Tag ایمرا سپورٹس

اسلام آباد (ویب ڈیسک)شوبز انڈسٹری کے ایک اور فنکار عوام کی دعائوں‌ کے انتظارمیں ہیں‌.تفصیلات کے مطابق ماضی کے سینئر فنکار طلعت اقبال شدید بیماری کی حالت میں ٹیکساس کے ہسپتال میں زیرِ علاج ہیں۔ان کے اہلخانہ کے مطابق طلعت اقبال وینٹی لیٹر پر ہیں۔طلعت اقبال کافی عرصے سے ٹیکساس میں رہائش پزیر ہیں.کچھ ہفتے پہلے ان کی بیٹی کا انتقال ہوا تھا جس کے بعد ان کی طبیعت زیادہ خراب ہو گئی ہے.
طلعت اقبال کی بیٹی صومی حسین کا کہنا ہے کہ ان کے والد کو کورونا نہیں ہوا بلکہ وہ دوائیاں‌ لیتے تھے .دوا لینے کے دوران ایک گولی اچانک سانس کی نالی میں‌ پھنس گئی جس کی وجہ سے وہ بے ہوش ہو گئے. اس وقت وہ بے ہوشی کی حالت میں ہیں اور ان کے لیے 36 گھنٹے بہت اہم ہیں اس لیے عوام سے اپیل ہے کہ دعا کریں. طلعت اقبال نے 70 اور 80 کی دہائی میں کئی ڈراموں اور فلموں میں اہم کردار ادا کیے۔

ایمسٹر ڈیم (ویب ڈیسک)افغانستان میں طالبان کے قبضے سے بعد وہاں‌ موجود غیرملکیوں کے انخلا کا عمل جلداز جلد مکمل کیا گیا.اسی سلسلے میں نیدرلینڈ کی وزیر خارجہ سگریڈ کاگ نے استعفیٰ دے دیا .تفصیلات کے مطابق افغانستان سے انخلا کے دوران بدنظمی کے باعث نیدرلینڈ حکومت نے اپنی وزیر کارجہ پر تنقید کی جس کے بعد انہوں نے استعفیٰ دے دیا.
غیر ملکی خبر رساں ادارے کے مطابق افغانستان سے انخلا کے دوران پیداہونے والے بحران پر نیدرلینڈ کی وزیر خارجہ سگریڈ کاگ کو ذمہ دار ٹھرایا گیا. نیدرلینڈ کی پارلیمنٹ نے ایک اجلاس کے دوران وزیر خارجہ کے خلاف تحریک پیش کی جس میں ان پر الزام عائد کیا گیا کہ وزیر خارجہ نے غیر ذمے دارانہ رویہ اپنایا جس کی وجہ سے افغان مہاجرین کا انخلا مکمل نہیں ہوسکا۔
وزیر خارجہ سگریڈ کاگ نے اپنے خالف تحریک کے بعد مستعفی ہونے کا اعلان کر دیا.انہوں نے کہا کہ اس بحران کا ذمہ دار یہ ایوان حکومت کو سمجھتا ہے البتہ میں نےاپنی ذمہ داریاں مکمل طور پر ادا کیں تاہم پارلیمنٹ کے فیصلے کے بعد میں بحثیت وزیر نتائج کی ذمہ داری قبول کرتی ہوں اور مستعفیٰ ہونے کا فیصلہ کرتی ہوں۔

لاہور (ویب ڈیسک)محکمہ موسمیات نے بارشوں کی پیشگوئی کر دی ہے .تفصیلات کے مطابق محکمہ موسمیات کا کہنا ہے کہ لاہور، گوجرانوالہ، سیالکوٹ میں شدید بارشوں کا امکان ہے.علاوہ ازیں زیریں سندھ اور کشمیر میں بھی بادل برسنے کو تیار ہیں .محکمہ موسمیات کے مطابق زیریں سندھ میں حیدرآباد، ٹھٹھہ، مٹھی اور دیگر علاقوں میں تیز ہواؤں کے ساتھ بارشوں کا سلسلہ جاری ہو سکتا ہے ۔ گوجرانوالہ، لاہور، سیالکوٹ اور نارووال میں چند مقامات پر بھی گرج چمک کے ساتھ بارش کا امکان ہے۔ کشمیر میں بھی بادل برسنے کی توقع ہے۔

(ویب ڈیسک)آج کل ہمارے ارد گرد تقر یباً ہر شخص وزن بڑھ جانے کی وجہ سے پریشان دکھائی دیتا ہے۔ وزن بڑھتا تو بہت جلدی ہے لیکن اسے کم کرنے میں کافی وقت درکار ہوتا ہے، وزن بڑھنے کی وجوہات میں دیگر عناصر کے ساتھ ساتھ کورونا وبا کے دوران نافذ کیے گئے لاک ڈاؤن کے باعث سماجی سرگرمیوں میں کمی، ہر وقت گھر میں رہنا اور ورزش نہ کرنا بھی شامل ہیں۔ماہرین کے مطابق وزن کم کرنے میں ورزش کے ساتھ ساتھ ہماری خوراک کا بھی اہم کردار ہوتا ہے، تو آج ہم آپ کو 5 ایسے خشک میوہ جات کا استعمال بتائیں گے جنہیں اگر آپ اپنی خوراک میں شامل کر لیں تو یہ آپ کا وزن کم کرنے میں مددگار ثابت ہو سکتے ہیں۔

1: بادام

بادام وزن کم کرنے میں سب سے زیادہ مددگار ہے، ماہرین کا کہنا ہے کہ بادام کے استعمال سے غلط اوقات میں اچانک کچھ کھانے (craving) کی طلب کو ختم کیا جا سکتا ہے، مٹھی بھر بادام کھانے سے انسان کی بھوک بھی مٹ جاتی ہے۔اس کے علاوہ بادام میں کیلوریز بہت کم ہوتی ہیں اور وہ غذائی اجزا سے بھرپور ہوتے ہیں جو وزن کم کرنے میں مدد دیتے ہیں۔ بادام پیٹ کی چربی اور مجموعی طور پر باڈی ماس انڈیکس کو کم کرنے میں بھی معاون ہوتے ہیں۔

2: کشمش

جب آپ بھوکے ہوں تو آپ کشمش بھی کھا سکتے ہیں،کشمش میں کیلوریز بہت کم ہوتی ہیں اور ان کو کھانے سے آپ کو زیادہ بھوک بھی نہیں لگتی،کشمش میں بھوک کو کم کرنے والی خصوصیات ہوتی ہیں اور اسی وجہ سے وہ بھوک کو بڑھانے والے ہارمونز (ghrelin) کو دور رکھتے ہیں۔اس کے علاوہ کشمش پیٹ کی چربی کو کم کرنے میں بھی مدد فراہم کرتی ہے۔ اگر آپ وزن کم کرنا چاہتے ہیں تو کشمش کو اپنی روزمرہ کی خوراک میں شامل کر لیں۔

3:کاجو

آپ یہ جان کر حیران ہوں گے کہ وزن کم کرنے کے لیے آپ کاجو کو اپنی روز مرہ کی خوراک میں شامل کر سکتے ہیں بشرطیکہ آپ انہیں صرف محدود مقدار میں کھائیں۔کاجو میں بہت زیادہ میگنیشیم ہوتا ہے جو میٹابولزم کی شرح کو بہتر بناتا ہے، میٹابولزم کی شرح وزن کم کرنے کی منصوبہ بندی کرتے وقت ایک اہم نکتہ ہے۔ اس کے علاوہ کاجو میں موجود پروٹین وزن کم کرنے میں اہم کردار اداکرتا ہے۔

4: مونگ پھلی

مونگ پھلی میں مختلف قسم کے ایسڈز ہوتے ہیں جو جسم میں سوجن کو کم کرتے ہیں جبکہ مونگ پھلی کھانے سے وزن میں کمی اور جسم کو طاقت بھی ملتی ہے۔

5: اخروٹ
اخروٹ بھی وزن کم کرنے میں مدد دیتے ہیں کیونکہ یہ پروٹین، معدنیات اور وٹامن سے بھرپور ہوتے ہیں۔ اگر آپ کو بھوک لگی ہو اور آپ اخروٹ کھائیں تو یہ آپ کو کافی دیر تک بھوک کے احساس سے بچا سکتے ہیں جو آپ کے وزن کم کرنے میں معاون ثابت ہو سکتا ہے۔

اخروٹ میں ایسے غذائی اجزا پائے جاتے ہیں جو دماغ میں موجود کیمیکل سیروٹونن کے لیول کو بڑھاتے ہیں، اگر آپ روزانہ ایک مٹھی بھر اخروٹ کھائیں تو آپ کو تیزی سے وزن کم کرنے میں مدد ملے گی۔
بشکریہ جیو نیوز

اسلام آباد(ویب ڈیسک)ایک لڑکی نے اپنی جنس تبدیل کرانے کے لیے عدالت سے رجوع کر لیا.تفصیلات کے مطابق ایک لڑکی نے طبی طریقے سے اپنی جنس کوتبدیل کرنےکے لیے عدالت کا دروازہ کھٹکھٹا دیا. ہما نامی لڑکی کی جانب سے طبی بنیادوں پر جنس کی تبدیلی اور خاندان کی طرف سے مبینہ طورپر ہراساں کئے جانے کی درخواست دے تھی جس کی سماعت چیف جسٹس اسلام آباد ہائی کورٹ جسٹس اطہر من اللہ نے کی۔
سماعت کے دوران جسٹس اطہر من اللہ نے لڑکی کے عثمان وڑائچ سے استفسار کیا کہ لڑکی کو کون افراد ہراساں کررہے ہیں ؟ مدعی کے وکیل نے بتایا کہ ان کی موکلہ کو باہر سے نہیں بلکہ اپنے ہی گھر والوں کی طرف سے ہراساں کیا جا رہا ہے. جسٹس اطہر من اللہ نے اس بات کے بعد ریمارکس دیئے کہ یہ تو پھر پرائیویٹ پرسن کا کیس ہے۔
مدعی کے وکیل نے موقف اختیار کیا کہ یہاں بنیادی حقوق کی خلاف ورزی ہورہی ہے جبکہ پٹشنر کے یہاں بھی حقوق ہیں لہذٰا فیملی ممبرز کو ہراساں کرنے سے روکنے اور جنڈر تبدیلی سے متعلق میڈیکل کی اجازت دی جائے۔اسلام آباد ہائی کورٹ نے درخواست قابل سماعت دیتے ہوئے فریقین کو نوٹس جاری کرتے ہوئے وزارت انسانی حقوق کو درخواست گزار سے رابطے کی ہدایت کردی۔
عدالت نے حکم دیتے ہوئے کہا کہ درخواست گزار کے مطابق وہ پیدائشی طور پر صنفی شناخت کے ڈس آرڈر کا شکار ہے، بطور لڑکا شناخت اختیار کے معاملے پر اسے عزیزوں کی جانب سے ہراساں کیا جا رہا ہے، صنفی شناخت کے ڈس آرڈر والے افراد زیادہ توجہ کے مستحق ہوتے ہیں.لہذٰا وزارت انسانی حقوق نمائندہ مقرر کرے جو درخواست گزار سے رابطہ کرے اور درخواستگزار کے مسائل سن کر رپورٹ پیش کرے.

پیرس (ویب ڈیسک) فرانس حکومت کی جانب سے داعش کے حوالے سے اہم بیان سامنے آیا ہے.تفصیلات کے مطابق فرانس نے داعش صحارا کے سربراہ کو ہلاک کرنے کا دعویٰ کیا ہے۔فرانسیسی صدر ایمانول میکرون نے سماجی رابطے کی سائٹ ٹوئٹر پرصحارا کےسربراہ عدنان ابو ولید کو ہلاک کرنے کی خبر شئیرکی.ٹویٹر پر انہوں نے لکھا کہ فرانسیسی افواج نے ایک آپریشن میں عدنان ابو ولید کو ہلاک کیا ہے.عدنان ابو ولید کی ہلاکت دہشت گردی کے خلاف جنگ میں ایک بڑی اور اہم کامیابی ہے۔اس ٹویٹ کے بعد فرانسیسی وزیر دفاع کی جانب سے بھی ٹوئٹ کی اگیا ہے جس میں انہوں نے لکھا ہے کہ عدنان ابو ولید کی ہلاکت فرانس اور اتحادی ممالک کے لیے بڑی کامیابی ہے .انہوں نے مزید کہا کہ اس لڑائی میں ہلاک یا زخمی ہونے والے فوجیوں کے ساتھ ہماری دعائیں شامل ہیں‌. ان کی قربانیاں رائیگاں نہیں جائیں گی۔

دوشنبے (ویب ڈیسک) دوشنبے میں قازقستان کے صدر نے وزیراعظم عمران خان سے ملاقات کی. ملاقات کے دوران دو طرفہ تعلقات، علاقائی اموراورباہمی دلچسپی پر تبادلہ خیال کیا گیا۔تفصیلات کے مطابق وزیراعظم عمران خان سے قازقستان کے صدر کی ملاقات ایس سی او سمٹ کی سائیڈ لائنز پر ہوئی۔ پاکستان کی طرف سے ملاقات میں وزیر خارجہ شاہ محمود قریشی، مشیر قومی سلامتی معید یوسف، وفاقی وزیر بحری امور علی زیدی، وفاقی وزیر اطلاعات و نشریات فواد چودھری اور قازقستان وفود نے شرکت کی۔
دوسری طرف فواد چودھری نے میڈیا سے گفتگو کی اور بتایا کہ وزیراعظم کی روس کے صدر کے ساتھ بھی ملاقات طے تھی مگرروسی صدر قرنطینہ میں ہونے کی وجہ سے دوشنبے نہیں آ سکے.لہذٰا صدر پیوٹن اور وزیراعظم عمران خان کی فون پر بات چیت ہوئی.

(ویب ڈیسک)ہارٹ اٹیک(دل کا دورا) کو سب سے خطرناک بیماریوں میں سے ایک سمجھا جاتا ہے ،تقریباً ہزاروں لوگ دل کا دورا پڑنے سے اپنی جان کھو بیٹھتے ہیں ۔انسان کو کب ہارٹ اٹیک ہوجائے کسی کو معلوم نہیں لیکن کچھ علامتیں ایسی ہیں جنھیں آپ کو کبھی نظر انداز نہیں کرنا چاہیے ۔ عام طور پر ہارٹ اٹیک کی علامتوں میں سینے ،بازو ، گردن یا جبڑے میں شدید درد اور دباؤ یا اچانک سانس کی قلت، پسینہ اور چکر آنا شامل ہیں ۔
اس کے علاوہ سائلنٹ ہارٹ اٹیک یا Silent Myocardial Infarction (SMI) جس کی کوئی واضح علامات نہیں، اگر ہوتی بھی ہیں تو وہ ہلکی محسوس ہو سکتی ہیں اور اتنی مختصر ہو تی ہیں کہ جنھیں بیشتر افراد نظر انداز کردیتے ہیں۔
امریکی ہارورڈ میڈیکل اسکول کی تحقیق GENESIS PRAXY (جس میں کینیڈا ، سوئٹزرلینڈ اور امریکا میں دل کی بیماریوں میں مبتلا مریضوں کی صحت کو ٹریک کیا گیا ) کے اعداد و شمار سے حاصل کردہ تجزیوں کے ساتھ ، محققین نے چار متبادل علامات درج کی ہیں جو عام طور پر ایک ہفتہ قبل ہارٹ اٹیک ہونے سے پہلے ظاہر ہوسکتی ہیں ۔

غیر معمولی تھکاوٹ
تحقیق کے مطابق ہارٹ اٹیک سے قبل بہت سےافراد تھکاوٹ یا جسمانی تکلیف محسوس کر تے ہیں اور انہیں زیادہ کام کرنے ، کم نیند اور عمر کی وجہ سے جسم میں درد ہوسکتا ہے جبکہ ہر 3 میں سے تقریبا 2 افراد جنہیں دل کا دورا پڑتا ہےوہ چند دن یا ہفتوں پہلے سینے میں درد ، سانس کی قلت یا تھکاوٹ محسوس کرتے ہیں۔

نیند میں خلل
نیند نہ آنا ہائی بلڈ پریشر اور دل کی بیماری سے منسلک ہے۔ وقت گزرنے کے ساتھ ، ناقص نیند غیر صحت مند عادات کا باعث بھی بن سکتی ہے جو آپ کے دل کو نقصان پہنچا سکتی ہیں۔نیند نہ آنا یا نیند میں خلل پڑنا ہارٹ اٹیک سے قبل ایک خاموش علامت سمجھی جاسکتی ہے۔

بے چینی
کچھ افراد تناؤ کا اتنا شدید شکار ہوتے ہیں کہ اس کی وجہ سے انہیں بے چینی رہتی ہے جو کہ ہارٹ اٹیک ہونے کی ایک خاموش علامت ہوسکتی ہے ۔

بازو میں کمزوری یا تکلیف
ہارٹ اٹیک کی دیگر عام علامات جیسے بازو میں کمزوری پٹھوں، گلے سینے میں ہلکا درد یا ، بدہضمی اور سینے کی جلن ہوسکتی ہیں۔ آپ کو اپنے بازوؤں (ان میں سے ایک یا دونوں) ، کمر ، گردن ، جبڑے ، پیٹ وغیرہ میں درد یا تکلیف کا سامنا کرنا پڑ سکتا ہے۔ یہ علامات ایک شخص سے دوسرے شخص میں مختلف ہو سکتی ہیں۔ مثال کے طور پر ، کچھ افراد ہارٹ اٹیک سے قبل اپنی کمر میں درد محسوس کرتے ہیں جبکہ کچھ افراد پیٹھ پر بھاری دباؤ بھی محسوس کر تے ہیں۔
محققین کا کہنا ہے کہ اگر آپ کو ان میں سے کوئی بھی علامات محسوس ہوتی ہیں تو آپ فوراً ڈاکٹر سے رجوع کریں اور اپنا علاج کروائیں۔
بشکریہ جیو نیوز

اسلام آباد (ویب ڈیسک) وزیراعظم عمران خان دو روزہ دورے پر تاجکستان چلے گئے.تفصیلات کے مطابق عمران خان تاجک صدر کی دعوت پر تاجکستان میں ایس سی او کے سربراہی اجلاس میں شریک ہونگے۔ علاوہ ازیں عمران خان ایران، قازقستان، بیلاروس اور ازبکستان کے صدور سے ملاقاتیں بھی کریں گے۔تاجک صدر امام علی رحمان سے ملاقات کیلئے وزیرِاعظم عمران خان صدارتی محل کا دورہ بھی کریں گے۔ اپنے خطاب میں عمران خان پاک تاجک کے مابین کاروباری شعبے میں تعاون کو فروغ دینے کیلئے مشترکہ بزنس فورم کے حوالے سے بات کریں گے.۔

سان فرانسسكو(ویب ڈیسک) اس وقت دنیا میں سوشل میڈیا کا دور ہے.دنیا میں شاید ہی کوئی ایسا ہو جو سوشل میڈیا استعمال نہ کرتا ہو.مختلف ایپس اس وقت کام کر رہی ہیں مگر جہاں اس کے بے شمارفوائد ہیں وہیں نقصانات بھی موجود ہیں .اسی سلسلے میں ایک سوشل میڈیا کمپنی فیس بک نے اس بات کا اعتراف کیا ہے کہ ان کی ایپ ’انسٹاگرام‘ نوعمر لڑکیوں کے دماغ پر منفی اثرات مرتب کررہی ہے ۔ انسٹاگرام نے اگرچہ اس کا حل بھی نکالنے کا کہا ہے .ان کا کہنا ہے کہ وہ اس رحجان کو کم کرنے اور صارفین کو ظاہری جسمانی کیفیات پر متوجہ ہونے کی حوصلہ شکنی کرے گا۔
چند روز قبل ایک غیر ملکی جریدے میں ایک رپورٹ شائع ہوئی جس میں کہا گیا ہے پچھلے 3 برس سے فیس بک کے ماہرین انسٹاگرام خریدنے کے بعد اس پر تحقیق کررہے تھے۔ جس کے بعد خلاصہ یہ ہے کہ فوٹو شیئرنگ ایپ کم عمر اوربالخصوص کمسن لڑکیوں پر منفی اثرات مرتب کررہی ہے۔ یہاں تک کہ یہ پلیٹ فارم لڑکیوں کو دماغی و نفسیاتی مریض بنارہا ہے۔
فیس بک کے مطابق وہ اس مسئلے کو سمجھنے اور حل کرنے کی کوشش کریں گے اور کمپنی پوری مدد بھی فراہم کریں گے۔