Tag صدر ایمرا آصف بٹ

ویب ڈیسک : نئی دہلی میں46سال کی ریکارڈ بارش ہوئی ہے اس سے پہلے1975 میں 1050ملی میٹر بارش ریکارڈ کی گئی تھی. بھارتی دارالحکومت نئی دہلی میں مون سون بارش نے نظام زندگی متاثر کر دیا۔ مون سون سیزن میں 1100 ملی میٹر بارش ریکارڈ کی گئی ہے.
بھارتی محکمہ موسمیات کے مطابق عام طور پر دہلی میں مون سون سیزن کے دوران 648.9 ملی میٹر بارش ریکارڈ کی جاتی ہے۔
بھارتی میڈیا کے مطابق نئی دہلی میں سڑکیں اورگلیاں پانی میں ڈوبی ہوئی ہیں اورآمدورفت کانظام بری طرح سے متاثرہوا ہے۔

بھارتی محکمہ موسمیات نے دہلی اور اس سے ملحقہ علاقوں میں گرج چمک کے ساتھ مزید موسلادھار بارش کی پیش گوئی کرتے ہوئے اورنج الرٹ جاری کر دیا ہے۔

انڈین میڈیا کے مطابق نئی دہلی میں موسلادھاراورطوفانی بارش کےبعد ایئر پورٹس گلیوں اورسڑکوں پرپانی جمع ہوگیا۔ نئی دہلی سے 4 ڈومیسٹک اور بین الاقوامی پرواز وں کوجے پور اور احمد آباد کی طرف موڑ دیا گیا.

خراب موسم نے ہوائی اڈے پر فلائٹ آپریشن کو متاثر کیا ہے۔ ایئرلائنز نے مسافروں سے درخواست کی ہے کہ وہ ائیر پورٹ سے روانگی سے قبل اپنی فلائٹ سٹیٹس کو ٹریک کریں۔

الیکٹرانک ووٹنگ مشینوں سے متعلق الیکشن کمیشن اور وزرات سائنس اینڈ ٹیکنالوجی کی ٹیکنیکل کمیٹی کا اجلاس 15 ستمبر کو طلب کر لیا گیا ہے
ذرائع وزارت سائنس و ٹیکنالوجی کا کہنا ہے کہ الیکشن ایکٹ مسترد ہونے کے باوجود ٹیکنیکل ٹیموں کا اجلاس ہوگا اجلاس میں وزارت سائنس اینڈ ٹیکنالوجی کی ٹیم الیکشن کمیشن کے اعتراضات پر جواب دے گی۔
اجلاس میں وزارت سائنس اینڈ ٹیکنالوجی37اعتراضات پرجواب دےگی۔الیکشن کمیشن کے اعتراضات میں سے27استعداد،10 مشین سے متعلق ہیں۔
واضح رہے سینیٹ کی قائمہ کمیٹی برائے پارلیمانی امور نے الیکٹرونک ووٹنگ مشین، اوورسیز پاکستانیوں کیلئےآئی ووٹنگ،اوپن بیلٹ کے ذریعے سینیٹ انتخابات سمیت الیکشن ایکٹ میں بیشترحکومتی ترامیم کو مسترد کرچکی ہے
کمیٹی نےسینیٹ انتخابات خفیہ کی بجائےاوپن رائےشماری سےکرانے سےمتعلق ترمیم بھی مسترد کر دی ہے۔
دوسری جانب 60 روز کے اندر حلف نہ اٹھانے والے رکن کی نشست ختم کرنے سے متعلق سیکشن میں ترمیم مستردنہیں کی گئی تاہم اس ترمیم کااطلاق آئندہ الیکشن کے بعد ہوگا۔ اجلاس میں الیکٹرانک ووٹنگ مشین کے معاملے پر وفاقی وزیر اعظم سواتی نے الیکشن کمیشن پر چڑھائی کی اور الزام عائد کیا کہ الیکشن کمیشن حکومت کا مذاق اڑا رہا ہے اس نے پیسے پکڑے ہوئے ہیں۔ اعظم سواتی نےاجلاس میں کہاکہ الیکشن کمیشن جیسےاداروں کوآگ لگا دینی چا ہئے۔جس کےبعدکمیٹی اجلاس میں ماحول گرم ہو گیا اور الیکشن کمیشن ارکان میٹنگ سے اٹھ کر چلے گئے۔ ای وی ایم کے مسئلے پر الیکشن کمیشن اورحکومت کےآمنے سامنےہونےکے باوجود ٹیکنیکل ٹیموں کا اجلاس طلب کر لیا گیا ہے

اقوام متحدہ کی سلامتی کونسل نےامریکہ میں نائن الیون کے دہشت گردانہ حملوں کے 20 سال مکمل ہونے پر دہشت گردی کے خلاف جنگ جاری رکھنے کے عزم کا اعادہ کیا ہے ۔
سلامتی کونسل نے ایک پریس بیان میں کہا کہ سلامتی کونسل کے اراکین آج بھی اتنے ہی متحد ہیں جتناکہ 20 سال پہلے دہشت گردی کی تمام اشکال اورکسی بھی جگہ پراس کے ابھرنے کو بین الاقوامی قانون کے مطابق روکنے اور اس کا مقابلہ کرنے کے لئے پرعزم تھے ۔
بیان میں کہا گیا ہے کہ اس بات کو سمجھتے ہوئے کہ ان حملوں میں 90 سے زائد ممالک نے اپنے شہریوں کو کھویا ، سلامتی کونسل کے ارکان ہلاک ہونے والوں کے اہل خانہ اور دوستوں کے ساتھ تعزیت کا اظہار کرتے ہیں۔
بیان میں کہا گیا کہ آج ، سلامتی کونسل کے اراکین اقوام متحدہ کے منشورمیں آنے والی نسلوں کو جنگ کی لعنت سے بچانے اور بین الاقوامی امن وسلامتی کو برقرار رکھنے کے لئے متحد رہنے کے عزم کااعادہ کرتے ہیں۔ بیان میں مزید کہاگیا ہے کہ دنیا کو زیادہ محفوظ اور مامون بنانے کے لئے ہمارے اہم ترین مقصد میں یہ عہد تمام ممالک کی رہنمائی کے لئے روشنی فراہم کرتا ہے۔

متحدہ عرب امارات کا کہنا ہے کہ اقامہ رکھنےوالےایسےافرادکوملک میں داخلےکی اجازت ہوگی جنہوں نے عالمی ادارہ صحت کی منظورشدہ کوروناویکسین لگوائی ہوگی ۔
“این سی ای ایم اے” اور “آئی سی اے” کاکہناہےکہ اہل افرادکو12ستمبر2021 سےواپس آنے کی اجازت ہوگی۔ اس فیصلے کا اطلاق پاکستان، بنگلہ دیش، بھارت، نیپال، سری لنکا، ویتنام، نمیبیا، زیمبیا، جمہوریہ کانگو، یوگنڈا، سیرا لیون، لائبیریا، جنوبی افریقہ، نائجیریا اور افغانستان سے آنے والے مسافروں پر ہوگا۔ دبئی جانیوالے مسافروں کو عالمی ادارہ صحت کی جانب سے منظور شدہ کوروناویکسین لگوانی ہوگی.

متحدہ عرب امارات روانگی پرمنظور شدہ ویکسی نیشن سرٹیفکیشن پیش کرنے کے علاوہ فیڈرل اتھارٹی فار آئیسیٹی اینڈ سٹیزن شپ (آئی سی اے) کی ویب سائٹ کے ذریعے درخواست دینی ہوگی اورضروری منظوری حاصل کرنے کیلئے ویکسی نیشن کی درخواست مکمل کرنی ہوگی۔
روانگی سےقبل48گھنٹےقبل کورونا ٹیسٹ منفی آنے کی رپورٹ ویب سائٹ پراپلوڈ کرنی ہوگی۔ پی سی آر ٹیسٹ منظورشدہ لیب سے ہی کرایا جائے جو کیو آرکوڈ جاری کرتی ہیں ـ
دبئی پہنچنے کے چوتھے اورآٹھ دن بعدایک اور ٹیسٹ بھی کیاجائےگاجبکہ تمام احتیاطی تدابیر بھی اپنانی ہوں گی۔16سال کےبچوں پران پابندیوں کا اطلاق نہیں ہوگا۔ اتھارٹی کا مزید کہنا ہے کہ وہ اقامہ ہولڈرز جنہوں نے ویکسین کی دونوں منظور شدہ خوراکیں لی ہوئی ہیں مگر انکا اقامہ ایکسپائر ہوچکا انہیں چاہئے کہ وہ متعلقہ ادارے سے امارات داخل ہونے کے لیے نیا اجازت نامہ حاصل کریں اور امارات آنے کے بعدمتعلقہ ادارے سے رجو ع کرنے پر انکے اقامتی معاملات درست کیے جائیں گےـ

بھارتی فلم اسٹاراکشےکمارکی والدہ ارونا بھاٹیا ہیرانندانی اسپتال میں انتقال کرگئیں. اکشے کمار کی والدہ ارونا بھاٹیا ممبئی کے ہیرانندانی اسپتال میں گزشتہ 2 روز سے زیرعلاج تھیں۔
اکشے کمار نے اپنی والدہ کے انتقال کی تصدیق سوشل میڈیا سائٹس ٹوئٹر اور انسٹاگرام پوسٹس کے ذریعے کی۔جس میں انہوں نے لکھا کہ میری ماں میرے لیے سب کچھ تھیں، میں آج ایسا ناقابل درد محسوس کر رہا ہوں جو میرے لیے پرداشت کرنا مشکل ہے۔ میری ماں ارونا بھاٹیہ آج اس دنیا سے رخصت ہو گئی ہیں۔
اکشے کمار نے ٹویٹ میں لکھا تھا کہ یہ وقت میرا اور میرے خاندان والوں کے لیے بہت مشکل ہے اور والدہ کی جلد صحتیابی کے لیے دعا کی اپیل کرتا ہوں۔ اداکار اکشے کمار اپنی نئی فلم ’’سنڈریلا‘‘ کی شوٹنگ کے لیے لندن گئے ہوئے تھے تاہم والدہ کی ناساز طبیعت کی خبر سن کے گزشتہ روز ہی بھارت واپس پہنچے تھے۔

زمین ڈاٹ کام کی جانب سے ملکی تاریخ میں پہلی مرتبہ پریمیم افیلیٹ پروگرام متعارف کروا دیا گیا. سینئر ڈائریکٹرسیلز لئیق چودھری کا کہنا ہے کہ پریمیم افیلیٹ بننے والی رئیل اسٹیٹ ایجنسیز کو کاروباری ترقی کے مزید مواقع فراہم کریں گے. پاکستان کے سب سے بڑے پراپرٹی ادارے زمین ڈاٹ کام نے اپنے ساتھ منسلک ایجنسیز کے لئے پریمیم افیلیٹ پروگرام متعارف کروادیاہے۔ یہ ملکی تاریخ میں اپنی نوعیت کا پہلا پروگرام ہے جس کے ذریعے زمین ڈاٹ کام کے ساتھ بطور افیلیٹ منسلک ہونے والی رئیل اسٹیٹ ایجنسیز کو کاروباری ترقی کے مزید مواقع حاصل ہوں گے۔ اس پروگرام کے مطابق سب سے اچھا کاروباری ریکارڈ رکھنے والی زمین ڈاٹ کام کی افیلیٹ ایجنسیز کو پریمیم افیلیٹ کا درجہ دیا جائے گا۔ جس کے تحت ان ایجنسیز کو کاروباری ترقی کے لئے زمین ڈاٹ کام کی جانب سے مخصوص سہولیات بھی فراہم کی جائیں گی۔
سینئر ڈائریکٹر سیلززمین ڈاٹ کام لئیق چودھری کاکہنا تھا کہ پریمیم افیلیٹ پروگرام رئیل اسٹیٹ شعبے میں ایک اہم سنگ میل ثابت ہو گا۔ اس پروگرام کے ذریعے زمین ڈاٹ کام کی افیلیٹ ایجنسیز کی کاروباری صلاحیت میں اضافہ ہو گا۔ پریمیم افیلیٹ کا درجہ حاصل کرنے والی رئیل اسٹیٹ ایجنسیز کی زمین ڈاٹ کام کے آن لائن پلیٹ فارمز پر نہ صرف تشہیر کی جائے گی بلکہ انہیں میڈیا کوریج سمیت دیگر اہم سہولیات بھی فراہم کی جائیں گی، جو ان کے کاروبار کو ترقی کی نئی منازل تک لے جانے معاون ثابت ہوں گی۔

زمین ڈاٹ کام کے ہیڈ آف افیلیٹ نیٹ ورک قاسم رانا کا کہنا تھا کہ ابتدائی طور پر پریمیم افیلیٹ پروگرام متعارف کروانے کے ساتھ ہی اب تک تیس سے زائد افیلیٹ ایجنسیز کو پریمیم افیلیٹ کا درجہ دے دیا گیا ہے۔ یہ وہ ایجنسیز ہیں جنہوں نے اپنی پیشہ ورانہ صلاحیتوں کو بروئے کار لاتے ہوئے بہترین کاروباری ترقی کا سفر طے کیا ہے۔ ہم پُر امید ہیں کہ مستقبل قریب میں مزید ایسی ایجنسیز کو بھی پریمیم افیلیٹ کا درجہ دے کر رئیل اسٹیٹ شعبے کو ترقی کی نئی جہت سے متعارف کروائیں گے۔

اداکارہ اشنا شاہ نےفوٹو اینڈ ویڈیو شیئرنگ ایپ انسٹاگرام پر اپنی نئی تصاویر شیئر کیں جس میں انہوں نے بھارتی اداکارؤں کی طرز کا لباس زیب تن کیا ہوا ہے، تصاویر کے کیپشن میں اداکارہ نے لکھا” کنگناسین کے پیچھے”۔
سٹاربشار مومن نے حال ہی میں کنگنا گانے کی شوٹنگ کی کچھ تصاویر شائع کیں، نکی نینا برانڈ کا تیار کیا گیا عروسی جوڑا پہنے اشنا شاہ خوبصورت لگ رہی ہیں، وائرل ہونے والی تصاویر میں اداکارہ اشنا شاہ کے نامناسب لباس زیب تن کرنے پر صارفین نے کڑی تنقید کی اور لباس کو فحش قرار دیا جبکہ کچھ نے اداکارہ کے ان کے حسن کی تعریف کرتے اپنی محبت کا اظہار بھی کیا۔

سوشل میڈیا پر صارفین کی جانب کمنٹس سیکشن میں نازیبا اور غیراخلاقی الفاظ استعمال کئے جارہے ہیں، اس حوالے سے ابھی تک اداکارہ کی جانب سے کوئی بیان سامنے نہیں آیا۔

پاکستان شوبز انڈسٹری کی معروف اداکارہ اشناشاہ کا شمار شوبز کی ان اداکاراؤں میں ہوتا ہے جنہوں نے متعدد سیریلز میں بہترین اداکاری کرتے ناظرین کو محظوظ کیا، اداکارہ اشنا شاہ نےفوٹو اینڈ ویڈیو شیئرنگ ایپ انسٹاگرام پر اپنی نئی تصاویر شیئر کیں جس میں انہوں نے بھارتی اداکارؤں کی طرز کا لباس زیب تن کیا ہوا ہے، تصاویر کے کیپشن میں اداکارہ نے لکھا” کنگناسین کے پیچھے”۔

ماضی میں حکومتیں کراچی کونظراندازکرتی رہی ہیں لیکن پی ٹی آئی کی حکومت کراچی میں ٹرانسپورٹ کی سہولتوں کی فراہمی یقینی بنائے گی:وزیر اعظم عمران خان
تفصیلات کے مطابق وزیراعظم عمران خان سے وزیرمنصوبہ بندی اسد عمر کی ملاقات ،وزیرِ اعظم عمران خان نے کہا کہ وفاقی حکومت پاکستان کے سب سے بڑے شہر کراچی میں لوگوں کو ٹرانسپورٹ کی سہولیات کی فراہمی یقینی بنائے گی، ماضی میں حکومتیں ملک کے اقتصادی مرکز کراچی کو نظر انداز کرتی رہیں۔ وفاقی وزیراسدعمرنےوزیراعظم کوکراچی کی ترقی کیلئےجاری مختلف منصوبوں پرپیشرفت سے آگاہ کیا۔ انہوں ںے وزیراعظم کو بتایا کہ کراچی سرکلر ریلوے (KCR) کی منظوری کا عمل جلد مکمل کرلیا جائے گا۔ کراچی میں روزگار کے لیے مزدوروں و افرادی قوت کی صنعتوں تک آسان رسائی حکومت کی اولین ترجیحات میں سے ایک ہے۔
وفاقی وزیرصنعت و پیداوار مخدوم خسرو بختیار نے وزیرِاعظم عمران خان کوانڈسٹریل زونز کی تعمیر، برآمدی ہدف کے حصول، چھوٹے اور درمیانے درجے کی صنعتوں کی ترقی کے لیے اقدامات اورآٹوپالیسی پرعملدرآمداورپیشرفت سےآگاہ کیا گیا۔
بڑے پیمانےکی صنعت کی پیداواررواں مالی سال کیلئے طےشدہ ہدف سےتجاوزکرنےکی امید ہےجوکہ ملکی اقتصادی صورتحال کیلئے خوش آئند ہے۔