Tag کرکٹ

راولپنڈی (ویب ڈیسک) پاکستان اور نیوزی لینڈ کے درمیان ہونے والے پہلے ون ڈے میچ کومنسوخ کردیا گیا ہے ۔تفصیلات کے مطابق پاکستان اور نیوزی لینڈ کے درمیان تین ایک روزہ میچوں کی سیریز کا آج پہلا میچراولپنڈی اسٹیڈیم میں دوپہر ڈھائی بجے شروع ہونا تھا مگر اسے منسوخ کر دیا گیا. مہمان ٹیم نیوزی لینڈ کے کھلاڑیوں میں کووڈ کیس سامنے آنے کی وجہ سے یہ میچ منسوخ کیاگیا ہے۔
ابھی تک پی سی بی کی طرف سے میچ منسوخ کرنے کا باقاعدہ اعلان نہیں کیا گیا تاہم ذرائع کا کہنا ہے کہ مہمان ٹیم کے تین کھلاڑی کورونا وائرس کا شکار ہو گئے ہیں۔
شائقین کو اسٹیڈیم میں داخل ہونے کی اجازت نہیں دی گئی جبکہ پاکستان اور نیوزی لینڈ دونوں ٹیموں کے کھلاڑی بھی ہوٹل میں ہی موجود ہیں۔

لاہور (ویب ڈسیک)قومی کرکٹ ٹیم کے لیے بڑی خوشخبری سامنے آئی ہے.تفصیلات کے مطابق قومی کرکٹ سکواڈ کو چھٹیاں دینے کا فیصلہ کیا گیا ہے .
نیوزی لینڈ کے خلاف سیریز کھیلنے کے بعد قومی کرکٹ اسکواڈ کوآرام دینے اور اگلی سیریز کے لیے تازہ دم رہنے کے لیے چھٹیاں دینے کا فیصلہ کیا گیا ہے۔
ذرائع کے مطابق آئی سی سی ٹی ٹوئنٹی ورلڈ کپ سے قبل کھلاڑیوں‌کو مسلسل بائیو سکیور ببل میں نہیں رکھا جائے گا بلکہ ان کو چھٹیاں دی جائیں گی تاکہ کرکٹرز جسمانی اور دماغی طور پر تازہ دم رہیں۔
انگلینڈ کے خلاف ٹی ٹوئنٹی سیریز کھیل کر قومی کرکٹرز متحدہ عرب امارات جائیں گے جہاں آئی سی سی ٹی ٹوئنٹی ورلڈ کپ کا آغاز 17 اکتوبر سے ہو گا۔

کراچی (ویب ڈیسک)پاکستان کرکٹ ٹیم کے سابق بولنگ کوچ وقار یونس نے بالاخر اپنا استعفیٰ دینے کی وجہ بتا دی .ان کا کہنا تھا کہ میرے استعفے کی وجہ مصباح کااستعفیٰ دینا بھی ہے.اس کے استعفے کے بعد میرا عہدہ رکھنے کاجواز نہیں بنتا تھا .اس کے علاوہ کووڈ 19 بھی استعفیٰ دینے کی ایک وجہ ہے. وقار یونس کا مزید کہنا تھا کہ مجھے اور مصباح کو اندازہ تھا کہ ہمیں نکالا جائے گا اس لیے ہم نے خود ہی استعفیٰ دے دیا۔رمیز راجا کے چئیرمین بننے کے حوالے سے بات کرتے ہوئے ان کا کہنا تھا کہ ان سے بہتر کرکٹ کوئی نہیں سمجھے گا.اس حوالے سے باقیوں کے ردعمل کا جواب دیتے ہوئے وقار یونس کا کہنا تھا کہ کوچنگ کے بارے میں عاقب جاوید کو تو بولنا ہی نہیں چاہیے جبکہ وسیم اکرم بطور کو چ کامیاب رہے لہذٰا انہیں پاکستان کرکٹ بورڈ میں بھی آناچاہیے۔
قومی ٹیم کی سلیکشن پر بات کرتے ہوئے ان کا کہنا تھا کہ اس معاملے میں میرا کوئی کردار نہیں رہا اور نہ ہی سرفرازکوکپتانی سےہٹانےکےفیصلےسےمیراکوئی لینا دینا تھا۔
ایمرا

لاہور (میڈیا 92 نیوز آن لائن ) قومی ٹیم کے کوچ مکی آرتھر اور کپتان سرفراز احمد کی قسمت کا فیصلہ آج کرکٹ کمیٹی کے اہم اجلاس میں ہو گا۔

ذرائع کے مطابق اجلاس میں کئی اہم فیصلے متوقع ہیں جن میں انضمام الحق کا عہدہ چھوڑنے کے بعد نئے چیف سلیکٹر کا انتخاب عمل میں لانا بھی ایجنڈے میں شامل ہے۔

ذرائع کے مطابق مکی آرتھر کو آئندہ سال شیڈول ورلڈ ٹی ٹوئنٹی تک برقرار رکھے جانے کا امکان ہے۔اجلاس میں نئے بیٹنگ کوچ اور باؤلنگ کوچ کی تقرری کے حوالے سے فیصلے کئے جائیں گے۔

دوسری جانب ٹیسٹ اور محدود اوورز کی کرکٹ کیلئے الگ الگ کوچز رکھنے کی خبریں بھی گردش کررہی ہیں جبکہ سرفراز احمد سے ٹیسٹ ٹیم کی قیادت واپس لی جا سکتی ہے۔

کرکٹ کمیٹی کے اجلاس میں مینز ٹیم کے ساتھ ویمنز، انڈر16 اور انڈر19 ٹیموں کی پچھلی 3 سالہ کارکردگی کا بھی جائزہ لیا جائے گا اور اس حوالے سےسفارشات مرتب کرکے چیئرمین بورڈ احسان مانی کو بھیجی جائیں گی۔

لندن (ایمرا نیوز آن لائن)اتوار کو نیوزی لینڈ اور انگلینڈ کے فائنل میچ کے آخری اوور میں نیوزی لینڈ کے فیلڈر کی تھرو بیٹسمین بین اسٹوکس سے ٹکرا کر باؤنڈری لائن کراس کر گئی جس کی وجہ سے انگلینڈ کو 6 رنز ملے اور انہی رنز نے انگلیںڈ کی فتح میں بنیادی کردار ادا کیا۔

انگلش کپتان اوئن مورگن نے فتح کے بعد پریس کانفرنس میں اسے اپنی ٹیم کے حق میں “رَب آف گرین (Rub of Green)” قرار دیا۔”رَب آف گرین” زیادہ تر برطانیہ میں محاورتاً استعمال ہوتا ہے اور اسے “خوش قسمتی” کے لیے استعمال کیا جاتا ہے۔

کھیلوں کی زبان میں جب حرکت کرتی ہوئی گیند حادثاتی طور پر کسی بیرونی قوت سے ٹکرا کر رخ تبدیل کر لے یا رک جائے تو اسے “رَب آف گرین” کہا جاتا ہے۔یہ لفظ عموماً ان کھیلوں میں استعمال ہوتا ہے جو کہ گرین یعنی ہرے رنگ کی سطح پر کھیلے جاتے ہیں مثلاً گالف، کرکٹ، فٹبال اور اسنوکر وغیرہ وغیرہ۔ مگر اس کا سب سے زیادہ استعمال اسنوکر میں کیا جاتا ہے۔

لندن (ایمرا نیوز آن لائن)سابق انٹرنیشنل امپائر سائمن ٹافل کا کہنا ہے کہ ورلڈکپ کے فائنل میں انگلینڈ کو غلط طور پر ایک اضافی رن دیا گیا۔نیوزی لینڈ اور انگلینڈ کے فائنل میچ کے آخری اوور میں نیوزی لینڈ کے فیلڈر کی تھرو بیٹسمین بین اسٹوکس سے ٹکرا کر باؤنڈری لائن کراس کر گئی تھی جب کہ اس دوران اسٹوکس اپنا دوسرا رن مکمل کرنے کے لیے بھاگ رہے تھے۔اس پر فیلڈ امپائر دھرماسینا نے انگلش ٹیم کو 6 رنز دیئے جو کہ انگلیںڈ کی فتح کا بنیادی سبب بنے۔

سائمن ٹافل کا کہنا ہے کہ فیلڈ امپائر نے یہاں پر انگلینڈ کو چھ رنز دے کر واضح غلطی کی حالانکہ یہاں پانچ رنز ملنے چاہیے تھے کیونکہ جب گیند پھینکی کی گئی تو بیٹسمین نے ابھی اپنا دوسرا رنز مکمل نہیں کیا تھا۔اس غلطی کی وجہ سے ہی بین اسٹوکس کو اسٹرائیک ملی۔
آسٹریلوی ویب سائٹ فاکس اسپورٹس سے گفتگو کرتے ہوئے سائمن ٹافل نے ایم سی سی کے قوانین کی کتاب کے قانون 19.8 کا حوالہ دیا اور کہا کہ “یہ ایک واضح غلطی ہے”۔سائمن ٹافل کا شمار کرکٹ کی تاریخ کے بہترین امپائرز میں ہوتا ہے اور انہوں نے 2004 سے 2008 کے دوران لگاتار 5 سال تک آئی سی سی امپائر آف دی ائیر کا ایوارڈ حاصل کیا۔

تاہم، سائمن ٹافل نے دونوں امپائرز کا دفاع کیا اور کہا کہ کمار دھرماسینا اور ماریاس اریسمس بہترین امپائر ہیں۔انہوں نے کہا کہ یہاں مشکل یہ ہے کہ امپائرز کو دیکھنا ہوتا ہے کہ بیٹسمین نے رنز مکمل کیا ہے یا نہیں کیونکہ انہیں دیکھنا ہوتا ہے کہ کب گیند پکڑی گئی اور کپ پھینکی گئی۔انہوں نے کہا کہ امپائرز کو یہ بھی دیکھنا ہوتا ہے کہ اس موقع پر بیٹسمین کہاں تھے۔اس واقعے کے متعلق نیوزی لینڈ کے کپتان کین ولیمسن نے بھی فلسفیانہ جواب دیا اور کہا یہ کھیل کا حصہ ہے۔

لندن (میڈیا 92 نیوز آن لائن ) پاکستان کرکٹ ٹیم کے کپتان سرفراز احمد نے کہا ہے کہ رن ریٹ اور دیگر چیزوں کے بارے میں ہم ابھی نہیں سوچ رہے تاہم اگر بنگلا دیش کے خلاف اچھے رن ریٹ سے جیتنے کی ضرورت پڑی تو پھر دیکھیں گے کیا کرنا ہے۔

لندن میں ہوٹل کے باہر میڈیا سے بات چیت میں ان کا کہنا تھا کہ ہماری تیاری بہت اچھی ہے میچ میں ہمیں تین دن کا وقت ملا ہے۔

سرفراز احمد نے کہا کہ کوشش کریں گے کہ بنگلا دیش کے خلاف بھرپور تیاری سے جائیں۔

وہاب ریاض کی انجری پر پاکستانی کپتان کا کہنا تھا کہ وہ پاکستان کے اہم بولر ہیں اور ان کی انگلی میں فریکچر ہے۔

ان کا مزید کہنا تھا کہ ابھی میچ میں کچھ دن باقی ہیں، امید ہے وہ مزید بہتر ہوجائیں گے۔

پاکستان جمعے کو بنگلہ دیش کے مدمقابل آئے گا تاہم کل نیوزی لینڈ اور انگلینڈ کے درمیان میچ میں گرین شرٹس کی قسمت کا فیصلہ ہوجائے گا۔

نیوزی لینڈ کی فتح کی صورت میں پاکستان بنگلہ دیش کو ہراکر سیمی فائنل تک رسائی حاصل کرسکتا ہے۔

تاہم انگلینڈ کی فتح کی صورت میں گرین شرٹس کے لیے سیمی فائنل میں پہنچنا کافی مشکل ہوجائے گا اور اسے اپنا رن ریٹ نیوزی لینڈ سے بہتر کرنا ہوگا۔

لاہور (M92)قومی ٹیم کے دو سینئر ترین کھلاڑیوں شعیب ملک اور محمد حفیظ نے جان بوجھ کر قانون کی خلاف ورزی کرنے کا اعتراف کرلیا۔ ایک انٹر ویو کے دوران خاتون میزبان نے دونو ں کھلاڑیوں سے سوال کیا کہ کیا کبھی انہوں نے جانتے بوجھتے قانون کی خلاف ورزی کی ؟۔ محمد حفیظ نے اثبات میں سرہلاتے ہوئے کہا کہ وہ موٹر وے پر قانونی رفتار سے زیادہ تیزی سے جارہے تھے اورانہیں اس کا علم بھی تھا لیکن انہوں جلد از جلد کہیں پہنچنا تھا ،جب موٹر وے پولیس نے انہیں روکا تو انہوں نے اپنی غلطی مان لی۔شعیب ملک کا کہنا تھا کہ 2006ء4 میں جب محمد یوسف سنچریوں پر سنچریاں سکور کررہے تھے تو وہ ان کے ساتھ تھے،محمد یوسف اس سال بہت پیسے کما رہے تھے اور انہوں نے ہی کہا کہ تم چالان کی فکر نہ کرو اور گاڑی تیز چلاتے رہو۔