Tag ایمرا نیوز

کراچی (ویب ڈیسک)سوشل میڈیا سائٹس پر شوبز شخصیات اپنے فینز کے ساتھ رابطے میں رہتے ہیں اور ان کے سوالات کے جوابات بھی دیتے ہیں.ایک پاکستانی اداکارہ و ماڈل ژالے سرحدی کو سوشل میڈیا پر ایک فین نے پریانکا چوپڑا سے مشابہہ قرار دیا.اس کی اس بات کا جواب دیتے ہوئے اداکرہ کا کہنا تھا کہ عین ممکن ہے کہ پریانکا اُن کی دور کی رشتہ دار ہو۔سوشل میڈیا پرایک صارف نے لکھا کہ آپ پریانکا کی ہمشکل لگتی ہیں۔جواب میں اداکارہ نے کہا کہ ان سے یہی بات پہلے بھی کئی لوگ ہزار بار کر چکے ہیں ۔انہوں نے اپنے جواب میں مزاق کرتے ہوئے کہا عین ممکن ہے کہ پریانکا چوپڑا میری دور کی رشتے دار ہو۔ژالے سرحدی نے ایک انٹرویو میں انکشاف کیا تھا کہ وہ بالی ووڈ اداکارہ پریانکا چوپڑا کا ڈپلیکیٹ کرداربھی ادا کرچکی ہیں۔

لاہور(ویب ڈیسک) کوہ پیما ایک کے بعد ایک چوٹی سر کرنے کا شوق رکھتے ہیں اور کچھ اس مہم میں کامیاب ہوجاتے ہیں اوربعض اوقات کچھ موت کا شکارہو جاتے ہیں .اسی سلسلے میں ایک پاکستانی کم عمرترین کوہ پیما شہروزکاشف ایک اور چوٹی سرکرنے میں کامیاب ہو گئے ہیں .لاہوری ونڈربوائے 19 سالہ شہروز کاشف کے والد سلمان کاشف نے بتایا ہے کہ شہروز نے نیپال میں 8163 میٹر بلند چوٹی مناسلو پرصبح ساڑھے پانچ بجے پرچم لہرایا۔ اس طرح براڈ پیک، ماونٹ ایورسٹ اورکے ٹوکے بعد کاشف نے دنیا میں 8000 میٹربلند چوتھی چوٹی سرکرلی ہے۔
صوبائی وزیر کھیل رائے تیمور بھٹی نے شہروزکاشف کو مبارکباد دیتے ہوئے کہا کہ اس کم عمری میں ایسی بہادری ودلیری کی مثال نہیں ملتی۔ کوہ پیمائی کے شعبے میں شہروزکاشف نوجوانوں کے لئےایک رول ماڈل کی حیثیت رکھتے ہیں .

اسلام آباد (ویب ڈیسک)بھارت میں مقیم مسلمانوں پر ظلم کے پہاڑ ٹوٹ پڑے ہیں.بھارت میں موجود مسلمانوں پر بھارتی حکومت نے تشدد کیا اور کئی گھر مسمار کر دیئے.جس کے بعد پاکستان نے مسلمانوں پر حالیہ تشدد اور ان کی وحشیانہ بے دخلی سے متعلق معاملے کے خلاف بھارت کو اپنا احتجاج ریکارڈ کردیا ہے۔
ٹوئٹر پرایک ویڈیو وائرل ہوئی جس میں پولیس نے مسلمان باشندوں پر فائرنگ کی جس کے نتیجے میں ایک نوجوان زخمی ہوگیا جو زخموں کی تاب نہ لاتے ہوئے چل بسا. پولیس کے ہمراہ ایک کیمرہ مین اس کی لاش کو لاتیں مار اور اس پر کود رہا تھا۔اس کے علاوہ ویڈیو میں یہ بھی نظر آ رہا ہے کہ پولیس والے درختوں کے پیچھے سے ہی مسلمانوں پر اندھا دھند فائرنگ کر رہے تھے۔
اس واقعے میں 2 افراد جاں بحق ہو گئے. دفتر خارجہ کی جانب سے جو احتجاج ریکارڈ کرایا گیا اس میں کہا گیا کہ اڑی میں نام نہاد ‘انسداد دراندازی’ آپریشن بھارت کا جھوٹا آپریشن ہے جس کے بارے میں پاکستان دنیا کو خبردار کرتا رہا ہے، یہ پاکستان کو بدنام کرنے کی ایک پرانی بھارتی چال ہے۔

اسلام آباد (ویب ڈیسک)وزیراعظم عمران خان نےاقوام متحدہ کی جنرل اسمبلی کے 76ویں اجلاس سے ویڈیو لنک کے ذریعے خطاب کیا.خطاب میں وزیراعظم نے مسئلہ کشمیر، افغانستان کی صورتحال، اسلام فوبیا، کووڈ 19، ماحولیات اور دیگر اہم امور پر اپنے خیالات کا اظہار کیا۔ وزیراعظم نے کہا کہ جنوبی ایشیا میں امن کا دارو مدار مسئلہ کشمیر کے حل میں ہی ہے۔انہوں نے کشمیر کا مقدمہ پیش کرتے ہوئے کہا کہ نئی دہلی جموں و کشمیر تنازع پر خود ساختہ آخری حل کی طرف بڑھ رہاہے، بھارت مقبوضہ کشمیر کی مسلم اکثریت کو مسلم اقلیت میں بدلنا چاہتا ہے، قرارداد واضح ہے کہ مسئلہ کشمیر کا حتمی حل علاقے کے افراد اقوام متحدہ کے تحت آزاد اور غیرجانبدار رائے شماری سے کریں گے.
وزیراعظم عمران خان نےخطاب میں اس بات پر زور دیا کہ جنرل اسمبلی مطالبہ کرے کہ سیدعلی گیلانی کی تدفین شہدا قبرستان میں کی جائے۔ انہوں نےکہا کہ بھارت کی کشمیر میں انسانی حقوق کی خلاف ورزیاں جنیوا کنونشن کے خلاف ہیں۔انہوں نے کہا کہ بھارتیہ جنتا پارٹی (بی جے پی) آر ایس ایس رجیم فاشسٹ نظریہ پھیلا رہا ہے .عمران خان نے کہا کہ ہمیں اسلاموفوبیا سے مشترکہ طور پر نمٹنا ہوگا، ہمیں بین المذاہب ہم آہنگی کو فروغ دینا ہوگا، اسلاموفوبیا پرقابو پانے کے لیے عالمی مکالمہ ہونا چاہیے۔ ان کا مزید کہنا تھا کہ افغانستان کی صورتحال کا امریکا اور یورپ میں بعض لوگ پاکستان کو ذمہ دارٹھہراتے ہیں، افغانستان کے بعد اگر کوئی سب سے زیادہ متاثر ہوا تو وہ پاکستان ہے۔پاکستان میں اس وقت 30 لاکھ افغان پناہ گزین ہیں، دہشت گردی کے خلاف جنگ میں پاکستان کو 150 ارب ڈالر کانقصان ہوا جبکہ 80 ہزار سے زائد جانیں قربان کیں اور افغانستان کے بعد اگر کوئی ملک متاثر ہوا ہے تو وہ پاکستان ہے۔

نیو دہلی (ویب ڈیسک) ماڈل کے بالوں کی غلط کٹنگ کرنے اور انہیں چھوٹا کرنے پر سیلون کو 2 کروڑ کا جرمانہ کردیا ہے۔ تفصیلات کے مطابق 2018 میں کنزیومر کورٹ میں ماڈل کی جانب سے ایک سیلون کے خلاف شکایات درج کرائی گئی تھی جس میں خاتون ماڈل نے موقف اپنایا کہ 2004 سے اس سیلون میں جارہی ہوں، اس بار جب سیلون گئی تو انہوں نے ایسے ہئیر ڈریسر سے بال کٹوانے کے لیے کہا جس سے میں مطمئن نہیں تھی، میرے منع کرنے پر بھی سیلون نے کہا کہ اس ہئیر ڈریسر کا کام پہلے سے اچھا ہے لہذا آپ بال ان سے کٹوالیں۔
ماڈل نے درخواست میں بیان کیا کہ ہئیر ڈریسر تقریباً ایک گھنٹے سے زیادہ میرے بالوں کی کٹنگ کرتا رہا میرے پوچھنے پر ہئیر ڈریسر نے کہا کہ میں آپ کا ’لندن ہئیرکٹ ‘ کررہاہوں تاہم جب میں نے اپنے بال دیکھے تو وہ بالکل ٹھیک نہیں تھے، میں نے سیلون سے شکایات کی تو انہوں‌نے مزید بال خراب کردیے تاہم اب چھوٹے بالوں کی وجہ سے میں نے خوداعتمادی کھودی ہے اور مالی مسائل کا بھی سامنا ہے۔
کنزیومر کورٹ نے خاتون ماڈل کی درخواست پر کارروائی کی اور فیصلہ سناتے ہوئے سیلون پر 2 کروڑ کا جرمانہ عائد کر دیا.

اسلام آباد (ویب ڈیسک) وزیراعظم عمران خان کا کہنا ہے کہ امریکا اور پاکستان کو طالبان کے ساتھ مل کر کام کرنا ہوگا۔وزیراعظم عمران خان نے غیر ملکی جریدے کوانٹرویو دیا ہے جس میں انہوں نے کہا کہ افغانستان میں بنیادی انسانی سہولیات کا فقدان ہے.
عمران خان کا مزید کہنا تھا کہ افغانستان میں امن پاکستان کے مفاد میں ہے، طالبان امن کےلیے امریکہ کے شراکت دار ہوسکتے ہیں، افغانستان میں استحکام اورانسانی بحران کےخاتمے کےلیے مدد دینا ہوگی، پاکستان اورامریکا دونوں افغانستان سےدہشتگردی کاخاتمہ چاہتے ہیں، افغانستان میں دہشتگرد گروپس کو غیرموثرکرنےکےلیے ایک ساتھ ملک رکام کرنا ہوگا۔
انہوں نے مزید کہا کہ خطےمیں امن کےلیےامریکااورعلاقےکی تمام طاقتوں کاتعاون ضروری ہے، طالبان نے سی پیک منصوبوں کا خیر مقدم بھی کیا ہے، تجارت اور ترقیاتی منصوبوں کے امکانات پیدا ہوں گے، سابق حکومتوں کی ناکامیوں سے افغانستان بحران کا شکار ہے جس کی بحالی کیلئے فوری کام کرنا ہوگا۔

لاہور (ویب ڈیسک) برطانیہ کے دورہ سیریز منسوخی کے بعد برطانوی کھلاڑی بھی بول اٹھے.برطانوی کھلاڑیوں نے دعویٰ کیا ہے کہ اس سارے معاملے میں ہمارا کوئی کردار نہیں، برطانوی بورڈ نے انہیں فیصلے سے متعلق انہیں اندھیرے میں رکھا۔
برطانوی اخبار کے مطابق انگلش پلیئرزایسوسی ایشن نے کہا ہے کہ ان سے تو یہ بھی نہیں پوچھا گیا کہ کیا آپ سفرکریں گے؟ علاوہ ازیں یونین نے ان دعوؤں کی بھی تردید کی ہے کہ فیصلے کے پیچھے برطانوی کھلاڑی تھے۔
دوسری طرف نیوزی لینڈ اور انگلینڈ کے دورے منسوخ ہونے پر قومی کھلاڑیوں نے بھی دکھ اور مایوسی کا اظہار کیا ہے، وسیم اکرم نے کہا کہ قوم اب ہر سطح پر اپنی ٹیم کو سپورٹ کرے۔ معین خان نے کہا کہ دونوں ٹیموں کا دورہ پاکستان ملتوی کرنا افسوسناک ہے۔ راشد لطیف نے کہا کہ پاکستان کھیلوں کیلئے محفوظ ملک ہے، پی سی بی کو نیوزی لینڈ سے دوبارہ رابطہ کرنا چاہیے۔

اسلام آباد (ویب ڈیسک) ملک بھرمیں بجلی کی پیداواری لاگت میں 60 فیصد تک کا اضافہ ہوا ہے۔تفصیلات کے مطابق گزشتہ ایک سال میں بجلی کی پیداواری لاگت میں تک اضافہ جبکہ ڈیزل،فرنس آئل، کوئلہ، ایل این جی اور گیس پر بجلی کی پیداواری لاگت بھی بڑھ گئی۔ایک سال میں ڈیزل پر بجلی کی پیداواری لاگت 3 روپے19 پیسے فی یونٹ بڑھی۔ ڈیزل سے فی یونٹ کی لاگت 19.43 روپے سے بڑھ کر 22.62 روپے تک پہنچ گئی ۔قدرتی گیس سے گزشتہ سال کی نسبت گزشتہ ماہ 62 پیسے فی یونٹ مہنگی بجلی پیدا کی گئی۔ ایک سال میں ایل این جی سے بجلی کی پیداواری لاگت 6 روپے 42 پیسے فی یونٹ بڑھ گئی۔ ایل این جی سے بجلی کا یونٹ 7.02 روپے سے مہنگا ہو کر 13.44 روپے میں پیدا ہوا.ایران سے درآمدی بجلی کے نرخوں میں بھی 2 روپے 14 پیسے تک اضافہ ہوا۔ خیال رہے کہ اگست 2020 میں ایران سے فی یونٹ 10.21 روپے اب 12.35 روپے میں درآمد کیا۔

کراچی (ویب ڈیسک)کورونا ویکسینیشن کے حوالے سے ایک بڑا انکشاف سامنے آیا ہے.تفصیلات کے مطابق سندھ میں انسداد کورونا کی مختلف اقسام کی 59 ہزار سے زائد خوراکیں ضائع ہونے کا انکشاف سامنے آیا ہے۔محکمہ صحت سندھ کے مطابق سب سے زیادہ سائنو ویک کی 18 ہزار 763 خوراکیں ضائع ہو چکی ہیں جبکہ ایسٹرا زینیکا کی 16 ہزار 754 خوراکیں ضائع ہوئیں، محکمہ صحت کے حکام کے مطابق سائنو فارم کی 14 ہزار 576 خوراکیں جبکہ پاک ویک کی 6 ہزار 768 اور کین سائنو کی 2 ہزار 143 خوراکیں ضائع ہو چکی ہیں۔علاوہ ازیں موڈرنا ویکسین کی 489 اور فائزر کی 38 خوراکیں ضائع ہو چکی ہیں۔ محکمہ صحت کے حکام کے مطابق انسداد کورونا ویکسین ضائع ہونے کی وجوہات کولڈ چین کی عدم فراہمی اور ویکسی نیٹرز کی مس ہینڈلنگ ہے۔ ویکسین گرنے، ویکسین لگاتے وقت متعلقہ شخص کی طبعیت خراب ہونے کے عوامل بھی کورونا ویکسین کے ضائع ہونے کا سبب بنے ہیں ۔

اسلام آباد (ویب ڈیسک)ماڈل نیہا راجپوت کی سابق گورنر پنجاب سلمان تاثیر کے بیٹے شہباز تاثیر سے شادی کی تقریبات کا آغاز ہو گیا ہے.تفصیلات کے مطابق ماڈل نیہا راجپوت نےاپنی مایوں کی تقریبات کی ویڈیوز شیئرکی ہیں ۔نیہا راجپوت اور سلمان تاثیر کی شادی کے حوالے سے کئی دنوں سے چہ مگوئیاں جاری تھیں، تاہم اب ماڈل نے مایوں کی ویڈیوز اور تصاویر شیئر کرکے ان کی تصدیق کردی ہے۔ علاوہ ازیں ان کی شادی کی تقریبات میں شامل اداکاراؤں و ماڈلز نے بھی مہندی کی ویڈیو شیئر کیں۔ شیئر کی گئی ویڈیوز اور تصاویر میں ماڈل و اداکارہ ابیر رضوی سمیت دیگر ماڈلز کورقص کرتے دیکھا جا سکتا ہے۔