Tag lahore

لاہور (میڈیا نائن ٹو ڈاٹ ٹی وی )فیصل آباد جانے والی فلائے دبئی کی پرواز 8287 کو علامہ اقبال انٹرنیشنل ایئر پورٹ پر اتار لیا گیا، پرواز کے کپتان کی من مانی کے باعث جہاز میں سوار 146 عمرہ زائرین کو بسوں پر فیصل آباد بھجوایا گیا، بتایا گیا ہے کہ فلائے دبئی کمپنی کی ایئر لائن نے 140 عمرہ زائرین کو فیصل آباد ایئر پورٹ کے بجائے لاہور ایئر پورٹ پر اتار دیا، جس سے تمام مسافروں کو شدید مشکلات کا سامنا کرنا پڑا، مسافروں کوجہاز سے اتار کر بسوں پر سوار کرنے کے معاملہ پر مسافروں سے اعتراض کرتے ہوئے کہا کہ مہنگے ٹکٹ خرید کر بھی بلاوجہ انتظامیہ کی جانب سے اذیت پہنچائی جا رہی ہے، اس کے برعکس فیصل آباد سے دبئی جانے والے مسافروں کو فلائے دبئی کی پرواز 8288 پر دبئی بھجوایا جائے گا۔

لاہور (میڈیا نائن ٹو ڈاٹ ٹی وی )لاہور ہائیکورٹ نے مہتاب الٰہی مارکیٹ اچھرہ میں غیر قانونی تعمیرات کے خلاف دائر درخواست پر ڈی سی لاہور سے جواب طلب کر لیا۔ تفصیلات کے مطابق  جسٹس عابد عزیز شیخ نے مارکیٹ کے دوکاندار موسی خان کی درخواست پر سماعت کی درخواستگزار وکیل نے عدالت کے روبرو موقف اختیار کیا کہ زیلدار روڈ پر مہتاب الہی  مارکیٹ سنگل  سٹوری دکان  جو پرانی حالت میں ہے  درخواستگزار وکیل نے الزام لگایا کہ مارکیٹ کے ایک دوکاندار غلام حسین نے  سیاسی بنیادوں  پر مارکیٹ میں دوکان کے اوپر  تعمیر شروع کر دی ہے۔درخواستگزار وکیل بے نشاندہی کی کہ دکانوں کے اوپر دکانوں کی تعمیر بلڈنگ پلان کی منظوری اور این  او سی نہیں  لیا گیا درخواستگزار وکیل نے استدعا کی کہ عدالت  غیرقانونی  تعمیر  پر  کاروائی کا حکم دے عدالت نے درخواست پر کارروائی کرتے ہوئے ڈی سی لاہور سے جواب طلب کر لیا۔

لاہور(M92)لاہور ہائیکورٹ میں سانحہ ماڈل ٹاو¿ن کی رپورٹ پبلک کرنے کے فیصلے کیخلاف حکومتی اپیل پرسماعت جاری ہے،حکومتی اپیل کی سماعت جسٹس عابد عزیز شیخ کی سربراہی میں فل بنچ سماعت کررہاہے،دوران سماعت سانحہ ماڈل ٹاؤن متاثرین کے وکیل بیرسٹر علی ظفر نے دلائل دیتے ہوئے کہاکہ معلومات تک رسائی کاقانون بنیادی حقوق تصورکیاجاتاہے،جوڈیشل انکوائری رپورٹ عوامی دستاویزہے،شائع کی جائے،انہوں نے کہا کہ رپورٹ شائع ہونے سے ملزمان کے ٹرائل پرکوئی اثرنہیں پڑے گا،رپورٹ کی مدد سے کسی کومجرم نہیں ٹھہرایاجاسکتا،استغاثہ کے وکیل کے دلائل جاری ہے ،ادھرحکومتی وکیل خواجہ حارث فل بنچ کے روبرو پیش نہیں ہوئے۔

لاہور(M92) حادثات کا باعث بننے والے غیر تربیت یافتہ ڈرائیوروں کو پنجاب حکومت تربیت دے کر کوالیفائیڈ دڈرائیورز بنائے گی جس کے لئے20تربیت گاہیں لاہور میں قائم کی جائیں گی جس پر1ارب30کروڑ 56لاکھ روپے لاگت آئے گی جبکہ 20پرائیویٹ ڈرائیونگ سنٹرز کو فرنچائز دی جائیں گی جہاں 3ماہ کے اندر کم عقل غیر تربیت یافتہ ڈرائیورکو عقل مند اور تربیت یافتہ ڈرائیور بنایا جائے گا۔

لاہور(M92) شہر میں چوری اور ڈکیتی کی متعدد وارداتوں میں شہریوں کو لاکھوں روپے، زیورات اور دیگر قیمتی اشیاءسے محروم کردیاگیا۔ ذرائع کے مطابق کاہنہ میں شیریز کی فیملی کو یرغمال بناکر 5لاکھ اور طلائی زیورات ، وحدت کالونی میں رشید کے گھر سے فیملی کو یرغمال بناکر1لاکھ20ہزار، طلائی زیورات، موبائل فون، شاہدرہ میں امجد کے گھر سے فیملی کو یرغمال بناکر2لاکھ40ہزار موبائل فون، گلشن اقبال میں فاروق کی فیملی کو یرغمال بناکر2لاکھ اور طلائی زیورات موبائل فون چھین لیا۔ ماڈل ٹاﺅن میں سرور ڈیفنس سی میں کاشف کی گاڑیاں جبکہ مصطفی ٹاﺅن میں اختر گلشن اقبال میں مبین نواب ٹاﺅن میں شہباز مغل پورہ میں سعید اور موچی گیٹ میں شاہد کی موٹر سائیکلیں چوری کرلی گئیں۔

لاہور(M92) شہری ہوشیار باش لاہور میں پلاٹ خریدنے سے پہلے ایل ڈی اے سے تصدیق کرلیں کہ وہ کالونی انتظامیہ سے منظور شدہ ہے یا نہیں، پہر بھر میں اس وقت بیسیوں غیر قانونی سوساٹیز شہریوں سے پیسے بٹورنے میں مصروف ہیں شہر اور گردونواح میں186سے سوسائٹیز ایسی ہیں جو ایل ڈی اے سے منظور شدہ نہیں اور نہ ہی ان کے پاس این او سی ہے لیکن پھر بھی ان سوساٹیز میں پلاٹ کی چائنہ کٹنگ جاری ہے ، سوساٹیز کے مالکان خود کو ایل ڈی اے اور ضلعی انتظامیہ سے منظور شدہ ثابت کرکے معصوم شہریوں کوپلاٹ بیچ رہے ہیں۔ ایل ڈی اے حکام کا کہنا ہے کہ شہری پلاٹ خریدنے سے پہلے تصدیق کرلیں کہ وہ کالونی ایل ڈی اے سے منظور شدہ ہے یا نہیں، حکام کا کہنا تھا کہ ہم جلد نیب کے ساتھ مل کر غیر قانونی سوساٹیز کے خلاف کارروائی کریں گے۔

لاہور(M92)پنجاب لینڈ ریکارڈ اتھارٹی کے اسسٹنٹ ڈائریکٹر لینڈ ریکارڈ ز نے عدالت عالیہ کی جانب سے اراضی پر جاری حکم امتناعی کی کینسلیشن کے احکامات پر عملد رآمد کی آڑ میں رشوت وصولی اور بدعنوانی کا بازار گرم کر دیا،صوبے بھر میں حکم امتناعی کینسل ہونے کے بعد شہریوں کو تصدیق کے بہانے ایک ایک مہینے خوار کیا جانے لگا،پنجاب لینڈ ریکارڈ اتھارٹی کی جانب سے واضح ایس او پی کاجاری نہ کیا جانا بھی اسسٹنٹ ڈائریکٹر لینڈ ریکارڈ ز کے لئے نعمت ثابت ہوا،منہ مانگے داموں کی وصولی کے بعد سائل کی درخواست پر 24گھنٹے میں عمل درآمد کئے جانے کا بھی انکشاف،پنجاب لینڈ ریکارڈ اتھارٹی انتظامیہ سے نوٹس کا مطالبہ ،تفصیلات کے مطابق پنجاب لینڈ ریکارڈ اتھارٹی انتظامیہ کی جانب سے بنائے گئے قوانین وضوابط ادارے کے آئین اور اہلکاروں کے لئے جاری ایس او پی میں واضح خامیوں کا انکشاف ہوا ہے جس کے تحت صوبے بھر میں پنجاب لینڈ ریکارڈ کے زیر انتظام کام کرنے والے اسسٹنٹ ڈائریکٹر لینڈ ریکارڈ ز نے رشوت وصولی اور بدعنوانی کا بازار گرم کردیا ہے،سائلین کی اراضی پر عدالت عالیہ کی جانب سے لگے ہوئے ہوئے حکم امنتناعی اور پھر دوبارہ عدالت عالیہ کی جانب سے حکم امتناعی کے کینسل کئے جانے کے احکامات پر عمل درآمد کے لئے اسسٹنٹ ڈائریکٹر لینڈ ریکارڈ زنے اپنے مفادات پورے کرنے کے لئے ایک نیا راستہ نکال لیا ہے ،سائل کو یہ کہا جاتا ہے کہ کیونکہ عدالت عالیہ نے اراضی پر حکم امتناعی کینسل کر دیا ہے لیکن اس کو کمپیوٹرائزڈ ریکارڈ میں بعد از تصدیق اندراج کیا جائے گا،تصدیق کے اس مرحلہ میں سائل کو ایک مہینے تک خوار کیا جاتا ہے جس کا صرف مقصد یہ ہوتا ہے کہ سائل خواری سے بچنے کے لئے پیسے دے کر اپنے کام کو مکمل کروالئے ،ذرائع نے مزید انکشاف کیا ہے کہ عدالت عالیہ کی جانب سے کینسل حکم امتناعی کو ریونیو ریکارڈ میں اندراج کے لئے جو سائل منہ ما نگے دام دے دیتا ہے تو 24گھنٹے کے اندر ہی اس کا اندراج کر دیا جاتا ہے بصورت دیگر اس کو حسب صابق خوار کیا جاتا ہے ،پنجاب کے تمام کمپیوٹرائزڈ اراضی ریکارڈ میں دوہرے معیار کو اپنایا گیا ہے جس میں ایک طرف سائل کو ایک مہینے تک خوار کیا جاتا ہے اور دوسری طرف 24گھنٹے میں کام کو مکمل بھی کر لیا جاتا ہے،یہ بھی دیکھنے میں آیا ہے کہ عدالت عالیہ کی جانب سے کینسل کئے جانے والے حکم امتناعی پر عمل درآمد میں تاخیر کے باعث مخالف پارٹی دوبارہ اسی پراپرٹی پر حکم امتناعی لے آتی ہے جس سے لڑائی جھگڑے کا نیا سلسلہ شروع ہو جاتا ہے ،پنجاب لینڈ ریکارڈ کی جانب سے اگر واضح ایس او پی بنائے جاتے تو ایسی پریکٹس معمول نہ بن جاتی، جس سے یہ واضح ہوتا ہے کہ پنجاب لینڈ ریکارڈ کے آئین ،قوانین و ضوابط میں ابھی بھی سقم پایا جاتا ہے جس کا فائدہ پنجاب لینڈ ریکارڈ اتھارٹی کے اسسٹنٹ ڈائریکٹر لینڈ ریکارڈ اٹھار ہے ہیں ۔
اسسٹنٹ ڈائریکٹر لینڈ ریکارڈز نے اپنے موقف میں کہا ہے کہ عدالت عالیہ کی جانب سے حکم امتناعی کو کینسل کرنے کے احکامات پر عمل درآمد کرنے میں ہمیں کوئی قباحت نہ ہے ،تصدیق کے بعد حکم امتناعی کے اندراج کا مقصد صرف اور صرف اپنی سیکیورٹی ہے ،کیونکہ ماضی میں کئی ایسے واقعات رونما ہو چکے ہیں جب اراضی ریکار ڈ پر لگے حکم امتناعی جعلی ثابت ہوئے اس کے ساتھ ساتھ کینسلیشن کے احکامات بھی جعلی نکلے ،پنجاب لینڈ ریکارڈ اتھارٹی کی جانب سے ہماراابھی تک سروس سٹرکچر ہی نہیں بنایا گیا ہے ،جب تک ہمیں ہمارے سروس سٹرکچر کے واضح ایس او پی نہیں دیئے جاتے ہیں اس وقت تک ایسی صورتحال پیش آتی رہے گی ،تصدیق کی آڑ میں رشوت وصولی کے الزامات میں صداقت نہیں ہے۔
پنجاب لینڈ ریکارڈ اتھارٹی کے ترجمان نے کہا ہے کہ عدالت عالیہ کی جانب سے حکم امتناعی کینسل کئے جانے کے احکامات میں اگر جان بوجھ کر کوئی عمل درآمدنہیں کر رہاہے تو اس کے خلاف محکمانہ کارروائی عمل میں لائی جائے گی،وزیر اعلیٰ پنجاب کا یہ پراجیکٹ صاف شفاف ہے جس کو ہر صورت میں کرپشن سے پاک رکھا جائے گا۔

لاہور(M92)ڈپٹی میئراعجاز حفیظ نے گلبرگ ز ون کا منصب سنبھال لیا، لارڈ میئر کرنل(ر) مبشر جاوید نے گلبرگ زون کے دفتر کا افتتاح کیا۔ ڈپٹی میئر اعجاز حفیظ اورانکی ٹیم نے میئر لاہور کا گلدستے پیش کرکے استقبال کیا۔ اس موقع پر ڈپٹی میئر مشتاق مغل، ڈپٹی میئر میاں محمود طارق، بلال چودھری، نذیر خان سواتی سمیت چیئرمینوں، وائس چیئرمینوں اور کونسلرز نے شرکت کی۔ مبشر جاوید نے کہا کہ ہم سب عوام کے منتخب کردہ نمائندے ہیں عوام نے ووٹ کی طاقت سے منتخب کیا اورہمارے کام بھی عوام کے فائدے میں ہونے چاہیں۔میئر لاہور نے چیئرمینز کو اپنا بازو کہتے ہوئے کہا کہ کوئی غلط فہمی ضرور ہوسکتی ہے مگر اندر سے ہم سب ایک ہیں۔

لاہور(M92) فارماسوٹیکل مینو فیکچرز مافیا ادویات کی مصنوعی قلت کےلئے متحرک، دل کے امراض سمیت مختلف ادویات مارکیٹ سے غائب ہوگئیں، شہری دربدر کی ٹھوکریں کھانے پر مجبور ہیں۔اس حوالے سے گفتگو کرتے ہوئے فارمسٹ اور لاءایکسپرٹ نورمہر نے بتایا کہ مارکیٹ میں ادویات کی قلت میں راءمیٹریل کی کمی اور فارمسیس مینوفیکچرز کی ملی بھگت ہے تاکہ ادویات کی قیمتوں میں مزید اضافہ کیا جاسکے۔ پاکستان کیمسٹ ریٹیلر ایسوسی ایشن کے صدر اسحاق میو کا کہنا تھا کہ ریٹیلرز تک ادویات کی فراہمی کو یقینی بنانا قانون کے مطابق فارما مالکان کا کام ہے۔ مگر یہ افراد کاروبار کو ترجیح دیتے ہوئے اپنے مفاد کےلئے ادویات کی قلت پیدا کرتے ہیں تاکہ قیمتوں میں اضافہ کی جاسکے۔

لاہور(M92) گارڈین جج ساجد محمود گوندل کی عدالت میںشاہدرہ کی صغری بی بی نے اپنے دوبچوں دو سالہ کاشف اور چار سالہ ہنزہ کے خرچے کا دعوی امتیاز مغل ایڈووکیٹ کی وساطت سے دائر کررکھا ہے بچوں کے حصول کےلئے اسحاق کا دعوی زیر سماعت ہے، گارڈین عدالت نے اسحاق کو حکم دیا کہ وہ بچوں کو چھ، چھ ہزار روپے ماہانہ ادا کرے لیکن عدالت کے حکم پر عملدرآمد نہیں کیا گیا۔ بچوں کی طرف سے امتیاز مغل ایڈووکیٹ نے درخواست دی کہ باپ بچوں کوخرچ کئی ماہ سے عدالت کے حکم کے باوجود ادانہیں کررہا۔ عدالت میں باپ اسحاق نے درخواست دی کہ اس کی بچوں سے ملاقات کرانے کا شیڈول بنایا جائے اس پر عدالت نے باپ کی درخواست کو مسترد کرتے ہوئے قرار دیا کہ جو باپ بچوں کو خرچہ نہ دے وہ بچوں سے ملاقات کا حق نہیں رکھتا لہٰذا باپ کا ملاقات کا حق ختم کیا جاتا ہے، عدالت نے کیس کی سماعت اگلے ہفتے تک ملتوی کردی۔