Tag کرکٹ

اسلام آباد(ویب ڈیسک) انگلینڈ کرکٹ بورڈز (ای سی بی) کی جانب سے پاکستان میں ہونے والےشیڈول میچزکو منسوخ کر دیا گیا ہے.اس حوالے سے پاکستان نے انگلینڈ کو قانونی کارروائی کرنے کا عندیہ دیا تھا جس کےبعد برطانوی حکومت نے اس کوبورڈ کا ’ذاتی‘ فیصلہ قرار دیا ہے۔تفصیلات کے مطابق برطانوی ہائی کمشنر ڈاکٹر کرسچن ٹرنر نے واضح کیا ہے کہ دورے کو ترک کرنے کا فیصلہ ای سی بی کا ذاتی ہے.یہ ادارہ برطانوی حکومت سے آزاد ہے جبکہ کھلاڑیوں کی فلاح و بہبود کے خدشات کی بنیاد پر یہ فیصلہ کیا گیا۔انہوں نے تصدیق کرتے ہوئے کہا کہ پاکستان کا سفر کرنے کی ہماری ایڈوائزری کو تبدیل نہیں کیا گیا۔
انہوں نے کہا کہ اس دورے کی منسوخی پرمیں گہرے دکھ کا اظہار کرتا ہوں، میں ذاتی طور پر میچوں کا منتظر تھا۔
برطانوی ہائی کمشنر کا مزید کہنا تھا کہ تمام واقعات پرحکومت کا کوئی کنٹرول نہیں ، ’تمام ایونٹس میں شامل ہونا اور اسے دلچسپ بنانا آسان ہے، میری توجہ اب 2022 کے دورے پر ہے۔کرکٹ بورڈ کے خلاف ممکنہ قانونی کارروائی کے جواب میں برطانوی ہائی کمشنر کا کہنا تھا کہ یہ حکومت پاکستان اور ای سی بی کے درمیان کا معاملہ ہے۔

نیویارک (ویب ڈیسک) نیوزی لینڈ دورے کی منسوخی کے بعد پاکستان اس کی اصل وجہ معلوم کرنا چاہتا ہے.اس حوالےسے وزیر خارجہ شاہ محمود قریشی نے ایک بیان دیا ہے جس میں ان کہنا ہے کہ نیوزی لینڈ کا دورہ منسوخ کرنے کے پیچھے پڑوسی ملک بھارت کا ہاتھ ہوسکتا ہے۔ان خیالات کا اظہارانہوں نے نیویارک میں پاکستانی کمیونٹی سے خطاب کے دوران کیا. دوران خطاب شاہ محمود قریشی کا کہنا تھا کہ بیرون ملک پاکستانی ہمارے ملک کا سرمایہ ہیں، ملک کے مشکل حالات میں انہوں نے تعاون کیا، پچھلے برس اوورسیز پاکستانیوں نے 29.4ارب ڈالر کی ترسیلات پاکستان میں بھیجیں علاوہ ازیں روشن ڈیجیٹل اکاؤنٹ کے ذریعے 2 ارب ڈالر سے زائد کی رقم پاکستان منتقل ہوچکی ہے،اوورسیزپاکستانیوں کو ملکی ترقی میں حصہ ڈالنے کے لیےخوش آمدید کہیں گے۔
شاہ محمود قریشی نے نیوزی لینڈ دورے کے حوالے سے بات کرتے ہوئے کہا کہ نیوزی لینڈ کرکٹ ٹیم حفاظتی اقدامات سے مطمئن تھی، اس لیے وہ پاکستان آئی تھی. ہمارے سیکیورٹی اداروں کو کوئی تھریٹ نہیں ملا، نیوزی لینڈ کی ٹیم نے آخری وقت پربتایا کہ نہیں کھیل سکتے کیونکہ سیکیورٹی خدشات ہیں، نیوزی لینڈ کی ٹیم کو ہر طرح کی سیکیورٹی کی یقین دہانی کراتے ہوئے ہیلی کاپٹر کے ذریعے ٹیم کو اسٹیڈیم پہنچانے کی بھی پیشکش کی گئی تھی، نیوزی لینڈ کا دورہ منسوخ کرنے کے پیچھے پڑوسی ملک ہوسکتا ہے۔

اسلام آباد (ویب ڈیسک) نیوزی لینڈ بورڈ نے پاکستان سیریز سیکیورٹی کا بہانہ بنا کر منسوخ کر دیا اور اب انگلینڈ کی ٹیم بھی پاکستان کا دورہ نہیں کر رہی .اس سلسلے میں مختلف بیانات سامنے آ رہے ہیں .علاوہ ازیں پی سی بی اور شائقین کی جانب سے مایوسی اورغصے کا اظہار کیا جارہاہے.اس حوالے سے وفاقی وزیر اطلاعات و نشریات فواد چودھری کا کہنا ہے کہ نیوزی لینڈ اور انگلینڈ کے دوروں کی منسوخی سے پی ٹی وی کو کروڑوں کا نقصان ہوا.ان کا مزید کہنا تھا کہ دونوں بورڈز کے خلاف قانونی کارروائی کیلئے وکلا سے مشورہ کریں گے۔ ان خیالات کا اظہار انہوں نے ایک ٹویٹ کی ذریعے کیا.انہوں نے ٹویٹ میں لکھا کہ پاکستان کیخلاف ایک مخصوص بین الاقوامی لابی مصروف عمل ہے ، ہمیں جھکانے کی خواہش کبھی کامیاب نہیں ہوگی، یہ غلط فہمی جلد دور کر لیں۔

لاہور(ویب ڈیسک)نیوزی لینڈ نے سیکیورٹی کا بہانہ بنا کر سیریز منسوخ کردی جس کے بعد پاکستان کرکٹ بورڈ سمیت شائقین مایوسی اور غصے کا اظہار کر رہے ہیں‌.
پاکستان کرکٹ بورڈ کے سربراہ رمیز راجہ کی جانب سے دوٹوک بیان جاری کرتے ہوئے کہا ہے کہ بھیک میں نہیں، خود داری اورعزت سے کھیلیں گے۔چئیرمیںن پی سی بی رمیز راجہ نے ورچوئل پریس کانفرنس کی جس میں انہوں نے کہا کہ وزیراعظم 22 ستمبر کو قومی ٹیم سے ملاقات کریں گے، پیٹرن انچیف کو ساری صورتحال سے آگاہ کردیا ہے.نیوزی لینڈ سیریز کی منسوخی کے حوالے سے بات کرتے ہوئے انہوں نے کہا کہ تھریٹ کی تفصیل نہ بتانے پرہم نے اپنا موقف پوری دنیا پر واضح کردیا ہے۔غصے کا ردعمل ظاہر کرتے ہوئے رمیزراجہ کا کہنا تھا کہ جب اپنا مقصد ہوتا ہے تو یہ کھیل لیتے ہیں نہیں تو سائیڈ پرکردیتے ہیں، یہ ہمیں کسی صورت قبول نہیں۔ انہوں نے مزید کہا کہ سخت حکمت عملی اپنائیں گے، میرے ہوتے ہوئے اپنی قسمت انکےہاتھوں میں نہیں دے سکتے۔ چئیرمین پی سی بی کا کہنا تھا معلوم ہو گیا کہ کون دوست ہے اورکون نہیں۔ آسٹریلیا سیریز کے حوالے سے ان کا کہنا تھا کہ اگرآسٹریلین ٹیم نہیں آتی تو پلان بی تیارکرنے کی ابھی سے ہدایت کردی ہے۔ رمیز راجہ نے دو ٹوک بیان دیتے ہوئے کہا وقت آنے پرخود داری کے ساتھ اپنی صورتحال کے حساب سے دوسرے ممالک جاکرکھیلنے کا فیصلہ کریں گے۔

سری لنکا(مانیٹرنگ ڈیسک)نیوزی لینڈ نے سیکیورٹی کا بہانہ بنا کر پاکستان میں ہونے والی سیریز منسوخ کرتے ہوئے اپنی ٹیم وطن واپس بلا لی.جس کے بعد ہر طرف سے انہیں تنقید کا نشانہ بنایا جا رہا ہے.اس موقع پرسری لنکا کے فاسٹ بائلر نے پاکستان کو ایک پیشکش کی ہے.تفصیلات کے مطابق سری لنکن فاسٹ باؤلر دھمیکا پرساد نے پاکستان کرکٹ بورڈ کو سری لنکا کے ریٹائرڈ کرکٹرز کے ساتھ نمائشی میچ کھیلنے کی پیشکش کی ہے۔فاسٹ باؤلر دھمیکا پرساد نے ایک ٹویٹ کرتے ہوئےکہا کہ مجھے ابھی تک یاد ہے کہ جب سری لنکن کرکٹ پر برا وقت تھا، کس طرح پاکستان اور بھارت نے ہمیں سپورٹ کیا،ہم سری لنکن ریٹائرڈ کرکٹرز پاکستان آکر نمائشی میچ کھیلنے کے لیے تیار ہیں۔علاوہ ازیں دھمیکا پرساد نے اپنی ٹویٹ میں پاکستان کرکٹ بورڈ، قومی کرکٹر محمد حفیظ، شعیب اختر، شاہد آفریدی اور چیئرمین پاکستان کرکٹ بورڈ رمیز راجہ کو ٹیگ بھی کیا ہے۔

اسلام آباد (ویب ڈیسک) نیوزی لینڈ کرکٹ بورڈ کی جانب سے سیریز کی منسوخی کے بعد وفاقی وزیر داخلہ شیخ رشید احمد کا کہنا ہے کہ اتنی فوج نیوزی لینڈ میں نہیں ہوگی جتنی ہم نے ان کی سیکیورٹی پر لگائی تھی۔اسلام آباد میں شیخ رشید نےہفتہ وار پریس بریفنگ دی. بریفنگ کے دوران انہوں نے کہا کہ 19 اور 20 صفر کو شہدائے کربلا کے چہلم کے موقع پر پاک فوج اور رینجرز تعینات کی جائیں گی، اس کے علاوہ موبائل فون سروس بھی معطل کی جائے گی۔شیخ رشید نے مزید کہا کہ پاکستانی کرکٹ کے شوقین ہیں، وزیر اعظم نے جب پاکستان کو دیا، میں اس وقت وزیر کھیل تھا. اپوزیشن نیوزی لینڈ کی ٹیم واپسی کا الزام ہم پر لگا رہی ہے، شیشہ کے گھر میں بیٹھ کر ہم پر تنقید نہیں کرنی چاہیے. پہلی مرتبہ کابینہ نے کسی کرکٹ ٹیم کو فوج کی سکیورٹی فراہم کی تھی اس لیے ہمیں کسی سے کچھ جاننے کی ضرورت نہیں . ہماری ایجنسیاں دنیا کی بہترین ایجنسیوں میں شمار ہوتی ہیں‌. فائیو آئی اس وقت کہاں تھی جب نیوزی لینڈ کی ٹیم پاکستان میں پریکٹس کررہی تھی ؟جس ای میل کی بات ہورہی تھی وہ تو بعد میں آئی، ہم سے جو سلوک کیا جا رہا ہے اس کے مستحق نہیں۔
وزیر داخلہ نے بارڈر پر اپنے دورے کے حوالے سے بات کرتے ہوئے کہ کہا کہ سرحدوں کا دورہ جنگ کے لیے نہیں امن کے لیے تھا ، انڈیا کو میرے بارڈر پر جانے کی تکلیف ہے.

راولپنڈی (ویب ڈیسک) نیوزی لینڈکرکٹ بورڈ کی جانب سے پاکستان میں ہونے والی سیریز سیکیورٹی کی بنا پرمنسوخ کر دی گئی ہے جس کے بعد نیوزی لینڈ کی ٹیم واپس وطن جا رہی ہے .تفصیلات کے مطابق نیوزی لینڈ کرکٹ ٹیم کی طرف سے اچانک سیریز منسوخ کرکے واپس وطن جانے کے لیے تیاریاں جاری ہیں۔ نیو اسلام آباد انٹرنیشنل ائیرپورٹ پر ٹیم کی واپسی کی موومنٹ کے دوران انتظامات اسپیشل برانچ نے سنبھال لیے۔سیکیورٹی نقطہ نگاہ سے نیوزی لینڈ ٹیم کی واپسی کا حتمی وقت خفیہ رکھا گیا ہے۔ تاہم ٹیم کی واپسی شام 4 بجے سے 6 بجے کے درمیان تک متوقع ہے۔

کراچی (ویب ڈیسک) نیوزی لینڈ کرکٹ ٹیم کے بورڈ کی جانب سے پاکستان میں ہونے والی سیریز کو اچانک سیکیورٹی کا بہانہ بنا کر منسوخ کر دیا گیا ہے جس کے بعد شائقین کی بڑی تعداد حیران اور پریشان ہے.اسی سلسلے میں فنکار بھی سوشل میڈیا پر برہمی کا اظہار کرتے نظر آ رہے ہیں .
شوبز اداکارہمایوں سعید نے میچ کی منسوخ کو نیوزی لینڈ کا عجیب اور پریشان کن اقدام قرار دیا۔ انہوں نے ٹویٹ میں لکھا کہ پوری دنیا جانتی ہے کہ پاکستان میں امن و امان کی صورتحال مکمل کنٹرول میں ہے۔ ہماری سیکیورٹی اور انٹیلی جنس ایجنسیاں اپنے کام میں شاندار ہیں۔ بغیر کسی ثبوت کے آخری منٹ میں میچ کی منسوخی کا کوئی جواز نہیں بنتا۔ لاکھوں شائقین کرکٹ کو مایوسی ہوئی ہے۔
گلوکار عاصم اظہر نے اس واقعے کو افسوسناک قراردیا اور لکھا کہ ہم ایک ایسی قوم ہیں جو پوری قوت سے واپسی کرنے پر رکھتی ہے۔ پاکستان محفوظ ہے اور ہمیشہ رہے گا۔ ہم اب بھی نیوزی لینڈ یا کسی دوسری قوم کو دل کھول کر خوش آمدید کہیں گے اور اب ٹی 20 ورلڈ کپ میں ملیں گے۔
اداکار فیصل قریشی نے بھی ٹویٹ میں لکھا کہ آخری لمحات میں نیوزی لینڈ کے کھیل سے باہر ہونے کے بارے میں سن کر بہت مایوسی ہوئی۔ لاکھوں کرکٹ شائقین آج بہت مایوس ہوئے ہیں۔علی ظفر نے لکھا’’کرکٹ تو ہوگی‘‘۔

ویلنگٹن (ویب ڈیسک)پاکستان اور نیوزی لینڈ کےدرمیان ہونے والا میچ منسوخ کر دیا گیا ہے.اورنیوزی لینڈ کی وزیراعظمنے ٹیم کا دورہ ملتوی کرنی کی استدعا کر دی ہے.اس حوالے سے نیوزی لینڈ کی وزیراعظم جیسنڈا آرڈرن نے کہا ہے کہ قومی ٹیم کی سیکیورٹی ہماری اولین ترجیح ہے.انہوں نے کیوی ٹیم کا خیال رکھنے پر وزیراعظم عمران خان کا شکریہ ادا کیا ہے.۔جیسنڈا آرڈرن کا پنی بیان میں کہنا ہے کہ میری وزیراعظم عمران خان سے ٹیلی فون پر بات ہوئی ہے.
کرکٹ سیریز کے خاتمے پر افسوس کا اظہار کرتے ہوئے وزیراعظم جیسنڈا آرڈرن کا کہنا ہے کہ مجھے اندازہ ہے کہ کھیل کو اس طرح ختم کرنا شائقین کیلئے کتنا مایوس کن ہوتا ہے.

اسلام آباد (ویب ڈیسک)وزیراعظم عمران خان نے نیوزی لینڈ کی وزیر اعظم جیسنڈا آرڈرن سے رابطہ کیا ہے .تفصیلات کے مطابق وزیراعظم عمران خان سے رابطے میں نیوزی لینڈ کی وزیر اعظم نے احتیاطی طورپر نیوزی لینڈ ٹیم کا دورہ ملتوی کرنے کی استدعا کی ہے. وفاقی وزیر اطلاعات فوادچوہدری نے ٹوئٹر پرایک بیان جاری کیا ہے جس میں انہوں نے لکھا ہے کہ عمران خان نے نیوزی لینڈ کی وزیر اعظم جیسنڈا آرڈرن سے رابطہ کیا اور انہیں یقین دلایا پاکستان میں نیوزی لینڈ ٹیم کوفول پروف سیکیورٹی میسر ہے ، نیوزی لینڈکی سیکیورٹی نےانتظامات پر اطمینان کا اظہار کیا ہے۔
فوادچوہدری نے مزید کہا کہ ہماری انٹیلی جنس ایجنسیزبہترین انٹیلی جنس سسٹم میں شامل ہیں، ان کی رائےمیں نیوزی لینڈ کی ٹیم کو کسی قسم کے خطرہ نہیں ، جیسنڈا آرڈرن نے احتیاطی طورپردورہ ملتوی کرنے کی استدعا کی۔
دوسری جانب سینیٹر فیصل جاوید نے بھی ٹوئٹر پر اپنے بیان میں کہا ہے کہ پاکستان میں سیکیورٹی صورتحال بہت اچھی اورتسلی بخش ہے مگر نیوزی لینڈکی طرف سےسیریز ملتوی کرنا سمجھ سے باہر ہے۔