Category پاکستان

اسلام آباد :روس سے آنے والا تیل کی ترسیل شروع ہو گئی،پیٹرولیم مصنوعات کی قیمتوں میں 30 سے 40 روپے تک کمی متوقع ہے۔ تفصیلات کے مطابق حکام وزارت پیٹرولیم نے کہا ہے کہ روسی تیل سے پاکستانی میں پیٹرول سستا ہو جائے گا،آئندہ دو ہفتے میں روسی تیل مارکیٹ میں آ جائے گا۔ 45 ہزار ٹن کی پہلی کھیپ پی آر ایل میں ریفائن ہو گی،پارکو بھی روسی تیل کی ریفائنگ میں حصہ لے گا۔ذرائع کے مطابق روسی تیل سے ریلیف کے اثرات یکم جولائی تک آنے کا امکان ہے،پیٹرولیم مصنوعات کی قیمتوں میں 30 سے 40 روپے تک کمی کا امکان ہے۔ جبکہ وزیر مملکت برائے پیٹرولیم مصدق ملک نے بتایا کہ روس سے آنے والا پہلا جہاز لنگر انداز ہو چکا ہے،جہاز کو آف لوڈ کرنے میں 3 دن لگ جائیں گے۔دوسرا جہاز بھی ایک ہفتے میں آجائے گا،دوسرے جہاز میں 60 سے 65 ہزار ٹن تیل ہو گا۔روس سے 1 لاکھ ٹن تیل کا معاہدہ ہے جو دو جہازوں پر آئے گا۔ انہوں نے بتایا کہ آذر بائیجان سے کم قیمت ایل این جی کارگو معاہدہ ہوا،آذر بائیجان ہر ماہ کم قیمت پر ایل این جی کا ایک کارگو دے گا۔ خارجہ پالیسی پر بات کرتے ہوئے مصدق ملک کا کہنا تھا کہ سابق حکومت نے ملک کی خارجہ پالیسی خراب کی،گزشتہ حکومت ٹویٹر پر اپنی خارجہ پالیسی چلا رہی تھی ۔۔

کراچی: صوبہ سندھ کے دارالحکومت کراچی میں چکن کی قیمتیں انتہائی بڑھ جانے پر کمشنر کراچی نے ایڈوائزری کمیٹی تشکیل دے دی۔

تفصیلات کے مطابق سندھ اور خاص طور پہ کراچی میں پنجاب کی نسبت مرغی کا گوشت مہنگے داموں فروخت ہونے کے معاملے پر کمشنر کراچی نے مرغی کے گوشت کے نرخ کے تعین کے لیے ایڈوائزری کمیٹی تشکیل دے دی۔

کمشنر کراچی کی جانب سے سندھ پولٹری فارم کے نمائندوں سے بھی تجاویز طلب کی گئی ہیں۔

کمشنر کراچی کا کہنا ہے کہ پنجاب، سندھ اور کراچی میں مرغیوں کے گوشت کی قیمتیں یکساں ہونی چاہیئے، مرغی کے مہنگے داموں گوشت فروخت ہونے پر کمیٹی تشکیل دی گئی ہے، جلد مرغی کے گوشت کی مناسب قیمت کا تعین کر لیا جائے گا۔

یاد رہے کہ کراچی میں اس وقت مرغی کا گوشت 600 سے 660 روپے فی کلو فروخت ہو رہا ہے۔

سابق وزیر خزانہ حفیظ پاشا نے کہا ہے کہ ملک میں 10 کروڑ عوام غربت کی لکیر سے نیچے جا چکے ہیں۔

سابق وزیر خزان حفیظ پاشا نے اے آر وائی نیوز سے گفتگو کرتے ہوئے کہا ہے کہ ملک میں 10 کروڑ لوگ غربت کی لکیر سے نیچے جا چکے ہیں۔ پاکستان کے زرمبادلہ ذخائر 4 ارب ڈالر سے بھی نیچے چلے گئے ہیں۔ بجٹ میں وزیر خزانہ اسحاق ڈار کی جانب سے کوئی پلان یا اسٹریٹیجی نہیں دی گئی۔

ان کا کہنا تھا کہ بجٹ جس انداز میں پیش کیا گیا امید تھی کہ پاکستان کے لوگوں کو مطمئن کیا جائیگا، ہم امید کرتے تھے کہ اسحاق ڈار آغاز میں ہی بتاتے کہ ہم دیوالیے کا دلدل سے نکل چکے ہیں انہیں بجٹ کے آغاز میں ہی اسٹریٹیجی یا کوئی پلان پیش کرنا چاہیے تھے لیکن ایسا کچھ نہیں ہوا۔

حفیظ پاشا نے کہا کہ وزیر خزانہ کو پاکستان کے تاجروں اور کاروباری شخصیات کو مطمئن کرنا چاہیے تھا، بجٹ دستاویز میں جو کچھ بتایا گیا کم از کم اس سے ہی عوام کو آگاہ کرنا چاہیے تھا۔

سابق وزیر خزانہ نے کہا کہ بی آئی ایس پی کیلیے فنڈز کو صرف 50 ارب روپے بڑھایا ہے جب کہ نتخواہوں میں جو اضاف کیا گیا اس پر 600 ارب خرچ ہوں گے، یعنی حکومت نے 30 لاکھ لوگوں کے لیے 600 ارب کا اضافہ کیا گیا جب کہ دوسری طرف 10 کروڑ لوگوں کے لیے اضافہ 50 ارب کیا گیا ہے۔

انہوں نے ایف بی آر ریونیو بڑھانے کا جو ٹاسک رکھا گیا ہے وہ رسکی ہے جو پورا نہیں ہوگا۔ پی ڈی ایل کا ہدف بھی بڑھایا گیا ہے، ایسا لگتا ہے پی ڈی ایل کو 50 روپے سے 75 روپے تک بڑھایا جائیگا۔

سابق وزیر خزان حفیظ پاشا نے ایمرا نیوز سے گفتگو کرتے ہوئے کہا ہے کہ ملک میں 10 کروڑ لوگ غربت کی لکیر سے نیچے جا چکے ہیں۔ پاکستان کے زرمبادلہ ذخائر 4 ارب ڈالر سے بھی نیچے چلے گئے ہیں۔ بجٹ میں وزیر خزانہ اسحاق ڈار کی جانب سے کوئی پلان یا اسٹریٹیجی نہیں دی گئی۔

ان کا کہنا تھا کہ بجٹ جس انداز میں پیش کیا گیا امید تھی کہ پاکستان کے لوگوں کو مطمئن کیا جائیگا، ہم امید کرتے تھے کہ اسحاق ڈار آغاز میں ہی بتاتے کہ ہم دیوالیے کا دلدل سے نکل چکے ہیں انہیں بجٹ کے آغاز میں ہی اسٹریٹیجی یا کوئی پلان پیش کرنا چاہیے تھے لیکن ایسا کچھ نہیں ہوا۔

حفیظ پاشا نے کہا کہ وزیر خزانہ کو پاکستان کے تاجروں اور کاروباری شخصیات کو مطمئن کرنا چاہیے تھا، بجٹ دستاویز میں جو کچھ بتایا گیا کم از کم اس سے ہی عوام کو آگاہ کرنا چاہیے تھا۔

سابق وزیر خزانہ نے کہا کہ بی آئی ایس پی کیلیے فنڈز کو صرف 50 ارب روپے بڑھایا ہے جب کہ نتخواہوں میں جو اضاف کیا گیا اس پر 600 ارب خرچ ہوں گے، یعنی حکومت نے 30 لاکھ لوگوں کے لیے 600 ارب کا اضافہ کیا گیا جب کہ دوسری طرف 10 کروڑ لوگوں کے لیے اضافہ 50 ارب کیا گیا ہے۔

پنجاب پولیس کے ایس پی بلال قیوم کو 50 لاکھ کی جعلی کرنسی استعمال کرنے کے الزام میں معطل کر دیا گیا ہے اس حوالے سے وفاقی اسٹیبلشمٹ ڈویژن نے احکامات جاری کر دیے ہیں۔

پنجاب پولیس کے ایس پی بلال قیوم کو 50 لاکھ کی جعلی کرنسی استعمال کرنے کے الزام میں معطل کر دیا گیا ہے اس حوالے سے وفاقی اسٹیبلشمٹ ڈویژن نے معطلی کے احکامات جاری کردیے ہیں۔

پولیس کا کہنا ہے کہ ایف آئی اے نے عامر نامی ملزم سے 50 لاکھ جعلی کرنسی برآمد کی تھی جس کے بعد اس پر مقدمہ درج کیا گیا تھا بعد ازاں ملزم نے ایس پی بلال قیوم پر 50 لاکھ کی جعلی کرنسی دینے کا الزام عائد کیا تھا

پولیس کے مطابق ایس پی بلال قیوم سینٹرل پولیس آفس میں تعینات تھے، ملزم عامر کے انکشاف کا اعلیٰ حکام کو بتایا گیا جس کے بعد اعلیٰ پولیس حکام نے نوٹس لیتے ہوئے انہیں معطل کر دیا ہے۔

پولیس نے مطابق مذکورہ ایس پی نے ملزم عامر کو 50 لاکھ کے جعلی نوٹ دے کر اس سے کار خریدی تھی۔

ایس پی بلال قیوم نےعبوری ضمانت بھی کروا رکھی ہے۔

وزیراعظم شہباز شریف نے کہا ہے کہ ہمارے دل ایک ساتھ دھڑکتے ہیں اور ہم ترکیہ کے ساتھ برادرانہ تعلقات کو مزید مضبوط کرنا چاہتے ہیں۔

وزیراعظم شہباز شریف نے ترک میڈیا کو انٹرویو دیتے ہوئے کہا ہے کہ ترکیہ کیساتھ برادرانہ تعلقات کو مزید مضبوط کرنا چاہتے ہیں۔ ہمارے دل ایک ساتھ دھڑکتے ہیں، ترکیہ ہمیشہ پاکستان کے ساتھ کھڑا رہا. ترکیہ اور اس کی عوام نے ہرمشکل وقت میں پاکستان کی مدد کی۔ دونوں ممالک کے لوگ یک جان دو قالب ہیں۔

شہباز شریف نے صدر رجب طیب اردوان کو زبردست کامیابی پر ایک بار پھر مبارک باد پیش کرتے ہوئے کہا کہ اردوان ایک عظیم رہنما ہیں اور میں صدر اردوان کے ساتھ قریبی طور پر مل کر کام کرنے کا منتظر ہوں۔ تجارت، سرمایہ کاری اور باہمی تعلقات میں اضافے پر اتفاق ہوا ہے پاکستان اور ترکیہ میں ریل روڈ منصوبہ اہم ثابت ہوسکتا ہے۔

ان کا کہنا تھا کہ خواہش ہے کہ دونوں ممالک کا باہمی تجارتی حجم 5 ارب ڈالر تک بڑھائیں۔ ترک سرمایہ کاروں کو پن بجلی منصوبوں کیلئے دعوت دیں گے۔ ترک سرمایہ کار شمسی توانائی میں سرمایہ کاری کریں۔

وزیراعظم نے یہ بھی کہا کہ پاکستان میں گزشتہ سیلاب سے 3 کروڑ 30 لاکھ لوگ متاثر ہوئے۔ ہماری افرادی قوت زیادہ مہارت رکھنے کے باوجود سستی ہے۔ ترکیہ کی ٹیکنالوجی اور پاکستان کی افرادی قوت بہترین ثابت ہوسکتی ہیں۔

اسلام آباد :ایک انٹرویومیں پرویز خٹک نے استحکام پاکستان پارٹی کے سربراہ جہانگیر ترین سے ملاقات کی تردید کردی ہے۔پرویز خٹک کا کہنا تھا کہ جہانگیر ترین سے میری کوئی ملاقات نہیں ہوئی، اس وقت میں سیاسی معاملات پر کوئی بات نہیں کرنا چاہتا۔پرویز خٹک نے کہا کہ جہانگیرترین کی پارٹی میں نہ سیکرٹری جنرل کی آفر ہوئی ہے نہ ایسی کوئی آفر قبول کی،انہوں نے کہاکہ میں اپنی جگہ پر ہوں اور صوبے میں اپنے ساتھیوں سے رابطے میں ہوں۔

کراچی : سمندری طوفان بائپر جوائے کے خطرے کے پیش نظر کراچی کے ساحلوں پر دفعہ 144 نافذ کردی گئی۔محکمہ موسمیات نے کہا ہے کہ سمندری طوفان بائپر جوائے کی شدت برقرار ہے، گزشتہ 12 گھنٹوں کے دوران سمندری طوفان مزید شمال مشرق کی جانب بڑھ رہا ہے۔سمندی طوفان کراچی کے جنوب سے 1040 کلو میٹر جبکہ ٹھٹھہ کے جنوب سے 1020 کلو میٹر دور ہے، سمندری طوفان موجودہ ٹریک پر چلتا رہا تو رخ عمان اور پاکستان کے مکران ساحلی علاقوں کی جانب ہوسکتا ہے، جبکہ بھارتی گجرات اور سندھ کی ساحلی پٹی سے طوفان کے ٹکرانے کا امکان ہے۔13جون کی رات سے 14جون کی صبح تک سندھ مکران کی ساحلی پٹی پر تیز ہواؤں کے ساتھ موسلا دھار بارش کا امکان ہے، محکمہ موسمیات کا سائیکلون وارننگ سینٹر سسٹم کو مانیٹر کر رہا ہے۔موجودہ صورت حال پر کمشنر کراچی نے دفعہ 144کا نوٹیفکیشن جاری کر دیا ہے، پاسداری نہ کرنے والوں کے خلاف کارروائی کی بھی ہدایت جاری کی ہیں۔دوسری جانب ڈائریکٹر جنرل (ڈی جی) پراونشل ڈیزاسٹر مینجمنٹ اتھارٹی (پی ڈی ایم اے) جہانزیب خان نے بتایا کہ سمندری طوفان بائپر جوائے رخ تبدیل کرکے شمال اور شمال مشرق کی جانب بڑھ رہا ہے، جس کے باعث طوفان کے مکران کے ساحل کی طرف بڑھنے کے امکانات زیادہ ہو رہے ہیں۔ڈی جی پی ڈی ایم اے نے بتایا کہ پی ڈی ایم اے تمام تر صورت حال کا باقاعدہ جائزہ لے رہی ہے، پی ڈی ایم اے متعلقہ اضلاع کے ڈپٹی کمشنرز سے مکمل رابطے میں ہے، مکران کے ساحل پر دفعہ 144 کے نافذ کیلئے ڈپٹی کمشنرز کو مراسلہ ارسال کر دیا ہے۔جہانزیب خان نے بتایا کہ ناگہانی صورت حال سے نمٹنے کیلئے ریسکیو ٹیمیں 300 خاندانوں کیلئے فوڈ اور نان فوڈ آئٹم گوادر بھجوائے جا رہے ہیں جبکہ پاک فوج ،کوسٹ گارڈ، ایف سی اور انتظامیہ سے مکمل رابطے ہیں، 2 ریسکیو بورٹس گوادر ضلعی انتظامیہ کے حوالے کردی گئی ہیں۔

اسلام آباد : حکومت نے قربانی کرنیوالوں کیلئے کوئی ریلیف نہیں دیا، جانوروں پر بھی ٹیکس لگا دیا۔بکرا، بیل ، گائے کچھ بھی خریدیں ، سب کی خریداری پر ٹیکس ادا کرنا ہو گا۔ بیوپاریوں سے چھوٹے بڑے جانوروں پر ٹیکس عائد کر دیا گیا ہے۔ منڈیاں 18 جون کو آپریشنل ہوں گی، صفائی ستھرائی پر کوئی سمجھوتہ نہیں ہو گا۔بتایا گیا ہے کہ چھوٹے جانوروں پر 500، بڑے جانوروں پر ایک ہزار روپے ٹیکس لاگو ہو گا۔

اسلام آباد : وفاقی وزیر خزانہ سینیٹر اسحاق ڈار آئندہ مالی سال 24-2023 کا خسارے کا بجٹ پیش کردیا۔ بجٹ کا مجموعی حجم 14460 ارب روپے ہے۔ تاہم اس میں سے نصف سے زائد رقم قرضوں کے سود کی ادائیگی میں جائے گی۔ بجٹ دستاویزات کے مطابق خسارہ 7570 ارب روپے ہے۔بجٹ میں ٹیکسوں کے خاتمے یا کمی کے نتیجے میں سولر سسٹم کی اشیا، ہائبرڈ گاڑیاں، ڈائپرز، ادویات کا خام مال اور دیگر کئی اشیا سستی ہوگئی ہیں۔ دوسری جانب ٹریڈ مارک اور برانڈ پر فروخت ہونے والی اشیا پر ٹیکس لگا دیا گیا،باہر کھانا کھانے والوں سے ڈیبٹ یا کریڈٹ کارڈ کی ادائیگی پر صرف 5 فیصد سیلز ٹیکس لیا جائے گا جبکہ دیگر افراد کے لیے یہ شرح 15 فیصد ہی رہے گی۔حکومت نے وفاقی ملازمین کی تنخواہوں میں 30 فیصد اضافہ کیا ہے۔بجٹ میں کون سی چیزیں سستی ہوں گیسولر سسٹم لگانے کے خواہشمند افراد کے لئے بڑی خوشخبریبجٹ میں سولر انورٹرز کے پارٹس پر ڈیوٹی صفر کردی گئی ہے، اس کے علاوہ کنٹرول بورڈ، پاور بورڈ اور چارج کنٹرولر، اے سی ان پٹ اور آؤٹ پٹ ٹرمینل، اور زرعی بیجوں پر ڈیوٹی صفر کردی گئی ہے، بجلی کی پیداوار اور ترسیل پر بھی ٹیکس لاگو نہیں ہوگا۔بجٹ میں ڈائپرز اور سینیٹری نیپکن پر ڈیوٹی میں کمی کی گئی ہے، مائننگ مشینری کی درآمد پر ڈیوٹی صفر کردی گئی ہے، ہائبرڈ الیکٹرک گاڑیوں پر ڈیوٹی ایک فیصد کردی گئی ہے، ہابرڈ وہیکلز کے پرزہ جات کی درآمد پرڈیوٹی 4 فیصد کردی گئی ہے، ایشین میک 1300 سی سی گاڑیوں کی امپورٹ کی فکسڈ ڈیوٹی کی پابندی واپس لے لی گئی ہے۔ضروی اشیاء کی درآمدات پر ڈیوٹی میں کوئی اضافہ نہیں کیا گیاآئندہ بجٹ میں ضروی اشیاء کی درآمدات پر ڈیوٹی میں کوئی اضافہ نہیں کیا گیا، قرآن کی چھپائی کے لیے آرٹ کارڈ اور بورڈ ایکسائز ڈیوٹی سے مستثنی کیا گیا ہے۔فارما کمپنیز کے لیے سہولتبجٹ میں فارما کمپنیز کے لیے سہولت دی گئی ہے اور فارما کمپنیز کے لیے مزید 3 ڈرگز ڈیوٹی فری ریجیم میں شامل کی گئی ہے۔ڈائپرز اور سینیٹری نیپکنز پر بھی کسٹمز ڈیوٹی ختمبجٹ میں ڈائپرز اور سینیٹری نیپکنز پر بھی کسٹمز ڈیوٹی ختم کردی گئی ہے، جب کہ سولر پینلز کے لیے استعمال اشیاء اور مشینری پر کسٹمز ڈیوٹی نہیں ہوگی، انورٹرز اور بیٹریز پر بھی کسٹمز ڈیوٹی ختم کردی گئی ہے۔آئی ٹی سے متعلق سامان پر کوئی امپورٹ ڈیوٹی نہیں ہوگیبجٹ میں آئی ٹی کے ایکسپورٹرز کے لیے بھی بجٹ میں سہولت دی گئی ہے، آئی ٹی سے متعلق سامان پر کوئی امپورٹ ڈیوٹی نہیں ہوگی، مانیٹرز اور پروجیکٹرز پر ریگولیٹری ڈیوٹی ختم کردی گئی ہے۔آئی ٹی سیکٹر پر انکم ٹیکس کی شرح سال 2026 تک برقرار رہے گی، فری لانسر کی 24 ہزار ڈالر سالانہ آمدن پر ٹیکس سے چھوٹ ہوگی، وینچر کیپٹل فنڈ کے لئے 5 ارب روپے مختص کیے گئے ہیں، آئی ٹی سیکٹرپر 15 فیصد سیلز ٹیکس کم کر کے 5 فیصد کردیا گیا ہے، اور آئندہ سال 50 ہزار آئی ٹی گریجویٹس تیار کئے جائیں گے۔چھوٹے کاروبار کرنے والوں کے لئے 10 ارب مختصبجٹ کے مطابق چھوٹے کاروبار کے لئے 10 ارب روپے مختص کئے جارہے ہیں، ایس ایم ایز کےلئے 6 فیصد مارک اپ پر 20 فیصد رسک حکومت برداشت کرے گی، ایس ایم ایز کے لئے کریڈٹ ریٹنگ ایجنسی کے قیام کی تجویز ہے۔کاروباری خواتین کے لئے ٹیکس کی شرح میں چھوٹبجٹ کے مطابق ایک لاکھ افراد کو لیپ ٹاپ دیئے جائیں گے، جب کہ خواتین کو خود مختار کرنے کے لئے 5 ارب روپے مختص کیے ہیں، اور کاروباری خواتین کے لئے ٹیکس کی شرح میں چھوٹ دی جائے گی۔کنسٹرکشن انٹرپرائز کی آمدنی پر 10 فیصد رعایتبجٹ میں آئندہ 3 سال تک کنسٹرکشن انٹرپرائز کی آمدنی پر 10 فیصد رعایت دی جائے گی، اور اس کا اطلاق یکم جولائی اور بعد میں شروع ہونے والے تعمیراتی منصوبوں پر ہوگا۔تمام ضروری اشیا کی درآمد پر ڈیوٹی نہ لگانے کا فیصلہبجٹ میں کپیسیٹرز مینوفیکچررز کے لیے بھی کسٹم ڈیوٹی میں رعایت دی گئی ہے، جب کہ کھانے میں استعمال ہونے والے پاؤڈر کی امپورٹ پر جون 2024 تک رعایت دی گئی ہے، مولڈ اور ڈائس میں استعمال سامان پر بھی کسٹمز ڈیوٹی ختم کردی گئی ہے جبکہ رائس مل مشینیری کے لیے خام مال پر کسٹمز ڈیوٹی ختم کی گئی ہے، مشینیوں کے ٹولز کی درآمد پر بھی کوئی کسٹم ڈیوٹی نہیں ہوگی۔بجٹ میں اسپورٹس کے پرانے سامان کی امپورٹ پر بھی ڈیوٹی میں کمی کی گئی ہے، فلیٹ پینلز پر ریگولیٹری ڈیوٹی ختم کردی گئی ہے اور سلیکون اسٹیل شیٹس پر بھی کوئی ریولیٹری ڈیوٹی نہیں ہوگی۔زرعی شعبے کے لئے مراعات کا اعلانبجٹ میں زرعی شعبے کے لیے بھی بجٹ میں سہولت دی گئی ہے، تجارتی سہولتوں اور پیداواری لاگت میں کمی پر توجہ دی گئی ہے اور سرمایہ کاری اور انڈسٹرلائزیشن کی بھی حوصلہ افزائی کی ہے۔بجٹ میں زرعی شعبے کے لئے مراعات کا اعلان کیا ہے، اور ہیوی کمرشل وہیکلز پر کسٹم ڈیوٹی 10سے کم کر کے 5 فیصد کردی گئی ہے۔ ہر قسم کے بیج کی درآمد کسٹم ڈیوٹی سے مستثنی ہوگی، جھینگے اور چھوٹی مچھلی کی امپورٹ پر ڈیوٹی ختم کردی گئی ہے جبکہ 75 کلو واٹس سے کم زرعی ٹریکٹرز کی درآمد پر ڈیوٹی 15 فیصد کردی گئی ہے۔وزیرخزانہ اسحاق ڈار نے اس حوالے سے بتایا کہ زرعی شعبے کے لئے2000 سے زائد کسان پیکیج دیا، بجٹ میں زرعی شعبے کے لئے مزید مراعات کا ارادہ ہے، صنعتی شعبے کے لئے آئندہ سال کوئی نیا ٹیکس نہیں لگایا جائے گا، جب کہ زرعی قرضوں کی حد 2250ارب روپے کی جا رہی ہے۔بجٹ میں 50 ہزار زرعی ٹیوب ویلز کو شمسی توانائی پر منتقل کرنے کے لئے 30 ارب روپے مختص کئے گئے ہیں، معیاری بیجوں کی درآمد پر ڈیوٹیز ختم کردی گئی ہیں چاول کی پیداوار بڑھانے کےلئے بیج کو ڈیوٹیز سے مستثنی کردیا گیا ہے، رائس ملز اور مائننگ مشینری کو کسٹم ڈیوٹی سے استثنی دے دیا گیا ہے۔بجٹ میں بزنس ایگری کلچر لون اسکیم متعارف کرائی جارہی ہے، جس کے لئے 10 ارب روپے مختص کیے گئے ہیں، چھوٹے کسانوں کو کم منافع پر قرضہ دیا جائے گا، اور انہیں 10 ارب روپے کے قرضے دیئے جائیں گے۔بیرون ملک پاکستانیوں کیلئے پراپرٹی ٹیکس ختمبجٹ کے مطابق بیرون ملک پاکستانیوں کے لئے اگر پراپرٹی خریدیں گے تو ٹیکس ختم کردیا گیا ہے۔بجٹ میں لنڈے کے اشیا پر ڈیوٹی ختموفاقی بجٹ 2023-24 میں لنڈے سمیت پرانی اشیا پر ریگولیٹری ڈیوٹی ختم کردی گئی ہے، جوتوں پر 13 سینٹ، لیدر جیکٹس پر امپورٹ ڈیوٹی 28 سینٹ فی کلو ہے۔ ہینڈ بیگز پر 49 سینٹ، کھلونوں پر47 اور برتن وغیرہ پر50 سینٹ فی کلو درآمدی ڈیوٹی الگ سے وصول کی جارہی تھی۔

اسلام آباد : وفاقی وزیرخزانہ اسحاق ڈار نے ساتویں مرتبہ بجٹ پیش کرکے قومی ریکارڈ قائم کردیا ہے۔وزیرخزانہ اسحاق ڈار نے گرشتہ روز 24-2023کا وفاقی بجٹ پیش کرکے تاریخ رقم کردی۔ وہ سات مرتبہ بجٹ پیش کرنے والے وزیرخزانہ بن گئے،سینیٹر اسحاق ڈار نے مسلم لیگ ن کے دورحکومت میں 2013 تا2018 پانچ بجٹ پیش کیے، قبل ا زیں انہوں نے پاکستان پیپلز پارٹی کے دور حکومت میں 2008 میں بھی بطور وفاقی وزیر خزانہ بجٹ پیش کیا تھا۔