Category کھیل

لاہور: قومی کرکٹر عامر جمال نے عبدالرزاق اور اظہر محمود کی طرح آل راؤنڈر بننے کو ہدف بنا لیا۔ایل سی سی اے میں جاری فاسٹ بولرز کیمپ میں میڈیا سے گفتگو کرتے ہوئے کرکٹر عامر جمال کا کہنا تھا کہ جس ٹیسٹ ٹیم کے نیٹ بولر کے طور پر آیا، اب اسی ٹیسٹ اسکواڈ کا حصہ ہوں، اس سے بڑی خوشی میرے لیے اور کیا ہوسکتی ہے۔ جس فارمیٹ میں اور جہاں بھی پرفارم کرنے کا موقع ملا، 100 فیصد کارکردگی دکھا کر ٹیم میں جگہ پکی کرنے کی کوشش کروں گا۔عامر جمال نے بتایا کہ شاہین آفریدی نے تینوں فارمیٹ میں بہتر ثابت کیا ہے اور وہ نوجوان بولرز کے لیے رول ماڈل ہیں، ہم سب کو بھی ان کی طرح محنت کرنا پڑے گی۔ میں ایسی پرفارمنس چاہتا ہوں کہ جس سے ٹیم کا فائدہ ہو، خاص طور پر پاکستانی ٹیم میں آل راؤنڈر کی کمی پوری کرنا چاہتا ہوں اس کے لیے محنت کر رہا ہوں۔عامر جمال کے مطابق ہر قسم کے حالات میں ہمیشہ پازیٹو رہا ہوں اور ہمیشہ خود پر اعتماد رکھا ہے، محنت ہی وہ راستہ ہے جس سے منزل ملتی ہے۔ سری لنکا کی کنڈیشنز کے مطابق ٹریننگ کی ہے اور یہ درست ہے کہ وہاں کی پچز اسپنرز کو زیادہ فائدہ دیتی ہیں لیکن اس کا مطلب یہ نہیں کہ فاسٹ بولرز بولنگ نہیں کرسکتے، پیسرز کو منوانے کے لیے بہت زور لگانا پڑے گا اور ریورس سوئنگ ملی تو بیٹرز کو پریشان کیا جا سکتا ہے۔ایک سوال کا جوب دیتے ہوئے انہوں نے کہا کہ میرا کام محنت کرنا ہے، اگر سری لنکا میں ٹیسٹ ڈیبیو کرنے کا موقع ملا تو اس سے فائدہ اٹھاؤں گا۔یاد رہے کہ پاکستان اور سری لنکا کے درمیان اگلے ماہ دو ٹیسٹ میچز کھیلے جانے ہیں، جس کا باقاعدہ شیڈول ابھی جاری نہیں کیا گیا۔ پاکستانی ٹیم کا ٹریننگ کیمپ تین جولائی سے لگے گا اور ٹیم 9 جولائی کو کولمبو کی اڑان بھرے گی۔

ممبئی:بھارتی کرکٹ ٹیم کے سابق کپتان اور بیٹر ویرات کوہلی ایک ہزار کروڑ سے زائد کمانے والی معروف شخصیات میں شامل ہو گئے۔بھارتی جریدے کی رپورٹ کے مطابق ویرات کوہلی 1050کروڑ بھارتی روپے کمانے والے کرکٹر ہیں، ان کی کمائی کا ذریعہ بھارتی ٹیم کے معاہدے، مختلف برانڈز کے ساتھ معاہدے، برانڈز کی ملکیت اور سوشل میڈیا پوسٹس ہیں۔بھارتی کرکٹر کو ٹیم انڈیا کے معاہدے سے سالانہ 7 کروڑ بھارتی روپے ملتے ہیں جب کہ 15 لاکھ روپے ٹیسٹ، 6 لاکھ ون ڈے اور 3 لاکھ روپے ٹی ٹوئنٹی کی میچ فیس ہے۔اس کے علاوہ15 کروڑ بھارتی روپے سالانہ ویرات کوہلی کو ٹی ٹوئنٹی لیگ سے ملتے ہیں، انہوں نیکئی پراجیکٹس میں سرمایہ کاری بھی کی ہوئی ہے، بھارتی کرکٹر اس وقت 18 مختلف برانڈز کے ایمبیسیڈر ہیں، وہ ایک برانڈ سے ساڑھے 7 کروڑ سے 10 کروڑ روپے تک وصول کرتے ہیں۔ ویرات کوہلی انسٹا گرام پر پوسٹ کے 8.9کروڑ اور ٹوئٹر پر پوسٹ کرنے کے ڈھائی کروڑ روپے لیتے ہیں۔وہ ریسٹورنٹ اور لگژری ایتھلیٹک ویئر کے بھی مالک ہیں، کوہلی ممبئی میں 34کروڑ جب کہ گروگرام میں 80 کروڑ روپے کے مالیت والے گھر کے مالک ہیں۔اس کے علاوہ رپورٹ میں مزید بتایا گیا ہے کہ بھارتی کرکٹر ویرات کوہلی کے استعمال میں گاڑیوں کی مالیت 31 کروڑ روپے ہے۔

جوہانسبرگ:لاہورقلندرز نے جنوبی افریقہ لیگ کی فرنچائز ڈربن فرنچائز کو خرید لیا۔پی ایس ایل 8 کی فاتح ٹیم لاہور قلندرز اب زیم زیفرو ٹی 10 کے افتتاحی ایڈیشن میں ان ایکشن ہوگی۔ زیم زیفروز ٹی 10 کیافتتاحی ایڈیشن میں لاہور قلندرزکی ٹیم ڈربن قلندرز ایکشن میں ہوگی۔سی ای او لاہور قلندرزعاطف رانا کا کہنا ہے کہ پاکستان سپر لیگ کی طرح زیم زیفرو ٹی 10 میں ڈربن قلندرز شاندار کارکردگی دکھائے گی۔زیم زیفرو ٹی 10 میں کل پانچ ٹیمیں شرکت کرینگی۔لیگ کا آغاز20 جولائی جبکہ 29 جولائی کو لیگ کافائنل مقابلہ کھیلا جائے گا۔ زیم زیفرو ٹی 10 لیگ کی ڈرافٹنگ 2 جولائی کو ہوگی

کراچی :سابق کپتان شاہد آفریدی نے کہا ہے کہ ان کی صاحبزادی انشا اور قومی ٹیم کے فاسٹ بولر شاہین آفریدی کی شادی ایشیا کپ کے باعث فی الحال ملتوی کرنی پڑے گی۔ نجی ٹی وی کو انٹرویو میں شاہد آفریدی نے ایشیا کپ کی تاریخوں کے اعلان سے متعلق خوشی کا اظہار کیا۔شاہین آفریدی اور انشا کی شادی کی تاریخ کے حوالے سوال کے جواب میں شاہد آفریدی نے مسکرا تے ہوئے کہا ‘تاریخ کا مجھے علم تھا اور مہینہ میں نے صرف آپ کو بتایا تھا، دونوں کی شادی ستمبر کی 3 تاریخ کو ہونا تھی جسے اب منسوخ کرنا پڑے گا کیونکہ میں سمجھتا ہوں انشااللہ شادی ہوجائے گی، دیر یا سویر، شکر ہے ایشیا کپ وقت پر ہورہا ہے، یہ پاکستان اور شاہین دونوں کے لیے اہم ہے’۔ ان سے ایک اور سوال کیا گیا کہ ‘ایشیا کپ کے فوراً بعد بھارت میں ورلڈکپ ہونا ہے تو کیا ہم سمجھیں کہ شاہین اور انشا کی شادی نومبر کے اختتام یا دسمبر کی شروعات میں ہوگی؟ اور پھر دسمبر میں آسٹریلیا کا پاکستان کا دورہ ہے’۔سابق کپتان نے جواب میں کہا ‘بس جیسے ایشیا کپ کا اونٹ ایک طرف بیٹھ گیا ہے، ویسے ہی یہ بھی بیٹھ جائے گا’۔ دوسری جانب قوم می کرکٹ ٹیم کے فاسٹ بولر حارث رؤف جن کا نکاح رواں برس کے آغاز پر ہوا تھا، ان کی شادی بھی آئندہ ماہ جولائی کے پہلے ہفتے میں ہوگی۔

لاہور:قومی کرکٹ ٹیم کے سابق آل راؤنڈر عبدالرزاق نے کہا ہے کہ بھارت کے سابق اوپنر سچن ٹنڈولکر کی جانب سے انہیں خطرناک بالر قرار دینا اْنکی گریٹنس کی نشانی ہے۔ ایک یوٹیوبر کے ساتھ گفتگو کرتے ہوئے عبدالرزاق نے کہا کہ سچن ٹنڈولکر دنیا کے عظیم کھلاڑیوں میں سے ایک ہیں، انہیں میری تعریف کرنے کی ضرورت نہیں تھی، میں سمجھتا ہوں کہ یہ اْنکی گریٹنس ہے۔ جس زمانے میں ہم کھیلتے تھے اس وقت وسیم اکرم، وقار یونس، گلین میک گرا، مرلی دھرن اور شین وارن جیسے نام موجود تھے۔عبدالرزاق نے کہا کہ سچن بھارتی ٹیم کیلئے ون مین آرمی کا کردار ادا کرتے تھے، ہماری ٹیم میٹنگ میں یہ بات ہوتی تھی کہ اگر ہندوستان کو بیک فٹ پر کرنا ہے تو ٹنڈولکر کی وکٹ اہم ہوگی۔ سابق کرکٹر نے جنوبی افریقہ کے خلاف شاندار میچ جتوانے کا جواب دیتے ہوئے کہا کہ وہ میرا کم بیک میچ تھا، اسوقت میرے اوپر کوئی پریشر نہیں تھا۔ میرے ساتھ وہاب ریاض اور سعید اجمل نے کھیلا وہ رن آؤٹ ہوئے جبکہ شعیب اختر نے اچھا ساتھ نبھایا۔

لاہور :قومی فاسٹ باؤلر حارث رؤف اپنے قومی اسمبلی کے دورے حوالے سے ایک ٹویٹ کے بعد سوشل میڈیا پر تنقیدی طوفان کی زد میں آ گئے ہیں۔ حارث رؤف کی ٹویٹ، جس میں جمہوریت کو عملی جامہ پہنانے اور پائیدار ترقی کے اہداف (SDGs) کے سفیر کے طور پر مقرر کیے جانے پر شکر گزاری کا اظہار کیا گیا، کو کرکٹ شائقین کی جانب سے منفی ردعمل ملا۔مداحوں نے ناراضگی کا اظہار کرتے ہوئے حارث رؤف پر الزام لگایا کہ وہ قومی اسمبلی کے دورے کی وجہ سے ’فاشسٹ حکومت‘ کے ساتھ صف بندی کر رہے ہیں۔ یہ ردعمل اسلام آباد پولیس کے برانڈ ایمبیسیڈر کے طور پر رؤف کی تقرری سے متعلق پچھلے تنازعہ کے بعد ہے۔ مداحوں نے انہیں مبینہ طور پر ایک پولیس فورس کی حمایت کرنے پر تنقید کا نشانہ بنایا جس پر چیئرمین پی ٹی آئی کی گرفتاری کے خلاف مظاہرے کے دوران ‘پرامن مظاہرین’ کے خلاف ضرورت سے زیادہ طاقت استعمال کرنے کا الزام تھا۔

اسلام آباد :قومی کرکٹ ٹیم سابق کپتان شاہد آفریدی نے کہا ہے کہ پاکستان کو ورلڈکپ میں بھارت کے خلاف میچ کیلئے احمد آباد کے نریندر مودی کرکٹ اسٹیڈیم میں میچ کھیلنا چاہئیے۔ ایک ٹی وی انٹرویو میں انہوں نے کہا کہ احمد آباد کی پچز پر ڈراؤنی مخلوق نہیں ہیں، جو پاکستانی کھلاڑیوں پر جادو کر دیگی۔ پاکستان احمد آباد کی پچ پر کھیلنے سے کیوں انکار کررہا ہے؟۔انہوں نے کہا کہ میرے خیال میں پاکستان ٹیم کو نریندر مودی کرکٹ اسٹیڈیم میں جانا چاہیے اور کھیلنا چاہیے، اگر یہ چیلنج ہے تو اسکا واحد راستہ جیت ہے، ہمارے پلئیرز جائیں کھیلیں اور جیتیں، اس ہجوم کے سامنے فتح سمیٹیں۔

لاہور : آئرش بلے باز ہیری ٹیکٹر نے ون ڈے کرکٹ میں زبردست کارکردگی کے بعد مئی 2023ء￿ کے لیے آئی سی سی مینز پلیئر آف دی منتھ کا ایوارڈ حاصل کیا ہے۔ انہوں نے پاکستان کے سپر اسٹار بابر اعظم اور بنگلہ دیش کے نوجوان ابھرتے ہوئے بلے باز نجم الحسین شانتو سے سخت مقابلے کے بعد یہ ایوارڈ جیتا۔ 23 سالہ ٹیکٹر نے اپنی سپر لیگ مہم کے مایوس کن اختتام کے باوجود ثابت کرنا جاری رکھا کہ وہ آئرلینڈ کی ٹیم کا حال اور مستقبل ہے۔ہیری ٹیکٹر چیمسفورڈ میں بنگلہ دیش کے خلاف پہلے ون ڈے کے دوران بارش سے پہلے 21* تک پہنچ گئے، ٹیکٹر نے دوسرے ون ڈے میں صرف 113 گیندوں پر سات چوکوں اور 10 چھکوں کی مدد سے کیریئر کا بہترین 140 سکور بنایا۔ جس چیز نے ٹیکٹر کی کامیابیوں کو زیادہ متاثر کن بنا دیا وہ یہ تھا کہ نمبر 4 بیٹر اپنی ٹیم کے 7ویں اوور میں 16/2 پر کریز پر آیا اور 42ویں اوور کے اختتام پر اس کے آؤٹ ہونے تک اس نے مقابلے کا رخ موڑ دیا تھا۔ٹیکٹر اور جارج ڈوکریل (47 گیندوں پر 74*) نے 45 اوور کی اننگز میں آئرلینڈ کو 319 تک پہنچا دیا۔ آئرلینڈ کے بلے باز نے تیسرے ون ڈے اور بنگلہ دیش میں 48 گیندوں پر 45 رنز بنا کر اپنی پوزیشن مزید مضبوط بنائی۔

ممبئی :ورلڈ ٹیسٹ چیمپیئن شپ کے فائنل میں آسٹریلیا کے ہاتھوں شکست کے بعد بھارت میں سوگ کا ماحول ہے ا،سابق کرکٹرز نے میچ میں خراب شا ر ٹ سلیکشن پر ویرات کوہلی سے جواب طلبی کا مطالبہ کیا ہے جبکہ سچن ٹنڈولکر نے ٹیم سلیکشن پر سوالات اٹھا دئیے ہیں۔ لائیو ٹی وی پروگرام میں سنیل گواسکر کوہلی کے آؤٹ ہونے پر غصے میں آگئے اور اپنے الفاظ پر قابو نہ رکھ سکے انہوں نے کہا کہ کوہلی نے برا شارٹ کھیلا، وہ ایک عام سا شا رٹ تھا، کوہلی سے پوچھا جانا چاہیے کہ یہ آپ نے کس طرح کا شا رٹ کھیلا ہے۔انہوں نے کہا کہ یہ گیند آف اسٹمپ سے کافی باہر تھی، درحقیقت جب آپ میچ جیتنے کے لیے جا رہے ہوتے ہیں، آپ کو ایک بڑی اننگز، سنچری جیسی باری کی ضرورت ہوتی ہے، آپ آف اسٹمپ سے اتنی باہر جاتی ہوئی گیند کو کھیل کر کیسے سنچری کرنے کی امید رکھ سکتے ہیں۔تاہم بعد میں انہوں نے اس شا ر ٹ کی وجہ بتاتے ہوئے کہا کہ ہو سکتا ہے کہ نصف سنچری کے قریب پہنچ کر سنگ میل عبور کرنے کی کوشش میں جلد بازی میں یہ شاٹ کھیل گئے ہوں۔سابق اوپننگ بلے باز نے کہا کہ پہلی اننگز میں جدیجا کے ساتھ بھی ایسا ہی ہوا تھا، وہ 48 رنز پر کھیل رہے تھے اور انہوں نے اس گیند پر شاٹ کھیلا جس پر کھیلنا نہیں چاہیے تھا، یہی چیز دوسری اننگز میں اجنکیا راہانے کے ساتھ ہوئی جو 45 رنز پر کھیل رہے تھے، سوال یہ ہے کہ آپ نے بہت دیر تک ایسا کوئی شاٹ نہیں کھیلا تھا تو پھر یک دم اتنا برا شاٹ کیسے کھیل دیا۔دوسری جانب سابق بھارتی بلے باز سچن ٹنڈولکر نے ورلڈ ٹیسٹ چیمپیئن شپ کے فائنل کے لیے منتخب کردہ فائنل الیون پر شدید حیرانی کا اظہار کیا ہے۔انہوں نے کہا کہ بھارت کو پہلی اننگز میں لمبی باری لینی چاہیے تھی لیکن وہ ایسا نہ کر سکے، بھارتی ٹیم کے لیے میچ میں کچھ اہم لمحات بھی آئے لیکن میں میچ کی فائنل الیون سے ٹیسٹ کے عالمی نمبر ایک باؤلر ایشون کے اخراج پر حیران ہوں۔ ٹوئٹر پر اپنے پیغام میں ٹنڈولکر نے کہا کہ میں نے میچ سے پہلے ہی کہا تھا کہ ایک باصلاحیت باؤلر محض ٹرننگ وکٹوں پر انحصار نہیں کرتا، وہ ہوا میں ڈرفٹ کرنے کے ساتھ ساتھ وکٹ سے باؤنس کے ذریعے بلے باز کو چکما دینے کی کوشش کرتا ہے۔انہوں نے کہا کہ ہمیں یہ نہیں بھولنا چاہیے کہ ا?سٹریلیا کے 8 ابتدائی بلے بازوں میں سے پانچ بائیں ہاتھ سے بیٹنگ کرتے ہیں۔

اوول : آ سی سی ورلڈ ٹیسٹ چیمپئن شپ کے فائنل میں آ سٹریلیا کے ہاتھوں 209 رنز کے بھاری مارجن سے شکست پر سابق انگلش کپتان ناصر حسین نے بھارتی بلے بازوں کو بابر اعظم اور کین ولیمسن سے سیکھنے کا مشورہ د یا ہے ۔اسپورٹس چینل سے گفتگو کرتے ہوئے ناصر حسین کا کہنا تھا کہ بھارت کے ٹاپ آرڈر بلے بازوں کو پاکستان کے بابر اعظم اور نیوزی لینڈ کے کین ولیمسن سے سیکھنا چاہیے کہ کس طرح سیم اور سوئنگ بال کو کھیلا جاتا ہے۔ ناصر حسین کا کہنا تھا کہ بھارتی کھلاڑیوں کی بیٹنگ دیکھ کر بہت مایوسی ہوئی ہے، بھارتی مداح مجھ پر تنقیدکریں گے لیکن میں کہوں گا کہ بھارتی بلے بازوں کو بابر اور کین ولیمسن سے سیکھنا چاہیے کہ جب گیند سوئنگ ہو رہی ہو تو کیسے کھیلنا چاہیے۔سابق بلے باز کا کہنا تھا کہ بابر اور کین ولیمسن سوئنگ گیند کو کھیلنے میں جلدی نہیں کرتے بلکہ لیٹ کھیلتے ہیں۔