Tag صدر ایمرا آصف بٹ

ویب ڈیسک: وزیر اعظم عمران خان کی زیرصدارت وفاقی کابینہ کا اجلاس ہوا۔ جس میں 21 نکاتی ایجنڈے پر غور کیا گیا۔وفاقی کابینہ نے ٹک ٹاک پر پابندی برقرار رکھنے کا فیصلہ کیا ہے۔کابینہ نے عدالتی فیصلوں اور احکامات کی روشنی میں ٹک ٹاک پر پابندی سے متعلق معاملے پرغورکیا گیا اورو فاقی کابینہ کی جا نب سے ٹک ٹاک پرپابندی برقرار رکھنے کا فیصلہ کیا گیا۔
اسلام آبادہائیکورٹ کی جانب سے اپنےتحریری فیصلے میں کہاتھاکہ پی ٹی اے ٹک ٹاک پر پابندی کا کوئی مناسب جواز پیش نہیں کر سکا۔ جب یہ تسلیم شدہ حقیقت ہے کہ ایک فیصد افراد ٹک ٹاک کا غلط استعمال کررہے ہیں تو سوشل میڈیا سائٹس پر پابندی حل نہیں۔ عدالت عالیہ کا اپنے فیصلے میں کہنا تھا کہ سوسائٹی میں تنزلی کی علامت کوسوشل میڈیا سائٹس پر موجود مواد سے نہیں ملایا جا سکتا، عالمی سطح پر ٹیکنالوجی کی غیر معمولی ترقی سوسائٹی میں بہت سے چیلنج سامنے لائی ہے۔

وفاقی کا بینہ کےاجلاس میں عدالتی فیصلوں اوراحکامات کی روشنی میں ویڈیو شیئرنگ ایپ ٹک ٹاک پر پابندی سے متعلق معاملے پر غور کیا اور کابینہ نے ٹک ٹاک پر پابندی برقرار رکھنے کا فیصلہ کیا۔ واضح رہے کہ پاکستان ٹیلی کام اتھارٹی نے ٹک ٹاک پر پابندی عائد کررکھی ہے اورایپ پرپابندی کیخلا ف درخواست پر اسلام آباد ہائی کورٹ نے پی ٹی اے کو معاملہ وفاقی کابینہ میں رکھنے کا حکم دیا تھا۔

ویب ڈیسک : چیئرمین پیپلز پارٹی بلاول بھٹو نے طالبان کی حکومت کو تسلیم کرنے سے متعلق وزیراعظم عمران خان کے بیان کو خوش آئند قرار دے دیا۔غیرملکی نشریاتی ادارے کو دیئے گئے انٹرویو چیئر مین پیپلزپارٹی بلاول بھٹو کا کہناتھاکہ طالبان کی حکومت کوتسلیم کرنے سےمتعلق وزیراعظم کا بیان خوش آئند ہے،میری تجویزہےکہ اس معاملے پروزیراعظم پارلیمان میں بھی بحث کرائیں۔ انہوں نے کہا کہ بدقسمتی سے اب تک اس اہم معاملے پر پارلیمان میں بحث نہیں ہو سکی۔
چیئرمین پیپلز پارٹی کا کہنا تھا کہ خطے کا امن افغانستان سے جڑا ہوا ہے،افغانستان کے مستقبل کا فیصلہ افغان عوام کوکرناہے۔افغان عوام کواپنےحقوق دیناہوں گے،چیئرمین پیپلز پارٹی بلاول بھٹو نے مطالبہ کیا کہ عالمی برادری افغانستان کی مدد کرے۔

امیر جماعت اسلامی سراج الحق کاتقریب سےخطاب کرتے ہوئے کہنا تھا کہ حکومت اپنی کارکردگی بہتر بنانے کی بجائے اداروں پر حملہ آور ہے۔ الیکشن کمیشن پر حملوں کی تاریخ میں کوئی ایسی مثال نہیں ملتی۔ انہوں نے کہا کہ حکومت ڈیجیٹل دھاندلی کے لیے الیکٹرانک ووٹنگ مشین پر بضد ہے۔سراج الحق کا کہنا تھاکہ بجلی کےنرخوں میں اضافےسےمتعلق صدارتی آرڈنینس کومسترد کرتے ہیں۔ حکومت کی نالائقی اورنااہلی کوروناسےزیادہ خطرناک ثابت ہورہی ہے۔
امیر جماعت اسلامی سراج الحق کہناتھا کہ ملک میں بے روزگاری،مہنگائی کی وجہ سے معاشی بدحالی کے زلزلے کی گرفت میں ہے، حکومتی ٹیم مافیاز پر مشتمل ہے جس کو عوام کی کوئی فکر نہیں ہے،پی ٹی آئی کا تین سالہ دورہ حکومت عوام کی محرمیوں،مایوسیوں اور پریشانیوں کی داستان ہے. حکومت کاکرپشن ختم کرنے کا دعویٰ کرپشن میں ریکارڈ اضافے میں تبدیل ہو گیا ہے.
امر جماعت اسلامی کامزید کہنا تھا کہ الیکشن کمیشن جیسے ادارے پر آئے روز تنقید اس کو کنٹرول کرنے کی سازش کا حصہ ہے۔ پاکستان میڈیا ڈویلپمنٹ اتھارٹی آمرانہ سوچ کی عکاس ہے.

وزیر مملکت فرخ حبیب نے کہا کہ الیکشن کمیشن نے اعتراضات خود اپنے ہی اوپر اٹھا دیے جبکہ ہم تو انتخابی اصلاحات کر کے الیکشن کمیشن کی مدد کر رہے ہیں۔
وزیر مملکت نے کہا کہ حزب اختلاف نے ای وی ایم مشین کو دیکھے بغیر مسترد کر دیا جبکہ الیکشن کمیشن کی پریس ریلیز میڈیا کو پہلے اور حکومت کو بعد میں ملتی ہے۔
الیکٹرانک ووٹنگ مشین کا استعمال دنیا کے بڑے ملکوں میں ہوتا ہے اور الیکشن کمیشن نے اپنی استعداد پر ہی سوالات اٹھا دیے۔
انہوں نے کہا کہ سپریم کورٹ کے حکم پر نئی فہرستیں تیار کی گئیں کیونکہ پرانی فہرستوں میں لاکھوں بوگس ووٹ درج تھے۔ پارلیمنٹ سپریم ادارہ ہے اور جو فیصلہ پارلیمنٹ میں ہو گا اسی پر عملدرآمد ہو گا۔
انہوں نے کہا کہ دھاندلی کی پیداوار ہمیں کہتے ہیں کہ وزیر اعظم ہاؤس دھاندلی کا گڑھ بنا دیا لیکن صاف شفاف انتخابات کی بنیاد الیکٹرانک ووٹنگ مشین پر ہی ہے اور دنیا شفاف انتخابات کے لیے ای وی ایم مشین پر کام کر رہی ہے۔

وزیراعلیٰ پنجاب کاکہنا تھاکہ عوام اپوزیشن کی منفی سیاست ہمیشہ کیلئے مستردکرچکے ہیں، ہماری حکومت نے عوام کے بنیادی مسائل کے حل پر توجہ مرکوز کی ہے، مختصر عرصے میں مختلف شعبوں میں اصلاحات کرکے نئی مثال قائم کی ہے۔
وزیر اعلیٰ عثمان بزدار نے کہا کہ ہماری حکومت نے پولیس، انتظامیہ اور دیگر اداروں سے سیاسی مداخلت کو ختم کیا ہے، ہر ادارے اور محکمے کو سرکاری امور کی انجام دہی میں آزادی دی ہے، ہماری سیاست صرف اور صرف عوام کی خدمت ہے، رکاوٹوں کے باوجود عوامی خدمت کے سفر میں رکاوٹ نہیں آنے دی۔
وزیراعلیٰ پنجاب عثمان بزدار کا کہنا ہے کہ انتقام کی سیاست کی ہے نہ یقین رکھتے ہیں، سابق دور میں مخالفین کو سیاسی انتقام کا نشانہ بنایا گیا، ماضی میں پولیس، انتظامیہ اور دیگر اداروں کو ذاتی مفاد کی خاطر استعمال کرکے غلط کلچر کو پروان چڑھایا گیا۔

این سی او سی کے جاری کردہ اعدادو شمار کے مطابق گزشتہ 24 گھنٹوں کے دوران مزید 58 افراد جاں بحق ہوگئے جبکہ مجموعی اموات کی تعداد 26 ہزار 720 ہو گئی۔ گزشتہ 24 گھنٹوں کے دوران ملک بھر میں مزید 3 ہزار 153 کورونا کیسز رپورٹ ہوئے۔ ملک میں کورونا کیسز کی مجموعی تعداد 12 لاکھ 4 ہزار 520 ہوگئی۔ گزشتہ 24 گھنٹوں کے دوران ملک بھر میں 57 ہزار 792 کورونا ٹیسٹ کیے گئے۔ گزشتہ24گھنٹے میں مثبت کیسز کی شرح 5.45 فیصد رہی۔

این سی او سی کے مطابق پنجاب میں ابتک12ہزار211افرادجان کی بازی ہار چکے ہیں جبکہ سندھ میں 7 ہزار 133، خیبرپختونخوا 5 ہزار 250، اسلام آباد 887، گلگت بلتستان 179، بلوچستان میں 342 اور آزاد کشمیر میں 718 افراد جان کی بازی ہار چکے ہیں۔ سندھ میں کوروناکیسزکی تعداد4لاکھ 44 ہزار464،خیبر پختونخوا میں ایک لاکھ 68 ہزار 258، پنجاب میں 4 لاکھ 13 ہزار 182، اسلام آباد میں ایک لاکھ 2 ہزار 617، بلوچستان میں 32 ہزار 569، آزاد کشمیر میں 33 ہزار 268 اور گلگت بلتستان میں 10 ہزار 162 ہو گئی ہے۔

پاکستان کی معروف اداکارہ ماہرہ خان نے فلم و ٹیلی ویژن کیلئے پراجیکٹس کےانتخاب کے نئے طریقہ کار اور کرداروں کے بارے میں کھل کر بات کی کہا کہ جیسا کہ میں بطور اداکارہ زندگی گزار رہی ہوں تو میرے ساتھ یہ ہوا کہ فلم و ڈراما میں میں جو کردار ادا کر رہی ہوتی ہوں اسے جینے لگ جاتی ہوں۔ اداکارہ ماہرہ خان نے بتایا کہ وہ کبھی اس طرح کی زندگی گزارنے کی مکمل عادی نہیں رہیں، بلکہ اس سے بہت ڈرتی تھی۔ ماہرہ کا کہنا تھا کہ اب میں یہ محسوس کرنے لگی ہوں کہ میرے پاس کھونے کوکچھ نہیں ہے،میں ایسی زندگی گزاررہی ہوں جس نے مجھے متاثر کیا۔
اداکارہ ماہرہ خان کا کہنا تھا کہ اپنی زندگی پر پڑنے والے اثرات کے باعث میں اس جانب محتاط ہونے لگی ہوں کہ مجھے مستقبل میں کس طرح کا کردار منتخب کرنا ہے۔ ماہرہ نے یہ بھی بتایا کہ انہوں نے اپنے مستقبل میں کرداروں کو منتخب کرنے سے متعلق پہلے ہی فیصلہ کیا کرلیا۔ انہوں نے مخصوص فلم ساز اور پروڈکشن ہاؤسز کے ساتھ کام کرنے کی افواہوں کی تردید کی۔

دنیا کو ہمارا مشورہ ہے افغانستان کو تنہا نہ چھوڑا جائے، ہمیں افغانستان کے لوگوں کے ساتھ کھڑا ہونا ہوگا۔ غیرملکی ایجنسی کوانٹرویودیتے ہوئے وفاقی وزیر اطلاعات فواد چوہدری نے کہا کہ افغانستان کی کہانی 20 سال نہیں 40 سال پرانی ہے، کمزور معیشت کے باوجود ہم نے تقریباً 5 ملین افغان پناہ گزینوں کی میزبانی کی۔ پاکستان کی مدد کی بجائے پریسلر ترمیم کے ذریعے معاشی پابندیاں لگائی گئیں۔

وزیراطلاعات فوادچودھری کا کہنا ہے کہ ہم نےباربار کہا افغانستان میں فوجی حل کے بجائے سیاسی حل کی طرف جانا چاہیے، امید ہے دنیا کی اجتماعی کوششوں سے ہم افغانستان میں استحکام لا سکیں گے۔

صدر مسلم لیگ(ن) شہباز شریف نے اپنے ایک بیان میں کہا ہے کہ بنیادی اشیا میں 23 فیصد اضافہ عوام سے زیادتی اور بدترین استحصال ہے جبکہ مہنگائی کی اوسط شرح 13.64 فیصد ہونا حکومت نہ ہونے کا ثبوت ہے۔ انہوں نےکہاکہ ملکی غربت میں انتہائی تیزی سے اضافہ ہو رہا ہے۔ 20 کلو آٹا 58 روپے مہنگا ہوا جس سے ثابت ہوتا ہے کہ ملک میں حکومت نام کی کوئی چیز نہیں۔
اپوزیشن لیڈر شہباز شریف نےکہا کہ انڈے، گھی، آئل، دال، دودھ اور گوشت کی قیمتوں میں اضافہ عوام پر بوجھ ہے۔ جوتے 33 فیصد مہنگے ہو چکے ہیں اور اب حکمران قوم کے پیر ننگے کرنے پر تُلے ہوئے ہیں۔ یہ ظلم کی حکومت ہے جو زیادہ چل نہیں سکتی۔ تین سال میں حکومت نے مہنگائی سے عوام کی صرف چیخیں نکلوائی ہیں جبکہ حکمرانوں نے قوم کو ریلیف نہیں بلکہ صرف تکلیف دی ہے۔

ویب ڈیسک: وفاقی وزیراسدعمرنےکراچی میں پریس کانفرنس کرتے ہوئے کہا ہے کہ چیئر مین پیپلزپارٹی بلاول بھٹوزرداری کوتنقید کانشانہ بناتے ہوئے کہا کہ بلاول نے ٹھیک کہا کہ جب بارش ہوتی ہے تو پانی آتاہے۔ جب حکومتیں اپنا کام کرلیں تو بارش کے باعث آ نیوالا زیادہ پانی نقصان پہنچائے بغیر آ کر گزربھی جاتا ہے۔ تجاوزات کےحوالے سے آپریشن جاری ہے،محمود آبادنالے پر آپریشن 100فیصد مکمل ہو چکا ہے جس کے فوائد بھی سامنے آرہے ہیں کہ بارش کا پانی اب یہاں کھڑانہیں ہوتاہے،آگے نکل جاتا ہے،کراچی کے نالوں سے 11 لاکھ ٹن کوڑا نکالنا ہے۔کراچی میں 55 سے 60 کلو میٹر سڑکیں بنائی جائیں گی۔
پی ٹی آئی سندھ کے عوام کے مسائل کوسمجھ سکتی ہے۔ کراچی کو ترسایا جاتا ہے گلی سے صفائی نہیں ہوتی۔ وفاق نےکراچی والوں کےزخموں پرمرہم رکھنے کا فیصلہ کیا ہے۔ اگر میرے حلقے میں پیپلز پارٹی اپنےجھنڈےلگاکرکام کرتی ہےتومیں ویلکم کرتا ہوں۔
وفاقی وزیر اسد عمر کا کہنا تھا کہ کراچی کے اندر سرکلر ریلوے کا منصوبہ ہم پورا کرکے دکھائیں گے،یہ 43کلو میٹر کے اوپر محیط ہوگا، پراجیکٹ آپریشن ہوگاتویومیہ ساڑھے چار لاکھ تک شہری اس سے فائدہ اٹھائیں گے، اس منصوبے کو دو حصوں میں تقسیم کیا گیاہے،سرکلرنظام چلانے کیلئے فنڈزمختص کیے گئے۔ سرکلر ریلوے کو نجی شعبہ چلائے گا۔ وزیراعظم30ستمبرسے پہلے کراچی کادورہ کریں گے۔

ان کا مزیدکہنا تھا کہ کراچی میں اکتوبرسے ٹریڈ کوریڈور منصوبے کاکام شروع کریں گے ۔ کےفورمنصوبہ اکتوبر 2023 تک مکمل ہونے کاامکان ہے۔ رواں سال چھوٹی اسکیموں کیلئے 21ارب روپے مختص کیے گئے۔احساس ایمرجنسی کے تحت کراچی کو 7 اورسندھ میں 65 ارب روپے تقسیم کیے.
انہوں نے کہا ہے کہ کراچی کی بی آرٹی کیلئےمربوط نظام تشکیل دیاہے۔گرین لائن جدید ٹرانسپورٹ کامنصوبہ ہے۔گرین لائن بس منصوبے کے متعدد فیز مکمل ہوچکےہیں۔امید ہے کچھ بسز کل آجائیں گی ،اگلے ہفتے تک 40 بسیں کراچی پہنچ جائیں گی۔گرین لائن منصوبے کے لیے 80 بسیں لائی جا رہی ہیں ۔ بائیس گرین لائن بس اسٹیشن مکمل ہوگئے.
وفاقی وزیر اسدعمر کا پریس کانفرنس کےدوران کہنا تھا کہ ہماری کوشش ہو گی کہ 2023 کے الیکشن نئی مردم شماری پر ہوں۔ کراچی کی مردم شماری دیرینہ مسئلہ رہاہے. کراچی میں مردم شماری کرائیں گے اور موثر کرادر ادا کریں گے۔اس بار مردم شماری میں پہلی مرتبہ جدید ٹیکنالوجی استعمال کی جائے گی۔ مردم شماری پر تمام اسٹیک ہولڈرز سے بات کریں گے.

انہوں نے کہا ہے کہ سندھ حکومت بلدیاتی انتخابات کرانے کو تیار نہیں۔ بلدیاتی انتخابات میں جتنی تاخیرہوگی پی ٹی آئی کےحق میں ہوگا۔سندھ حکومت بلدیاتی انتخابات میں جتنی تاخیر کرے گی ہمیں زیادہ ووٹ پڑیں گے۔ بلدیاتی انتخابات میں تاخیر ہوگی تو پی ٹی آئی کے منصوبے مکمل ہوں گے۔کراچی کے شہریوں کو بہت جلد پی ٹی آئی کے منصوبے نظر آئیں گے.