Tag sports

نئے کھلاڑیوں کے ورلڈ کپ پلان میں شامل ہونیکا انحصار آسٹریلیا کی سیریز پر ہوگا:سابق کپتان
لاہور (ایمرا نیوز آن لائن)پاکستان کرکٹ ٹیم کی انتظامیہ نے مئی میں شیڈول ورلڈ کپ سے قبل سینئرکھلاڑیوں کو آرام دے کر کچھ نئے کھلاڑیوں کو آزمانا دینے کا فیصلہ کیا ہے جس سے ورلڈ کپ کے لیے ٹیم کو حتمی شکل دی جا سکے گی ،ان میچز میں اگر کوئی نیا کھلاڑی بہترین پرفارمنس دکھانے میں کامیاب رہا تو اسے ورلڈ کپ کا ٹکٹ مل سکتا ہے۔ایک انٹرویو میں کپتان سرفراز احمد کا کہنا ہے کہ جو لڑکے ہمارے ورلڈ کپ پلان میں ہیں انہیں آئندہ ماہ آسٹریلیا کے ہوم سیریز میں کچھ نئے لڑکوں کے ساتھ موقع دیا جائے گا اور بعض سینئرز کو آرام دیا جاسکتا ہے۔ورلڈ کپ سے قبل انگلینڈ کی سیریز میں جس ٹیم کا انتخاب ہوگا وہی ٹیم ورلڈ کپ کھیلے گی، ورلڈ کپ کے 16 کھلاڑی ہی انگلینڈ کے خلاف پانچ ون ڈے میچوں میں شرکت کریں گے۔ہوسکتا ہے کہ کچھ نئے کھلاڑی ورلڈ کپ پلان میں شامل ہو جائیں لیکن اس بات کا انحصار آسٹریلیا کی سیریز میں ٹیم کی کارکردگی پر ہوگا۔سرفراز احمد کا کہنا تھا کہ ورلڈکپ کی کپتانی ملنے سے پہلے مطمئن تھا کیوں کہ کرکٹ بورڈ کے چیئرمین احسان مانی مجھے بتا چکے تھے کہ آپ ہی کپتان بنیں گے اور یہ اعزاز ملنے کے بعد مجھ پر ذمہ داری بڑھ گئی ہے۔اپنی کارکردگی کے حوالے سے سرفراز احمد نے کہا کہ وہ کوشش کریں گے کہ ورلڈ کپ میں پانچویں یا چھٹے نمبر پر آئیں،میگا ایونٹ میں اپنی کارکردگی کے ذریعے فرنٹ سے لیڈ کرنا چاہتا ہوں۔

دنیش چندیمل جنوبی افریقہ کیخلاف ٹیسٹ سیریز نہیں کھیلیں گے ، ڈومیسٹک کرکٹ کھیلنے کی ہدایت، ٹور کیلیے ٹیم کی قیادت اب اوپننگ بیٹسمین ڈیموتھ کرونا رتنے کے حوالے
کینبرا (ایمرا نیوز آن لائن) سری لنکا نے ناقص فارم پر اپنے کپتان کو ہی ڈراپ کردیا تاہم دنیش چندیمل جنوبی افریقہ کے خلاف ٹیسٹ سیریز نہیں کھیلیں گے۔سری لنکن ٹیم کی تمام فارمیٹس اور خاص طور پر ٹیسٹ کرکٹ میں پرفارمنس گذشتہ کچھ عرصے سے انتہائی مایوس کن ہے، ہوم گرانڈز پر انگلینڈ کے ہاتھوں 3 میچز کی سیریز میں وائٹ واش کے بعد آئی لینڈرز کو نیوزی لینڈ میں دو ٹیسٹ میچز کی سیریز میں 1-0 سے شکست کا منہ دیکھنا پڑا، جس کے بعد اتنے ہی ٹیسٹ میچز کی سیریز کیلیے آسٹریلیا پہنچے جہاں پر ٹیم کی کارکردگی مزید زوال کا شکار دکھائی دی۔فٹنس مسائل کی وجہ سے اہم پلیئرز کی خدمات سے محروم سری لنکا کو دونوں میچز میں بڑے مارجن سے ناکامی کا منہ دیکھنا پڑا، جس پر سری لنکن کرکٹ بورڈ نے ایکشن میں آتے ہوئے کپتان دنیش چندیمل کو ہی دورہ جنوبی افریقہ کیلیے ٹیم سے ڈراپ کردیا ہے۔آئی لینڈرز نے 13 فروری سے پروٹیز دیس میں دو ٹیسٹ میچز کی سیریز کھیلنا ہے۔ ایس ایل سی کے اعلامیہ میں بتایا گیا ہے کہ دنیش چندیمل کو ڈومیسٹک کرکٹ میں اپنی فارم بحال کرنے کی ہدایت کی گئی ہے۔جنوبی افریقہ کے ٹور کیلیے ٹیم کی قیادت اب اوپننگ بیٹسمین ڈیموتھ کرونا رتنے کو سونپ دی گئی ہے جبکہ باقی کھلاڑیوں میں نروشن ڈیکویلا، لاہیرو تھریمانے، کشول سلوا، کولش مینڈس، کوشل پریرا، ملندا سروردانا، دھنن جایا ڈی سلوا، اوشیڈا فرنانڈو، انجیلو پریرا، سورنگا لکمل، کاسن راجیتھا، وشوا فرنانڈو، چمیکا کرونارتنے، محمد شیراز، لکشن سنداکن اور لیستھ ایمبولڈینیا شامل ہیں۔

ایمنسٹی نے قطر میں کام کرنے والے مزدوروں کی حالت زار پر تشویش ظاہر کردی
صنعاء(ایمرا نیوز آن لائن) انسانی حقوق کی عالمی تنظیم ایمنسٹی انٹرنیشنل نے ایک بار پھر خبردار کیا ہے کہ قطر اپنے ان وعدوں کو پورا نہیں کر رہا ہے جو اس نے 2022 کے فٹبال ورلڈ کپ کی تیاریوں کے سلسلے میں اپنی سرزمین پر کام کرنے والے ہزاروں غیر ملکی ورکروں کے وسیع پیمانے پر استحصال پر روک لگانے کے حوالے سے کیے تھے۔غیرملکی خبررساں ادارے کے مطابق ایمنسٹی نے اپنی رپورٹ میں بتایا کہ اصلاح کی نمایاں کارروائی کے باوجود متعدد ورکروں کو ابھی تک سخت حالات کا سامنا ہے۔اگرچہ ایمنسٹی کی رپورٹ صرف ورلڈکپ 2022 کے انفرا اسٹرکچر میں براہ راست کام کرنے والے 30 ہزار ورکروں سے نہیں بلکہ قطر میں کام کرنے والے دس لاکھ غیر ملکی ورکروں کے متعلق ہے ، تاہم بین الاقوامی تنظیم کا کہنا تھا کہ فٹبال کے عالمی اتحاد (فیفا) پر اس خراب برتاو¿ کی ذمّے داری عائد ہوتی ہے۔ایمنسٹی نے قطر سے بھی مطالبہ کیا کہ وہ سماجی قوانین اور ان کے نفاذ کو مضبوط بنائے۔

لاہور(ایمرا نیوزآن لائن) پاکستان اور جنوبی افریقہ کے درمیان ٹی 20 سیریز کا آخری ٹی 20 آج کھیلا جائے گا، جنوبی افریقہ کو سیریز میں 0-2 کی فیصلہ کن برتری حاصل ہے، اب پاکستان ٹیم کو ٹیسٹ سیریز کے بعد ٹی 20 میں بھی کلین سوئپ ہونے کا خطرہ لاحق ہوگیا ہے. دورہ جنوبی افریقہ پاکستان ٹیم کے لیے کچھ اچھا ثابت نہیں ہوا، پہلے جنوبی افریقہ نے ٹیسٹ سیریز میں کلین سوئپ کیا اس کے بعد ون ڈے سیریز میں پاکستان کو 4-1 سے شکست دی، اور اب ٹی 20 سیریز بھی جنوبی افریقہ نے اپنے نام کرلی ہے، یاد رہے کہ پاکستان کرکٹ ٹیم کو 12 سیریز جیتنے کے بعد اس سیریز میں شکست ہوئی ہے اور پاکستان کرکٹ ٹیم اس وقت ٹی 20 کی نمبر ون ٹیم ہے.
https://emra.tv/2019/02/06/رانا-ثناء-الله-ف…واوڈا-پر-برس-پڑے/
دورہ جنوبی افریقہ میں پاکستان کرکٹ ٹیم کے کپتان سرفراز احمد کو بھی پابندی کا سامنا کرنا پڑگیا.پاکستان نے دونوں ٹی 20 میں اچھی بیٹنگ کا مظاہرہ کیا ہے لیکن پھر بھی پاکستان کرکٹ ٹیم سیریز نہیں جیت پائی، پاکستان کی طرف سے بابر اعظم نے شاندار بیٹنگ کی ہے اور سب ان کی بیٹنگ کی بہت تعریف کررہے ہیں.

لاہور:(ایمرا نیوزآن لائن) پاکستان کرکٹ بورڈ کے چیئرمین احسان مانی نے ان تمام افواہوں کو دفن کردیا کہ کپتان سرفراز احمد ٹیم کی مزید قیادت نہیں کریں گے، انہوں نے اعلان کیا کہ سرفراز احمد کپتان ہیں اور ورلڈ کپ تک وہ ٹیم کے کپتان رہیں گے۔پی سی بی ہیڈ کوارٹر میں قومی ٹیم کے کپتان سرفراز احمد کے ہمراہ پریس کانفرنس کرتے ہوئے احسان مانی نے کہا کہ اس میں کوئی شک نہیں کہ سرفراز احمد کپتان ہیں جو آسٹریلیا کے خلاف سیریز اور ورلڈ کپ میں بھی ٹیم کی قیادت کریں گے۔انہوں نے کہا کہ یہ افسوس کی بات ہے کہ ایک واقعے کے بعد قیاس آرائیاں کی گئیں کہ کپتان تبدیل ہورہا ہے۔چیئرمین پی سی بی نے کہا کہ سرفراز احمد کا ریکارڈ بہت اچھا ہے ، سارا بورڈ ان کے ساتھ ہے اور ان کی مکمل حمایت کرتے ہیں، پہلے دن سے کہہ رہا ہوں سرفراز کپتان ہیں اور رہیں گے۔احسان مانی نے کہا کہ ہر سیریز کے بعد ٹیم میں کپتان سمیت سب کی پرفارمنس دیکھتے ہیں، ورلڈ کپ کے بعد سرفراز کی کپتانی کا جائزہ لیں گے۔چیئرمین پی سی بی کا کہنا تھا کہ سرفراز کی کپتانی تینوں فارمیٹ میں اچھی ہے، ان کی قیادت سے پہلے پاکستان کی رینکنگ 9 تھی اب 5 ہے اور وہ وکٹ کیپنگ میں بھی دنیا کے ٹاپ کیپر ہیں۔احسان مانی کا کہنا تھا کہ ورلڈ کپ سے پہلے آسٹریلیا اور انگلینڈ سے سیریز ہیں، ہمیں ہار سے سبق سیکھنا چاہیے، نیوزی لینڈ سے ہمیں سیریز جیتنی چاہیے تھی تاہم کھیل میں ہار جیت ہوتی رہتی ہے۔اس موقع پر کپتان سرفراز نے کہا کہ اعتماد کرنے پر پی سی بی کا مشکور ہوں، ورلڈ کپ میں کپتانی کرنا کسی بھی کپتان کے لیے اعزاز کی بات ہے، پاکستان کے لیے اچھے سے اچھا کرنے کی کوشش کریں گے ۔انہوں نے کہا کہ جو غلطی کی اس کی سزا مل گئی اور سزا پوری بھی ہوگئی، اب آگے دیکھتے ہیں۔

لاہور(ایمرا نیوزآن لائن)دنیا کے عظیم فٹ بالر کرسٹیانو رونالڈو آج اپنی 34 ویں سالگرہ منارہے ہیں، کرسٹیانو رونالڈو 5 فروری 1985 کو پرتگال میں پیدا ہوئے، کرسٹیانو رونالڈو نے اپنی ابتدائی زندگی بہت غربت میں گزاری، ان کے گھر والے بہت غریب تھے کرسٹیانو رونالڈو کے والد ایک باورچی تھے.
https://emra.tv/2019/02/05/ننکانہ-صاحب-کشمی…ے-اظہار-یکجہتی-ک/
کرسٹیانو رونالڈو کو 7 سال کی عمر میں فٹ بال کا شوق ہوا، کرسٹیانو رونالڈو نے 2003 میں پرتگال کے اسپورٹنگ کلب سے پروفیشنل کیرئیر کا آغاز کیا اور دیکھتے ہی دیکھتے انہوں نے فٹ بال کی دنیا میں تحلکہ مچا دیا، بڑے بڑے فٹ بال کلب کرسٹیانو رونالڈو کے دیوانے ہوگئے اور کرسٹیانو رونالڈو کو اپنے کلب سے کھلانے کے لیے بڑ ے پیسے دینے لگے. کرسٹیانو رونالڈو نے کئی سال مانچسٹر یونائیٹڈ سے کھیلا اور کئی بڑے ریکارڈ اپنے نام کیے اور مانچسٹر یونائیٹڈ نے بھی کرسٹیانو رونالڈو کی قیادت میں بڑے اعزات حاصل کیے. 2009ء میں ریال میڈرڈ نے رونالڈو کو دنیا کے مہنگے ترین کھلاڑی کے طور پر اپنی ٹیم میں شامل کرلیا.کرسٹیانو رونالڈو کے ساتھ ریال میڈرڈ نے تین بار چیپئن ٹرافی جیتی. کرسٹیانو رونالڈو نے اپنے ملک پرتگال کو بھی بڑے میچز جیتائے، کرسٹیانو رونالڈو کی قیادت میں پرتگال نے 2016 کا یورو کپ اپنے نام کیا. آج کل رونالڈو juventus کلب کی طرف سے کھیل رہے ہیں.

لاہور(ایمرا نیوزآن لائن) پاکستان اور جنوبی افریقہ کے درمیان ٹی 20 سیریز کا آغاز آج سے ہوگا. پاکستان اور جنوبی افریقہ کے درمیان پہلا ٹی 20 آج کھیلا جائے گا، میچ پاکستانی وقت کے مطابق 9 بجے شروع ہوگا.پاکستان ٹیسٹ سیریز اور ون سیریز ہارنے کے بعد ٹی 20 سیریز جیتنے کے لیے پُرعزم ہے.
https://emra.tv/2019/02/01/لاہور-میں-جاپانی-کیلنڈرز-کی-بہار/
پاکستان کرکٹ ٹیم کے لیے جنوبی افریقہ کا دورہ کچھ اچھا نہیں رہا، پہلے پاکستان کو جنوبی افریقہ کے خلاف ٹیسٹ سیریز میں وائٹ وائش کا سامنا کرنا پڑا، پھر ون ڈے سیریز کا آغاز ہوا. پاکستان نے ون ڈے سیریز کا آغاز تو اچھا کیا اور پہلے میچ میں جنوبی افریقہ کو 5 وکٹوں سے شکست دی، لیکن دوسرے ون ڈے میچ پاکستان کرکٹ ٹیم کے کپتان سرفراز احمد کی طرف سے افیقن سیاہ فارم کو نسلی جملے بولنا مہنگا پڑگیا اور دوسرے ون ڈے میں جنوبی افریقہ نے پاکستان کو 5 وکٹوں سے شکست دے دی، اس میچ میں پاکستان کو شکست کے ساتھ ساتھ پاکستانی کرکٹ ٹیم کے کپتان سرفراز احمد پر آئی سی سی نے 4 میچوں کی پابندی لگا دی. پی سی بی نے سرفراز احمد کی جگہ شعیب ملک کو اگلے 4 میچوں کے لیے پاکستان کرکٹ ٹیم کا کپتان مقرر کیا. شعیب ملک کی قیادت میں پاکستان ٹیم نے اچھا آغاز کیا اور چوتھے ون ڈے میں جنوبی افریقہ کو 8 وکٹوں سے شکست دی.لیکن پانچویں اور فیصلہ کن ون ڈے میں پاکستان کی کارکردگی کافی مایوس کن رہی اور جنوبی افریقہ نے پاکستان کو باآسانی 7 وکٹوں سے شکست دے دی. اب دیکھنا ہے کہ ٹی 20 کی نمبر ون ٹیم پاکستان جنوبی افریقہ کے خلاف کیسا پرفارمنس کرتی ہے.

لاہور(ایمرا نیوزآن لائن) سرفراز احمد کو افریقن سیاہ فارم کو نسلی جملے بولنا مہنگا پڑگیا ہے، آئی سی سی نے ان پر چار میچوں کی پابندی عائد کردی ہے. پاکستان کرکٹ بورڈ نے اگلے چار میچوں کے لیے شعیب ملک کو پاکستان کرکٹ ٹیم کا کپتان مقرر کیا ہے اور ان کی کپتانی میں پاکستان نے جنوبی افریقہ کو چوتھے ون ڈے میں 8 وکٹوں سے شکست دی.اس جیت کو سرفراز احمد کی کپتانی کو مزید مشکل میں ڈال دیا ہے. یہ سوال بھی کھڑا ہورہا ہے کہ سرفراز احمد پابندی کے بعد پاکستان ٹیم کی نمائندگی کرسکیں گے یا نہیں؟ یہ خبریں بھی آرہی ہیں کہ کچھ سابق کرکٹرز یہ چاہتے ہیں کہ شعیب ملک کو کرکٹ ورلڈکپ کے لیے پاکستان کرکٹ ٹیم کا کپتان بنایا جائے، اور اس کے لیے انہوں نے ایک مہم بھی شروع کی رکھی ہے. اس بات کا بہت بڑا انحصار اس پر ہوگا کہ پاکستان کرکٹ ٹیم اگلے چار میچوں میں شعیب ملک کی قیادت میں کیسا پرفارمنس کرتی ہے.
ورلڈکپ کے لیے پاکستان کا کپتان کون ہوگا؟ اس بات کا فیصلہ تو پی سی بی چیئرمین احسان مانی نے ہی کرنے ہیں لیکن ہیڈ کوچ مکی آرتھر اور چیف سلیکٹر انضمام الحق چاہتے ہیں ودلڈکپ میں سرفراز احمد ہی پاکستان کرکٹ ٹیم کی نمائدگی کریں.ذرائع کے مطابق نئی سیریز کیلیے کپتان کا تقرر کرنے سے قبل مکی آرتھر، انضمام الحق ،بورڈ آف گورنرز اور پی سی بی کرکٹ کمیٹی سے مشاروت کی جائے گی۔لیکن شعیب ملک کی قیادت میں پاکستان کی چوتھے ون ڈے میں شاندار کارکردگی نے بہت سے پاکستانی اور انٹرنیشنل کرکٹرز کو بہت متاثر کیا ہے اور ان سب نے شعیب ملک کی کپتانی کی کافی تعریف بھی کی ہے.

لاہور(ایمرا نیوزآن لائن) جیسا کہ آپ جانتے ہیں کہ حال ہی میں پاکستانی مشہور کرکٹر شعیب ملک اور ان کی اہلیہ بھارتی ٹینس سٹار ثانیہ کے ہاں ایک ننھے مہمان کی آمد ہوئی ہے جس سے وہ بہت خوش ہیں، انہوں نے اپنے بیٹے کا نام اذہان مرزا ملک رکھا ہے اور سوشل میڈیا پر ان کے مداح اس امید میں بیٹھے ہوتے ہیں کہ اذہان کی کوئی تصویر نظر آئے اب کے مداحوں کی یہ خواہش پوری ہوگئی ہے اور شعیب ملک اور ثانیہ مرزا کے بیٹے کی ایک نئی تصویر سوشل میڈیا پر وائرل ہوگئی ہے.
https://emra.tv/2019/01/28/خیر-پور-میں-آئل-ٹینکر-اُلٹ-گیا/
تصویر میں ثانیہ مرزا اپنے بیٹے کے ساتھ بہت خوش نظر آرہی ہیں، انہوں نے تصویر کے ساتھ لکھا ہے کہ ان کے بیٹے اذہان کو بھی تصاویر بنانے کا شوق ہے. انہوں نے مزید لکھا ہے کہ وہ پاکستان اور جنوبی افریقہ کا ون ڈے میچ اپنے بیٹے کے ساتھ انجوائے کررہی ہیں.

لاہور(ایمرا نیوزآن لائن)پاکستان اور جنوبی افریقہ کے درمیان 5 ون ڈے انٹرنیشنل کی سیریز کا تیسرا ون ڈے آج سچورین میں کھیلا جائے گا . سیریز ایک ایک سے برابر ہے، پہلا ون ڈے میچ پاکستان نے جیتا تھا اور جنوبی افریقہ کو پانچ وکٹوں سے شکست دی تھی جبکہ دوسرے ون ڈے میں جنوبی افریقہ شاندار واپسی کی اور پاکستان کو 5 وکٹوں سے شکست دے دی. اس میچ میں پاکستانی بلے بازوں نے ایک بار پھر سب کو اپنی بیٹنگ سے مایوس کیا تھا اور اس کے ساتھ ہی پاکستانی کرکٹ ٹیم کے کپتان سرفراز احمد نے افریقن ساہ فارم کھلاڑی کو نسلی جملے بولے تھے جس کی وجہ سے انہیں کافی تنقید کا سامنا بھی کرنا پڑا تھا لیکن بعد میں سرفراز نے افریقن کھلاڑی سے معافی مانگ لی تھی. اب دیکھنا یہ ہے کہ تیسرا ون ڈے انٹرنیشنل کون سی ٹیم جیتی ہے؟