Category Pin post

پاکستان ڈیموکریٹک موومنٹ ( پی ڈی ایم) کے دھرنے کی کال پر کارکنان اسلام آباد پہنچنا شروع ہوگئے۔ذرائع کے مطابق حکومت اور جے یو آئی (ف) میں مذاکرات ناکام ہوگئے ہیں جس کے بعد مولانا فضل الرحمان نے حکومت کو واضح کیا ہےکہ احتجاج سپریم کورٹ کےسامنے ہی ہوگا اور ایک سے دو بجے احتجاج کا آغاز ہوگا۔پولیس ذرائع کا کہنا ہےکہ دھرنے کا اسٹیج سپریم کورٹ سے تھوڑا پیچھے لگوائیں گے، الیکشن کمیشن یا وزیراعظم ہاؤس کے سامنے اسٹیج لگ جائے تو اعتراض نہیں، سپریم کورٹ کی انٹری یا بالکل سامنے اسٹیج نہ لگایا جائے یہی حکمت عملی ہے

اسلام آباد: ملک میں مہنگائی میں اضافے کا رجحان بدستور جاری ہے اور سالانہ بنیادوں پر مہنگائی کی شرح 48.02 فیصد کی ریکارڈ سطح پر پہنچ گئی ہے۔وفاقی ادارہ شماریات کی جانب سے جاری کردہ مہنگائی کی ہفتہ وار رپورٹ کے مطابق حالیہ ایک ہفتے کے دوران آٹا، چینی، گائے اور مرغی کے گوشت، انڈوں، دالوں، دودھ اور دہی سمیت بنیادی ضروریات زندگی کی23 اشیاء￿ مہنگی ہوئیں جبکہ 7 کی قیمتوں میں کمی آئی اور 21 اشیائے ضروریہ کی قیمتوں میں استحکام رہا۔ادارہ شماریات کے مطابق ایک ہفتے میں ٹماٹر کی قیمتوں میں 6.32 فیصد، گڑ3.41 فیصد، آٹا فیصد، چائے 2.66 فیصد،آلو2.14 فیصد،خشک دودھ 1.91 فیصد،انڈے 1.83 فیصد، باسمتی ٹوٹا چاول1.42 فیصد، دال مسور1.19 فیصد، بیف1.18 فیصد اور واشنگ سوپ کی قیمتوں میں1.04 فیصد اضافہ ہوا۔اسی طرح ایک ہفتے کے دوران پیاز کی قیمتوں میں9.40 فیصد،چکن کی قیمتوں میں2.25 فیصد،ایل پی جی کی قیمتوں میں1.51 فیصد، لہسن کی قیمتوں میں1.39 فیصد، دال چنا کی قیمتوں میں0.13 فیصد اور سرسوں کے تیل کی قیمتوں میں0.05 فیصد کمی واقع ہوئی۔اعدادوشمار میں بتایا گیا ہے کہ حالیہ ہفتے کے دوران حساس قیمتوں کے اشاریہ کے لحاظ سے سالانہ بنیادوں پر 17 ہزار 732روپے ماہانہ تک آمدنی رکھنے والے طبقے کے لیے مہنگائی کی شرح میں43.67 فیصد، 17 ہزار 733روپے سے 22 ہزار 888روپے ماہانہ تک آمدنی رکھنے والے طبقے کے لیے مہنگائی کی شرح میں47.61فیصد اضافہ ہوا۔اسی طرح 22 ہزار 889 روپے سے 29 ہزار 517 روپے ماہانہ تک آمدنی رکھنے والے طبقے کے لیے مہنگائی کی شرح میں46.96فیصد، 29 ہزار 518 روپے سے 44 ہزار 175 روپے ماہانہ تک آمدنی رکھنے والے طبقے کے لیے مہنگائی کی شرح 46.99فیصد رہی جبکہ 44 ہزار 176روپے ماہانہ سے زائد آمدنی رکھنے والے طبقے کے لیے گرانی کی شرح 49.43فیصد رہی۔

اسلام آباد:اسلام آباد ہائی کورٹ جسٹس میاں گل حسن اورنگزیب اور جسٹس ثمن رفعت امتیاز پر مشتمل ڈویژن بینچ نے سابق وزیراعظم عمران خان کے خلاف نیب ریفرنس القادر ٹرسٹ کرپشن کیس کی سماعت کی عمران خان اپنے وکلاء کے ساتھ عدالت کے سامنے پیش ہوئے عمران خان نے عدالت کو بتایا کہ مجھے خدشہ ہے کہ ہائی کورٹ سے باہر نکلتے مجھے گرفتار کر لیا جائے گا عدالت نے بشری بی بی سے بات کرنے کا حکم دیا تھا لینڈ لائن نمبر سے میری بشری بی بی سے بات ہوئی سماعت میں جمعہ تک وقفہ کر دیا گیا، مجھے پھر سے گرفتار کیا جائے گا

اسلام آباد :چیئرمین تحریک انصاف عمران خان ، بشری بی بی کے نکاح کے گواہ اور وزیر اعظم کے مشیر عون چوہدری نے اپنا بیان قلمبند کروادیا ہے،عون چوہدری نے کہا کہ عمران خان اور بشری بی بی کا نکاح دوران عدت ہی ہوا تھاجس کی وجہ سے عمران خان کو دوبارہ نکاح کرنا پڑااس حوالے سے تقریب فراڈ اور جھوٹ پر مبنی تھی ،عدالت نے بیان قلمبند ہونے کے بعد کیس کی سماعت 10 مئی تک ملتوی کر دی ۔تفصیل کے مطابق درخواست گزار وکیل رضوان عباسی نے عون چوہدری کا بیان قلمبند کروایا ،بیان قلمبند ہونے سے قبل عون چوہدری سے حلف لیا گیا ،عون چوہدری نے کہا کہ میرا نام محمد عون ثقلین ہے، عمر 44 سال ہے،میں فی الوقت وزیراعظم کا مشیر ہوں،میں عمران خان کا زاتی اسسٹنٹ، سیاسی سیکرٹری اور نہایت قریبی ساتھی تھا،میں عمران خان کے تمام سیاسی اور ذاتی معاملات کو بھی دیکھتاتھا،عمران خان کی ریحام خان سے 2015 میں طلاق ہوئی،عمران خان کو بشریٰ بی بی نے کہا فی الفور ریحام خان کو طلاق دیدو کیونکہ ریحام خان کو طلاق دینا سے ہی تمہارے لیے بہتر ہے، ریحام خان ملک میں موجود نہیں تھیں لیکن بشریٰ بی بی کے کہنے پر عمران خان نے ریحام خان کو طلاق دیدی،ریحام خان کو ای میل پر عمران خان نے طلاق دی،عمران خان طلاق کے بعد ذہنی پریشانی کا شکار رہتے تھے،عمران خان مجھے اکثر اوقات کہتے کہ مجھے بشریٰ بی بی کے پاس لے جاؤ،بشریٰ بی بی کے ساتھ عمران خان کا ملاقاتوں کا سلسلہ جاری رہا،31 دسمبر 2017 کو عمران خان نے کہاکہ یکم جنوری کو بشریٰ بی بی سے نکاح کرنا ہے،عمران خان نے مجھے کہاکہ نکاح کے انتظامات کرو،عمران خان کی بات پر میں نے حیرانگی کا اظہار کیااور کہاکہ بشریٰ بی بی پہلے سے شادی شدہ ہیں،میرے سوال کرنے پر عمران خان نے مجھے بتایاکہ بشریٰ بی بی کی طلاق ہوگئی ہے،میں نے عمران خان کا یقین کیااور اگلے دن مفتی سعید اور زلفی بخاری کو لے کر لاہور روانہ ہوگیا،یکم جنوری 2018 کو عمران خان کا بشریٰ بی بی کے ساتھ نکاح لاہور میں ہوا،میں عمران خان اور بشریٰ بی بی کے نکاح کا گواہ ہوں،نکاح سے قبل مفتی سعید نے میرے سامنے بشریٰ بی بی کے طلاق نامے کا استفسار کیا،عمران خان اور بشریٰ بی بی نے مفتی سعید کو کہاکہ طلاق نامہ دیدیاجائیگا،عمران خان اور بشریٰ بی بی کے نکاح کے بعد معلوم ہواکہ پہلے نکاح کے وقت عدت کا دورانیہ مکمل نہیں ہواتھا،بشریٰ بی بی اور عمران خان کو عدت کا دورانیہ مکمل نہ ہونے کا علم تھا،بشریٰ بی بی کے عدت کے دوران نکاح کی بات میڈیا پر بھی آگئی تھی،عمران خان نے مجھے بلا کر بتایاکہ عدت کا دورانیہ 18فروری کو مکمل ہوگا،میرے دوبارہ بشریٰ بی بی کے ساتھ نکاح کرنے کے انتظامات کرو،عدت کا دورانیہ 18 اور 14 فروری 2018 کے درمیان مکمل ہوتاتھا،میں نے عمران خان سے دورانِ عدت نکاح کا استفسار کیا،مجھے عمران خان نے کہاکہ بشریٰ بی بی کو حکم ملاتھا کہ سال 2018 کے پہلے دن نکاح ہوگا،عمران خان کو بشریٰ بی بی نے کہاکہ ہم میاں بیوی رہیں گے تو میں وزیراعظم بن جاؤں گا،عمران خان کی شادی کی تقریب اور نکاح فراڈ پر مبنی تھا،عمران خان نے پیشگوئی کے زیر اثر پہلا نکاح کیا،جج نصرمِن اللہ بلوچ نے بیان قلمبند ہونے کے بعد عمران خان اور بشریٰ بی بی کے خلاف غیرشرعی کیس 10 مئی تک ملتوی کر دی۔

اسلام آباد:سپیکر قومی اسمبلی راجہ پرویز اشرف نے سابق چیف جسٹس ثاقب نثار کے بیٹے نجم ثاقب کی آڈیو لیک کی تحقیقات کے لیے خصوصی کمیٹی قائم کر دی۔قومی اسمبلی سیکرٹریٹ نے کمیٹی کی تشکیل کا باضابطہ نوٹیفکیشن جاری کر دیا۔محمد اسلم بھوتانی کمیٹی کے چیئرمین مقرر کر دیئے گئے جبکہ دیگر ارکان میں شاہدہ اختر علی، محمد ابوبکر، چوہدری محمد برجیس طاہر، شیخ روحیل اصغر شامل ہیں جبکہ سید حسین طارق، ناز بلوچ، خالد حسین مگسی، وجیہا قمر اور ڈاکٹر محمد افضل خان ڈھانڈلہ بھی کمیٹی کے ارکان میں شامل ہیں۔نوٹیفکیشن کے مطابق کمیٹی اپنی تحقیقات اور انکوائری کے سلسلے میں کسی بھی تحقیقاتی ادارے کی مدد کر سکے گی اور کمیٹی اپنی جامع تحقیقات کرکے رپورٹ قومی اسمبلی میں پیش کرے گی ۔

اسلام آباد:وزیراعظم شہباز شریف نے سوڈان میں پھنسے ہوئے ایک ہزار پاکستانیوں کی کامیابی سے اور محفوظ واپسی پر دفتر خارجہ کی ٹیم اور دیگر اداروں کی تعریف کی ہے۔ ایک ٹویٹ میں وزیراعظم نے کہا کہ سوڈان کے حالات کے پیش نظر شہریوں کی واپسی ایک مشکل کام تھا جسے بروقت اور مربوط کوششوں کے ساتھ ممکن بنایا گیا۔وزیراعظم نے واپسی کی کوشش میں پاک فضائیہ کے کردار کو بھی سراہا۔شہباز شریف نے شہریوں کی واپسی کا مشن مکمل کرنے میں مدد دینے پر دوست ممالک سعودی عرب اور چین کے تعاون کا بھی شکریہ ادا کیا۔

اسلام آباد : پاکستان تحریک انصاف کے سیکرٹری جنرل اسد عمر نے کہا ہے کہ مذاکراتی اجلاس کے بعد اسمبلیاں توڑنے کا آخری موقع ہے، عمران خان نے موقع دیا کہ ایک دن میں پورے ملک میں انتخابات کروا لیں،ریلی کے اعلان پر کنٹینرز لگ گئے اور کارکنوں کے گھروں پر چھاپے مارے گئے، سپریم کورٹ نے تحمل کا مظاہرہ کیا، بار بار مواقع فراہم کیے، سپریم کورٹ اور لاہور ہائی کورٹ کے فیصلے آ چکے ہیں لیکن عدالتوں کے خلاف تقریریں کی جا رہی ہیں، گزشتہ ایک سال سے حکومت نے غلطیوں پر غلطیاں کی ہیں۔ان خیالات کا اظہار انہوں نے اسلام آباد انسداد دہشت گردی کی عدالت میں پیشی کے موقع پر میڈیا سے گفتگو کرتے ہوئے کیا ،اسدعمر نے کہا ہے کہ حکومت خوفزدہ ہے ریلی کے اعلان پر کنٹینرز لگ گئے اور ورکرز کے گھروں پر چھاپے مارے گئے آئین ٹوٹ چکاہے ،آئین کے نہ ہونے سے تمام قانون اور جمہوریت ختم ہو گئی، انھوں نے یہ بھی کہا کہ سپریم کورٹ نے تحمل کا مظاہرہ کیا،بار بار موقع دیاسپریم کورٹ اور لاہور ہائیکورٹ کے فیصلے بار بار آچکے ہیں عدالتوں کے خلاف تقریریں کی جارہی ہیں عمران خان نے موقع دیاکہ ایک دن میں پورے ملک میں انتخابات کروا لیں مذاکراتی اجلاس کے بعد اسمبلیاں تحلیل کرنے کا آخری موقع ہے ،بارہ ماہ حکومت نے غلطیوں پر غلطیاں کی ہیں اس موقع پر سابق وزیر مملکت فرح حیب نے کہاگزشتہ ایک سال سے پاکستان میں فاشسٹ حکمران مسلط ہیں چوہدری پرویز الٰہی کے گھر کی چار دیواری کا تقدس پامال کیاگیا حکومت کو سپریم کورٹ نہیں بلکہ شریف کورٹ آف پاکستان چاہیے ،ان کو فیصلے لکھوانے کی عادتیں پڑی ہوئی ہیں ملک میں غیر یقینی کی صورتحال حکومت کی مرہون منت ہیملک کے مشکلات کا واحد راستہ یک وقت انتخابات ہیں حکومت کا بس چلے تو ملک بھر میں دفعہ144 نافذ کردیں حکومت شکست کے خوف سے بھاگ رہیپانامہ رانی ووٹ کو عزت دینے کی بات کرتی تھیں اب مریم نواز اور ن لیگ کہتی ہے ووٹ کا نام ہی نہ لووڈیو لیکس کی فیکٹری رائونڈ میں لگی ہوئی

فیصل آباد:پاکستان مسلم لیگ ن پنجاب کے صدر اوروفاقی وزیر داخلہ راناثناء اللہ خاں نے کہا ہے کہ عمران خان کی ساری مقبولیت صرف سوشل میڈیا پر ہے کیونکہ سوشل میڈیا پر نوجوانوں کو ورغلایا گیا ، کہ فتنہ خان کل تک سیاسی مخالفین کوکہتا تھا کہ تمہیں گلیوں میں گھسیٹوں گا اب کبھی کہتا ہے کہ الیکشن کرواؤ، کبھی کہتا ہے کہ ہمارے استعفے واپس کرکے ہمیں اسمبلیوں میں واپس آنے دو، پہلے کہتا تھا کہ مذاکرات نہیں کروں گا اب مذاکرات کیلئے ترلے کر رہا ہے، یہ فتنہ ایک دن ایک بات کرتا ہے اور اگلے دن کوئی اور بات کرتا ہے ہمارے قائد میاں نوازشریف کی نااہلی کے پیچھے ثاقب نثارتھا اورسازش کرکے فتنے کوحکومت میں بٹھایاگیا۔،مسلم لیگ ن الیکشن کیلئے تیار ہے الیکشن اسی سال ہوں گے، جب بھی انتخابات ہوئے ڈٹ کر حصہ لیں اورتگڑے ہوکر سیاست بھی کریں گے جس کے بعد نواز شریف کی قیادت میں ایک بار پھرشاندار ملکی تعمیر و ترقی کا سفر شروع کیا جا ئے گا،پی ٹی آئی حکومت کی نااہلی سے ملک میں دہشت گردی نے سر اٹھایا،سمجھ سے بالاتر ہے کہ دہشت گردوں کو واپسی کا راستہ کیوں دیا گیا،جن لوگوں نے کلاشنکوف چلانے کے سوا ساری عمر کوئی کام نہیں کیا انہیں عمران خان کی قیادت میں کے پی کے حکومت نے واپس بلاکر کہا کہ آجائیں اور یہاں شریف شہری بن کر رہیں جس کا نتیجہ آج سب کے سامنے ہے، ان خیالات کا اظہار انہوں نیفیصل آبا کے مختلف تقربیات سے خطاب اور اپنے انتخابی حلقہ میں کارکنوں سے ملاقات کے دوران گفتگو کرتے ہوئے کیا راناثناء اللہ نے کہا کہ ان کا الیکشن سب سے زیادہ مشکل ہوگا کیونکہ یہ میرے خلاف سب سے زیادہ زور لگائے گا لیکن جو آدمی مخالفین سے بات نہ کرے جمہوریت میں اسکی کوئی جگہ نہیں۔انہوں نے کہا کہ آپ نے ہی میرا الیکشن لڑنا ہے اور نوجوانوں کو سمجھنا چاہیے اوراگرعوام نے اسکو مسترد نہ کیا تو اس نے قوم کو ورغلائے رکھنا ہے ہم نے اپنے دور میں بجلی کے کئی نئے کارخانے لگائے لیکن فتنہ خان نے ایک بھی نیا کارخانہ نہیں لگایا، ہم نے طویل لوڈشیڈنگ کا خاتمہ کیا اور اگراب کسی جگہ تھوڑی بہت لوڈ مینجمنٹ ہے تو اس کی وجہ یہ نہیں کہ بجلی بنانے کے کارخانے نہیں ہیں بلکہ اس کی وجہ گیس اور فرنس آئل کی کمی ہے جس کا جلد خاتمہ کردیا جائے گا۔انہوں نے کہا کہ وہ تمام برادریوں اور دوستوں کے شکر گزار ہیں جنہوں نے انہیں منتخب کرکے عوامی خدمت کا موقع دیا پی ٹی آئی کی ٹکٹ کے بدلے ڈیڑھ ڈیڑھ کروڑ کا مطالبہ کیاجارہا ہے اور بابا رحمتے آج ایک عام آدمی کی طرح ہے لیکن جب یہ طاقت میں تھا تو کیا کرتا ہوگا۔ عمران خان نے اپنے دور حکومت میں کوئی کام نہیں کیابلکہ صرف گالی کلچر کو متعارف کروایااس کے برعکس ہم نے فیصل آباد میں دل اور ایشیا کا سب سے بڑا چلڈرن ہسپتال بنایا، ہمارے دور میں سڑکیں اور ایکسپریس وے بنیں مگرعمران خان بتائے اس نے اپنے دور حکومت میں کیا کیا۔انہوں نے کہا کہ 2014 میں عمران خان نیازی نے دھرنا دیاجس کی وجہ سے چینی صدر کا دورہ ایک سال لیٹ ہوااور ملکی ترقی متاثر ہوئی۔انہوں نے کہا کہ اسوقت بھی فتنہ ایک ہی بات کہتا تھا نواز شریف کو وزیراعظم ہاؤس سے باہر نکالوں گاتاہم بعدازاں سانحہ آرمی پبلک سکول کیوجہ سے اس نے دھرنا ختم کیا۔ انہوں نے کہاکہ ثاقب نثارکہتا تھا کہ مجھے پتہ نہیں کیا ہوگیا ہے، بابا رحمت بن گیاہوں،دراصل ثاقب نثار قوم کیلئے بابا زحمت بن گیا تھا،ثاقب نثارکا بیٹا آڈیولیک میں ٹکٹ کیلئے سودا کررہاہے۔انہوں نے کہاکہ اتنے اعلیٰ منصب پربیٹھے لوگوں کاایسا گندا کردارسامنے آرہاہے،آج وہ عام آدمی ہے،جب وہ چیف جسٹس ہوگا تواس کی اولادکیاکرتی ہوگی۔وفاقی وزیرنے کہا کہ ایک دوسرے کا احترام کرنے تک سیاسی استحکام نہیں آسکتا،عمران خان نے126دن کا دھرنا دیا،اس دوران چینی صدرآناچاہتے تھے اورسی پیک کاتحفہ دیناچاہتے تھے،2014میں دھرناختم ہونے کے بعدنوازشریف نے عمران خان کوفون کیا، نوازشریف نے ملک اور قوم کی خاطرعمران خان کوفون کیا۔رانا ثنا اللہ نے کہاکہ 2018میں پاکستان ترقی کررہا تھا،2018میں سازش ہوئی اس میں اسٹیبلشمنٹ،عدلیہ شامل تھی، نوازشریف کی نااہلی کے پیچھے ثاقب نثارتھا اورسازش کرکے فتنے کوحکومت میں بٹھایا گیا۔وزیر داخلہ نے کہا کہ پلوامہ حملے کے بعدجنرل باجوہ،آصف غفورنے کہا بریفنگ دینا چاہتے ہیں،بریفنگ کیلئے اپوزیشن جماعتوں کوبلایاگیا،ملک میں2017سے2018 تک دہشتگردی ختم کردی گئی تھی،آج کے پی میں دوبارہ حالات خراب ہورہیہیں، جبکہ پنجاب میں آج بھی دہشتگردی نہیں ہے اتوار کی رات گئے اپنے حلقہ نیابت ٹھیکریوالہ فیصل آبادمیں ایک عوامی اجتماع سے خطاب کرتے ہوئے کہا کہ پائیدار ترقی کیلئے سیاسی اور معاشی استحکام ناگزیر ہے اورمہذب معاشروں میں قانون کی حکمرانی اور اقدار کی پاسداری ہوتی ہے جبکہ ملک میں تمام بڑے ترقیاتی منصوبوں کا سہرا مسلم لیگ(ن) کو جاتا ہے۔انہوں نے کہا کہ فتنہ خان کل تک سیاسی مخالفین کوکہتا تھا کہ تمہیں گلیوں میں گھسیٹوں گا اب کبھی کہتا ہے کہ الیکشن کرواؤ، کبھی کہتا ہے کہ ہمارے استعفے واپس کرکے ہمیں اسمبلیوں میں واپس آنے دو، پہلے کہتا تھا کہ مذاکرات نہیں کروں گا اب مذاکرات کیلئے ترلے کر رہا ہے، یہ فتنہ ایک دن ایک بات کرتا ہے اور اگلے دن کوئی اور بات کرتا ہے۔انہوں نے کہا کہ ہمارے اقدامات کے باعث پنجاب میں دہشت گردی کے ناسور کا خاتمہ ہوچکا ہے جس کا سہرا نواز شریف کے سر ہے۔۔وزیر داخلہ نے کہا کہ اگلے ہی روز نواز شریف نے عمران خان سے رابطہ کیااور عمران خان کو دہشت گردی کے معاملے میں ساتھ چلنے کی دعوت دی جبکہ ہماری حکومت نے دہشت گردی سمیت دیگر مسائل پر قابو پایا۔انہوں نے کہا کہ پی ٹی آئی کی حکومت نے کے پی کے طالبان کو واپس بلایالیکن اللہ کے کرم سے پنجاب میں دہشت گردی کا خاتمہ ہے۔رانا ثناء اللہ نے کہا کہ 2013-14میں لوگ پاکستان نہیں آتے تھے بلکہ کاروباری لوگ کہتے تھے دبئی میں آکر ہم سے ڈیل کریں مگر پھر ایسا ہوا کہ 2018میں پاکستان کو ترقی سے کوئی نہیں روک سکتا تھالیکن پھر2018 میں سازش کرکے بیٹے سے تنخواہ نہ لینے پر نواز شریف کو نااہل کردیا گیااوربابا رحمتے پوری قوم کیلئے بابا زحمتے بن گیا۔انہوں نے کہا کہ نواز شریف کو بیٹے سے تنخواہ نہ لینے پر نااہل کیا گیااور ان تمام لوگوں نے فتنہ صفت عمران خان کو اقتدار میں بٹھایالیکن اس آدمی نے اسمبلی میں ہم سے کبھی سلام دعا نہیں کی، شہباز شریف نے اسکو کہا ملک کے حالات ٹھیک نہیں مل کر کچھ کرتے ہیںلیکن اس نے گالیاں نکالنا شروع کردیں اور کہا کہ میں چوروں کے ساتھ نہیں بیٹھوں گا حالانکہ سب سے بڑا چور یہ خود ہے۔وزیر داخلہ نے کہا کہ پلوامہ معاملے میں آصف غفور نے کہا کہ ہم نے بریفنگ دینی ہے جس پر ساری اپوزیشن وہاں پر اکٹھی ہوئی مگریہ وہاں نہیں آیا۔انہوں نے کہا کہ عمران خان کی ساری مقبولیت صرف سوشل میڈیا پر ہے کیونکہ سوشل میڈیا پر نوجوانوں کو ورغلایا گیا ہے لہٰذا اگر عوام نے اسکو مسترد نہ کیا تو یہ قوم کو کسی حادثے سے دوچار کردے گا کیونکہ ہٹلر بھی بڑی اچھی تقاریر کرتا تھا مگر قوم کو حادثے سے دوچار کروا گیا،یہ شخص سمجھتا ہے کہ میں صرف میں ہوں،وزیر آباد والے واقعہ میں ملوث شخص انہوں نے ہی پکڑا جس کے موبائل فون سے چار سو کے لگ بھگ کلپ ملے،اگر وزیر داخلہ و دیگر ملوث ہوتے تو کیا وہ ایک دن پہلے بیس ہزار کاموبائل فون خریدتا،اگر کوئی مذہبی جنونی اسکو اب کچھ کردے تو یہ میرا نام لے لیتا۔

اسلام آباد:حکومت اور تحریک انصاف کے درمیان مذاکرات کا تیسرا اور فیصلہ کن دور آج منگل کو ہوگا تاہم فریقین کے سخت موقف کے باعث اج بھی عام انتخابات ایک ہی دن کروانے سے متعلق اتفاق رائے کا کوئی امکان نہیں ہے۔پارلیمنٹ ہاؤس میں ہونے والے ان مذاکرات میں حکمران اتحاد کی کمیٹی کی سربراہی وزیر خزانہ اسحاق ڈار اور تحریک انصاف کی کمیٹی کی سربراہی شاہ محمود قریشی کرینگے ذرائع کا کہنا ہے کہ جارحانہ بیانات نہ دینے سے متعلق فریقین نے ثالث چیئرمین سینیٹ صادق سنجرانی کی درخواست بھی رد کردی، صادق سنجرانی نے دونوں سے کہا تھا کہ جب تک بات چیت کسی نتیجے پر نہیں پہنچتی اس وقت تک کسی قسم کی بیان بازی نہ کی جائے جس سے مذاکرات متاثر ہوں تاہم تحریک انصاف اور حکومت دونوں نے اس کی پروا نہ کی جس سے اب عدم اعتماد بڑھ گیا ہے ذرائع نے بتایا کہ آج منگل کے مذاکرات میں بھی مئی میں قومی اسمبلی تحلیل کرنے سے متعلق کسی پیش رفت کا امکان نہیں ہے بلکہ حکمران اتحاد نے ہر حال میں بجٹ 2023.24 دینے کا اعلان کردیا ہے، قومی بجٹ جون کے پہلے ہفتے قومی اسمبلی میں پیش کیا جائے گا۔حکومتی ذرائع کا کہنا ہے کہ پیپلز پارٹی اور باپ کے ماننے کی صورت میں ایک ہی دن پورے ملک میں عام انتخابات زیادہ سے زیادہ ستمبر میں ہوسکتے ہیں اور اس کیلئے تمام اسمبلیوں کا مدت پوری کرنا لازمی ہے جو کہ اگست میں ہوگی مسلم لیگ ن اکیلے اس حوالے سے کوئی فیصلہ نہیں کرے گی جبکہ حکومت کا کہنا ہے کہ منگل کو تحریک انصاف کی باڈی لینگوئج دیکھ کر پتہ چل جائے گا کہ وہ کیا چاہتے ہیں۔اتحادی اور مقتدر حلقے بھی اسمبلی کی مدت پوری ہونے کے حامی ہیں۔

اسلام آباد :تحریک انصاف کی سینئر رہنما ڈاکٹر شیری مزاری نے کہا ہے کہ باجوہ کے ہماری عسکری صلاحیت کے بارے دیئے گئے بیان پر آئی ایس پی آر کی طرف سے وضاحت نہایت ضروری تھی، لیکن باجوہ کے بیان کو سیاق و سباق سے ہٹ کر یا غلط فہمی میں نہیں لیا گیا،عوامی رابطے کی ویب سائٹ ٹوئٹر پر اپنے ایک بیان میں شیری مزاری کا کہنا تھا کہ جنرل باجوہ بشمول میٹنگز کے متعدد مواقع پر بارہا ایسے ریمارکس دے چکے ہیں، اگر کسی فرد کو “ڈرٹی ہیری” کہنے سے سابق وزیر اعظم کے خلاف “پاکستان کے خلاف غداری” کا الزام لگایا جا سکتا ہے،یقیناً باجوہ کے بیانات پر بھی سخت احتساب ہونا چاہئے، باجوہ کے ریمارکس درحقیقت سیکیورٹی کی سنگین خلاف ورزی تھی،جو دشمن طاقتوں کو ایک اہم پیغام پہنچاتی ہے۔