Category تازہ ترین

لاہور: احتساب عدالت نے منی لانڈرنگ ریفرنس میں شہباز شریف اور حمزہ شہباز کو بری کردیا۔

جیونیوز کے مطابق وزیراعظم شہباز شریف، حمزہ شہباز اور نصرت شہباز  سمیت دیگر ملزمان کے خلاف اس کیس کی انکوائری 2018 سے چل رہی تھی اور اس کا ریفرنس اگست 2020 میں دائر کیا گیا تھا۔

نیب نے شہباز شریف کو ستمبر 2020 میں اس کیس میں گرفتار کیا اور کیس میں نامزد تمام ملزمان پر نومبر 2020 میں فرد جرد عائد کی گئی تھی۔اہم اس کیس میں شہباز شریف کو اپریل 2021 اور حمزہ شہباز کو فروری 2021 میں ضمانت پر رہائی ملی۔

وزیراعظم شہباز شریف اور حمزہ شہباز سمیت دیگر ملزمان نے اس کیس میں بریت کے لیے درخواستیں دائر کی تھیں۔

نیب کی جانب سے اس کیس میں کوئی ثبوت پیش نہیں کیا گیا اور نیب کے تفتیشی افسر نے بھی تصدیق کی تھی کہ کیس میں کوئی ثبوت موجود نہیں جس پر عدالت نے ماسوائے ایک کے تمام ملزمان کو کیس سے بری کردیا۔

منی لانڈرنگ ریفرنس میں رابعہ عمران اشتہاری ہیں اور ان کے دائمی وارنٹ گرفتاری جاری کیے گئے ہیں

الیکشن کمیشن آف پاکستان کے اسپیشل سیکرٹری ظفر اقبال نے کہا ہے کہ 12 اگست کو مدت مکمل ہونے پر اسمبلی تحلیل ہوئی تو 11 اکتوبر سے پہلےالیکشن کرادیں گے، اگر اس سے قبل اسمبلی تحلیل ہوئی تو 3 ماہ میں الیکشن کرا لیں گے۔

میڈیا کو بریفنگ دیتے ہوئے ظفراقبال نے مزید کہا کہ ہمیں سکیورٹی اہلکار لازمی ملیں گے، پرانی حلقہ بندیوں پر الیکشن ہو گا، الیکشن کیلئے واٹر مارک پیپر لے لیا، تمام اداروں سے رابطہ ہے، ڈی آر او اور آر او کے لیے عدلیہ سے رجوع کیا ہے، الیکشن کیلئے مکمل تیار ہیں، مواد تیار کر رکھا ہے، رجسٹرار ہائی کورٹس سے آر اوز کے لیے درخواست کی ہے۔

اسپیشل سیکرٹری الیکشن کمیشن ظفر اقبال نے کہا کہ الیکشن کمیشن انتظامی افسران ، اپنے افسران اور جوڈیشل افسران کو استعمال کر سکتا ہے، نئی انتخابی اصلاحات کے مطابق الیکشن کرائیں گے۔

علاوہ ازیں سیکرٹری الیکشن کمیشن عمر حمید نے تقریب سے خطاب میں کہا کہ پی ٹی آئی فارن فنڈنگ کا معاملہ عدالت میں ہے، سیاست میں کالے دھن سے سسٹم کو نقصان ہو  رہا ہے، ایک سال میں تدارک نہیں کیا جا سکتا، ٹیکس قوانین کو  بہتر کرنا  ہے۔

سیکرٹری الیکشن کمیشن عمر حمید نے کہا کہ پی ٹی آئی فارن فنڈنگ کا معاملہ عدالت میں ہے، ٹیکس قوانین کو بہتر کرنا ہے۔

پولیٹیکل فنانس ونگ کے مسعود شیروانی نے کہا کہ پولیٹیکل فنانس منیجمٹ انفارمیشن سسٹم قائم کیا ہے۔ متعلقہ ریگولیٹر بشمول نادرا، اسٹیٹ بینک ، ایف بی آر ، ایس ای سی پی، ان سے ڈیٹا لیا جائے گا، ان سے پروٹوکول معاہدہ کیا جا چکا ہے، چارٹرڈ اکاؤنٹنٹ کیلئے اصول تیار کیے ہیں۔ آڈٹ رپورٹ کیلئے معیار طے کیے ہیں۔ سیاسی جماعتوں کو فنانس کے حوالے سے چیک لسٹ دیں گے۔ سیاسی جماعتوں کے اثاثے ویب سائٹ پر ڈالیں گے۔

خیال رہے کہ گزشتہ روز وزیراعظم شہباز شریف نے ایم کیو ایم پاکستان کو یقین دہانی کروائی ہے کہ انتخابات پرانی مردم شماری پر کروانےکا تاحال کوئی فیصلہ نہیں ہوا۔

قبل ازیں اپنے ایک اور بیان میں وزیراعظم شہباز شریف نے واضح کیا تھا  ہماری حکومت کی مدت اگست میں  ختم ہوجائے گی، الیکشن اکتوبر، نومبر میں جب بھی ہوں گے الیکشن کمیشن اس کا اعلان کرےگا۔

اسلام آباد :توہین الیکشن کمیشن کیس میںفواد چوہدری نے ذاتی حیثیت میں الیکشن کمیشن سے معذرت کر لی۔سابق وفاقی وزیر فواد چوہدری کیخلاف توہین الیکشن کمیشن کیس کی سماعت ہوئی،چیف الیکشن کمشنر سکندر سلطان راجہ کی سربراہی میں 5 رکنی کمیشن نے سماعت کی۔ فواد چوہدری الیکشن کمیشن میں پیش ہوئے اور کہا کہ میں ذاتی حیثیت میں معذرت کر سکتا ہوں،میری معذرت قبول کریں اور شوکاز نوٹس واپس لے لیں۔انہوں نے کہا کہ پارٹی ایک ادارہ ہے میں اس کا ترجمان تھا،میں قانونی کیسز میں نہیں پڑنا چاہتا آپ کیلئے احترام ہے۔اس وقت پارٹی پوزیشن کی وجہ سے میں نے بیان دیا تھا۔ چیف الیکشن کمشنر نے استفسار کیا کہ کہ پارٹی چیئرمین آپ سے قتل کرائیں تو آپ کریں گے؟ فواد چوہدری نے جواب دیا کہ میں ایسا نہیں کروں گا۔سکندر سلطان راجہ نے کہا کہ پارٹی چیئرمین غلط بات کریں گے تو کیا آپ مان لیں گے،آپ کی پارٹی نے الیکشن کمیشن اور میری ذات کے حوالے سے کیا کیا کچھ نہیں کہا،میری اہلیہ کے بارے میں جلسے میں کہا گیا،میری فیملی کو دھمکیاں دیں اور بعد میں میڈیا پر مکر گئے۔فواد چوہدری نے کہا کہ میری معذرت قبول کریں اور کیس ڈراپ کریں جس پر چیف الیکشن کمشنر نے ریمارکس دئیے کہ آپ تحریری معافی نامہ دے دیں اگر دینا چاہتے ہیں۔ سابق وفاقی وزیر نے جواب دیا کہ میں نے زبانی معافی مانگ لی ہے، جس پر سکندر سلطان راجہ نے کہا کہ معافی تحریری ہوتی ہے۔ آپ تحریری طور پر معافی نامہ جمع کرا دیں،الیکشن کمیشن اس پر غور کر لے گا۔ چیف الیکشن کمشنر نے فواد چوہدری کو تحریری طور پر معافی نامہ جمع کرانے کی ہدایت کر دی،کیس کی سماعت یکم اگست تک ملتوی کر دی گئی۔

اسلام آباد: پاکستان تحریک انصاف کے رہنما اسد عمر نے جوڈیشل کمپلیکس کے باہر میڈیا سے گفتگو کرتے ہوئے کہا کہ مجھے اور شاہ محمود قریشی کو سائفر تحقیقات کے لیے 24 جولائی کو بلایا ہے۔وہاں جا کر حقائق بتائیں گے۔انہوں نے کہا پارٹی بن رہی ہیں، لیکن پارٹیوں کے فیصلے بند کمروں میں نہیں ہوتے، پارٹیاں عوام بناتے ہیں اور وہی چلاتے ہیں،کسی پارٹی کا فیصلہ کوئی دوسرا نہیں صرف عوام کر سکتے ہیں۔اسد عمر نے کہا کہ پرویز خٹک تجربہ کار سیاستدان ہیں مگر اب دیکھتے ہیں انہیں کیا کامیابی ملتی ہے۔اعظم خان کے مبینہ وعدہ معاف گواہ بننے پر اسد عمر نے کہا کہ اعظم خان کا 164 کا جو بیان سامنے آیا ہے ،اس میں قانونی لحاظ سے کچھ نظر نہیں آ رہا۔

اسلام آباد :مہنگائی کے ستائے عوام کو ایک بار پھر مہنگی بجلی کے جھٹکے دے دئیے گئے۔ بجلی کی قیمت میں 1 روپے 90 پیسے فی یونٹ اضافہ کر دیا گیا ہے،نیپرا نے مئی کے ماہانہ فیول پرائس ایڈجسٹمنٹ کی مد میں منظوری کا نوٹیفکیشن جاری کر دیا۔ نوٹیفکیشن کے مطابق قیمتوں میں اضافے کا اطلاق جولائی کے بلوں پر ہو گا،بجلی کی قیمتوں میں اضافے کا اطلاق لائف لائن اور کے الیکٹرک صارفین پر نہیں ہو گا۔سی پی پی اے نے 2 روپے 5 پیسے فی یونٹ اضافے کی درخواست کی تھی،نیپرا نے 5 جولائی کو درخواست پر سماعت کی تھی۔ یاد رہے کہ اس سے قبل بجلی کے بنیادی ٹیرف میں ملکی تاریخ کا سب سے بڑا اضافہ کیے جانے کے چند دن بعد ہی سینٹرل پاور پرچیزنگ ایجنسی نے بجلی کی قیمت میں اضافے کیلئے درخواست نیپرا میں جمع کروائی گئی تھی جس کے بعد بجلی مزید 1 روپیہ 88 پیسے مہنگی ہونے کا امکان ظاہر کیا جا رہا ہے۔سی پی پی اے کی جانب سے بجلی کی قیمتوں میں اضافہ ماہانہ فیول پرائس ایڈجسٹمنٹ کی مد میں مانگا گیا۔ نیپرا سی پی پی اے کی درخواست پر 26 جولائی کو سماعت کرے گا۔ ادھر کراچی کے شہریوں پر بھی بجلی بم گرانے کی تیاری کر لی گئی،کے الیکٹرک نے بجلی 2 روپے 33 پیسے فی یونٹ مہنگی کرنے کی درخواست نیپرا میں جمع کرا دی۔ نیپرا نے بجلی کا بنیادی ٹیرف تقریباً 30 روپے مقرر کیا ہے تاہم تمام چاجرز اور ٹیکسز شامل کرنے سے فی یونٹ بجلی کی قیمت کہیں زیادہ ہو گی۔فی یونٹ بنیادی ٹیرف 29 روپے 78 پیسے ہو جانے کے بعد ٹیکسز اور دیگر چارجز شامل کرنے سے بجلی کا 1 یونٹ 50 روپے سے بھی زائد کی قیمت کا ہو جائے گا۔

گال: پاکستان نے سری لنکا کو پہلے ٹیسٹ میچ میں 4 وکٹوں سے شکست دیکر ا?ئی سی سی ورلڈ ٹیسٹ چیمپئین شپ میں پہلی فتح حاصل کرلی۔گال میں کھیلے جانیوالے سیریز کے پہلے ٹیسٹ میچ کے آخری روز کھیل کا آغاز ہوا تو پاکستان نے سری لنکا کا 131رنز کا ہدف 6وکٹوں کے نقصان پر حاصل کیا۔کھیل کیآخری روز پاکستان کو جیتنے کیلئے 83رنز درکار تھے اور اس کی سات وکٹیں باقی تھیں۔ کپتان بابراعظم 24رنزبناکر ایل بی ڈبلیو آؤٹ ہوئے، سعود شکیل نے 30رنزبنائے۔سرفراز احمد ایک رن بناکر چلتے بنے۔ امام الحق 50رنز کے ساتھ ناقابل شکست رہے۔ پاکستان کو جیت کیلئے 4رنزچاہیئں تھے،تو آغا سلمان نے چھکا لگا کر ٹیم کو کامیابی سے ہمکنار کیا۔سری لنکا نے پہلی اننگز میں 312 ، دوسری اننگز میں 279رنزبنائے۔ پاکستان نے پہلی اننگز میں 461رنزبنائے تھے۔پہلی اننگز میں ڈبل سنچری بنانے والیسعود شکیل پلیئر آف دی میچ قرار پائے۔چوتھے روز ہدف کے تعاقب میں پاکستان نے بیٹنگ شروع کی تو 16 رنز کے اسکور پر عبداللہ شفیق 8 رنز بنا کر پویلین لوٹ گئے۔ شان مسعود 7 رنز بنا کر کیچ ا?ؤٹ ہوگئے جبکہ نعمان علی صفر پر رن آؤٹ ہوگئے۔دو میچز پر مشتمل ٹیسٹ سیریز کا دوسرا میچ 24 جولائی سے کولمبو میں شروع ہوگا۔گال میں کھیلا جانے والا یہ ٹیسٹ ورلڈ ٹیسٹ چیمپئن شپ25۔2023 میں پاکستانی ٹیم کا پہلا ٹیسٹ میچ تھا

اسلام آباد : وزیراعظم شہباز شریف کی ہدایت پر قومی کھیل ہاکی کے بارے قائم خصوصی کمیٹی نے پاکستان ہاکی فیڈریشن کے موجودہ سیٹ اپ کو تبدیل کرنے کی سفارش کر دی۔ تفصیلات کے مطابق وفاقی وزیر دفاع خواجہ آصف کی سربراہی میں قائم کمیٹی نے اولمپینز پر مشتمل کمیٹی کی سفارشات کی بھی توثیق کر دی ہے۔ خواجہ آصف کی سربراہی میں قا?م کمیٹی کو وزیراعظم نے فیصلے کرنے کا بھی اختیار دے رکھا ہے اس حوالے سے پاکستان سپورٹس بورڈ کے ڈائریکٹر جنرل شعیب کھوسو کو بھی ہدایات جاری کی گئی ہے۔

اسلام آباد : پاکستان والی بال فیڈریشن نے اے وی سی چیلنج کپ میں عدم شرکت پر عائد ہونیوالا 20ہزار ڈالرز کیجرمانے کا معاملہ وزارت خارجہ، بین الصوبائی رابطہ اور پاکستان سپورٹس بورڈ کیساتھ اٹھادیا، فیڈریشن نے جرمانہ کی ادائیگی کیلئے حکومت سے مدد مانگ لی۔ تفصیلات کے مطابق پاکستان والی بال فیڈریشن کے چیئرمین چوہدری محمد یعقوب نے پاکستان سپورٹس بورڈ کے ڈائریکٹر جنرل شعیب کھوسو کو خط لکھا ہے جن کی کاپی وفاقی وزیر بین الصوبائی رابطہ احسان مزاری، سیکرٹری خارجہ اسد مجید خان، سیکرٹری آئی پی سی احمد حنیف اورکزئی کو بھجوائی گئی ہے۔ خط میں کہا گیاہے کہ اے وی سی چیلنج کپ 8جولائی سے چائینیز تائی پائی کھیلا جانا تھا جس میں شرکت کیلئے آخری لمحات میں وزارت خارجہ نے پاکستان والی ٹیم کو این او سی دینے سے انکار کر دیا ، میگا ایونٹ میں عدم شرکت پر ایشین والی بال کنفڈریشن نے پاکستان پر 20ہزار ڈالرز جرمانہ عائد کر دیا ہے۔ وزارت خارجہ کا این او سی جاری نہ ہونے پر پاکستان کو جرمانہ ہوا، قومی والی بال ٹیم کو این او سی جاری ہوتا تو جرمانہ نہ ہوتا،خط میں کہا گیا کہ وفاقی حکومت جرمانہ کی ادائیگی میں مدد کرے، 20ہزار ڈالرز ادا نہ ہوا تو انٹرنیشنل ایونٹس میں شرکت معدوم ہوجاے گی جبکہ ایونٹ میں عدم شرکت پر پہلے ہی ٹکٹوں کی مد میں فیڈریشن کو 67لاکھ کا نقصان برداشت کرنا پڑھ رہا ہے اور والی بال فیڈریشن کے پاس فنڈز نہیں کہ وہ جرمانہ ادا کر سکے، خط میں مزید کہا گیا کہ وفاقی حکومت چائینیز تائی پائی میں منعقدہ ایونٹس کی پالیسی پر بھی نظر ثانی کرے، چین اپنی ٹیم وہاں بھیج سکتا ہے تو پاکستان کیوں نہیں انٹرنیشنل اولمپک کمیٹی کی کھیلوں بارے بھی واضح پالیسی ہے۔

اسلام آباد:سپریم کورٹ نے سابق صدر پرویز مشرف کی 2013 کے انتخابات میں نااہل قرار دینے کے خلاف دائر درخواست درخواست گزار کے انتقال اور اسمبلی کی مدت مکمل ہونے کے سبب غیر موثر ہونے کی بنیاد پر خارج قرار دے دی ہے۔ جمعرات کو عدالت عظمی میں معاملہ کی سماعت چیف جسٹس آف پاکستان کی سربراہی میں تین رکنی بنچ نے کی۔ دوران سماعت ایڈیشنل اٹارنی جنرل نے عدالت کو بتایا کہ درخواست وفات پا چکے ہیں،2013 کے عام انتخابات میں نااہلی کو چیلنج کیا گیا تھا،2013 کی اسمبلی مدت بھی ختم ہو چکی ہے،پرویز مشرف نے 2013 عام انتخابات میں چترال سے کاغذات نامزدگی جمع کروائے تھے ،پرویز مشرف کے کاغذات نامزدگی مسترد کر دیئے گئے تھے۔عدالت عظمی نے اسمبلی کی مدت مکمل ہونے اور درخواست گزار کے انتقال کے سبب معاملہ غیر موثر قرار دیتے ہوئے نمٹا دیا ہے۔۔

اسلام آباد:سپریم کورٹ نے کوئٹہ وکیل قتل کیس میں چیئرمین پی ٹی آئی کو24 جولائی کو ذاتی حیثیت میں طلب کرلیا ہے،عدالت عظمی نے اس موقع پر پراسیکوٹر جنرل بلوچستان کی جواب جمع کروانے کیلئے مہلت دینے کی استدعا منظور کرتے کیس کی سماعت آئندہ سوموار تک کیلئے ملتوی کر دی ہے۔ جمعرات کو عدالت عظمی میں چیئرمین پی ٹی آئی کی درخواست پر سماعت جسٹس یحییٰ خان آفریدی کی سربراہی میں تین رکنی بینچ نے کی۔دوران سماعت جسٹس یحیی آفریدی نے وکیل چیئرمین پی ٹی آئی لطیف کھوسہ سے استفسار کیا ریلیف لینے کیلئے درخواست گزارکوذاتی حیثیت میں پیش ہوکرعدالت کے سامنے سرنڈرکرنا ہوتا ہے،چیئرمین پی ٹی آئی کو کہیں کہ وہ خود عدالت میں پیش ہوں، جسٹس مظاہرعلی اکبر نقوی نے پوچھا کیاچیئرمین پی ٹی آئی آج پیش ہوسکتے ہیں؟ وکیل لطیف کھوسہ نے کہاکہ ایک گھنٹے میں سپریم کورٹ آجائیں گے، جسٹس مظاہرعلی اکبرنقوی نے کہاکہ چئیرمین پی ٹی آئی کو آج آنے کا کہہ دیتے ہیں، جسٹس یحییٰ آفریدی نے ریمارکس دیے کہ بہترہوگا پہلے حکومتی وکیل کا اس کیس میں جواب آجائے پھرچئیرمین پی ٹی آئی پیش ہوں۔ وکیل شکایت کنندگان امان اللہ کنرانی نے اس موقع پر عدالت کو بتایا کہ وکیل قتل کیس میں معاملہ چیئرمین پی ٹی آئی کے جے آئی ٹی کے سامنے پیش ہونے کا ہے، وکیل چیئرمین پی ٹی آئی لطیف کھوسہ نے کہا کہ وکیل قتل کیس میں بنائی گئی جے آئی ٹی کو ہم تسلیم نہیں کرتے،جسٹس یحییٰ آفریدی نے اس موقع پر کہا کہ عبوری ریلیف لینے کے لیے درخواست گزار کو ہر صورت عدالت میں پیش ہونا ہو گا، ایف آئی آر ختم کرانے کے لیے چیئرمین پی ٹی آئی نے متعلقہ فورم سے رجوع کیوں نہیں کیا؟لطیف کھوسہ نے بتایا کہ بلوچستان ہائیکورٹ سے ہو کر ہی سپریم کورٹ آئے ہیں اور یہی متعلقہ فورم ہے۔ جسٹس مظاہر علی نقوی نے ا س موقع پر درخواست گزار کے وکیل کو مخاطب کرتے ہوئے کہا کہ آپ اس معاملے کو سنجیدگی سے لیں،ضمانت اور ایف آئی آر ختم کرانے کے لیے درخواست گزار کو خود آنا پڑتا ہے،چیئرمین پی ٹی آئی کے خلاف مقدمہ ختم کرنے کی درخواست میں ایف آئی آر کی کاپی موجود ہی نہیں ہے،آپ کی درخواست میں درج ہونا چاہیے کہ چیئرمین پی ٹی آئی کے خلاف مقدمہ بے بنیاد ہے،جب تفتیشی افسر چیئرمین پی ٹی آئی کو ملزم کہا ہی نہیں تو مقدمہ کیسا؟لطیف کھوسہ نے اس موقع پر بتایا بتایا کہ چیئرمین پی ٹی آئی کے خلاف دہشتگردی کی دفعات کا مقدمہ درج ہے، جس پر جسٹس مظاہر نقوی نے کہا کہ تفتیشی کا موقف ہے کہ چیئرمین پی ٹی آئی تفتیش میں تعاون ہی نہیں کر رہے،بتایا جائے کہ چیئرمین پی ٹی آئی کے خلاف ناقابل ضمانت وارنٹ آف گرفتاری کس نے اور کیسے نکالے ہیں؟وکیل بلوچستان حکومت نے بتایا کہ ہماری اطلاعات کے مطابق چیئرمین پی ٹی آئی کے خلاف ایسے کوئی وارنٹ نہیں ہیں، جسٹس مسرت ہلالی نے اس موقع پر پوچھا کہ کیا ابھی بھی شکایت کنندہ چیئرمین پی ٹی آئی کو ملزم ٹھہراتے ہیں؟ لطیف کھوسہ بتایا کہ مقتول کی بیوہ نے کہا ہے کہ چیئرمین پی ٹی آئی کا ان کے شوہر کے قتل سے کوئی تعلق نہیں،عبدالرزاق شر کے سوتیلے بیٹے نے چیئرمین پی ٹی آئی کے خلاف مقدمہ درج کرایا ہے، جسٹس مسرت ہلالی نے پھر پوچھا کیا عبدالرزاق شر کے سوتیلے بیٹے کے خلاف کوئی انکوائری ہوئی؟ وکیل امان اللہ کنرانی نے بتایا کہ عبدالرزاق شر کا بیٹا اس کیس میں مدعی ہے بیوہ نہیں۔ بعد ازاں عدالت عظمی نے معاملہ کی سماعت سوموار 24 جولائی تک کیلئے ملتوی کر دی ہے۔۔۔۔