Category صحت

کراچی(میڈیا پاکستان) سرد میں درد گو اگر عالمی مسئلہ کہا جائے تو غلط نہ ہوگا، دنیا بھر کے لوگوں کی اکثریت سر کے درد میں مبتلا ہے۔ سر میں درد ہونے کی متعدد وجوہ ہوسکتی ہیں جیسے کام کا دباؤ، پریشانی اور ذہنی تناؤ (ٹینشن) وغیرہ۔سر میں درد کا شکار صرف مرد حضرات ہی نہیں ہوتے بلکہ خواتین اور بعض اوقات کم عمر نوجوان بھی سر میں درد کی شکایت کرتے نظر آتے ہیں۔ یہ کیفیت اتنی عام ہوگئی ہے کہ لوگ اس کا علاج کروانے کےلیے اب ڈاکٹرز کے پاس جانے کی بھی ضرورت محسوس نہیں کرتے بلکہ بغیر ڈاکٹری نسخے کے کسی بھی میڈیکل اسٹور سے دوائیاں خرید کر کھالیتے ہیں۔ یہ دوائیاں وقتی طورپرتو اثر کرتی ہیں لیکن جیسے ہی ان کااثر ختم ہوتا ہے، درد دوبارہ شروع ہوجاتا ہے۔ تاہم دردِ سر سے ہمیشہ کےلیے جان چھڑانا ممکن ہے اور اس کےلیے ڈاکٹر کے پاس جانے یا کڑوی دوائیاں استعمال کرنے کی بھی ضرورت نہیں بلکہ جسم کے کچھ حصوں پر مساج کرنے سے صرف 5 منٹ میں سر کے درد سے چھٹکارا حاصل کیا جاسکتا ہے۔
آنکھوں کے درمیان مساج کیجیے
سر میں درد کی مختلف شکلیں ہوتی ہیں کسی کو آدھے سر کا درد ہوتا ہے تو کسی کو آنکھوں کے اوپری حصے میں درد کی شکایت ہوتی ہے۔ لہٰذا وہ افراد جو اپنی آنکھوں میں یا ان کے ارد گرد درد محسوس کریں تو انہیں چاہیے کہ دونوں بھنوؤں کے درمیانی حصے پر 60 سیکنڈ تک دائرے کی شکل میں مساج کریں۔ اس طریقے پر عمل کرکے سر کے درد میں فوری آرام آتا ہے۔
سر کے پچھلے حصے کو دبائیے
مائیگرین یعنی آدھے سر کے درد سے نجات حاصل کرنے کےلیے سر کے پچھلے حصے میں دو گڑھے محسوس ہوں گے، ان پر انگوٹھوں کی مدد سے دباؤ ڈالیے اور تقریباً 5 منٹ تک اسی حالت میں رہیے۔ اب یہاں پر ہلکے ہاتھ سے مساج کیجیے۔
ہاتھ کے پچھلے حصے پر انگوٹھے اور شہادت کی انگلی کے درمیان مساج کیجیے
یہ مقام ہاتھ کے پیچھے کی جانب انگوٹھے اور شہادت کی انگلی کے درمیان واقع ہوتا ہے۔ اس پر مساج کرنے سے کمر، دانتوں، جبڑوں اور آدھے سر کے درد میں افاقہ ہوتا ہے۔ ا س کے علاوہ یہ تناؤ کے سبب گردن کے اکڑے ہوئے پٹھوں کو آرام پہنچانے میں بھی مدد کرتا ہے۔
گردن کے پچھلے حصے پر مساج کیجیے
گردن کے پچھلے حصے پر جہاں سے کھوپڑی شروع ہوتی ہے، اس سے تھوڑا اوپر کی جانب ہلکے ہاتھ سے مساج کیجیے۔ یہ طریقہ مائیگرین یعنی آدھے سر کے درد میں آرام دلاتا ہے۔

اسلام آباد (میڈیا پاکستان ) خبردار کھانے کے دوران پانی پینا صحت کے لئے بہت مضر ہے۔اس اہم بات پر تحقیق کرتے ہوئے مائیکروبیٹک کونسلر سونامی شبھروال کہتے ہیں کہ زیادہ تر افراد کھانے کے دوران پانی پیتے ہیں اور اس کے لئے توجیہ یہ دیتے ہیں کہ کھائی جانے والی خوراک پانی ہے ۔تر ہو کر جلدی ہاضمہ کا عمل پورا کرتی ہیں لیکن لوگوں کو اس بات کا اندازہ ہی نہیں کہ یہ کس قدر مضر صحت ہے۔بھوک در اصل ایک اشارہ ہوتی ہے کہ معدہ خالی ہو رہا ہے اور توانائی کے حصول کے لئے معدے میں کچھ نہ کچھ لانا چاہیے تو اس کے لئے فوری طور پر کوئی جوس وغیرہ لے لینا چاہیے۔ تحقیق ثابت کرتی ہے کہ کھانے سے دو گھنٹے قبل پانی پینا بہت مفید ہوتا ہے ۔ اس ضمن میں یہ بات تمام لوگوں تک پھیلائی جانی چاہیے کہ جو خوراک معدے میں جاتی ہے ان کو ہضم کرنے کے لئے لبلہ سے پنکریاس جوس اور دیگر جوسز پتلے ہو جاتے ہیں جس سے ان کی افادیت کم ہو جاتی ہے۔ اس کے علاوہ یہ پانی انسولین لیول میں شوگر کو بڑھا دیتا ہے جو موٹاپے کا باعث بنتا ہے۔ اس کے لئے ایک احتیاطی تدبیر بھی ہے کہ جو خوراک آپ کھا رہے ہیں وہ اس قدر ترش، مرچوں والی اور مصالحہ دارانہ ہو کہ آپ کو بار بار پانی نہیں پینا پڑے۔خوراک چبا کر کھائیں اور کھانے سے قبل پانی پئیں۔

اسلام آباد(میڈیا پاکستان ) مائیکرو ویو اوون ویسے تو جدید دور کی ایک کارآمد شے ہے لیکن بعض اوقات اس کا استعمال صحت کو نقصان پہنچانے کا سبب بھی بن سکتا ہے۔ماہرین کے مطابق مائیکرو ویو اوون کے استعمال سے پہلے اس کے طریقہ استعمال سے آگاہی حاصل کرنی چاہئے ورنہ غلط استعمال پر آپ اپنی صحت کو ناقابل تلافی نقصان پہنچا سکتے ہیں۔طبی ماہرین کا کہنا ہے کہ مندرجہ ذیل اشیا کو مائیکرو ویو میں گرم کرنے سے سختی سے پرہیز کرنا چاہیئے۔مائیکرو ویو میں انڈے ابالنا ایک نقصان دہ عمل ہے۔ انڈے بھاپ کو بہت زیادہ جذب کرتے ہیں، جو مائیکرو ویو میں بند ہونے کے باعث باہر نہیں نکل پاتی۔ لہٰذا انڈے کو کھلے برتن میں چولہے پر ابالنا ہی درست طریقہ ہے۔اکثر افراد جمے ہوئے گوشت کو کٹ لگا کر مائیکرو ویو میں گرم کرنے کے لیے رکھ دیتے ہیں۔ اس طرح گوشت کے کنارے پک جاتے ہیں جبکہ اندرونی حصہ ویسا ہی کچا اور جما ہوا رہ جاتا ہے۔مزید یہ کہ اگر مائیکرو ویو کی پلیٹ گردش نہیں کر رہی تو اس کا مطلب ہے کہ گوشت کے کسی ایک حصہ پر ہی حرارت جمع ہو رہی ہے جو نقصان دہ بیکٹریا کی افزائش کا سبب بن سکتی ہے۔طبی ماہرین کا کہنا ہے کہ جمے ہوئے گوشت کو معمول کے روم ٹمپریچر پر ہی پگھلنے دینا چاہیئے۔پلاسٹک کے برتن کو کبھی بھی مائیکرو ویو میں گرم نہ کریں۔ پلاسٹک کے برتن یا بوتلوں سے اکثر پلاسٹک جھڑ کر کھانے یا پانی میں شامل ہوجاتا ہے جو ہمارے جسم میں جا کر سخت نقصان پہنچانے کا سبب بن سکتا ہے۔مائیکرو ویو میں پلاسٹک کے برتن گرم کرنے کے لیے رکھنے سے یہ خدشہ دگنا ہوجاتا ہے۔

لاہور (میڈیا پاکستان) شعبہ صحت سے تعلق رکھنے والے افسران اور عملہ کے اعزاز میں تقریب، گورنر پنجاب کی بطور مہمان خصوصی شرکت۔تفصیلات کے مطابق پی سی ہوٹل کرسٹل ہال میں محکمہ پرائمری اینڈ سیکنڈری ہیلتھ کیئرکی جانب سے دوسری صحت خدمت ایوارڈ کی تقریب منعقد ہوئی، جسکا مقصد ڈاکٹرز، پیرا میڈیکل سٹاف اور صفائی کرنے والے عملہ کی خدمات کے اعتراف میں کارکردگی ایوارڈ اور کیش انعام تقسیم کرنا تھا۔ تقریب کے مہمان خصوصی گورنر پنجاب نے ڈاکٹرز اور سٹاف میں انعامات اور شیلڈز تقسیم کیں۔ انکا کہنا تھا کہ صحت کے شعبہ میں دن رات کام ہو رہا ہے مگر اس کی ترقی کو میڈیا اداروں کی جانب سے مناسب طریقے سے نشر نہیں کیا جاتا، اداروں کو صحت کے شعبہ کی خبر مکمل تحقیق کے بعدچلانی چاہیئے۔تقریب سے خطاب کرتے خواجہ عمران نزیرکا کہنا تھا کہ وزیر اعلی پنجاب کے وژن کے مطابق صحت کا شعبہ میں جدت لائی جا رہی ہے۔ سکاٹ لینڈ یارڈ کا پنجاب فارنزک سائنس ایجیسی سے نمونوں کی جانچ کروانا اسکا منہ بولتا ثبوت ہے۔ خواجہ سلمان رفیق نے کہا کہ درستگی کے باوجود صحت کے شعبہ میں مسلسل تنقید کا سامنہ کرنا پڑتا ہے، تنقید برائےاصلاح سے بڑھ کر تنقید صرف بائے تنقید ہوتی ہے۔

لاہور (میڈیا پاکستان) علم نجوم کو تو سائنس بکواس قرار دیتی ہے یعنی بروج کی پیشگوئیاں درحقیقت جھوٹ سے کم نہیں مگر سائنس دان یہ بھی مانتے ہیں کہ پیدائش کا موسم انسانی شخصیت پر اثر انداز ہوتا ہے۔یعنی پیدائش کا دن تو شخصیت پر کوئی خاص اثرارت مرتب کرتا ہے مگر موسم ضرور اس حوالے سے اہمیت رکھتا ہے۔سائنسدانوں نے اس حوالے سے ایسے شواہد اکھٹا کرنے کی کوشش کی ہے تاکہ جان سکیں کہ پیدائش کا موسم کس حد تک انسان پر اثرانداز ہوتا ہے۔حالیہ تحقیقی رپورٹس میں کالج میں زیرتعلیم طالبعلموں اور بالغ افراد کی شخصی عادات کا تجزیہ ان کے پیدائش کے موسم سے کیا گیا تاکہ جانا جاسکے کہ یہ عنصر کس حد تک اثرات مرتب کرتا ہے۔ ابھی اس حوالے سے نتائج ابتدائی یا نامکمل قرار دیئے جاسکتے ہیں تاہم کچھ حد تک صداقت بھی ہے۔اس نتائج کے حوالے سے مختلف موسموں میں پیدا ہونے والے افراد کی ممکنہ شخصی عادات یا خاصیتیں کچھ ایسی ہوسکتی ہیں۔
موسم بہار
اگر تو آپ مارچ، اپریل یا مئی میں پیدا ہوئے ہیں، تو ان مہینوں کے بچے کافی جذباتی ہوتے ہیں جو کہ اچھا امر کہا جاسکتا ہے کیونکہ عام طور پر جذباتیت کو پرامیدی سے جوڑا جاتا ہے، مگر اس پرامیدی کی ایک قیمت بھی چکانی پڑسکتی ہے اور وہ ہے شدید ڈپریشن۔ 58 ہزار افراد سے زائد افراد پر 2012 میں ہونے والی طبی تحقیق میں یہ بات کی گئی تھی کہ بہار یا اپریل اور مئی میں پیدا ہونے والے افراد میں ڈپریشن کے عارضے کا امکان دیگر مہینوں میں پیدا ہونے والے افراد کے مقابلے میں بہت زیادہ ہوتا ہے۔
موسم گرما
جون، جولائی اور اگست میں پیدا ہونے والے افراد میں بھی کسی حد تک جذباتیت کا عنصر ہوتا ہے بلکہ بہار کے مقابلے میں پیدا ہونے والے مقابلے میں کچھ زیادہ ہوتا ہے اور ان کا مزاج اچانک بدلنے کا امکان ہوتا ہے، تاہم مجموعی طور پر ایسے افراد کافی خوشگوار مزاج کے حامل ہوتے ہیں۔
موسم خزاں
ستمبر، اکتوبر اور نومبر کے حوالے سے سائنسدانوں کے مطابق اس موسم میں پیدا ہونے والے میں صرف ڈپریشن کا خطرہ کم ہوتا ہے بلکہ بائی پولر ڈس آرڈر مرض کا خطرہ بھی بہت کم ہوتا ہے۔ تاہم ایک خامی ضرور ہوسکتی ہے وہ ہے جلد چڑنے کا رجحان۔
موسم سرما
دسمبر، جنوری اور فروری میں پیدا ہونے والے شیزوفرینیا بائی پولر ڈس آرڈر اور ڈپریشن جیسے امراض کا خطرہ زیادہ ہوتا ہے مگر اس کے ساتھ ساتھ ان کے مزاج میں چڑچڑے پن کا امکان دیگر موسموں کے مقابلے بہت کم ہوتا ہے ، جبکہ سائنسدانوں کے مطابق دنیا میں شہرت حاصل کرنے کے لیے جنوری اور فروری کے مہینے میں پیدا ہونے والے افراد زیادہ کامیابی ہوتے ہیں کیونکہ ایسے افراد میں تخلیقی اور مسائل حل کرنے والی سوچ زیادہ بہتر ہوتی ہے۔
ویسے جیسا کہا جاچکا ہے کہ فی الحال یہ ابتدائی نتائج ہیں اور مکمل طور پر ان پر یقین نہیں کیا جاسکتا۔

کارڈف(میڈیا پاکستان) غیرمعمولی بیماری کا شکار بچے ’’لیوہچنسن‘‘ کی کھوپڑی کی ہڈی کو متعدد حصوں میں علیحدہ کیا گیا اور پھر آہنی بولٹس کی مدد سے جوڑا گیا۔ویلز، برطانیہ کے شہر کارڈف سے تعلق رکھنے والا 5 سالہ لیو ہچنسن پیدائشی طور پر ایک غیرمعمولی بیماری ’’کرینیوسائنوسٹوسس‘‘ (Craniosynostosis) میں مبتلا تھا۔ اس بیماری میں کھوپڑی کی نشوونما غیرمعمولی طورپر اگلے اور پچھلے حصے سے بڑھنے لگتی ہے جس سے دماغ پر دباؤ بڑھنے لگتا ہے اور مریض بینائی سے محروم ہونے کے ساتھ ساتھ دیگر پیچیدگیوں کا بھی شکار ہوسکتا ہے۔
لیوہچنسن کی ماں جورجیا کا کہنا ہے کہ اپنی پہلی اولاد کے ساتھ اس بیماری کی خبر نے اسے بہت دلبرداشتہ کیا۔ ڈاکٹروں کا کہنا تھا کہ گزرتے وقت کے ساتھ لیو کی بینائی ضائع ہوجائے گی جبکہ وہ دیگردماغی پیچیدگیوں کا شکار بھی ہوسکتا ہے۔
جورجیا کا کہنا تھا کہ لیو کی پہلی سرجری 7 ماہ کی عمر میں کی گئی تھی۔ پہلی سرجری کے دو سال بعد لیو کے اعصاب پر ورم ہونے لگا جو خطرناک علامت تھی۔ علامات کو دیکھتے ہوئے ڈاکٹروں نے لیو کا دوسرا آپریشن کرنے کا فیصلہ کیا آپریشن کے بعد لیو کی کھوپڑی کی ہڈی کو متعدد حصوں میں علیحدہ کیا گیا اور پھر آہنی بولٹس کی مدد سے جوڑدیا گیا۔
لیو کی ماں کا کہنا تھا کہ ڈاکٹروں نے کھوپڑی کے دونوں جانب کی ہڈیوں میں سلائیڈرز نصب کیے گئے اور دن میں دو مرتبہ ان سلائیڈرز کو ایک خصوصی اوزار کی مدد سے حرکت دی جاتی رہی تاکہ دماغ پر پڑنے والے دباؤ کو کم کیا جاسکے۔ ان کا کہنا تھا کہ وہ 28 دن ان کی زندگی کے ناقابل فراموش دن تھے جو بہت تکلیف میں گزارے لیکن ڈاکٹروں کی محنت اور بہترین ییشہ ورانہ مہارت سے اب لیو ہچنسن بہت تیزی کے ساتھ صحت یاب ہورہا ہے۔

لاہور(میڈیا پاکستان)اکتوبر چھاتی کے سرطان کے بارے میں آگہی کا مہینہ ہے۔ پاکستان میں اس مرض کے باعث ہر سال 40 ہزار خواتین موت کے منہ میں چلی جاتی ہیں۔ ملک میں ہر 9 میں سے ایک خاتون اس مہلک مرض میں مبتلا ہے۔
اس مرض کی جلد تشخیص ہو جائے تو صحتیابی کا امکان 90 فیصد تک ہوتا ہے۔ اس لئے لازم ہے کہ خواتین کو چھاتی کے سرطان سے متعلق اہم معلومات ہوں اور وہ پہلے سی ہی ایسی احتیاطی تدابیر پر عمل کریں جو مستقبل میں انہیں اس مہلک مرض سے محفوظ رکھ سکتی ہیں۔
اپنا باقائدگی سے معائینہ کریں
چھاتی کے سرطان سے سب سے بڑا بچائو باقائدگی سے اپنی چھاتی کا معائینہ کرنا ہے۔ اگر آپ کو اپنی چھاتی میں کسی بھی قسم کی تبدیلی محسوس ہو تو فوراً ڈاکٹر سے رابطہ کریں۔ چھاتی کے سرطان کے شروع میں کچھ خاص علامات ظاہر نہیں ہوتیں لیکن ایک چھوٹی سی رسولی محسوس کی جاسکتی ہے جو وقت کے ساتھ ساتھ سخت ہوتی جاتی ہے۔ اس صورت میں فوری طور پر ڈاکٹر سے رابطہ کرنا چاہئے۔
ورزش کریں
ورزش بھی چھاتی کے سرطان کو کم کرنے میں مدد دیتی ہے۔ امریکی کینسر سوسائٹٰی کی ایک تحقیق کے مطابق ایسی عورتیں جو اٹھارہ سال کی عمر کے بعد اکیس سے تیس پائونڈ وزن بڑھاتی ہیں اُن میں چھاتی کے کینسر کا امکان چالیس فیصد تک بڑھ جاتا ہے۔ اپنے آپ کو چھاتی کے کینسر سے محفوظ رکھنے کے لئے ہفتے میں پانچ دن روزانہ تیس منٹ تک چہل قدمی کریں۔
اپنے خاندان کی کینسر سے متعلق تاریخ جانیں
چھاتی کا کینسر موروثی بھی ہو سکتا ہے۔ اس لئے اپنے خاندان کی کینسر سے متعلق تاریخ جانیں۔ اپنی والدہ کے خاندان کے ساتھ ساتھ والد کے خاندان میں بھی کسی بھی قسم کے کینسر کے کیس کو نظر انداز نہ کریں۔ مردوں میں بھی اس کینسر کے غیر فعال جینز موجود ہوسکتے ہیں۔
میموگرافی زیادہ نہ کروائیں
میموگرافی یعنی چھاتی کا ایکسرے چھاتی کے سرطان کی تشخیص کے لئے بہت اہم ہے لیکن اس ایکسرے کو بار بار نہ کروائیں۔ اس ایکسرے کے دوران آپ کے جسم میں جانے والی شعائیں جسمانی خلیوں کے ڈی این اے میں تبدیلی کا بائث بن سکتیں ہے اور کینسر کے امکانات بڑھ سکتے ہیں۔
ہارمون تھیراپی کو کم سے کم کریں
ایسی خواتین جو ہارمون تھیراپی کے مرحلے سے گزر رہی ہوں انہیں بہت احتیاط کی ضرورت ہوتی ہے۔ ایک امریکی ادارے کی تحقیق کے مطابق ایسٹروجن اور پروجیسٹن نامی ہارمون تھیراپی عورتوں میں چھاتی کے سرطان کا امکان چوبیس فیصد تک بڑھا سکتی ہے۔
بچے کو اپنا دودھ پلائیں
ایک امریکی تحقیقی جریدے کے مطابق ایسی خواتین جو اپنے بچے کو چھ ماہ تک اپنا دودھ پلاتی ہیں ان میں چھاتی کے سرطان کے امکانات دس فیصد تک کم ہو جاتے ہیں۔ طبی ماہرین کا کہنا ہے کہ جہاں ماں کا دودھ بچے کے لئے بہت مفید ہے وہیں اس عمل سے عورت کے جسم کو بھی کئی فوائد حاصل ہوتے ہیں۔
صحیح خوراک کھائیں
آپ کی خوراک بھی آپ کو اس موذی مرض سے بچنے میں مدد دے سکتی ہے۔ ہارورڈ یونیورسٹی کی ایک تحقیق کے مطابق ایسی خواتین جن کے خون میں کیروٹینائیڈ کی سطح زیادہ تھی ان میں چھاتی کے سرطان کا خطرہ انیس فیصد کم پایا گیا۔ کیروٹینائیڈ سبز پتوں والی سبزیوں، گاجر اور سرخ مرچ میں پایا جاتا ہے۔ اپنے روزانہ کے کھانے میں پھلوں اور سبزیوں کے پانچ یا اس سے زائد حصے شامل کرنے چاہئے۔

کراچی(میڈیا پاکستان)میتھی کولیسٹرول کو کنٹرول کرنےمیں مددگارہےاس میں موجود فائبر اور اینٹی آوکسیڈنٹ جسم سے زہریلے مادوں کو خارج کرنے میں مددکرتے ہیں۔ماہرین کی حالیہ تحقیقاتی رپورٹ کےمطابق میتھی دانہ اور اس کے پتے جسم میں موجود کولیسٹرول کو کنٹرول کرنے میں بہت مفید ہیں میتھی کولیسٹرول اور ٹریگسیسرائڈز کو بھی کنٹرول کرتا ہے، ٹریگسیسرائڈزخون میں پایا جانیوالا ایسا فیٹ (چربی) ہے جس کی مقدار بڑھ جانا دل کی بیماریوں کا باعث بن جاتا ہے۔
میتھی کے فوائد یہیں ختم نہیں ہوئے ہیں ہرجگہ باآسانی دستیاب میتھی دانہ انسداد سوزش مرکبات پر مشتمل ہے جوجلد کی مختلف بیماریوں جیسے داد ،جلنے کے نشانات، کیل مہاسے اور جھریا کو ختم کرنے میں بھی مددگار ثابت ہوتا ہے۔

(میڈیا پاکستان) ایک تازہ ترین تحقیق سے معلوم ہوا ہے کہ دماغ کا وہ حصہ جو ہمیں جاگتے میں خواب دکھاتا ہے، وہی حصہ بغیر سوچے سمجھے خودکار طریقے سے کام کرنے میں بھی مدد دیتا ہے۔دماغ کے چند مخصوص حصے جنھیں ڈیفالٹ موڈ نیٹ ورک (ڈی ایم این) کہا جاتا ہے، اس وقت فعال ہو جاتے ہیں جب ہم جاگتے میں خواب دیکھتے ہیں یا حال کی بجائے ماضی یا مستقبل کے بارے میں سوچتے ہیں۔برطانیہ کی کیمبرج یونیورسٹی کے تحقیق کاروں نے معلوم کیا کہ یہی حصہ ہمیں بغیر سوچے سمجھے کیے جانے والے کام کرنے میں بھی مدد دیتا ہے، مثال کے طور پر کسی جانی پہچانی سڑک پر گاڑی چلانا۔توقع ہے کہ اس تحقیق سے دماغی امراض کا شکار افراد کا علاج تلاش کیا جا سکے گا۔اس سے پہلے کی جانے والی تحقیق سے معلوم ہوا تھا کہ ڈی ایم این آرام کی حالت میں زیادہ فعال ہوتا ہے، اور الزہائمرز، سکٹسوفرینیا، اور اے ڈی ایچ ڈی جیسی دماغی بیماریوں میں اس کے اندر خرابی پیدا ہو جاتی ہے۔تاہم سائنس دانوں کو اس کی وجوہات کی ٹھیک ٹھیک پتہ نہیں چل سکا۔سائنس دانوں نے حالیہ تحقیق میں 28 رضاکاروں سے کہا کہ وہ تاش کے ایک پتے (مثال کے طور پر پان کی دُکی) کو سکرین پر دکھائے گئے چار پتوں سے ملائیں۔اب یہ فیصلہ کرنا ان کا کام تھا کہ آیا انھیں کارڈوں کو ان کے رنگ، نمبر یا شکل کی بنیاد پر ملانا ہے۔ یہ انھیں خود تجربہ کر کے معلوم کرنا تھا۔ اس کے دوران ان کے دماغ کا سکینر کے ذریعے جائزہ لیا جاتا رہا۔جب رضاکار اس کھیل کے اصول سیکھ رہے تھے تو ان کے دماغ کا توجہ دینے والا حصہ زیادہ سرگرم تھا۔ یہ حصہ ایسی معلومات کی جانچ پڑتال کرتا ہے جو زیادہ توجہ کی متقاضی ہوتی ہیں۔جب رضاکار اصول جان گئے تو ڈی ایم این زیادہ سرگرم ہو گیا۔تحقیق کے مرکزی مصنف ڈینز واٹنسیور کہتے ہیں کہ ڈی ایم این ہمیں اس بات کا پہلے سے اندازہ لگانے میں مدد دیتا ہے کہ آگے کیا ہو گا، جس سے ہمیں مسلسل سوچتے رہنے کی ضرورت نہیں پڑتی۔ یہ کسی خودکار نظام یا آٹو پائلٹ کی طرح ہے، جو اپنے ارد گرد کے ماحول کے بارے میں اچھی طرح جانتا ہے، تاکہ ہم تیزی سے فیصلے کر سکیں۔’مثال کے طور پر جب آپ صبح کسی جانی پہچانی سڑک پر گاڑی چلاتے ہوئے دفتر کی طرف روانہ ہوتے ہیں تو ڈی ایم این فعال ہو جاتا ہے، تاکہ ہمیں ڈرائیونگ کے دوران ہر فیصلہ کرتے ہوئے بہت سا وقت اور توانائی صرف نہ کرنی پڑے۔ڈاکٹر واٹنسیور کہتے ہیں کہ جب ہم کسی انجانے ماحول میں داخل ہوتے ہیں تو ہمارا دماغ ‘مینوئل موڈ میں آ جاتا ہے، اور خودکار نظام یعنی ڈی ایم این بند ہو جاتا ہے۔اگر دماغ لگاتار کسی چیز پر توجہ دیتا رہے تو وہ جلد ہی تھکاوٹ کا شکار ہو کر کام کرنے کے قابل نہیں رہے گا۔ جاگتے میں خواب دیکھنا یا خیالی پلاؤ پکانے سے دماغ کو کچھ دیر آرام کا موقع مل جاتا ہے تاکہ اگلی بار جب ضرورت پڑے تو دماغ فوراً حرکت میں آ سکے۔یہ ایسے ہی ہے جب آپ کسی لمبی دوڑ میں حصہ لیتے ہیں تو راستے میں چند منٹ کے لیے بیٹھ کر آرام کرنے سے توانائیاں بحال ہو جاتی ہیں۔سائنس دانوں کو توقع ہے کہ ان کی تحقیق سے ایسے دماغی امراض کا علاج کرنے میں مدد ملے گی جن میں ذہن لگاتار سوچتا چلا جاتا ہے۔ ایسے امراض میں او سی ڈی (بار بار ایک ہی کام دہرائے چلے جانا) اور ڈپریشن شامل ہیں، جن میں مریض مسلسل ایک ہی قسم کی منفی سوچیں سوچتا رہتا ہے۔

کراچی(میڈیا پاکستان)عام طور پر گھروں میں کھانے کی اشیاء کو دھوکر کھایا جاتا ہے جو کہ اچھی عادت ہے لیکن بعض اشیا ایسی ہیں جنہیں دھونے کا خاص خیال رکھنا چاہیے۔
چمکدار چھلکے والے پھل اور سبزیاں:
پھولوں اور سبزیوں کے چمکدار چھلکے کو دیکھ کر یہ نہ سمجھیں کہ انہیں بغیر دھوئے کھایا جاسکتا ہے۔ مثلاً سیب، تربوز، آم،مالٹا،ٹماٹر،لیموں وغیرہ وغیرہ۔ ان اشیا کو کھانے سے پہلے لازماً پانی سے دھوئیں مگر اس کے لیے صابن اور کیمکلز نما مادوں کا استعمال قطعی نہ کریں۔
ناقابل استعمال چھلکے والے پھل اور سبزیاں:
بعض پھلوں اور سبزیوں کے چھلکے ناقابل استعمال ہوتے ہیں، مثلاً تربوز،کیلا،پپیتا،آم،چیری،پیاز،بینگن، آلو،وغیرہ۔ ایسے پھل اور سبزیوں کوچھلکےاتار کر کھایا جاتا ہے اس لیے دھونے کی ضرورت محسوس نہیں کی جاتی۔ لیکن اگر چھلکے اتارنے سے قبل ان پھلوں اور سبزیوں کو پانی سے دھویا جائے تو کئی جراثیم سے بچا جاسکتا ہے۔
خشک میوہ جات:
عمومی طور پر خشک میوہ جات خصوصاً بادام کو بغیردھوئے چھلکے سمیت کھایا جاتا ہےلیکن اب ہوشیار رہیں اور ایسا دوبارہ کرنے سے گریزکریں کیونکہ ان میوہ جات کی ٹرانسپورٹیشن کے دوران اور فروخت کی جگہ پر ممکنہ طور پر جراثیم ہوتے ہیں لہذا میوہ جات کو دھو کرکھانے سے پیراسائیٹ(ایسےجاندار جو دوسروں سے خوراک حاصل کریں)سے محفوظ رہتے ہیں۔
ڈبہ بند اشیا :
کیا ٹن پیک غذائیں مکمل طور پر چراثیم سے محفوظ ہیں؟ یہ ہم سوچتے ہیں مگر حقیقت اس کے برعکس ہے۔ قوی امکانات ہیں کہ ٹن کے ساتھ چراثیم چپکے ہوتے ہیں اس لیے کھولنے سے قبل ٹن کو لازماً پانی سے دھولیں۔