Category سیاست

اسلام آباد(آن لائن)اسلام آباد ہائیکورٹ نے توہین الیکشن کمیشن کیس میں سابق وفاقی وزیر فواد چوہدری کے ناقابلِ ضمانت وارنٹ گرفتاری معطل کر دیئے، عدالت نے فواد چوہدری کو 20 جولائی کو الیکشن کمیشن کے سامنے پیش ہونے کا حکم بھی دے دیا ہے۔جسٹس طارق محمود جہانگیری نے توہین الیکشن کمیشن کیس میں سابق وفاقی وزیر فواد چوہدری کی درخواست پر سماعت کی، فواد چوہدری کے وکیل فیصل چوہدری عدالت کے سامنے پیش ہوئے ، اسلام آباد ہائیکورٹ نے ناقابلِ ضمانت وارنٹ گرفتاری معطل کرتے ہوئے فواد چوہدری کو 20 جولائی کو الیکشن کمیشن کے سامنے پیش ہونے کا حکم دیا ہے۔ جسٹس طارق محمود جہانگیری نے ریمارکس دیئے کہ آئندہ تاریخ پر الیکشن کمیشن کے روبرو پیش نہ ہوئے تو اس کے نتائج ہونگے۔ الیکشن کمیشن نے عدم حاضری پر فواد چوہدری کے ناقابل ضمانت وارنٹ جاری کئے تھے۔

راولپنڈی:سانحہ 9 مئی سے متعلق مزید ہو شربا تصاویر منظرعام پر آ گئیں، بیشتر تصاویر زیر حراست شر پسندوں کے موبائل فونز سے فرانزک کو دوران برآمد ہوئیں، اہم تنصیبات میں عسکری تاریخ اور جنگوں میں پاک فوج کی یونٹوں کا محفوظ ریکارڈ جلا نے سمیت ، احتجاج کے بہانے لاکھوں روپے کی لوٹ مار ، پاک امارات ہسپتال کی عمارت نذر آتش کرنے سے ایمرجنسی میں تشویشناک حالت میں مریض، وینٹیلیٹرز اور بچوں کے انکیوبیٹرز بھی بند ہو ئے۔سانحہ 9 مئی سے متعلق مزید ہو شربا تصاویر اور انکشافات منظرعام پر آگئے ، شرپسندوں نے عسکری ہسپتال، ائر فورس بیس سرگودھا حتیٰ کہ عسکری تعلیمی اداروں کو بھی نہ بخشا، بیشتر تصاویر زیر حراست شر پسندوں کے موبائل فونز سے فرانزک کو دوران برآمد ہوئیں، پاک امارات ہسپتال کی عمارت کو نقصان اور ملحقہ اسٹینڈ بائے جنریٹر روم کو آگ لگا دی گئی، بجلی منقطع ہونے سے ایمرجنسی میں تشویشناک حالت میں مریض، وینٹیلیٹرز اور بچوں کے انکیوبیٹرز بھی بند ہو گئے، سی ایس ڈی لاہور سے احتجاج کے بہانے لاکھوں روپے کیش بھی لوٹ لیا گیا، عسکری تاریخ اور جنگوں میں پاک فوج کی یونٹوں کا ریکارڈ رکھنے والے ادارے پر دھاوا بول کر ریکارڈ بھی جلا دیا گیا، چکدرہ قلعے پر حملے کے بعد پورے قلعے، ریکارڈ اور گاڑیوں کو بھی نذر آتش کیا گیا، جبکہ لیفٹیننٹ سجاد عالم شہید کی یادگار پر تصویر کو جلا کر عمران خان زندہ باد لکھ دیا گیا۔

اسلام آباد : عدالت نے غیر شرعی نکاح کیس قابل سماعت قرار دے دیا۔ڈسٹرکٹ اینڈ سیشن عدالت نے چیئرمین تحریک انصاف عمران خان اور بشریٰ بی بی کیخلاف عدت کے دوران نکاح کیس کا محفوظ فیصلہ سنا دیا۔ ڈسٹرکٹ اینڈ سیشن عدالت کے سول جج قدرت اللہ نے فیصلہ سنایا۔ عدالت نے عمران خان کیخلاف غیر شرعی نکاح قابلِ سماعت قرار دے دیا،جبکہ عمران خان اور انکی اہلیہ بشریٰ بی بی کو 20 جولائی کیلئے نوٹس بھی جاری کر دیا گیا۔

اسلام آباد:پاکستان تحریک انصاف پارلیمنٹرین کے سربراہ پرویز خٹک بہت پہلے فیصلہ کر لیا تھا کہ چیئرمین پی ٹی آئی کے ساتھ نہیں چل سکتا،الیکشن کے موقع ملے پی ٹی آئی مان جاتی توآج ملک میں الیکشن ہو چکے تھے۔ پی ٹی آئی کا الیکشن میں نہ جانا یک راز ہے اور مستقبل میں یہ راز فاش ہو گا۔9 مئی کو جو واقعہ ہوا اس کے پیچھے کوئی ماسٹر مائنڈ تو ہو گا۔ایک ہی شخص تھا اعظم خان جو حکومت چلاتا تھا باقی تو کچھ تھا ہی نہیں۔پی ٹی آئی کا سوشل میڈیا جھوٹ پر چلتا ہے، گالیاں دینا ان کا کام ہے۔ہمارے پاس تین راستے تھے،اسٹیبلشمنٹ سے لڑائی، سیاست سے علیحدگی ،تیسرا راستہ منتخب کیا جو تھا کہ پاکستان کیلئے سیاست کریں۔ پاکستان تحریک انصاف پارلیمنٹرین کے سربراہ پرویز خٹک نے نجی ٹی وی کو انٹرویو دیتے ہوئے کہا ہے کہ چیئرمین پی ٹی آئی عمران کا مشن تھا کہ قوہم کو بے وقوف بنایا جا رہاہے، نیا پاکستان بن رہا ہے نہ کوئی کام کیا جا رہا ہے،عوام کو سمجھانا پڑے گا کہ بس صرف ایک نعرہ ہے باقی کچھ نہیں ہو رہا۔پرویز خٹک نے کہا ہے کہ سیاسی آدمی یقینا موقع دیکھ کر فیصلہ کرتا ہے، موقع آیا تو بھر پور فائدہ اٹھایا ہے۔الیکشن کرانے کے مواقع ملے لیکن انکار کیا گیا۔ مقصد کیا تھا کہ ملک میں انتشار پھیلانا ہے۔انہوں نے ایک سوال کے جواب میں کہا ہے کہ انتشار کا موقع پا کر فائدہ اٹھانے کی کوشش کی گئی جو درست نہیں تھی۔آزادی کا نعرہ لگانے کے پیچھے مقصد کیا تھا ہمیں اندھیرے میں رکھا گیا۔نیا پاکستان بنانے کا نعرہ صرف نعرہ ہی رہ گیا اس پر کوئی کام نہیں کیا گیا۔انہوں نے کہا ہے کہ بار بار کہا کہ ہم لڑائی نہیں کر سکتے ہمیں الیکشن میں جانا ہے لیکن ان کی ایک ہی کوشش تھی کہ عوام کو بے وقوف بنانا ہے۔اب ان لوگوں کو سمجھ آجائے گی کہ ان کے ساتھ ہوا کیا ہے۔یقین ہے لوگوںکو سمجھ آگئی کہ جھوٹ بول کر انہیں بے وقوف بنایا جا رہا ہے۔ انہوں نے ایک سوال کا جواب دیتے ہوئے کہا ہے کہ سب سے سوال ہے کہ الیکشن کیلئے کیوں نہیں مان رہے تھے، ایجنڈا کیا تھا۔انتشار ملک کے لئے اچھا نہیں، ہم جمہوری لوگ ہیں لڑائیوں کے عادی نہیں۔بس یہ ہی سوال ہے جب الیکشن کرانے کے مواقع تھے تو کیوں نہیں مانے،ملک میں انتشار پھیلائیں گے تو پھر پی ٹی آئی کا مقصد کیا ہے۔ہمیں الیکشن کے مواقع دیئے گئے چیئرمین پی ٹی آئی مان نہیں رہے تھے۔ انہوں نے کہا کہ امریکی سائفر والے معاملے سے متعلق میرے پاس تفصیل نہیں ہے۔بہت سی چیزیں میرے دل میں ہیں جو کبھی وقت آئے گا تو بتائیں گے۔ انہوں نے کہاہے کہ پی ٹی آئی کو4 مرتبہ الیکشن کرانے کے مواقع ضائع کرنے کے پیچھے راز کیا تھا۔پی ٹی آئی کا 4 مرتبہ الیکشن کرنے کے مواقع ملے لیکن راضی نہیں ہوئے۔چیئرمین پی ٹی آئی کو کہا کہ الیکشن کرانے کے مواقع ضائع نہ کریں۔ انہوں نے کہا ہے کہ مجھے ورزیر اعلی بنانے کی کوئی بات نہیں ہوئی،ٓنو مئی سے متعلق پی ٹی آئی کو جو نقصان ہوا ہے ان کو اندازہ ہی نہیں ہے۔نو مئی سے متعلق ہمیں اندھیرے میں رکھا گیا۔ پرویز خٹک نے کہا ہے کہ پاکستانیوں کو سوچنا چاہئے نومئی کے پیچھے راز کیا تھا۔ہمیں اندھیرے میں رکھا گیا، کوئی مشاورت نہیں کی گئی۔ایک واقعہ ہوتا ہے اور قیادت کو معلوم نہ ہو تو کچھ تو ہے۔نیا پاکستان بن رہا ہے نہ کوئی سوچ ہے، بس ایک نعرہ ہے غلط لائن پر لگا دیا گیا۔

اسلام آباد:وفاقی وزیر برائے داخلہ رانا ثناء اللہ نے کہا ہے کہ چیئرمین پی ٹی آئی عمران خان نے ان لوگوں کی ذہن سازی کی، پلاننگ کی اور یہ ملک دشمنی ہے۔نگراں ورزیراعظم سے متعلق ورزیراعظم نے مشاورت شروع کر دی ہیں، وزیراعظم کا عمل جلد اور آسانی سے مکمل ہو جائے گا۔نگراں ورزیراعظم سے متعلق ورزیراعظم نے مشاورت شروع کر دی ہیں، وزیراعظم کا عمل جلد اور آسانی سے مکمل ہو جائے گا۔اعظم خان جہاں بھی ہیں جیسے بھی ہیں ایسی بات نہیں کرنا چاہتا کہ فیملی کو ناگوار گزرے۔ہم نے پنجاب میں الیکشن مہم کا آغاز کر دیا ہے، کسی نے نہیں کہا کہ قربانی دیں یا سیٹ ایڈجسٹمنٹ کریں۔وفاقی وزیر داخلہ رانا ثناء اللہ نے نجی ٹی وی کو انٹرویو دیتے ہوئے کہا ہے کہ گواہیاں آرہی ہیں، سرحدوں سے باہر تان بانے ہیں وقت تو لگے گا، 9 مئی کے واقعات میں ملوث لوگوں کو سرغنہ یہ فتنہ ہے،چیئرمین پی ٹی آئی نے پہلے ادارے اور پھر ایک شخصیت کو نشانہ بنایا۔جن عناصر نے 9 مئی کے واقعات کئے ہیں ان کو اپنے جرم کا سامنا کرنا چاہئے۔رانا ثناء اللہ نے کہا ہے کہ تحریک انصاف کو الیکشن میں ہونا چاہئے اور الیکشن میں ہو،عوام ووٹ کی طاقت سے فیصلہ کریں ان کو ملک میں یہ فتنہ چاہئے یا جمہوریت اور امن۔ انہوں نے کہا ہے کہ پرویز الہی نے آخری 3ماہ حکومت میں ملک کو لوٹا، ستیاناس کیا۔عدالت میں پیش ہوں ضمانت کرائیں اپنی صفائی پیش کریں۔انہوں نے کہا ہے کہ ہم نے پنجاب میں الیکشن مہم کا آغاز کر دیا ہے،ہم سے کسی نے نہیں کہا کہ قربانی دیں یا سیٹ ایڈجسٹمنٹ کریں۔وزیر داخلہ نے کہا ہے کہ پنجاب میں بھر پور الیکشن لڑیں گے ہر سیٹ پر امیدوار ہو گا۔پنجاب میں ہمیں سیٹ ایڈجسٹمنٹ نہیں کرنی چاہئے کیونکہ اس کا نقصان پاکستان مسلم لیگ ن کو ہوگا۔ انہوں نے کہا ہے کہ پرانی اور نئی مردم شماری کا الیکشن سے کیا تعلق ہے،نئی مردم شماری آ بھی جائے تو حلقے تو یہی رہیں گے،مشترکہ مفادات کونسل کا فیصلہ اپنی جگہ، ووٹر لسٹیں اپ ڈیٹیڈ ہیں۔آبادی کی بنیاد پر تو صرف سیٹیں کی جگہ کم اور بڑھ جائیں گی،ہم یہ کہتے تھے دو اسمبلیوں کا پہلے الیکشن عام انتخابات کو ڈیکٹیٹ کرے گا۔انہوں نے ایک سوال کا جواب دیتے ہوئے کہا ہے کہ نگراں ورزیراعظم سے متعلق ورزیراعظم نے مشاورت شروع کر دی،نگراں وزیراعظم کا عمل جلد اور آسانی سے مکمل ہو جائے گا۔اعظم خان جہاں بھی ہیں جیسے بھی ہیں ایسی بات نہیں کرنا چاہتا کہ فیملی کو ناگوار گزرے۔شہزاد اکبر کے بھائی حکومتی اداروں کی حراست میں نہیں۔

اسلام آباد :چیئرمین پی ٹی آئی نے ایک بار پھر نیب میں پیش ہونے سے معذر ت کر لی،تحریری جواب جمع کروا دیاجس میں انہوں نے موقف اپنایا کہ 19 جولائی کو اسلام آباد کی عدالتوں میں پیش ہونا ہے تب ہی نیب کے سامنے پیش ہوسکتا ہوں،سیکورٹی وجوہات کی وجہ سے میں لاہور سے اسلام آباد کم سفر کرتا ہوں،تحریری جواب میں مزید کہا کہ نیب قوانین کے سیکشن 18 سی کے تحت انکوائری رپورٹ موصول صرف میں کر سکتا ہوں،میرا جواب جب نیب کو موصول ہو تو انکوائری رپورٹ میرے وکیل بیرسٹر گوہر خان کو دی جائے،القادر ٹرسٹ کیس میں سپریم کورٹ نے مجھے رہا کرنے کا حکم دیا تو انکوائری رپورٹ بھول آیا تھا،اس وقت بھی انکوائری رپورٹ بیرسٹر گوہر خان نے اپکے افسر سے موصول کی تھی،توشہ خانہ کیس کی انکوائری رپورٹ بیرسٹر گوہر خان میرے بیہاف پر موصول کریں گے۔

اسلام آباد :اسلام آباد ہائی کورٹ نے صوابی میں درج اینٹی کرپشن مقدمہ میں سابق سپیکر قومی اسمبلی اسد قیصرکی 10 روزہ حفاظتی ضمانت منظور کرتے ہو ئے درخواست نمٹا دی ہے۔اسلام آباد ہائیکورٹ کے جسٹس طارق محمود جہانگیری نے حفاظتی ضمانت کیلئے دائر اسد قیصر کی درخواست کی سماعت کی ، اسد قیصر اپنے وکیل کے ساتھ عدالت میں پیش ہوئے ، عدالے نے دلائل سننے کے بعد اینٹی کرپشن کو10روزتک اسد قیصرکوگرفتار نہ کرنے اور اسد قیصرکو پچاس ہزارکے ضمانتی مچلکے جمع کرانے کا حکم دیا۔ جسٹس طارق محمود جہانگیری نے ریمارکس دیئے کہ اس کیس میں انور تاج والا ہی آرڈر کر رہے ہیں ، عدالت نے اسد قیصرکو شامل تفتیش اورمتعلقہ عدالت میں پیش ہونے کا حکم بھی دیا۔ جسٹس طارق محمود جہانگیری نے 10 روزہ حفاظتی ضمانت منظور کرتے ہوئے اسد قیصر کی درخواست نمٹا دی۔بعدا زاں میڈیا سے گفتگو کرتے ہوئے اسد قیصر نے کہا کہ میرا پرویز خٹک سے ڈیڑھ دو ماہ سے کوئی رابطہ نہیں ہے ،وہ ہمارے پرانے دوستوں میں سے ہیں ،ان کی ایک اپنی سوچ ہے اسے جواچھا لگے گا وہ کریں گے ،ایک سوال کے جواب میں انہوں نے کہا کہ پرویز خٹک اب تحریک انصاف کا حصہ نہیں رہے، انہوں نے جو فیصلہ کرنا تھا کرلیا اب ان کی واپسی ممکن نہیں ہے،وہ ہمارے بہت پرانے دوست ہیں رابطے تو ہوتے رہیں گے ،ایک اور سوال کے جواب میں انہوں نے کہا کہ پرویز خٹک کی ایک اپنی سوچ ہے اگر وہ اپنی پارٹی بنانا چاہتے ہیں یا کسی پارٹی میں شمولیت کرنا چاہتے ہیں تو یہ ان کی اپنی مرضی ہے اس حوالے سے انہوں نے ہم سے رابطہ نہیں کیا ۔

لاہور : تحریک انصاف کے صدرپرویز الٰہی کی نظر بندی کے احکامات کو عدالت میں چیلنج کر دیا گیا۔ وزیر اعلیٰ پنجاب چوہدری پرویز الٰہی کی نظر بندی کے احکامات کیخلاف لاہور ہائیکورٹ میں درخواست دائر کر دی گئی ہے، جس میں مؤقف اختیار کیا گیا کہ پرویز الٰہی کو سیاسی انتقام کا نشانہ بنایا جا رہا ہے،پرویز الٰہی کی تمام مقدمات میں ضمانت منظور ہو چکی ہے۔درخواست میں مزید کہا گیا کہ دہشت گردی مقدمات میں بھی سابق وزیراعلیٰ پنجاب کو ضمانت مل چکی ہے۔ درخواست میں استدعا کی گئی کہ پرویز الٰہی کی نظر بندی کے احکامات کو معطل کیا جائے۔ یاد رہے کہ اس سے قبل پولیس نے سابق وزیراعلیٰ پنجاب چوہدری پرویز الٰہی کو تھری ایم پی او کے تحت نظر بند کرنے کی سفارش کی تھی،پولیس نے ڈپٹی کمشنر لاہور کو نظر بندی کے احکامات جاری کرنے کیلئے خط لکھا تھا۔پولیس کے مطابق دورانِ تفتیش یہ بات سامنے آئی کہ پرویز الٰہی نقصِ امن کیلئے خطرہ بن سکتے ہیں۔ ذرائع کے مطابق ڈپٹی کمشنر نے پرویز الٰہی کی نظر بندی کے حوالے سے ابھی تک کوئی فیصلہ نہیں کیا،جبکہ ڈپٹی کمشنر آفس سے بھی سابق وزیراعلیٰ کی نظر بندی کے احکامات جاری نہیں کئے گئے۔ جبکہ لاہور ہائیکورٹ میں جیل میں بی کلاس کی سہولیات نہ دینے کیخلاف سابق وزیراعلٰی پنجاب چوہدری پرویز الٰہی کی درخواست پر سماعت ہوئی تھی،جسٹس امجد رفیق نے درخواست پر سماعت کی۔سابق وزیراعلیٰ چوہدری پرویز الٰہی کو عدالت کے حکم پر پیش کیا گیا تھا۔

اسلام آباد: وفاقی وزیر منصوبہ بندی احسن اقبال نے کہا ہے کہ وزیراعظم نے کہا ہے کہ وقت پر الیکشن ہوں گے،وقت پر انتخابات پاکستان کی معاشی ضرورت بھی ہے۔حتمی مردم شماری میں کچھ علاقوںمیں آبادی میں غیر معمول اضافہ سامنے آیا ہے،نئی مردم شماری کے بعد حلقہ بندیوں کا عمل باقی ہے۔وفاقی وزیر منصوبہ بندی احسن اقبال نے نجی ٹی وی سے گفتگو کرتے ہوئے کہا ہے کہ غالب امکان ہے الیکشن کمیشن کو انتخابات کا حتمی فیصلہ کرنا ہے۔اکتوبر میں الیکشن ہوئے تو پرانی حلقہ بندیوں کی بنیاد پر ہوں گے۔احسن اقبال نے کہناہے کہ وزیراعظم نے کہا ہے کہ وقت پر الیکشن ہوں گے،وقت پر انتخابات پاکستان کی معاشی ضرورت بھی ہے۔ انہوں نے کہا ہے کہ ملک کو اس وقت اصلاحات کی ضر ورت ہے،کمزور مینڈیٹ کے ساتھ اصلاحات لانا ممکن نہیں ہے۔

اسلام آباد:وزیرِ اعظم محمد شہباز شریف نے عالمی مالیاتی ادارے کی مینجنگ ڈائیریکٹر کرسٹالینا جارجیوا سے ٹیلی فون پر گفتگوکی ہے ۔وزیرِ اعظم نے کرسٹالینا جارجیوا کا پاکستان کے آئی ایم ایف کے ساتھ 3 ارب ڈالر کے اسٹینڈ بائی ایگریمنٹ میں اہم کردار ادا کرنے پر اظہارِ تشکرکیا۔وزیرِ اعظم نے کرسٹالینا جارجیوا کی قیادت اور انکے پیشہ ورانہ کردار کی تعریف کی۔وزیراعظم نے کہاکہ آپ نے پاکستان کی مشکل میں پاکستان کے کروڑوں غریبوں کا احساس کیا، آپ کے قیمتی تعاون کا شکریہ ادا کرتے ہیں۔ کرسٹالینا جارجیوا نے کہاکہ وزیرِ اعظم محمد شہباز شریف نے آئی ایم ایف کے سامنے پاکستان کے کیس کو بھرپور انداز میں پیش کیا۔آئی ایم ایف کو پاکستان کے گزشتہ معاہدے کے نتائج کی وجہ سے شکوک و شبہات تھے۔وزیرِ اعظم سے مسلسل رابطے اور ان سے ملاقات کے بعد بورڈ کو وزیرِ اعظم کی پاکستان کی معاشی بحالی کیلئے سنجیدگی سے آگاہ کیا۔پاکستان کے معاشی حالات میں وزیرِ اعظم نے اعلی قائدانہ صلاحیتوں کا اظہار کیا۔آئی ایم ایف اور پاکستان کے درمیان اب بھرپور اعتماد کی فضاء￿ قائم ہے۔پاکستان آئی ایم ایف کا اہم رکن ہے، پاکستان کی مدد جاری رکھیں گے۔وزیرِ اعظم نے ایم ڈی آئی ایم ایف کے مثبت رویے کی تعریف کی۔وزیراعظم نے کہاکہ بالآخر دونوں شراکت داروں کی محنت رنگ لائی اور اسٹینڈ بائی معاہدہ طے پایا۔حکومت آئی ایم کے معاہدے پر پوری طرح عملدرآمد کرے گی۔مجھے یقین ہے کہ آئندہ ماہ بننے والی نگران حکومت بھی معاہدے پر قائم رہے گی۔اگر پاکستان کی عوام ہمیں دوبارہ منتخب کرتی ہے تو ترقیاتی شراکت داروں اور آئی ایم ایف کے ساتھ مل کر ملک کی معیشت کو ازسر نو ترقی دینے کیلئے محنت کریں گے۔