Tag ایمرا سپورٹس

وزیرستان (ویب ڈیسک)سکیورٹی فورسزکی جانب سے شمالی وزیرستان کے علاقے میر علی میں آپریشن کیا گیا جس کے نتیجے میں کالعدم تحریک طالبان پاکستان (ٹی ٹی پی) کے کمانڈر صفی اللہ ہلاک ہوگیا ۔پاک فوج کے شعبہ تعلقات عامہ کے مطابق شمالی وزیرستان کے علاقے میر علی میں خفیہ اطلاعات پر آپریشن کیا گیا .آپریشن میں ٹی ٹی پی کمانڈر صفی اللہ جاں بحق ہو گیا .علاوہ ازیں آپریشن میں اسلحہ اور گولہ بارود بھی برآمد ہوا ہے۔آئی ایس پی آر کا کہنا ہے کہ دہشتگرد صفی اللہ کا تعلق میر علی سے تھا . دہشتگرد صفی اللہ غیر سرکاری تنظیم کی 4 خواتین کے قتل کے علاوہ 2020 میں ایف ڈبلیو او کے انجینئرز کی ٹارگٹ کلنگ میں بھی ملوث تھا۔ صفی اللہ سکیورٹی فورسز پر آئی ای ڈی حملوں اور منصوبہ بندی ، بھتہ خوری اور اغوا برائے تاوان کی متعدد وارداتوں میں بھی شامل رہا۔

اسلام آباد (ویب ڈیسک)حکومت کی جانب سے پیٹرولیم مصنوعات پر سیلز ٹیکس کی شرح میں تبدیلی کا فیصلہ کیا گیا ہے.تفصیلات کے مطابق حکومت نے پیٹرولیم مصنوعات پر سیلز ٹیکس کی شرح میں کمی کرتے ہوئے باقاعدہ نوٹی فکیشن بھی جاری کردیا گیا ہے۔نوٹی فکیشن کے مطابق پیٹرول پر سیلز ٹیکس کی شرح 10.54 فیصد، مٹی کے تیل پر 6.70 فیصد جب کہ لائٹ ڈیزل پر سیلز ٹیکس کی شرح 0.20 فیصد برقرار رکھی گئی ہے. تاہم ہائی اسپیڈ ڈیزل پر سیلز ٹیکس 5.36 فیصد کم کرکے 11.64 فیصد مقرر کی گئی ہے۔
خیال رہے کہ حکومت نے 15 ستمبر کو پیٹرول کی قیمت میں 5 روپے فی لیٹر، ڈیزل کی قیمت میں 5 روپے ایک پیسے، مٹی کے تیل کی قیمت میں 5 روپے 46 پیسے فی لیٹر اور لائٹ ڈیزل آئل کی قیمت میں 5 روپے 92 پیسے فی لیٹر کا اضافہ کیا ہے۔

ممبئی (ویب ڈیسک) بالی وڈ کی ڈراما کوئین راکھی ساونت میڈیا کی سرخیوں میں رہتی ہیں اور بعض اوقات ان پر مزاق بنایا جاتا ہے.اسی سلسلے میں راکھی
کا مذاق اڑانے پر ان کے شوہر رتیش میدان میں آ گئے.انہوں نے بھارتی سیاستدان کو آڑے ہاتھوں لے لیا۔ تفصیلات کے مطابق ایک بھارتی سیاسی جماعت کے ترجمان راگھو چڈھا نے سابق کرکٹر نوجوت سنگھ سدھو کو ’’پنجاب کی سیاست کی راکھی ساونت ‘‘ کہا تھا جس کے بعد راکھی ساونت نے اس بیان پر اپنا ردعمل دیتے ہوئے کہا کہ مجھ سے اور میرے نام سے دور رہو۔ اس معاملے پر متعدد لوگ راکھی کی حمایت میں میدان میں آ گئے جن میں ان کے شوہر بھی شامل ہیں۔
راکھی ساونت کے شوہر نے برہمی کا اظہار کرتے ہوئے ٹویٹ کیا کہ ’’اپنے سیاسی مفادات کے لیے کسی کی زاتی زندگی خراب نہ کریں۔ انہوں نے عام آدمی پارٹی کے سربراہ اروند کیجریوال کو ٹیگ کرتے ہوئے لکھا اپنے ایم ایل اے کو تعلیم دیجئے اگر میں نے انہیں سبق پڑھایا تو کہیں بھی آپ دکھائی نہیں دیں گے۔‘‘
راکھی ساونت نے اپنے شوہر کا شکریہ ادا کرتے ہوئے ٹویٹ میں لکھا ’’راگھو چڈھا کو میرے شوہر کا جواب۔ مجھے ابھی تک اکیلے جان کر لوگ ستاتے تھے۔ آج یہ کہتے ہوئے میری آنکھوں میں آنسو ہیں کہ آج میرا بھی کوئی ہے جو میرے مان سمان (عزت) کے لیے کھڑا ہے۔‘‘

پاکستان (ویب ڈیسک)24 ستمبر کووزیراعظم عمران خان اقوام متحدہ کی جنرل اسمبلی سے خطاب کریں گے۔تفصیلات کے مطابق اقوام متحدہ میں پاکستان کے سفیر منیر اکرم کا اس حوالے سے کہنا ہے کہ کہا کہ جنرل اسمبلی میں ہونے والےخطاب میں مباحثوں کا محور عالمی مسائل اور بعض تنازعات کی صورتحال ہو گا .علاوہ ازیں پاکستان مقبوضہ کشمیر میں انسانی حقوق کی خلاف ورزیوں سے دنیا کو آگاہی فراہم کرے گا.اقوام متحدہ کی جنرل اسمبلی کے 76ویں اجلاس میں شرکت کے لیے وزیر خارجہ شاہ محمود قریشی نیویارک پہنچ چکے ہیں.اقوام متحدہ کے سیکریٹری جنرل انتونیو گوتریس نےایک انٹرویو کے دوران بتایا ہےکہ ‘افغانستان میں صوتحال غیر متوقع ہے’۔انہوں نے خبردار کیا کہ ‘مختلف اقدامات اور پابندیوں کی موجودگی میں، معیشت مکمل تباہ ہونے کا خطرہ ہے’۔

کابل (ویب ڈیسک) افغانستان کے دارالحکومت کابل میں زور دار دھماکہ ہوا ہے . دھماکوں کے نتیجے میں 3 طالبان اہلکار ہلاک اور 20 سے زائد شہری زخمی ہوگئے۔تفصیلات کے مطابق سڑک کنارے نصب بم اُس وقت پھٹا جب وہاں سے گشت پر مامور طالبان رینجرز کی گاڑی گزر رہی تھی۔ہلاک اور زخمی ہونے والوں کو قریبی ہسپتال منتقل کردیا گیا جہاں 4 زخمیوں کی حالت نازک ہے.ہلاکتوں میں اضافے کا خدشہ ظاہر کیا جا رہا ہے۔

کراچی (ویب ڈیسک)پاکستانی ڈرامہ انڈسٹری میں اپنا نام بنانے والے اداکار عدنان شاہ ٹیپو نے انکشاف کیا ہے کہ انہیں بالی وڈ کی مشہور اداکارہ مادھوری کے ساتھ فلم کی پیشکش ہوئی تھی جس کے لیے انہوں نے 9 آڈیسشن دیئے.ایک اینٹرویو میں بات کرتے ہوئے ان کا کہنا تھا کہ بھارتی فلم ساز ‘وِشال بھاردواج’ سے میری بات چیت جاری تھی،کاسٹنگ ڈائریکٹر ‘ہنی تھرن’ میرا آڈیشن لینا چاہتا تھا۔انہوں نے بتایا کہ 2014 کی فلم ‘ڈیڑھ عشقیہ’ میں انہیں نواب کے کردار کی پیشکش ہوئی جس کیلئے ان کے 9 کامیاب آڈیشنز لیے گئے .
عدنان شاہ ٹیپو کا مزید کہنا تھا کہ اس وقت بھارت کا ویزا لگنا بہت مشکل تھا مگر وشال بھاردواج خود دہلی گئے اورکوشش کی لیکن کامیاب نہ ہو سکے۔ عدنا ن شاہ کا مزید کہنا تھا کہ اس فلم میں ارشد وارثی سمیت نصیرالدین شاہ بھی موجود تھے ان کے درمیان کام کرنے سے صلاحیتیں مزید نکھر کے سامنے آتی ہیں۔

پشاور(ویب ڈیسک) نیوزی لینڈ کی کرکٹ ٹیم نے پاکستان میں ہونے والی سیریزکو سیکیورٹی کا بہانہ بنا کرمنسوخ کردیا.جہاں نیوزی لینڈ کو سیکیورٹی پر اعتماد نہیں تھا وہاں غیرملکی بائیکرز نے پاکستان کو محفوظ ملک قرار دے دیا ہے۔پاکستانی اور غیر ملکی بائیکرزنے سوشل میڈیا پر ویڈیو اپلوڈ کی جس کے بعد وہ ویڈیو وائرل ہوگئی .ویڈیو میں 9 انٹرنیشنل خواتین بائیکرز اور پاکستانی ٹیم ممبرز حکومت خیبر پختونخوا کا شکریہ ادا کرتے نظر آتے ہیں‌۔ انہوں نے خیبر پختونخوا کی مہمان نوازی کی بھی تعریف کی۔9 امریکی خواتین سیاح کے طور پر موٹر سائیکل پر خیبر پختونخوا اور گلگت بلتستان کا روڈ ٹرپ پر آئی تھیں جو اب مکمل ہو گیا۔ خواتین بائیکرز نے خیبر پختونخوا کی خوبصورت وادیوں کی بھی دل کھول کر تعریف کی۔

سندھ (ویب ڈیسک)سندھ حکومت کی جانب سے صوبے بھر میں 22 ستمبر بروز بدھ عام تعطیل کا اعلان کیا گیا ہے.۔تفصیلات کے مطابق سندھ حکومت کی طرف سے نوٹیفیکیشن جاری ہوا ہے.جس میں لکھا ہے کہ صوفی شاعر شاہ عبداللطیف بھٹائی کے عرس پر سندھ بھر میں 22 ستمبر کو عام تعطیل ہوگی۔
پوری دنیا کو امن کا پیغام دینے والے صوفی بزرگ شاہ عبداللطیف بھٹائی 1689 میں ضلع مٹیاری کے تعلقہ ہالا میں سید حبیب شاہ کے گھر میں پیدا ہوئے۔آپ کے آبائو اجداد کا تعلق ہرات افغانستان سے تھا. آپ کا لگائو تصوف کی جانب تھا، تلاش حق کے لیے آپ نے طویل سفرکیے جن کے تجربات کی جھلکی آپ کی شاعری میں نظر آتی ہے۔آپ کے صوفیانہ کلام میں امن اور محبت کا درس ملتا ہے، دنیا سے بے رغبتی اور عشق حقیقی کی تڑپ بھی آپ کی شاعری میں صاف نظرآتی ہے۔
ہر سال صفر کی 14 تاریخ کو بھٹ شاہ میں آپ کا تین روزہ عرس منایاجاتا ہے جس کے دوران مختلف پروگرام اور سیمینارز کا انعقاد ہوتا ہے۔علاوہ ازیں اس موقع پر میلہ بھی لگتا ہے اورشاہ عبداللطیف بھٹائی سے منسوب ساز طنبورا بجایا جاتا ہے۔

اسلام آباد (ویب ڈیسک) وفاقی وزیر داخلہ شیخ رشید نے سیاچن کا دورہ کیا ہے اور گیاری میں یاد گار شہداء پر حاضری دیتے ہوئے پھولوں کی چادر چڑھائی۔
علاوہ ازیں شیخ رشید نے برفانی تودہ کے حادثے میں شہید ہونے والے پاک فوج کے جوانوں کو خراج عقیدت بھی پیش کیا۔پاک فوج کی جانب سے وزیر داخلہ کو گیاری تودہ حادثے پر بریفنگ دیتے ہوئے یادگاری شیلڈ پیش کی گئی۔ سیاچن دورے کے دوران وزیر داخلہ شیخ رشید احمد نے گیانگ کا بھی دورہ کیا۔وزہر داخلہ شیخ رشید نے پاک فوج کے جوانوں سے خطاب کیا. انہوں نے کہا کہ پاکستان کو آپ پر فخر ہے اور آپ کی قربانیوں سے ملک قائم ہے۔ پاک فوج نےملکی دفاع میں قابل رشک قربانیاں دیں ہم ان کے مقروض ہے۔ انہوں نے زید کہا کہ سیاچن میں فرنٹ پوسٹ پر پاک فوج کے جوانوں سے ملاقات میرا ایک دیرینہ خواب اور خواہش تھی جو اللہ کا شکر ہے پوری ہوئی.

کراچی (ویب ڈیسک) بجلی کے بلوں میں 35 فیصد تک انکم ٹیکس کے نفاذ کے حوالے سے بلاول بھٹو کابیان سامنے آگیا.ان کاکہنا ہے کہ پانی سر سے اونچا ہوچکا، عمران خان نے مہنگائی کو عوام کا سب سے بڑا مسئلہ بنا دیا۔
انہوں نے مزید کہا ہے کہ قوم فیصلہ کر لے کہ مہنگائی سے نجات حاصل کرنے کے لیے تحریک انصاف کی حکومت کو گھر بھیجنا ہوگا.انہوں نےعوام کو پیغام دیا کہ مہنگائی کے خلاف اگر عوام کمر کس کر باہر نہ نکلی تو عمران خان کے حملے نہیں رکیں گے.انہوں نے کہا کہ بجلی کے دس ہزار روپے تک کے بلوں پر 5 اور 20 ہزار تک کے بلوں پر 10 فیصد انکم ٹیکس کے فیصلے کومسترد کرتے ہیں۔ بجلی کے 30 ہزار روپے تک کے بلوں پر 20 فیصد جبکہ 40 ہزار روپے تک کے بلوں پر 20 فیصد انکم ٹیکس کی وجہ سے مہنگائی کا ایک نیا طوفان آئے گا.