Tag lahore

LAHORE: A police officer allegedly raped a 20-year-old girl here in the Shamke Bhattian neighbourhood of the city’s Manga Mandi area, Geo News reported, citing a first information report (FIR) filed over the sexual assault.

The alleged sexual predator was identified as constable Azhar Shakoor, who is associated with the specialised Anti-Riot Police Unit (ARPU) and was stationed at Police Lines in Shamke Bhattian area, which comes under the jurisdiction of the Manga Mandi police station, according to the authorities and FIR.

Suspected rapist Azhar Shakoor broke into the house of his neighbour, the 20-year-old survivor, and sexually abused her. When the girl cried for help, the residents of the area heard her, intervened, and beat the attacker to a pulp.

After the survivor’s helpful neighbours had had their way with the suspect, they handed him over to the police, whereafter he was transferred to a local hospital for his injuries.

The FIR, police said, was filed after a medical test of the survivor was completed.

لاہور(عمر خالد)چیف جسٹس لاہورہائی ہائیکورٹ سید منصور علی شاہ نے ملازمین کی جانب سے دیئے گئے لنچ میں خطاب کرتے ہوئے کہا کہ یہ ادارہ آپ کی ماں ہے۔ اس کی دل وجان سے خدمت کریں ۔ ادارے پیار سے چلتے ہیں۔ ہائی کورٹ میں ملازمین کی تعداد لگ بھگ 2600 قریب ہیں۔ میرے لئے سب برابر ہے ۔ مجھے سب سے پیار ہے۔ میرے لئے وہ زیادہ پیارے ہیں جو ادارے سے پیار کرتے ہیں۔ فاضل چیف جسٹس نے کہا کہ ادارے اصولوں پر چلتے ہیں، ہائی کورٹ میں سب بھرتیاں میرٹ پر کی گئی ہیں ۔ اس بات پر لوگ آج تک مجھ سے ناراض ہیں لیکن مجھے اسکی کوئی پرواہ نہیں ہے۔ آپ سب خوش قسمت ہیں کہ آپ اس ادارے میں ہیں جو لوگو ں کے لئے آسانیاں پیدا کرتاہے۔ یہ کہانی روپے پیسے کی نہیں۔ بلکہ عوام کی خدمت کی ہے ۔میں آپ سے توقع کرتا ہوں کہ آپ عام آدمی سے اخلاق سے ملیں گے۔ آپ چہرے پر مسکراہٹ سے اسکا استقبال کریں تاکہ عام آدمی آپ کی تعریف کرے۔ اسی خدمت کے طرز پر آپ کو بہترین لباس میں ملبوس ہونا چاہئے۔ آپ کی تنخواہیں بہترین ہیں ۔فاضل چیف جسٹس نے کہا کہ قانون کے مطابق ملازمین کو کوٹہ کو بڑ ھائیں گے۔ ہمارے ساتھ ڈس ایبل ملازمین ہیں ہمیں ان کا خاص خیال رکھنا چاہئے۔ فاضل چیف جسٹس نے خواتین ملازمین کے لئے ڈے کئیر سنٹر کا اعلان بھی کیا ۔ انہوں نے کہا کہ ادارے میں جینڈر حساسیت بہت ضروری ہیں۔ انہوں نے کہا ہائی کورٹ کو کرپشن فری بنائیں اور خیانت کرنے والے پر اللہ کی لعنت ہو۔ انہوں نے کیا کہ ملازمین بشمول خواتین کے استعداد کار کو بڑھانے کیلئے غیر ملکی ٹریننگ کے دائرہ کار کو بڑھایا جائے گا۔ انہوں نے کہا کہ ملازمین اپنی صحت پر توجہ دیں۔ صاف ستھرا کھانا کھائیں۔ اس کے لئے کیفے ٹیریا بنایاگیا ہے۔ میں نے بطور چیف جسٹس کھانے کے اوقات مقرر کیا۔ ہم سب فیملی کی طرح ہیں۔ کیفے ٹیریا میں آئیں اور کھانا کھائیں۔ کیفے ٹیریا میں آپ کے ساتھ بیٹھ کر کھانا کھائوںگا۔ جنوری کے پہلے ہفتے میں کیفے ٹیریا کا افتتاح کیا جائے گا۔ ڈرائیورز کی سہولت کے لئے ان کو موٹر سائیکل دی نائب قاصد کو بھی موٹرسائیکل دینے کا پلان ہے۔ ملازمین کیلئے ہائوسنگ کالونی بنانے کی کو شش کی جارہی ہے۔ ہم پولیس کی مدد سے اپنے ادارے کی سکیورٹی کیلئے مارشلز تیار کریںگے۔ یہ لنچ ملازمین نے چیف جسٹس لاہورہائی ہائیکورٹ کی طرف سے ملازمین کی فلاح کے لئے اٹھائے گئے اقدامات کو مدنظررکھتے ہوئے ترتیب دیا۔ اس سے پہلے جسٹس یاور علی نے کہا جو کام کرنے کی رفتار ، کام کی لگن اور بڑوں کی قدر میں نے ہائی کورٹ کے ملازمین میں دیکھی وہ کسی ادارے میں نہیں دیکھی۔ انہوں نے چیف جسٹس کو انکی جانب سے ملازمین کی فلاح کے لئے اٹھائے گئے اقدامات پر خراج تحسین پیش کیا۔ لنچ کی تقریب میں جسٹس مامون رشید شیخ، جسٹس امیر بھٹی، جسٹس عبد السمیع خان، جسٹس عابد عزیز شیخ، جسٹس شا ہدکریم، جسٹس علی اکبر قریشی، جسٹس شاہد بلال حسن،جسٹس جواد حسن اور جسٹس سردار اہمد نعیم موجود تھے۔ رجسٹرارلاہورہائی کورٹ سید خورشید انور رضوی اور ڈی ڈی جی ڈائریکٹوریٹ آف ڈسٹرکٹ جوڈیشری محمد اکمل خان بھی تقریب میں موجود تھے۔تقریب کے آخر میں ہائی کورٹ ملازمین کی جانب سے فاضل چیف جسٹس کو تلوار پیش کی گئی۔

لاہور(شیخ مبشر حسین) لاہورپولیس نے کرسمس کی تقریبات کا سکیورٹی ٹریفک پلان تیار کرلیے گئے،24دسمبر25دسمبر کو6ایس پیز،35ڈی ایس پیز اور63انسپکٹر سمیت10ہزار سے زائد اہلکار ڈیوٹی سرانجام دیں گے۔ ڈی آئی جی آپریشنز ڈاکٹرحیدر اشرف نے میڈیا سے گفتگو کرتے ہوئے بتایاکہ لاہورمیں481گرجاگھر اور 153مسیحی آبادیاں ہیں ، کرسمس پر گرجا گھروں کو حساسیت کے اعتبار سے اے بی سی کیٹیگریز میں تقسیم کیا گیا ہے۔ کیٹیگری Aمیں69، کیٹگری Bمیں94اور کیٹگری Cمیں 318گرجا گھروں کو رکھا گیا گیا ہے، تمام ڈویژنل ایس پیز کو گرجا گھروں اور کرسچن آبادیوں میں سرچ سویپ آپریشن کرنے کی بھی ہدایت کی ہے۔ انہوں نے مزید بتایاکہ گرجا گھروں کو فول پروف سکیورٹی فراہم کرنے کیلئے بیرئیرز ،خاردار تاریں ، سراغ رساں کتے واک تھرو گیٹس، میٹل ڈیکٹرز اور سیکٹرز سے مدد لی جائیگی۔ سی ٹی او ایس ایس پی رائے اعجاز احمد نے بتایا ہے کہ کرسمس کے موقع پر شہریوں کو سڑکوں پر محفوظ راستہ دینے اور ٹریفک کے بہائو کو برقرار رکھنے کیلئے تمام گرجاگھروں اور تقریبات کے مقامات کے اردگرد2ایس پی12ڈی ایس پی80سیکٹر انچارج اور60سے زائد پٹرولنگ آفس فرائض سرانجام دیں گے۔ انہو ں نے ایس پیز اورڈی ایس پیز کو ہدایت کی ہے کہ وہ خود گرجاگھروں کے اردگرد کی شاہراہوں پرٹریفک کے بہائو کی نگرانی کریں۔

لاہور(میڈیا نائن ٹو ڈاٹ ٹی وی) وزیراعلی پنجاب شہباز شریف کا کہنا ہے کہ محاذ آرائی ترقی کی راہ میں رکاوٹ اورملک کیلئے نقصان دہ ہے۔ذرائع کے مطابق وزیراعلی پنجاب شہبازشریف کا اپنے بیان میں کہنا ہے کہ پاکستان ہماری شناخت ہے اور ہمیں اپنی اس شناخت کو مضبوط سے مضبوط تربنانا ہے، محاذ آرائی ملک کے لئے نقصان دہ بھی ہے اور ترقی کی راہ میں رکاوٹ بھی، نفاق اوراختلافات سے قومیں اور معاشرے آگے نہیں بڑھتے، یہ منزل باہمی اتحاد سے ہی حاصل کی جاسکتی ہے اور وقت کا تقاضا ہے کہ پوری قوم اتحاد کی قوت سے آگے بڑھے۔
وزیراعلی پنجاب نے کہا کہ پاکستان مسلم لیگ (ن) کی حکومت نے ملک کو ترقی کی منزل سے ہمکنار کرنے کے لئے انتھک محنت اور جدوجہد کی ہے، حکومتی کاوشوں کے باعث توانائی بحران کے خاتمے کی گھڑی آن پہنچی ہے، پاکستان کو صحیح معنوں میں قائدؒ اور اقبالؒ کا پاکستان بنانے کے لئے مل کر کام کیا جائے۔

لاہو ر ( میڈیا نائن ٹو ڈاٹ ٹی وی) حکومت پنجاب نے رواں مالی سال2017-18 کے دوران صوبائی محکمہ پلاننگ اینڈ ڈویلپمنٹ کی صوبائی ڈویلپمنٹ ورکنگ پارٹی کے33ویںاجلاس میں اریگیشن اور ہیلتھ سیکٹرز کی 4 ترقیاتی سکیموں کو مکمل کرنے کے لیے مجموعی طور پر 17 ارب 7کروڑ 3 لاکھ 1 ہزار روپے کی منظوری دی ۔ اجلاس کی صدارت چیئرمین پی اینڈ ڈی محمد جہانزیب خان نے کی۔

لاہور(میڈیا نائن ٹو ڈاٹ ٹی وی)منظور احمد سابقہ ایڈمنسٹریٹر گوالہ کالونی ہربنس پورہ سال 2004ءمیں ملتان ڈویلپمنٹ اتھارٹی سے فارغ ہوا۔ بعدازاں سال2006ءمیں بحوالہ چٹھی نمبرLCS(ADMN)-1(39)/86-Pمورخہ18-05-2006اور بحوالہ بروئے آرڈر نمبر DO(H&RM)SG/367مورخہ21-11-06کے تحت ایڈمنسٹریٹر گوالہ کالونی ہربنس پورہ لاہور تعینات ہوا۔ بعدازاں سال2011ءسیکرٹری لوکل گورنمنٹ کی ہدایت پر اور مذکورہ ملزم کے آرڈر جعلی ہونے پر اس کو محکمہ سے فارغ کیا گیا جس پر اس کے خلاف مقدمہ عنوان بالا نمبری529/11مورخہ07-05-11جرم 420/468/471ت پ PCA 5/2/47تھانہ ہربنس پورہ لاہورحال اینٹی کرپشن قصور درج رجسٹرڈ ہوا۔مذکورہ ملزم پر الزم ہے کہ اس نے DCلاہور وغیرہ کے جعلی وفرضی دستاویز تقرری وچٹھی ہائے جاتے تیار کرکے اپنے آپ کو بطور ایڈمنسٹریٹر گوالہ کالونی ہربنس پورہ تعینات کیا۔ دوران تعیناتی عرصہ تقریباً6سال مذکورہ نے گورنمنٹ آف پنجاب کے خزانہ سے تنخواہ کی مد میں تقریباً23لاکھ روپے ودیگر مراعات حاصل کیں۔ جس کی اول تفتیش بذریعہ لوکل پولیس عمل میں لائی گئی۔جوکہ بعدازاں عدم اختیار کی بناءپر تفتیش مقدمہ محکمہ اینٹی کرپشن کے سپرد ہوکر تفتیش بذریعہ
(1) محمد طارقDDI/R&Dاینٹی کرپشن ہیڈ کوارٹر پنجاب لاہور اور(2) احمد جاوید چٹھہADI/ACEشیخوپورہ(3) امتیاز احمد خانADI/ACEقصور،(4)نعیم الرحمن خانDDI/ACEقصور عمل میں لائی گئی۔ جنہوں نے اپنی تفتیش ہائے میں ملزم منظور احمد سابقہ ایڈمنسٹریٹر گوالہ کالونی ہربنس پورہ نے تفتیش میں تاخیری حربے استعمال کرتے ہوئے مختلف درخواستیں ورٹ پٹیشن ہائی کورٹ دائر کیں۔ بعدازاں مذکورہ نے ایک درخواست برائے دوبارہ تفتیش DGاینٹی کرپشن پنجاب لاہور کو دی جوکہ مجاذ اتھارٹی نے اس کی درخواست برائے دوبارہ تفتیش کو خارج کرتے ہوئے مجاز اتھارٹی نے اس کے خلاف جوڈیشل ایکشن منظور کیا۔ بعدازاں جناب بریگیڈئیر(ر) مظفر علی رانجھا صاحب ڈائریکٹر جنرل پنجاب اینٹی کرپشن پنجاب لاہور اورجناب عدنان ارشد اولکھ صاحب ڈائریکٹر اینٹی کرپشن لاہور ریجن لاہور اور محمد عمر مقبول ڈپٹی ڈائریکٹر اینٹی کرپشن قصور نے مذکورہ ملزم کی گرفتاری کےلئے خصوصی ٹیم تشکیل دی۔ مجاز اتھارٹی کی ہدایت کی پر شاید عنایت بھٹی سرکل آفیسر اینٹی کرپشن قصو ر نے اپنی ٹیم کے ہمراہ مورخہ24-11-2017کو ملزم منظور احمد سابقہ ایڈمنسٹریٹر گوالہ کالونی ہربنس پورہ کو حسب ضابطہ گرفتار کرلیا۔

لاہور(ایم نائن ٹو ڈاٹ ٹی وی) لاہور، قصور ، شیخوپورہ، ننکانہ میں 638غیر قانونی ہاوسنگ سوسائٹیوں کا انکشاف، تفصیلات کے مطابق ایل ڈی اے نے اعتراف کیا ہے کہ صوبائی دارالحکومت سمیت لاہور ڈویژن کے چار اضلاع میں غیر قانونی ہائوسنگ سکیمیں قائم ہیں جن میں قصور  میں 188، لاہور میں 213، شیخوپور ہ 176اور ننکانہ میں 43 غیر قانونی ہاوسنگ سکیمیں موجود ہیں۔ ذرائع کے مطابق ایل ڈی اے نے غیر قانونی ہائوسنگ سکیموں کے حوالے سے ریکارڈ نیب لاہور کو مہیا کر دیا ہے۔ ریکارڈ کی جانچ پڑتال کے بعد بڑے پیمانے پر عوام کے اربوں روپے ہڑپ کرنے والے بڑے مگرمچھوں کے خلاف کارروائی کا آغاز کیا جائے گا،اس وقت قصور ، ننکانہ ، شیخوپورہ ، لاہور میں 161 سوسائٹیاں ایسی ہیں جنہوں نے منظوری کے لئے درخواست دے رکھی ہے ،ایل ڈی اے کے مطابق 161 سوسائٹیوں کی حتمی منظوری تک ان سوسائٹیوں کو بھی غیر قانونی سمجھا جائے ، ایل ڈی اے نے شہریوں کا انتباہ کیا ہے کہ اشتہارات کے ذریعے پلاٹ فروخت کرنے والی ہائوسنگ سکیموں میں عوام اس وقت تک پلاٹ نہ خریدیں جب تک ایل ڈی اے منظور ی نہ دے ،لاہور ڈویلپمنٹ اتھارٹی نے غیر قانونی ہائوسنگ سوسائٹیوں کے مالکان کو وارننگ دی جاتی ہے کہ وہ پلاٹو ں کی فروخت اور ترقیاتی کام فوری طور پر بند کر دیں ورنہ قانونی کارروائی کی جائے گی۔

لاہور(میڈیا نائن ٹو ڈاٹ ٹی وی) صوبائی وزیر ہائیر ایجوکیشن سید رضا گیلانی نے کہا ہے کہ منشیات کے استعمال کرنے والے کا سب سے پہلے اس کی ماں کو علم ہوتا ہے۔ ہمارے تعلیمی اداروں میں نشہ کارجحان جس تیزی سے بڑھ رہا ہے اس کے تدارک کےلئے حکومت مختلف اداروں کے ساتھ مل کر بے پناہ کام کررہی ہے۔ ہم نے یونیورسٹیاں اور کالجز میں نشہ کے خلاف بھرپور مہم کے ساتھ ساتھ ڈرگ فری کیمپس پروگرام کا آغاز کیا ہے۔ یہ بات انہوں نے ڈرگ ایڈوائزری ٹریننگ حب یوتھ کونسل فارانٹی نارکوٹکس کے زیر اہتمام محکمہ ہائیرایجوکیشن اورکولمبو پلان کے تعاون سے تعلیمی اداروں کے نامزد فوکل پرسن کی ایک روزہ تربیتی ورکشاپ کی افتتاحی تقریب سے خطاب کرتے ہوئے کہی۔تقریب میں تعلیمی اداروں کے نامزد فوکل پرسنز نے شرکت کی۔

لاہور(میڈیا نائن ٹو ڈاٹ ٹی وی) رواں مالی سال کے آخر تک 4مسافر ریل گاڑیوں کے نئے ریک تیار ہوجائیں گے جن کی تزین وآرائش کا کام جاری ہے جبکہ 31دسمبر تک علامہ اقبال ایکسپریس ٹرین کی دوطرفہ نئی بوگیاں تیار کرلی جائینگی۔ چیف مکینیکل انجینئر ریلوے راحت مرزنے میڈیا سے گفتگو کرتے ہوئے کہا کہ ریل سے سفر کرنے والے مسافروں کو خاطر خواہ سہولتیں فراہم کرنے کےلئے کوشاں ہیں اس مقصد کےلئے رواں مالی سال کے اختتام سے قبل چار ریل گاڑیاں نئی مسافر بوگیاں کے ساتھ لاہور اور کراچی کے درمیان چلیں گی۔ ان ریل گاڑیوں میں خیبر میل، اکبر ایکسپریس، ہزارہ ایکسپریس اور علامہ اقبال ایکسپریس شامل ہیں۔

لاہور(میڈیا نائن ٹو ڈاٹ ٹی وی) حکومت پنجاب کا مالی مشکلات سے دوچار پی ایچ اے کی انکم کا ذریعہ آﺅٹ ڈور ایڈورٹائزنگ کا شعبہ مرحلہ وار غیر ملکی کمپنیوں کو دینے کا فیصلہ فرموں کی پری کوالیفکیشن کےلئے درخواستیں مانگ لی گئیں ہیں۔ جس سے پارکس اینڈ ہارٹیکچر اتھارٹی کو مزید کم وبیش40کروڑ سے زائد کا نقصان ہوگا۔ تفصیلات کے مطابق شہر بھر میں آﺅٹ ڈور ایڈورٹائزنگ کی مد میں پی ایچ اے سالانہ60کروڑروپے کماتی ہے اس سال ٹارگٹ 65کروڑ سے زائد ہے حکومت پنجاب کی ہدایت پر کمشنر عبداللہ سنبل نے غیر ملکی کمپنی جے سی ڈیو اور پی ایچ اے کے درمیا ن کوارڈینیشن کرواکر معاملات طے کروادئیے ہیں جس کے مطابق پی ایچ اے نے اہم سڑکوں جن میں مین بلیووارڈ ، ایم ایم عالم روڈ، قصوری روڈ، جیل روڈ اور پارک لین روڈ شامل ہیں کو نجی ایڈورٹائزرکمپنیوں کو دینے کےلئے ان کی پری کوالیفکیشن کرنے کےلئے درخواستیں مانگ لی ہیں ان شاہراہوں پر ڈیجٹیل بورڈز زمین پر بھی لگائے جاسکیں گے جن پر2008ءسے حکومت نے پابندی عائد کررکھی ہے۔پی ایچ اے ان شاہراہوں سے کم وبیش40,35کروڑ روپے سالانہ کمارہی ہے اور ڈیجٹیل بورڈز لگوائے تو اس مد میں مزید دس سے پندرہ کروڑ روپے کااضافہ ہوسکتاہے۔