ارب ڈالر سے زائد قرض حاصل کرے گا۔ 3 سالہ پروگرام پر معاہدہ آج طے پا جائے گا جس کے تحت یکم جولائی سے بجلی مہنگی ہوگی، بجلی کی قیمتوں میں اضافہ 2 مراحل میں ہوگا۔

یکم جولائی سے 700 ارب سے زائد کے ٹیکس لگیں گے۔ گیس کی قیمتیں دوسرے مر حلے میں بڑھائی جائیں گی۔ذرائع کے مطابق ترقیاتی بجٹ گزشتہ سال کی سطح پر منجمد کیا جائے گا، خسارے میں چلنے والے اداروں کی نجکاری کی جائے گی، ایکسچینج ریٹ طے کرنے میں اسٹیٹ بینک خود مختار ہوگا، بجٹ خسارہ کم کر کے 3 سال میں 6.8 فیصد سے 4 فی صد تک لایا جائے گا، مالی نظم و ضبط پر عمل اور غیر ترقیاتی اخراجات محدود رکھے جائیں گے۔

اسلام آباد (میڈیا 92 نیوز آن لائن ) ذرائع وزارت خزانہ کے مطابق امید ہے آج آئی ایم ایف کے ساتھ اسٹاف لیول ایگریمنٹ طے پا جائے گا اور معاہدہ طے پانے پر وزارت خزانہ اور آئی ایم ایف حکام مشترکہ پریس کانفرنس بھی کریں گے۔

ذرائع وزارت خزانہ کا کہنا ہے کہ معاہدہ طے نہ پانے کی صورت میں الگ الگ پریس ریلیز جاری کی جائے گی۔

ذرائع کے مطابق پاکستان کو 6 ارب 40 کروڑ ڈالر کا قرض ملنے کی توقع ہے جس کی میعاد 3 سال ہوگی۔

ذرائع وزارت خزانہ کا کہنا ہے کہ قرض معاہدے کی شرائط پر پاکستان شروع میں عمل درآمد کرے گا اور بجلی و گیس کی قیمتیں سال میں 2 مراحل میں بڑھائی جائیں گی۔

ذرائع کا کہنا ہے کہ بجٹ خسارے کو 4.5 فیصد تک محدود کیا جائے گا، ایف بی آر کا ریوینیو ٹارگٹ 5300 ارب روپے تک مقرر کیا جائے گا اور شرح سود 12 فیصد تک لانے کے علاوہ اگلے بجٹ میں 700 ارب روپے کے نئے ٹیکسز لگائے جائیں گے۔

ذرائع وزارت خزانہ کے مطابق حکومت ڈالر کی قیمت کو کنٹرول نہیں کرے گی اور تنخواہ پر ٹیکس کی شرح کو جون 2018 کی شرح سے لاگو کیا جائے گا۔

ذرائع کا مزید کہنا ہے کہ خسارے میں چلنے والے اداروں کی نجکاری کا پلان آئی ایم ایف کو دیا جائے گا اور توانائی سمیت متعدد شعبوں میں سبسڈی ختم کی جائے گی۔

اسلام آباد:(ایمرا نیوزآن لائن) وزارت خزانہ نے کہا ہے کہ پاکستان پر واجب الادا قرضوں کا حجم اگلے 7 برسوں میں 31 ارب ڈالر ہوجائے گا۔وزارت خزانہ کے لگائے گئے تخمینے میں آئی ایم ایف سے ملنے والا متوقع قرض شامل نہیں ہے۔ یہ تخمینہ ایکسٹرنل پبلک ڈیٹ کی بنیادوں پر لگایا گیا ہے جو فروری 2019 کے اختتام پر 74 ارب ڈالر تھا جب کہ عالمی مالیاتی فنڈ سے ماضی میں لیے گئے قرضے بھی ان ری پیمنٹس کا حصہ نہیں ہیں۔

وزارت خزانہ کے ڈائریکٹر جنرل ڈیٹ آفس عبدالرحمان وڑائچ نے قومی اسمبلی کی قائمہ کمیٹی برائے خزانہ کو بریفنگ دیتے ہوئے بتایا کہ مستقبل میں مجموعی پبلک ڈیٹ جی ڈی پی کے اعتبار سے مزید بڑھ جائے گا۔عبدالرحمان وڑائچ نے بتایا کہ مارچ 2019 کے اختتام پر پاکستان کا پبلک ڈیٹ28.6 ٹریلین روپے تھا جو جی ڈی پی کے 74.5 فیصد کے مساوی ہے۔ انھوں نے امید ظاہر کی کہ اگلے 5 سال میں یہ تناسب میکرواکنامک صورتحال کے بعد 65 فیصد کی سطح پر آجائے گا۔

کراچی (میڈیا 92 نیوز مانٹرنگ ڈیسک ) گرمی شروع ہوکر اپنے جوبن تک پہنچ جائے اور پھلوں کا بادشاہ آم مارکیٹ میں نظر نہ آئے یہ بھلا کیسے ممکن ہے ؟ رواں سیزن میں سندھ کے باغات میں پھلوں کے بادشاہ آم کی کئی اقسام پک کر تیار ہوچکی ہیں جبکہ پنجاب کے باغات میں بھی آم کی کئی قسمیں برداشت کے لیے تیار ہیں۔

اس مرتبہ موسمیاتی تبدیلی کے باعث خلاف توقع آم پاکستان کے چھوٹے بڑے شہروں میں شاذونادر ہی دکھائی دے رہاہے لیکن اسکے باوجود برآمد کنندگان پھلوں کے بادشاہ کو برآمد کرنے کے لیے تیار ہوچکے ہیں۔

آل پاکستان ایکسپورٹرز ایسوسی ایشن کے مطابق رواں سیزن میں پھلوں کے بادشاہ آم کی برآمدات کا آغاز 20 مئی سے ہوگا۔

آل پاکستان ایکسپورٹرز ایسوسی ایشن کے سرپرست وحید احمد کا کہنا ہے کہ اسں سیزن میں لگ بھگ ایک لاکھ ٹن آم برآمد ہوگا۔ ملک میں آم کی پیداوارکی اوسطا شرح 18 لاکھ ٹن رہی ہے۔ تاہم اس سال موسمی تبدیلی کی وجہ سے پیداوار میں 30 فیصد کمی کا سامنا ہے۔

وحید احمد کے مطابق سندھ اور پنجاب میں بارشوں سے آم کی پیداوار 12 لاکھ ٹن رہنے کی امید ہے۔

وحید احمد نے ہم نیوز سے خصوصی گفتگو میں کہا کہ گذشتہ سال 75 ہزار ٹن آم برآمد کیا گیا تھا۔

انہوں نے کہا کہ رواں سیزن میں ایک لاکھ ٹن آم کی برآمد سےملک کو 8 کروڑ ڈالر کا زرمبادلہ حاصل ہونے کی توقع ہے ۔

وحید احمد کے مطابق پاکستان سے زیادہ تر آم سمندری راستے سے برآمد کیا جاتا ہے۔زمینی راستے سے آم کی برآمد کا حصہ 15 فیصد اور فضائی راستے سے 15 فیصد ہے۔ یوں سمندری راستے سے آم کی برآمدات کا حصہ 70 فیصد ہے۔

لاہور (نیٹ نیوز) پنجاب بھر میں ایڈمنسٹریٹرز کی تقرریوں کو لاہور ہائیکورٹ میں چیلنج کر دیا گیا۔ سابق ڈسٹرکٹ چیئرمین نارووال احمد اقبال کی درخواست میں پنجاب حکومت کو فریق بنایا گیا ہے ۔ درخواست گزار نے موقف اختیار کیا کہ پنجاب حکومت نے غیر آئینی طور پر ایڈمنسٹریٹرز تعینات کیے ہیں۔

منتخب نمائندوں کو ہٹانا آرٹیکل 140 اے کی خلاف ورزی ہے ۔ درخواستگزار نے عدالت سے استدعا کی کہ پنجاب بھر میں ایڈمنسٹریٹرز کی تعیناتی کالعدم قرار دی جائے ۔ پٹرولیم مصنوعات کی قیمتوں میں اضافہ ہائیکورٹ میں چیلنج کر دیا گیا ۔پاکستان جسٹس اینڈڈیموکریٹک پارٹی کی درخواست میں وفاقی حکومت، اوگرا اور ایف بی آر کو

فریق بنایا گیا ہے ۔ درخواست میں موقف اختیار کیا گیا کہ ایف بی آر کا پٹرولیم مصنوعات کی قیمتوں میں اضافہ کرنا آئین کے آرٹیکل 3 اور 77 کی خلاف ورزی ہے ۔عدالت پٹرولیم مصنوعات کی قیمتوں میں اضافہ کالعدم قرار دے ۔ پاکستان میڈیکل اینڈ ڈینٹل کونسل کی تشکیل کو لاہور ہائیکورٹ میں چیلنج کر دیا گیا۔ایسویسی ایشن آف فزیشنز اینڈ

سرجنز کے عہدیدار ڈاکٹر اسد مرزاکی درخواست میں کہا گیا ہے کہ پی ایم ڈی سی میں ڈاکٹرز تنظیموں کی نمائندگی ختم کرکے آئین کی خلاف ورزی کی گئی۔کسی قانونی جواز کے بغیر پی ایم ڈی سی کی حیثیت کو تبدیل نہیں کیا جا سکتا۔ پی ایم ڈی سی آرڈیننس 2019سپریم کورٹ کے احکامات کی خلاف ورزی ہے ۔نئے آرڈیننس کے

تحت پی ایم ڈی سی کے 54ممبرزکی تعدادکم کر کے 20کر دی گئی ہے ۔پیشہ ورانہ کونسل میں غیر منتخب نمائندوں کی تعداد بڑھانے سے ادارے کی کارکردگی متاثر ہو گی۔عدالت پی ایم ڈی سی آرڈیننس 2019کوآئین سے متصادم قراردیتے ہوئے کالعدم قرار دے ۔ لاہور ہائیکورٹ نے تحریک لبیک کے خادم حسین رضوی اور پیر افضل قادری

کی درخواست ضمانت پر دلائل مکمل ہونے پر فیصلہ محفوظ کر لیا ۔جسٹس قاسم خان کی سربراہی میں دو رکنی بنچ نے کیس کی سماعت کی۔ پیر افضل قادری کی جانب سے ان کے وکیل نے بیان عدالت میں پڑھ کر سنایا جس پر عدالت نے ریمارکس دیئے کہ اتنے لمبے بیان کی بجائے لکھتے کہ آپ کا بیان اسلام اور ملکی سالمیت کیخلاف تھا

واپس لیتے ہیں۔کس نے آپ کو یہ اختیار دیا کہ آئینی اداروں کے متعلق فتوے جاری کریں؟ پیر افضل قادری کے وکیل نے عدالت سے استدعا کی کہ ضمانت منظور کی جائے کیونکہ سینکڑوں بچوں کی تعلیم متاثر ہو رہی ہے ۔پیر افضل قادری نے جذباتی ہو کر بیان دیا اس سے خادم حسین رضوی کا کوئی تعلق نہیں ۔ عدالت نے استفسار کیا

کہ پورے ملک میں احتجاج کی کال کس نے دی تھی اور کیا نقصانات کا تخمینہ لگایا گیا ؟سرکاری وکیل نے بتایا کہ دھرنوں سے 30 سے 32 کروڑکا نقصان ہوا۔

پشاور(نیٹ‌نیوز)وزیراعظم کے مشیر خزانہ عبدالحفیظ شیخ کی تقرری پشاور ہائیکورٹ میں چیلنج کر دی گئی۔وزیراعظم عمران خان کے مشیر خزانہ مشیر خزانہ عبدالحفیظ شیخ کی تقرری کو پشاور ہائی کورٹ میں

چیلنج کر دیا گیا، جس پر پشاور ہائیکورٹ کے چیف جسٹس وقار احمد سیٹھ اور جسٹس مسرت ہلالی پر مشتمل ڈویژن بنچ نے وفاقی حکومت سے جواب طلب کر لیا ۔درخواست گزار صحافی شاہد اورکزئی نے عدالت میں

موقف اختیار کیا کہ پریشانی کسی فرد واحد سے متعلق نہیں بلکہ اصل مسئلہ قومی بجٹ کا ہے جسے پیش کرنے کا اختیار صرف وفاقی وزیر خزانہ کو ہے ،جس کے لئے اسے پہلے صدر مملکت کے روبرو اپنے عہدے کا حلف اٹھانا لازم ہے ۔ جس پر عدالت نے 21مئی تک اٹارنی جنرل سے تحریری جواب طلب کر لیا۔

اسلام آباد (نیٹ‌نیوز) پاکستان اور آئی ایم ایف کے مذاکرات میں اہم پیشرفت ہوئی ہے اور فریقین کے مابین کئی اہم معاملات پر اتفاق ہو گیاہے ۔وزارت خزانہ کے ذرائع کے مطابق پاکستان نے آئی ایم ایف کی تین کڑی شرائط مان لی ہیں ۔ وزارت خزانہ کے ذرائع نے بتایاپہلی شرط کے تحت آئندہ تین سالوں میں ٹیکسوں میں کم ازکم 500 ارب روپے کا اضافہ کیاجائے گا۔

حکومت کسی شعبہ کو ٹیکس چھوٹ یا مالی سبسڈی نہیں دے گی۔ وزارت خزانہ کے ذرائع کے مطابق خوراک سمیت تمام اشیا پر ٹیکس چھوٹ ختم کر دی جائے گی ۔دوسری شرط کے مطابق روپے کی قدر کا تعین مارکیٹ کریگی ۔تیسری شرط کے مطابق پٹرولیم مصنوعات، بجلی اورگیس کی قیمتوں میں اضافے کا تین سالہ شیڈول 15مئی سے

قبل آئی ایم ایف کو دیاجائیگا۔ ذرائع کے مطابق بجلی اورگیس نرخوں کی مد میں 340 ارب روپے تین سال میں صارفین کی جیبوں سے نکالے جائیں گے ۔ حکومت نیپرا کو بجلی کی قیمت کے تعین کے لیے خودمختار بنانے پر بھی رضا مندہوگئی ہے اورچھوٹے صارفین کے علاوہ سب کے لیے سبسڈی ختم کرنے کا فیصلہ کیا گیا ہے ۔

صنعتی صارفین میں صرف ایکسپورٹ انڈسٹری کو محدود سبسڈی دی جائے گی ۔ذرائع کے مطابق اوگرا گیس کے نرخوں کا تعین کرنے کے معاملے میں خودمختار ہو گی جبکہ فریقین کے مابین ایمنسٹی سکیم پر پہلے ہی اتفاق ہو چکا ہے ۔ ذرائع کے مطابق پاکستان نے ایمنسٹی سکیم پر آئی ایم ایف کو راضی کرلیا ہے ،اثاثے ظاہر کرنے کی

سکیم رواں ماہ متعارف کرائے جانے کا امکان ہے ۔ اثاثے ظاہر کرنے کی سکیم سے 170 ارب روپے کا ٹیکس مل سکتا ہے جبکہ 2500 ارب روپے کے اثاثے قانونی بن سکتے ہیں۔اثاثے ظاہر کرنے کی سکیم آسان اورآئی ایم ایف پروگرام سے پہلے جاری ہوگی، آئی ایم ایف سے قرض پروگرام لینے کے بعد سکیم کا اجرا نہیں ہوسکتا۔پاکستان اور آئی ایم ایف

حکام کے درمیان تکنیکی سطح کے مذاکرات میں آئی ایم ایف مشن کی سربراہی ارنستو ریگو جبکہ پاکستان کی مشیر خزانہ ڈاکٹر عبدالحفیظ شیخ کر رہے ہیں۔ مذاکرات میں آئی ایم ایف سے محصولات، ایکسچینج ریٹ، شرح سود، بجلی اور گیس کی قیمتوں پر بات چیت ہوئی۔ آئی ایم ایف کو پاور سیکٹر کے ساتھ سوشل سیفٹی نیٹ پر بریفنگ دی گئی

جبکہ سرکلر ڈیٹ کم کرنے ، بجلی و گیس کے نرخ بڑھانے کے لیے حکمت عملی کا بھی بتایا گیا۔ آئی ایم ایف نے نئے مالی سال سے بھرپور ٹیکس اصلاحات پر زور دیا اور 700ارب روپے کے نئے ٹیکس لگانے کا مطالبہ کیا ہے ۔ ذرائع کے مطابق آئی ایم ایف نے ایف بی آر سے 700 ارب روپے کا ٹیکس پلان مانگ لیا ہے جبکہ نقصان میں چلنے

والے قومی اداروں کی تنظیم نو اور نجکاری کے بھی مطالبات پیش کئے ہیں۔آن لائن کے مطابق پاکستان اور عالمی مالیاتی فنڈز کے درمیان پالیسی سطح کے حتمی مذاکرات کل (جمعہ کو )طے ہونے کے امکانات ہیں جس میں میمورنڈم آف اکنامکس اینڈ فنانشل پالیسی کے تحت شرائط طے کی جائینگی ، شرائط طے ہونے کے بعد جمعہ کوہی

آئی ایم ایف سے ایل او آئی طے پانے کے بھی امکانات ہے ۔مذاکرات کے حتمی دور کے بعد لیٹر آف انٹنٹ پر نئے گورنر سٹیٹ بینک باقر رضا دستخط کریں گے ۔ آئی ایم ایف نے کہاہے ملکی معاشی استحکام کے لئے اقدامات پر سیاست نہ کی جائے ۔ آئی ایم ایف وفد سے ارکان پارلیمنٹ سینیٹر شبلی فراز، سابق وزیر خزانہ

نوید قمر، وزیر مملکت برائے ریونیو حماد اظہر نے ملاقات کی ۔اس موقع پرمشیر خزانہ ڈاکٹر حفیظ شیخ بھی موجود تھے ۔ ذرائع کے مطابق ملاقات کے دوران ملکی معاشی صورتحال پر گفتگو کی گئی۔آئی ایم ایف حکام نے کہا حکومت کی طرف سے پروگرام طے پا جانے کے بعد پارلیمنٹ کو اعتماد میں لینے کی یقین دہانی بھی کرائی گئی ہے ۔

اسلام آباد (میڈیا 92 نیوز مانٹرنگ ڈیسک ) حکومت نے پاکستان اسٹیل ملز کی نجکاری کرنے کا فیصلہ کرلیا۔

مشیر خزانہ عبدالحفیظ شیخ کی سربراہی میں اقتصادی رابطہ کمیٹی (ای سی سی) نے سابق وزیر خزانہ اسد عمر کے اسٹیل ملز کی نجکاری نہ کرنے کے فیصلے کو رد کردیا۔

دستاویزات کے مطابق ای سی سی نے پاکستان اسٹیل کو دوبارہ نجکاری فہرست میں شامل کرنے کا فیصلہ دے دیا، اس سے قبل سابق وزیر خزانہ اسد عمر کی سربراہی میں کابینہ نجکاری کمیٹی نے پاکستان اسٹیل کو نجکاری فہرست سے نکالنے کا فیصلہ دیا تھا۔

دستاویزات کے مطابق پاکستان اسٹیل کی دوبارہ نجکاری کے لیے کابینہ نجکاری کمیٹی میں سمری پیش کرنے کا فیصلہ کیا ہے۔

یاد رہے کہ ایکسپرٹ گروپ نے پاکستان اسٹیل کی نجکاری نہ کرنے کی تجویز دی تھی

اسلام آباد (میڈیا 92 نیوز آن لائن ) حکومت نے بجلی اور گیس مزید مہنگی کرنے کے لیے آئی ایم ایف کی شرط مان لی جس کے بعد تین سال میں صارفین کی جیبوں سے 340 ارب روپے نکالے جائیں گے۔

پاکستان اور آئی ایم ایف کے درمیان مذاکرات جاری ہیں اور آئی ایم ایف نے ٹیکس شرائط سے پیچھے ہٹنے سے انکار کر دیا ہے، ذرائع کا بتانا ہے کہ آئی ایم ایف نے پاکستانی حکام سے بجٹ میں 700 ارب روپے کے اضافی ٹیکس لگانے کا مطالبہ کیا ہے۔

ذرائع کے مطابق آئی ایم ایف نے ایف بی آر سے 700 ارب روپے کا ٹیکس پلان مانگ لیا ہے۔

ذرائع کا کہنا ہے کہ پاکستان کا پالیسی اقدامات کے ذریعے اضافی ٹیکسز لگانے کا پلان ہے، نئے اقدامات کے ذریعے ٹیکس آمدن بڑھانے کا پلان پیش کیا گیا ہے۔

آئی ایم ایف مذاکرات میں پاکستان کی جانب سے پہلے ہی 500 ارب روپے کے نئے ٹیکسز لگانے کی یقین دہانی کروائی جا چکی ہے

ذرائع کا بتانا ہے کہ آئی ایم ایف ٹیکسز سے متعلق شرائط نرم کرنے پر تیار نہیں اور عالمی مالیاتی ادارہ ایف بی آر کا ٹارگٹ 5200 ارب روپے سے زائد مقرر کرنا چاہتا ہے۔

ذرائع کا کہنا ہے کہ حکومت نے بجلی اور گیس مزید مہنگی کرنے کی آئی ایم ایف کی شرائط مان لی ہیں، بجلی،گیس کی مد میں 340 ارب روپے 3 سال میں صارفین کی جیبوں سے نکالے جائیں گے۔

ذرائع کے مطابق حکومت نے نیپرا اور اوگرا کو بجلی اور گیس کی قیمتوں کے تعین کے لئے خودمختار بنانے پر رضامندی ظاہر کر دی ہے۔

ذرائع کا بتانا ہے کہ حکومت نے چھوٹے صارفین کے علاوہ سب کے لیے سبسڈی ختم کرنے کا فیصلہ کیا ہے، صنعتی صارفین میں صرف ایکسپورٹ انڈسٹری کو محدود سبسڈی دی جائے گی۔

لاہور(ایمرا نیوزآن لائن) بین الاقوامی بلین مارکیٹ میں فی اونس سونے کی قیمت بغیرکسی تبدیلی کے 1281 ڈالر پر مستحکم رہنے کے باعث مقامی صرافہ مارکیٹوں میں بھی منگل کو فی تولہ اور فی10گرام سونے کی قیمتیں بغیرکسی تبدیلی کے مستحکم رہیں۔فی تولہ سونے کی قیمت 66800 روپے اورفی 10گرام سونے کی قیمت 57270 روپے پر مستحکم رہی۔ فی تولہ چاندی کی قیمت بغیرکسی تبدیلی کے 890 اور فی10 گرام چاندی کی قیمت763روپے پر مستحکم رہی ۔