Tag lahore

مجھے وہ ٹی وی دیا گیا جس پر کوئی خبرنامہ نہیں آتا،پی ٹی وی میں کوئی خبر نہیں آتی عدالتی کارروائی دیکھنے سے محروم ہوں،مےڈےا گفتگو
لاہور(ایمرا نیوز آن لائن)سابق وزیراعظم نوازشریف نے کہا کہ انشااللہ اگلے جمعہ تک رہائی مل جائے گی، اگر رہائی تو رائیونڈجاتی امرا جاﺅں گا۔ تفصیلات کے مطابق سابق وزیراعظم نوازشریف سے کوٹ لکھپت جیل میںجمعرات کو ملاقات کا دن تھا ،نوازشریف سے پارٹی رہنماﺅں نے ملاقاتیں کیں،سابق وزیراعظم سے سینٹر ساجد میر اور سینٹر حافظ عبدالکریم نے ملاقات کی،ساجد میر نے نوازشریف کی جلد رہائی کیلئے دعا بھی کرائی۔ اس موقع پر نوازشریف نے پارٹی رہنماﺅں سے گفتگو کرتے ہوئے کہا کہ انشااللہ اگلے جمعہ تک رہائی مل جائے گی، اگر رہائی تو رائیونڈجاتی امرا جاﺅں گا۔انہوں نے کہا کہ مجھے وہ ٹی وی دیا گیا جس پر کوئی خبرنامہ نہیں آتا،پی ٹی وی میں کوئی خبر نہیں آتی عدالتی کارروائی دیکھنے سے محروم ہوں۔نوازشریف کا کہناتھا کہ پی ٹی آئی حکومت ہمارے منصوبوں پر اپنے نام کی تختیاں لگا رہی ہے ،ہیلتھ کارڈ پی ٹی آئی کا نہیں ن لیگ کا منصوبہ ہے ،ان لوگوں کے پاس کرنے کو کچھ نہیں.

عدالت نے لسٹ دی ،حکم دیا کہ سب کو طلب کریں اور بیان ریکارڈ کریں لیکن افسوس ہے عملدرآمد نہیں ہوا
سیشن جج ساہیوال انکوائری کیلئے مجسٹریٹ تعینات کریں‘ لوگ بیان ریکارڈ کرانا چاہیں وہ جے آئی ٹی کو بیان ریکارڈ کرائیں: چیف جسٹس سردار شمیم
لاہور(ایمرا نیوز آن لائن) چیف جسٹس لاہور ہائیکورٹ جسٹس سردار شمیم نے سانحہ ساہیوال کی جوڈیشل انکوائری کا حکم دےدیا۔تفصیلات کے مطابق ساہیوال واقعے کی جوڈیشل کمیشن کی تشکیل سے متعلق درخواستوں پر چیف جسٹس سردار شمیم خان کی سربراہی میں بینچ سماعت کررہا ہے۔جمعرات کو سماعت کے آغاز پر جسٹس سردار شمیم نے استفسار کیا کہ ”اب تک کیا کارروائی کی گئی ہے“، عدالت نے لسٹ دی اور حکم دیا تھا کہ سب کو فون کر کے طلب کریں اور بیان ریکارڈ کریں لیکن افسوس کی بات ہے عدالتی حکم پر عمل درآمد نہیں کیا گیا۔چیف جسٹس لاہور ہائیکورٹ نے ایڈیشنل آئی جی پنجاب سے مکالمہ کرتے ہوئے کہا ”کیوں نہ آپ کو عدالتی حکم پر عمل درآمد نہ کرنے پر نوٹس کردیں“۔جسٹس صداقت علی خان نے ایڈیشنل آئی جی سی ٹی ڈی سے استفسار کیا ”کیا آپ کبھی دفتر سے باہر بھی نکلتے ہیں“۔اس موقع پر استغاثہ کے وکیل احتشام نے استدعا کی کہ واقعے کی تحقیقات کے لیے جوڈیشل انکوائری کا حکم دےدیں۔عدالت نے سانحہ ساہیوال کی جوڈیشل انکوائری کا حکم دیا اور چیف جسٹس سردار شمیم نے کہا سیشن جج ساہیوال انکوائری کے لیے مجسٹریٹ تعینات کریں۔چیف جسٹس لاہور ہائیکورٹ نے کہا جو لوگ بیان ریکارڈ کرانا چاہیں وہ جے آئی ٹی کو بیان ریکارڈ کرائیں۔واضح رہے کہ حکومت پنجاب نے سانحہ ساہیوال کی تحقیقات کرنے والی جے آئی ٹی کو 19 فروری تک رپورٹ پیش کرنے کا حکم دے رکھا ہے جبکہ پنجاب فارنزک لیبارٹری مں سی ٹی ڈی اہلکاروں کے زیر استعمال بھیجے گئے ،ہتھیاروں میں رد و بدل کا بھی انکشاف ہوا ہے۔گزشتہ ماہ 19 جنوری کی سہہ پہر پولیس کے محکمہ انسداد دہشتگردی (سی ٹی ڈی) نے ساہیوال کے قریب جی ٹی روڈ پر ایک مشکوک مقابلے کے دوران گاڑی پر اندھا دھند فائرنگ کردی تھی، جس کے نتیجے میں ایک عام شہری خلیل، اس کی اہلیہ اور 13 سالہ بیٹی سمیت 4 افراد جاں بحق اور تین بچے زخمی ہوئے جبکہ 3 مبینہ دہشتگردوں کے فرار ہونے کا دعویٰ کیا گیا۔واقعے کے بعد سی ٹی ڈی کی جانب سے متضاد بیانات دیئے گئے، واقعے کو پہلے بچوں کی بازیابی سے تعبیر کیا گیا، تاہم بعدازاں ویڈیو منظر عام پر آنے کے بعد مارے جانے والوں میں سے ایک کو دہشتگرد قرار دے دیا گیا۔میڈیا پر معاملہ آنے کے بعد وزیراعظم عمران خان نے بھی واقعے کا نوٹس لیا، دوسری جانب واقعے میں ملوث سی ٹی ڈی اہلکاروں کو حراست میں لے کر تحقیقات کے لیے جے آئی ٹی تشکیل دےدی گئی، جس کی رپورٹ میں مقتول خلیل اور اس کے خاندان کو بے گناہ قرار دے کر سی ٹی ڈی اہلکاروں کو ذمہ دار قرار دےدیا گیا۔

لاہور(ایمرا نیوز آن لائن)مسلم لیگ (ن)کے رہنما پرویز رشید نے کہا ہے کہ نوازشریف کے علاج میں جو رکاوٹیں ڈالی گئیں وہ ساری دنیا نے دیکھیں ،سابق وزیراعظم کو علاج کی مناسب سہولتیں نہیں دی جا رہیں۔تفصیلات کے مطابق سابق وزیراعظم نوازشریف سے کوٹ لکھپت جیل میں جمعرات کا دن ملاقات کا دن ہو تا ہے،اس ضمن میں الصبح مسلم لیگ کے رہنما پرویز رشید کوٹ لکھپت جیل پہنچ گئے، اس موقع پر میڈیا سے گفتگو کرتے ہوئے انہوں نے کہا کہ نوازشریف کے علاج میں جو رکاوٹیں ڈالی گئیں وہ ساری دنیا نے دیکھیں ،سابق وزیراعظم کو علاج کی مناسب سہولتیں نہیں دی جا رہیں۔

جاں بحق ہونے والوں میں 3 خواتین بھی شامل ہیں
کوہاٹ(ایمرا نیوز آن لائن)سورگل میں آسمانی بجلی ٹرانسفارمر پر گرنے سے 5 افراد جاں بحق ہوگئے۔میڈیا رپورٹ کے مطابق کوہاٹ کے علاقے سورگل میں بارش کے دوران آسمانی بجلی ٹرانسفارمر پر گری جس سے بیک وقت 20 سے زائد گھروں میں شارٹ سرکٹ اور کرنٹ لگنے کے واقعات رونما ہوئے۔علاقے میں شارٹ سرکٹ اور کرنٹ لگنے سے 5 افراد جاں بحق جب کہ متعدد زخمی ہوگئے۔ جاں بحق ہونے والوں میں 3 خواتین بھی شامل ہیں جب کہ کئی زخمیوں کی حالت تشویشناک ہے۔

کیرون پولارڈا ور شعیب ملک اب تک8ہزار سے زیادہ ٹونٹی ٹونٹی رنز سکور کرچکے ہیں
لاہور (ایمرا نیوز آن لائن)پاکستان سپر لیگ کے چوتھے ایڈیشن کا حصہ بننے والی چھ فرنچائزز کے120کھلاڑیوں میں سے چھ کو مختصر ترین فارمیٹ(ڈومیسٹک اور انٹر نیشنل) میں 6000یا اس سے زیادہ رنز سکور کرنے کا اعزاز حاصل ہے۔پی ایس ایل فور میں شامل چھ ہزار رنز سے زیادہ سکور کرنے والے کھلاڑیوں میں سے دو کوئٹہ گلیڈی ایٹرز کے سکواڈ کا حصہ ہیں جب کہ لاہور قلندر، ملتان سلطانزاور کراچی کنگز کو بھی ایک ، ایک کھلاڑی کی خدمات حاصل ہیں تاہم حیران کن طور پر پی ایس ایل کی کامیاب ترین ٹیم اسلام آباد یونائیٹڈ میں کوئی بھی ایسا کھلاڑی شامل نہیں ہے جو 6000تو کجا پانچ ہزار ٹونٹی ٹونٹی رنز کا سنگ میل بھی عبور کرسکا ہو،پشاور زلمی کے آل رانڈر کیرون پولارڈ8719رنز کے ساتھ پی ایس ایل میں شامل کھلاڑیوں میں سب سے آگے ہیں ،ملتان سلطانز کے کپتان شعیب ملک ان کے علاوہ وہ واحد بلے باز ہیں جو ٹونٹی ٹونٹی کرکٹ میں آٹھ ہزار رنز (8362)سے زیادہ سکور کرچکے ہیں ،کوئٹہ گلیڈی ایٹرز کے آسٹریلوی آل رانڈ شین واٹسن نے7311ٹونٹی ٹونٹی رنز سکور کررکھے ہیں ،لاہور قلندرز کے بلے باز اے بی ڈیویلیئرز اب تک7144ٹونٹی ٹونٹی رنز بناچکے ہیں ، کراچی کنگزکے برطانوی آل رانڈر روی بوپارہ اب تک6299ٹونٹی ٹونٹی رنز بنا چکے ہیں ، کوئٹہ گلیڈی ایٹرز کے ویسٹ انڈین آل رانڈر ڈوین براوو نے اب تک6192 ٹونٹی ٹونٹی رنز سکور کیے ہیں ۔

پٹرول کی در آمدمیں14فیصد کمی ،جیٹ فیول ون کی در آمد 8فیصد بڑھ گئی
کراچی (ایمرا نیوز آن لائن)رواں برس کے پہلے ماہ جنوری کے دوران ملک بھر میں ڈیزل کی در آمد میں 72فیصد کا نمایاں اضافہ دیکھا گیا جبکہ پٹرول کے سوا دیگر پٹرولیم مصنوعات کی در آمد میں بھی اضافہ رہا۔انڈسٹری ذرائع کے مطابق جنوری کے دوران ڈیزل کی در آمد72فیصد اضافے سے 3لاکھ24ہزار ٹن کے لگ بھگ رہی جبکہ دسمبر 2018میں ڈیزل کی در آمد 1 لاکھ 88 ہزار ٹن سے زائد رہی تھی ،ٹرانسپورٹ اور زرعی شعبے میں طلب بڑھنے کے بعد ڈیزل کی در آمد میں اضافہ دیکھا گیا ،جنوری میں پٹرول کی در آمدمیں14فیصد کی کمی ریکارڈ کی گئی اور 4لاکھ24ہزار ٹن سے زائد پٹرول در آمد کیا گیا جبکہ دسمبر میں پٹرول کی در آمد4لاکھ94ہزار ٹن سے زائد رہی تھی ،طیاروں میں استعمال ہونے والے ایندھن جیٹ فیول ون کی در آمد گزشتہ ماہ 8فیصد اضافے سے 11ہزار ٹن رہی جبکہ دسمبر میں10ہزار ٹن جیٹ فیول در آمد کیا گیا تھا ،خام تیل کی در آمد جنوری میں5فیصد کے اضافے سے 5لاکھ93ہزار ٹن سے زائد رہی جبکہ دسمبر میں5لاکھ67ہزار ٹن کے لگ بھگ خام تیل در آمد کیا گیا تھا جس میں سے 1لاکھ34ہزار ٹن خام تیل بائیکو کی سنگل پوائنٹ مورنگ پر در آمد کیا گیا ،حکومت کی جانب سے پابندی کے بعد جنوری میں بھی فرنس آئل در آمد نہیں کیا گیا جبکہ دسمبر2018کے دوران بھی فرنس آئل در آمد نہیں کیا گیا تھا ،بجلی کی پیداوار کیلئے حکومت کی پہلے ترجیح ایل این جی ہے جبکہ مقامی ریفائنریوں کا تیا رکردہ فرنس آئل ہی پاور سیکٹر کو فراہم کیا جارہا ہے ۔

اوپی ڈی بند ، آپریشن بھی نہیں کیے جارہے ، مطالبات منظور ہونے تک احتجاج جاری رہے گا، ینگ ڈاکٹر ز کا اعلان
کراچی(ایمرا نیوز آن لائن)سرکاری اسپتالوں میں ینگ ڈاکٹرز کی ہڑتال کے باعث مریض رل گئے، اوپی ڈی بند ہیں جبکہ آپریشن بھی نہیں کیے جارہے ہیں ، مطالبات منظور ہونے تک احتجاج جاری رکھنے کا اعلان کردیا گیا ، ینگ ڈاکٹروں کا کہنا ہے کہ وزیر اعلیٰ سندھ کا ڈاکٹرز کی تنخواہوں سے متعلق بیان لالی پاپ دینے کے مترادف ہے ، تفصیلات کے مطابق اپنے مطالبات کے حق میں احتجاج کرنے والے ینگ ڈاکٹرز اپنے موقف پر ڈٹ گئے ان کا کہنا ہے کہ حکومت کی جانب سے تنخواہوں اور الاؤنسز میں اضافے کا نوٹیفکیشن جاری نہیں کیا گیا تو بدھ سے احتجاج کریں ، ینگ ڈاکٹرز ایسوسی ایشن سندھ نے اعلان کیا کہ سندھ بھر کے اسپتالوں میں بدھ کی صبح اوپی ڈی بند کردی گئیں اور معمول کے آپریشن بھی ملتوی کردیے گئے ہیں،ڈاکٹرز کا کہنا ہے کہ اوپی ڈی شٹ ڈاؤن کی ذمہ دار سندھ حکومت ہے ، ینگ ڈاکٹرز عہدیداروں کا کہنا ہے کہ ہمارا مطالبہ ہے کہ تنخواہیں پنجاب کے ڈاکٹروں کے برابر کی جائیں وزیر اعلیٰ سندھ نے 30 جنوری کو ہونے والے مذاکرات میں تنخواہوں میں اضافے کا عندیہ دیا تھا لیکن سمری اب تک وزیر اعلیٰ ہاؤس میں موجود ہے جس پر عملدرآمد میں تاخیر کی وجہ نہیں بتائی جارہی ہے انہوں نے کہا کہ جب تک تنخواہوں میں اضافہ نہیں ہوگا احتجاج جاری رکھا جائے گا ، ڈاکٹروں کے اعلان کے بعد سرکاری اسپتالوں میں کام بند ہے جبکہ ایمرجنسی میں مریضوں کو دیکھا جارہا ہے ۔

کراچی(ایمرا نیوز آن لائن)کراچی کے مختلف علاقوں میں کاروائیوں کے دوران پولیس نے اغواہ کاروں ،منشیات فروشوں سمیت 14ملزمان کو گرفتار کرلیا ہے جبکہ 15سالہ مغوی بچہ بازیاب کرالیا ہے ۔ملزمان سے اسلحہ منشیات اور مسروقہ سامان بھی برآمد ہوا ہے ترجمان پولیس کے مطابق بریگیڈ پولیس نے 2 ملزمان راجیش اور روی کو گرفتار کرکے قبضے سے اسلحہ برآمد کرلیا، ڈاکس پولیس نے مچھر کالونی سے 3 منیشات فروش ملزمان جنید،جہانزیب اور شیر محمد، سکھن پولیس نے ریڑھی گوٹھ شیطان چوک کے قریب شہر کے مختلف علاقوں میں ہیروئن سپلائی کرنے والے 2 ملزمان سہراب اور اکرم الحق کو گرفتار کرکے قبضے سے ایک کلو ہیروئن برآمد کرکے مقدمہ درج کرلیا، جبکہ بغدادی پولیس نے ملزم عدنان اور سپرمارکیٹ پولیس نے ملزم انس کو گرفتار کرلیا،طارق روڈ پر پولیس اور ملزمان میں فائرنگ کے تبادلہ کے بعد زخمی سمیت دو ملزمان گرفتار کیے گئے، گرفتار ملزمان کے قبضے سے دو پستول اور موٹر سائیکل برآمد کی گئی۔فریئر پولیس نے کینٹ اسٹیشن کے قریب کارروائی کے دوران مغوی بچہ بازیاب کرالیا، پندرہ سالہ لڑکے کو تین روز قبل دہلی کالونی سے اغوا کیا گیا تھا۔پولیس کے مطابق گزشتہ روز گرفتار دو اغوا کاروں کی نشاندہی پر کارروائی کی گئی، ملزمان سے دیگر ساتھیوں سے متعلق تفتیش جاری ہے۔اے آئی ایس کی ٹارگٹ کلنگ میں ملوث ملزم میمن گوٹھ سے گرفتار کرلیا گیا، ملزم کا تعلق لیاری گینگ وار سے ہے، گرفتار ملزم سے رائفل اور دستی بم برآمد کیا، ملزم نے دوران انٹیروگیشن متعدد وارداتوں کا اعتراف کیا ہے۔ تاہم گرفتار ملزمان کے خلاف مختلف نوعیت کے مقدمات درج کرلیے گئے ہیں ۔

میں نے اپنے قائد عمرا ن خان کے حلقے میں نئی ٹرین چلا دی ہے جس سے عوام کو چار گھنٹوں کی کم مدت میں ملتان پہنچائے گی جس سے عوام کو کم وقت میں سفر طے کرنے کی سہولت مہیاءہو گی ،شیخ رشید
چوروں ،لیٹروں کو پی اے سی کمیٹی کا چیرمین ختم کیا جائے جنہوں نے ملک کو لوٹا ہے ان کو عہدو ںپر نہیں بٹھانا بلکہ ان کو جیل میں بٹھانا ہے، وزیر ریلوے
کمرمشانی (ایمرا نیوز آن لائن)راولپنڈی سے ملتان چلنے والی تھل ایکسپریس کا آغاز کر دیا گیا صبح سات بجے راولپنڈی اسٹیشن سے ریل کار نے سفر کا آغاز کیا جو براستہ فتح جنگ ،جنڈ سے گیارہ بجے کے قریب داؤدخیل اسٹیشن پر پہنچی جہاں داؤدخیل کی عوام نے وزیر ریلوے شیخ رشید کا پر تپاک استقبال کیا ان کے ہمراہ ایم این اے و چیرمین دفاعی کمیٹی امجد علی خان بھی ان کے ہمراہ تھے داؤدخیل اسٹیشن پر شیخ رشید نے عوام سے خطاب کرتے ہوئے کہا کہ میں نے اپنے قائد عمرا ن خان کے حلقے میں نئی ٹرین چلا دی ہے جس سے عوام کو چار گھنٹوں کی کم مدت میں ملتان پہنچائے گی جس سے عوام کو کم وقت میں سفر طے کرنے کی سہولت مہیاءہو گی انہوں نے کہا کہ اب چوروں کا وقت ختم ہو چکا ہے انہوں نے کہا کہ 48گھنٹے بعد میں اسمبلی میں ہو گا اور عمران خان کو داؤدخیل کی عوام کی جانب سے ریفرنڈم کا بتاؤں گا کہ انہوں نے اعلان کر دیا ہے کہ چوروں ،لیٹروں کو پی اے سی کمیٹی کا چیرمین ختم کیا جائے جنہوں نے ملک کو لوٹا ہے ان کو عہدو ںپر نہیں بٹھانا بلکہ ان کو جیل میں بٹھانا ہے انہوں نے کہا کہ عمران خان کے حلقے میں کھڑا ہوں اور عمران خان کی وجہ سے داؤدخیل کی عوام کے لیے ماڑی انڈس تا لاہور ٹرین چلانے کا بھی اعلان کرتا ہوں ابھی ٹریک مکمل طور پر درست ہو جائیں تو مزید اس ٹریک پر ٹرینیں چلائیں گے میں ڈی ایس پشاور ناصر خلیلی کو کہوں گا کہ اس ٹریک کو جلد بہتر کیا جائے تاکہ اس پر نائٹ کوچز چلا کر میانوالی کی عوام کو بہتر سفری سہولت مہیا ءکی جائے ۔

اسلام آباد (ایمرا نیوز آن لائن)پاکستان پیپلز پارٹی کے رہنماسعید غنی نے کہا ہے کہ عمران خان نے خودکشی کرنے کی صرف بھڑک ماری تھی، خود کشی کا وعدہ پورا کرنے کے لئے شاید کنٹینر بن رہا ہے۔ایک بیان میںسعید غنی نے کہا کہ اللہ تعالی فرماتے ہیں جو وعدہ کرو پورا کرو۔سعید غنی نے کہا کہ خود کشی کا وعدہ پورا کرنے کے لئے شاید کنٹینر بن رہا ہے۔سعید غنی نے کہا کہ عمران خان قرضہ لینے سے انکار کر رہے ہیں آئی ایم ایف والے منتیں کر رہے ہیں۔ سعید غنی نے کہاکہ مراد سعید دو سو ارب ڈالرلیکر آ رہا تھا اپوزیشن والوں نے لوٹ لیا ۔