Tag بالی ووڈ

مبئی (ویب ڈیسک)شاہ رخ خان کے بیٹے آریان منشیات لینے کے حوالے سے کیس میں اہم انکشافات سامنے آئے ہیں .تفصیلات کے مطابق بھارتی نیشنلسٹ کانگریس پارٹی کے کارکن نواب ملک نے ایک پریس کانفرنس کی ہے جس میں انہوں نے کہا ہے کہ شاہ رخ خان کے بیٹے آریان خان کو جھوٹے مقدمے میں پھنسایا جارہا ہے۔
پارٹی کارکن نے شواہد پیش کیے جس میں انہوں نے الزام لگایا ہے کہ بالی ووڈ کنگ کے بیٹے کو جھوٹے مقدمے میں پھنسایا جارہا ہے اور این سی بی کے ذریعے مقدمے میں ہیرا پھیری بھی کی جارہی ہے۔
نواب ملک نے بتایا کہ 2 اکتوبر کی رات جب بحری جہاز پر این سی بی نے چھاپہ مارا اس وقت آریان خان اور ارباز مرچنٹ کو دو نامعلوم افراد کے ساتھ جاتے ہوئے دیکھا گیا۔ ان دونوں افراد کے بھارتیا جنتا پارٹی (بی جے پی) کے سینئر کارکنوں کے ساتھ روابط ہیں۔اس کے علاوہ نواب ملک نے دو ویڈیوز میڈیا کے ساتھ شیئر کیں جن میں ایک شخص کو آریان کے ساتھ این سی بی کے آفس جاتے ہوئے دیکھا جاسکتا ہے جب کہ دوسرا شخص ارباز مرچنٹ کے ساتھ موجود ہے۔ جو شخص آریان کے ساتھ موجود تھا اس نے گرفتاری کے بعد آریان کے ساتھ سیلفی بھی لی تھی۔ این سی بی نے اس شخص کے بارے میں لاعلمی کا اظہار کرتے ہوئے کہا تھا کہ اس کا تعلق ایجنسی سے نہیں ہے۔ ہم نے معلوم کر لیا کہ اس شخص کا تعلق بی جے پی سے ہے اور یہ ایک پرائیویٹ جاسوس ہونے کا دعویداربھی ہے۔دوسری طرف نیشنلسٹ کانگریس پارٹی کے الزامات پر نارکوٹکس کنٹرول بیورونے ردعمل دیتے ہوئے کہا کہ آریان اور ارباز کے ساتھ موجوددونوں افراد آزاد گواہ ہیں۔

ممبئی (ویب ڈیسک) بالی ووڈ کنگ شاہ رخ خان نے لوگوں سے اپیل کی ہے کہ وہ ان کے گھر نہ آئیں .تفصیلات کے مطابق شاہ رخ آریان خان کی گرفتاری کے بعد بالی ووڈ فنکاروں سے اپنے گھر ’منت‘ نہ آنے کی درخواست کی ہے۔آریان کی گرفتاری کے بعد بالی ووڈ کے سلو میاں سلمان خان سب سے پہلے شاہ رخ کے گھر پہنچے. بعد ازاں ان کی بہن الویرا خان، سیما خان، ماہیپ کپور، اداکارہ نیلم کوٹھاری سمیت متعدد بالی ووڈ شخصیات کو شاہ رخ خان کے بنگلے کے باہر دیکھا گیا۔
جو لوگ ان کے گھر نہیں پہنچ سکے انہوں نے سوشل میڈیا کے ذریعے شاہ رخ خان کی سپورٹ کی جن میں سنیل شیٹھی، پوجا بھٹ، اداکارہ سوچیترا کرشنا مورتی اورمیکا سنگھ وغیرہ شامل ہیں۔ تاہم اب رپورٹس سامنے آئی ہیں کہ شاہ رخ خان نے اپنے دوستوں سے ان کے گھر نہ آنے کی درخواست کی ہے۔
رپورٹس کے مطابق معاملے کی سنگینی کو دیکھتے ہوئے اور سیکیورٹی خدشات کے پیش نظر شاہ رخ خان اور ان کی ٹیم نے تمام اداکاروں اور دوستوں سے درخواست کی ہے کہ وہ ان کے گھر نہ جائیں۔

ممبئی(ویب ڈیسک)بالی وڈ کنگ شاہ رخ کے صاحبزادے آریان خان نے اعتراف جرم کر لیا.تفصیلات کے مطابق نارکوٹکس کنٹرول بیورو (این سی بی) کے سامنے آریان خان نے 4 سال سے منشیات لینے کا اعتراف کرلیا.بھارتی میڈیا رپورٹس نے دعویٰ کیا ہے کہ دوران تفتیش زیر حراست آریان این سی بی حکام کے سامنے روپڑے اور اعتراف کیا کہ وہ تقریباً گزشتہ 4 برسوں سے منشیات کا استعمال کر رہےہیں۔ دوران تفتیش یہ بھی انکشاف ہواکہ جب آریان خان امریکا اور دبئی میں تھے تو اس دوران بھی وہ منشیات کا استعمال کیا کرتے تھے۔

ممبئی (ویب ڈیسک) بالی ووڈ اداکار سیف علی خان نے کرینہ کپور سے کامیاب شادی شدہ زندگی کا راز بتادیا۔ سیف علی خان نے ایک انٹرویو میں بتایا کہ میں نے ہمیشہ کرینہ کو اسپیس دی ہے. میں کبھی انہیں یہ نہیں بتاتا کہ کیا کرنا چاہیے اور کیا نہیں .انہوں نے مزید کہا کہ میرا خیال ہے کامیاب شادی شدہ زندگی کے لیے میاں اور بیوی دونوں کو ایک دوسرے کے کاموں میں مداخلت نہیں کرنا چاہیے.سیف علی خان کا کہنا تھا کہ میں نے کرینہ کو کبھی بھی سوشل میڈیا کا استعمال کرنے سے منع نہیں کیا، وہ ایک زبردست انسان ہے.

(ایمرا نیوز آن لائن)

بالی ووڈ کی نئی اُبھرتی ہوئی اداکارہ فاطمہ ثناء شیخ نے بالی ووڈ کے تینوں ’خانز‘ کے ساتھ کام کرنے کی خواہش ظاہر کردی۔ بھارتی میڈیا رپورٹس کے مطابق فاطمہ ثناء شیخ اپنی آئندہ آنے والی فلم ’پولیس بھوت‘ میں اداکار سیف علی خان کےمدمقابل کام کرتی نظر آئیں گی۔ اس پر اداکارہ نے رشک کرتے ہوئے کہا ہے کہ ’میری خواہشات کی فہرست میں سے ایک خواہش یہ بھی ہے کہ میں بالی ووڈ کے تمام خانز (سلمان خان، شاہ رخ خان، عامر خان اور سیف علی خان) کے ساتھ کام کروں۔

فاطمہ ثناء شیخ اس سے قبل بھی اکثر کہتی نظر آئیں ہیں کہ تمام خانز بالی ووڈ کے سُپر اسٹارز ہیں. واضح رہے کہ اس سے قبل فاطمہ ثناء شیخ بالی ووڈ کے مسٹر پرفیکٹ عامر خان کے ساتھ دو مرتبہ دنگل اور ٹھگز آف ہندوستان جیسی فلموں میں کام کر چکی ہیں۔ آج کل فاطمہ ثناء شیخ بالی ووڈ کے دوسرےمعروف خان سیف علی خان کے ساتھ کام میں مصروف ہیں۔ ان کے ساتھ اس فلم میں اداکار علی فضل بھی اداکاری کرتے نظر آئیں گے۔

ممبئی(ایمرا نیوز آن لائن) بالی ووڈ کی نئی ہر دل عزیز اداکارہ سارا علی خان اور مشہور اداکار ورون دھون ایک ساتھ فلم ’کولی نمبر 1‘ کے سیکول میں کام کرتے نظر آئیں گے۔ بھارتی اخبار ہندوستان ٹائمز کے مطابق سارا علی خان کولی نمبر 1 کے سیکوئل میں مرکزی کردار ادا کریں گی جبکہ ان کے ہمراہ اداکار ورون دھون اداکاری کرتے نظرآئیں گے۔ اس فلم کا اعلان ہدایت کار اور ورون دھون کے والد ڈیوڈ دھون نے خود کیا ہے جبکہ کولی نمبر 1 کے سیکوئل کی شوٹنگ رواں برس اگست میں شروع کی جائے گی۔

میڈیا رپورٹس کے مطابق ڈیوڈ دھون نے اس سے قبل بھی فلم جڑواں کے سیکول میں ورون دھون کے ساتھ کام کیا تھا اور اب 25 سال بعد بھی کولی نمبر 1 کے سیکوئل میں اداکار ورون دھون اداکاری کے جوہر دکھاتے نظر آئیں گے۔ واضح رہے کہ سارا علی خان گزشتہ برس 2 سُپر ہٹ فلموں میں کام کرنے کے بعد رواں برس امتیاز علی کی فلم ’لو آج کل‘ کے سیکوئل کی شوٹنگ میں بھی مصروف ہیں جبکہ ورون دھون نے رواں برس کرن جوہر کی فلم کلنک میں کام کیا ہے۔

ممبئی(ایمرا نیوز آن لائن)

بالی ووڈ میں ’دلبر گرل‘ کے نام سے مشہور مراکشی اداکارہ نورا فاتحی نے پاکستانی سپر اسٹارماہرہ خان کی فلم میں کام کرنے کے حوالے سے خاموشی توڑدی ہے۔ گزشتہ دنوں میڈیا میں خبریں گردش کررہی تھیں کہ ماضی کے مشہور گیت ’دلبردلبر‘ پر آئٹم نمبر کرکے شہرت حاصل کرنے والی بالی ووڈ کی آئٹم گرل نورا فاتحی کو پاکستانی اداکارہ ماہرہ خان کی آنے والی فلم ’سپر اسٹار‘ میں کاسٹ کرنے کا فیصلہ کیا گیا ہے، نورا بالی ووڈ کی طرح اس فلم میں بھی آئٹم نمبر کرتی نظر آئیں گی۔

نورا کی پاکستانی فلم میں شمولیت کی خبر نے ان کے پاکستان میں موجود چاہنے والوں کو پُرجوش کردیا تھا، تاہم نورا کی جانب سے پاکستانی فلم سائن کرنے یا نہ کرنے کے حوالے سے کوئی بیان سامنے نہیں آیا تھا لیکن اب نورا نےاس معاملے پر خاموشی توڑدی ہے۔

بھارتی میڈیا کے مطابق نورا فاتحی نے فلم ’سپر اسٹار‘ میں آئٹم نمبر کرنے کے حوالے سے بیان دیتے ہوئے کہا ہے کہ مجھے نہیں معلوم کہ یہ افواہ کہاں سے پھیلی، تاہم میں واضح کرنا چاہتی ہوں کہ اس خبر میں کوئی صداقت نہیں، نہ میں نے کوئی پاکستانی فلم سائن کی ہے اورنہ ہی فلم ’سپراسٹار‘ میں ڈانس نمبر کررہی ہوں بلکہ میں تو یہ خبر سن کر حیران ہوں۔ نورا نے مزید کہا اس وقت میرا دھیان مکمل طور پر اپنے کیریئر پر ہے آئٹم سونگز پر نہیں۔ واضح رہے کہ ماہرہ خان ان دنوں فلم ’سپر اسٹار‘ کی شوٹنگ میں مصروف ہیں جس میں ان کے مد مقابل اداکار بلال اشرف مرکزی کردار میں نظر آئیں گے۔

ممبئی (M92)بولی وڈ کی نوجوان اداکارہ عالیہ بھٹ اپنے کیریئر میں تیزی سے آگے بڑھ رہی ہیں، ایک کے بعد ایک فلم میں بہترین اداکاری کے جوہر دکھانے والی عالیہ کی اگلی فلم ’راضی‘ کی پہلی جھلک ریلیز کردی گئی۔فلم ’راضی‘ میں عالیہ بھٹ ایک کشمیری لڑکی کا کردار ادا کرتی نظر آئیں گی۔اس فلم میں اپنے کردار کی جھلک عالیہ نے اپنے انسٹاگرام اکاؤنٹ پر ریلیز کی، جس میں وہ نہایت خوبصورت نظر آرہی ہیں۔ویسے تو عالیہ کی اس تصویر کو دیکھ کر آپ کو ایسا محسوس ہورہا ہوگا کہ وہ نہایت سادی اور شرمیلی لڑکی کے روپ میں نظر آئیں گی، تاہم یہ جان کر حیرت ہوگی کہ وہ اس فلم میں ایک جاسوس کا کردار ادا کررہی ہیں۔میگھنا گلزار کی ہدایات میں بننے والی اس فلم کی ریلیز میں 6 ماہ باقی ہیں، جس میں اداکار وکی کوشل پہلی مرتبہ عالیہ بھٹ کے ساتھ کام کرتے نظر آئیں گے۔عالیہ نے اسٹوڈنٹ آف دی ایئر کے ساتھ شاندار ڈیبیو کیا —۔عالیہ بھٹ نے بولی وڈ میں اپنے کیریئر کا آغاز 2012 کی فلم ’اسٹوڈنٹ آف دی ایئر‘ کے ساتھ کیا، جس کے بعد سے وہ اب تک کئی مختلف اور دلچسپ کردار ادا کرتی نظر آئیں۔انہوں نے اپنی فلم ’ہائی وے‘ میں بھی شاندار اداکاری سے سب کا دل جیت لیا تھا، اس فلم کا موضوع بچوں کے ساتھ ہونے والے جنسی تشدد پر تھا۔اڑتا پنجاب میں عالیہ بہاری لڑکی کے روپ میں نظر آئیں —۔عالیہ کی گزشتہ سال ریلیز ہوئی فلم ’اڑتا پنجاب‘ میں انہوں نے ایک بہاری لڑکی کا کردار ادا کیا۔اس فلم کے لیے عالیہ کو کئی ایوارڈز سے بھی نوازا گیا تھا۔

ممبئی(M92)بالی وڈ کے بعد ہالی وڈ کے بڑے بڑے اداکار بھی سلمان خان سے باکس آفس پر مقابلہ کرنے سے کترانے لگے ہیں اور انہوں نے اپنی فلموں کی نمائش کی تاریخیں ہی بدل ڈالی ہیں۔میڈیا رپورٹ کے مطابق سلمان خان 5 سال کے وقفے کے بعد سابقہ محبوبہ کترینہ کیف کے ساتھ فلم ’ٹائیگر زندہ ہے‘ میں ایکشن میں نظرآئیں گے۔ دونوں سپر اسٹارز کی فلم ایکشن فلم ہے اور 2012 کی ’ایک تھا ٹائیگر‘ کا سیکوئل ہے۔سلومیاں کو باکس آفس کا ’سلطان‘ مانا جاتا ہے اور ان کی فلمیں باکس آفس پر کمائی کے ریکارڈ بنانے کے حوالے سے شہرت رکھتی ہیں تاہم ان کی فلم ٹیوب لائٹ باکس آفس پر خاطر خواہ کارکردگی نہیں دکھا سکی تھی۔دبنگ خان کی ’بجرنگی بھائی جان‘ اور ’سلطان‘ نے باکس آفس پر کمائی کے ریکارڈ بنائے اور ان یہ فلمیں بالی وڈ کی سب سے زیادہ کمائی کرنے والی 10 فلموں کی فہرست میں شامل ہیں۔سلمان خان کی مقبولیت اور باکس آفس ریکارڈ نے ہالی وڈ اداکاروں کو بھی مشکل میں ڈال دیا ہے اور اسی لیے نامور ہالی وڈ اداکار بھی باکس آفس پر دبنگ خان سے مقابلے کرنے سے کترانے لگے ہیں۔بھارتی میڈیا رپورٹس کے مطابق ہالی وڈ اداکار ڈین جونسن کی فلم ’جمان جی ٗ ویلکم ٹو دی جنگل‘ 20 دسمبر کو بھارت میں نمائش کیلئے پیش کی جانی تھی تاہم پروڈیوسرز نے سلمان کی فلم’ٹائیگر زندہ ہے‘ سے باکس آفس پر تصادم سے گریز کرتے ہوئے فلم کی نمائش کی 29 دسمبر کو کر دی ہے۔ایک اور ہالی وڈ اداکار جیک مین کی فلم’ دی گریٹسٹ شو مین‘ بھی کرسمس کے موقع پر پیش کی جانی تھی تاہم اب یہ فلم بھارت میں یکم جنوری 2018 کو ریلیز کی جائے گی۔سلمان خان کی ’ٹائیگر زندہ ہے‘ 22 دسمبر کو نمائش کے لیے پیش کی جائے گی جس میں کترینہ کیف ان کے مدمقابل مرکزی کردار ادا کر رہی ہیں۔

ممبئی(M92) نامور بالی ووڈ اداکار رنویر سنگھ کی جانب سے کی جانے والی ٹوئٹ کہ وہ اپنا مذہب کھورہے ہیں نے سوشل میڈیا پر نئی بحث چھیڑ دی ہے اور مداح پریشانی کا شکار ہیں کہ رنویر نے آخر یہ ٹوئٹ کیوں کی ہے۔بالی ووڈ میں ان دنوں چاروں طرف صرف ’’پدماوتی‘‘کی گونج جاری ہے، فلم کے گانے گھومر میں دپیکا کا ڈانس ہو، فلم کی کہانی کو لے کر بھارتی وزرا کے تحفظات ہوں یا فلم کے ہدایت کار سنجے لیلا بھنسالی پر تشدد کرنےکا معاملہ ہو، بھارتی میڈیا پر صرف ’’پدماوتی‘‘ہی چھائی ہوئی ہے۔
فلم پہلے ہی متعدد تنازعات کا شکار ہے اور اب اداکار رنویر سنگھ کی ٹوئٹ نے ایک نئے تنازعے کو جنم دیدیا ہے۔ اداکار رنویر سنگھ فلم میں مسلمان بادشاہ علاؤالدین خلجی کاکردار نبھارہے ہیں جو دہلی پر حکومت کرنے والے دوسرے طاقتور ترین سلطان تھے۔ رنویر سنگھ نے خود کو اس کےکردار میں ڈھالنے کے لیے بہت محنت کی اور کردار میں حقیقت کا رنگ بھرنے کے لیے خود کو مکمل طور پر علاؤالدین کے کردار میں ڈھال لیا یہاں تک کہ شوٹنگ ختم ہونے کے بعد انہوں نے اس کردار سے نکلنے کے لئے نفسیاتی ڈاکٹر سے اپنا علاج بھی کرایا لیکن لگتا ہے رنویر علاؤالدین خلجی کے کردار میں ہی موجود ہیں اور ابھی تک خود کو اس کردار سے آزاد نہیں کراسکے ہیں۔
اس خبرکوبھی پڑھیں: ’’پدماوتی‘‘ کی راہ میں ایک اور مشکل کھڑی ہوگئی
گزشتہ روز رنویر سنگھ نے اپنی تصویر کے ساتھ ایک ٹوئٹ کی ہے’’میں اپنا مذہب کھورہاہوں‘‘لیکن انہوں نے اپنی ٹوئٹ کی وضاحت نہیں کی ہے کہ آخر وہ کہنا کیا چاہ رہے ہیں۔ تاہم رنویر کی اس مختصر سی ٹویٹ نے سوشل میڈیا پر ہنگامہ مچادیا ہے۔ کچھ لوگوں کا کہنا ہے کہ رنویر نے فلم میں ایک مسلم سلطان کا کردار نبھایا ہے اوراس کے اثرات شاید اب بھی موجود ہیں اسی لیے انہوں نے یہ ٹوئٹ کی ہے۔ جب کہ کچھ لوگوں کا خیال ہے کہ فلم مختلف تنازعات کا شکار ہے اس وقت رنویر کو یہ ٹوئٹ نہیں کرنی چاہئے تھی اس سے فلم کی ریلیز پر مزید منفی اثر پڑے گا۔