Category پاکستان

اسلام آباد (ویب ڈیسک) نیشنل کمانڈ اینڈ آپریشن سینٹر نے ماہِ ربیع الاوّل کے حوالے سے ہونے والے محفل میلاد اور سیرت کانفرنسوں کے انعقاد کے موقع پرہدایات جاری کی ہیں جس کے مطابق علماء اور نعت خوانوں کی مکمل ویکسی نیشن لازمی قرار دی گئی ہے۔تفصیلات کے مطابق نیشنل کمانڈ اینڈ آپریشن سینٹر نے محفل میلاد کے دوران کوویڈ ایس او پیز پرعمل کرنے سمیت ماسک کا استعمال، سماجی فاصلہ اور سینیٹائزر کی دستیابی کو یقینی بنانے پر زور دیا ہے۔
ہدایات میں مزید کہا گیا ہے کہ محفل میں شرکت کرنیوالوں کی ویکسی نیشن کی جائے، سیرت کانفرنسوں کے انعقاد کا مقام کھلا اور کشادہ ہونا چاہیے، 6فٹ سماجی فاصلے کوبرقرار رکھنا لازمی ہے علاوہ ازیں مسجد،پنڈال انتظامیہ سماجی فاصلے کے نشانات کوواضح کرنا یقینی بنائیں، داخلی راستوں پر تمام افراد کی تھرمل اسکریننگ کو یقینی بنایا جائے.

اسلام آباد (ویب ڈیسک)وزیراعظم عمران خان نے کہا ہے کہ داعش سے چھٹکارا پانے کیلئے طالبان واحد اور بہترین آپشن ہیں۔انہوں نے ایک غیر ملکی جریدے کو انٹرویو دیا جس میں ان کا کہنا تھا کہ افغانستان میں امن اور استحکام خطے کے لیے ناگزیر ہے، افغانستان تمام ہمسایہ ممالک کے لیے اہم ترین تجارتی گزرگاہ ہے، وسط ایشیائی ممالک افغانستان کےراستے پاکستان تک رسائی حاصل کرسکتے ہیں، پاکستان افغانستان کا ہمسایہ ملک ہے، وہاں کے حالات ہم پر اثرانداز ہوتے ہیں، ہم کسی کا ساتھ نہیں دے رہے ، ہم امن کی بات کرتے ہیں۔
انکا مزید کہنا تھا کہ افغانستان میں افغانوں کو مختلف قسم کے مسائل کا سامناہے، امریکی فوج کے انخلا کے بعد افغانستان میں انسانی بحران کا خدشہ پیدا ہوا، افغانستان میں طالبان کی عبوری حکومت آچکی ہے، جواس صورتحال سے نمٹنے کی کوشش کررہی ہے، صورت حال پر قابو پانے کے لیے طالبان کو موثر اقدامات اٹھانا ہوں گے، افغانستان میں مضبوط طالبان حکومت دہشت گرد تنظیموں سے نمٹ سکتی ہے.

لاہور(ویب ڈیسک) پاکستان مسلم لیگ ن لاہور کے صدر اور ممبر قومی اسمبلی پرویز ملک انتقال کر گئے۔ذرائع کے مطابق پرویز ملک گزشتہ کچھ عرصے سے علیل تھے. انہیں دل کی تکلیف کے باعث اچانک اسپتال منتقل کیا گیا تاہم وہ جانبر نہ ہو سکے۔پارٹی ذرائع کے مطابق پرویز ملک مسلم لیگ کے قائد نواز شریف اور پارٹی صدر شہباز شریف کے بہت قریب تھے اور پارٹی میں ان کی تجاویز کو بھی بہت زیادہ اہمیت دی جاتی تھی۔ پرویز ملک این اے 133 لاہور سے مسلم لیگ ن کے رکن قومی اسمبلی تھے جبکہ پرویز ملک کے بیٹے علی پرویز ملک اور ان کی اہلیہ شائستہ پرویز ملک بھی رکن قومی اسمبلی ہیں۔

اسلام آباد (ویب ڈیسک) پاکستان تحریک انصاف نے مسلم لیگ (ن) اور پیپلز پارٹی کے پارٹی فنڈنگ تک رسائی کیلئے الیکشن کمیشن کو درخواست دی تھی جسے منظور کر لیا گیا ہے.تفصیلات کے مطابق الیکشن کمیشن نے پاکستان تحریک انصاف کو مسلم لیگ (ن) اور پیپلز پارٹی کے پارٹی فنڈنگ ریکارڈ تک رسائی دے دی۔مسلم لیگ (ن) اور پیپلزپارٹی فارن فنڈنگ کیس پرالیکشن کمیشن میں سماعت ہوئی.جس کے بعد الیکشن کمیشن نے وزیر مملکت فرخ حبیب کی درخواست منظور کرتے ہوئے مسلم لیگ (ن) اور پیپلزپارٹی کے پارٹی فنڈنگ ریکارڈ تک رسائی دے دی۔
سماعت کے بعد فرخ حبیب کا کہنا تھا کہ آج الیکشن کمیشن میں (ن) لیگ اور پیپلز پارٹی کو شکست ہوئی ہے، (ن) لیگ کے 7 اور پیپلزپارٹی کے 12 ایسے اکاؤنٹس نکل آئے ہیں جو الیکشن کمیشن سے چھپائے گئے تھے.
انہوں نے مزید کہا کہ بلاول بھٹو زرداری اور مریم نواز کے جعلی اکاؤنٹس سامنے لائیں گے، یہ وہ لوگ ہیں جو التوا کے پیچھے چھپ جاتے تھے لیکن ہم انہیں اب بھاگنے نہیں دیں گے، مسلم لیگ (ن) اور پیپلز پارٹی کے ریکارڈ کا جائزہ لے کر الیکشن کمیشن کی اسکروٹنی کمیٹی کے سامنے رکھیں گے۔

اسلام آباد(ویب ڈیسک)وزیراعظم عمران خان نے رحمت اللعالمین ﷺ اتھارٹی کے قیام کا اعلان کیا ہے.انہوں نے رحمت اللعالمین ﷺ اتھارٹی کے اغراض و مقاصد سے بھی آگاہ کیا.وزیر اعظم عمران خان نےاسلام آباد میں رحمت اللعالمین ﷺ کانفرنس سے خطاب کیا.جس میں انہوں نے اتھارٹی کے قیام کا اعلان کرتے ہوئے کہا کہ ہم اس کے ذریعے سیرت نبی ﷺ بچوں اوربڑوں کو پڑھانے کا طریقہ کار طے کریں گے۔
وزیراعظم عمران خان نے اتھارٹی کی نگرانی خود کرنے کا اعلان کیا اور کہا کہ ہم نے اتھارٹی کے چیئرمین کی تلاش شروع کردی ہے، دنیا کے بہترین مذہبی اسکالرز کو چیئرمین بنایا جائے گا، جو اسلام سے متعلق دنیا کو آگاہ کرے گا۔علاوہ ازیں ان کا کہنا تھا کہ اتھارٹی کے ذریعے اسکولوں کے نصاب کی نگرانی بھی کی جائے گی۔ وزیر اعظم نے 12 ربیع الاول دھوم دھام سے منانے کا بھی اعلان کیا اور کہا کہ یہ ہمارے لیے بہت خوشی کا دن ہے۔
وزیراعظم کا مزید کہنا تھا کہ رحمت اللعالمین اتھارٹی دنیا کوبتائے گی اسلام کیا ہے، بچوں کواپنےکلچرسےمتعرف کرانےکیلئےکارٹون سیریز متعارف کرائی جائیں گی، اتھارٹی کا ایک ممبر میڈیا پر نشر ہونے والے مواد پر نظر رکھے گا۔

اسلام آباد (ویب ڈیسک) ملک بھر میں سو فیصد حاضری کے ساتھ تمام تعلیمی ادارے کھول دیئے گئے۔کورونا وبا میں کمی کے بعد این سی او سی کی جانب سے تعلیمی ادارے کھولنے کے احکامات جاری کئےگئے جس کے بعد پنجاب بھر میں نجی و سرکاری اسکولوں میں طلبہ کی 100 فیصد تعداد حاضر ہو سکے گی.
سندھ بھر میں بھی طالبعلموں سمیت اساتذہ و غیر تدریسی عملہ کی 100 فیصد حاضری کو بھی یقینی بنایا گیا ہے جبکہ تعلیمی اداروں میں 12 سال اور اس سے زائد عمر کے طالبعلموں کی ویکسینیشن لازمی قرار دی گئی ہے. 31 اکتوبر تک 21 اور اس سے زائد عمر کے طلباء کی ویکسین نہ ہونے پر انتظامیہ کے خلاف کارروائی کی جائے گی۔

ڈاکٹر عبدالقدیر خان کی خواہش کے مطابق ان کی نماز جنازہ اسلام آباد کی فیصل مسجد میں ادا کی گئی۔ نماز جنازہ پروفیسر ڈاکٹر محمد الغزالی نے پڑھائی ، ڈاکٹر عبدالقدیر کی نماز جنازہ کے موقع پر سیکیورٹی کے انتہائی سخت انتظامات کیے گئے تھے، نماز جنازہ کے دوران بارش بھی ہوتی رہی۔

نماز جنازہ میں عوام نے بڑی تعداد میں شرکت کی، وفاقی وزیر منصوبہ بندی اسد عمر نے نماز جنازہ کے حوالے سے اپنی ٹوئٹ میں کہا کہ تیز بارش میں فیصل مسجد اور باہر سڑکوں پر لاتعداد لوگوں کو ڈاکٹر عبدالقدیر خان کے جنازے میں شرکت کے لئے آتے دیکھ کر پتہ چل رہا ہے کہ یہ قوم اپنے محسنوں کو فراموش نہیں کرتی۔ مسجد سے واپسی پر کم سے کم ایک میل تک لوگ مسجد کی طرف جاتے نظر آ رہے تھے جو رش کی وجہ سے وقت پر نہیں پہنچ سکے۔نماز جنازہ کی ادائیگی کے بعد ڈاکٹر عبدالقدیر خان کا جسد خاکی ایچ 8 کے قبرستان لے جایا گیا
پاکستان کو ایٹمی قوت بنانے اور اس کا دفاع ناقابل تسخیر بنانے میں ڈاکٹر عبدالقدیر خان کا انتہائی اہم کردار تھا۔ مئی 1998 میں پاکستان نے بھارتی ایٹم بم کے تجربے کے بعد کامیاب تجربہ کیا۔ بلوچستان کے شہر چاغی کے پہاڑوں میں ہونے والے اس تجربے کی نگرانی ڈاکٹر قدیر خان نے ہی کی تھی۔ انہوں نے 150 سے زائد سائنسی تحقیقاتی مضامین بھی لکھے۔

یکم اپریل 1936 کو موجودہ بھارت کے شہر بھوپال میں پیدا ہونے والے ڈاکٹر عبد القدیر خان قیام پاکستان کے بعد اپنے خاندان کے ہمراہ پاکستان آگئے تھے اور انہوں نے کراچی میں سکونت اختیار کرلی تھی، انہوں نے 1960 میں کراچی یونیورسٹی سے میٹالرجی میں ڈگری حاصل کی، بعد ازاں وہ مزید تعلیم کے لیے یورپ چلے گئے، انہوں نے جرمنی اور ہالینڈ سے اعلیٰ تعلیم حاصل کی۔ انہوں نے ہالینڈ سے ماسٹرز آف سائنس جبکہ بیلجیئم سے ڈاکٹریٹ آف انجینئرنگ کی اسناد حاصل کیں۔
ڈاکٹر عبالقدیر خان 15 برس یورپ میں رہنے کے بعد سابق وزیر اعظم ذوالفقار علی بھٹو کی درخواست پر 1976 میں پاکستان واپس آئے، انہوں نے 31 مئی 1976 میں انجینئرنگ ریسرچ لیبارٹریز میں شمولیت اختیار کی۔ بعد ازاں اسی ادارے کا نام یکم مئی 1981 کو جنرل ضیاءالحق نے ’ڈاکٹر اے کیو خان ریسرچ لیبارٹریز‘ رکھ دیا۔ یہ ادارہ پاکستان میں یورینیم کی افزودگی میں نمایاں مقام رکھتا ہے۔

کہوٹہ ریسرچ لیبارٹریز نے نہ صرف ایٹم بم بنایا بلکہ پاکستان کے لئے ایک ہزار کلومیٹر دور تک مار کرنے والے غوری میزائل سمیت کم اور درمیانی رینج تک مارکرنے والے متعدد میزائل تیار کرنے میں بھی اہم کردار ادا کیا۔ 14 اگست 1996 کو اس وقت کے صدر مملکت فاروق لغاری نے انہیں پاکستان کے سب سے بڑا سِول اعزاز نشانِ امتیاز سے نوازا، اس سے قبل انہیں 1989 میں ہلال امتیاز سے بھی نوازا گیا تھا۔
صدر پاکستان ڈاکٹر عارف علوی نےعظیم ایٹمی سائنسدان ڈاکٹرعبدالقدیرخان کے انتقال پر اظہار افسوس کرتے ہوئے کہا کہ قوم ان کی خدمات کو نہیں بھولے گی،ڈاکٹرعارف علوی نے ٹویٹ کیا کہ ڈاکٹر عبدالقدیر خان کے انتقال کے بارے میں جان کر بہت دکھ ہوا۔ میں انہیں 1982 سے ذاتی طور پر جانتا تھا۔ انہوں نےجوہری تخفیف کو فروغ دینے میں ہماری مدد کی۔ اللہ ان پر رحمت نازل کرے۔
اپوزیشن لیڈر شہباز شریف نے کہا ہے کہ آج قوم ایک سچے محسن سے محروم ہو گئی ہے۔ ڈاکٹرعبدالقدیر خان نے دل و جان سے مادر وطن کی خدمت کی۔ انہوں نے کہا ڈاکٹر عبدالقدیر خان کا انتقال ملک کے لیے بہت بڑا نقصان ہے۔ پاکستان کو ایٹمی طاقت بنانے میں ان کا کردار مرکزی ہے۔ اللہ ان کی روح پر اپنی رحمتیں نازل فرمائے۔

صدر پاکستان ڈاکٹر عارف علوی نےعظیم ایٹمی سائنسدان ڈاکٹرعبدالقدیرخان کے انتقال پر اظہار افسوس کرتے ہوئے کہا کہ قوم ان کی خدمات کو نہیں بھولے گی،ڈاکٹرعارف علوی نے ٹویٹ کیا کہ ڈاکٹر عبدالقدیر خان کے انتقال کے بارے میں جان کر بہت دکھ ہوا۔ میں انہیں 1982 سے ذاتی طور پر جانتا تھا۔ انہوں نےجوہری تخفیف کو فروغ دینے میں ہماری مدد کی۔ اللہ ان پر رحمت نازل کرے۔
پاکستان کے وزیراعظم عمران خان نے کہا ہے کہ ڈاکٹرعبدالقدیر خان کو ان کی خواہش کے مطابق فیصل مسجد میں دفن کیا جائے گا۔ وزیراعظم نے ٹویٹ کیا کہ ڈاکٹر اے کیو خان کے انتقال پر بہت دکھ ہوا۔ میری تعزیت اور دعائیں ڈاکٹرعبدالقدیر خان کے خاندان کے ساتھ ہیں۔ عمران خان نے لکھا کہ ڈاکٹرعبدالقدیرخان نے پاکستان کو ایٹمی ملک بنانے میں اہم کردار ادا کیا۔
اپوزیشن لیڈر شہباز شریف نے کہا ہے کہ آج قوم ایک سچے محسن سے محروم ہو گئی ہے۔ ڈاکٹرعبدالقدیر خان نے دل و جان سے مادر وطن کی خدمت کی۔ انہوں نے کہا ڈاکٹر عبدالقدیر خان کا انتقال ملک کے لیے بہت بڑا نقصان ہے۔ پاکستان کو ایٹمی طاقت بنانے میں ان کا کردار مرکزی ہے۔ اللہ ان کی روح پر اپنی رحمتیں نازل فرمائے۔
سابق وزیراعظم سید یوسف رضا گیلانی نے ڈاکٹرعبدالقدیر خان کے انتقال پر اظہارافسوس کرتے ہوئے کہا کہ وہ محسن پاکستان ہیں۔ ملک کو ایٹمی پروگرام دےکر ڈاکٹر عبدلقدیر خان نے قوم پر احسان کیا۔
وفاقی وزیرداخلہ شیخ رشید نے کہا کہ ڈاکٹرعبدالقدیرخان نے ملک کی بہت خدمت کی۔ انہوں نے ملکی دفاع میں اہم کردار ادا کیا۔ ڈاکٹر عبدالقدیر خان کو ہمیشہ یاد رکھا جائے گا۔ اللہ تعالیٰ مرحوم کے درجات بلند فرمائے اور لواحقین کو صبر کی توفیق دے۔
ڈاکٹر ثمر مبارک مند نے بھی ڈاکٹر عبدالقدیر خان کے انتقال پر دکھ اور افسوس کا اظہار کیا ہے۔ انہوں نے کہا ڈاکٹر عبدلقدیر نے ملکی دفاع ناقابل تسخیر بنانے کے لیے کام کیا۔ پاکستان نے ایٹم بم بنا کر دنیا کو حیران کر دیا تھا۔
چیئرمین جوائنٹ چیفس آف سٹاف کمیٹی اور تمام سروسز چیفس نے بھی پاکستان کے معروف سائنسدان ڈاکٹر عبدالقدیر خان کی وفات پر گہرے دکھ کا اظہار کیا ہے،آرمی چیف جنرل قمر جاوید باجوہ نے کہا ڈاکٹر قدیر نے پاکستان کے دفاع کو مضبوط بنانے کے لے گرانقدر خدمات سر انجام دیں۔ اللہ تعالی مرحوم کے درجات بلند کرے۔

پاکستان کے معروف ایٹمی سائنسدان ڈاکٹر عبد القدیرخان انتقال کر گئے ہیں۔ ان کی عمر 85 برس تھی اور وہ کافی عرصے سے علیل تھے۔ طبعیت ناساز ہونے پر انہیں اسپتال کے آئی سی یو وار ڈ میں منتقل کیا گیا تھا جہاں وہ آج صبح جانبرنہ ہوسکے۔ ڈاکٹر عبدالقدیر کی نمازجنازہ آج فیصل مسجد اسلام آباد میں ساڑھے 3 بجے ادا کی جائے گی۔ وزیرداخلہ شیخ رشید نے کہا ہے ڈاکٹرعبدالقدیرخان کی تدفین سرکاری اعزاز کیساتھ کی جائے گی اور آج کے دن تمام سرکاری عمارتوں پر پاکستان کا قومی پرچم سرنگوں رہے گا۔ وہ پہلے پاکستانی نہیں جنہیں تین صدارتی اعزازات دو بار نشان امتیاز اور ایک بار ہلال امتیاز سے نوازا گیا۔ پاکستانی ایٹم بم کے خالق ہندوستان کے شہر بھوپال میں 1936ء میں پیدا ہوئے۔ قیام پاکستان کے اپنے خاندان کیساتھ وہ کراچی منتقل ہو گئے تھے۔
وزیرداخلہ شیخ رشید احمد نے کہا ہے کہ قومی ہیرو ڈاکٹرعبدالقدیرخان کیلئے دو قبریں تیار کی جا رہیں۔ ان کے اہلخانہ جو فیصلہ کریں گے اس پرعمل ہوگا۔اسلام آباد کی انتظامیہ کا کہنا ہے کہ فیصل مسجد اور ایچ ایٹ قبرستان دونوں جگہ پر تدفین کے لیے انتطامات کیے جارہے ہیں۔ تدفین کا حتمی فیصلہ ان کے اہل خانہ وزیراعظم کیساتھ مشاورت سے کریں گے۔فیصل مسجد کے احاطے میں ضیا الحق کے مقبرے کے پاس ڈاکٹرعبدالقدیرخان کی قبر تیار کی گئی ہے۔ شیخ رشید نے بتایا کہ وزیراعظم نے تمام وزرا اور کابینہ اراکین کو ہدایت کی ہے کہ نماز جنازہ میں شرکت کریں۔ فیصل مسجد میں ان کی نماز جنازہ ادا کی جائے گی۔وزیرداخلہ نے کہا کہ قومی ہیرو کو پورے سرکاری اعزاز کیساتھ دفنایا جائے گا۔ جوائنٹ چیف آف سٹاف اور چاروں فورسز کے نمائندے جنازے میں شرکت کریں گے۔ اسپیکر قومی اسمبلی اور قائم مقام صدر بھی جنازے میں شرکت کریں گے۔ شیخ رشید نے بتایا کہ نیول، ائیر فورس اور ٹین کور کے افسران اس جنازہ میں شرکت کریں گے۔ عام عوام کو بھی جنازے میں شرکت کی اجازت ہوگی۔ کمشنر اسلام آباد، ایف سی اور پولیس کو ہدایت کی گئی ہے کہ سکیورٹی کے انتظامات کیے جائیں۔ وزیرداخلہ نے بتایا کہ عمران خان کے جنازہ میں شرکت کا سیکیورٹی کی وجہ سے نہیں بتا سکتے۔

تحریک انصاف کے مرحوم رہنما و رکن صوبائی اسمبلی پنجاب پیٹر مسیح گل کو مقامی مسیح قبرستان میں سپرد خاک کر دیا گیا آنجہانی پیٹر گل کی آخری رسومات میں صوبائی وزیر اقلیتی امور اعجاز اگسٹن کی عدم شرکت تدفین کی رسومات میں سینٹر اعجاز چودھری ،سکھ راہنماوں سردار سکندر سنگھ سردار مہیندر پال سنگھ (ایم پی) اے اقلیتی کونسل پنجاب کی چئیر پرسن جیکولین ٹریسلر نے شرکت کی.