Tag pm imran khan

اسلام آباد(ایمرا نیوز آن لائن ) پاکستان کی کم عمر ایتھلیٹ عائشہ ایاز کو وزیراعظم عمران خان نے ملاقات کے لیے بلا لیا،کم عمر ترین کھلاڑی کا اعزاز حاصل کرنے والی عائشہ ایاز نے ورلڈ تھائی کوانڈون کے تین مقابلوں میں کانسی کا تغمہ جیتنے کے بعد اپنی جیت وزیراعظم عمران خان کے نام کر دی تھی۔ تفصیلا ت کے مطابق وزیراعظم کے معاون خصوصی افتخار درانی نے کہا ہے کہ عائشہ ایاز کو وزیراعظم عمران خان سے ملاقات کی باقاعدہ دعوت دی جا رہی ہے8 سالہ عائشہ ایاز کی جلد وزیراعظم عمران خان سے ملاقات کروائی جائے گی۔واضح رہے سوات کی 8 سالہ عائشہ ایاز نے دوبئی میں ورلڈ تھائی کوانڈون کے تین مقابلوں میں کانسی کا تغمہ جیتا تھا۔اس کامیابی کے ساتھ عائشہ کو ملک بھر میں کم عمر ترین کھلاڑی کا اعزاز بھی حاصل ہوا،عائشہ سوات کی رہائشی ہے عائشہ ایا ز نے اپنی کا میا بی وزیر اعظم عمر ان خان کے نا م کی تھی ۔ وزیراعظم عمران خان ہمیشہ پاکستان میں ٹیلنٹ کی قدر کرتے ہیںوہ مخلتف شعبوں میں کارگردگی دکھانے والے نوجوانوں کی حوصلہ افزائی بھی کرتے ہیںوزیراعظم عمران خان نے دو روز قبل کیلی گرافر مس سونیا سے بھی ملاقات کی تھی جنھوں نے قومی ترانے کے الفاظ میں بنی وزیراعظم خان کی تصویر بنائی تھی عمران خان کیلی گرافر مس سونیا کے فن سے متاثر ہو گئے تھے۔

لاہور، نارووال (ایمرا نیوزآن لائن) مسلم لیگ ن کے رہنمائوں نے وزیر اعظم عمران خان کی عالمی مالیاتی ادارے (آئی ایم ایف)کی منیجنگ ڈائریکٹرکرسٹین لوگارڈ سے ملاقات پر ردعمل ظاہر کرتے ہوئے کہا ہے کہ کوئی وزیر اعظم IMFسے نہیں ملتا، قوم مہنگائی کے ایک نئے طوفان کیلئے تیار رہے، درحقیقت حکومت آئی ایم ایف کی شرائط کا بوجھ عوام پر ڈالنے کا خفیہ وعدہ کر چکی ہے ، وزیر اعظم کی ملاقات صرف ڈرامہ ہے۔ موضع جسٹر میں صحافیوں سے سابق وفاقی وزیر داخلہ و مسلم لیگ ن کے سینئر رہنماء احسن اقبال نے کہا ہے کہ وزیر اعظم عالمی گداگر بن کر پوری دنیا سے بھیک مانگ رہے ہیں ۔انہوںنے کہا کہ گزشتہ 6ماہ میں معیشت کو زبوں حالی کی طرف دھکیلا گیا، وہ عمران خان جو کہتا تھا کہ خودکشی کر لوں گا مگر کسی سے پیسہ نہیں مانگوں گا ،کیا عمران خان اپنی وہ قسم بھول گئے ؟ سینئر رہنما مسلم لیگ ن خواجہ محمد آصف نے کہا ہے کہ عمران خان نے آئی ایم ایف کے پاس جانے پر خود کشی کرنے کا اعلان کیا تھالیکن پہلی دفعہ کوئی
وزیراعظم خود آئی ایم ایف سے بھیک مانگنے گیا، 6 ماہ میں یہ عوام کو کوئی سہولت فراہم نہیں کرسکے،6 ماہ کے دوران 1400 ارب کے نوٹ چھاپے گئے، حکمرانوں کی پالیسیوں کی وجہ سے خدشہ ہے کہ ہمارے دیرینہ دوست ممالک ناراض نہ ہوجائیں۔ ترجمان مسلم لیگ (ن) مریم اورنگزیب نے کہا ہے کہ حکومت آئی ایم ایف سے پیکج لینے سے پہلے ہی مہنگائی بم گراچکی ہے ، قوم حکومتی نااہلی کی وجہ سے مہنگائی کے ایک اورطوفان کا سامنا کرنے کی تیاری کرے۔انہوںنے کہا کہ جب حکومت پہلے ہی آئی ایم ایف کی شرائط پوری کرچکی ہے تو پھر آج ملاقات کا ڈرامہ کیوں کیا جارہا ہے۔ پہلی حکومت ہے جس نے چور دروازے سے آئی ایم ایف کی شرائط پر پیشگی عمل کیا، بقول وزیر خزانہ حکومت نے آئی ایم ایف جانے سے پہلے ہی شرائط مان لی ہیں۔مریم اورنگزیب نے کہاکہ حکومت آئی ایم ایف سے پیکج لینے سے پہلے ہی مہنگائی کا بم گراچکی ہے، روپے کی قدر میں 35 فیصد سے زائد کمی، بجلی، گیس کی قیمتوں میں ریکارڈ اضافہ کیا جاچکا ہے، آئی ایم ایف کے پیکج سے پہلے ہی حکومت ہر سبسڈی بشمول حج ختم کرچکی ہے، قوم کو مزید مہنگائی کی کون سی چکی میں پیسنے کی تیاری کی جارہی ہے۔ترجمان مسلم لیگ (ن)نے کہا کہ وزیراعظم کی آئی ایم ایف سے پاکستان میں ملاقات کیوں نہیں ہو سکتی، قوم کو بتایا جائے کہ اب کون سی مزید شرائط طے کی جارہی ہیں، پارلیمان اور قوم سے سچ کے وعدے کرنے والے تمام کام خفیہ کررہے ہیں، قوم حکومت کی نااہلی کی وجہ سے مہنگائی کے ایک اورطوفان کی تیاری کرے

اسلام آباد(ایمرا نیوزآن لائن) آپ نے کچھ دن پہلے ایک ویڈیو سوشل میڈیا پر دیکھی ہوگی جس میں ایک پولیو رضاکار بچوں کو پولیو کے drops پلانے کے لیے شدید سردی اور برفباری میں بھی اپنے کام کو جاری رکھا ہوا تھا، اب اس پولیو رضاکار کو اپنی محنت کا صیلاح مل ہی گیا. وزیر اعظم عمران خان نے پولیو ورکر عرفان سے ملاقات بھی کی ہے۔اس کے کام کی بہت تعریف بھی کی اور اس کو خراج تحسین بھی پیش کیا.
https://emra.tv/2019/01/31/میرپورخاص-لڑکے-ک…سے-بدلنے-کا-معام/
وزیر اعظم عمران خان نے اپنے ایک ٹویٹ میں لکھا کہ عرفان ان 2 لاکھ 60 ہزار ہیروز میں شامل ہیں جو سخت سردی کے باوجود بچوں کو پولیو سے بچاؤ کی ویکسی نیشن کرا رہے ہیں۔وزیر اعظم عمران خان نے اپنے ٹوئٹر اکاؤنٹ پر ایک تصویر شیئر کی جس میں ایک طرف وہ پولیو رضاکار عرفان سے ملاقات کررہے ہیں اور دوسری پولیو ورکر عرفان کی وہ تصویر لگی ہوئی ہے جس میں وہ سخت سردی کے باوجود بچوں کو پولیو سے بچاؤ کی ویکسی نیشن کے لیے جارہا ہے.

لاہور(ایمرا نیوزآن لائن) سوشل میڈیا پر گزشتہ رات سے وزیراعظم عمران خان پر قطر میں کسی کی طرف سے جوتا مارے جانے کی خبر سوشل میڈیا پر وائرل ہونے کے باعث ایک نیا ہنگامہ برپا ہے، دونوں جماعتوں کے کارکن ایک دوسرے کو مورد الزام ٹھہرا رہے ہیں. اس خبر کے آتے ہی سوشل میڈیا پر ایک اور نیا طوفان برپا ہوگیا تھا. پی ٹی آئی کے لوگ اس خبر کو جھوٹا قرار دے رہے تھے، اور وہیں ن لیگ کے کارکن اس خبر پر جشن منا رہے تھے. کیونکہ کچھ عرصے پہلے ایک تقریب میں ایک شخص نے نواز شریف پر جوتا مارا تھا لیکن بعد میں اس شخص کو گرفتار کرلیا گیا تھا لیکن اس خبر پر بھی سوشل میڈیا پر خوب تحلکہ مچا تھا. اس خبر پر پی ٹی آئی کے کارکنوں نے نواز شریف اور ن لیگ کا بہت مزاق اُڑایا تھا، جس پر ن لیگ کے کارکنوں نے بھی پی ٹی آئی کے کارکنوں کے ساتھ خوب جملے بازی کی تھی،اور اب بھی سوشل میڈیا پر بھی پی ٹی آئی اور ن لیگ کے کارکنوں میں خوب بحث جاری ہے اور پی ٹی آئی اس خبر کو جھوٹا قرار دے رہے ہیں اور وہیں ن لیگ والے اس خبر پر پی ٹی آئی اور عمران خان کا بہت مزاق بنا رہے ہیں. جہاں تک پی ٹی آئی رہنمائوں کی بات ہے تو وہ اس خبر کو بے بنیاد اور جھوٹی خبر قرار دے رہے ہیں.

لاہور(شوبز ڈیسک/ایمرا نیوز) اداکارہ میرا نے اپنے ایک انگلش ویڈیو بیان میں وزیر اعظم عمران خان کو ملک و قوم کا ایک عظیم لیڈر قرار دے دیا۔میرا نے اپنے انگریزی ویڈیو بیان میں کہا کہ وزیر اعظم عمران خان نے اپنے کام سے ثابت کر دیا ہے کہ وہ ایک عظیم لیڈر ہیں اور پاکستان کو ایسے لیڈر کی بہت ضرورت ہے۔ویڈیو میں میرا نے شوکت خانم اسپتال کے لئے عوام کو بھرپور چندہ دینے کی بھی اپیل کی ہے۔

اسلام آباد(نیٹ نیوز/ایمرا نیوز) وزیراعظم عمران خان نے کہا ہے کہ جس بڑے ڈاکو سے پیسہ پکڑیں گے ،وہ تعلیم پر خرچ کریں گے، تمام یونیورسٹیوں کو معیاری بنانا ہماری اولین ترجیح ہے،یقین دلاتا ہوں کہ ہائیر ایجوکیشن کو بھرپور تعاون فراہم کیا جائے گا۔وزیراعظم عمران خان نے اسلام آباد نیشنل یونی ورسٹی کے انعقاد کی افتتاحی کانفرنس سے خطاب کرتے ہوئے کہا کہ عوام کو باشعور بنا رہے ہیں ،وزیر اعظم ہاؤس کو یونیورسٹی کا درجہ دینے کا مقصد حکمراں اور عوام کا فاصلہ کم کرنا ہے ۔انہوں نے کہا کہ مجھ میں تبدیلی برطانیہ جانے اور وہاں کے لوگوں کا طرز زندگی دیکھنے کے بعد آئی، ٹین ڈاوننگ اسٹریٹ میں سادہ سے عمارت میں ٹونی بلیئر کا گھر تھا جبکہ ہمارے حکمران عالیشان محل میں رہتے ہیں،متعدد اسلامی ممالک کا مجموعی جی ڈی پی سے برطانیہ کا جی ڈی پی زیادہ ہے ۔

اسلام آباد: (نیٹ نیوز/ایمرا نیوز) وزیراعظم عمران خان کا کہنا ہے کہ پاکستان نے ابوظہبی میں طالبان اور امریکہ کے درمیان ہونے والے مذاکرات میں معاونت کی ہے۔اپنے ٹوئٹر پیغام میں وزیراعظم نے کہا قیام امن کیلئے پاکستان سے جو بھی ہوسکا وہ کریں گے، ہم دعا کرتے ہیں کہ امن لوٹ آئے اور افغان عوام کی آزمائش ختم ہو۔ انہوں نے کہا پاکستان کی کوششوں کے نتیجے میں افغان طالبان اور امریکا کے درمیان مذاکرات کا دوسرا دور متحدہ عرب امارات میں ہوا، فریقین کے درمیان 17 سال سے جاری افغان جنگ کے خاتمے کے لیے طریقہ کار پر تبادلہ خیال کیا گیا۔

اسلام آباد(سپورٹس ڈیسک/ایمرا نیوز) وزیر اعظم عمران خان نے پاکستان کے مایہ ناز لیگ اسپنر یاسر شاہ کی کامیابی پر انہیں مبارک باد دیتے ہوئے کہا کہ ’82 سالہ ریکارڈ توڑنے پر یاسر شاہ کو مبارک باد۔‘سماجی رابطے کی ویب سائٹ ٹوئٹر پر وزیر اعظم عمران خان نے صرف 33 ٹیسٹ میچوں میں وکٹوں کی تیز ترین ڈبل سنچری مکمل کرنے والے لیگ اسپنر یاسر شاہ کو مبارک باد دیتے ہوئےکہا کہ وہ یاسر شاہ کو تیز ترین ٹیسٹ وکٹوں کا 82 سالہ ریکارڈ توڑنے پر مبارک باد دیتے ہیں،اس سے قبل یہ ریکارڈ آسٹریلین کرکٹر کے نام تھا۔ ‘عمران خان کے لکھا کہ ’یاسر شاہ ٹیسٹ کرکٹ میں 200 وکٹیں مکمل کرنے والے تیز ترین بائولر بن گئے ہیں، جنہوں نے صرف 33 میچز میں یہ ریکارڈ توڑا۔ وزیر اعظم نے مزید لکھا کہ گزشتہ ہفتے یاسر شاہ نے ٹیسٹ میچ میں 14 وکٹیں حاصل کیں تھیں جو کہ اُن کا ریکارڈ تھا۔ انہوں نے شاندار کارکردگی کا مظاہرہ کیا۔ ‘واضح رہے نیوزی لینڈ کے خلاف ابوظبی ٹیسٹ کے چوتھےروز یاسر شاہ نے اپنی دوسری وکٹ حاصل کرکے ٹیسٹ کرکٹ میں اپنی 200 وکٹیں مکمل کیں، اس طرح انہوں نے آسٹریلوی لیگ اسپنر کلیری گرمٹ کا 1936 میں 36 ٹیسٹ میچز میں بنایا گیا 200 وکٹیں حاصل کرنے کا ریکارڈ توڑ دیا۔

اسلام آبا:(نیٹ نیوز/ایمرا نیوز) وزیراعظم عمران خان نے کہا ہے کہ پاکستان آج ثالثی کے لیے مرکزی کردار ادا کررہا ہے اور افغانستان کے مسئلے پر امریکا نے تحریک انصاف کا مؤقف تسلیم کیا ہے۔وفاقی کابینہ کے اجلاس سے خطاب کرتے ہوئے وزیراعظم عمران خان نے کہا کہ امریکی نمائندہ خصوصی زلمے خلیل زاد سے ملاقات ہوئی جس میں افغان امن عمل پر بات ہوئی، خوشی ہے کہ 15 سال سے ہم جو کہہ رہے ہیں کہ افغان مسئلے کا حل فوجی نہیں اب امریکا بھی تسلیم کرتا ہے، امریکا نے تحریک انصاف کا مؤقف تسلیم کیا۔
کسی اور کی جنگ کے حصے دار بننے کی بجائے ہمارا اصل کردار ثالثی کرانا ہے:
وزیراعظم انہوں نے کہا کہ امریکا افغانستان میں امن اور افغان طالبان سے بات چیت کے لیے ہماری مدد چاہتا ہے، پاکستان آج ثالثی کے لیے مرکزی کردار ادا کررہا ہے، میں ہمیشہ سمجھتا تھا کہ بجائے ڈومور کے ہمارا کردار ثالثی کا ہونا چاہیے تھا کہ ہم افغانستان میں امن کے لیے کردار ادا کریں لیکن ہمیں ایسے ٹریٹ کیا گیا کہ کسی اور کی جنگ لڑنے کے لیے امداد دی جارہی ہے۔وزیراعظم کا کہنا تھاکہ کسی اور کی جنگ کے حصے دار بننے کی بجائے ہمارا اصل کردار ثالثی کرانا ہے، ہم نے یمن میں امن عمل آگے بڑھانے کی بات کی، ایران اور سعودی عرب سے بھی اس حوالے سے بات کی، ایرانی وزیر خارجہ نے ہمیں یمن جنگ ختم کرنے میں کردار ادا کرنے کا کہا۔
کرتارپور راہداری کو بھارت نے سیاسی فائدے کا رنگ دیا: عمران خان
عمران خان نے کہاکہ کرتارپور راہداری کو بھارت نے بدقسمتی سے سیاسی فائدے کا رنگ دیا، اس معاملے پر حکومت نے پورا زور لگایا، یہ ہمارا فرض ہے، اگر پاکستان میں کسی کے مذہبی مقامات ہیں تو ہمیں ان کی مدد کرنا چاہیے، ہم کوئی نئی چیز نہیں کررہے یہ ہمارے منشور کا حصہ ہے۔وزیراعظم کا کہنا تھا کہ کرتارپور معاملے پر سکھ برادری سے جو رد عمل ملا اس پر خوشی ہے، جس طرح ہمارے لیے مدینہ ہے ان کے لیے کرتارپور ہے، امید رکھتے ہیں بھارت بھی رد عمل دے گا۔
وزیراعظم کا معاشی ٹیم پر بھرپور اعتماد کا اظہار اور خراج تحسین
انہوں نے معاشی صورتحال پر بات کرتے ہوئے کہا کہ مشکل حالات میں معاشی ٹیم نے پرفارم کیا جس کا انہیں اسپیشل کریڈٹ دینا چاہتا ہوں، وزارتِ تجارت، خزانہ اور منصوبہ بندی نے برے حالات میں اپنا کردار ادا کیا۔وزیراعظم کا کہنا تھا کہ مخالفین برے حالات کی پیشگوئی کرتے ہیں، اگر برے حالات ہیں تو سرمایہ کاری کیسے آتی؟ آج سوزکی، کوک، پیپسی اور ایگزون نے ملین ڈالرز کی سرمایہ کاری کا فیصلہ کیا ہے، فونٹین والے ٹیکنالوجی ٹرانسفر کے لیے اسکول کھولیں گے اور ہمارے لوگوں کو تربیت دیں گے، ان تمام چیزوں کا کریڈٹ ہماری معاشی ٹیم کو جاتا ہے، مشکل حالات میں انہوں نے ایسا ماحول بنایا کہ لوگ سرمایہ کاری کرنے آرہے ہیں، سرمایہ کاری سے ہی ملک اوپر جاتاہے۔

اسلام آباد:(نیٹ نیوز/ایمرا نیوز) وزیراعظم عمران خان سے امریکی نمائندہ خصوصی برائے پاکستان و افغانستان زلمے خلیل زاد نے ملاقات کی۔امریکی نمائندہ خصوصی نے وزیراعظم عمران خان کو امریکی صدر ڈونلڈ ٹرمپ کی نیک خواہشات کا پیغام پہنچایا۔زلمے خلیل زاد نے کہا کہ امریکی قیادت افغان مسئلے کے پرامن حل کے لیے پاکستان سے باہمی تعاون بڑھانا چاہتی ہے۔اس موقع پر وزیراعظم کا کہنا تھا کہ پاکستان افغانستان میں امن اور مصالحت کیلئے سیاسی حل کا حامی ہے۔واضح رہےکہ امریکی نمائندہ خصوصی زلمے خلیل زاد پاکستان سمیت 8 ممالک کے دورے پر ہیں جس کے دوران وہ افغانستان، روس، ازبکستان، ترکمانستان، بیلجیم، متحدہ عرب امارات اور قطر بھی جائیں گے۔وہ گزشتہ روز پاکستان پہنچے جہاں ان کی وزیر خارجہ سمیت دیگر حکام سے ملاقاتیں ہوئیں جس میں انہوں نے پاکستان سے افغانستان میں امن کے لیے تعاون کی اپیل کی۔یاد رہےکہ وزیراعظم عمران خان کو امریکی صدر ڈونلڈ ٹرمپ نے بھی خط لکھا ہے جس میں افغان طالبان کو مذاکرات کی میز پر لانے کے لیے تعاون کا کہا گیا ہے۔