Tag pm imran khan

وزیراعظم عمران خان عالمی اقتصادی فورم (ورلڈ اکنامک فورم) کے سالانہ اجلاس میں شرکت کے لیے سوئٹزرلینڈ کے شہر ڈیووس روانہ ہوگئے۔
ریڈیو پاکستان نے رپورٹ کیا کہ وزیراعظم کے ہمراہ وزیرخارجہ شاہ محمود قریشی، مشیر برائے تجارت عبدالرزاق داؤد، معاون خصوصی برائے بیرون ملک مقیم پاکستانی ذوالفقارعباس بخاری اور معاون خصوصی برائے قومی سیکیورٹی ڈویژن معید یوسف ہیں۔
اس کے علاوہ مشیر برائے خزانہ ڈاکٹر عبدالحفیظ شیخ اور بڑے پیمانے پر سرمایہ کاری کے سفیر علی جہانگیر صدیقی ڈیووس میں وزیراعظم کے ساتھ شریک ہوں گے۔
مذکورہ دورے کے 2 اہم نکات ہیں، جس میں وزیراعظم عمران خان کا عالمی اقتصادی فورم کے خصوصی سیشن سے اہم خطاب اور سی ای اوز اور کارپوریٹ لیڈرز کے ساتھ پاکستان اسٹریٹجی ڈائیلاگ پر بات چیت کرنا ہے۔
اجلاس کی سائڈ لائن پر وزیراعظم عمران خان، امریکی صدر ڈونلڈ ٹرمپ کے ساتھ ساتھ مختلف عالمی رہنماؤں کے ساتھ دوطرفہ ملاقاتیں بھی کریں گے۔
اس کے علاوہ کارپوریٹ، بزنس، ٹیکنالوجی اور فنانس ایگزیکٹو اور بین الاقوامی مالیاتی اداروں کے نمائندوں کے ساتھ مختلف ملاقاتیں بھی شیڈول ہیں۔
رپورٹ کے مطابق عمران خان فورم کے بین الاقوامی میڈیا کونسل کے سیشن کے دوران عالمی میڈیا کی سینئر شخصیات اور ایڈیٹرز سے بھی خطاب کریں گے۔

اسلام آباد(ایمرا نیوز آن لائن)پارٹی پالیسی کے خلاف بیان بازی کے الزام میں پاکستان تحریک انصاف( پی ٹی آئی) سے معطل ہونے والے رکن حامد خان نے اپنے شو کاز نوٹس کا جواب دے دیا۔

جواب میں انہوں نے کہا ہے کہ کوئی بھی مفاد پرست، زمینوں پر قبضہ کرنے والا، شوگر اور کرپٹ مافیا انہیں پارٹی سے نہیں نکال سکتا اور اپنی ممبرشپ کے تحفظ کے لیے تمام آئینی و قانونی راستے اپنائیں گے۔

یاد رہے کہ 2 دسمبر کو وزیراعظم عمران خان کی ہدایت پر تحریک انصاف کے سینئر و ناراض رہنما حامد خان کو شوکاز نوٹس جاری کیا گیا تھا جس کے مطابق حامد خان نے میڈیا میں پارٹی پر غلط الزام لگائے اور پارٹی کی ساکھ کو نقصان پہنچایا۔

پی ٹی آئی نے پارٹی پالیسی کیخلاف بیان بازی پر حامد خان کی رکنیت معطل کر دی شوکاز کے جواب میں حامد خان نے مزید کہا کہ “پارٹی میرے لیے سب کچھ ہے، میں نے پارٹی کو بہت وقت دیا اور واضح کرتا ہوں کہ پارٹی کسی حالت میں نہیں چھوڑوں گا۔”

حامد خان کا یہ بھی کہنا تھا کہ وہ اپنے پارٹی ورکرز کے ساتھ کھڑے رہیں گے اور یہ کہ ان کی آواز پارٹی ورکرز کی آواز ہے۔

(ایمرا نیوزآن لائن) محترم عمران خان صاحب سربراہ پاکستان تحریک انصاف

سب سے پہلے تو میں آپ کا شُکر گزار ہوں کہ آپ کی بائیس سالہ جدوجہد کے نتیجے میں، میں وزیر اعظم پاکستان کے رتبے پر فائز ہوا جو کہ میرا دیرینہ خواب تھا۔ اس کے ساتھ ساتھ مجھے اس بات کا بھی بھرپور احساس ہے کہ اس جدوجہد کے دوران آپ نے قوم سے لاتعداد ایسے وعدے کیے جو کہ بظاہر اب پورے ہوتے انتہائی مشکل نظر آرہے ہیں۔

مجھے اندازہ ہے کہ اس صورتحال کی وجہ سے آپ نہ صرف پریشان ہونگے بلکہ پشیمان بھی ہونگے کہ آپ کے وہ سارے وعدے اب ایک ایسی شرمندگی بن کر سامنے آرہے ہیں کہ کہیں منہ چھپانے کا راستہ نہیں مل رہا۔

میرے پیارے عمران خان آپ کا مجھ پر بہت بڑا احسان ہے کہ آپ نے میرے وزیراعظم بننے کے لیے ہر وہ راستہ اختیار کیا جو اقتدار تک لے کر جاتا ہے اور آپ ہی کے باعث میں آج اقتدار میں ہوں۔ مجھے سب کچھ یاد ہے کہ کس کس طرح سے آپ نے کنٹینر پر بار بار چڑھ کر اقتدار کی کرسی پر جمے لوگوں کو نیچے دھکا دیا تاکہ میں اُن کی جگہ لے سکوں۔

میں جب سوچتا ہوں کہ آپ ڈالر کی قدر بڑھنے پر کس طرح وعدے کرتے تھے کہ اگر میں وزیر اعظم بن گیا تو ایسا بالکل نہیں ہوگا اور روپیہ عزت پائے گا مگر میں آپ سے شرمندہ ہوں کہ بجائےاس کے کہ روپیہ عزت پاتا اور کم قیمت ہوگیا میں نے بہت کوشش کی کہ ایسا نہ ہو مگر میں کیا کروں مجھے آپ کے پیارے اسد عمر نے اس خواب میں رکھا ہوا تھا جو آنکھ کھلنے پر بھیانک ثابت ہوا۔

آج جب میں آپ کی وہ تقریر یاد کرتا ہوں جس میں پاکستان کے عوام کو مخاطب کرکے آپ نے کہا تھا کہ میں پاکستان کو ریاست مدینہ کے روپ میں ڈھال دوں گا تو اپنے آپ سے شرمندہ ہوجاتا ہوں کہ میں اس وعدے کو بھی ابھی تک پورا نہ کرسکا بلکہ جب سانحہ ساہیوال کے قاتلوں کو آزاد ہوتے دیکھتا ہوں اور کچھ کر بھی نہیں سکتا تو سوچتا ہوں کہ اگر میری جگہ حضرت عمرؓ ہوتے تو کیا وہ اس ظلم پر خاموش رہتے مگر یقین کریں میرے محسن عمران خان!میں اس پر بہت شرمندہ ہوں کہ اُن معصوم بچوں کو بھی انصاف نہ دلاسکا جنہوں نے اپنے ماں باپ اور پیاروں کو اپنی ہی آنکھوں کے سامنے بےدردی سے قتل ہوتے دیکھا۔

مجھے پتا ہے آپ عوام کو بھوکا نہیں دیکھنا چاہتے بلکہ کنٹینر پر بار بار حضرت عمرؓ کا وہ قول دہراتے تھے کہ اُن کی حکومت میں ایک کتا بھی بھوکا نہیں سوتا۔ میں نے آپ کے خواب کی تکمیل کے لیے لنگر خانے بنادیے ہیں مگر مجھے میرے وزیر بتاتے ہیں کہ ان لنگر خانوں سے مستحق کم اور ہٹے کٹے زیادہ فیضیاب ہورہے ہیں تو میں کچھ کرنے کا اختیار رکھنے کے باوجود بھی کچھ کرنہیں پاتا کیونکہ میں پہلے ہی بار بار یو ٹرن پر یو ٹرن لینے پر بہت بدنامی کا شکار ہوچکا ہوں۔

میرے مرشد عمران خان آپ نے یہ بھی کہا تھا کہ میں وزیر اعظم بنتے ہی بیروزگاری کا بھی مکمل خاتمہ کردوں گا مگر مجھے معاف کردیجیے گا میں آپ کے وعدے کے مطابق بیروزگاری تو ختم نہ کرسکا مگر میرے مشیروں اور وزیروں کے غلط مشوروں کی وجہ سے میں نے جو فیصلے کیے اُس سے ہزاروں لوگ مزید بیروزگار ہوگئےاور اب وہ دن رات مجھے بدعائیں دیتے ہیں مگر میں کیا کروں میں کہاں سے لاؤں اُن کے لیے نوکریاں یہاں تو سارے ادارے یا تو خسارے میں ہیں یا بند ہیں اسی لیے میں نے اپنے وزیر فواد چوہدری کو کہا کہ بیروزگاروں کو بتادو کہ کوئی نوکری نہیں ہے ابھی صبر کریں وہ تو شُکر ہے کہ فواد ہر بُرائی اپنے گلے لے لیتا ہے ورنہ بہت پریشانی ہونی تھی عوام کا سامنا کرنے میں۔

میرے پیر عمران خان مجھے یہ بھی شرمندگی ہے کہ میں لاکھوں گھر دینے کے آپ کے دعوے پر بھی آپ کو ابھی تک سرخرو نہ کرسکا مگر میں کیا کروں جب جب میں اس پر کوئی عملی قدم اٹھاتا ہوں تو آپ کا دیا ہوا تحفہ طارق بشیر چوہدری کہتا ہے کہ پہلے ق لیگ کے ووٹرز کو گھر ملیں گے کیونکہ یہ ہماری وزارت کا اختیار ہے اور اسی وجہ سے کچھ شروع ہونے سے پہلے ہی سب ختم ہوجاتا ہے۔

میرے دل و دماغ کے حاکم عمران خان مگر ایک بات میں میں آپ کو مایوس نہیں کرونگا جو کہ میں نے وزیر اعظم ہاؤس میں رہ کر سیکھی ہے اور مجھے اندازہ ہوا کہ کس طرح بار بار نواز شریف اور پی پی پی اقتدار میں آتے رہے اور وہ راز یہ ہے کہ ہر غلط فیصلے، مہنگائی، کرپشن اور خارجہ پالیسی کی ناکامی کا ذمہ دار پچھلی حکومت کو قرار دے دو اور عوام میں اپنے لاؤڈاسپیکرز کے ذریعے اتنا جھوٹ بولو اتنا جھوٹ بولو کہ عوام اُسے سچ مانے اور پچھلی حکومت کو بُرا بھلا کہتےرہیں۔

اس کا گُر مجھے آپ کے ذہین ترین ساتھی شاہ محمود نے سکھایا ورنہ میں نے تو وزیراعظم ہاؤس پہنچتے ہی فیصلہ کیا تھا کہ عوام کو صرف سچ بتائوں گا۔

میں عوام کو دلاسہ دیتا رہا کہ گھبرانا نہیں ہے اور ابھی میرے پاس کچھ اور ایسے پلانز ہیں کہ یہ قوم دوچار سال میری ہر بات پر آنکھ بند کرکے یقین کرے گی ابھی تو کشمیر پر بہت لمبی جنگ لڑنی ہے بس آپ دیکھتے رہیں کہ کیسے میں پوری قوم کو یکجا کرکے اس پر لیکر چلتا ہوں کیونکہ ہمارے لیے کشمیر ہی سب کچھ ہے۔

بس ایک خوف میرے اندر یہ ہے کہ کہیں ایک دن گھبراکر آپ میرے خلاف ہی کنٹینر لیکر مت نکل جائیے گا کیونکہ آپ کے کنٹینر کی طاقت کا مجھ سے زیادہ کسی کو نہیں پتا اور اُسی نے آج مجھے وزارتِ عظمیٰ تک پہنچایا ہے۔

میں آپ کو یقین دلاتا ہوں کہ اگر آپ کا اعتماد قائم رہا تو میں مہنگائی کے جِن پر قابو پالوں گا اور نہ پاسکا تو عوام کو اس کا عادی بنادوں گا کہ وہ شکایت نہ کرے۔ شکریہ

آپ کا خادم: وزیراعظم پاکستان

(میڈیا 92 نیوز آن لائن) کرتار پور راہداری پر بھارت سے آئے سکھ یاتریوں کی کلیئرنس کے عمل میں تیزی لانےکے لیے 80 امیگریشن کاؤنٹرز قائم کر دیئے گئے ہیں۔

گزشتہ ہفتے پاکستان اور بھارت کے درمیان کرتارپور راہداری کے معاہدے پر دستخط ہوئے تھے، جس کے تحت بھارت کے سکھ یاتری بغیر ویزے پاکستان میں موجود اپنے چند مقدس مقامات کا دورہ کر سکیں گے۔

کرتارپور راہداری معاہدے کے مطابق روزانہ 5 ہزار سکھ یاتری اس راہداری کا استعمال کرتے ہوئے گوردوارہ دربار صاحب کا دورہ کرسکیں گےجہاں گرو نانک نے اپنی زندگی کے آخری 18 سال گزارے تھے۔

میڈیا رپورٹس کے مطابق وزارت داخلہ کی جانب سے بھارت سے آئے یاتریوں کی سہولت کے لیے تین داخلی راستے بنائے گئے ہیں۔ فیڈرل انویسٹی گیشن ایجنسی (ایف آئی اے) یاتریوں کی کلیئرنس لسٹ اُن کی آمد سے 10 روز قبل بھارتی حکام کو بھیجے گی ۔ میڈیارپورٹس کے مطابق پاکستان رینجرز کےزیر نگرانی خصوصی بسوں میں یاتریوں کو گوردوارہ دربار صاحب لے جایا جائے گا جبکہ گوردوارے میں داخل ہونے سے قبل اُن کے پاسپورٹ اسکین کیے جائیں گے۔

پاکستان اور بھارت دونوں ممالک سے آئے یاتریوں کو گوردوارہ دربار صاحب میں داخلےسے قبل بائیو میٹرک اسکریننگ کروانی ہوگی۔ اس کے علاوہ زیارت کے لیے آئے یاتری واپسی کے لیے اُسی گیٹ کا استعمال کریں گےجہاں سے وہ تصدیق کے بعد اندر آئے تھے۔

رپورٹ کے مطابق وزارت داخلہ نے راہداری پر کارروائیوں میں آسانی پیدا کرنے کے لیے 169 انسپکٹر اور سب انسپکٹر ، کانسٹیبل اور خواتین کانسٹیبل کے علاوہ دو اسسٹنٹ ڈائریکٹر اور ایک ڈپٹی ڈائریکٹر مقرر کیا ہے۔ کرتارپور راہداری پر زیارت کے لیے آئے یاتریوں سے 20 ڈالر سروس چارجز لیے جائیں گے۔

یہ بھی پڑھیے: کرتار پور: سکھ یاتریوں کیلئے ہدایت نامہ جاری پاکستان امیگریشن حکام ہر بھارتی یاتری کو ایک ’بار کوڈ‘ والا کارڈ جاری کریں گے، بھارتی یاتریوں کی آمد صبح 8سے دن 12بجے تک ہوگی اور غروب آفتاب تک سب یاتریوں کو واپس جانا ہوگا۔

وزیر اعظم عمران خان 9نومبر کو کرتارپور راہداری کا افتتاح کریں گےجبکہ بابا گرو نانک کے 550 ویں جنم دن کی تقریبات کا آغاز 12 نومبر سے کیا جائے گا۔

اسلام آباد(ایمرا نیوزآن لائن) وزیر اعظم عمران خان نے اقتصادی ٹیم کا اہم اجلاس آج طلب کر لیا۔ذرائع کے مطابق اقتصادی ٹیم کے اجلاس میں آئی ایم ایف سے معاہدے اور ایمنسٹی اسکیم پر غور کیا جائے گا۔اجلاس میں وزارتِ خزانہ کی جانب سے وزیر اعظم عمران خان کو مالیاتی امور پر بریفنگ دی جائے گی، جس میں کابینہ اور پی ٹی آئی کے ارکان قومی اسمبلی شریک ہوں گے۔مشیرِ خزانہ عبدالحفیظ شیخ سمیت حکومتی اقتصادی ٹیم کے ارکان بھی بریفنگ میں شرکت کریں گے۔

لاہور(ایمرا نیوزآن لائن) وزیراعظم عمران خان نے آئی ایم ایف اور وزارت خزانہ کے درمیان ہونے والے اسٹاف لیول معاہدے کے مسودے کو مسترد کردیا ہے۔ذرائع کے مطابق وزیراعظم نے ہدایت کی ہے کہ ٹیکس استثنیٰ سے متعلق آئی ایم ایف سے مزید رعایت لی جائے جبکہ ٹیکس وصولی ہدف کم کرنے کے لیے بھی آئی ایم ایف کو راضی کرنے کی ہدایت کی گئی۔وزیراعظم افراط زر کے معاملے پر آئی ایم ایف کی شرائط میں نرمی چاہتے ہیں۔ذرائع وزارت خزانہ کے مطابق وزارت خزانہ اور آئی ایم ایف اسٹاف لیول معاہدے مکمل کرچکے تھے۔وزارت خزانہ کے ذرائع کا مزید کہنا ہے کہ مذاکرات میں پیش رفت ہوئی ہے تاہم بات چیف آئندہ دو روز تک جاری رہے گی۔