Tag بجلی

اسلام آباد (ویب ڈیسک)حکومت کی جانب سے بجلی کی قیمت میں اضافہ کر دیا گیا ہے.تفصیلات کے مطابق بجلی ایک سال کے لئے 1 روپیہ 70 پیسے فی یونٹ مہنگی کرنے کا اعلان کیا گیا ہے. حکومت کی جانب سے پیٹرول بم کے بعد اب عوام کو بجلی کا بڑا جھٹکا لگایا گیا ہے. نیپرا کی جانب سے بجلی ایک سال کیلئے 1 روپیہ 72 پیسے فی یونٹ مہنگی کر دی گئی ہے جس کے بعد بجلی کی فی یونٹ قیمت 16.44 سے بڑھ کر 18.16 روپے فی یونٹ ہو گئی ہے، اور اس فیصلے سے بجلی صارفین پر 90 ارب روہے کا بوجھ پڑے گا، اس حوالے سے اتھارٹی نے بجلی مہنگی کرنے کا نوٹیفیکیشن بھی جاری کر دیا ہے۔
نیپرا کا اس حوالے سے کہنا ہے کہ بجلی کی قیمت میں ہونے والا حالیہ اضافہ 2019-20 اور 2020-21 کی سہہ ماہی ایڈجسٹمنٹس کی مد میں کیا گیا ہے . فیصلے کا اطلاق 300 یونٹ سے زائد استعمال کرنے والوں پر ہو گا جبکہ کے الیکٹرک صارفین پر فیصلے کا اطلاق نہیں ہو گا۔

اسلام آباد (ویب ڈیسک) ملک بھرمیں بجلی کی پیداواری لاگت میں 60 فیصد تک کا اضافہ ہوا ہے۔تفصیلات کے مطابق گزشتہ ایک سال میں بجلی کی پیداواری لاگت میں تک اضافہ جبکہ ڈیزل،فرنس آئل، کوئلہ، ایل این جی اور گیس پر بجلی کی پیداواری لاگت بھی بڑھ گئی۔ایک سال میں ڈیزل پر بجلی کی پیداواری لاگت 3 روپے19 پیسے فی یونٹ بڑھی۔ ڈیزل سے فی یونٹ کی لاگت 19.43 روپے سے بڑھ کر 22.62 روپے تک پہنچ گئی ۔قدرتی گیس سے گزشتہ سال کی نسبت گزشتہ ماہ 62 پیسے فی یونٹ مہنگی بجلی پیدا کی گئی۔ ایک سال میں ایل این جی سے بجلی کی پیداواری لاگت 6 روپے 42 پیسے فی یونٹ بڑھ گئی۔ ایل این جی سے بجلی کا یونٹ 7.02 روپے سے مہنگا ہو کر 13.44 روپے میں پیدا ہوا.ایران سے درآمدی بجلی کے نرخوں میں بھی 2 روپے 14 پیسے تک اضافہ ہوا۔ خیال رہے کہ اگست 2020 میں ایران سے فی یونٹ 10.21 روپے اب 12.35 روپے میں درآمد کیا۔

اسلام آباد (ویب ڈیسک) چیئرمین فیڈرل بورڈ آف ریونیو کی جانب سے ٹیکس چوری کے حوالے سے سخت اقدامات اٹھانے کا فیصلہ کیا ہے.تفصیلات کے مطابق ایف بی آر کا کہنا ہے کہ اگر ٹیکس چوری ثابت ہوئی تو سم بند، بجلی اور گیس کے کنکشن منقطع کر دیے جائیں گے۔چیئرمین فیڈرل بورڈ آف ریونیو نے قومی اسمبلی کی قائمہ کمیٹی خزانہ کے اجلاس میں بریفنگ دی .انہوں نے کہا کہ رواں مالی سال2021-22 کے پہلے 2 ماہ میں 850 ارب روپے کے محصولات جمع ہوئے، صدارتی آرڈیننس سے ٹیکس آمدن بڑھائیں گے اور آمدن چھپانے والوں کو نوٹس بھی جاری کئے جائیں گے.

اسلام آباد (ویب ڈیسک)مہنگائی سے ستائی عوام کے لیے ایک اور بم گرانے کا انکشاف ہوا ہے.تفصیلات کے مطابق سینٹرل پاور پرچیز ایجنسی (سی سی پی اے) نے نیشنل الیکٹرک پاور ریگولیٹری اتھارٹی (نیپرا) کو بجلی 2 روپے 7 پیسے مہنگی کرنے کی سمری بھجوا دی ہے.۔ سی سی پی اے کے مطابق بجلی کی قیمتوں میں اضافہ ماہانہ فیول پرائس ایڈجسٹمنٹ کی مد میں کیا جارہا ہے۔اگر یہ سمری منظورہو جاتی ہے تو صارفین پر25 ارب روپے کا بوجھ پڑے گا۔سی پی پی اے کی طرف سے بھیجی گئی سمری میں کہا گیا ہے کہ گزشتہ ماہ ‏15 ارب یونٹ بجلی کی لاگت 106 ارب روپے رہی جب کہ ‏20 پیسے فی یونٹ لائن لاسز کی نذرہوگئے.علاوہ ازیں حکومت نے گزشتہ ماہ ڈیزل پرتاریخ کی مہنگی ترین بجلی پیدا کی، ڈیزل پر22 روپے 62 پیسے فی یونٹ جب کہ فرنس آئل سے بجلی کی پیداواری لاگت 18 روپے 24 پیسے فی یونٹ رہی۔ اسی طرح ایل این جی پربھی 13 روپے 44 پیسے فی یونٹ بجلی پیدا کی گئی۔

لاہور (ویب ڈیسک)بجلی کی قیمتوں میں اضافے کے بعد اب لیسکو کی جانب سے ایک اور جھٹکا عوام کو دینے کا فیصلہ کیا گیا ہے .تفصیلات کے مطابق
لاہورالیکٹرک سپلائی کمپنی (لیسکو) نے ریکوری کو بڑھانے کے لیے بلوں کی اقساط کرنے پر مکمل پابندی عائدکردی ہے۔لیسکو کی جانب سے یہ پابندی گھریلو ،کمرشل اور تجارتی صارفین کے لیے ہو گی. علاوہ ازیں 30 ستمبر تک تمام بقایا جات والے کنکشنزکوبھی منقطع کرنے کا حکم دیا گیا ہے.۔
لیسکو حکام کا اس حوالے سے کہنا ہےکہ بجلی کے بلوں کی ریکوری اس وقت 94 فیصد ہے جوکہ کم ترین سطح پر ہے لہذٰا اسے ہر صورت 100 فیصد تک لایا جائے گا۔ان کا مزید کہنا تھا کہ 2 ماہ سے زائد کے بقایا جات والوں کو اقساط کی سہولت نہیں دی جائے گی. 4 ماہ پہلے بھی اس حوالے سے پابندی لگائی گئی تھی لیکن اس پر عمل درآمد نہیں ہوسکا تھا۔

قیمت میں اضافہ جنوری کی فیول پرائس ایڈجسٹمنٹ کی مد میں ہوا، صارفین پر آئندہ ماہ 13 ارب 50 کروڑ کا اضافی بوجھ پڑے گا
اسلام آباد (ایمرا نیوز آن لائن)بجلی کی قیمتوں میں ایک بار پھر اضافہ کردیا گیا ، نیپرا نے ایک ماہ کیلئے بجلی کی قیمتوں میں 1 روپے 80 پیسے فی یونٹ کا اضافہ کردیا۔جب کہ قیمت میں اضافہ جنوری کی فیول پرائس ایڈجسٹمنٹ کی مد میں ہوا، صارفین پر آئندہ ماہ 13 ارب 50 کروڑ کا اضافی بوجھ پڑے گا۔نیپرا کے مطابق جنوری میں فرنس آئل سے مہنگی بجلی پیدا کی گئی، سنٹرل پاور پرچیزنگ ایجنسی تحریری طور پر بتائے کہ فرنس آئل سے بجلی کیوں پیدا کی، گزشتہ ماہ بھی تفصیلات مانگی گئیں لیکن سی پی پی اے نے جواب نہیں دیا تاہم اگر ایل این جی سے پیداوار ہوتی تو قیمت میں اضافے کے بجائے کمی ہو سکتی تھی۔ ذرائع کے مطابق گزشتہ ایک ماہ کے دوران پاور پلانٹس سے مہنگی بجلی پیدا کی گئی، اسی باعث نیپرا کو بجلی کی فی یونٹ قیمت میں اضافہ کرنے کی سفارش کر گئی۔2 ماہ کے بعد شمالی علاقہ جات میں ہونے والی مسلسل برفباری کے باعث دریاوں میں پانی کی کمی واقع ہوئی ہے۔ اسی باعث ڈیموں سے بجلی کی پیداوار میں کمی ہوئی اور مجورا کمپنیوں کو فرنس آئل سے مہنگی بجلی پیدا کرنا پڑی۔واضح رہے کہ اس سے قبل بھی گزشتہ چند ماہ کے دوران بجلی کی قیمتوں میں کئی روپے کا اضافہ کیا جا چکا ہے۔حکومت کو بجلی کی قیمتیں بڑھانےمیں شدید عوامی دبا کا سامنا کرنا پڑ رہا ہے۔اگست میں بھی نیپرا نے نے ڈسکوز کو صارفین کے بجلی کے نرخ 36 پیسہ فی یونٹ بڑھانے کی منظوری دی تھی۔ ستمبر میں نیپرا نے بجلی کی قیمت میں فی یونٹ تقریبا 2 روپے بڑھانے کی منظوری دی تھی، جس کے تحت ڈسکوز نے صارفین سے اضافی 200 ارب وصول کیے تھے۔اکتوبر میں نیپرا نے بجلی کے نرخوں میں 20پیسے فی یونٹ اضافے کی منظوری دی تھی جس سے بجلی صارفین پر 2 ارب 50کروڑ کا اضافی بوجھ پڑا۔ستمبر میں فیول لاگت 5روپے 12پیسے فی یونٹ تھی۔تقسیم کار کمپنیوں کو دی جانے والی بجلی کی قیمت 5روپے 56 پیسے فی یونٹ تھی۔