Category جرم وانصاف

لاہور( ایم نائن ٹو ڈاٹ ٹی وی ) پنجاب میں مصالحتی عدالتوں کے خاطر خواہ نتائج سامنے آنے کے بعد اور وکلا کے پر زور اسرار پر چیف جسٹس منصور علی شاہ نے مجموعی طورپر صوبے بھر میں عدالتوں کی تعداد 36سے بڑھا کر108کرنے کا فیصلہ کرلیا ہر ضلع میں تعداد ایک سے بڑھا کر 3کی جائے گی۔تفصیلات کے مطابق رواں برس مارچ میں چیف جسٹس لاہورہائیکورٹ سید منصور علی شاہ نے سائلین کو بروقت انصاف کی فراہمی یقینی بنانے کے لیے اور زیر التوا 13لاکھ مقدمات کو بروقت نمٹانے کے لیے پنجاب میں مصالحتی عدالتیں قائم کیں اور پنجاب کے ہر ضلع میں ایک ،ایک مصالحتی عدالت قائم کی گئ جس کے حاطر ٘خواہ نتائج سامنے آنے لگے مصالحتی عدالتو ں نے 10،10سال سے زیر التوا پراپرٹی اور فیملی کے کیسز چند گھنٹوں میں فریقین کی رضامندی سے نمٹادئیے جس کے باعث سائلین نے سکھ کا سانس لیا ، اب تک مجموعی طور پر4ہزار سے زائد کیسز مصالحتی عدالتیں نمٹا چکی ہیں ۔ جس کے باعث فیملی اور سول عدالتوں کی جانب سے فریقین کی رضامندی کے ساتھ مقدمات مصالحتی عدالتوں کے بھجوانے کی تعداد میں اضافہ ہوا ہے جس کے باعث چیف جسٹس لاہورہائیکورٹ جسٹس سید منصور علی شاہ نے پنجاب میں مصالحتی عدالتوں کی تعداد بڑھانے کی منظوری دیدی. مجموعی طور پر پنجاب کے 36اضلاع میں مصالحتی عدالتوں کی تعداد 36سے بڑھا کر 108کردی جائے گی ہر ضلع میں مصالحتی عدالتوں کی تعداد ایک سے بڑھا کر تین کی جائے گی وکلا نے عدالتوں کی تعداد میں اضافہ کے فیصلے پر وکلا نے چیف جسٹس منصورعلی شاہ کو خراج تحسین پیش کیا. چیف جسٹس منصور علی شاہ دسمبر کے پہلے ہفتے میں مصالحتی عدالتوں میں توسیع سے متعلق اہم اعلان کریں گے۔

لاہور (ایم نائن ٹو ڈاٹ ٹی وی ) کینٹ کچہری لاہور پولیس کا ایک اور انوکھا کارنامہ۔ پولیس عدالت میں پیش کرنے کے لیے لائے ہتھکڑیوں میں جکڑے ملزمان کو اکیلے چھوڑ کر خود غائب ہو گئے ۔شراب فروشی میں ملوث چار ملزمان 2 گھنٹے تک بغیر پولیس اہلکار کے اپنی پیشی کا انتظار کرتے رہے۔تھانہ ڈیفنس اے پولیس نے کارروائی کرتے ہوئے ملزمان کو گرفتار کرکے عدالت پیش کرنے لائے ۔ پولیس اہلکار عدالتوں میں مختلف تھانوں سے ملزمان کو ہتھکڑیاں لگا کر پیشیوں پر لاتےہیں ۔پولیس اہلکار ملزمان کو اکیلے چھوڑ کر خود غائب ہو گیا ۔ہتھکڑیوں میں جکڑے ملزمان کمرہ عدالت سے باہر عدالت میں پیشی کے لئے پولیس اہلکار کی راہ تکتے رہے۔

لاہور (ایم نائن ٹو ڈاٹ ٹی وی ) لاہور ہائیکورٹ نے نیشنل بنک ڈیفالٹر کالونی تھل ٹیکسٹائل ملز کو 19 دسمبر کو نیلام کرنے کا حکم دے دیا….. تفصیلات کے مطابق لاہور ہائی کورٹ کے جسٹس شمس محمود مرزا نے نیشنل بنک پاکستان کی درخواست پر سماعت کی۔ بینک کے وکیل نے عدالت کو آگاہ کیا کہ کالونی تھل ٹیکسٹائل ملز مالکان نے 27 ایکڑ 1 کنال کی فیکٹری مشینری سمیت رہن رکھوا کر قرض لیا، قرض کیلئے تنویر عزیز شیخ، احمد شیخ، محمو تیمور، عائشہ تنویر اور بینش تیمور نے گارنٹی بھی دی. قرض کی عدم ادائیگی پر کالونی تھل ٹیکسٹائل ملز کو 2013ء میں ڈیفالٹر قرار دیا گیا۔ڈیفالٹر ٹیکسٹائل ملز کیخلاف 13 کروڑ 16 لاکھ 64 ہزار روپے کی ڈگری جاری ہو چکی ہے، درخواست گزار بینک کی جانب سے استدعا کی گئی کہ عدالت رقم کی ریکوری کیلئے ڈیفالٹر کالونی تھل ٹیکسٹائل ملز کی جائیداد نیلام کرنے کا حکم دئیے۔ دلائل مکمل ہونے پر عدالت نے کالونی تھل ٹیکسٹائل ملز کو 19 دسمبر کو نیلام کرنے کا حکم دے دیا۔

لاہور (ایم نائن ٹو ڈاٹ ٹی وی ) لاہورہائیکورٹ نے 4 دفعہ سزائے موت کے دو مجرمان کو باعزت بری کر دیا۔تفصیلات کے مطابق لاہور ہائی کورٹ کے جسٹس صداقت علی خان کی سربراہی میں دو رکنی بنچ نے اپیل پر سماعت کی. وکیل صفائی نے دلائل دیتے ہوئے کہا کہ مجرمان کو شک کی بنیاد پر ملوث کیا گیا ہے ایڈیشنل سیشن ججز پتوکی نے دونوں مجرمان کو 2013 میں چار چار دفعہ سزائے موت کا حکم سنایا تھا. عدالت نے ریاست اور شکیل جو اپنے ماں باپ اور دو گارڈز کو فائرنگ کر کے قتل کرنے کے جرم میں سزا سنائی تھی. دوران سماعت سرکاری وکیل نے دلائل دیتے ہوئے کہا کہ ملزم ریکارڈ یافتہ نہیں ہیں. عدالت نے فریقین وکلا کی دلائل اور ثبوتوں کی عدم موجودگی پر دونوں مجرمان کو بری کر دیا۔

لاہور (ایم نائن ٹو ڈاٹ ٹی وی ) سیشن عدالت نے گردہ سکینڈل میں ملوث سیاسی رہنما چوہدری سرور کے بھانجے ڈاکٹر کشف ریاض کی عبوری ضمانت میں دس روز کی توسیع کر دی۔ ایڈیشنل سیشن جج عبدالحق نے ملزم ڈاکٹر کشف ریاض کی عبوری درخواست ضمانت میں مزید توسیع کردی عدالت نے ایف آئی اے حکام سے دوبارہ ملزم کا ریکارڈ طلب کرلیا۔درخوسستگز​ار کا موقف تھا کہایف آئی اے نے سیاسی بنیادوں پر مقدمہ درج کیا۔درخواست گزار کا مزید کہنا تھا کہ ایسے گھنوانے جرم میں میرا کوئی ہاتھ نہیں ہے۔جبکہ ایف آئی اے کے وکیل نے عدالت کو آگاہ کیا کہ ملزم دیگر ملزمان کے ساتھ ملکر شہریوں کے گردے نکالتا تھا۔عدالت کے دونوں جانب سے دلائل مکمل ہونے کے بعد ملزم کی عبوری ضمانت میں توسیع کر دی۔

لاہور (ایم نائن ٹو ڈاٹ ٹی وی ) لاہور ہائیکورٹ کے فل بنچ نے پنجاب انفارمیشن کمیشن میں عدم تعیناتی پر تشویش کا اظہار کیا ہے اور پنجاب حکومت سے انفارمیشن کمشنر کاعہدہ خالی ہونے پر جواب طلب کر لیا۔ تفصیلات کے مطابق لاہور ہائیکورٹ کے جسٹس عابد عزیز شیخ کی سربراہی میں تین رکنی فل نے پنجاب حکومت کی اپیل پر سماعت کی جس میں سانحہ ماڈل ٹائون کی جوڈیشل کمیشن کی رپورٹ کو پبلک کرنے کے عدالتی حکم کو چیلنج کیا گیا. سماعت کے دوران سانحہ متاثرین کے وکیل نے نشاندہی کی کہ پنجاب میں انفارمیشن کمشنر کا عہدہ ایک طویل عرصے سے خالی پڑا ہے اور کمشنر کی تعیناتی نہ ہونے کی وجہ سے کوئی معلومات ملنے کی امید نہیں. وکیل کے مطابق ایسا کمشن کیسے کام کرے گا جہاں کمشنر اور ارکان ہی تعینات نہیں اس پر بنچ کے سربراہ جسٹس عابد عزیز شیخ نے تشویش کا اظہار کیا اور ریمارکس دیئے کہ حکومت نے خود ہی تعیناتی نہ کرکے ایک ادارے کو غیر موثر کر دیا. سانحہ ماڈل کے متاثرین کے وکلا خواجہ احمد طارق رحیم اور اظہر صدیق نے باری باری اپنے دلائل مکمل کیے. وکلا نے استدعا کی کہ حکومتی اپیل مسترد کرتے ہوئے رپورٹ کو پبلک کرنے کے فیصلے کو برقرار رکھنے کی استدعا کی. پولیس افسروں کے وکیل اعظم نذیر تارڑ نے کہا کہ تین سال سے رپورٹ پبلک نہیں ہوئے اس کو پبلک نہ کرنے سے کوئی نقصان نہیں. لاہور ہائیکورٹ کے فل بنچ نے حکومتی اپیل پر کارروائی 24 نومبر تک ملتوی کر دی اور حکومتی وکیل کو جوابی دلائل دینے کی ہدایت کی۔

لاہور (ایم نائن ٹو ڈاٹ ٹی وی ) ماڈل ٹائون کچہری کی عدالت نے موٹرسائیکل چوری کیس کے مجرم کو جرم ثابت ہونے پر 5 ماہ قید اور 2 ہزار جرمانے کی سزا کا حکم جاری کر دیا۔ جوڈیشل مجسٹریٹ طاہرہ رضوان نے مجرم کو قید اور جرمانے کی سزا سنائی عدالت نے حتمی دلائل سننے کے بعد جرم ثابت ہونے پر مجرم کو سزا کا حکم جاری کیا۔ مجرم کے خلاف تھانہ جوہر ٹاون میں موٹرسائیکل چوری کا مقدمہ درج تھا ۔عدالت نے مجرم حبیب کو پانچ ماہ قید اور دو ہزار روپے جرمانے کا حکم جاری کیا۔ پولیس نے عدالت کو بتایا کہ ملزم نے دوران تفتیش موٹرسائیکل چوری کرنے کا اعتراف جرم بھی کیا ہے۔ ملزم کو قانون کے مطابق سزا کا حکم جاری کیا جائے۔

لاہور (ایم نائن ٹو ڈاٹ ٹی وی ) ضلع کچہری کی عدالت نے نیشنل ایکشن پلان کے تحت کرایہ داری آرڈیننس کی خلاف ورزی کرنے پر 4 مجرموں کو جرمانے کی سزا سنا دی ۔ جوڈیشل مجسٹریٹ عمران اصغر نے مجرموں کو جرمانے کی سزا سنائی ۔ مجرموں کے خلاف تھانہ سٹی رائیونڈ میں کرایہ داری آرڈیننس کا مقدمہ درج تھا ۔ عدالت نے مجرموں کو مجموعی طور پر بیس ہزار روپے جرمانے کی سزا سنائی ۔عدالت نے مجرم محمد عبدالقیوم، عدیل ، معروف اور وسیم کو فی کس دس دس ہزار روپے جرمانے کی سزا سنائی ۔ پراسیکیوٹر نے عدالت کو بتایا کہ نیشنل ایکشن پلان کے تحت کرایہ دار کا اندراج متعلقہ تھانے میں کرایا جائے لیکن ملزموں نے کرایہ داروں کا اندراج کرائے بغیر اپنے مکان کرایہ پر دے رکھے ہیں ۔ پراسیکیوتر نے عدالت سے استدعا کی کہ ملزموں کو قانون کے مطابق سزا دی جائے۔ عدالت نے دلائل سننے کے بعد مجرموں کو مجموعی طور پر چالیس ہزار روپے جرمانے کی سزا سنائی۔

لاہور (ایم نائن ٹو ڈاٹ ٹی وی ) لاہورہائیکورٹ نے پنجاب سمال انڈسٹری کارپوریشن کی جانب سے شہری کی فیکٹریاں نیلام کرنے کے احکامات کالعدم قرار دینے کے لیے درخواست پر ریجنل ڈائریکٹر پنجاب اسمال انڈسٹری کو نوٹس جاری کرتے ہوئے جواب طلب کر لیا۔تفصیلات کے مطابق لاہورہائیکورٹ کے جسٹس جواد حسن نے درخواست پر سماعت کی. تاجر رہنما شیخ محمد سعید کی جانب سے درخواست دائر کی گئی. درخواست گزار کی جانب سے موقف اختیار کیا گیا کہ انکوائری رپورٹ اسکے حق میں آ چکی ہے۔اسکی فیکٹریاں غیر قانونی طور پر نیلام کی گئی ہیں. درخواستگزار کے وکیل نے دوران سماعت دلائل دیتے ہوئے کہا کہ فیکٹریوں میں انڈین را ایجنٹ پکڑوانے پر پنجاب سمال انڈسٹری نے فیکٹریاں سیل کر کے نیلام کر دیں. جبکہ ایس پی سیکیورٹی لاہور نے انکوائری رپورٹ مرتب کی ہے جو کہ میرے حق میں آئی۔ درخواستگزار نے عدالت سے استدعا کی کہ عدالت پنجاب سمال انڈسٹری کی جانب سے فیکٹریاں نیلامی کا اقدام کالعدم قرار دے۔عدالت نے ریجنل ڈائریکٹر پنجاب آسمال انڈسٹری کو نوٹس جاری کرتے ہوئے جواب طلب کر لیا اور درخواست پر مزید کاروائی 18 دسمبر تک ملتوی کردی۔

لاہور(ایم نائن ٹو ڈاٹ ٹی وی)لاہور ہائیکورٹ نے سابق وزیر اعظم نواز کی بیٹی مریم نواز کے خلاف عدلیہ مخالف بیانات دینے پر توہین عدالت کی درخواست پر کارروائی بغیر کسی پیش رفت کے  20 دسمبر تک ملتوی کر دی تفصیلات کے مطابق مریم نواز کیخلاف درخواست لاہور ہائیکورٹ کے جسٹس مامون رشید کے بیرون ملک ہونے کی وجہ سے جسٹس عابد عزیز شیخ کی منتقلی کر دی گئی. درخواست کارروائی کیلئے جسٹس جسٹس عابد عزیز شیخ  کے روبرو پیش کی گئی لیکن سول سوسائٹی کی رکن آمنہ ملک کے وکیل اظہر صدیق ایڈووکیٹ کی عدم موجودگی کیوجہ سے کوئی پیش رفت نہ ہوسکی .  درخواست  میں مریم نواز کے عدلیہ مخالف بیانات پر اعتراضات اٹھائے گئے ہیں اور نشاندہی کی گئی کہ پانامہ لیکس کیس میں سپریم کورٹ کے فیصلے کے بعد مریم نواز نے توہین آمیز ٹوئٹ کیے  اور عدلیہ کی تضحیک کی گئی۔