Category انٹرنیشنل

اوہائیو(نیٹ نیوز/ایمرا نیوز) اوہائیو میں جج کو ملزم پر غصہ آگیا اور غصے میں جج نے ملزم کے منہ پر ٹیپ لگا دی.
آپ خاموش ہوں گے یا نہیں؟ امریکا کی عدالت میں ایک ملزم کے بار بار مداخلت کرنے پر جج کو غصہ آگیا، جنہوں نے ملزم کو چپ کروانے کیلئے اس کے منہ پر ٹیپ لگوا دی۔
اوہائیو میں عدالتی کارروائی کے دوران بار بار وارننگ کے باوجود ملزم مسلسل بولتا رہا۔
جب جج کے منع کرنے کے باوجود ملزم چپ نہ ہوا تو جج نے غصے میں آکر اس کے منہ پر ٹیپ لگانے کا حکم دے دیا۔
پولیس اہلکار جج کے حکم پر ملزم کے پاس آئے جنہوں نے ملزم کو دبوچ کر اس کے منہ پر ٹیپ لگا دیا، ملزم پھر بھی خاموش نہ ہوا اور ٹیپ کے باوجود بڑبڑاتا رہا۔

ریاض:(نیٹ نیوز/ایمرا نیوز) سعودی عرب نےکینیڈین سفر کو ملک سے نکالنے کا حکم دے دیا.
سعودی عرب نے ‘اندرونی معاملات میں مداخلت’ کرنے پر کینیڈا سے نہ صرف اپنے سفیر کو واپس بلالیا بلکہ کینیڈین سفیر کو بھی ناپسندیدہ شخصیت قرار دے کر 24گھنٹے میں سعودی عرب چھوڑنے کا حکم دے دیا۔
واضح رہے کہ سعودی عرب نے حکومت پر تنقید کے الزام میں بلاگر رائف بداوی کو 2012 سے قید کر رکھا ہے، گزشتہ ہفتے ان کی بہن ثمر بداوی کو بھی گرفتار کرلیا گیا، جو نہ صرف حکومت پر تنقید بلکہ خواتین کے حقوق کے لیے بھی سرگرم ہیں۔
یہ بھی واضح رہے کہ حالیہ دنوں میں خواتین کے حقوق کے حوالے سے سرگرم درجنوں کارکنوں کو قومی سلامتی کو نقصان پہنچانے اور دشمن ممالک کے ساتھ تعاون کے الزام پر حراست میں لیا گیا، جن میں سے بیشتر کو رہا کیا جاچکا ہے۔
گزشتہ دنوں کینیڈا نے سعودی عرب سے انسانی حقوق کے کارکنوں کی قید ختم کرکے رہائی کا مطالبہ کیا تھا۔
جس پر سعودی عرب نے ناپسندیدگی کا اظہار کرتے ہوئے کہا کہ اپنے اندرونی معاملات میں مداخلت قبول نہیں کی جائے گی۔
دوسری جانب سعودی عرب نے کینیڈا سے تمام تجارت اور نئی سرمایہ کاری بھی معطل کردی۔
واضح رہے کہ شاہ سلمان بن عبدالعزیز کے بعد بااثر ترین سمجھے جانے والے سعودی ولی عہد شہزادہ محمد بن سلمان نے ملک میں کئی اصلاحات نافذ کی ہیں، جن میں خواتین کو ڈرائیونگ کی اجازت دینے سمیت دیگر ثقافتی سرگرمیوں کو فروغ دینے جیسے اقدامات اہم ہیں۔
تاہم 32 سال شہزادے کی جانب سے مرتب کی گئی خارجہ پالیسی کو کافی تنقید کا نشانہ بنایا جاتا ہے، جن میں قطر سے سفارتی تعلقات کی معطلی سمیت یمن میں ایرانی حمایت یافتہ حوثی باغیوں کے خلاف کارروائی بھی شامل ہے۔

جکارتہ: (نیٹ نیوز/ایمرا نیوز) انڈونیشیا کی جزیرے کی مسجد میں لوگ نماز کی ادائیگی کر رہے تھے کہ زلزلہ آ گیا ، امام مسجد کے پیچھے پڑھنے والے لوگ نماز چھوڑ کر بھاگنے پر مجبور ہو گئے لیکن دیدہ دلیری امام مسجد کی دیکھیں کہ اس نے صرف اور صرف نماز کے اوپر توجہ دی اور وہ نماز پڑھاتا رہا اس کے اندر کوئی بھی خوف نہیں تھا۔انڈونیشیا میں زلزے نے تباہی مچا دی، 91 افراد جاں بحق ہوگئے.
انڈونیشیا کے جزیرے لومبوک میں زلزلے کے نتیجے میں کم ازکم 91 افراد جاں بحق جبکہ متعدد افراد زخمی ہوگئے۔
تفصیلات کے مطابق انڈونیشیا کے سیاحتی جزیرے لومبوک میں زلزلے کے نتیجے میں جاں بحق ہونے والے افراد کی تعداد 91 ہوگئی۔

زلزلے کے نتیجے میں عمارتوں کو نقصان پہنچا ہے اور سینکڑوں افراد زخمی ہوئے ہیں۔
امریکی جیولوجیکل سروے کے مطابق زلزلے کی شدت ریکٹراسکیل پر7 اعشیاریہ صفرریکارڈ کی گئی جبکہ اس کی گہرائی 10 کلومیٹرزیرزمین تھی۔
زلزلے کے جھٹکے لومبوک سے متصل سیاحت کے لیے معروف جزیرے بالی میں بھی محسوس کیے گئے جہاں لوگ خوبصورت ساحل سمندر اور ہائیکنگ کے لیے دنیا بھرسے آتے ہیں۔
انڈونیشیا کے جزیرے لومبوک میں ایک ہفتے قبل ہی 6 اعشاریہ 4 شدت کا زلزلہ آیا تھا جس میں 17 افراد جاں بحق اور سیکڑوں عمارتیں تباہ ہوگئی تھیں۔

یاد رہے کہ دسمبر2016 میں انڈونیشیا کے صوبے آچے میں آنے والے 5۔6 شدت کے زلزلے میں 100 افراد جاں بحق ہوگئے تھے۔
واضح رہے کہ انڈونیشیا بحرالکاہل کے ایک ایسے حصے میں واقعہ ہے جہاں زلزلے آنے اور آتش فشاں پہاڑ پھٹنے کے واقعات عموماً رونما ہوتے رہتے ہیں اوردنیا بھر کے تقریباً آدھے آتش فشاں اسی حصّے میں پائے جاتے ہیں۔

لاہور(نیٹ نیوز/ایمرا نیوز) سوشل میڈیا پر جمائما اور غنویٰ بھٹو میں جنگ چھرگئی
پاکستان تحریک انصاف کے چیئرمین عمران خان کی سابق اہلیہ جمائما گولڈ اسمتھ نے پیپلز پارٹی شہید بھٹو کی سربراہ غنویٰ بھٹو کے ٹوئٹ کو مضحکہ خیز قرار دیا ہے۔

This tweet is staggeringly ignorant and would be funny if it weren’t dangerous. The photo is taken on a family holiday in Mexico (not Israel) and we are wearing ponchos (not Jewish religious dress) @GhinwaBhutto – shame on you. https://t.co/PenNwbe6Mt

— Jemima Goldsmith (@Jemima_Khan) August 6, 2018

سماجی رابطے کی ویب سائٹ پر غنویٰ بھٹو کے ٹوئٹ پر جمائما نے بھی اپنے ردعمل کا اظہار کیا ہے۔
جمائما کا کہنا تھا کہ جس تصویر کا ذکر کیا گیا ہے وہ میکسیکو میں فیملی ہالیڈے کے دوران لی گئی تھی (اسرائیل نہیں) اور ہم نے جو لباس پہنا ہوا ہے وہ یہودیوں کا مذہبی لباس نہیں ہے۔ آپ کو شرم آنی چاہیے۔

واضح رہے کہ غنویٰ بھٹو نے اپنے ٹوئٹ میں الزام عائد کیا تھا کہ عمران خان کی فیملی نے اسرائیل کا دورہ کیا تھا۔

کاراکس(نیٹ نیوز/ایمرا نیوز) وینزویلا کے صدر نکولس میڈورو پر نیشنل گارڈ کی تقریب میں خطاب کے دوران ڈرون دھماکوں سے حملہ کیا گیا۔غیر ملکی میڈیا کے مطابق صدر نکولس میڈورو نیشنل گارڈ کی تقریب سے خطاب کررہے تھے کہ اس دوران دھماکا خیز مواد سے بھرے کئی ڈرون سے دھماکے کیے گئے جس میں صدر نکولس بال بال بچ گئے تاہم 7 نیشنل گارڈزخمی ہوگئے۔وینزویلا کے وزیر اطلاعات نے دھماکوں کی تصدیق کرتے ہوئے بتایا کہ دھماکے اس وقت کیے گئے جب صدر نکولس تقریب سے خطاب کر رہے تھے، اس دوران دھماکا خیز مواد سے بھرے کئی ڈرون دھماکے سے پھٹے۔ وینزویلا کے صدر نے ڈرون دھماکوں اور خود پر قاتلانہ حملوں کا الزام امریکا، کولمبیا اور اپنے ملک کی دائیں بازوں کی جماعت پر لگایا ہے۔صدر نکولس نے قوم سے خطاب میں کہا کہ حملے کی مالی مدد کرنے والے اور کئی منصوبہ ساز فلوریڈا میں رہتے ہیں امید ہے۔صدرنکولس نے بتایا کہ اڑتی ہوئی چیز ان کے سامنے پھٹی، ابتدا میں انہیں لگا کہ تقریب میں شاید کوئی تیکنیکی خرابی ہوگئی لیکن اسی دوران دوسرا دھماکا ہوگیا۔ ان کا کہنا تھا کہ حکومت کے خلاف پ±رتشدد کارروائیاں مسلسل ناکام ہوتی رہیں گی۔

سری نگر(نیٹ نیوز/ایمرا نیوز) حریت رہنما یاسین ملک کی اہلیہ مشعال ملک نے کہا ہے کہ بھارت آرٹیکل 35 اے ختم کر کے ہندوو¿ں کوکشمیرمیں منتقل کرنا چاہتا ہے۔تفصیلات کے مطابق حریت رہنما یاسین ملک کی اہلیہ مشعال ملک کا کہنا ہے کہ بھارت کشمیریوں کی اکثریت کواقلیت میں بدلنے کی کوشش کررہا ہے۔مشعال ملک نے کہا کہ بھارتی سپریم کورٹ آرٹیکل 35 اے کوختم کرکے ہندوو¿ں کوکشمیرمیں منتقل کرنا چاہتا ہے۔حریت رہنما یاسین ملک کی اہلیہ نے مزید کہا کہ مطالبہ ہے اقوام متحدہ اپنی قراردادوں پرعمل کرائے۔خیال رہے کہ گزشتہ ماہ حریت رہنما یاسین ملک کی اہلیہ مشعال ملک کا کہنا تھا کہ عالمی برادری مقبوضہ کشمیر میں مظالم پر گونگی بہری بنی ہوئی ہے۔مشعال ملک کا کہنا تھا کہ بھارت سالوں سے ایل او سی پر خون کی ہولی کھیل رہا ہے، بھارتی فوج مقبوضہ کشمیرمیں روز لاشیں گرا رہی ہے۔یاسین ملک کی اہلیہ کا کہنا تھا کہ بھارت مقبوضہ کشمیر میں خون کی ہولی کھیل رہا ہے، ظلم کومٹانے کے لیے اس کے سامنے چٹان کی طرح کھڑا ہونا چاہیے، انقلاب کشمیریوں کے دروازے پر دستک دے رہا ہے۔واضح رہے کہ مقبوضہ کشمیر میں بھارتی فوج آزادی کی آواز کو دبانے کے لیے مختلف ہتھکنڈے استعمال کررہی ہے اور اب تک ہزاروں کشمیری شہید اور زخمی ہوچکے ہیں۔

دُبئی (نیٹ نیوز/ایمرا نیوز) عرب ممالک میں نسوار کے استعمال پر سخت سزا دینے کا اعلان کردیا.
تمام عرب ممالک نے نسوار کو ممنوعہ اشیاء کی فہرست میں شامل کر دیا ہے۔ جس کے بعد اس کی برآمدگی اور استعمال پر سخت سزا دی جائے گی۔ ان ممالک میں سعودی عرب‘ متحدہ عرب امارات‘ عراق‘ بحرین‘ کویت‘ قطر‘ اومان اور دیگر شامل ہیں۔ نسوار دراصل تمباکی کی پاؤڈر والی صورت ہے۔ جو پاکستان اور افغانستان میں بطور نشہ آور دوائی کے استعمال کی جاتی ہے۔
پٹھان بھائیوں کی اکثریت اس نشے کی شوقین ہے۔ پنجاب کے اینٹی نارکوٹکس فورس نے خبردار کیا ہے کہ عرب ممالک کے سفر کے دوران نسوار ساتھ لے جانا ممنوع ہے۔ اس حوالے سے ایک پمفلٹ جاری کیا گیا ہے‘ جس میں پاکستانیوں کو خبردار کیا گیا ہے کہ وہ عرب ممالک کے سفر کے دوران نسوار قطعاً ساتھ نہ لے جائیں کیونکہ تمام عرب ممالک نے نسوار کو نشہ آور اشیاء کی فہرست میں شامل کر لیا ہے۔
پمفلٹ کے مطابق عرب ممالک کے سفر کے دوران نسوار اپنے پاس رکھنا جُرم ہے‘ اگر کسی کے سامان میں سے نسوار برآمد ہو گئی تو عرب ممالک کے قانون کے مطابق اُسے سخت سزا دی جائے گی۔ اس سے پہلے مئی 2018ء میں کئی پاکستانی عراق کے ایئرپورٹس پر نسوار کی برآمدگی پر گرفتار کیے گئے تھے۔ جس کے بعد بغداد میں موجود پاکستانی سفارت خانے نے پاکستانیوں کو عراق کی سفر کے دوران نسوار ساتھ رکھنے سے منع کر دیا تھا۔
اس فیصلے سے متحدہ عرب امارات کی پختون کمیونٹی میں بھی تشویش کی لہر دوڑ گئی ہے۔خیبر پختونخواہ کے علاقے دِیر سے تعلق رکھنے والے ایک پٹھان کا کہنا تھا کہ پختون نسوار کوبطور نشہ نہیں استعمال کرتے۔دراصل یہ اُن کی زندگی کا ایک اہم جزو بن گئی ہے۔ نسوار کو منشیات کے زمرے میں شامل کرنا سراسر ناانصافی ہے۔ یہ ایک بے ضرر چیز ہے جس کے انسانی صحت پر کسی قسم کے مضر اثرات مرتب نہیں ہوتے۔ متحدہ عرب امارات حکام کو اس فیصلے کو واپس لینا چاہیے۔

لاہور(نیٹ نیوز/ایمرا نیوز) ملالہ یوسف زئی نے بھی گلگت بلتستان میں تعلیمی اداروں پر حملے کے خلاف آواز بلند کرلی.
نوبیل انعام یافتہ پاکستانی ملالہ یوسف زئی نے گذشتہ روز گلگت بلتستان میں تعلیمی اداروں پر حملے کی شدید الفاظ میں مذمت کی ہے۔
واضح رہے کہ گذشتہ روز گلگت بلتستان کے ضلع دیامیر کے علاقے چلاس میں نامعلوم افراد تعلیمی اداروں میں توڑ پھوڑ کرنے کے بعد املاک کو آگ لگادی تھی۔
پولیس کے مطابق تعلیم دشمن عناصر کی جانب سے 12 تعلیمی اداروں کو نشانہ بنایا گیا جب کہ دو تعلیمی اداروں میں بارودی مواد کے دھماکے بھی کیے گئے۔

The extremists have shown what frightens them most – a girl with a book.

We must rebuild these schools immediately, get the students back into their classrooms and show the world that every girl and boy has the right to learn. https://t.co/99J7ZivafC

— Malala Yousafzai (@Malala) August 3, 2018

اس واقعے کے بعد اپنے ٹوئٹر پیغام میں ملالہ یوسف زئی کا کہنا تھا، ’انتہا پسندوں نے دِکھا دیا کہ انہیں کیا چیز خوفزدہ کرتی ہے—ایک لڑکی کے ہاتھ میں کتاب‘۔
ان کا کہنا تھا کہ ہمیں فوری طور ان تعلیمی اداروں کو دوبارہ تعمیر کرنا چاہیئے تاکہ طلباء کو ان کی کلاسوں میں واپس لایا جائے اور دنیا کو دکھایا جائے کہ تعلیم حاصل کرنا ہر لڑکے اور لڑکی کا حق ہے‘۔
ملالہ اس وقت لندن کی آکسفورڈ یونیورسٹی میں زیر تعلیم ہیں، ساتھ ہی وہ پاکستان سمیت دنیا بھر میں بچیوں کی تعلیم اور خواتین کے حقوق کے لیے بھی کام کرتی ہیں جس کے لیے ملالہ فنڈز کا قیام عمل میں لایا گیا۔
یاد رہے کہ ملالہ یوسف زئی کا تعلق سوات سے ہے جنہیں 2009 میں 12 برس کی عمر میں اسکول سے واپسی پر دہشت گردوں نے گولیوں کا نشانہ بنایا تھا، جس کے بعد ان کو طبی علاج کے لیے لندن لے جایا گیا اور وہ اب وہیں مقیم ہیں۔

سری نگر:(نیٹ نیوز/ایمرا نیوز) مقبوضہ کشمیر کے ضلع شوپیاں میں بھارتی فوج نے مبینہ مقابلے میں 5 کشمیری نوجوانوں کو شہید کردیا۔
کشمیر میڈیا سروس کی رپورٹ کے مطابق کشمیریوں نوجوانوں کو شوپیاں کے گاؤں کلورا میں محاصرے کے دوران شہید کیا گیا۔
دوسری جانب بھارت مخالف مظاہرے کے دوران فورسز سے جھڑپ میں 20 کشمیری شہری زخمی ہوگئے۔
ڈسٹرکٹ اسپتال ذرائع کے مطابق 20 افراد کو زخمی حالت میں لایا گیا، جن میں سے 5 کو خصوصی طبی امداد کے لیے سری نگر کے ایک اسپتال منتقل کردیا گیا۔
بھارتی فوج کے مظالم: گزشتہ ماہ 21 کشمیری شہید کردیئے
اسپتال ذرائع کے مطابق ان میں سے ایک کو کندھے پر گولی لگی جبکہ دیگر 4 پیلٹ گن کا نشانہ بنے۔
قابض انتظامیہ نے ضلع شوپیاں میں موبائل فون سروس بھی بند کر رکھی ہے۔
گزشتہ روز بھی ضلع بارہ مولا کے علاقے سوپور میں بھارتی فورسز نے 2 کشمیریوں کو محاصرے کے دوران شہید کردیا تھا۔
کشمیر میڈیا سروس کے مطابق قابض بھارتی فوج نے مقبوضہ وادی میں گزشتہ ماہ 21 کشمیریوں کو شہید جبکہ 310 کو زخمی کیا، جن پر پیلٹ،گولیوں اور آنسو گیس کی شیلنگ کی گئی۔
رپورٹ کے مطابق جولائی میں حریت رہنماؤں سمیت 169 افراد کو گرفتار کیا گیا جبکہ قابض فوج نے محاصروں کے دوران 46 گھروں کو تباہ بھی کیا۔

پرتگال (نیٹ نیوز/ایمرا نیوز)یورپی ملک پرتگال کو شدید گرمی نے اپنی لپیٹ میں لے رکھا ہے۔ اس کے ایک شہرابرانٹیس میں درجہ? حرارت پینتالیس ڈگری سینٹی گریڈ سے زائد ریکارڈ کیا گیا۔اس یورپی ملک کے کئی شہروں میں ویک اینڈ پر ویرانی چھائی ہوئی ہے اور لوگ گھروں میں چھپے بیٹھے ہیں۔یہ امر اہم ہے کہ یورپ کے آئبیرین جزیرہ نما کے سبھی ممالک شدید گرمی کی زد میں ہیں۔اس جزیرہ نما کے ایک ملک اسپین کے شہر کورڈوبا میں گزشتہ ماہ درجہ حرارت چھیالیس ڈگری سینٹی گریڈ رہا تھا۔اسی گرم موسم کی وجہ سے کئی یورپی ملکوں کے جنگلات میں آگ لگنے کے واقعات بھی سامنے آئے ہیں۔